ئابدۇكېرەم ئابلىز بۇرۇتىڭىز نەگە كەتتى ؟

gadankax

      ئەسسەلامۇ ئەلەيكۇم ئابدۇكېرەم ئابلىز ئەپەندى. يېتىپ كېلىش ئالدىدا تۇرغان قۇربان ھېيت بايرىمىڭىزغا مۇبارەك.
     مەن بايىلا شىنجاڭ تېلىۋېزىيىسى 5- يۇرۇش قانىلىدا سىز ۋە مۇھەممەدچان روزى قاتارلىقلار رول ئېلىپ چىققان، "پۇل دېگەن نەرسە'' ناملىق يېڭى ئىشلەنگەن تېلىۋىزىيە فېلىمىنىڭ تەشۋېقات ئېلانىنى كۆردۇم. بەك ئەپسۇس، ئۆيدە مېھمان بولغىنى ئۇچۇن باشتىن - ئاياق، تەپسىلىي كۆرەلمىدىم. مېھماننى ئۇزىتىپلا ئېسىمدە قالغىنى بويىچە كومپىيۇتېرنى قوزغىتىپ سىزگە بۇ خەتنى يېزىپ ئولتۇرۇپتىمەن.
     بۇ تەشۋېقات فېلىمىدە دېيىلىشىچە سىز قاتارلىق ئارتىسلار رول ئالغان شۇ ناملىق بۇ  فېلىم ئالدىنقى ئەسىرنىڭ 50 يىللىرىدىكى ئۇيغۇرلار تۇرمۇشى تەسۋېرلەنگەن فېلىم ئىكەن. مېنىڭ بۇ يازمىنى يېزىشقا تۇرتكە بولغىنى؛ كەڭ كۆرۇرمەنلەرگە مەنىۋى زوق ئاتا قىپ كېلىۋاتقان ئېتوتلىرىڭىزدا سىز ھەمىشە دېگۈدەك <<چوتكا بۇرۇت>>ئىڭىز بىلەن چىقاتتىڭىز. ئەپسۇسكى بۇ فېلىمدە بولسا <<چوتكا بۇرۇت>> يوق، ئاقلاپ قويغان ياڭيۇدەكلا چىقىپسىز. مەمەتچان ئېنىمىزمۇ خۇيمۇ ياراشقان ئەپچىل ساقال ۋە بۇرۇتىنى قىرىۋىتىپ ساپال تۇزلۇقنىڭ بېشىدەكلا رولغا چىقىپتۇ. ئابدۇللا ئابدۇرەھىم بولسا بۇرۇتىغا ئاسىيلىق قىلماپتۇ(بىخەتەرلىك قالپىقى كېيىپ چىققان كۆرۇنۇش). مېنىڭ ئەجەپلەنگىنىم؛ ئېلىمىزدىكى 56 مىللەت ئىچىدە ئۇيغۇر قاتارلىق بىر قولنىڭ بارمىقى بىلەن سانىغىدەكلا مىللەتلەر ساقال، بۇرۇت فاتېنتىغا ئىگە. ساقال، بۇرۇت، ئەتلەس كېيىم ۋە دوپپا مىللتىمىزنىڭ باشقا مىللەتلەردىن ئالاھىدە پەرقلىق بەلگۈلىرىدىن ھېسابلىنىدۇ. يەنە كېلىپ ساقال، بۇرۇت ئۇيغۇر ئەرلىرىنىڭ ئۇزاق تارىخقا ئىگە ئەنئەنىسى ھەتتا ئۆرۈپ - ئادىتى دېسەكمۇ ئاشۇرۇۋەتكەنلىك بولمايدۇ. ئۇنىڭ ئۇستىگە فېلىم ۋەقەلىگى تەسۋېرلەنگەن ئۇ يىللاردا نوپۇس ھازىرقىدىن كۆپ ئاز، كوچا - كويلاردا ئادەملەر ھازىرقىدىن كۆپ شالاڭ بولغاچقا ساقال بۇرۇت ھازىرقىدەك باشقىلارغا سانچىلىپ، پۇتلىشىپمۇ كەتمەيتتى. بېلىشىمچە ئەدەبىيات - سەنئەتنىڭ مەنبەسى تۇرمۇش. شۇنداق بولغان ئىكەن بۇ فېلىمدە، ئۆرۇپ -ئادىتىمىز، ئەنئەنىمىز ھېسابلىنىدىغان مۇھىمى شۇ يىللاردىكى ئىنتايىن نورمال ھېسابلىنىدىغان ساقال، بۇرۇت نېمە ئۈچۈن مەزكۇر فېلىمدە رول ئالغان سىلەرسە يوق؟!!!
     ئەلۋەتتە، مېنىڭ سىلەرنى سوراققا تارتىش ھوقۇقىم يوق، سىلەرنىڭمۇ ھەم جاۋاب بېرىش مەجبۇرىيىتىڭلار يوق. بىر قىسىم جايلاردا(بولۇپمۇ جەنۇپتا)ساقال - بۇرۇت قويۇش قالاقلىقنىڭ، مەينەتلىكنىڭ بەلگۈسى دەپ تونۇلۇپ چەكلەش خېلى نورمال سانىلىپ، <<خەلق ئويلىغاننى ئويلاش>> دەپ قارىلىۋاتقان نۆۋەتتىكى ۋەزىيەتتە، ئېغىرلىغى نەچچە مىسقالمۇ كەلمەيدىغان ساقال - بۇرۇتىڭلارنى ئابدۇللا ئابدۇرەھىمدەك مەھكەم ساقلاپ رول ئالغان  بولساڭلار مەزكۇر فېلىم تېخىمۇ چىن، تۇرمۇشقا يىقىنلاشقان، كۆرۇرمەنلەرنى جەلپ قىلغان بولاتتى دەپ قارىغاچقا ئەرزىمەس بۇ يازمىنى يېزىپ ئولتۇرۇپتىمەن. بىلمىدىم، ئارزۇيىڭلارغا خىلاپ ھالدا ئالاھىدە سەۋەب بولغان بولسا ئۇ باشقا گەپ. شۇنداقتىمۇ بۇ ئالاھىدە سەۋەب بارلىق ئارتىسلارغا ئورتاق كېلىشى كېرەك ئىدىغۇ دەيمەن.
      ئالدىراشلىقتا تاققا - تۇققا يېزىپ، گەپ - سۆزدە ئېغىپ كەتكەن، شەخسىي ئىشىڭلارغا ئارىلىشىۋالغان بولسام تۆۋەنچىلىك بىلەن ئەپۇ سورايمەن.
                                      مەنبە: شەخسىي ھېسلىرىم

KOBEjan

بۇ فىلىمنىڭ تەشۋىقات ئېلانىنى مەنمۇ خېلى بۇرۇن توردا كۆرگەن، سىزگە ئوخشاشلا مەنمۇ ئەجەپلەنگەن ۋە قاتتىق ئەپسۇسلانغان ئىدىم. بەلكىم ئۇلارنىڭمۇ بۇنداق رولغا چىقىشىدا مەلۇم سەۋەبلەر باردۇ. لېكىن ئۇلار بۇ فىلىم ئارقىلىق پۇل تاپقان بىلەن ھۆرمەت تاپالمايدۇ.

فىلىمدە ئاساسلىق رول ئالغان ئابدۇكېرىم ئابلىز، مەمەتجان روزى ۋە دىلشات باراتلار ئەزەلدىن بۇرۇتتىن ئايرىلمايدىغانلار. ئەجەبلىنەرلىكى ئۇلار بۇ فىلىم ئۈچۈن يارىشىملىق بۇرۇت ساقاللىرىنى پاك پاكىز قىرىۋەتكەن. بۇ كىنوغا بۇرۇت تاقاشسا بۇرۇتى يوق ئارتىسلارمۇ بار ئىدىغۇ؟ بۇ شاپ بۇرۇت چولپانلار بۇرۇتلىرىنى قىرىۋېتىپ كىنو ئىشلەپ كەڭ ھەۋەسكار خەلقىنى "زامانىۋى مەدەنىيەتكە" ماسلىشىشقا چاقىرغان بولسا كىرەك

KOBEjan

   

ablimitt

ئالىدىغان پۇلنىڭ تايىنى يوق 11-ئايدا سۇغا چۈشۈپ تارتىپ قاپتۇ جاپانى، بۇ يەردىن كۆرۈپ بىقىڭلار، پاركورلارنىمۇ قۇشۇپ ياخشى ئشلەپتۇ. فىلىم بازاردا بارمۇ باللا؟...

surxon

تەشۋىقات ئېلانىنى كۆرۈپلا بۇ تېمىنى يازغان بولسىڭىز سەل ئالدىراپ كېتىپ قاپسىز، فىلىمنى تەپسىلى بىر كۆرۈپ ئاندىن مۇلاھىزە قىلسىڭىزمۇ كېچىكمەيتىڭىز....

aymuhammat

مەنمۇ كۆرۈپ ھەيران قالدىم.يوۋكۇغا خېلى ئنكاس يېزىپ قويغانتىم. ھەراس مەمۇرلار بۇرۇت قويسا بوممايدىكەنغۇ،شۇنىڭ ئۈچۈنمىدۇيا.

aymuhammat

چىرايىنىمۇ ھۆسۈن تۈزەتكەن بوسا،قاپاقلىرىنى يوغۇنتۇپ ،بۇرۇن قاڭشارلىرنى كىچىكلىتىپ ئاندىن تولۇق بولاتتىكەن ئەسلى.

ئارمان@

ھازىر بۇرۇتنى ئاسرايدىغانلا ئاز قالدى جۇمۇ ! ئىشقىلىپ مىنىڭچە بۇرۇت ئەركىشىنىڭ جەزبىدارلىقىنى نامايان قىلىپ تۇردىغان ۋە ئادەمدە كەم بولسا بولمايدىغان بىر خىل ئوبراز ۋەكىلىمىكىن دەيمەن'