[ قانۇن] قايسى قاراش توغرا ؟

israpil

ئىسراپىل ئەمەت

-2014يىلى11-ئاينىڭ18-كۈنى

      تۈنۈگۈن بىردوستىمىز مەسلىھەت سورىغاندا،تېلېفوندا  ئۆز-ئارا ئۇقۇشماسلىق بولۇپ قالغاندەك تۇرىدۇ. بۈگۈن ماتىرياللارنى ئەكەلگەندە قارىسام، ئەسلى مۇنداق ئىش ئىكەن:"2013-يىلى8-ئاينىڭ17-كۈنى تەرەپلەر 570مىڭ يۇەنگە ئۆي ئېلىم-سېتىم توختامى تۈزۈپ ئالدىن 70مىڭ يۇەننى رەنە بەرگەن،قالغان پۇلنى ئىككى ئاي ئىچىدە  ئىككىگە بۆلۈپ  تاپشۇرىدىغان، ئەگەر تاپشۇرالمىسا70مىڭ يۇەن قايتۇرالمايدىغان. "بولۇپ توختام تۈزۈشكەن ئىكەن. كىيىن ئىككى ئايمۇ توشۇپتۇ، بۇكىشى خوتەندىن كەلگەن بولۇپ:"ياتاقتا ياتساممۇ ياتىدىكەنمەن،ئاچقۇچنى بەرسىلە ئۆي قۇرۇق تۇرسىمۇ تۇرىدۇ،مەن ياتقاچ تۇراي."دەپ چىرايلىق گەپ قىلسا،ئۆي ئىگىسى ئاچقۇچنى بىرىپ قويىدۇ.ئاچقۇچنى قولىغا ئېلىپلا تاش پۇلىغا باشقىلارغا بىرىدىغان قەرزىگە ھىساپلاپ ئۆينى تۇتۇپ بىرىدۇ.ھازىرمانا بىريىلدىن 3ئاي ئېشىپتۇ، ئۆينى بوشىتىپ بەر دەپ بارسا:" مانا مەن خەقتىن سېتىۋالدىم"دەپ،سېتىۋالغان ھۆججەتنى چىقىرىدىكەن.بۇنىڭغا خېلى يامان قانۇن كىشىللىرىمۇ ئامال قىلالماي،ئۆيدە باشقىلار خاتىرجەم ئولتۇرۇۋاتقىدەك.بۇ خىل ئەھۋالدا ئۆي ئىگىسى قانداق قىلىش كىرەك؟
     جاھاننىڭ ئىشلىرى مانا مۇشۇنداق ئۆزگىرىشچان بولىدىكەن، ئۆزگىرىشكە ماسلىشىپ ياشاش كىرەكتە! يېڭى ئەھۋالغا يەنە يېڭىچە بىرنىمە دىمەي بولمايتى،بۇ مەسىلىنى خىزمەتداشلىرىمغا مۇزاكىرە قىلغۇزۇش نەتىجىسىدە مۇنداق ئىككى خىل كۆز-قاراش شەكىللەندى:
بىر خىل قاراشتىكىلەر توختام　ئالدامچىلىغى　دەپ　جىنايى　ئىشلار　بويىچە　دىلو　تۇرغۇزۇش دەپ قارايدۇ. بۇ خىل قاراشتىكىلەرنىڭ ئاساسى:« پۈتكۈل ئۆي ئېلىم-سېتىم  ئىشىدا، ئۆي ئىگىسنى ئىككىسى تىل بىرىكتۈرۈپ ئالداش خارەكتىرى مەۋجۇت. يەنى 70مىڭ يۇەن رەنە پۇلىنى چىقارغۇچى،ئۆي كۆرۈپ سۆزلەشكۈچى، توختام تۈزگەن نەق مەيداندا بار بولغان كىشى دەل  ئۆينى ھازىر ئىگەللەپ تۇرغۇچىدۇر. بۇ نوقتىدىن قارىغاندا ئىككىسى بىرلىشىپ ئالداش قىلمىشى شەكىللەندۈرگەن.شۇڭا،جىنايى ئىشلار بويىچە دىلو تۇرغۇزۇش كىرەك.»دەپ قارىدى.
    يەنە بىر خىل قاراشتىكىلەرنىڭ بولسا، ھەق تەلەپ بويىچە سوت مەھكىمىسىگە دىلو تۇرغۇزۇش كىرەك دەپ قارىدى. بۇلارنىڭ ئاساسى: "70مىڭ يۇەننى رەنىگە قويۇپ ئوي سېتىۋېلىش توختامى ئىمزالىغان، ئۇنىڭ ئۈستىگە ئۆي ئېلىم-سېتىم ئىشىدا توختام ھۆججەت بار  ئەھۋالدا، ساقچىنى «ئالدامچىلىققا» ئىشەندۈرۈش تەس؛ ئۇنىڭ ئۈستىگە ساقچى ئارلاشسا «مەن ئۆينى باشقىلاردىن سېتىۋالدىم» دەپ ھۆججەتنى ئوتتۇرىغا چىقارسا، ساقچى" سوتقا ھەق تەلەپ دەۋاسى قىلىڭلار" دەپ ھىچنىمە قىلالمايدۇ." دىگەندىن ئىبارەت بولدى.
     بۇ ئىككى خىل قاراشنىڭ ھەر ئىككىسىنىڭ ئۆزىگە تۇشلۇق ئورۇنلۇق تەرىپى باردەك قىلىدۇ. قېنى سىز قايسى خىل كۆزقاراشنى ياقلايسىز؟ 　

barimtay

مەنچە، ھازىر شۇ ئۆيدە ئولتۇرىۋاتقان ئاتالمىش ‹ سېتىۋالغۇچى›دىن ئۆي ساتقۇچىنىڭ ئىز-دېرىگىنى قىلىش كېرەك. ئەگەر ئۇ ساتقۇچىنىڭ ئىز-دېرىگىنى دەپ بىرەلمىسە ئۇنىڭ  ئاتالمىش ‹ ساتقۇچى›تەرەپ بىلەن شىرىكلىشىپ ئەسلى ئۆي ئىگىسىنى ئالدىغانلىقى توغرىسىدا سوتقا دەۋا قىلىش كېرەك.

jilga

مېنىڭچىمۇ بۇ ئىشتا بىر ئويۇن بادەك قىلىدۇ جۇما .....

Umut903

مۇشۇ تاشچىلارنىڭ ئەمدى قارا قويمىغان تاۋار ئوي قالدى! توۋا دىمەي ئامال يوقتە؟ مېنىڭچە ئالدىنقىسى بۇيىچە  ‹‹ پۈتكۈل ئۆي ئېلىم-سېتىم  ئىشىدا، ئۆي ئىگىسنى ئىككىسى تىل بىرىكتۈرۈپ ئالداش خارەكتىرى مەۋجۇت. يەنى 70مىڭ يۇەن رەنە پۇلىنى چىقارغۇچى،ئۆي كۆرۈپ سۆزلەشكۈچى، توختام تۈزگەن نەق مەيداندا بار بولغان كىشى دەل  ئۆينى ھازىر ئىگەللەپ تۇرغۇچىدۇر. بۇ نوقتىدىن قارىغاندا ئىككىسى بىرلىشىپ ئالداش قىلمىشى شەكىللەندۈرگەن.شۇڭا،جىنايى ئىشلار بويىچە دىلو تۇرغۇزۇش كىرەك.» دەپ قارايمەن!

tetur

چۈشەندۈرۈشكە ئاسان بولسۇن ئۈچۈن، ئۆي ئىگىسىنى ئا، ئۆينى ئا دىن سېتىۋالغۇچىنى ب، ئۆينى ئىگىلەپ تۇرغۇچىنى س دەپ تۇرايلى.
توختام ئالدامچىلىقى بولامدۇ يوق، دېگەن مەسىلىدە، ب ئۆي سېتىۋالغاندا توختامنى ئادا قىلىش ئىقتىدارى بارمۇ يوق دېگەن مەسىلىگە چېتىلىدۇ. ئەگەر ب نىڭ توختامنى ئادا قىلىش ئىقتىدارى بولسا، توختام ئالدامچىلىقى شەكىللەنمەيدۇ. ئەگەر ب ئالدىن بەرگەن 70 مىڭ يۈەن زاكالەت پۇلىنى يەمچۈك قىلىپ تۇرۇپ، ئۆينى سېتىۋېلىش توختامى تۈزۈپ، ئۆينىڭ ئاچقۇچىنى ئېلىپلا، س گە سېتىۋېتىپ، ئا نىڭ مۈلكىنى قانۇنسىز ئىگىلىۋېلىش مەقسىدى بولسا، توختام ئالدامچىلىقى شەكىللىنىدۇ.

جىنايى ئىشلار بويىچە دېلو مەلۇم قىلسا، بۇنىڭ جاۋابى چىقىشى مۇمكىن.

جىنايى ئىشلار بويىچە دېلو تۇرغۇزۇلمىسا، سوت مەھكىمىسىگە ھەق تەلەپ دەۋاسى قىلىپ، ئۆينى قايتۇرۇپ بېرىشنى تەلەپ قىلسا بولىدۇ. (مۈلۈك ھوقۇقىنى قوغداش بويىچە) چۈنكى ئۆينىڭ ئىگىدارلىق ھوقۇقى يەنىلا ئا غا تەۋە، باشقىلارغا يۆتكەلمىگەن.
توختام نى ئىناۋەتىسز قىلىپ بېرىشنى تەلەپ قىلىش ئارتۇقچە، ھەم بۇ تەلەپنى سوت مەھكىمىسى قوللىشى ناتايىن. چۈنكى مۈلۈك ھوقۇقىنىڭ يۆتكىلىشى ۋە توختامنىڭ ئۈنۈم كۈچى ئايرىم-ئايرىم مەسىلە ئىكەنلىكى مۈلۈك ھوقۇقى قانۇنى ۋە ئەدلىيىلىك ئىزاھاتلاردا ئېنىق بەلگىلەندى.
توختام ئالدامچىلىقى شەكىللەنمىدى دەپ بېكىتىلسە،
ئا بىلەن ب ئوتتۇرىسىدىكى توختام، ب بىلەن س ئوتتۇرىسىدىكى توختام ھەر ئىككىىسى ئىناۋەتلىك توختام ھېسابلىنىدۇ. لېكىن ئۆينىڭ مۈلۈك ھوقۇقى يەنىلا ئا غا تەۋە.
ب توختامدىكى مەجبۇرىيىتىنى تولۇق ئادا قىلمىغان ئەھۋالدا ، ئا نىڭ مۈلۈك  ھوقۇقىنى يۆتكەپ بېرىشنى رەت قىلىش ھوقۇقى بولىدۇ، دېمەك ب ئۆي پۇلىنى توختام بويىچە بەرمەي تۇرۇپ، ئۆينىڭ  مۈلۈك ھوقۇقىغا ئېرىشەلمەيدۇ. ب ئۆينىڭ مۈلۈك ھوقۇقىغا ئېرىشمىگەن ئەھۋالدا س مۇ ئۆينىڭ مۈلۈك ھوقۇقىغا ئېرىشەلمەيدۇ. لېكىن س ب بىلەن تۈزگەن توختامنى ئاساس قىلىپ تۇرۇپ، ب دىن خىلاپلىق جاۋابكارلىقىنى ئۈستىگە ئېلىشنى تەلەپ قىلسا بولىدۇ. چۈنكى ب نىڭ ھەرىكتى ئەمەلىيەتتە بىر تەرەپ قىلىش ھوقۇقى بولمىغان مۈلۈكنى بىر تەرەپ قىلىش ھېسابلىنىدۇ. بۇ ھەقتە ئېلىم-سېتىم توختامى ھەققىدىكى ئەدلىيىلىك ئىزاھاتتا ئېنىق بەلگىلىمە بار.

tetur

最高人民法院关于审理买卖合同纠纷案件适用法律问题的解释》


第三条当事人一方以出卖人在缔约时对标的物没有所有权或者处分权为由主张合同无效的，人民法院不予支持。
出卖人因未取得所有权或者处分权致使标的物所有权不能转移，买受人要求出卖人承担违约责任或者要求解除合同并主张损害赔偿的，人民法院应予支持。

israpil

masturam يوللىغان ۋاقتى  2014-11-19 21:16
ئەگەر ئادۋۇكات بولسىڭىز ھاۋالە قىلغۇچىغا ھازىرلا تىلپ ...

«بۇ كىشىنىڭ كاللىسى سوت سۆرىلىپ كىتىدۇ، سەقچى تىز بىرتەرەپ بولىدۇ» دەپ، ساقچى تەرەپكىلا سۆرەيدىكەن . «ساقچىدا قىلالىساڭ مانچە پۇل »دىگەندىن باشقا گەپكە ئەغزى كەلمەيدىكەن.

israpil

masturam يوللىغان ۋاقتى  2014-11-20 02:12
ئھئاۋۇ نەچچە يۈز مىڭنى سانىغان ئادەممۇ «قېنى بۇنىڭ ئۆي ...

ئىككىسىنىڭ گىپى بىر دەك قىلىدۇ، باشتىن تارتىپ مەقسەتلىك قىلىنغان ئىشكەن.ئۆي ئىگىسىنىڭ دىيىشىچە، 70مىڭنى ئۆينى ئىگەللەپ ئولتۇرغۇچى چىقارغان، توختام تۈزگەن ئارلىقتا باشتىن- ئاخىر نەق مەيداندا باركەن. قارىغاندا بىرەر ئەقىللىق كىشىنىڭ كۆرسەتمىسى بىلەن ياكى قاراملىق بىلەن قىلىپ ئەمەلگە ئېشىپ قالغان ئىشتەك قىلامدۇ ؟