ئەركىنلىك جەڭچىسى ماندېلانىڭ مەشھۇر سۆزلىرىدىن ئۈزۈندىلەر
توخنىياز ئىسمائىل نىدائىي تەرجىمىسى
1. بىرەر ئىشنى قىلىپ بولماستىن بۇرۇن، ھەممە ئىشلار مۇمكىن بولمايدىغاندەك كۆرۈنىدۇ. 2. ئەڭ چوڭ شەرەپ مەڭگۈ يىقىلماسلىق ئەمەس، بەلكى يېقىلغاندىن كېيىن دەرھال تۇرۇپ كېتىشتۇر. 3. مائارىپ دۇنيانى ئۆزگەرتەلەيدىغان ئەڭ كۈچلۈك قورالدۇر. 4. ئاشۇ ئۇزۇن ھەم زېرىكىشلىك يىللاردا، مەن ئۆز خەلقىم ئۈچۈن قولغا كەلتۈرگەن ئەركىنلىك ئارۇزۇسى بارلىق كىشىلەرنىڭ، جۈملىدىن ئاق تەنلىكلەر ۋە نېگىرلارنىڭ ھەممىسىنىڭ ئورتاق ئارزۇسىغا ئايلىنىپ كەتتى. 5. ئەزگۈچىلەر بىلەن ئېزىلگۈچىلەر ئوخشاشلا ئازادلىققا مۇھتاج. باشقىلارنىڭ ئەركىنلىكىنى تارتىۋالغانلار ئۆچ-ئاداۋەتنىڭ مەھبۇسلىرىدۇر، ئۇلار ئاداۋەت ۋە ھەسەتخورلۇقنىڭ قۇربانلىرىدۇر. 6. بىر تەربىيە كۆرگەن كىشى بېسىمغا ئۇچرىمايدۇ، چۈنكى ئۇ مۇستەقىل پىكىر قىلىش ئىقتىدارىغا ئىگە. 7. ئەگەر سىز ئۆزىڭىزنىڭ دۈشمىنىڭىز بىلەن ئەپ ئۆتمەكچى بولسىڭىز، ئۇنىڭ بىلەن بىرلىكتە ئىش قىلىشىڭىز كېرەك. 8. دېموكراتىيە ئاز ساندىكى كىشىلەرنىڭ ھوقۇق-مەنپەئەتىگە ھۆرمەت قىلىشنى تەلەپ قىلىدۇ. 9. بىر دۆلەتكە باھا بېرىشتە ئۇ دۆلەتنىڭ يۇقىرى مەرتىۋىلىك كىشىلەرگە قانداق مۇئامىلە قىلغانلىقىغا ئەمەس، بەلكى كەمبەغەللەرگە ۋە ھېچنېمىسى يوق كىشىلەرگە قانداق مۇئامىلە قىلغانلىقىغا قاراش كېرەك. 10. ئىنسان تۇغۇلۇپلا تېرە رەڭگى، تۇغۇلغان جايى ۋە دىنىي ئېتىقادى قاتارلىقلار سەۋەبىدىن بىراۋغا ئۆچ بولۇپ قالمايدۇ. 11. مەن پۈتۈن ئۆمرۈمنى ئافرىقا خەلقىنىڭ كۈرىشىگە بېغىشلىدىم. مەن ئاق تەنلىكلەرنىڭ ئىرقىي ھۆكۈرمرانلىقىغا قارشى كۈرەش قىلدىم، مەن يەنە نېگىرلارنىڭ ئارزۇسى ئۈچۈن كۈرەش قىلدىم. مەندە دېموكراتىك ۋە ئەركىن جەمئىيەت قۇرۇشتەك گۈزەل غايە بار، مۇشۇنداق جەمئىيەتتە، بارلىق كىشىلەر ئىجىل، ئىناق ياشايدۇ، باراۋەرلىككە پۇرسەت بولىدۇ. مەن بۇ غايەم ئۈچۈن ياشاشنى ئۈمىد قىلىمەن ھەمدە ئۇنى ئىشقا ئاشۇرىمەن. ئەگەر لازىملا بولسا، مەن ئۇنىڭ ئۈچۈن ھاياتىمنىمۇ پىدا قىلىشقا تەييارمەن. 12. مەن ئۆز رولۇمنى ئورۇنلاپ بولدۇم، ھازىر پەقەت ئۈن-تىنسىز ياشايمەن. شۇ تاپتا مېنىڭ يۇرتۇمغا قايتىپ، بالىلىق چاغلىرىمدا ئوينىغان تاغ باغرىلىرىدا سەيلە قىلغۇم كېلىۋاتىدۇ. 13. مەن ئۈمىدۋارلىقنىڭ رەڭلىرى بىلەن ئۇ ئارالنى سىزىپ چىقتىم، مەن بۇنىڭدىن پۈتۈن دۇنيا خەلقى بىلەن ئورتاق بەھرلەنمەكچىمەن، مەن كۆپچىلىككە شۇنى دېمەكچىمەنكى، پەقەت بىز ھاياتلىقتىكى رىقابەتلەرنى قوبۇل قىلالىساقلا، ھەتتا خام خىياللىرىمىزمۇ ئەمەلگە ئېشىپ قالىدۇ. 14. نېگىرلار بىلەن ئاق تەنلىكلەرقېرىنداشلاردىن بولالىغاندىلا، ئافرىقا ئاندىن تەرەققىي قىلالايدۇ. 15. مەن خەلقىم ۋە جەنۇبىي ئافرىقىغا بولغان مەسئۇلىيىتىمنى ئادا قىلدىم. مەن كېيىنكى ئەۋلادلىرىمنىڭ مېنىڭ شان-شەرىپىمنى قايتۇرۇۋالالايدىغانلىقىغا شەكسىز ئىشىنىمەن، يەنە شۇنداق دەيمەنكى، بۇ سوت مەيدانىدىكى مەھبۇس ئورنىدا تۇرغۇچىلار دەل ھۆكۈمەت ئەزالىرىدۇر. | 
يوللىغان ۋاقتى 2014-10-14 18:35:27
