ئۇلار يالغۇز قالمىسۇن

alkim1

ئۇلار يالغۇز قالمىسۇن

    دەۋىرنىڭ ئۇزلۇكسىز تەرەققى قىلىشىغا ئەگىشىپ،كىشلەرنىڭ تۇرمۇش رىتىمى بارغانسىرى تىزلەشتى.بۇنىڭ بىلەن كىشلەرنىڭ ۋاقىتقا بولغان كۆز قارشىدا مۇئەييەن ئۆزگىرىشلەر بارلىققا كىلىپ،ھەممە ئادەم ۋاقىتنى ئالتۇن دەيدىغان بولدى.دىمىسمۇ ھازىر ۋاقىت ئالتۇن بىلەن،پۇل بىلەن ئۆلچىنىدىغان دەۋىر ئىدى.دىمىسمۇ ئۇلۇغلار
   « ۋاختىڭ كەتتى ،بەختىڭ كەتتى » دەپ تۇلىمۇ دانالىق بىلەن ۋاقىتىنىڭ قىممىتىنى ئوبرازلىق ئىپادىلەپ بەرگەن.بىراق تۇلىمۇ ئەپسۇس،بىز ۋە نۇرغۇن كىشلەر مۇنداقچە ئېيىتقاندا دۇنيا ئەھلى ۋاقىتنى قەدىرلەشنى ئۆگەندى ھەم ئۆگەندۇقيۇ ،مۇشۇ ۋاقىت بىلەن ھېساپلىندىغان ئالەمگە ئاپرىدە قىلغان ئۇلۇغ خىزىر-پەرىشتىلەرنى-ئاتا-ئانىمىزنى ،ئاتا-ئانىلارنى ئۇنتۇپ قالدۇق ھەم ئۇنتۇپ كەتتى.بىزنى ،ھەممىزنى يىمەي ئىچكۇزگەن،كىيمىي كىيگۇزگەن،بىز ئۇچۇن ھاياتىنى دوغا تىكىپ،ھاياتلىق ئۇچۇن
     جەڭ قىلغان-ئۇلۇغلار،بۇگۇنگە كەلگەندە يالغۇزسىراپ قالدى،ئۆينىڭ تۆت تېمىغا قاراپ مۇسىرايدىغان بوپ قالدى.بىز ئۇلار ئۇچۇن،ئۇلارنى قىشتا توڭلاپ قالمىسۇن،راھىتىمىزنى كۆرسۇن دەپ ھەيۋەتلىك بىنالاردىن ئىسل ئۆيلەرنى ئېلىپ ئولتۇرغۇزۇپ قويدۇق يۇ،بىناغا ئەمەس،گۇڭۇر-مۇڭۇر پاراڭلىشىشقا،باللىرى بىلەن ھەم داستخان تاماق يىيىشكە ،مۇھەببەتكە تەشنا پەرىشتە،خىزىر سۇپەت ئاتا-ئانىلارنى يالغۇز قويدۇق،شۇ ھەيۋەتلىك بىنالاردىكى ئۆيگە بېرىپ ئۇلارغا ھەمرا بۇلالمىدۇق .ئۇلارنى پات-پات بېرىپ يوقلاشنى،ھالىدىن خەۋەر ئېلىشنى ئويلاشتۇقيۇ،لىكىن تۇرلۇك سەۋەپلەر بىلەن يەنىلابارالمىدۇق ھەم نۇرغۇن كىشلەر بارالمايۋاتىدۇ.

      ئاتىلار ئۇلۇغ،ئانىلار ئۇنىڭدىنمۇ ئۇلۇغ.ئۇلارسىز سىزمۇ،مەنمۇ،ئۇلارمۇ ،قىسقىسى ھىچكىم ھاياتىنى تەسەۋۋۇر قىلالمايدۇ.ئۇلار بولغانلىقى ئۇچۇنلا بىز بولغان؛ئۇلار بولغانلىقى ئۇچۇنلا بىزنىڭ بۇگۇنكى بەختىيار ،شاد-خورام كۇنىمىز بولغان؛ئۇلار بولغانلىقى ئۇچۇنلا بىز تۇرلۇك نام-ئاتاقلار بىلەن بۇگۇنكى جەمئىيەتتە ياشاۋاتىمىز.شۇڭا كونىلار « ئاناڭنى دۇمبەڭدە كۆتۇرۇپ ھەرەمگە ئاپارساڭمۇ،ئۇنىڭ باققان ئەجرىنى قايتۇرالمايسەن » دەپ ناھايتى پاساھەتلىك ھىكمەت بىلەن،بىزنى ئۇلارنى ھەر ۋاقىت ھۆرمەتلەشكە،ئۇلارنىڭ ئىززىتىنى قىلىپ،داۋاملىق ئۇلارنى يۇقلاپ تۇرۇشقا چاقىرىپ قىلغان.

ئۇلار-خىزىر سۇپەت-ئاتىلار،پەرىشتە سۇپەت-ئانىلار ھەيۋەتلىك داچىلارغا ،ئىگىز بىنالارغا ،بىزنىڭ بەرگەن پۇلىمىزغا مۇھتاج ئەمەس؛ئۇلار بىزگە،بىزنىڭ مىھرىمىزگە،مۇھەببىتىمىزگە مۇھتاج؛پات-پات ئۇلارنى يۇقلاپ تۇرۇشقا ،ئۇلارغا ھەمرا بۇلۇشمىزغا مۇھتاج؛خۇتۇن-باللىرىمىزنى باشلاپ كىلىپ،ھەمداستخان بۇلۇپ،ئىللىق كۇلۇمسىرەپ ئولتۇرۇپ بىرگە تاماق يىيىشكە مۇھتاج.

    راس،ئۇلار يالغۇز قالدى.ماغدۇرىدىن كىتىپ،بالام ماڭا ھەمرا بۇلار دىگەندە ،ھىچنىمىگە كۇچى يەتمەيدىغان بولغاندا يالغۇز قالدى.كىمدۇر بىرى توي قىلىپ يالغۇز قالدۇردى.قايسىدۇر بىرى خىزمەت قىلىمەن دەپ ،خىزمەت ئالدىراش دەپ يالغۇز قويدى.مىھىرگە مۇھتاج بولغان،مىھىرسىراپ قالغان ئۆيلەردا ئاشۇ بىچارىلەر يالغۇز قالدى.پەرىشتە سۇپەت ئانىلار،خىزىر سۇپەت ئاتىلار يالغۇزلىقتن زىرىكەتتى،دېرىزىدىن پات-پات قايسى بالام كىلەر دەپ قاراپ قۇياتتى.ئەمما ھىچكىم يوق.تىلۋۇزۇردا ئاتا-ئانىلارنى يوقلاش دەپ كۇچەپ سۆزلەيتى ،ئەمما يوقلايدىغان بالىلار يوق ئىدى.

    راسىت،ھىچكىم بارالمىدى ھەم بارالمىدۇق.بالام كىلىدۇ دەپ يۇلىمىزغا قاراپ تاماق ئىتىپ تۇرغاندا ،قايسىدۇر بىر ئاغىنىمىز بىلەن تاماق يىيىشكە ياكى ئىدارىدىكى يغىلىشقا كىتىپ بارالمىدۇق؛بالام كىلە دەپ كۇزى تۆت بولغاندا ،ئاشۇ ھېيىتنىڭ بىرىنچى كۇنى يەنىلا تۇرلۇك سەۋەپلەر بىلەن بارالمىدۇق.

بارالمايدىغانلار كۆپلەپ چىقىۋاتقان مۇشۇ كۇنلەردە بىز يەنىلا بارالمىدۇق دەپ قاراپ ئولتۇرامدۇق؟! بارالمىدىم دەپ يەنىلا ئۇلارنى يالغۇز،يىگانە قۇيامدۇق؟! بارايلى.ئۇلار يالغۇز قالمىسۇن !ئۇلار يىگانە قالمىسۇن!  ئۆلگەندە ماڭقىمىزنى ئېقىتىپ يىغلاپ بېشىدا ياسىن ئۇقۇغاندىن،تىرىكلىكىدە يۇقلاپ،ھەمرا بولغىنىمىز مىڭ ئەۋزەل ئەمەسمۇ ؟!

kuxlan

بېرىڭلار ئاداش،ئاتا ئانا دېگەن بىنا ئۆيدىن،خىزمەتتىن،مۇھەببەتتىن ئارتۇق.
ئاتا ئانا بىلەن مۇڭداش،مۇشۇ قۇربان ھېيتىمىزنىڭ ھارپسىدا شەھەرگە كىيىم ئالاي دەپ كىرىپ قاپتىكەنمەي ،پاھۇي،،ئۇيغۇر دېگەن كىيىم كېچەكنى شۇنداق كىييىپ قويىمىزكەن،بازالار قايناپ تاشقان، بازار ئەمەس يەرمەنكىدەك،،سايراۋاتقان سودىگەرلەر،شۇ قاتاردا مەنمۇ ئۇيغۇر بولغاندىن كېيىن كىتاب ئالماي كىيىم كېچەكنىڭ مودسىنى ئىزلەپ بىر دۇكانغا كىرىپ قالدىم،شۇ ئەسنادا بىر بالا چوڭلارنىڭ كىيمنى سوراپ باھادا كېلىشەلمەي قالغانتى دۇكاندار تۇرۇپلا:__ ھوي ئۇكام بولدى دېگەن يېرىڭگە بېرەي ئەسلى بەرمەيتتىم،،،لىكىن دادامغا ئالىمەن دەپ قالدىڭ،،مۇشۇ كۈندە دادسىغا كىيىم  ئالدىغان بالا بارمۇ؟دادسىغا مۇش ئاتىدىغان ناكەسلەرمۇ بار،
شۇڭا ئەڭ تۆۋەن باھادا ساڭا بېرۋەتتىم ئالا   دەپ ساتتى.

sabir0999

تىرىكلىكدە     يوقلا ئاتا - ئاناڭنى،
يۈرىكىڭدە   نە ئارمانلار  قالمىسۇن.
يالغۇزسىراپ  تەلەمۈردۇ   يولۇڭغا ،
ساقلاۋېرىپ تەشنا كۆزلەر تالمىسۇن.

ھايات  بىرەر ھەممىزگە  شۇ  كۈننى،
ئۆزۈڭنىڭمۇ كەلگۈسىنى  ئويلاپ قوي.
كۈندە بىر رەت ئاتا -ئانا  يوقلاشنى ،
ئەڭ موھىم ئىش قاتارىغا قويۇپ قوي.

huxruy

ھىندىستان ، كورىيە فىلىملىرىنى كۆرۈپ ئۇلارنىڭ نەچچە ئەۋلاد بىللە تۇرۇش ئادىتىگە بەك ھەۋەس قىلىمەن ، بىزنىڭ ئۇيغۇر ئائىلىلىرىنىڭمۇ بۇرۇن تولىسى شۇنداق ئىدى ، ئەپسۇس ، ھازىر پەرزەنتلەر ئۇ ياقتىن توي قىلىپ بۇ ياقتىن ئۆي ئايرىپ چىقىپ كېتىۋاتىدۇ ، ھەتتا بەزى كېلىنلەر چوڭلارنىڭ ئىشىنى قىلىشنى ئېغىر ئالىدۇ .
مۇشۇنداق كېتىۋەرسە چوڭلار پەرزنەتلەرگە ئەڭ ئېھتىياجلىق بولغان كۈنلىرىنى يالغۇزلۇقتا باللىلىرىنىڭ يولىغا قاراپ ئىشىككە تەلمۈرۈپ ئۆتكۈزۈشكە مەجبۇر بولىدۇ ، بۇ نەقەدەر ئازاپلىق كۆرۈنۈش - ھە !؟
مەن شۇنداق ئويلايمەن ، ئامال بار چوڭلار بىلەن بىللە تۇرۇش ، ئۇلارنى ھەر ۋاقىت يالغۇز تاشلاپ قويماسلىق كېرەك .

مەن شۇنداق بىر ۋەقەنى ئاڭلىغان ، مەلۇم بىر ئائىلىكلەر قورۇسىدىكى بىر بوۋاي يالغۇز تۇرىدىكەن ، كۈندۈزلىرى ھەر كۈنى قوراغا چىقىپ خۇلۇم - خوشنىلار بىلەن مۇڭدىشىدىكەن ، بىر كۈنلەر كېلىپ بوۋاي نەچچە كۈنگىچە تالا - تۈزگە چىقماپتۇ ، بۇنىڭدىن خوشنىلىرى ئەنسىرەپ بوۋاينى ئىزدەپ كىرسە ئىشىكنى ئاچماپتۇ ، خوشنىلار بوۋاينىڭ يىراق بىر شەھەردە تۇرۇۋاتقان ئوغلىنىڭ نومۇرىنى سوراپ بوۋاينىڭ ئەھۋالىنى ئېيتىپتۇ ھەم  قۇلۇپ ئاچقۇچىنى چاقىرىپ بوۋاينىڭ ئۆيىگە كىرسە ، بوۋاي ئاللىقاچان باقى ئالەمگە سەپەر قىلغان ، ياز كۈنى ھاۋا ئىسسىق بولغاچقا مېيىت سېسىپ پۇراشقا باشلىغان ئىكەن .

abulatzan

ئاتا-ئانىمىز بار چاغدا قۇرۇق باھانىلەرنى قىلىپ  يوقلىماي ، پۇلۇڭ بارمۇ، نېمەڭ كام دەپ ھالىغا يەتمەي، ئۇلار كەتكەندىن كىيىن 100يىل قۇشاق تۇقۇپ يىغلىساقمۇ بىكار . ئۇلار ھايات چاغدا يوقلايلى، ھالىغا يىتەيلى، ياردەم قىلايلى ،  بەخىت نۇرىمىز بىلەن قەلبىنى ئىللىتايلى، ئاندىن ئۇلار كەتكەندە يىغلىمساقمۇ بولىۋىرىدۇ!!!!

bezlar

ئانىنىڭ كوڭلى بالادا ئىكەن، بالىنىڭ كوڭلى تالادا ئىكەن، جەننەت ئانا ئاياغ ئاستىدا ئىكەن، كەچۇر مىنى ئانا كەچۇر ئانىجان،

qekin

    ئاناڭنىڭ سۈتىگە قايتۇرغىن جاۋاپ ،
     قىلمىغىن باغرىنى كۆيدۈرۈپ كاۋاپ .
     ئاناڭنى قاقشىتىپ ، ئىزدىسەڭ ساۋاپ ،
     تاپمايسەن مەككىنى قىلساڭمۇ تاۋاپ .