قولاي تىزىملىك
كۆرۈش: 2250|ئىنكاس: 19

مېنىڭ داداممۇ شۇنداق دادا ئىدى....!

[ئۇلانما كۆچۈرۈش]

11

تېما

3

دوست

2191

جۇغلانما

ئاكتىپ ئەزا

ئۆسۈش   6.37%

ئەزا ئۇچۇرى
تىزىم نۇمۇرى:  15618
يازما سانى: 162
نادىر تېمىسى: 0
مۇنبەر پۇلى: 31
تۆھپە : 666
توردىكى ۋاقتى: 178
سائەت
ئاخىرقى: 2015-4-14
يوللىغان ۋاقتى 2014-11-1 23:19:57 |ھەممە قەۋەتنى كۆرۈش
      مەن باشلانغۇچ مەكتەپتە ئوقۇۋاتقان ۋاقىتلاردىن تارتىپ ئانامنىڭ تېنى ئاجىز بولۇپ ،تولا ئاغرىپ قالاتتى.  تاماقنى ئاساسەن دادام ئېتىپ بېرەتتى،بىر –بىرىدىن كەپسىز،بىر –بىرىنىڭ ھالىدىن خەۋەر ئالالمايدىغان،ياش جەھەتتىن بىر –ئىككى ياش پەرقلىنىدىغان ئالتە بالىنىڭ كىيىم –كېچەكلىرىنى يۇيۇپ،ئاش –تامىقىنى ۋاقتى –قەرەلىدە ئېتىپ بېرىش ھەم خىزمەتنىڭ ھۆددىسىدىن چىقىش بىر ئەركىشىگە نىسپەتەن ئاسان ئەمەس ئىدى. تولۇقسىز ئوتتۇرا مەكتەپتە ئوقۇۋاتقان ۋاقىتتا ئانامنىڭ سالامەتلىك ئەھۋالى پەقەت ياخشى بولماي بالدۇرلا  كېسەللىك پېنسىيەسىگە چىقىۋالغان ئىدى،شۇنىڭدىن تارتىپ ئانام يىلدا بىر –ئىككى قېتىم دوختۇرخانىدا يېتىپ چىقىدۇ،ھەر قېتىم دوختۇرخانىدا ياتقاندا دادام ‹‹سىلەر بەك ئالدىراش، خىزمىتىڭلارنى قىلىۋېرىڭلار،مەن ئۆزۈم قاراي...››دەپ ،ئانامنىڭ ھالىدىن ئۆزى خەۋەر ئالىدۇ.بىزبولساق ئىشتىن چۈشكەندە،شەنبە –يەكشەنبە كۈنلىرى يوقلايمىز.تۆت يىلنىڭ ئالدىدا ئانام يۈرەككە تىيەك سېلىش ئوپراتسىيەسى قىلدۇرغان بولۇپ،كۆپ ھەركەت قىلالمايدۇ.  ئانامنىڭ سالامەتلىكى تازا ياخشى بولمىغاچقا ،ئالتە پەرزەنتنىڭ ھەممىسى ئانامدىن  بەك ئەنسىرەيمىز.
ئويلاپ باقسام باقسام، ھەر ھېيت –بايرام  ،خاتىرە كۈنلەردە ئاساسەن  ئانامغا بىرنەرسە ئېلىپ بېرىپتىمەن،دادامنى كۆپ ئويلاشماپتىمەن.ھەر قېتىم تېلىفون قىلغاندا دادام ئېپ قالسا ‹‹تېنچلىق تۇردىڭىزمۇ ؟مىجەزىڭىز قانداراق ؟ ئانام بارمۇ؟تېلىفوننى ئانامغا بېرىڭ ...››دەپتىمەن.ئانامدىن ئەنسىرەپتىمەن-يۇ،دادامنىڭ سالامەتلىكى ياخشى بولغاچقا ، كۆپ ئەنسىرەپ كەتمەپتىمەن.
دادام پېنسىيەگە چىققان يەتتە –سەككىز يىلدىن بېرى بىزنى مىڭ مۇشەققەتلەر بىلەن  بېقىپ قاتارغا قوشقىنى يەتمىگەندەك،بالىلارنىڭ بالىلىرىنىمۇ جاپا تارتىپ بېقىۋېتىپتۇ،بىز ئالتە پەرزەنتلەرمۇ كۆيۈمسىز بالىلاردىن ئەمەس بولمىسا،پۈتۈن كۈچىمىز بىلەن دادام –ئاناملارغا ۋاپادارلىقىمىزنى يەتكۈزۈپ تۇرىمىز،بىراق ھەممە ئۆينىڭ ئۆزىگە چۇشلۇق دەردى بولغاندەك بىزنىڭ ئائىلىنىڭمۇ دەردى بار يېتىپ –ئاشقۇچە،بۇلارنىڭ ھەممىسىنى دېگىلى بولمايدۇ چۆچەك چۆرۈپ.بەزى ئىشلارغا ئامال يوق.
ئىنىم بالا باقىدىغان ئادەم تاپالمىغاچقا ،بىچارە دادام  ئۇنىڭ ئۆيىدە ئۈچ يىل تۇرۇپ نەۋرە باقتى.ئىنىمنىڭ ئۆيىدىن قايتىپ كەلگەندىن كېيىن قالغان ئىككى ئىنىمنىڭ بالىلىرىمۇ تەييار بولۇپ،ھازىرغىچە ئۈچ نەۋرىنى بېقىۋاتىدۇ،بۇ نەۋرىلەرمۇ ئاتا-ئانىسىنىڭ قېشىغا كەلمەي دادامغا چاپلاشقىنى –چاپلاشقان،دادام ھەر كۈنى بۇ نەۋرىلەرنى توكلۇق ۋېلسىپىتكە ئولتۇرغۇزىۋېلىپ دەريا بويلىرىغا  ،مەنزىرىلىك جايالارغا ئاپىرىپ ئوينىتىدۇ،ئاغرىپ قالسا دوختۇرخانىغا ئاپىرىپ داۋالىتىدۇ،بەزىدە سەل قايناپ قالسام،‹‹قانداق قىلىمەن بالام،بالىلار ئالدىراش تۇرسا...›،دەيدۇ،مەنمۇ ئارتۇق گەپ قىلالمايمەن.بۇ نەۋرىلەرمۇ دادامغا شۇنداق ئىچەكىشىپ كەتكەنكى،ئاپىلىرى بولمىسا كارى يوق،دادام بىردەم بولماي قالسا‹‹چوڭ دادام قېنى ..؟››دەپ يىغلاپ ئالەمنى –مالەم قىلىدۇ،بولۇپنۇ ئوتتۇرانچى ئىنىمنىڭ بالىسىنى ئۆزى بىر قوللۇق باققاچقىمۇ دادامدىن بىر قەدەم نېرى بولغىلى ئۇنىمايدۇ،كەچلىرى ئۇخلىغاندىمۇ ئاپىسى بىلەن بىللە ياتماي دادام بىلەن بىللە ياتىدۇ،دادام ئەركىشى بولغان بىلەن بالا بېقىشتا خېلى  تەجىربىلىك.
مۇشۇ بىرنەچچە يىللاردىن بېرى دادامنىڭ تۈزۈكرەك ئارام ئېلىپ باققىنىنى ئۇقمايمەن،قارىسام دادام  باشقىچىلا قېرىپ كەتكەندەك،بەللىرى ئېگىلىپ مۈكچىيىپلا قاپتۇ، تونۇش –بىلىش،خۇلۇم –خوشنىلىرىمنىڭ  ‹‹ دادىڭىز ئەجەب قېرىپ ،تۈگىشىپ كەتكەندەك بولۇپ قاپتا..››دېگەن گەپلىرىنى ئاڭلاپ يۈرىكىم ‹‹شۇررىدە››بولۇپ،ئىچىم ئاچچىق بولۇپ قالىدۇ. چوڭ ئۆيدىكى پۈتۈن ماڭ –تۇر ئىشلارنىڭ ھەممىسى دادامغا قاراشلىق.شۇنداق جاپالار ئاستىدا چېنىققاچقىمۇ ،ئەقلىمنى بىلىپ ھازىرغىچە دادامنىڭ ئورۇن تۇتۇپ ھەپتە يېتىپ قالغىنىنى بىلمەيمەن.

داۋامى بار...



مەنبە : ئۆز قەلىمىم

11

تېما

3

دوست

2191

جۇغلانما

ئاكتىپ ئەزا

ئۆسۈش   6.37%

ئەزا ئۇچۇرى
تىزىم نۇمۇرى:  15618
يازما سانى: 162
نادىر تېمىسى: 0
مۇنبەر پۇلى: 31
تۆھپە : 666
توردىكى ۋاقتى: 178
سائەت
ئاخىرقى: 2015-4-14
يوللىغان ۋاقتى 2014-11-2 11:51:34 |ھەممە قەۋەتنى كۆرۈش
بۇ يازمىنى ئاخىرىدا   musilina تەھرىرلىگەن. ۋاقتى  2014-11-2 11:53  

داۋامى يوللاندى




ئالتە پەرزەنتنىڭ ئىچىدە يالغۇز بىر قىز بولغانلىقىم ئۈچۈن دادام ماڭا بەكمۇ ئامراق ئىدى،گەرچە ئىككى بالىغا ئانا بولۇپ قالغان بولساممۇ،يەنە مېنىڭ غېمىمنى قىلىپ كېتىدۇ،بۇ قېتىم   ئوپراتسىيە قىلدۇرۇشنىڭ ئالدىدا دوختۇرخانىدا داۋالىنىۋاتقاندا شۇ جاپاكەش دادام قارا قىشنىڭ قاتتىق سوغۇقىدا ‹‹بۇ سوغۇقتا جاپا تارتىپ  تاماق ئەكەلمەڭ...››دەپ تۇرسام ،نەچچە كۈندە بىر تاماق توشۇپ تۇردى،تاماق بىلەن قوشۇپ يېگىنىم مىننەتدارلىق،خىجىللىق يېشى بولدى.ئوپراتسىيە  قىلدۇرۇپ كەلگەندىن كېيىن بىر ئاي چامىسىدا چوڭ ئۆيدا ياتتىم،بۇ جەرياندا دادامنىڭ تارتىۋاتقان جاپالىرىنى تېخىمۇ بەكراق چۈشەندىم،بىچارە دادامغا بەزى كۈنلىرى كۈندۈزى بىرەر سائەت ئۇخلىۋالغۇدەكمۇ پۇرسەت يوق  ماڭغىنى ماڭغانكەن،بىر كۈنى بىر نەۋرە قىزىپ قېلىۋاتقان،بىر كۈنى بىر نەۋرىنىڭ ئىچى سۈرۈپ قېلىۋاتقان،بىر كۈنى بىر ئىش ،يەنە بىر كۈنى بىر ئىش.ئۆيۈمگە يېنىپ كەلگەندىن كېيىنمۇ ئۆيدە تاماق ئېتەلمىگەچكە، شۇ مېھرى ئاتەش دادام ‹‹ئەكەلمەڭ...››دېگىنىمگە قويماي،چوڭ ئۆيدىن  تەييار خېمىر،چۆپ ...دېگەندەكلەرنى توشۇپ تۇردى.
قايسى كۈنى مۇنبەر كۆرۈپ ،ناخشا ئاڭلاپ ئولتۇرۇپ ئابدۇرېھىم ھېيتنىڭ  ‹‹ئۇلار شۇنداق  ئاتىلار ئىدى ››دېگەن ناخشىسىنى قويۇپ قالدىم،ناخشىنىڭ جۇشقۇن مىلودىيەسى،تېكىست مەزمۇنىنىڭ چوڭقۇرلىقى قەلبىمنى يەنە بىر قېتىم لەرزگە سالدى،ناخشىنى يېنىش –يېنىشلاپ ئاڭلىدىم.ھەر بىر ئاڭلىغاندا مېھرىبان،جاپاكەش دادامنىڭ مۈكچەيگەن سىيماسى كۆز ئالدىمغا كېلىپ،بوغۇزۇمغا ئاچچىق يىغا ياماشتى.
ئىزدەش تورىدىن ‹‹ئۇلار شۇنداق ئاتىلار ئىدى››دېگەن ناخشىنى تېپىپ ،ناخشا تېكىستىنى قايتا -قايتا ئوقۇپ چىقتىم.




ئۇلار شۇنداق ئاتىلار ئىدى


ئاپتورى: ئابدۇرېھىم ئابدۇللا






ھەممە شائىر «ئانام»لا دېدى،
ئاتىلىرى يوقمىكىن ئەستە.
ئۇلار شۇنداق ئاتىلار ئىدى،
يولۋاسنىمۇ قويغان ھەۋەستە.



ئۇلار شۇنداق ئاتىلار ئىدى،
نى گۈزەللەر بولغانتى شەيدا.
خەنجەر بولۇپ قادىلار ئىدى،
بولسا مەلئۇن ھەر جايدا پەيدا.



دائىم ئۆتۈك بىلەن سۇ كېچىپ،
كۆردى نى-نى دەردۇ- بالالار.
ھەتتا يۈگەن بىلەن سۇ ئىچىپ،
كەزمىدىمۇ تاغۇ-دالالار.



نەيزىسىنىڭ ئۇچىدا چولپان،
قىلىچىدا تاڭنىڭ يالقۇنى.
ۋەتەن ئىشقى ئوقلارغا قالقان،
ئايىغىدا قاننىڭ دولقۇنى.



تالاپەت يەپ چۆللەردە قالسا،
ئاسمان يىغلاپ تۆكمىدىمۇ ياش.
يۇلغۇنزارلار قوينىغا ئالسا،
شىر-يولۋاسلار تاۋۇتقا قولداش.



بىز ئاتالدۇق بەزمىدە يىگىت،
ئاھ، جان ئاتىلار جەڭلەردە شېھىت.


       ٭٭ ٭٭ ٭٭


يىڭنىلەرگە رەھمەت ئوقۇلدى،
جەڭگاھ بىلەن ئۇنتۇلدى ئوقيا.
كۆسەيلەرگە داستان پۈتۈلدى،
قىلىچ بىلەن يارالدى دۇنيا.



توقاچ بەرسە ئانام تونۇردىن،
ئەرك بەرگەن ئاتام جەڭلەردە.
كۆڭلەك بەرسە ئانام ماتادىن،
بايراق بەردى ئاتام زەپەردە.



مەن يىقىلسام ئانام يىغلىدى،
ئاتام سىلكىپ مىندۈردى ئاتقا.
جاپالاردا راسا تاۋلىدى،
خار قىلماي دەپ ياۋلارغا-ياتقا.



سايىلەردە ئانام ئەللىيى،
مەن قۇچاقتا، كۆزۈم ئۇيقۇدا.
خامانلاردا ئاتام لاي-لېيى،
شەھەر ئالغان شاھتەك تۇيغۇدا.



چىللاپ كەتتى ئاتامنى ۋىجدان،
ئانام قالدى ئۆينىڭ غېمىدە.
ئەلنىڭ غېمى ئاتامدا ۋولقان،
يېشى دەريا، ئۆزى كېمىدە.



مىڭ يىگىتنىڭ ھىممەت لەرزى بار،
قولىدىكى ھەر بىر قاداقتا.
ھەر كۈلكەمنىڭ پۈتمەس قەرزى بار
ئۇ ئىشلەتكەن خەنجەر، ساداقتا.



مەن ئاتالدىم بەزمىدە يىگىت،
ئاھ، جان ئاتام جەڭلەردە شېھىت.




دادام،قەددى تاغلارغا تەڭداش،مېھرى ئاتەش ،كۆيۈمچان دادام ئۇنچە داڭدار،نامى چىققان شەخسمۇ ئەمەس،ئۇ  بىز ئالتە پەرزەنت ئۈچۈن بارلىقىنى ئاتىغان، ئەرلىك مەسئۇلىيىتىنى تولۇق ئادا قىلغان،ھەر بىر ئىشلىرىدا بىز پەرزەنتلەر ئۈچۈن ئۈلگە بولغان،  بارلىقىنى مائارىپ ئىشلىرىغا بېغىشلىغان،مائارىپ سېپىدە  ھەم ئەل –جامائەت ئارىسىدا ھۆرمەتكە سازاۋەر بولغان، ئالتە پەرزەنت ئىچىدە تۆت پەرزەنتنى مائارىپ سېپىدىكى ياراملىق كىشىلەردىن قىلىپ تەربىيىلگەن ئەنە شۇنداق ئاددىي ھەم ئۇلۇغ دادا.
ئېسىمنى بىلسەم دادام بىز ھەرقانچە كەپسىزلىك قىلساقمۇ ئۇرۇپ –تىللاپ باققىنىنى ئۇقمايمەن،پەقەت بىزگە ئەمەلىي مىساللار ئارقىلىق قايىل قىلارلىق تەربىيەلەرنى قىلاتتى،دادام كىتاب ئوقۇشقا بەك ئامراق ئىدى،بىكار بولسىلا قولىدىن كىتاب چۈشۈرمەيتتى،ھازىرمۇ ئاتمىشتىن ئاشقان بىلەن كىتاب ئوقۇش ئادىتىنى تېخىچە تاشلىغىنى يوق،ۋاقتى بولسىلا كىتابخانىدىن ھەر خىل كىتابلارنى سېتىۋالىدۇ،دادامنىڭ شۇ كىتابخۇمارلىقى بىزگىمۇ تەسىر كۆرسەتكەن بولسا كېرەك،بىزمۇ ۋاقتىمىز چىقسىلا.بىر-بىرىمىزدە يوق كىتابلارنى ئۆزئارا ئالماشتۇرۇپ ئوقۇيمىز،كىتابنى كۆپ ئوقۇغانلىقىنىڭ تەسىرىمۇ دادامنىڭ سۆز بايلىقى بەك مول،ئىنتايىن  ئىدىتلىق پىكىر قىلىدۇ،ئۆتكەن يىلى ھەرقايسى مەكتەپلەر  ‹‹ مەكتەپ تەزكىرىسى››يازىدىغان ئىش بولۇپ،دادام باشلىق بىرقانچە پېنسىيەگە چىققانلار ‹‹مەكتەپ تەزكىرىسى››يېزىشىپ بەردى،بۇ ئىشقا دادام بەكراق كۈچ چىقارغاچقا،مەكتەپ مۇدىرى دادامدىن بەكمۇ رازى بولدى.
دادام بەك ئالدىن كۆرەر،  قايسىبىرىمىز بىرەر مەسىلىگە يولۇقساق دادامغا مەسلەھەت سالىمىز،دادام ئەتراپلىق،قايىل قىلارلىق يول كۆرسىتىدۇ،دادام يول كۆرسەتكەن ئىشتىن ھازىرغىچە چاتاق چىقىپ باققىنىنى ئۇقمايمەن.مەن مۇشۇنداق بىر دادام بولغانلىقىدىن بەكمۇ پەخىرلىنىمەن،‹‹ئاغرىماي-ئاغرىماي بىرلا يېتىپ قېلىپ، ھەممىمىزنى داغۇ –ھەسرەتتە قويارمۇ؟›› دەپ بەزىدە دادامدىن بەكمۇ ئەنسىرەيمەن.ياراتقۇچى ئىگەم اللاھتىن دادامغا ئۇزۇن ئۆمۈر،تېنىگە سالامەتلىك تىلەشنى ھەر ۋاقىت ئېسىمدىن چىقارمايمەن.
دادام ‹‹ئۇلار شۇنداق ئاتىلار ئىدى››دېگەن شېئىردا ئېيتىلغاندەك جەڭلەرگە قاتنىشىپ باقمىغان بولسىمۇ،بىراق تۇرمۇش دوقاللىرىدا مۈدۈرۈپ يۈرۈپ توغرا يول تاپقان ۋە شۇ توغرا يولى ئارقىلىق بىزگە ھەر جەھەتتىن ئۈلگە بولۇپ كېلىۋاتقان ،ۋىجدانلىق،مەسئۇلىيەتچان،غورۇرلۇق  ھەم سۆيۈملۈك دادا،دادام بىزگە يول كۆرسەتكۈچى نۇرلۇق ماياك،بىزنىڭ يولباشچىمىز،بىز ئالتە پەرزەنت قەلبىدىكى نۇرلۇق ئابىدە.
مەن بۇ يازمام ئارقىلىق دادامنى ماختاپ كۆكككە كۆتۈرمەكچى ئەمەسمەن. بالىنى تېپىپ قويۇپ بېقىش مەجبۇرىيىتىنى ئادا قىلمايدىغان،ئۆيدىكى ئايالى ئېتىپ بەرگەن تەملىك تاماقنى تاشلاپ سىرتلاردا مەنتەڭ ئىچىپ يۈرىيدىغان قىسمەن ساندىكى بىر قىسىم مەسئۇلىيەتسىز ،غورۇرسىز دادىلارنى ھېسابقا ئالمىغاندا كۆپ قىسىم دادىلار مېنىڭ دادادمغا ئوخشاش جاپاكەش،بارلىقىنى پەرزەنت ئۈچۈن ئاتىغان دادىلاردۇر.
‹‹جەننەت ئانىلارنى ئايىقى ئاستىدا ››دېيىلىدىكەن،ئانىمزمۇ بىز ئۈچۈن نى جاپالارنى تارتتى،ئۇزۇن گەپنىڭ قىسقىسى ئاتا –ئانىمىز بىز ئۈچۈن شۇنچە بەدەللەرنى تۆلىدى،بىز پەرزەنت بولغۇچىلار‹‹ئاتا –ئانا  بولغاندىكىن قىلىشى كېرەك››دېگەن كۆز قاراشتا بولماي،ئۇلارغا كۆيۈنەيلى،پەرزەنتلىك بۇرچىمىزنى ئادا قىلايلى،بىز ئۈچۈن بارلىقىنى تەقدىم قىلغان،بىزنىڭ ئوتىمىزدا كۆيۈپ ،سۈيىمىزدە ئاققان شۇ قەدىردانلارغا ۋاپادارلىقىمىزنى يەتكۈزەيلى،پەقەت بولمىسا ئامال يوق،ئىمكان بولسىلا بالىلىرىمىزنى ئۆزىمىز باقايلى،ئابدۇللا ئابدۇرېھىم ئېتوتىدا ئېيتىلغان  ‹‹بىزنى باققان ئاتا –ئانىمىز بالىلىرىمىزنىمۇ بېقىپ بېرىشى كېرەك››دېگەن سۆزلەر بىزگە مودا بولۇپ قالمىسۇن،ئاتا –ئانىمىز ياشىنىپ قالدى،بۇرۇنقىدەك كۈچ –مادارى يوق،ئۇلارنى ئاسرايلى،ھەر كۈنلىكى بىر رەت تېلىفون ئۇرۇپ،ئۇلاردىن ھال –ئەھۋال سوراپ قويايلى، بۇ ئالدەمدىن كەتكەندە ھەسرەت چەككەندىن. ئۇلار ھايات ۋاقتىدا قەدرىگە يېتەيلى...
شۇ قەدىردانلىرىمىزغا اللاھتىن تېنىگە سالامەتلىك،ئۇزۇن ئۆمۈر تىلەيمەن.بارلىق پەرزەنتلەرنىڭ كۆڭلىگە ئىمان –ئىنساپ،دىيانەت تىلەيمەن،بارلىق ئەزىزلەر ئامان بولسۇن،توغراق يېشىدا ياشاڭلار قەدىردانلار...!




تولۇق تۈگىدى
يۇنىل ئوپال سىلىقلاش مېيى

8

تېما

2

دوست

4589

جۇغلانما

ئاكتىپ ئەزا

ئۆسۈش   86.3%

ئەزا ئۇچۇرى
تىزىم نۇمۇرى:  12612
يازما سانى: 160
نادىر تېمىسى: 0
مۇنبەر پۇلى: 287
تۆھپە : 1275
توردىكى ۋاقتى: 244
سائەت
ئاخىرقى: 2015-4-20
يوللىغان ۋاقتى 2014-11-2 14:42:19 |ھەممە قەۋەتنى كۆرۈش
پەرىشتە سۈپەت ئاتا - ئانىلىرىمىز ئامان بولغاي !!!!

0

تېما

0

دوست

976

جۇغلانما

دائىملىق ئەزا

ئۆسۈش   95.2%

ئەزا ئۇچۇرى
تىزىم نۇمۇرى:  29806
يازما سانى: 13
نادىر تېمىسى: 0
مۇنبەر پۇلى: 5
تۆھپە : 306
توردىكى ۋاقتى: 17
سائەت
ئاخىرقى: 2015-4-17
يوللىغان ۋاقتى 2014-11-2 17:34:20 |ھەممە قەۋەتنى كۆرۈش
ئاتا - ئانىلىرىمىزنىڭ تېنىنىڭ سالامەت بولىشىنى ئۇلۇغ ئاللاھتىن تىلەيمەن!

0

تېما

2

دوست

726

جۇغلانما

دائىملىق ئەزا

ئۆسۈش   45.2%

ئەزا ئۇچۇرى
تىزىم نۇمۇرى:  28605
يازما سانى: 54
نادىر تېمىسى: 0
مۇنبەر پۇلى: 0
تۆھپە : 224
توردىكى ۋاقتى: 26
سائەت
ئاخىرقى: 2015-4-17
يوللىغان ۋاقتى 2014-11-2 20:27:59 |ھەممە قەۋەتنى كۆرۈش
بارلىق ئەزىزلىرىمىز ئامان بولسۇن

----كىتابخۇمار----

7

تېما

76

دوست

1 تۈمەن

جۇغلانما

پاكلىق ئەلچىسى

ئۆسۈش   9.18%

ئەزا ئۇچۇرى
تىزىم نۇمۇرى:  21561
يازما سانى: 1357
نادىر تېمىسى: 2
مۇنبەر پۇلى: 1031
تۆھپە : 3784
توردىكى ۋاقتى: 734
سائەت
ئاخىرقى: 2015-4-20
يوللىغان ۋاقتى 2014-11-2 20:42:52 |ھەممە قەۋەتنى كۆرۈش
سىزنىڭ دادىڭىز كەبى بارلىق ئۇلۇغ ئاتىلارغا سالام،مىھرى ئاتەش ئۇلۇغ ئانىلارغا سالام ئەمما ...ئەمما...

2

تېما

5

دوست

1882

جۇغلانما

تىرىشچان ئەزا

ئۆسۈش   88.2%

ئەزا ئۇچۇرى
تىزىم نۇمۇرى:  24276
يازما سانى: 147
نادىر تېمىسى: 0
مۇنبەر پۇلى: 9
تۆھپە : 562
توردىكى ۋاقتى: 119
سائەت
ئاخىرقى: 2015-4-2
يوللىغان ۋاقتى 2014-11-2 22:00:36 |ھەممە قەۋەتنى كۆرۈش
قەلمىڭزگە باركاللاھ

0

تېما

0

دوست

490

جۇغلانما

ئادەتتىكى ئەزا

ئۆسۈش   95%

ئەزا ئۇچۇرى
تىزىم نۇمۇرى:  31035
يازما سانى: 22
نادىر تېمىسى: 0
مۇنبەر پۇلى: 0
تۆھپە : 156
توردىكى ۋاقتى: 15
سائەت
ئاخىرقى: 2015-1-17
يوللىغان ۋاقتى 2014-11-4 16:01:29 |ھەممە قەۋەتنى كۆرۈش
تىمىڭىزنى كۇرۇپ كۆزياشلىرىمنى توختۇتالمىدىم ، رەھمەت سىزگە،ھەرھالدا ئاتىڭىز ھاياتكەن .ياخشى تەرىپى سىز ئاتىڭىزنىڭ ھاياتلىقىدا شۇنى تۇنۇپ يىتەلىپسىز ،بىراق مەن ئاتامدىن ئايرىلغان كۇنلەردە ئاندىن سىزدەك تۇيغۇغا كەلگەن.بۇ مىنىڭ ھاياتىمدىكى ئەڭ چوڭ كىچىكىش ئىكەن ئەمەسمۇ  ؟؟؟
كىرگەندىن كېيىن ئىنكاس يازالايسىز كىرىش | دەرھال تىزىملىتىش

Powered by Discuz! X2.5(NurQut Team)

( 新ICP备06003611号-1 )