ئىلاۋە: خەلق سۆيگەن بىر قىسىم ھۆرمەتلىك كىشىلىرىمىزدىن زوردۇن سابىر ،ئابدۇكېرەم ئابلىز قاتارلىقلار ۋە بىر قىسىم جاپاكەش كارخانىچىلارنىڭ يېقىنلىرىدىن ئەھۋاللىرىنى ئىگەللەپ، ئىش -ئىزلىرىنى ئاڭلاپ ۋە ئۇلار بىلەن سۆھبەتتىن كېيىن ئاددىي بولسىمۇ مونۇ شېئىرنى يازدىم .
قايتالمايمەن ئۆيۈمگە ،خوتۇن
مۇھەممەدتۇرسۇن ئابدۇرېھىم ئوغلانى
باشقا كەلدى ئېغىر ۋەزىپە ، «ئالدىراش»تا ئۆتەر دەقىقە ، ھەركۈنلىرى ئاشۇ رەۋىشتە ، قايتالمايمەن ئۆيۈمگە ،خوتۇن.
مىليونىر دەپ ھەۋەس قىلارمىش ، مەندەك بولۇش ئارزۇسى بارمىش ، راھەت سۈرۈپ ،جاپاسى ئازمىش ، قايتالمايمەن ئۆيۈمگە ،خوتۇن.
بۈگۈن ئۆتسە ئەتىمۇ خىزمەت ، خىزمەتچىلەر دەردىمۇ خىزمەت ، ھەتتا چىققان قەرزىمۇ خىزمەت ، قايتالمايمەن ئۆيۈمگە ،خوتۇن.
ئۆيگە بارسام ئۇيقۇ يوق پەقەت ، خىزمەتلىرىم كاللامدا قەۋەت ، خىزمەت قالسا بولامدۇ راھەت ؟ قايتالمايمەن ئۆيۈمگە ،خوتۇن.
ئارتىس بولسام ئوينايدۇ دەيدۇ ، يەنە بىرلەر تويمايدۇ دەيدۇ ، ئۇنىڭدا دەرد بولمايدۇ دەيدۇ، قايتالمايمەن ئۆيۈمگە ،خوتۇن.
توقايلارنى كەزگىنىم راستۇر ، ئاچچىق توپا يىگىنىم راستۇر ، ئاپتاپلاردا كۆينىم راستۇر ، قايتالمايمەن ئۆيۈمگە ،خوتۇن.
ھوزۇرلاندى جاپالىرىمدىن ، ئىكراندىكى سادالىرىمدىن . ئارتىس بولغان «خاتالىقىم»دىن ، قايتالمايمەن ئۆيۈمگە ،خوتۇن.
يازغۇچى مەن خەلقىمنى سۆيگەن ، ئۇنىڭ ئۈچۈن گۈلخاندا كۆيگەن ، يېزىش ئۈچۈن سەپەردە يۈرگەن، قايتالمايمەن ئۆيۈمگە ،خوتۇن.
نۇمۇس ماڭا ياتسام ئۆيۈمدە ، جاپا چەكمەي قىلغان سۆزۈمدە ، يازاي دىگەن گۇناھ ئۆزۈمدە ، قايتالمايمەن ئۆيۈمگە ،خوتۇن.
\
خەلق كۈلمىسە ماڭا كۈلكە يوق ، يۈرەلمەيمەن ھۆددەس كۆڭۈل توق ، يۈرەكىم دەر خەلقىڭ ئۈچۈن سوق ، قايتالمايمەن ئۆيۈمگە ،خوتۇن.
بالام بەزىتۇغۇلدى يالغۇز ، يېشىڭ تارام تۆكۈلدى يالغۇز ، مەن يوق كۆڭلۈڭ بۇزۇلدى يالغۇز، قايتالمايمەن ئۆيۈمگە ،خوتۇن.
قالاي دېسەم ئۆيۈمنى سۆيۈپ ، خىزمەتلىرىم قالار ئۆكۈنۈپ ، ئانامنىمۇ كۈتمەي يۈكۈنۈپ ، قايتالمايمەن ئۆيۈمگە ،خوتۇن.
سەن چىداملىق قەيسىرىم مېنىڭ ، گۈلدەك ئۆيۈم ئەمگىڭ سېنىڭ ، ئامان بولسۇن چىداملىق تېنىڭ ، قايتالمايمەن ئۆيۈمگە ،خوتۇن.
بەختىڭ ئۈچۈن، چوڭ ئىشلار ئۈچۈن ، يۇتۇش كېرەك بەزىدە تۈتۈن، چۈنكى تۇرمۇش بولمايدۇ پۈتۈن ، قايتالمايمەن ئۆيۈمگە ،خوتۇن.
16- نويابىر
تىيەنجىن
|