- تىزىملاتقان
- 2014-5-21
- ئاخىرقى قېتىم
- 2015-4-26
- ھوقۇقى
- 1
- جۇغلانما
- 614
- نادىر
- 0
- يازما
- 19
ئۆسۈش
22.8%
|
ئانتالىيا دىگەن بۇ نام بەلكى ۋەتەندىكى نۇرغۇن ئۇيغۇر قېرىنداشلىرىمىزغا نىسبەتەن بەك تونۇش ئەمەس دەپ ئويلايمەن.شۇڭا تۈركىيەنىڭ بۇ داڭلىق ساياھەت شەھىرىنى تورداشلارغا ئازراق بولسىمۇ بىر تونۇشتۇراي دېدىم.مەن بۇ شەھەرگە خېلى كۆپ قېتىم بېرىپ كەلگەن بولساممۇ ،يەنىلا تۇنجى قېتىم كەلگەندىكى تەسىرات باشقىچە بولىدىكەن ھەم تۇنجى قېتىم مەخسۇس ساياھەت ئۈچۈن كېلىشىم ئىدى.2013ـيىلى 6ـ ئايدا مەلۇم بىر پۇرسەت بىلەن ئۇ يەرگە ساياھەتكە بارىدىغان بوپ قالدۇق.شۇنىڭ بىلەن ئستانبۇلدىن يولغا چىقىپ ئايروپىلاندا بىر سائەتتىلا يېتىپ باردۇق. ئانتاليا تۈركىيەنىڭ جەنۇبىدىكى مەشھۇر ساياھەت شەھىرى بولۇپ ،شەھەرنىڭ ئومۇمىي نۇپۇسى 2مىليون158مىڭ ئەتراپىدا.تۈركىيەنىڭ 5ـچوڭ شەھىرى ھېسابلىنىدۇ.2013ـ يىلىدىكى ئستاستىكىغا قارىغاندا بۇ شەھەرگە11مىليون535مىڭ ساياھەتچى كەلگەن.ئەمدى بۇ شەھەېنىڭ قانداق يېرى ساياھەتچىلەرنى شۇنداق جەلىپ قىلغاندۇ؟ جەلىپ قىلغنى دەل ئۇنىڭ دېڭىز مەنزىرىسى.
بىز ئايرىدىرومدىن چىقىپ ئالدىن زاكاس قىپ قويغان مېھمانخانىغا ئورۇنلىشىۋالدۇق. بىز قاق چۈش ۋاقتى يېتىپ كەلگەن بولغاچقا ھاۋا بەك سىرتقا چىققۇسىز دەرىجىدە ئىسسىق ئىدى .كىيىن ئۇقسام ياز ۋاقتىدا بۇ شەھەرنىڭ تېمپۇراتۇرىسى 45 ئەتراپىدا بولىدىكەن .قىش پەسلىدىمۇ ئساسەن سوغوق بوپ كەتمەيدىكەن.شۇنىڭ بىلەن ئامال يوق ،بىز ياتاقتا ئەتە ساياھەت قىلىدىغان يەرلەرنى بىر قۇر ئورۇنلاشتۇرۇپ،ئۇندىن كىيىن ئارام ئالدۇق. ئەتىسى ئەتتىگەن سائەت 6 دە سىرتقا چىقتۇق مېڭىپ15 مىنۇتتىنى كىيىن شۇنداق بىر ئوچۇقچىلىققا چىقىپ قالدۇقكى دېڭىزغا قاراپ ئاغزىمنى ئېچىپ قالدىم،چۈنكى دېڭىز ھەقىقەتەن گۈزەل ئىدى.بوپمۇ بىزدەك دېڭىزى يوق ،چوڭ كۆلى يوق ئاتۇشتا چوڭ بولغانلار ئۈچۈن ،بۇ بىر باشقىچە مەنزىرە ئىدى.ۋەتەندىكى ۋاقتىمدا خېلى يىللار بۇرۇن سايرام كۆلىنى كۆرۈپ ھەيران قالغانتىم ،كۆل بۇنداق چوڭ بولسا دېڭىز قانداق چوڭدۇ دەپ.ئەمدى ئىستانبۇلدىمۇ دېڭىز بارغۇ دىيىشىڭلا مۇمكىن،ئىستانبۇلدىكى دېڭىز بۇنداق ئادەمنى لال قىلغۇدەكدەرىجىدە چىرايلىق ئەمەس،ئەمما بۇ ئانتالىيانىڭ دېڭىزى(ئاق دېڭىزدەپ ئاتىلىدۇ) شۇ قەدەر گۈزەلكى،سۈيى شۇنداق سۈپسۈزۈك بولۇپ نەچچە مېتر ئاستىدىكى تاشلارنى ئېنىق كۆرگىلى بولاتتى .دېڭىز بويىدىكى يېتىپ ئارام ئالىدىغان يەرلەر،دېڭىز بويىدىكى قىيالاردا ئۆسكەن رەڭگارەڭ گۈللەر ئادەمگە باشقىچە ھوزۇر بېرەتتى.ئۇندىن باشقا قىيالاردىن دېڭىزغا چۈشۇپ كېتىدىغان شراقىراتمىلار بار ئىدى. ئەتىسى ۋە ئۆگۈنى باشقا دېڭىز قىرغاقلىرىغا بېرىپ شۇنداق كۆڭۈللۈك ئايلاندۇق.شۇنىڭ بىلەن ئانتالىيادىكى ئۈچ كۈنلۈك ساياھەتنى ئاخىرلاشتۇرۇپ ئستانبۇلغا قايتتۇق. ئۇندىن كىيىن بۇ شەھەرگە خزمەت مۇناسىۋېتى بىلەن تازا قارا قىش12 ئايدا بېرىپ قالدىم،قىش پەسلىدىمۇ تۈزۈك سوغوق يوق،دەرەخلەر يېشىل،شەھەر ئىچىدىكى نۇرغۇن ئاپلىسىن دەرەخلىرىدە ئاپلىسىلنلار مەي باغلاپ پىشىپ كەتكەن تېخى. ۋەتەندە بولغان بولسا ئۇ ئاپلىسىنلار بىر كۈن ئىچىدىلا بارىدىغان جايىنى تېپىپ بولىتى.
ئانتالىيانى مۇشىنچىلىك چۈشەندۈرەي چۇنكى مىڭ ئاڭلىغاندىن بىر كۆرگەن ئەلا يەنىلا ئۆز كۆزى بىلەن كۆرگەن باشقىچە بولىدۇ.ئەپسۇس ۋەتىنىمىزدىن بۇ يەرگە شۇنچە پۇل تۆلەپ ئۆمىك بولۇپ چىققان ئۇيغۇر ساياھەتچىلىرىمىز بۇ شەھەرگە ئاساسەن ساياھەتكە ئاپىرىلمايدۇ،پەقەت شۇ ئىستانبۇلدىكى تاىخي يەرلەرگە ۋە چوڭ بىر خەلقارالىق بازىرىغا ئاپىرىپ ئايلاندۇرىدۇ تۈگىدى ساياھەت. ۋەتىنمىزدىكى دوسلارنىڭ تۈركىيەگە كەپ قالسا ئانتالىياغا بېرىپ بىر ساياھەت قىلىپ كۆرۈپ كىتىشىنى تەۋسىيە قىلىمەن.
تۆۋەندىكىسى بىر قىسىم مەنزىرە سۈرەتلەر:
|
|