- تىزىملاتقان
- 2014-11-6
- ئاخىرقى قېتىم
- 2015-2-18
- ھوقۇقى
- 1
- جۇغلانما
- 131
- نادىر
- 0
- يازما
- 5
ئۆسۈش
43.67%
|
ئەسسالامۇ ئەلەيكۇم، تورداشلار مەن ئۇزۇندىن بېرى ئەتراپىمىزدا سېتىلىۋاتقان ھەرخىل ئۇيغۇر يېزىقى بېسىلغان مەھسۇلاتلارغا دىققەت قىلىۋاتىمەن، بۇلار يېمەك-ئىچمەك،تۇرمۇش بويۇملىرى،كىيىم-كىچەك،ئائىلە ئېلىكتىر سايمانلىرى،دورا .....قاتارلىق ساھەلەردە بۇلۇپ، يىلدىن-يىلغا كۆپەيگەنلىكتىن بىزنى گاڭگىرتىپ قويدى؛ ئۇنى ئاز دەپ رادىئو-تېلىۋىزور،گېزىت-ژورنال قاتارلىق ئاخبارات ۋاستىلىرىدىمۇ توختىماي ئېلان بەرگەنلىكتىن راست ئوخشايدۇ دىگەنلەر كۆپەيدى؛ كۆپ قىسىم خەلقىمىز، بۇلۇپمۇ يېزىلاردىكى خەلقىمىز قايسىسى ھەقىقى مال، ھالال،ئۆز مەھسۇلاتىمىز دىگەنلەرنى ئايرىيالماي قارغۇلارچە ئىستىمال قىلماقتا؛
ھازىرقى ئەڭ نازۇك مەسلە بىر قىسىم يىمەك-ئىچمەك تۈرىدىكى مەھسۇلاتلار باشقىلار تەرىپىدىن ئىشلەنگەن بولسىمۇ ،لېكىن بەزى «ئەقىللىق» ئادەملىرىمىز مەھسۇلات تاشقى ئورالما قېپىغا مەھسۇلات نامى،ماركىسى،شىركەت نامى قاتارلىق ئۇچۇرلارنى ئۇيغۇر تىل-يېزىقىدا بېسىپلا ئۆز مەھسۇلاتى قىلىپ ساتماقتا؛
نۆۋەتتە بازاردىكى ئۇيغۇر يېزىقىدا خەت يېزىلغان ماللارغا نەزەر سالساق 3تۈرلۈك بولماقتا؛
1. پەقەت مەھسۇلات نامى ئۇيغۇر يېزىقىدا بېسىلغان،باشقا ئۇچۇرلىرى خەنزۇ يېزىقىدا، بۇلار%100 ئىچكىرى ئۆلكىلەردە ئىشلەنگەن، كۆپىنچە ئەرزان باھالىق بالىلار يىمەكلىكى قاتارلىقلار.....
2.مەھسۇلات نامى،ماركىسى،شىركەت نامى(xxسودا شىركىتى) ئۇيغۇر تىل-يېزىقىدا بېسىلغان،ئىشلەنگەن ئورنى ئادرېسى بولسا خەنزۇ يېزىقىدا، شىنجاڭ ئىچى ياكى ئىچكىرى ئۆلكىلەردىكى باشقا شىركەت زاۋۇتلاردا ئىشلەنگەن؛ بۇ تۈردىكى مەھسۇلات ھەر خىل ساھەلەردە كۆپ ئۇچرايدۇ؛
3.مەھسۇلات نامى،ماركىسى،شىركەت نامى، ئىشلەنگەن ئورنى ئادرېسى ئۇيغۇر تىل-يېزىقى بىلەن خەنزۇ يېزىقىدائوخشاش مەزمۇندا بېسىلغان،پەقەت مۇشۇ تۈردىكى مەھسۇلاتلار ھەقىقى ئۆز مەھسۇلاتىمىزدۇر، مەسلەن:ئارمان،ئىخلاس،ئابىدە، ئامىنە،ئوغۇزخان،چىننۇرى ..... قاتارلىق ماركىلاردىكى مەھسۇلاتلار.
مەن دىمەكچى بىر ئۆلچەملىك مەھسۇلات بولغان ئىكەن، ئۇچۇرى كۆپ خىل يېزىقتا ئىپادىلەنسە، مەزمۇنى بىردەك بۇلىشى كېرەك، باشقىلارغا ھاۋالىلىك مەھسۇلات ئىشلەتكۈزۈش ھەرگىز ناچار ئىش ئەمەس،مەسلەن: adidasكىيىملىرى ئۆزى لاھىيىلەپ باشقىلارغا ھاۋالىلىك ئىشلەتكۈزۈدۇ، suningزەنجىرسىمان ئائىلە ئېلىكتىر ئۈسكىنىلىرى باشقا ماركىدىكى مەھسۇلاتلارنى ساتىدۇ.
ئاخىرىدا دەيدىغىنىم، بارلىق كارخانىلار ئەتىكى روناق تېپىشىڭىز خەلقىمىزنىڭ قوللىشىدىن ئايرىلالمايدۇ،شۇڭا سودىدا سەمىمى بۇلۇپ، مەھسۇلات سۈپىتى بىلەن مۇلازىمەت دەرىجىسىنى ئۆستۈرۈڭ،نۇقۇل ئېلانغا تايىنىۋالماڭ، Sony,Toyota,Samsung .....قاتارلىق دۇنياۋى ماركىلار ھەرگىزمۇ ئېلانغا تايىنىپ شۆھرەت قازانغان ئەمەس،قىسقىسى، ئەلنىڭ كۆزى ئەللىك !!!
|
|