‹‹ۋۇ سوڭ›› ناملىق تېلېۋىزىيە تىياتىرى ۋە جۇ يەنپىڭ

nidayi

‹‹ۋۇ سوڭ›› ناملىق تېلېۋىزىيە تىياتىرى ۋە جۇ يەنپىڭ

توخنىياز ئىسمائىل نىدائىي

    ئەينى يىللىرى پۈتۈن مەملىكەت مىقىياسىدا قويۇلۇپ مىسىلسىز تەسىر قوزغىغان سەككىز قىسىملىق تېلېۋىزىيە تىياتىرى ـــ ‹‹ۋۇ سوڭ››نى 1983-يىلى شەندۇڭ تېلېۋىزىيە ئىستانسىسى ئىشلىگەن. بۇ تېلېۋىزىيە تىياتىرى ئىشلەنگىنىگە ھازىر توپتوغرا 30 يىل بولغان بولسىمۇ، لېكىن بۇ فىلىمدىكى كۆرۈنۈشلەر ۋە نادىر دىيالوگلار كىشىلەرنىڭ ئېسىدىن كۆتۈرۈلۈپ كەتكىنى يوق. ‹‹ۋۇ سوڭ›› ناملىق بۇ تېلېۋىزىيە تىياتىرى جۇڭگونىڭ تۆت مەشھۇر كىلاسسىك ئەسىرىنىڭ بىرى بولغان ‹‹سۇ بويىدا›› ناملىق كاتتا ئەسەردىكى ۋۇ سوڭغا دائىر ۋەقەلىكلەر ئاساسىدا ئۆزگەرتىپ ئىشلەنگەن. فىلىمدىكى ‹‹ۋۇ سوڭنىڭ جىڭياڭ داۋىنىدا يولۋاس ئۆلتۈرۈشى››، ‹‹ۋۇ سوڭنىڭ كەيىپ گۇمپىسى بىلەن جياڭ مېنشىننىڭ دۇمبالىشى››، ‹‹ۋۇ سوڭنىڭ سۇركاۋۇل مەھكىمىسىنىڭ توزىقىغا چۈشۈشى››، ‹‹ۋۇ سوڭنىڭ قوشماق ئۆردەك راۋىقىنى قانغا بويىشى››، ‹‹ۋۇ سوڭنىڭ شى مىنچىڭنى ئۇرۇپ ئۆلتۈرۈشى›› دېگەندەك بىر قاتار كۆرۈنۈشلەر تېخى ھېچكىمنىڭ ئېسىدىن كۆتۈرۈلۈپ كەتكىنى يوق.
    تېلېۋىزىيە تىياتىرى ‹‹ۋۇ سوڭ›› جۇڭگونىڭ تېلېۋىزىيە تەرەققىيات تارىخىنىڭ سەھىپىسىگە يېزىلىدۇ. ‹‹ۋۇ سوڭ›› گەرچە كىلاسسىك ئەسەرلەر ئاساسىدا ئۆزگەرتىپ ئىشلەنگەن تۇنجى تېلېۋىزىيە تىياتىرى بولمىسىمۇ، ئەمما بۇ تېلېۋىزىيە تىياتىرى ئوخشاش تۈردىكى تېلېۋىزىيە تىياتىرلىرى ئىچىدە تۇنجى بولۇپ زور داغدۇغا قوزغىيالىغان ۋە كاتتا ئۇتۇق قازانغان تېلېۋىزىيە تىياتىرى ھېسابلىنىدۇ. ئەينى يىللىرى پۈتۈن مەملىكەت مىقىياسىدا ھەممەيلەن دېگۈدەك ‹‹ۋۇ سوڭ›› ناملىق بۇ تېلېۋىزىيە تىياتىرىنى ياقتۇرۇپ كۆرىدىغان ۋە ۋۇ سوڭدىن ئىبارەت بۇ شەخسنى بىلىدىغان، ئۇنىڭ چامباشىچىلىق ھەرىكەتلىرىنى، نادىر دىيالوگلىرىنى تەقلىد قىلىپ دورايدىغان ھالەت شەكىللەنگەن. شۇنداق دېيىشكە بولىدۇكى، مەشھۇر ئەسەرلەر ئاساسىدا ئۆزگەرتىپ ئىشلەنگەن فىلىملەردىكى پېرسۇناژلاردىن ھېچقايسىسى ۋۇ سوڭدەك شۆھرەتكە ئىگە بولغان ئەمەس. ‹‹ۋۇ سوڭ›› ناملىق تېلېۋىزىيە تىياتىرى تۇنجى بولۇپ مەخسۇس چامباشىچىلىق ئارتىسلىرى چامباشىچلىق ھەرىكەتلىرىنى كۆڭۈل قويۇپ لايىھەلەشنى، كۆرۈش ئۈنۈمىنى تەكىتلەشنى باشلاپ بەرگەن تۇنجى تېلېۋىزىيە ئەسىرى بولۇپ ھېسابلىنىدۇ.
    بۇ تېلېۋىزىيە تىياتىرى 1983-يىلى جۇڭگو تېلېۋىزىيە تىياتىرى ‹‹پەرىزات مۇكاپاتى››نىڭ 1-دەرىجىلىك مۇكاپاتىغا ئېرىشكەن. 1983-يىلى جۇڭگو تېلېۋىزىيە تىياتىرى ‹‹ئالتۇن بۈركۈت›› مۇكاپاتىنىڭ ‹‹مۇنەۋۋەر تېلېۋىزىيە تىياتىرى›› مۇكاپاتىغا ئېرىشكەن. ۋۇ سوڭنىڭ رولىنى ئالغان ئارتىس ـــ جۇ يەنپىڭ ‹‹ئەڭ ياخشى ئەر ئارتىس مۇكاپاتى››غا ئېرىشكەن.
    ‹‹ۋۇ سوڭ›› ئوبرازىنى ياراتقان ئارتىس ـــ جۇ يەنپىڭ ھەققىدە
    جۇڭگونىڭ ئاتاقلىق كىنو-تېلېۋىزىيە ئارتىسى جۇ يەنپىڭ 1958-يىلى شەندۇڭ ئۆلكىسىنىڭ تەيئەن شەھىرىدە تۇغۇلغان. 14 ياش ۋاقتىدا جىنەن شەھەرلىك جىڭجۈ تىياتىرى ئۆمىكىگە بېرىپ رول ئېلىشنى ئۆگەنگەن. 1978-يىلى شاڭخەي دىراما ئىنىستىتۇتى ئورۇنلاش فاكۇلتېتىغا ئىمتىھان بېرىپ ئۆتكەن. مەكتەپتىكى مەزگىلىدە ئۇ جۇڭگو ۋە چەت ئەلنىڭ دىرامىلىرىدا ئوخشاش بولمىغان روللارنى ئالغان. بىر قېتىم تاساددىپىي پۇرسەتتە جۇ يەنپىڭ بېيجىڭ كىنو ئىستۇدىيەسى يېڭىدىن ئىشلىگەن ‹‹يۈەنشۈەينىڭ ئۆلۈمى›› ناملىق فىلىمدە ما خۇڭخۇنىڭ رولىنى ئالىدۇ. ئارقىدىنلا ئۇ شەندۇڭ تېلېۋىزىيە ئىستانسىسى ئىشلىگەن سەككىز قىسىملىق تېلېۋىزىيە تىياتىرى ‹‹ۋۇ سوڭ››دا ۋۇ سوڭنىڭ رولىنى ئېلىشقا تەكلىپ قىلىنىدۇ ھەمدە 1983-يىلى ئاۋام تېلېۋىزىيەسى ‹‹ئالتۇن بۈركۈت›› مۇكاپاتىنىڭ ‹‹ئەڭ مۇنەۋۋەر ئەر ئارتىس مۇكاپاتى››غا ئېرىشىدۇ. 1982-يىلى ئۇ شاڭخەي دىراما ئىنىستىتۇتىنى پۈتكۈزۈپ، ئېمېي كىنو ئىستۇدىيەسىگە ئارتىسلىققا تەقسىم قىلىنغان.
جۇ يەنپىڭ ھازىرغا قەدەر ‹‹ۋۇ سوڭ›› ناملىق تېلېۋىزىيە تىياتىرىدىن باشقا ‹‹يۈەنشۈەينىڭ ئۆلۈمى››، ‹‹پەۋقۇلئاددە جىددىي ئاگاھلاندۇرۇش سىگىنالى 333››، ‹‹قىزىل يوپۇرماق قاپلىغان چىغىر يول››، ‹‹خۇاشيا روھى››، ‹‹208 نومۇرلۇق يولۇچىلار ئايرۇپىلانى››، ‹‹سىرلىق دېلو تەكشۈرگۈچى ديې رېنجيې-1››، ‹‹لۇ دىڭ ھەققىدە قىسسە (يېڭى نۇسخىسى)››، ‹‹ساقچى مۇنبىرىدىكى بوران-چاپقۇن (3) ـــ قارا جەمئىيەتكە زەربە بېرىش مۇھىم دېلو گۇرۇپپىسى››، ‹‹ھۆرمەتلىك مەشقاۋۇلۇم››، ‹‹نەشتەر››، ‹‹چۇ-خەن ھەققىدە قىسسە››، ‹‹تۈزلەڭلىكتىكى گۈلخان›› قاتارلىق كىنو ۋە تېلېۋىزىيە تىياتىرلىرىدا رول ئالغان.
جۇ يەنپىڭ ئادەتتە گولف توپ ئويناشىنى ئىنتايىن ياخشى كۆرىدىغان بولۇپ، كۆپ قېتىم مەملىكەتلىك گولف توپ يىللىق ھەل قىلغۇچ مۇسابىقىسىدە چېمپيۇن بولغان. ئۇ ھازىر جۇڭگو كىنوچىلار جەمئىيىتىنىڭ ئەزاسى.
    ئەسكەرتىش: بۇ ماقالىنى ئىشلەتمەكچى بولغان باشقا تور بېكەت، ئۈندىدار سالونلىرى ۋە شەخسلەر ئاپتورنىڭ ئىجازىتىنى ئالغايسىلەر.
    ئاپتورنىڭ تېلېفون نومۇرى: 13179827214
    ئاپتورنىڭ ئۈندىدار نومۇرى: otyurak001

attirim

ۋۇسۇڭ 3پادىشاھ جىگوڭ باۋگوڭلار بالىلىق ئەسلىمىلىرىمىز ئىدى ،لىكىن توختىماي ئوخشىتىپ ئىشلەپ كىشىلەرنى بىزار قىلدى.

hakan18

بىزدىن نىمىشقا بىلگەيتىس چىقمايدۇ؟

ئىلاۋە : بۇ نۇقتىنى ھەربىر ئۇيغۇر زاتىنىڭ ئويلىنىش مەجبۇرىيىتى بار دەپ ئويلايمەن ، شۇڭا ئاددىي بىر ئوقۇغۇچىلىق سالاھىيىتىم بىلەن بۇ يازمىنى يازدىم.

قاراخانىيلار سۇلالىسى ۋە يەكەن سەئىدىيە خانلىقىنى قۇرۇپ ، دۇنياغا تەسىر كۆرسەتكەن ، ھەممىنى ھاڭ - تاڭ قالدۇرغان ئۇيغۇرلىرىمىزغا بۈگۈنكى كۈندە زادى نىمە بولدى؟ بىز قاچان ئويغىنىمىز ؟ ئۆزىمىزنى قاچان تونۇيمىز؟ ئەڭ مۇھىمى بىزنىڭ تەرەققىياتىمىزنىڭ بۇنچە ئاستا بولىشىدا زادى قانداق سەۋەب بار؟ بۇنىڭ ئۈچۈن يەنىلا ئۆتكەن يىلى قاتتىق مۇنازىرە قوزغىغان ئۈمۈد غەنىنىڭ لېكسىيەسىنى دەپ ئۆتۈشنى توغرا تاپتىم （تورداشلارنىڭ بۇ ھەقتە باشقا ئويدا بولماسلىقىنى سورايمەن）. ئادەم دېگەن شۇنداق بولىدىكەن ، بىر ئىشقا سەۋەب تاپالمىسا ئۆزى تونۇشراق بولغان باشقا نەرسىگە دۆڭگەپ قويۇپلا قۇتۇلۇشنى ئويلايدىغان گەپكەن. جۈملىدىن مەن بۇرۇن بەك ھۆرمەت قىلىدىغان ئۈمۈد غەنىمۇ شۇنداق قىلدى. ئۇيغۇرلارنىڭ ، جۈملىدىن مۇسۇلمانلارنىڭ تەرەققى قىلماسلىقىدىكى سەۋەبىنى ئىسلام دىنىغا ئارتىپ قويۇش بىلەن سۆزىنى خۇلاسىلىدى. ئەڭ ئاچچىقىمنى كەلتۈرگىنى ئاخىرىدا ئۆز پىكىرىنى ئوتتۇرىغا قويغان بالىنىڭ نەق مەيداندا ئازار يېگەنلىكى ۋە مۇنبەرلەردە تىل - ھاقارەت ئوبېيىكتىغا ئايلىنىپ قالغانلىقى ، ھەتتا فىلىمدىن شۇ يېرىنىڭ چىقىرىۋىتىلگەنلىكى بولدى . بىز نىمىشقا باشقىلارنىڭ پىكىرىنى قوبۇل قىلالمايمىز؟ بولدى گەپنى يۆتكىمەي. ئەجەبا بىزنىڭ تەرەققىياتىمىزغا توسالغۇ بولۇۋاتقىنى راستىنلا ئىسلام دىنىمۇ ؟ بەلكىم بەزى ئاز ساندىكى ئددىيىسى قاتمالراق مۇسۇلمانلار بولغاچقا مۇشۇ گەپلەر چىققاندۇ. بىراق بىز نىمىشقا سەۋەبىنى ئاۋۋال ئۆزىمىزدىن ئىزدەپ باقمايمىز ؟

    ئۈندىداردا مۇنۇ پارچىنى كۆرۈپ قالدىم : 《 كىچىك بالا كىچىكىدە ئۇچقۇچى بولۇشنى ئويلىدى، كېيىن ئادەملەر ئۇنىڭغا بولالمايدىغانلىقىنى دېدى، ئۇ شوپۇر بۇلۇشنى ئويلىدى، ئادەملەر بولالمايسەن دېدى، ئۇ ئاخىرى ئېشەك ھارۋىسى ھەيدەي دېدى ، ئادەملەر باش  بارمىقىنى كۆرسىتىپ ئەركەك دېدى. غايىلىك بىر ئۇيغۇر مەھەللەمدە دېھقانغا ئايلاندى. بارىكاللا سەن داداڭنىڭ قولىدىن كەتمەننى ئالدىڭ دېيىشتى. بەلكىم ئۇ غايىسىنى يوقاتمىغىنىدا قولىغا دۇنيانى ئالار ئىدى 》.

     يۇقارقى سۇئاللارنىڭ جاۋابى بۇ پارچىدىن مانا مەن دەپلا چىقىپ تۇرىدۇ ، بۇ يازمىنى يېزىشىمغا تۈرتكە بولغىنىمۇ مۇشۇ پارچە. بىزدىن نىمىشقا ئېينىشتىيىن ، بىلگەيتىسلار چىقمايدۇ ؟ ئەجەبا يەھۇدى ياكى ئامېرىكىلىق بولمىغانلىقىمىز ئۈچۈنمۇ؟ ئۇنداق ئەمەس قېرىنداشلار ، ئۇيغۇرلارمۇ بوش ئەمەس . دۇنيادا تۇنجى بولۇپ ياپونىيەنى خەرىتىدە كۆرسەتكىنى ، قالماقلارغا يېزىق ئۈگەتكىنى دەل بىزنىڭ ئەجدادلىرىمىز . بىزدە چەتئەللىكلەردىن كەم بولىۋاتقىنى پەقەتلا قوللاش ، رىغبەتلەندۈرۈش .
      ئاڭلىسام چەتئەللىكلەر بالىلىرىدىن غايىسىنى سورايدىكەن ، مەيلى ئۇلار زوڭتۇڭ بولىمەن دېسۇن ياكى مال دوختۇرى بولىمەن دېسۇن ، چوقۇم قوللايدىكەن . 《سەن زوڭتۇڭ بولىمەن دېگۈچە بېرىپ ئۇمىچىڭنى ئىچ 》دېگەن گەپنى ئىللا - بىللا دەپ سالمايدىكەن . شۇڭا ئۇلاردىن مۇۋەپپەقىيەت قازانغانلار كۆپ چىققان ، بۇنىسى ھەممېمىزگە ئايان. ئۇيغۇر جەمئىيتىگە ئاددىي مىساللار بىلەن نەزەر سېلىپ باقايلى.
     ئائىلىدە:
      بالىسى: - دادا، دادا، مەن كەلگۈسىدە چوقۇم ئەمەلدار بولىمەن.
    دادا:- بالام ، 《دېھقان بالىسى كادىر بولماس ، ئۈجمە ياغىچى بادرا》دەيدىغان گەپ بار ، مۇئاشلىق بولۇپ تۇرمۇشۇڭنىلا قامدىساڭ بولدى.

      مەكتەپتە:
      ئوقۇغۇچى: - مۇئەللىم ، مەن كەلگۈسىدە چوقۇم ئۇچقۇچى بولىمەن.
      ئوقۇتقۇچى:- ئۇكام ، ئۇچقۇچى بولۇشنى ئاشۇنداق ئاسان چاغلاپ قالدىڭما؟ ئاۋۋال بېرىپ ئۆيۈڭدىكى ئىشەكنى تىزراق چاپتۇرۇپ ئوينىغىنا！

   جەمئىيەت:
      ياش: - ئاداش ، چوڭراق ئىشقا تۇتۇش قىلايمىكىن دەيمەن.
     دوستى:- ئاداش قىلالماسسەنمىكىن مۇشۇ ئىشنى…………

مانا ئائىلە ، مەكتەپ ۋە جەمئىيەتتىن ئىبارەت ئۈچ چوڭ تەربىيە بازىسىدا ئېرىشكىنىمىز مۇشۇنداق 《قوللاش》تۇرسا بىز يەنە قانچىلىك چوڭ ئىش قىلىپ كىتەلەيتتۇق؟ مۇشۇنداق قاتمۇقات كەمسىتىش ، كۆرەلمەسلىكلەر تۇرسا تەرەققىياتتىن سۆز ئاچقىلى بولامدۇ ؟ بىزدە بىر كىشىنى قوللايدىغان ئاڭ بەك ئاجىز ياكى يوق دېيەرلىك.
     ئەگەر بىرسى مەن چوقۇم پىرىزدىنت بولىمەن دېسە ، تىرىشقىن قېرىندىشىم ، سەن چوقۇم بولالايسەن ، ۋاقتى كەلگەندە مەن بىر قوللىغۇچى بولىمەن سەن ئۈچۈن بىلەت تاشلايمەن دەيلى！
      چوڭ ئىشلارنى قىلماقچى ئىدىم دېسە ، ئاشۇ تىرىشچانلىق روھىنى بولسىمۇ ماختاپ قويايلى . بەلكى شۇ بىر ئېغىز سۆزىمىز سەۋەبىدىن ئارىمىزدىن ئېينىشتىيىن ياكى بىلگەيتىس چىقىپ قېلىشى مۇمكىن.

   مۇنبەرداشلارغا سۆز: بولسا ھەممەيلەن مەيلى تور نامى ياكى تەخەللۇس قويغاندا بولسۇن چوقۇم ئۇلۇغۋار ئاتالغۇلارنى قوللانساق . مەيلى مەشھۇر شەخسلەرنىڭ ئىسمى بولسۇن ۋە ياكى باشقا چوڭقۇر مەنىلىك سۆزلەر بولسۇن ، چوقۇم شۇ ئىسىملار ئۆز غايىمىز ۋە ئىنتىلىشىمىزنى ئىپادىلىيەلەيدىغان بولسا. بىزمۇ ھەم تەرەققى قىلالماسلىقىمىزنى باشقا سەۋەبلەرگە ئارتىپ قويماي ، ئۆزىمىزدىن خاتالىقنى تېپىپ ، ئۆز غايىمىز ئۈچۈن تىرىشساق.

گەپلىرىم سەل چۇۋالچاق بولىشى مۇمكىن ، ھەممىسى كۆڭۈل سۆزلىرىم.

ئۇيغۇر ياشلار كۇلۇبى مۇنبىرىدىن باتۇر ئابلەت
                 ugyaxliri.com/bbs
2014-يىلى 11- ئاينىڭ 12-كۈنى
                    شەندۇڭ

eli

بىزمۇ بەك قىزىقىپ كۆرەتتۇق بۇ تېلىۋىزىيە تىياتىرىنى ،شۇڭا بىر ئاغىينىمىزنىڭ لەقىمى ھازىرمۇ ‹‹ شى مىنچىڭ››.

nigaran

تېمىدىن بەكىرەك ئاستىدىكى ئىنكاس مېنى ئۆزىگە تارتتى . خاقان ئۇكام بارىكاللاھ !
سىزنىڭ ئىنكاس شەكلىدىكى يازمىڭىز مېنىڭ ئۆتمۈشۈمنى ئەسلەتتى . مەنمۇ سىز ئېيتقان ئۈچ بۈرجەكتە كۆپ قېتىم كەمسىتىلگەنىدىم . ئەمما ئاللاھقا شۈكرى ، ئاخىرى نىشانىمغا يېقىنلاشتىم .
مۇھىمى ئىشەنچ ، قوللاش ، قۇۋۋەتلەش .
بىراق بىزدە كۆپرەكى ، ياراتماسلىق ، كەمسىتىش ، چوڭچىلىق ، كۆرەلمەسلىك . بىراق ، ئىشىنىمەنكى ، ھامان بىر كۈنى ھەممەيلەن ئويغىنىدۇ ...

YINGIKALDAHUN

بۇ تىمىغا چەتئەلنىىڭ رادىئۇسى ئارلىشىپ قالدىمۇ

bezlar

خاقان دوستىمىزنىڭ دىگنى ئورۇنلۇق

humaltag

بىزدە قاچانمۇ «سادىر پالۋان» ،«غېنى باتۇر » ،،،،دىگەندەك تېلۋېزىيە فىلىملىرى روياپقا چىقار ،ئېۋۇ ئازسانلىق مىللەت بولغان كىدانلاردىن شەرمەندىلەرچە مەغلۇپ بولغان شىمالى سۇڭ سۇلالىسىنى ئاغدۇرالماي تاققا قېچىپ بېرىۋالغان يۈز نەچچە ئوغرى-قاتىلنى مەدھىيلەپ تەكرار كىنو -تېلۋىزىيە ئىشلەش بۇلارغا ئاۋرۇيمىدۇ ،،،،،