قولاي تىزىملىك
ئىگىسى: musilina

شەيتان يېتىلەپ ماڭغانلار

[ئۇلانما كۆچۈرۈش]

10

تېما

2

دوست

1778

جۇغلانما

تىرىشچان ئەزا

ئۆسۈش   77.8%

ئەزا ئۇچۇرى
تىزىم نۇمۇرى:  15618
يازما سانى: 141
نادىر تېمىسى: 0
مۇنبەر پۇلى: 29
تۆھپە : 536
توردىكى ۋاقتى: 152
سائەت
ئاخىرقى: 2014-9-27
يوللىغان ۋاقتى 2014-9-10 12:24:54 |ھەممە قەۋەتنى كۆرۈش
abida
داۋامى يوللاندى





قانداق قىلغاندا بۇ ئىختىلاپنى توغرا ھەل قىلغىلى بولىدۇ؟دېگەن مەسىلە ئۈستىدە تولا ئويلۇنۇپ،نېرۋام كاردىن چىقاي دەپ قالدى،شۇنداق قىلىپ  ئارىدىن بىر ھەپتىدەك ۋاقىت ئۆتتى، ئەكبەر يەنىلا شۇ ئالدىراشلىقى بىلەن يۈرەتتى. بىر كۈنى ئۇ قىزىمىزنى ئېلىپ‹‹ ئايلىنىپ كىرەي›› دەپ چىقىپ كېتىۋاتاتتى،خېلى كەچ بولغاندا كىردى،قىزىم ئىشىكتىن كىرىپلا :
       -ئاپا، دادام مېنى جىق كومپيوتۇر قويغان،نۇرغۇن ئادەملەر بار يەرگە ئەكىرىدى، كومپىيوتۇردىن چىرايلىق بىر ئاپاش چىقتى، دادام بىلەن ئۇ ئاپاش گەپ قىلىشىپ كەتتى،ئۇ ئاپاش دادامغا شۇنداق كۈلۈپ گەپ قىلىپ كەتتى، داداممۇ بەك خوش بوپ كەتتى،ئۇ ئاپاش كومپيوتۇردا دادامغا  جىق گۈللەرنى ئەۋەتتى،- دېمەسمۇ ئەرۋايىم بىر ئۇچتى، شۇ زامانلا پارتىلىدىم.
   -ھەي ،نومۇس قىلماي مۇشۇ كىچچىككىنە نارسىدە قىزىمىزنى شۇ يەرگە ئەكىرىپ، ئۆزەڭنىڭ نومۇسسىزلىقىڭنى سازايى قىلدىڭما؟خىجىل بولمىدىڭمۇ؟ مۇشۇ قىلغىنىڭ بالىغا قانداق تەسىر بېرىدۇ؟-دەپ سۆزلەپلا كەتتىم، ئاچچىقىمدا ئاغزىمدىن خېلى يامان سۆزلەرمۇ چىقتى، ئەكبەر دەسلەپتە قىزىرى-تاتىرىپ
    - نېمە بولدىڭىز؟ساراڭ بوپسىز، مەن شۇ قىزىمىزنى تورخانىغا ئەكىردىم، ئۇ يەردە تورداشلار بىلەن ئازىراق پاراڭلاشتىم، نومۇس قىلغۇدەك نېمە ئىش قىپتىمەن؟- دەپ ماڭا خېلى ھۈرپەيدى،ئۇنىڭ مېنىڭ ئالدىمدا  بۇنداق چوڭ سۆزلىشى ئوت ئۈستىگە چېچىلغان ماي بولۇپ تېخىمۇ ئوغامنى قايناتتى، مەن نەچچە ۋاقىتتىن بېرى ‹‹قانداق قىلسام بولا؟ كۆرسىتىپ ئۆزىنىڭ ئىقرارىنى ئاڭلاپ باقايمۇ؟بۇنىڭ ئۆز ئاغزىدىن ئاڭلىسام تېخىمۇ ئازابلىنىپ كېتەرمەنمۇ ؟›› دېگەن ئىككىلىنىش ئىچىدە قويۇپ قويغان ئىككىكسىنىڭ بىر بىرسىگە نومۇسسىز مۇھاببەتلىك سۆزلىرى بىلەن يېزىشقان ئۇچۇرلىرى ۋە ئۇرۇشقان تېلىفون خاتىرسىنى ياتاق ئۆيدىن ئەچىقىپ ئۇنىڭ كۆزىگە تىقتىم.
    -بۇ نېمە؟ دەپ سورىدى ئۇ.
    - نېمە بولاتتى ،بۇ ھېلىقى خوتەندىكى  ھاۋاگۈل دېگەن ئاشىقىڭ بىلەن يېزىشقان نومۇسسىز سۆيگۈ ئۇچۇرلىرىڭ بىلەن ئۇرۇشقان تېلىفونلىرىڭنىڭ  خاتىرسى، بۇنىڭغا يەنە نېمە دەيسەن؟- دېدىم، ئۇ دەسلەپتە يېقىن كەلتۈرمىدى، كېيىن يىغلاپ تۇرۇپ قولىدىكى تېلىفوننى ئالماقچى بولدۇم، ئۇ تېلىفوننى بەرمەي ئېپ قاچتى،ئەسەبىيلىكىم تۇتتى،كۆزۈمگە ھېچنىمە كۆرۈنمەي تېلىفوننى قولىدىن ئېلىۋېلىش ئۈچۈن قاتتىق تىركەشتىم، كېيىن مېنىڭ بۇ خىل بىشەم ئەلپازىمدىن  سەل ئەندىشە قىلدىمۇ قانداق ،تېلفوننى ماڭا بەردى،قولۇمدىكى تېلىفون خاتىرسى بىلەن تېلىفونىدىكى ئۇچۇرلار ئالدىدا ئۇ ئۆزىنىڭ قىلغانلىرىدىن تېنىۋالالمىدى.
   -  ئۇ ھاۋاگۈل دېگەن بىلەن قانداق تونۇشقان؟ ئۇ سېنىڭ ئاشناڭما؟ ئۇ نېمە دەپ ساڭا ئۇچۇر يېزىپ، تېلىفون قىلىپ يۈرىدۇ؟ ئۆيدىكى كومپيوتۇردا كۆرۈشسەم خوتۇنۇم كۆرۈپ قالارمىكىن دەپ ، تورخانىدا كېچىلەپ مۇھاببەتلەشكىنىڭنى قىزىمىزغا كۆرسۈتۈپ يۈرگىچە نومۇس قىلساڭ بولمامدۇ؟-ئاغزىمنى قويۇپلا ئەتكەن ئىدىم، ئۇ بىردە قىزىرىپ ،بىردە تاتىرىپ تۇراتتى.
    -ئۇنىڭ بىلەن قانداق تونۇشقان؟- دەپ قىستاپ سورۇدۇم.
   - ئۇ مېنىڭ ئالىي مەكتەپتە بىرگە ئوقۇغان ساۋاقدىشىم، ئۆتكەن قېتىملىق ساۋاقداشلار يىغىلىشىدا كۆرۈشكەندىن كېيىن تېلىفون نومۇرلىرىمىزنى قالدۇرۇشقان ئىدۇق،ساۋاقداشلار يىغىلىشى تۈگەپ  قايتىپ كەلگەندىن كېيىن ، ئۇ ماڭا تېلىفون قىپتۇ، كېيىن توردا كۆرۈشتۇق،-دېدى ئەكبەر.
   - ئۇ ساۋاقدىشىڭ   بولسا يېشى خېلى چوڭ ئايالكەنغۇ؟ ئېرى ،بالىلىرى يوقما ئايالنىڭ ؟- دەپ سورۇدۇم مەن.
   - ئېرى بار ،ئىككى بالىسى بار ، -دېدى ئەكبەر.
- توۋا، ئېرى ، ئىككى بالىسى بار ئايالمۇ باشقا ئەرلەرگە ‹‹ كۆيدۈم ،پىشتىم ›› دەپ ئۇچۇر يوللاپ يۈرەمدۇ؟ نېمانداق نومۇس قىلىشنى بىلمەيدىغان ئايال بۇ؟سەنمۇقانۇن ئۇنۋېرستېتىنى پۈتتۈرگەن، ئالىي مەلۇماتلىق بىر ئادەم تۇرۇپ ئايالىم، بالىلىرىم بار دېگەننى ئويلىماي،نومۇس قىلماي شۇنداق تېتىقسىز قىىلقلارنى قىلىپ يۈردۈڭما؟  ئەجەپ ساۋاقداشلار ئۇچرىشىشىدا كۆرۈشۈپلا بىر –بىرىڭگە كۆيۈشۈپ قېلىشىپسىنا؟  ئۇنىڭ بىلەن بۇرۇنلا مۇناسىۋىتىڭ  بولمىسا تۇرۇپلا ،بۇنداق ياخشى كۆرۈشۈپ قېلىش ئىشى بولمايدۇ،راستىنى ئېيتقىنا ،چوقۇم ئۇنىڭ بىلەن بۇرۇن مۇناسىۋىتىڭ بار ،شۇنداقمۇ ؟- دەپ سورۇدۇم مەن، شۇ تاپتا مەن بىر سوراقچىغا ئوخشاپ قالغان ئىدىم، ئەكبەر بولسا گۇناھ ئۆزىدە بولغاچقا يۇۋاشلىشىپ كەتكەن ئىدى.
  - ئىككىمىز بۇرۇن ئالىي مەكتەپتە ئوقۇۋاتقان ۋاقىتتا مۇھاببەتلەشكەن ئىدۇق،  ئوقۇش پۈتتتۈرگەندىن كېيىن ھەر ئىككىلىمىز ئۆزىمىزنىڭ يۇرتىغا كەتتۇق،- دېدى ئەكبەر.
   -ئۇ ئايال نېمە ئىش قىلىدۇ؟-دەپ سورۇدۇم .
   -سوتتا ئىشلەيدۇ،- دېدى ئەكبەر.
    -توۋا، سوتتا ئىشلەيدىغان، ئىككى بالىسى بار ئايالنىڭ قىلىپ يۈرگەن ئىشىنى قاراڭ،نومۇس قىلسىچۇ! ئالىي مەكتەپتە ئوقۇغان ۋاقىتتا مۇرادىڭغا يېتىشەلمەي قېلىشىپتىكەنسەن،ئوننەچچە يىل ئۆتۈپ بۈگۈنگە كەلگەندە قايتا تېپىشقاندا ،كونا خامانىلرىڭغا ئوت تۇتۇشۇپ كېتىشىپتۇ –ھە!ئۇنىڭ نەرى مېنىڭدىن ئارتۇق ؟ ئۇنىڭ‹‹ سېنى بەك سېغىتىميا،كەلمەمسەن تېزياك دەيتمىيا...!››دېگەن  خوتەنچە  گەپلىرى بەك تاتلىق تېتىپ كەتكەن ئوخشىمامدۇ؟ مەندىن ئاجرىشىپ ،خوتەنگە بېرىپ شۇ خوتۇن بىلەن توي قىلامسەن يا؟-دېدىم زەردە بىلەن.ئەكبەر گەپ قىلماي جىم تۇردى.
  - مەن گەپ قىلىۋاتىمەن، -دېدىم .
  - خاپا بولماڭ، تېلىفوندا كۆرۈشۈپ يۈرۈپ، ئۇچۇر قىلىشىپ مەكتەپتە ئوقۇغان ۋاقىتتىكى بىر –بىرىمىزنى قىزىقتۇرىدىغان ،شېرىن ،مۇھاببەتلىك گەپلەرنى قىلىشىپ ،  ئۆزىمىزنى تۇتالماي شەيتاننىڭ كەينىگە كىرىپ، ئەقىلمىزدىن ئېزىپ قاپتىمىز، خاپا بولماڭ، مېنى كەچۈرۈڭ،ئەمدى ھەرگىزمۇ تېلىفون قىلمايمەن، تېلىفون قىلسىمۇ ئالمايمەن،-دەپ تۇرىۋالدى ئەكبەر. ‹‹ خوتۇن كىشى دېگەن ئۆچكە يېغى ›› دەپ بىكار ئېيتماپتىكەن كونىلار،ئۇنىڭ ۋەدىلىرىگە ،تاتلىق ئالداشلىرىغا ئېرىپ كەتتىم،‹‹ بولدىلا، ئۇ خوتۇن بىلەن كۈندە كۆرۈشۈپ ،بىر يەرگە كېلىشىپ ناشايىن ئىشلارنى قىلىشىپ يۈرمىگەندىن كېيىن كەچۈرىۋېتەي ›› دەپ ئويلۇدۇم.
   بىر كۈنى بالىنى ئۇخلۇتۇپ قويۇپ ئۆينى تازىىلۋېتەي دەپ قارىسام ،ئۈستەل ئۈستىدە بىرمۇنچە ماتېرياللار تۇرىدۇ،يىغۇشتۇرىۋاتسام بىر پارچە خەت قولۇمغا چىقىپ قالدى،بىرەرسىنىڭ ئەرزى ئوخشايدۇ دەپ مۇنداقلا كۆز يۈگۈرتۈپ قارىدىم،بىراق بۇئەرز بولماستىن ئەكبەرنىڭ ھېلىقى دىلدارىغا يازغان خېتى ئىكەن،خەت مۇھاببەت ئىچىدىكى سېغىنىشلىق كۆڭۈل سوراشلار بىلەن باشلانغان بولۇپ‹‹ جېنىم ھاۋاگۈل،سېنى شۇنداق سېغىندىم، ھازىرقىدەك ئەقلىم بولغان بولسا  ئۆز ۋاقتىدا سەن بىلەن خوتەنگە كېتىپ ،توي قىلاتتىمكەن، سەن‹ ئاغرىپ قالدىم› دەپ ئۇچۇر قىپتىكەنسەن يۈرىكىمنى بىرسى پىچاق بىلەن تىلغاندەك ئېچىشىپ كەتتى، قانىتىم بولسا قېشىڭغا ئۇچۇپ باراتتىم، ئىككىمىزنىڭ ئىشىنى خوتۇن ئۇقۇپ قاپتۇ، مەن ئۇنىڭدىن كەچۈرۈم سورىغان بولۇپ بۇ ئىشنى بېسىقتۇرىۋەتتىم، ئىككى بالىنىڭ يۈزىنى دەپلا شۇنداق قىلدىم، بولمىسا ئۆزەڭ بىلىسەن، مەن ئۇنداق خوتۇنىدىن قورقۇپ كېتىدىغانلاردىن ئەمەس، ئۆزۈڭنى ئاسرا، سېنى مەڭگۈ سۆيىمەن......›› دېگەندەك مۇھاببەتلىك سۆزلەر بلەن تولغان ئىدى، بۇ خەتلەرنى ئوقۇپ ،بېشىم ئايلاندى، ئەكبەرنىڭ ماڭا يالغان  ۋەدە بېرىپ قويۇپ،دوپپامغا جىگدە سېلىپ ،يەنە ئۆزى بىلگەن سەنەمگە دەسسەپ يۈرگىنىدىن قاتتىق  ئاچچىقىم كەلدى.مۇشۇنداق ئۇچۇرلاشقان دەۋردىمۇ بۇ كونا ئاشىقىغا رومانتىك خەت يېزىپ يۈرىشلىرىدىن ،بۇ قىلغىنى قەستەن مېنى ‹‹ كۆرسۇن ›› دېگىنىمىدۇ ؟دەپمۇ ئويلۇدۇم.بۇ نومۇسسىز خوتۇنغىمۇ غەزىپىم قوزغالدى،ئۆزۈمنى قاتتىق خوېلانغاندەك ھېس قىلدىم، بۇ خەتنى ئېلىپ قويۇپ  ئەكبەر كەلگەندە ھېسابلاشماقچى بولدۇم.

ئەكبەر چۈشتە ئۆيگە كەلدى، مەن تاماقنى بېرىپ بولغاندىكىن ئۇنىڭ كۆزىگە قاراپ تۇرۇپ:
    -بىز ئەر –خوتۇن بولغىلى نەچچە يىل بولدى؟- دەپ سورۇدۇم، ئۇ ماڭا بىر قارىۋېتىپ:
      - مۇشۇمۇ سورايدىغان سوئالمۇ ئەمدى، 14 يىل بولدى،- دېدى.
     - ئەمدى ئىككىمىزنىڭ ئوتتۇرىسىدا مېھرى –مۇھاببەت قالمىدىما؟ دېدىم مەن.
     - نېمانداق ئوڭ –تەتۈر گەپ قىلىسىز؟-دېدى ئۇ.
     -سىز ماڭا‹‹ ئەمدى ئۇنىڭ بىلەن كۆرۈشمەيمەن ››دەپ ۋەدە بەرگەن ئىدىڭىز، مەنمۇ سىزگە ئىشەنگەن ئىدىم، نېمىشقا مېنى ئالداپ يۈرىيسىز؟-دېدىم ئۇنىڭ كۆزىگە تىكىلىپ .
    - سىزنى قانداق ئالداپتىمەن؟مەن ئۇنىڭ بىلەن كۆرۈشمىدىم،- دېدى ئۇ.
     - بۇ نېمە ؟ بۇخەتنى شۇ پاسكىنىغا يازماي ماڭا يازغانما ؟خەتتىكى ‹‹تېلىفون قىپتىكەنسەن›› دېگەن گەپتىكى تېلىفوننى باشقا بىرى قىلمىغاندۇ، شۇ ئەرسىرەپ كەتكەن رەسۋا قىلغاندۇ؟- دېدىم ،ئۇنىڭ قاراپ تۇرۇپ يالغان گەپ قىلغانلىقىغا ئاچچىقىم كەلگەن ئىدى، ئاغزىمنى بۇزۇپ يەنە ئاللىقانداق يامان گەپلەرنى قىلدىم.
    - نېمانداق بىشەملىشىسەن گەپ قىلمىسام، نېمە بىكاردىن –بىكار خەقنى سەت تىللايسەن؟-دېدى ئەكبەر.
     - تىتاڭ تومۇرۇڭغا تېگىپ كەتكەن ئوخشىمامدۇ،‹‹ ئۇينىڭ مۈڭگىزىگە ئۇرسا تۇۋىقى سىرقىراپتۇ ›› دەپ.رەسۋا بولمىسا يېنىدا ئېرى تۇرسا.شۇنچە يىراقتا تۇرغان  سېنى سېغىنىپ ئولتۇرامتى ئۇ ئەرسىرەپ كەتكەن، بولسا بېرىپ ئۇنى مۇرادىغا يەتكۈزۈپ قوي.....- يەنە نېمە –نېمىلەرنى دېدىم.ئەكبەرمۇ مەندىن قېلىشماي  بىرنەرسىلەرنى دېدى ،  ئىككىمىز راسا بىر پەدە كومىدىيەلىك ئويۇن قويدۇق.شۇ سۈركىلىشتىن كېيىن ئەكبەرگە بوپلا بەردى، ئۇ ئەمدى ماڭا چىرايمۇ ئاچمايتتى، تېلىفون كەلسىلا تازىلىق ئۆيىگە كىرىپ كېتەتتى، تورخانىغىمۇ بارماي ئۆيدىكى كومپيوتۇر ئالدىدىدىن قوپماي  ئولتۇرىدىغان ، مەن كىرسەممۇ ئانچە پەرۋا قىلىپ كەتمەيدىغان بولدى.ئىچىمنى مۈشۈك تاتلىغاندەك، يۈرۈكۈمنى قۇرۇت غاجىلغاندەك ئازابلىنىپى كېتىۋاتاتتىم،راستىنى ئېيتسام كۈندەشلىكىتىن ساراڭ بولاي دەپ قالغان ئىدىم،بەلكىم بۇ گېپىمنى ئاڭلىغانلار ‹‹ توردا كۆرۈشسە ،تېلىفوندا سۆزلەشسىمۇ كۈندەشلىك قىلامدۇ؟ ››دېيىشى مۈمكىن، لېكىن ئەكبەرنىڭ شۇ تاپتىكى ئەھۋالىنى كۆرگەن كىشى مېنىڭ قەدرىمگە يېتەتتى، ئۇھېلىقى تالىشىشتىن كېيىن بۇ شېرىن مۇھاببەت قوينىغا ئۆزىنى بېشىچىلا ئاتقان بولۇپ، مېنى كۆزگە ئىلماسلا بولغان ئىدى.ئۇنىڭ بۇ قىلىقلىرى مېنىڭ غورۇرۇمغا تېگىپ، ۋىجدانىمنى قاينىتاتتى، كۆزۈمچىلا ئۇ خوتۇن بىلەن تېلىفون بېرىشىپ،تاتىلق ئېيتىشىپ يۈرسە ،كۈندەشلىك قىلماي تۇرالايمەنما؟ئايال كىشى  ئۈچۈن كۈندەشلىك ئازابىدىن ئېغىر ئازاب بولمىسا كېرەك ،بۇنداق ئىش بېشىغا كېپ باقمىغانلار چۈشەنمەيدۇ، ئۆزىنىڭ بېشىغا كەلسە ئاندىن بىلىپ يېتىدۇ بۇ ئازابنى.
      ئىككىسىنىڭ ئارىلىقى يىراق بولغاچقا كۆرۈشۈشكە پۇرسەت يوق، شۇنداق قىلىشىدۇ، ئەگەر ئارىلىق يېقىن بولسا يەنە قانداق رەسۋاچىلىقلار چىقاتتىكىن تاڭ، مەن  بۇ خىل ئازابلىق كەيپىيات ئىچىدە تۈگىشىپ كېتەيلا دەپ قالدىم، بالىنىمۇ ئېمىتەلمەي قالدىم،ئورۇقلاپ،كۆزلىرىم ئولتۇرۇشۇپ نەچچە يىل كېسەل ئازابىنى تارتقان كىشىدەك چىرايىم سارغىيىپ كەتكەن ئىدى،تونۇش –بىلىشلىرىم، خۇلۇم –خوشنىلىرىممۇ ماڭا ھەيرانلىق بىلەن قارىشىپ‹‹ ۋۇي ئاسىيگۈل  ،نېمە بولدىڭىز؟ كۆزلىرىڭز ئولتۇرۇشۇپ، ئەجەب ئورۇقلاپ كېتىپسىز،ئاغرىپ قالدىڭزمۇ نېمە؟››دەپ سورىشاتتى، نومۇس ئۆز بىلەن بىللىكەن، مەن باشقىلارغا ‹‹ ئۇ بولدۇم، ئۇ بولدۇم›› دېسەم نېمە پايدىسى؟ ‹‹ ھېچنىمە بولمۇدۇم، بالا ئېمىۋاتقاچقا شۇنداق بولۇپ قالغان ئوخشايمەن›› دەپ قويدۇم،پۈتۈن ئادەمنىڭ مەسلىكى كېلىدىغان بەختلىك بىر جۈپ‹‹ قوشماقلار ››ساۋاقداشلار ئۇچرىشىدىن كېيىنكى ياشلىق دەۋرىدىكى مۇھاببەتنىڭ كونا خامىنغا ئوت كېتىشى تۈپەيلىدىن  ئېزىتقۇ شەيتان ئېرىم بىلەن ھاۋاخېنىمنىڭ  قولىدىن يېتىلەپ بىزنىڭ مانا مۇشۇنداق كۈنگە چۈشۈپ قېلىشىمىزغا سەۋەپچى بولغان ئىدى.
     بۇنداق يۈرىۋەرسەم تۈگىشىپ كېتىشىم مۈمكىن ئىدى، شۇڭا ئۇ ئايالغا تېلىفون قىلىپ ،ئۆزى بىلەن كۆرۈشۈپ باقماقچى بولدۇم،تېلىفون خاتىرسىدىن يېزىۋالغان نومۇرغا تېلىفون قىلدىم،تېلىفوننى ئالدى،‹‹ ۋەي ›› دېيىشىم ھامانلا قويىۋەتتى،ياندۇرۇپ قايتا –قايتا تېلىفون قىلسام ئالمىدى، ئەھۋالدىن قارىغاندا ئەكبەر تېلىفون نومۇرۇمنى دەپ بەرگەن بولسا كېرەك، دەسلەپتە ئۇقماي ئېلىپ سېلىپ، كېيىن ئالغىلى ئۇنىمىغان گەپ.ئاخىرى بولماي ئاممىۋى تېلىفوندا تېلىفون قىلدىم،تېلىفوننى ئالدى.
    -ۋەي ھاۋاگۈلما؟ تېچلىق تۇردىڭزمۇ؟- دېدىم مەن ئىمكان بار ئازاۋازىمنى سىلىق چىقىرىشقا ئۇرۇنۇپ.
     - مەن ھاۋاگۈل،سىز كىم بولىسىز؟-دېدى ئۇ ئايال.
      - سىز توي قىلغىلى نەچچە يىل بولدى؟- دېدىم مەن.
      - سىز كىمۇ؟  مېنىڭ توي قىلغىنىمغا نەچچە يىل بولغانلىقىنى سوراپ نېمە قىلىسىز؟- دېدى ئۇ ئايال.
      - سىزنى توي قىلغىلى ئۇزۇن يىل بولغان بولسا، ئېرى رازى قىلالماي،شۇڭا مېنىڭ ئېرىمنى ئىزدەپ يۈرەمدىكىن دەيمەن ،-دېدىم مەنتەئەددى بىلەن،يەنە خېلى گەپلەرنى قىلدىم،
     -قانداق رەسۋا خوتۇن سىز ، ئەكبەر بىلەن ئارىمىزدا سىزگە يۈز كېلەلمىگىدەك ئىش بولغىنى يوق، بىز بۇرۇن ئالىي مەكتەپتە ئوقۇۋاتقان ۋاقىتتا مۇھاببەتلەشكەن، كېيىن ئوقۇش پۈتتۈرگەندە ئايرىلىپ كەتكەن ،ئۇ ۋاقىتتا مۇھاببەتنىڭ قەدرىگە يەتمەپتىكەنمىز، ئەمدى ئەقلىمىزنى تاپتۇق، بىز پەقەت تېلىفوندا، توردا كۆرۈشتۇق شۇ،باشقا ئىش يوق- دېدى ئۇ ئايال نومۇس قىلماي.
    - يېقىنراق بولغان بولسا،باشقا ئىشلارمۇ بولاتتى ئاران تۇرغانلىرىدا،ئېرى ،بالىلىرى بار ، سوتتا ئىشلەيدىغان، ،قانۇندىن خەۋىرى بار  ئايال تۇرۇپ نومۇس قىلماي سىزدىن نەچچە مىڭ كىلومېتىر يىراقلىقتا تۇرغان بىرئەرگە ،‹‹ئىلگىرى مۇھاببەتلەشكەن›› دەپلا،كۆڭلىڭىزنىڭ كەينىگە كىرىپ ‹‹سۆيدۈم، كۆيدۈم›› دەپ تېلىفون قىلىپ ،ئۇچۇر يوللاپ،توردا كۆرۈشۈپ يۈرەمسىز؟ بۇ سىزگە يارىشىدىغان قىلىقمۇ؟ سىز بالىلىرىڭزنى قاتارغا قوشمامسىز؟ جاھان تۇتمامسىز؟....-دېدىم.
     - مەن جاھان تۇتۇپ بولغان،چوڭ ئوغلۇمنى ئالىي مەكتەپكە كىرگۈزدۈم، كىچىك ئوغلۇم ئوتتۇرا مەكتەپتە ئوقۇۋاتىدۇ،‹‹ئۆي –بالا›› دەپ 18 يىل پالاقشىپتىمەن،ئەمدى بولسىمۇ كۆڭلۈمنى خوش قىلسام بولمامدىكەن ،-دەۋاتمامدۇ ئۇ رەسۋا. ئارقامغا ئۆرۈلۈپ كەتكىلى تاس قالدىم ئۇنىڭ گېپىنى ئاڭلاپ.تېلىفوندا راسا تىللىدىم، ئۇمۇ بوش كەلمىدى، ئۇ ماڭا :
    -مۇشۇ قىلغانلىرىڭنى ئەكبەرگە ئېيتىمەن،ئۇ سېنى بوش قويمايدۇ....-دېدى. مەن :
    -نوچى بولساڭ دە، بەڭ بولسا ئۇرۇپ قويا، يا بولمىسا خوتەنگە بېرىپ سەندەك ئەرسىرەپ كەتكەن نومۇسسىزغا ئەر بولا؟......،-دېدىم.مېنىڭ تېلىفوندىكى يۇقۇرى ئاۋازدىكى  بۇ تىللاشلىرىمغا ئەتراپتىكى كېتىۋاتقان كىشىلەر ھەيرانلىق بىلەن قارىشىپ قېلىشقان ئىدى، تېلىفوننىڭ ئىگىسى بولغان خەنزۇمۇ ماڭا قاراپ تۇراتتى، يەنە ئۆزۈمچە خىجىل بولدۇم.
      ئويۇننىڭ ئاخىرىسى كەچتە ئەكبەر قايتىپ كەلگەندە چىقتى.ئۇ ‹‹ نېمىشقا ھاۋاگۈلگە تېلىفون قىلىپ ،ئۇنى تىللايسەن ››دەپ ،قول تەككۈزدى، ئۇنىڭ بۇ قىلىقى ماڭا تېخىمۇ ھار كەلدى،ئىككىمىز  ھەربىي –دۈشمەن ھالىتىگە كېلىپ قالغان ئىدۇق،مەن ئاخىرى كۆڭۈلسىز بۇ تۇرمۇشتىن بىزار بولدۇم،ئىككىمىز ئوتتۇرىسىدىكى بۇ خىل ھەربىي ھالەت ئالتە ئايغا يېقىن داۋاملاشتى،بىزنىڭ گەپ –سۆزلىرىمىزمۇ يوق دېيەرلىك بولۇپ قالغان ئىدى،نومۇس قىىلپ بۇ گەپلەرنى چوڭ ئۆيدىىكلەرگىمۇ دېيەلمىدىم،ئاپام –داداملارنىڭ ‹‹ بالام، ئەكبەرجان چىقمايدىغان بولۇپ قالدا؟››دېگەن گېپىگە‹‹ ئۇ بەك ئالدىراش بوپلۇپ كەتتى›› دېگەن باھانىنى كۆرسىتەتتىم.
ئارىلىقتا ئەكبەرنىڭ يېقىن بىر ئاغىينىسىگە بۇ ئەھۋالنى يىغلاپ تۇرۇپ ئېيتتىم .ئۇ ئاغىينىسىمۇ ئۇقىدىكەن بۇ ئىشلارنى،‹‹ مەن تەربىيە بېرەي ،ئۆزىڭزنى بېسىۋېلىڭ››دەپ تەسەللى بەردى، مەن شۇ ئاغىينىسى ئارقىلىق ئەكبەرنىڭ چ چ سىنىڭ مەخپىي نومۇرىنى بىلىۋېلىپ ،ھېلىقى ئاشنىسى بىلەن ئۇنىڭ چ چ سىدا كۆرۈشتۈم،
     ئۇ ئايال :
    - مېنىڭ ئېرىم كىم دېسە پالانى دېگۈدەك ھوقۇقى بار ئادەم،مېنىڭ پۇلغىمۇ ئېھتىياجىم يوق، مەن پەقەت ئەكبەر ئارقىلىق ئۆزەمنىڭ كۆڭلىگە تەسەللى تاپسام دەيمەن،سىز بۇنچىلىك ئىش ئۈچۈن ئۆزىڭىزنى ئۇنچىۋالا ئازابلاپ نېمە قىلىسىز؟ كۆڭلىڭىزنى كەڭرى تۇتمامسىز؟، -دەپ ماڭا مەسخىرىلىك تەسەللى بەردى.
    مەن ئۇنىڭغا :
     -ئەگەر سىزنىڭ ئېرىڭزمۇ سىرتتا باشقا ئاياللار بىلەن  ئېغىز –بۇرۇن يالىشىپ يۈرسە قانداق قىلاتتىڭىز ؟ -دېسەم :
    -‹‹ ئەركىشى دېگەن ئۆيگە  كىرسە بىرنىڭ ئېرى، تالاغا چىقسا مىڭنىڭ ›› ،-دەۋاتمامدۇ ،ئۇ خوتۇننىڭ گېپى ئۇ جان بۇ جېنىمدىن ئۆتۈپ كەتتى، بىز چ چ دا يەنە  تىللىشىپ كەتتۇق.بۇ خوتۇنننىڭ ئەلپازىدىن ئۇنىڭغا ياخشى گەپ تەسىر قىلدىغاندەك ئەمەس ئىدى،قارىغاندا بۇ ئىككىسىنىڭ مېھرى –مۇھاببىتى بارغانسېرى چوڭقۇرلىشىپ كەتكەندەك قىلاتتى.



داۋامى بار.....

10

تېما

2

دوست

1778

جۇغلانما

تىرىشچان ئەزا

ئۆسۈش   77.8%

ئەزا ئۇچۇرى
تىزىم نۇمۇرى:  15618
يازما سانى: 141
نادىر تېمىسى: 0
مۇنبەر پۇلى: 29
تۆھپە : 536
توردىكى ۋاقتى: 152
سائەت
ئاخىرقى: 2014-9-27
يوللىغان ۋاقتى 2014-9-10 12:26:33 |ھەممە قەۋەتنى كۆرۈش
داۋامى يوللاندى




نەچچە ۋاقىتتىن بېرى ‹‹ ئىككى بالام يېتىم بولمىسۇن ›› دەپ ئۆزۈمنى بېسىۋېلشلىرىم ئەكبەردە ‹‹ مېنىڭدىن ئايرىلسا ياشىيالمايدۇ›› دېگەن ئوينى پەيدا قىلىپ قويغان ئىدى، شۇڭا ئۇ تېخىمۇ ھەددىدىن ئېشىپ ماڭا قول تەككۈزگىدەك بولغان ئىدى.بۇنداق بۇرۇقتىمچىلىق كەيپىياتقا چىدىمىدىم ،‹‹ھەر ئىككىلىمىز قىينىلىپ يۈرگىچە   ئاجرىشىپ كېتەي ››دەپ ئويلۇدۇم.بىر كۈنى كەچتە ئەكبەر كىرگۈچە ساقلاپ ئولتۇردۇم،ئۇ كىرىپلا نەچچە ۋاقىتتىن ئۆزى ئايرىم يېتىۋاتقان ھوجرىغا كىرىپ كەتتى، كەينىدىن مەنمۇ كىردىم،ئۇ مېنىڭ كىرگىنىمنى كۆرۈپ ھەيرانلىق ھېس قىلدىمۇ قانداق ماڭا بىر خىل نەزەردە قارىدى.
      -مەن نەچچە ۋاقىتتىن بېرى ‹‹ بالىمىز يېتىم بوپ قالمىسۇن ››دەپ ئويلاپلا ئۆزۈمنى بېسىۋالغان ئىدىم، بۇنداق دوۋزاق ئىچىدە ياشىغاندەك ئۆتكەندىن كۆرە ئاجرىشىپلا كېتەيلى،شۇنداقتا سىزمۇ توسىدىغان، كۆزىڭزگە كىرىۋالىدىغان ئادەمدىن قۇتۇلۇپ ،خاتىرجەم ھالدا ئاشنىڭىزغا تېلىفون بېرەلەيسىز، مەنمۇ‹‹مەن تۇرۇپ  ئېرىم  باشقا خوتۇنلار  تېلىفوندا توردا ئېغىز –بۇرۇن يالىشىپ يۈرىدۇ››دەپ ئۆزەمنى ئازابلاپ يۈرمەيمەن.بولدى ئاجرىشىپ كېتەيلى، -دېدىم.ئەكبەر گەپ قىلمىدى.مەن يەنە:
     - مەن بۇ قېتىم قەتئىي قاراغا كەلدىم، چوقۇم ئاخرىشىپ كېتىمەن،
ئوبدان ئويلۇنۇپ جاۋابىنى بېرىپ،-دەپ قويۇپ چىقىپ كەتتىم، ئارىدىن ئىككى كۈن ئۆتتى، ئۇنىڭدىن ھېچبىر زۇۋان يوق.
     -ئاجرىشىپ كېتىش توغرۇلۇق ئېيتقان سۆزۈمنى ئويلاشتىىڭزمۇ ؟- دېدىم مەن.
      -بىز شۇ تېلىفوندا كۆرۈشۈپلا قويدۇق، بۇنىڭغا نېمە بولىدۇ؟ ئۇنچىلىك ئىشقا ئۆزىڭزنى قىيناپ نېمە قىلىسىز ،- دېدى ئەكبەر، ئۇنىڭ گېپى ھېلىقى ھاۋاگۈل دېگەننىڭ گېپى بىلەن بىر قېلىپتا  چىقىۋاتىدۇ.
    - يەنە قانداق قىلسىىڭز بولاتتى، ئەگەر مەن سىزنىڭ نىكايىڭىزدا تۇرۇپ ،باشقا بىر ئەر بىلەن تېلىفوندا،توردا  كۆرۈشۈپ ئۇنىڭغا ‹‹ سۆيدۈم، ئۆلدۈم›› سەپ نايناقلاپ يۈرسەم، سىزمۇ ‹‹ ھېچنىمە بولمايدۇ ›› دەپ يۈرىۋېرەمتىڭىز؟-دېدىم مەن.
     -خوتۇن كىشىگە نەدە قويۇپتۇ ئېرىدىن باشقا ئەر بىلەن كۆرۈشۈشنى ، -دەپ ھۆركىرىدى ئەكبەر.
     -مۇنداق دەڭ، خوتۇن كىشىگە قويمىسا ،سىزنىڭ ھېلىقى ھاۋاگۈلىڭىز ئەركىشىما ئەمىسە؟- دېدىم مەنمۇ ئۇنى چىڭ يەردىن تۇتۇپ.
     -خاتىرجەم بولىڭا، ئۇنىڭ ئېرى دېگەن خېلى ئەمىلى بار كىشى، مېنى سىزدىن تارتىۋالمايدۇ،- دەيدۇ ئۇ نومۇس قىلماي. ئۇنىڭ بۇ گېپى غورۇرۇمغا قاتتىق تېگىپ ئوغامنى قايناتتى.
   -ھە،‹‹ ئېرىمنى مەندىن تارتىۋالمايدۇ ›› دەپ يۇمشاقباش بولۇپ، ئىككىڭنىڭ ئېغىز زىنارىڭغا زوقلۇنۇپ ئولتۇرسام بولىدىكەن –ھە! نومۇس قىلىمىدىڭ شۇ گەپنى قىلغىلى.ئۇنداق بولسا مەنمۇ توردا باشقا ئەرلەر بىلەن تونۇشاي،  مېنىمۇ تارتىۋالمىغاندىكىن، سەنمۇ ماڭا گەپ قىلما ئەمسە، -دېدىم. ئازىمدىن شۇ گەپ چىقىپ بولغۇچە شاپىلاقتىن بىرسى تەگدى.ئىككىمىز ئوتتتۇرىسىدا يەنە بىر مەيدان جەڭ بولدى.مەن ئەمدى ‹‹ ئاجرىشىمەن›› دەپلا تۇردۇم. ئەكبەر يەنىلا  مېنى ‹‹ قورقىتىۋاتىدۇ ›› دەپ ئويلاپ قالغان بولسا كېرەك،‹‹ ئاجراشساق، ئاجراشتۇق›› دېدى.مەن ئىككى بالىنى ئېلىپ چوڭ ئۆيگە چىقىۋالدىم ،ئەمدى بۇ گەپلەر چوڭ ئۆيدىكلەرنىڭمۇ قۇلىقىغا يەتكەن ئىدى.شۇنداق قىلىپ مېنىڭ قاتتىق تۇرىۋېلىشىم بىلەن ئىككىمىز سوتقا بارغان بولدۇق،بۇ گەپ قېيىنى ئاتامنىڭمۇ قۇلىقىغا يېتىپتۇ، قېيىن ئاتام ئەكبەرنى ئالدىدا ئولتۇرغۇزۇپ قويۇپ ،خېلى ئاللا –توۋىسىنى بېرىپتۇ، ئاغىينىلىرىمۇ خېلى ئەيىپلىشىپتۇ.ئۆزىمۇ مېنىڭ ئاجرىشىشتا   شۇنداق چىڭ تۇرغان ئەلپازىمدىن قورقاتمىغانلىقىمنى بىلىپ قالدىمۇ قانداق ، بىزنىڭ ئۆيگە كىرىپ ئاپام –داداملاردىن ، مەندىن ئەپۇ  سورىدى،مەن يەنە چىڭ تۇرغان ئىدىم، دادام –ئاپاملار مېنى ئەيىپلىدى، ئويلاپ باقسام، ئاجرىشىپ كەتسەك بىچارە ئىككى بالام يېتىم بولۇپ قالىدىكەن، ئۇلار يېتملىك كوچىسىدا تۇرسا مەنمۇ خاتىرجەم بولالمايمەن –دە ، مەن ئەكبەرنىڭ قاتتىق ۋەدىسىنى ئېلىپ ئاندىن ئۆيگە چىقماقچى بولدۇم،
     - ئالىي مەكتەپنى پۈتتۈرۈپ بولۇپمۇ نەزىرىڭىزنى ئۈستۈن قىلىپ نەچچە يىل يۈردىڭىز، بىز توي قىلىدىغان ۋاقىتتا سىزگە خېلى قىزلار ئاشق بولۇپ يۈرسە، ھېچكىمنى ياراتماي ‹‹ سىزنى ياخشى كۆرىمەن›› دەپ كەينىمدىن خېلى يۈگۈردىڭىز، مەن سىزنى غۇرۇرلۇق ،ۋىجدانى بار، ۋاپادار، كۆيۈمچان دەپ ئويلاپ سىز بىلەن توي قىلغان ئىدىم،ھالا بۈگۈنگە كەلگەندە مېنىڭ دىلمغا شۇنداق ئازار بەردىڭىز،مېنى ئۆيگە ئەچىقىۋېىلپ يەنە ئۆزىڭىز بىلگەن سەنەمگە دەسسەپ يۈرسىڭىز قانداق قىلشىمىز؟-دېدىم مەن.
    - خاپا بولماڭ خوتۇن، مەن ئېزىپتىكەن، شەيتان ئازدۇرۇپتۇ، ئەمدى ھەرگىز ئۇنداق ئىش بولمايدۇ، ئەتىلا تېلىفون نومۇرۇمنى ئالماشتۇرىۋېتەي، ئۇنىڭ بىلەن نۆزەمبۇللا كۆرۈشمەيمەن،بالىمىزنى يېتىم قىلمايلى، ئۆيگە چىقىپ كېتەيلى ،- دېدى ئەكبەر.
    -ئۇ چىرايلىقىڭىز بىلەن  نېمىشقا تېلىفوندا كۆرۈشمەي، ئۇنىڭغا خەت يېزىپ يۈرىيسىز؟- دېدىممەن.
    - يازغۇچى، شائىرلارمۇ ئىلھامى تۇتقاندا ھېسياتلىق بىرنەرسىلەرنى يېزىۋېتىدىكەن، شۇ ۋاقىتتا شۇنداق زوقۇم تۇتۇپ، ھېسياتلىنىپ كېتىپتىكەنمەن، شۇڭا  يازغان، ئەسلى پوچتىدىن سېلىۋەتمەكچى ئىدىم، سېلىپ بولغۇچە سىز كۆرۈپ قالدىڭىز ،- دېدى ئۇ.
    - ھازىرمۇ كېچىكمەيسىز، بولسا سېلىۋېتىڭ،- دىدىم مەن.
   - بولدى قىلىڭ ئەمدى ئادەمنى خىجىل قىلماي، نېمىشقىمۇ شۇنداق بوپ قالغاندىمەن،مۇشۇ شەيتاننىڭ كاساپىتىدىن تاس قالدى ئىناق ئائىلىمىز ۋەيران بولغىلى ، خاپا بولماڭ، مېنى كەچۈرۈڭ ، -دېدى ئەكبەر.
مەن ئۇنىڭدىن ئىدارىسىدىكلەر ساياھەتتىن يېنىپ كەلگەندە ،ئۆزىنىڭ يېنىپ كەلمىگەن ۋاقتىدا نەگە بارغانلىقىنى سوراپ تۇرىۋالدىم،ئۇ ھاۋاگۈلنىڭ ئوغلىنى ئالىي مەكتەپكە ئەكىلىپ قويۇش ئۈچۈن ئۈرۈمچىگە كەلگەنلىكىنى ، ئوغلىنى ئورۇنلاشتۇرۇپ بولغاندىن كېيىن ئىككىسىنىڭ بىرگە ئۈرۈمچىدە ئوينىغانلىقىنى ،ئىككىسىنىڭ چۈشكەن سۈرەتلىرىنى ئەۋەتىپ بەرگەنلىكىنى ئېيتىپ بەردى،ھېلىقى ۋاقىتتا ‹‹ ئاپراتتا توك يوق ›› دېيىشىنىڭ سەۋەبى ئىككىسىنىڭ بىرگە چۈشكەن سۆرەتلىرىنى مېنى كۆرۈپ قالمىسۇن دەپ يوشۇرغانلىقى ئىكەن.
    -ھەي، ئىككى بالىسى بار ئايال نومۇس قىلماي سىز بىلەن ياتاق ئاچقۇزۇپ يۈردىما؟ سىزگە يۈز كېلەلمىگىدەك ئىش قىلمىدۇق دەيسىزا؟ ‹‹ياتاق ئاچقۇزۇش ›› دېگەن ياخشى ئىشما ؟ سىز ئۇنى ‹‹ ئۇنداق ياخشى ئايال، بۇنداق ياخشى ئايال››دەپ تەرىپلەپ كېتىپسىزا؟ سىزچە بىر ئەرنىڭ نىكاھىدا تۇرۇپ ، يات بىر ئەر ئاچقۇزغان ياتاققا كىرگەن ئايال ياخشى ئايالما ؟-دېدىم مەن.
       -مەن سىزگە قۇرئان تۇتۇپ قەسەم قىلىپ بېرەي،  ئۇ مەن ئالغان ياتاققا كىرىپ ئىككى سائەتكە يېقىن ئولتۇردى، پەقەت پاراڭلىشىپ ئولتۇردۇق، ناشايىن ئىش قىلمىدۇق، ماڭا ئىشىنىڭ ،- دېدى ئۇ .
    -ئۇ يەردە مەن بولمىغاندىكن نېمە دېسىىڭز سىزنىڭ راست بولىدۇ –دە، ئىككى سائەت ئولتۇردىمۇ ،كېچىچە ياتتىمۇ كىم بىلىدۇ؟ -دېدىم مەن.ئەكبەر قايتا –قايتا قەسەم قىلىپ تۇرىۋالدى.ئۇنىڭ قاتتىق يالۋۇرۇپ تۇرىۋېلىشى بىلەن ئۆيگە يېنىپ چىقتىم.
     مانا  بۇ ئىشلارنىڭ بولۇپ ئۆتكىنىگە  بىر يىل بولاي دەپ قالدى، ھازىرمۇ پات -پات ئەكبەرگە ‹‹ ھاۋاگۈل›› دەپ چاخچاق قىلىپ  قويسام، ئۇ :
     -بولدى ،شۇ گەپلەرنى قىلمىڭا، ئۇ ۋاقىتلاردا ئەقلىمدىن ئېزىپ قاپتىكەنمەن، سىزدەك بىر ئوبدان ۋاپادار ، كۆيۈمچان خوتۇنۇمنىڭ كۆڭلىگە ئازار بېرىپتىكەنمەن، تاس قاپتىكەنمەن ،كۆڭلۈمنىڭ كەينىگە كىرىپ ئىككى بالامنى يېتىم قىلغىلى.،ئويلىسام  خوتۇنى تۇرۇپ باشقا ئاياللار بىلەن ئالاقە قىلماقمۇ ئاسان ئەمەسكەن، قاچان خوتۇنۇم ئۇقۇپ قالا ،دەپ دەككە –دۈككىدە قورۇنۇپ ئۆتىدىكەن ئادەم،ھازىر دېگەن شۇنداق خاتىرجەم، تېلىفون كەلسىمۇ بىمالال سۆزلىشەلەيمەن مانا ،سىز بىلەن خاپىلىشىپمۇ يۈرمەيمەن،- دەيتتى.
    خۇداغا شۈكرى، ئەكبەر ھازىر ئۆزگۈرۈپ يەنە بۇرۇنقى مېنىڭ كۆيۈمچان، ۋاپادار ئېرىمگە ئايلاندى،ماڭا ۋە بالىلىرىمغا ئاجايىپ كۆيىنىدۇ، شۇ سەل بەدخەجلىكىنى ھېسابقا ئالمىغاندا ،ئاجايىپ ئوبدان بوپ كەتتى.(شۇ بائىلىرىمىزنى ئويناتقىلى ئەچىقىپ قالساق، ياكى بىرنەرسە ئېلىپ بەرمەكچى بولسا  پۇلنىڭ كۆزىگە ئانچە قاراپ كەمەيدۇ، مەن سەل تارتىپراق تۇرىمەن. ئاغىينىلىرىگىمۇ بەك سېخىي) ،مەنمۇ ئۇنىڭ كۆيۈمچان خوتۇنى بولۇش ئۈچۈن تىرىشىۋاتىمەن،تاللا بازىرىنىمۇ قايتىدىن ئېچىۋالدىم،بەزىدە بالىلىرىمىزنى يېتلىشىپ كوچىغا چىقساق ،خولۈم خوشنىلار ھەۋەس بىلەن قارىشىپ قالىدۇ،
بەزىدە تۇرۇپلا ئەكبەر بىلەن ھاۋاگۈل ئىككىسىنىڭ شەيتاننىڭ يېتىلەپ مېڭىشى بىلەن ئېغىز زىناسى قىلىشىىپ كۆڭلۈمگە ئازار بېرىشلىرى، مېنىڭمۇ شەيتاننىڭ كەينىگە كىرىپ ئىككى بالامنى يېتىم قىلغىلى تاس قالغانلىقىم ئېسىمگە يەتسە ،ئۆپكەم ئۆرلۈپ ،كۆڭلۈم يېرىم بولۇپ قالىدۇ، ھەر قېتىمنلىق نامىزىمدا ئارىمىزغا شەيتان كىرىپ بەختلىك ئائىلىمىزگە كۆز تەگمەسلىكىگە دۇئا قىلىمەن،ئېرىمنىڭ ،ئۆزەمنىڭ، بالا –ۋاقىلىرىمنىڭ كۆڭلىگە ئىنساپ تىلەيمەن. ھەممە ئەر –ئاياللارنىڭ مېنىڭ ھېكايەمدىن ئىبرەت ئېلىشىنى، ھېسياتىنىڭ كەينىگە كىرىپ كەتمەسلىكىنى، كۆڭلىگە ئىنساپ بېرىشىنى ئۇلۇغ اللاھتىن تىلەيمەن.




                          تولۇق تۈگىدى.


يۇنىل ئوپال سىلىقلاش مېيى

10

تېما

2

دوست

1778

جۇغلانما

تىرىشچان ئەزا

ئۆسۈش   77.8%

ئەزا ئۇچۇرى
تىزىم نۇمۇرى:  15618
يازما سانى: 141
نادىر تېمىسى: 0
مۇنبەر پۇلى: 29
تۆھپە : 536
توردىكى ۋاقتى: 152
سائەت
ئاخىرقى: 2014-9-27
يوللىغان ۋاقتى 2014-9-10 12:39:49 |ھەممە قەۋەتنى كۆرۈش
بۇ ھېكايىنى بىر مۇنبەردىشىمنىڭ  قىسقا ئۇچۇر قىلىپ ئۆتىنىشى ئاساسىدا،ئۇنىڭ تېلىفوندا ۋە چ چ دا سۆزلەپ بەرگىنىگە ئاساسەن،ۋەقەلىكنى كۆپ ئۆزگەرتمەي،كىشى ئىسىملىرىنى ئۆزگەرتىپ ، بىرنەچچە يىللار ئالدىدا يېزىپ چىققان،كېيىن ئەلكىن تورىدا ئاۋازلىق ئەسەر قىىلپ ئىشلەنگەن...

مۇنبەرداشلارنىڭ يېتەرسىز تەرەپلىرىنى كۆرسىتىپ بېرىشىنى ئۈمىد قىلىمەن....

0

تېما

0

دوست

173

جۇغلانما

يىڭى ئەزا

ئۆسۈش   57.67%

ئەزا ئۇچۇرى
تىزىم نۇمۇرى:  30343
يازما سانى: 8
نادىر تېمىسى: 0
مۇنبەر پۇلى: 5
تۆھپە : 40
توردىكى ۋاقتى: 4
سائەت
ئاخىرقى: 2014-9-19
يوللىغان ۋاقتى 2014-9-10 13:44:11 |ھەممە قەۋەتنى كۆرۈش
بەك ياخشى يېزىپسىز ھەدە، نۇرغۇن ھايات ھەقىقەتلىرىنى چۈشۈنىۋالدىم، رەھمەت سىزگە.

5

تېما

0

دوست

1 تۈمەن

جۇغلانما

پاكلىق ئەلچىسى

ئۆسۈش   7.36%

ئەزا ئۇچۇرى
تىزىم نۇمۇرى:  2547
يازما سانى: 613
نادىر تېمىسى: 0
مۇنبەر پۇلى: 2588
تۆھپە : 2232
توردىكى ۋاقتى: 782
سائەت
ئاخىرقى: 2014-9-26
يوللىغان ۋاقتى 2014-9-10 18:32:58 |ھەممە قەۋەتنى كۆرۈش
   ئەر كىشى قانداقلا بولمىسۇن بىر تۈزەلسە ئاساسەن يولدىن چىقمايدۇ ، لېكىن شۇنداق ئەرلەردىن بۇلۇپ قېلىشتىن ئاللاھ ساقلىسۇن . بۇ ئايال ھەقىقەتەن ئەرلەرگە يارىغۇدەك ئايالكەن .
  
  

0

تېما

6

دوست

3831

جۇغلانما

ئاكتىپ ئەزا

ئۆسۈش   61.03%

ئەزا ئۇچۇرى
تىزىم نۇمۇرى:  17606
يازما سانى: 372
نادىر تېمىسى: 0
مۇنبەر پۇلى: 5
تۆھپە : 1138
توردىكى ۋاقتى: 185
سائەت
ئاخىرقى: 2014-9-19
يوللىغان ۋاقتى 2014-9-13 21:43:12 |ھەممە قەۋەتنى كۆرۈش
ياخشى چىقىپتۇ. داۋامى بار دەپ چىقىپتى باش بەتتە. داۋامىنى قاچانغىچە ساقلارمەن ئەمدى دېسەم ياخشى تولۇق تۈگەپتۇ. ئەر-ئايال ئىككىسىنىڭ ئۇرۇشقان تەسۋىرلىرىنى ئوقۇپ مەن تىخى ئائىلىسى ۋەيران بولامدىكى، ئەكبەر ئايالىنى  ياراتماي ، بالىسىنى يىتىم قىلىپ ئاجرىشىپ، ئاشنىسى بىلەن بىر يەلەردە يۈرگەندە ئاشنىسىنىڭ يولدىشى تەرىپىدىن بايقىلىپ قىلىپ، ئاشنىسىنىڭ يولدىشى ئەمىلى بار ئادەم بولغاندىكىن، ئەكبەرنى بىر ئاماللارنى قىلىپ تۈرمىگە سولىتىۋىتىپ بى ئۈچ تۆت يىللىق، ئەكبەر تۈرمىدىن چىققاندىن كىيىن قىلغانلىرىغا بەك ئۆكۈنگەنلىكىنى، قايتا ئۇ يولغا قەدەم باسمايدىغانلىقى توغرۇلۇق يەنە ئايالىغا يالۋۇرۇپ يۈرۈپ بەك تەستە ئايالى بىلەن يارىشىۋىلىپ ئەسەر ئاندىن تۈگەمدىكى دەپ تەسەۋۋۇر قىلغانتىم.  ياخشى، ئەكبەر ئۆزى ۋە ئائىلىسىدىكىلەرنى ئۇنچە كۆپ ئازاپلارغا سالماپتۇ.
  ياخشى چىقىپتۇ، داۋاملىق مۇشۇنداق ياخشى  ئەسەرلەرنى ھۇزۇرىمىزغا سۇنىشىڭىزغا تىلەكداشمەن.

4

تېما

3

دوست

1952

جۇغلانما

تىرىشچان ئەزا

ئۆسۈش   95.2%

ئەزا ئۇچۇرى
تىزىم نۇمۇرى:  9364
يازما سانى: 100
نادىر تېمىسى: 0
مۇنبەر پۇلى: 197
تۆھپە : 481
توردىكى ۋاقتى: 78
سائەت
ئاخىرقى: 2014-9-27
يوللىغان ۋاقتى 2014-9-14 20:33:15 |ھەممە قەۋەتنى كۆرۈش
quxanmaysan يوللىغان ۋاقتى  2014-9-13 21:43
ياخشى چىقىپتۇ. داۋامى بار دەپ چىقىپتى باش بەتتە. داۋامى ...

  داۋامى بالدۇر يوللانمىغان بولسا ، سىزلا يوللىۋىتەكەنسىز دە ئاخىرىنى

4

تېما

3

دوست

1952

جۇغلانما

تىرىشچان ئەزا

ئۆسۈش   95.2%

ئەزا ئۇچۇرى
تىزىم نۇمۇرى:  9364
يازما سانى: 100
نادىر تېمىسى: 0
مۇنبەر پۇلى: 197
تۆھپە : 481
توردىكى ۋاقتى: 78
سائەت
ئاخىرقى: 2014-9-27
يوللىغان ۋاقتى 2014-9-14 20:34:22 |ھەممە قەۋەتنى كۆرۈش
   چىنلىق دەرىجىسى يۇقىرى ،ياخشى يىزىلغان ئەسەركەن .
كىرگەندىن كېيىن ئىنكاس يازالايسىز كىرىش | دەرھال تىزىملىتىش

Powered by Discuz! X2.5(NurQut Team)

( 新ICP备06003611号-1 )