- تىزىملاتقان
- 2014-8-14
- ئاخىرقى قېتىم
- 2015-4-11
- ھوقۇقى
- 1
- جۇغلانما
- 677
- نادىر
- 0
- يازما
- 20
ئۆسۈش
35.4%
|
ئوغۇزتېگىنگە مەكتۇپ
(مۇھەممەدئەمىن ئابدۇلئەزىز)
ئەسسالامۇ ئەلەيكۇم ئوغۇزتېگىن ئەپەندى.ئالدى بىلەن رەببىم ئاللاھتىن قەلبىڭىزگە ھىدايەت،ئۆمرىڭىزگە بەرىكەت،ئىشلىرىڭىزغا مۇۋەپپىقىيەت تىلەيمەن.
تور مەۋھۇم دۇنيا بولغانلىقى ئۈچۈن بىكەت ئەزالىرى ئۆز-ئارا مۇنازىرە قىلىشقاندا پەردىشەپكە ئانچە دىققەت قىلىپ كەتمەيدۇ.تاپا-تەنە،كىنايە-ھاقارەتلەر ماڭدامدا بىر ئۇچراپ تۇرىدۇ.مۇنداقچە ئېيتقاندا تور نادانلارنىڭ ھەزىلگاھى،ئاقىللارنىڭ ئىلىم تەھسىلگاھى.
مەن سىزنى ھۆرمەتلەيمەن ھەم ئىنكار قىلىمەن.ھۆرمەتلىگەنلىكىمنىڭ سەۋەبى سىز خېلى بىلىملىك.يالغان ئېيتمىغانلا بولسىڭىز تېما ۋە ئىنكاسلىرىڭىزدىن ھېس قىلىشقا بولىدۇكى،سىز ئىلىم-بىلىمگە ھېرىسمەن،مەيدانىڭىز مۇستەھكەم،مۇھىمى مىللىتىمىز ئۈچۈن ۋىجدانىڭىز قايناپ تۇرىدىغان ئوت يۈرەك ئادەمكەنسىز.بىراق سىز تولىمۇ خەتەرلىك ھالەتتە،يەنى ئاشقۇن ھالەتتە ئىكەنسىز.چېكىدىن ئاشقان ئورۇنۇشلار ئىنسان روھىنى تويۇق يولغا باشلايدۇ.گەرچە كۆز قاراشلىرىڭىزنى پۈتۈن ئۇيغۇر جەمئىيىتىگە تاڭماقچى بولسىڭىزمۇ بۇ كۆز قاراشلار يەنىلا ئۆزىڭىز بىلەنلا چەكلىنىپ قالىدۇ.سىز ئۆزىڭىزنىڭ ھامان بىر كۈنى گۈزەل ئاققۇغا ئايلىنىدىغان « سەت ئۆردەك چۈجىسى » بولۇپ قېلىشىڭىزنى ئارزۇ قىلىسىز،ئەمما ئۆزىڭىزنىڭ پەقەتلا ۋە پەقەت « سەت ئۆردەك چۈجىسى »گە ھەۋەس قىلىپ تاشاۋاتقان بىر سەت ئۆردەك چۈجىسى ئىكەنلىكىڭىزنى ھېس قىلالمايسىز.بۇ دەل مېنىڭ سىزنى ئىنكار قىلىشىمنىڭ سەۋەبى.
تىلشۇناس ئالىم مەھمۇد كاشغەرى مىڭ يىللار ئىلگىرى ئانا تىلىمىزدىكى ھارام شاخلارنى پۇتاش مەخسىتىدە يۈكسەك ئىجتىھات ۋە پاراسىتى بىلەن « تۈركى تىللار دىۋانى » نى ئەۋلادلارغا قالدۇرۇپ كەتكەن. خەلقىمىزدىكى يامان ئىللەت - قاششاقلىق تۈپەيلى بۇ كىتاب رولىنى ياخشى جارى قىلدۇرالماي كەلدى.شۇ ۋەجىدىن بۈگۈن سىز خاپا.سىز ئوتقا ئۆزىنى ئۇرىدىغان ئەمەس بەلكى،ئوت بىلەن مۇۋاپىق ئارلىق ساقلايدىغان پەرۋانە بولۇڭ!ئەڭ مۇھىمى مىللەت پاسىلىدىن ھالقىپ،ئېتىقاد ئالىمىگە نەزەر تاشلاپ بېقىڭ،شۇندىلا ئۆزىڭىزنىڭ بەئەينى مۇستافا كامالدەك ياشاۋاتقانلىقىڭىزنى ھېس قىلىسىز.بىر پەرق:سىزدە ھوقۇق يوق!سالامەت بولۇڭ!
2014-يىلى11-ئاينىڭ19-كۈنى يۇرۇڭقاش ۋادىسىدا يېزىلدى. |
|