- تىزىملاتقان
- 2014-9-14
- ئاخىرقى قېتىم
- 2014-9-28
- ھوقۇقى
- 1
- جۇغلانما
- 187
- نادىر
- 0
- يازما
- 10
ئۆسۈش
62.33%
|
ئەسسالامۇ ئەلەيكۇم . مەن ئۆزۈم قەشقەردىن، ئوقۇشنى تۈگىتىپ يۇرتقا قايتقىلىمۇ 3يىلدىن ئاشتى، ئوقۇش تۈگىشى بىلەن تەڭ نىكاھ ئىشىم بېشىمنى قاتۇرۇشقا باشلىغان. تۈرلۈك سەۋەبلەر تۈپەيلى، تا ھازىرغىچە ئۆيلەنمەي كەلدىم.
يېقىندا بىر تونۇش قىز ماڭا ياراپ قالدى. ئوقۇش تارىخىمۇ ياخشى، ئىمانىمۇ مۇستەھكەم، ھەقنى تونۇغان ھەم بۇرۇندىن تىرىشچان ياخشى بىر قىز. ئۇ قىزنىڭ بىر قېتىم توي قىلىپ ئاجراشقان تارىخى بولسىمۇ، مەن بۇ تەرىپىنى تامامەن قوبۇل قىلالايمەن. (مېنىڭچە بىر قىزنىڭ قىممىتى بىئولوگىيىلىك پەردە بىلەنلا ئەمەس، ئۇنىڭ ھايالىقى بىلەن باھالىنىشى كېرەك! )
ئۇ قىزنىڭ ئاجراشقان تارىخىنى مەن قوبۇل قىلالىغىنىم بىلەن چوڭلارنىڭ قوبۇل قىلالمايدىغىنى ماڭا ئىنىق ئىدى. بىر ھەپتىدەك قايتا-قايتا ئولىنىپ، ئاخىرى چوڭلارغا دېيىش قارارىغا كەلدىم. چوڭلارغا سۆز ئاچقاندا ئەڭ ئاۋۋال بىر قىز تونۇشۇم بارلىقىنى، ئۇنىڭ ئوقۇش تارىخىنى، ھازىرقى خىزمەت ئەھۋالىنى، ئۆزىمۇ ئەخلاقلىق ياخشى قىز ئىكەنلىكىنى، مۇشۇ قىزنى ئۆزۈمگە لايىق كۆرگەنلىكىمنى ئىيتتىم. چوڭلار باشقا پىكىردە بولماي، ئۇ قىز بىلەن ئىككىمىز بىر يەرگە كەلسەكلا بولىدىغانلىقىنى ئىيتتى. گەپ بۇ يەرگە كەلگەندە، يوشۇرۇش مۇمكىن بولمايدىغان، ھەم يوشۇرسام بولمايدىغان ئۇ قىزنىڭ ئاجراشقان تارىخىنى چوڭلارغا بىلدۈردۈم. بۇنى ئاڭلاپ چوڭلارنىڭ چىرايى ئۆزگىرىشكە باشلىدى، مەن ئويلىغاندەك توغرا كۆرمەيدىغانلىقىنى بىلدۈرۈشتى. چوڭلارنىڭ قارشى چىقىشىدىكى سەۋەب، ئۇلارنىڭ قارىشىچە، مەن ھازىر ئۇ قىزنىڭ ئاجراشقان تارىخىنى قوبۇل قىلالىغىنىم بىلەن، كېيىن قوبۇل قىلالماي ئويۇمدا ئۆزگىرىش بولۇپ قىلىش ئىھتىماللىقى باركەن ھەم خۇلۇم-خوشنا، ئۇرۇق-تۇققان، تونۇش-بىلىش...لەر گەپ تاپىدىكەن (بىزنىڭ چوڭلارنىڭ ئۆزىدە ئاجراشقان تارىخى بار قىزنى يامان كۆرىدىغان ئىدىيە يوق). چوڭلارنىڭ قارشى چىقىدىغانلىقى بىلەتتىم، مېنىڭ مەقسىتىم پەقەت بۇ ئىشتىن چوڭلارنى خەۋەردار قىلىپ قويۇش بىلەن بىرگە، ئۇلارنىڭ قانچىلىك دەرىجىدە قارشى تۇرۇدىغانلىقىنى بىلىپ بىقىش ئىدى. ئاخىرى ئۆزۈمنىڭ بىر قارارغا كەپ بولغانلىقىمنى دېدىم، چوڭلار بولسا مېنىڭ يەنە قايتا ئولىنىشىمنى ئىيتتىپ گەپ شۇ يەردە تۈگىدى.
ئارىدىن يەنە بىر ھەپتە ئۆتكەندىن كېيىن، مەن يەنە بۇ ئىش توغرىسىدا چولارغا گەپ ئاچتىم. چوڭلارنىڭ كەيپىياتى سەل ياخشى ئەمەس چاغدا گەپ قىلىپ قالدىممۇ تاڭ، بۇ قېتىم چوڭلار ماڭا خىلىلا كايىپ، سۆھبىتىمىز يەنە نەتىجىسىز ئاياغلاشتى.
ئويلاپ قالدىم، بىز ئوغۇللار مەيلى نەچچە قىزنى قويۇۋەتكەن بولايلى، قايتا توي قىلغۇمىز كەلسە، توي قىلمىغان قىزنى ئالالايدىكەنمىز، ھىچكىم كەينىمىزدىن گەپ تاپمايدىكەن. مەيلى بىز ھارق ئىچىپ، تاماكا چىكىپ يۈرەيلى، كىچىدە ئۆيگە كىرمەي مەينەت يەرلەردە پاسكىنا قىلىقلارنى قىلىپ يۈرەيلى... بىر نەچچە ساۋاقداش ھەم تونۇشلار بار، بىر ئاجرىشىپ يەنە توي قىلمىغان قىزنى ئالدى. ئارىسىدا تا ھازىرغىچە بەزى يامان ئادەتلىرىنى تاشلىمىغانلىرىمۇ بار.
قىزلارچۇ؟ بىر قېتىم توي قىلىپ ئاجراشقان تارىخى بولدىمۇ، ئۇ "قىز"ئەمەس، باشقىلاردىن ئاشقان "چوكان"غا ئايلىنىپ، پەقەت ئاجراشقان ئەرلەرگىلا لايىق بولۇپ قالامدۇ ئەمدى؟! مېنىڭ مىللىتىمىزدە ساقلىنىپ كىلىۋاتقان ناچار ئىللەتلەرگە پەقەت باش ئەگكىم كەلمەيتتى، بۇ قېتىم ئۆمۈرلۈك ئىشىم بولغان نىكاھ ئىشىمغا كەلگەندە تېخىمۇ باش ئەگكىم كەلمىدى. مېنىڭ باشقىلارنىڭ كاللىسىدىكى ئىدىيەنى ئۆزگەرتەلمىسەممۇ، ئۆز تۇرمۇشۇمدا ئۆزىمىزنىڭ ئىتقاد، مىللىي ئەنئەنىمىزنى ساقلاپ قالغان ئاساستا، ناچار ئىللەتلەرنى ئۆزۈمگە يۇقتۇرماي ياشاش ئارزۇيۇم بار.
مەن ھازىر چوڭلارنى بەك قىستىماي، ئاستا-ئاستا قايىل قىلىش ئويىغا كەلدىم. شۇغۇنىسى نامازلىرىمدا ئاللاھتىن تىلەشتىن باشقا، ئۆزۈمنىڭ قۇربىتى يىتىدىغان يەنە قانداق سەۋەبلەرنى قىلسام بولا، دەپ بېشىم قاتتى. يەنە كىلىپ مېنىڭ بۇ ئويۇمنى ئۇ قىز تېخى بىلمەيدۇ. سەۋەبى، مەن چوڭلارنىڭ ماقۇللىقىنى ئالماي تۇرۇپ، ئۇ قىزغا ئويۇمنى بىلدۈرۈشنى توغرا كۆرمىدىم. چۈنكى، ناۋادا ئۇ قىز مېنى توغرا كۆرۈپ، مېنىڭ ئۆيۈمدىكى چوڭلار ئۇ قىزنىڭ ئاجراشقان تارىخى سەۋەبلىك رەت قىلسا، ئۇ قىزغا ئېغىر كىلىشىدىن ئەنسىرەيمەن. مېنىڭ ئەنسىرەيدىغىنىم، ۋاقىت ئۆتىۋىرىپ، ئۇ قىزغا باشقا يەردىن ئىگە چىقىپ قىلىشى. ئۇ قىزنى مەن بۇرۇندىن تونىغاچقا، ماڭا قاراڭغۇ ئەمەس. ئەخلاقى، ئىمان-ئىتقادىغا مەندە ئىشەنچ بار. ئەڭ موھىمى ئۇ قىزدا پەننىي جەھەتتىمۇ ئوقۇغىنىغا چۇشلۇق بىلىمى بار ھەم ئەق توغرىسىدىكى توختىماي ئىزدىنىش ئىرادىسىمۇ مېنى قايىل قىلىدۇ. مەن ئارزۇ قىلغان ئائىلىنى قۇرۇشقا، كېيىن پەرزەنتلىرىمنى تەربىيلەشكە ماڭا يېقىن ياردەمچى بولالايدىغانلىقىغا ئىشىنەتتىم. شۇڭا ئۇ قىزنى چىڭ تۇتۇپ، كۈچۈمنىڭ يىتىشىچە بىر تىرىشچانلىق كۆرسەتكىم كەپ قالدى.
ئەمدى تورداشلاردىن ئۆتىنىدىغىنىم، مېنىڭ مۇشۇ ئەھۋالىمغا يارىشا قىممەتلىك تەكلىپ-پىكىرىڭلار بولسا ئايىمىساڭلار. مەن قانداق قىلىشىم كېرەك؟ ئاۋۋال ئۇ قىزغا كۆڭلۈمدىكى ئويۇمنى ئىيتىپ، ئۇ قىزنىڭ ماقۇللىقىنى ئېلىشىم كېرەكمۇ ياكى دەسلەپتە ئويلىغاندەك دېمەي تۇرغىنىم ياخشىمۇ. قانداق قىلسام چوڭلارنى بەك خاپا قىلىپ قاخشاتمىغان ئاساستا قايىل قىلغىلى بولىدۇ؟
تۇرۇپلا كاللامغا بىر خىيال كەلدى، مۇشۇ تېمىنى كۆرگەن قېرىنداشلار: ئەتىراپىڭلاردا ياكى تونۇش بىلىشڭلار ئارىسىدا توي قىلمىغان يىگىتنىڭ بۇرۇن ئاجراشقان تارىخى بار قىزنى نىكاھىغا ئالغانلىق ئەمىلىي مىساللار بولسا ماڭا يەتكۈزگەن بولساڭلار. قەشقەردىكى بولسا تېخى ياخشى، باشقا جايدىكى مىساللار بولسىمۇ بولىدۇ. ئۇلارنىڭ ئىسىم، كىملىكىنى ئاشكارلاش ھاجەتسىز، پالانى شەھەردىكى كادىرمۇ، ئوقۇتقۇچىمۇ ياكى تىجارەتچىمۇ شۇنداق قىزنى نىكاھىغا ئالغانلىقى، نىكاھتىن كېيىنكى تۇرمۇشى... دېگەنگە ئوخشاش ئۇچۇرنى يەتكۈزسەڭلار، مەن مۇشۇ ئۇچۇرلار ئارقىلىق چوڭلارنى قايىل قىلسام، بەزى ئىشلار كاللىسىدىن ئاسانراق ئۆتۈپ قىلىشى مۇمكىن. مۇشۇنداق ئۇچۇر بىلەن تەمىنلىيەلەيدىغان تورداشلار ئېغىر كۆرمەي ياردىمىڭلارنى ئايىمىغان بولساڭلار.
ئىنسان نۇرغۇن ئىشلاردا ئىلاجىسىز قالىدىكەن. شۇندىمۇ ئۆزىنىڭ ئارزۇ-ئارمانلىرى ئۈچۈن بار كۈچىنى چىقىرىپ، ئالدىدىكى توسقۇنلۇقلارنى يېڭىشقا تىرىشىپ باققۇسى كىلىدىكەن. ئاخىرىدا سىلەردىن يەنە بىر قېتىم ئۆتىنىدىغىنىم، تورداشلار قىممەتلىك مەسلىھەتىڭلار، تەكلىپ-پىكىرىڭلار، مەن يۇقىرىدا دەپ ئۆتكەندەك ئۇچۇرىڭلار بولسا مەندىن ئايىمىساڭلار.
*
*QQنومۇرنىمۇ قالدۇرۇپ قوياي: 1960557335
ئۆزۈمنىڭ قۇربىتى يەتكىچە تېرىشىمەن، قالغىنىنى ئاللاھقا تاپشۇرىمەن...
..
|
|