دەم ئېلىشقا چىققان ئوقۇتقۇچىنىڭ %15 مائاشى تۇتۇپ قېلىنسا توغرىمۇ

manmuallim

     ئەسسالامۇئەلەيكۇم؟ باغداش مۇنبىرىدىكى قەدىرلىك قېرىنداشلار! ھەممىڭلارنىڭ قۇربان ھېيىتىڭلارغا مۇبارەك بولسۇن! قۇتلۇق كۈنلەردە ھەممىڭلارنىڭ ئەزىز تېنى ئامان بولسۇن.
مەن بىر ئوقۇتقۇچى بولۇش سۈپىتىم بىلەن بۇ تېمىنى يوللاپ تۇرۇپتىمەن. تەپسىلىي ئەھۋال تۆۋەندىكىچە:
    مەن خوتەن ۋىلايىتىنىڭ چەت بىر يېزىسىدا 30 يىلدىن ئارتۇق خىزمەت قىلىپ دەم ئېلىشقا چىققان بىر ئوقۇتقۇچى. ئۇدا باشلانغۇچ مەكتەپ مائارىپ قاتلىمىدا خىزمەت قىلىپ كەلدىم. خىزمەت قىلىش داۋامىدا يەرلىك مائارىپ تارماقلىرىنىڭ تۈرلۈك سىياسەت-بەلگىلىمىرىگە ئەمەل قىلىپ، كۈچۈمنىڭ يېتىشىچە بالىلىرىمىزنى تەربىيەلەشكە تېرىشتىم. ئەڭ ئاخىردا دەم ئېلىشقا چىقىش ئۇقتۇرۇشى كەلدى، شۇنىڭ بىلەن دەم ئېلىشقا چىقتىم. دەم ئېلىشقا چىققان تۇنجى ئايدىن باشلاپ، مائاشىمنىڭ %15 تۇتۇپ قىلىندى. شۇنىڭ بىلەن مۇناىسۋەتلىك خادىملارنىڭ نېمە ئۈچۈن بۇ پۇلنىڭ تۇتۇپ قېلىنغانلىقىنى سورىغىنىمدا، ئۇلار سىياسەت، بەلگىلىمىلەر شۇنداق دەپ جاۋاب بەردى.
    خېلىدىن بىرى بۇ مەسىلە كاللامنى قىيناپ كەلدى، زادى قانداق سىياسەت ئىكەنلىكىنى بىلىپ بولالمىدىم. 30 نەچچە يىلدىن ئارتۇق ۋاقىت كۈچنىڭ بارىدا جان كۆيدۈرۈپ ئىشلەپ، ئەمدى ئۇھ دەپ دەم ئېلىشقا چىققاندا ھەر ئېيىغا مائاشىمنىڭ %15 تىنىڭ تۇتۇپ قېلىنىشى مېنى سەل گاڭگىرىتىپ قويدى.
مەزكۇر تېمىنى مەن ئوغلۇم ئارقىلىق يوللىدىم. مۇنبىرىڭلارنى ئوغلۇمدىن ئاڭلىغان ئىدىم. بىلىمەن، مەزكۇر مۇنبەردە مائارىپنىڭ يۇقىرى قاتلىمىدا خىزمەت قىلىۋاتقان قېرىنداشلىرىمىز بولۇشى مۇمكىن. شۇڭلاشقا، مۇشۇ مەسىلىگە ئېنىق جاۋاب بەرگەن بولساڭلار، سىياسەت-بەلگىلىمەن دەپ ھەر ئايلىق مائاشىمنىڭ %15 تۇتۇلۇپ قېلىنىشى دۆلىتىمىزنىڭ ئالاقىدار مائارىپ سىياسەتلىرىگە ئۇيغۇنمۇ ياكى بۇنىڭدا باشقا بىرەر بەلگىلىمە بارمۇ؟

yaprak18

يەنە شۇ مائارىپ !!! يەنە شۇ باغۋەن ! ئەسسالامۇ ئالەيكۇم ئوقۇتقۇچى -ئۇستازلار ! ئايىمىڭلارغا موبارەك بولسۇن . ئالتۇن تىنىڭلار ئامان بولسۇن .

bariber

سىزنىڭ پۇلىڭىزدا سىياسەت-بەلگىلىمىلەرنىڭ ئانىسىنىڭ ھەققى بار ئوخشايدۇ.

yadikar0428

پېنسىيىگە چىققاندا تۇتۇلىدىغان ۋە قوشۇلىدىغان مائاش بولىدۇ.
سىزنىڭ مائاشىڭىزنىڭ تۇتۇلغان قىسمى قانداق تۈر ياكى نام بڭلەن تۇتۇلدىكىن؟

taranqi

شۇ مەزمۇندىكى بەلگىلىمىنىڭ نۇسخىسى بارمىكەن؟ئېنىقراق بىلىپ ئاندىن ئامال قىلىڭ،يوللانمىڭىز چولتىغۇ!...ئورۇنسىز ئىنكاسلارغا سەۋەپ بولۇپ قالماڭلار يەنە...

wolf-man

مەكتەپ مۇدىرىنىڭ غەجلەيدىغان پۇلى يىتىشمەي قالغان ئوخشايدۇ

951986172

مېنىڭچە ئۇنداق ئىش يوق چۈنكى مېنىڭ ھاممامنىڭ ئېرىمۇ پىنسىيەگە چىقىپ ئۇنداق ئىش بولغىنى ئاڭلاپ باقمىدىم.يىلدىن يىلغا قېتىلىپ ماڭغان تۇرسا ئۇ ئادەم تۈگەپ كەتكەندە ھۈكۈمەت تېخى نەچچە يىللىق پۇلىنى قوشۇپ بەردى .سىز ئەڭ ياخشسى سۈرۈشتۈرۈپ ئاندىن يۇقىرغا ئىنكاس قىلىپ بېقىڭ.

rafat

ئىش ئۈنۈم مۇئاشىنى تۇتۇپ قالغان بولسا كىرەك، چۈنكى ئىشلىمىڭسىز ئىش ئۈنۈمىڭىز نۆل بولىدۇ.
سىزدىنلا تۇتۇپ قالىدىغان ئىش يوق، بۇ دىگەن بىرلىككە كەلگەن بەلگىلىمە بولىشى مۈمكىن.