كىاپخانا ئىچىشىمغا ياردەم قىلساڭلار؟

Feth

ئەسسىلاممۇ ئەلەيكۇم باغداش تورىدىكى بارلىق كىتاپخۇمار، ئىلىم سۆيەر تورداشلار.
‏ ئۆزۈمنىڭ كىتاپقا بولغان مۇھەببىتىم،ئىنتىلىشىم سەۋەبىدىن شۇنىڭدەك كىتاپ ئوقۇشقا تەشنا قىرىنداشلىرىمنىڭ ئىھتىياجىنى قاندۇرۇش ۋە كىتاپ ئوقۇشقا بولغان قىزىقىشىنى يۇقىرى كۆتۈرۈش يەنە شۇنىڭدەك يىقىندىن بۇيان دىيارىمىزدىكى كىتاپ ئوقۇش ۋە كىتاپ ئوقۇش قىزغىنلىقىنى يۇقىرى كۆتۈرۈشتەك كىشىنى سۈيۈلدۇردىغان سادالارنىڭ تۈركىسىدە ، مەنمۇ ئۆزۈمنىڭ جۇملىدىن مىللىتىمنىڭ 2015 يىلىنى ھەم ئۇنىڭدىن كىيىنكى يىللارنىمۇ كىتاپ ئوقۇش ۋە كىتاپ ئوقۇش قىزغىنلىقىنى يۇقىرى كۆتىرىش يىلى قىلىش مەقسىتىدە بۇتىمىنى يوللاپ ئولتۇرۇپتىمەن. ئىنشائاللاھ.
‏ گەپنىڭ مەقسىتىگە كەلسەم،مىنىڭ ئۇزۈندىن بۇيان بىر كىچىك بولسىمۇ بىر كىتاپخانا ئىچىش ئويۇم ۋە ئارزۇيۇم بارئىدى، ھەم يىقىندىن بۇيانقى كىتاپ ئوقۇش سادالىرىنىڭ يۇقىرى كۆتۈرلىشى ھەم مىللىتىمىزنىڭ كىتاپ ئوقۇشنىڭ پايدىسى ۋە ئەھمىيىتىگە بولغان قارىشىنىڭ تۆۋەن بولىشى سەۋەپلەر تۈركىسى تۈپەيلى، بۇ ئارزۇيۇمنى تىزراق ئەمەلگە ئاشۇرۇش مەقسىتىدە، بۇقىتىملىق قىشلىق تەتىلدىن پايدىلىنىپ بىر كىچىك بولسىمۇ كىتاپخانا ئىچىشنى مەقسەت قىلغانتىم .
‏ مەن بىر ئالىي مەكتەپ ئوقۇغۇچىسى، ھەم ئۆۈمنىڭ يىشىنىڭ كىچىك بولىشى، تەجرىبەمنىڭ كامچىل ۋە بىلىدىغانلىىمنىڭمۇ ئاز بولغانلىق تۈپەيلى ، مۇنبەردىكى كىتاپخۇمار، تەجرىبىلىك، قېرىنداشلىرىمنىڭ مېنىڭ كىتاپخانا ئېچىشىمغا ياردەم ۋە مەسلەھەت بىرىشىنى، يول كۆرسىتىشىنى تۆۋەنچىلىك بىلەن سوراپ بۇ تېمىنى يازغانىدىم، تورداشلارنىڭ مىنى ئازراق بولسىمۇ تەجرىبە ساۋاققا ئىگە قىلىپ قۇيۇشىنى ۋە سوئاللارىمغا جاۋاپ تىپىۋىلىشكە ياردەم بىرىشنى سورايمەن. ئۇنداق بولسا سوئاللىرىمنى تۆكىۋەتتىم ئەمسە، ‏
1.كىتاپخانا ئىچىش رەسمىيىتىنى قەيەرگە بىرىپ قانداق تەلەپلەر بىلەن بىجىرەلەيمەن؟ ‏ 2.كۆلىمى كىچىك بولغان بىر كىتاپخانا ئىچىش ئۈچۈن قانچىلىك مەبلەخ كىتىدۇ؟ ‏ 3.مەن ئۆزەمدە بولغان كىتاپلارنى نەشىر قىلدۇرماقچى بولسام، نەشىر قىلدۇرۇشقا قانداق تەلەپلەر ۋە قانچىلىك مەبلەخ كىتىدۇ؟ تىراج سانى بىلەن كىتاپ باھاسىنى نەشىرىياتنىڭ ئۆزى بىكىتەمدۇ؟ ھەرقايسى نەشىرىيات ئورۇنلىرىنىڭ پەرقى نىمە؟ ‏ 4. نەشىرىيات ئورۇنلىرىغا بارماي تۇرۇپمۇ ۋاكالىتەن قانۇنلۇق نەشىر قىلىپ بىرىدىغانلار بارمۇ؟
‏ يەنە سورايدىغان سوئاللىرىم بار ئىدى دەماللىققا ئىسىمگە كەلمەي قالدى، قالغانلىىرىنى يەنە ئىنكاس ئاقىلىق سورامەن. كىتاپخۇمار ،ئىلىم سۈيەر قىرىنداشلىرىمنىڭ مېنى مەنىۋى ۋە ئىقتىسادىي جەھەتتىن قۇللىشىنى ئۈمۈد قىلىمەن. ‏ ھەمكارلاشقۇچى بولسا ھەمكارلىشىشقا تەييارمەن، بىر يۇرتتىن بولسا( غۇلجا ) تىخى ياخشى بولاتتى.
‏ پىقىرنىڭ قەلەم كۈچىنىڭ ئاجىزبولىشى ھەم تۈنجى قىتىم تىما يوللىشىم بولغاچقا، مەزمۇنى بىرئاز تومتاق ، پىكىر چىچىلاڭغۇراق بولۇپ قالغان بولىشى مۇمكىن، توغرا چۈشەنگەيسىلەر.
‏ئالاقىلىشىش تىلىفۇن نۇمۇرۇم: 15675903734 ‏چ چ : 1459333050 ‏ئۈندىدار : 13104315953 ‏ئاخىرىدا ئۈندىدار ئوينايدىغان قىرىنداشلىرىمنىڭ ئوقىغىن ( okihin ) سالۇنىنى قېتىۋىلىشىڭلار تەسىيە قىلىمەن . ئاللادىن ئىشلىرىڭلارغا ئۇتۇق ۋە مۇۋاپىقىيەت تىلەيمەن. ‏                             فەتىھ دىن ‏ ‏

samawar

ۋەئەلەيكۇم ئەسسالام ئاللاھ ئەجىرىڭىزنى بەرسۇن قىرىندىشىم . قەيەرگە ئاچماقچى(قايسى شەھەر،قايسى ناھىيە دىگەندەك ).يەنە كىلىپ مۇنداق چۇۋالچاق سورىسىڭىز ،ياردەم قىلىدىغانلارمۇ نىمە دىيىشىنى بۈلەلمەيدىغان گەپ.شۇڭا ئالدى بىلەن ئۆزىڭىزنىڭ دەسلەپكى پىلانىنى ئوتتۇرىغا قويۇڭ،قالغىنىنى تورداشلار توغرىلايدۇ...

Feth

samawar يوللىغان ۋاقتى  2014-12-8 12:53
ۋەئەلەيكۇم ئەسسالام ئاللاھ ئەجىرىڭىزنى بەرسۇن قىرىند ...

بۇلىدۇ . مەن بىر ئالىي مەكتەپ ئوقۇغۇچىسى . غۇلجا شەھىرىنىڭ تاشكۈرۈك مەھەللىسىدىن ، مەن دەسلەپتە كىچىك مەھەللىۋى كىتاپخانا ئىچىشنى پىلانلاۋاتىمەن... ۋاقىت مۇناسىېىتى بىلەن مۇشىنچىلىك يىزىپ تۇراي...

ahmatjantarimi

        ئەسسالام ئۇكام، ناھايىتى ئەھمىيەتلىك ھەم ساۋاپلىق ئىشقا تۇتۇش قىلىۋېتىپسىز، شۇ ئىشلىڭىز يەنىمۇ گۈللىگەي.بىر ياخشى ئىشنى ئۆزى ئۈچۈنلا ئەمەس، باشقىلار ئۈچۈنمۇ راۋا كۆرۈش ھەم بۇنىڭ ئۈچۈن ئەمەلىي ھەرىكەتكە ئۆتۈش ئىنتايىن قەدىرلەشكە تېگىشلىك. بۇ جەھەتتە مۇنداق تەكلىپ بېرىمەن:
    1. ئالدى بىلەن سىز يۇقىرىقى تورداش دېگەندەك كىتابخانا ئېچىش رەسمىيەتلىرىنى بېجىرىپ بولغاندىن كېيىن ،لازىملىق دەپ قارىغان كىتابلارنى شىنخۇا كىتابخانىسى ۋە خۇسۇسىي كىتابخانىلاردىن بىۋاسىتە ئالغاندىن نەشرىياتلار بىلەن ئالاقىلىشىپ شۇلاردىن ئالسىڭىز، تەخمىنەن يۇقىرى بولغاندا 50 پىرسەنىت، تۆۋەن بولغاندا 75 پىرسەنىت ئېتىۋار باھادا ئالغىلى بولىدۇ. يەنى 10 يۇەن باھادىكى بىر كىتابنى ياكى 5 يۇەنگە ياكى 7.5 يۇەنگە ئالغىلى بولىدۇ.بۇنداقتا داۋاملىق كىتاپ سېتىۋالىدىغان ئادەمگە خېلى كۆرۈنەرلىك پۇل تېجىلىپ قالىدۇ ھەم ياكى خالىسا مۇشۇ تېجىلىپ قالغان پۇلغا يەنىمۇ كۆپ كىتاپ سېتىۋالالايدۇ.
     2. بۇنىڭدىن كېيىن كىتاپ سېتىۋالماقچى بولسىڭىز ، مەلۇم مەزگىلنى ، يەنى بىر پەسىلنى بىرلىك قىلىپ تۇرۇپ ، شۇ چاغقىچە نەشىردىن چىققان ، سىزگە لازىملىق كىتابلارنى تىزىملاپ، مۇئەييەن سانغا ، مەسىلەن، تۆۋەن بولغاندا 10-20 گە يەتكۈزۈپ ، تىزىملىك بىلەن بىللە نەشرىياتقا ئەۋەتىپ بېرىڭ. شىنجاڭ خەلىق نەشرىياتى ئۇيغۇرچە كىتابلارنى تارقىتىش بۆلۈمىنىڭ شۇنداق بىر قائىدىسى بار، ئومۇمەن مۇشۇ نەشرىياتتىن چىققان ئۇيغۇرچە كىتابلارنى ئامباردا بار بولسىلا   مۇئەييەن ساندا كىتاپ ئالغانلارغا كىتابنى يۇقىرىقى ئېتىبار باھادا سېتىپ بېرىپلا قالماي، يەنە مال يەتكۈزۈش ئورنى ئارقىلىق ئەۋەتىپ بېرىدۇ. كىتابلارنىڭ ئېتىبار باھاسىنىڭ قانچىلىك بولۇشى شۇ كىتابنىڭ يېڭى نەشىر قىلىنغانلىقى ياكى بۇرۇنراق نەشىر قىلىنغانلىقى، بېسىلىش سانى، ئامباردىكى قالدۇقى، باھاسى، قانچىلىك ساندا سېتىۋېلىنىدىغانلىقى ...قاتارلىق بىر قاتار ئامىللارغا باغلىق. بۇنى كونكىرىت سۆزلەشكەندە دېيىشسىڭىز بولىدۇ. شىنجاڭ خەلق نەشرىياتىنىڭ ئۇيغۇرچە كىتابلارنى تارقىتىش بۆلۈمىنىڭ تېلىفون نۇمۇرى:0991-2827472(ئىشخانا)، بۆلۈم مەسئۇلىنىڭ تېلىفون نومۇرى :13899878459. ئۇلار بىلەن ئالاقىلەشكەندە كىتاپ مۇندەرىجىسىنى تەمىنلەپ بېرىشنى ئېيتسىڭىز بولىدۇ، ئادەتتە ھەر پەسىلدە كىتاپ مۇندەرىجىسى يېڭىلىنىپ تۇرىدۇ، بۇنىڭ قەغەز نۇسخىسى ھەم ئېلېكتىرونلۇق نۇسخىسى بار. ئەگەر سىز ئالماقچى بولغان كىتابلارغا سىزنىڭ مۇناسىۋەت دائىرىڭىزدىكى باشقىلارمۇ ئېتىياجلىق بولسا ، شۇلارنىڭكىنىمۇ قۇشۇپ يوللاپ بېرىڭ، بۇنداقتا ئېتىبار تېخىمۇ كۆپ بولىدۇ. شۇنى بىلدۈرىمەنكى، بۇ پىكرىم بارلىق قېرىنداشلارغا ئورتاق. شۇنداقلا باشقا نەشرىياتلارنىڭمۇ مۇشۇنداق قائىدىسى بار.
    3. بۇ ئىشتا ئەگەر ھەقىقىي بەل باغلاپ ئىشقا كىرىشمەكچى بولسىڭىز، ھەرتەرەپتىن ئوبدان مەسلىھەت ئېلىڭ، چۈنكى بۇ سىزدەك بىر ئالىي مەكتەپ ئوقۇغۇچىسى ئۈچۈن مەبلەغ خېلى كۆپ كېتىدىغان، ، ئەمما پايدىسى دەرھاللا كۆرۈلۈپ كەتمەيدىغان بىر ئىش. شۇڭا ئۆزىڭىزنى ئوبدان دەڭسەڭ، شۇنداقلا مۇشۇنىڭغا ئالاقىدار سىياسەتلەردىن پايدىلىنىشقىمۇ ماھىر بولۇڭ. ھازىر رايونىمىز مىقياسىدا «دېھقانلار كۈتۈپخانىسى» دېگەن نامدا ھەر بىر يېزا-كەنتتە دېگۈدەك ھۆكۈمەت تەرەپتىن ياردەم بېرىپ ئاچقان كىچىك كۈتۈپخانىلار(كىتابخانىلار ئەمەس) قۇرۇلۇۋاتىدۇ. ئەگەر سىز تۇرۇۋاتقان يەردە ناۋادا مۇشۇنداق كۈتۈپخانا بولمىسا، بۇنىمۇ ئويلىشىپ بېقىپ، مۇددىئايىڭىزنى مۇناسىۋەتلىك ئورونلارغا ئېيتسىڭىز بولىدۇ. ئەمما بۇ ئېچىلسا كىتابخانا بولمايدۇ، بەلكى  كۈتۈبخانا بولىدۇ.
      4. يەنە بىر تەكلىپىم شۇكى ، ئىشتىن بۇرۇن يۇقىرىقى شىنجاڭ خەلىق نەشرىياتىدىكى مۇناسىۋەتلىك خادىمغا تېلىفون قىلسىڭىز ، ئۇلار سىزگە كىتابخانا ئېچىشقا دائىر بارلىق يوللار ھەققىدە قولىدىن كېلىشىچە مەسلىھەت بېرىدۇ ۋە ياردەمدە بولىدۇ، قالغان ئىشلارنى يۇقىرىدا دەپ ئۆتتۈم.
      ئاخىرىدا دەيدىغىنىم، مەقسىتىڭىز ئېنىق بولسۇن، يۇقىرىقى يازمىڭىزدا بىراقلا ئىككى مەقسەتنى ئوتتۇرىغا قۇيۇپسىز. سىز زادى كىتابخانا ئاچماقچىمۇ ياكى كىتاپ نەشىر قىلدۇرماقچىمۇ ۋە ياكى ھەرئىككىلىسىنى قىلماقچىمۇ؟مەيلى قانداقلا مەقسىتىڭىز بولسۇن، نىشاننى ئېنىق قىلىپ، پىلاننى ئوبدان تۈزۈپ، ئاندىن قەدەم بېسىڭ. مەيلى كىتابخانا ئاچسىڭىزمۇ، كىتاپ نەشىر قىلدۇرسىڭىزمۇ، مۇمكىن قەدەر نەشرىياتلار بىلەن بىۋاسىتە ئالاقىلىشىڭ، نەشرىيات ھەرگىزمۇ ئوقۇرى ئېگىز بىيۇرۇكىرات ئورگان ئەمەس، بەلكى بىر كەسپىي ئورگان، ئاپتورلارغا ۋە ئوقۇرمەنلەرگە تايىنىپ ئۆرە تۇرىدۇ. بولۇپمۇ شىنجاڭ خەلق نەشرىياتى شۇنداق.شۇڭا نەشرىياتلار ھەققىدىكى ھەرخىل پىكىرلەر كاللىنى قايمۇقتۇرۇپ قويمىسۇن. بۇ پىكرىممۇ بارلىق قېرىنداشلارغا ئورتاق.
     ئاخىرىدا ئىشلىرىڭىزغا بەرىكەت تىلەيمەن.

ahmatjantarimi

راس ئۇكام، تېمىڭىزنىڭ ئىملاسىنى توغرا يېزىڭ، نۇرغۇنلارغۇ  »كىتابخانا » دەپ تۈزىتىپ ئۇقار، ئەمما تېمىدىلا مۇشۇنداق خاتالىق كۆرۈلسە، «كاپخانا» نىڭ نېمىلىگىنى بىلمەي يەنە نۇرغۇنلار قايمۇقۇپ قالمىسۇن. بىلىشىمچە، بۇرۇنلاردا بىزنىڭ ساتىراچخانىلىرىمىزدا ئۇستىرا سۈركەيدىغان ، كەڭلىكى تەخمىنەن بىر غېرىچچە كېلىدىغان قېلىن بىر رەخت بولىدىغان، شۇنى  «كاپلىغۇچ» دەپ ئاتايدىغان، ھەپتە-ھەپتىلەپ گەدىنىنى قاسماق بېسىپ تۇرىدىغان بالىلارنى «گەدىنىڭ ساتىراچنىڭ كاپلىغۇچىدەك بولۇپ كېتىپتۇ» دەيتتۇق، ماۋۇ خاتا ئىملا مۇشۇ گەپنى يادىمغا سېلىپ قويدى. ئەلۋەتتە بۇ بىر چاقچاق .شۇڭا تىل-يېزىقىمىزنى قەدىرلەپ ، خەتلەرنى توغرا يازايلى.

Feth

ahmatjantarimi يوللىغان ۋاقتى  2014-12-8 13:56
راس ئۇكام، تېمىڭىزنىڭ ئىملاسىنى توغرا يېزىڭ، نۇرغۇنلا ...

دىققەت قىلماي قاپتىمەن بۇندىن كىيىن قاتتىق دىققەت قىلاي ، دەرھال تۈزىتىۋىتەي.

Feth

ahmatjantarimi يوللىغان ۋاقتى  2014-12-8 13:34
ئەسسالام ئۇكام، ناھايىتى ئەھمىيەتلىك ھەم ساۋاپلى ...

رەھمەت، مەن ئىھتىياجلىق ياخشى پىكىرلەرنى بىرىپ ھەم قىممەتلىك ئۇچۇرلارغا ئىگە قىلىپ قويدىڭىز،
مەن كىتاپخانا ئاچماقچى .      بولدۇ مەن ئوبدانراق ئويلىشاي ھەر تەرەپتىن بىلمەيدىغان ساۋاتلىرىم تىخى كۆپكەن،
يەنە بىر گەپ شۇنداق كىچىك بىر كىتاپخانا ئىچىش ئۈچۈن تەخمىنەن تۆۋەن بولغاندا قانچىلىك مەبلەغ كىتەر ، بىلسەڭلار ئۇنىمۇ تەپسىلىرەك دەپ بەرگەن بولساڭلار،
بولسا ئالاقىلىشىش نۇمرۇڭلارنىمۇ قالدۇرۇپ قۇيغان بولساڭلار، ياكى يۇقارقى نۇمۇرلار بىلەن مەن بىلەن ئالاقىلاشقان بولساڭلار.

0902aliya

ياخشى ئىشقا تۇتۇش قىپسىز ئاللاى ئەجرىڭىزنى بەرسۇن