كىتاب،ئۇنۋىرىستىت ۋە كىتاب يىلى

nefise726

                                      كىتاب،ئۇنۋىرىستىت ۋە كىتاب يىلى



      كىتاب ئوقۇش يىلى ۋە كىتاب ھەققىدە قىزغىن مۇنازىرە بولۇۋاتقان مۇشۇ پەيتتە، بىر ئۇنۋىرىستىت ئوقۇغۇچىسى بولۇش سۈپىتىم بىلەن كىچىككىنە بىر ئىشنى سىلەر بىلەن ئورتاقلىشىشنى قارار تاپتىم.مەن بۇ يىلنىڭ بىز ئۈچۈن ناھايىتىمۇ ئەھمىيەتلىك ،مول-ھوسۇللۇق بىر يىل بولۇشىغا ئىشىنىمەن ھەم چىن دىلىمدىن ئۈمۈد قىلىمەن.تۇنجى قېتىم كىتاب ئوقۇش يىلى توغۇرلۇق گەپلەر بولۇنغاندا راستىمنى ئېيتسام ئىنتايىن ھاياجانلاندىم ھەم خۇش بولدۇم،كېيىن بۇ ھەقتە ئويلارغا چۆكتۈم...مەن ھازىرقى سالاھىيىتىم بىلەن نېمە ئىش قىلالايمەن؟قانداق قىلسام باشقىلارغا تەسىر قىلالايمەن؟... دېگەندەك ئويلار بىلەن نەچچە دوستۇم بىلەن بىرلىكتە ئۆتكەن مەۋسۈمكى ئىشلىرىمىزنى داۋام ئەتمەكچى بولدۇق.بىز ئالدىنقى ئوقۇش مەۋسۈمىدە دىيارىمىزدا ئۆتكۈزىلىۋاتقان ئىلىم چېيىدىن تەسىرلىنىپ،گەرچە ياخشى ،ۋايىغا يەتكۈزۈپ قىلالمىساقمۇ، ئۆز كۈچىمىزگە تايىنىپ ،سەۋىيەرىمىزگە ئاساسەن ،ئوقۇغان كىتابلىرىمىز ۋە بىز دۇچ كېلىۋاتقان ھەم ھەل قىلىشقا كۈچىمىز يېتىدىغان مەسىلىلەر ھەققىدە بىر قانچىمىز بىر يەرگە يىغىلىپ سۆھبەتتە بولدۇق. بۇ جەرياندا <مىللەت تەربىيەسى قىزلار تەربىيەسىدىن باشلىنىدۇ>،<ئۆزلۈك ۋە كىملىكتىن تەسىرات>(ئەسەت سۇلايمان)،<ئانا يۇرت كىتاب ئوقۇش تەسىراتى>،<ئانا تىل ئۆگىنىشنىڭ مۇھىملىقى>...قاتارلىق تېمىلاردا پىكىر ئالماشتۇردۇق.سۆھبىتىمىز گەرچە بەزىدە ھەرخىل سەۋەبلەر تۈپەيلى تېمىدىن چەتنەپ كېتىپ قالسىمۇ(ئۇزۇندا كۆرۈشكەچكە ئارىدا كۈلكە چاقچاق،يەنە ھەركىم تۇرمۇشتىكى مىساللارنى،كۆرگەن ئاڭلىغانلىرىنى  سۆزلەپ دېگەندەك).بۇ مەۋسۈم قەيەردىن نېمىدىن باشلاش كېرەك؟مانا ئالدىمىزدا كىتاب ئوقۇش يىلىدىن ئىبارەت يارقىن تېما تۇراتتى،بىز يەنە كىتاب ئوتى بىلەن بىر يەرگە يىغىلدۇق .تۇنجى قېتىم مەن بارالمىدىم،ئەمما ساۋاقداشلىرىمدىن خەۋەردار بولدۇم.
       تۇنجى قېتىمقى سۆھبەت بەك ياخشى بولۇپتۇ،ئۇلار ھەتتا تاماقنىڭ سوۋۇپ كەتكەنلىكىنىمۇ ئۇنتۇپ پاراڭلىشىپتۇ.بۇ جەرياندا يېڭىدىن پىراكتىكا قىلىپ قايتىپ كەلگەن يۇقىرى يىللىقتىكى ھەدىلىرىمىز ئۆزىلىرىنىڭ دەرس مۇنبىرىدە يولۇققان مەسىىلىلىرى ھەققىدە ،يەنە بىزنىڭ ئەۋلادلىرىمىز بىر قولىدا بىلىم،بىر قولىدا ئەخلاق تەربىيەسىنى تۇتقان ناھايىتى مەسئولىيەتچان ئوقۇتقۇچىلارغا موھتاج...دېگەندەك ھېس -تۇيغۇلىرىنى ئۇلار بىلەن ئورتاقلىشىپتۇ،ھەم ياخشى ئوقۇش ھەققىدە قايتا-قايتا تاپىلاپتۇ.ئۇلار ئۆزىلىرىدە بار بولغان كىتابلارنى ئالماشتۇرۇپ ئوقۇماقچى بولۇشۇپ،كىتابلار ھەققىدە ھەرخىل بەس-مۇنازىرىلەردە بولۇشۇپ قايتىپ كېلىپتۇ.
      ئىككىنچى قېتىملىق سۆھبەتنىڭ تېمىسىنى ئالى مەكتەپ ئوقۇغۇچىسى بولغانلىقىمىز ئۈچۈن ،بىز  تەقەززا بولغان،ئۆزىمىز ھەل قېلىشقا ئەڭ ئېھتىياجلىق بولغان <نىشان >ھەققىدە پىكىر ئالماشتۇرماقچى بولدۇق.بىزنىڭ بۇ قېتىمقى سۆھبىتىمىز ئىنتايىن قىزغىن بولدى.شارائىتىمىزغا ئاساسەن مەلۇم قەھۋەخانىدا ،ئەركىن -ئازادە سۆھبەتلەشتۇق.<21 كۈندە بىر ئادەت يېتىلدۈرگىلى بولىدۇ>،<ئۆز ئەمەلىيىتىمىز ئارقىلىق باشقىلارغا تەسىر كۆرسىتىش>،<ئاكتىپ ئىنىرگىيە يەتكۈزۈش،چۈشكۈنلۈكتىن يىراق تۇرۇش>،<ناچار ئادەتلىرىمىزنى بىر-بىرىمىزگە كۆز قۇلاق بولۇشۇپ تۈزىتىش>،<بىر مەسىلىگە ئوخشىمىغان پىكىرلەرنى قىلىش،ھەم ئوخشىمىغان پىكىرلەرگە ئالرىداپ رەددىيە بەرمەسلىك>،<كۆپ كىتاب ئوقۇش>(مەڭگۈلۈك تېما)،<ياخشى ئىش،ئادەتلەرنى چىداپ داۋاملاشتۇرۇش>،<بىز ئۆتكەن ئالىملىرىمىزدەك بولالمىغان بولساق بىزدىن كىيىنكىلەردىن چىقسۇن،چىقىشى كېرەك>...قاتارلىق نۇرغۇن ياخشى پىكىرلەر دە  ئورتاقلاشتۇق .ئارىمىزدا فىزىكا،خىمىيە، پىسخىلوگىيە،بىئولوگىيە،خەنزۇتىلى ئەدەبىياتى قاتارلىق كەسپلەردە ئوقۇيدىغان ساۋاقداشلىرىمىز بار ئىدى،شۇنى ھېس قىلدىمكى ،بەلكىم ھەرخىل كەسپلەرنى ئوقۇش ،ئۆگىنىش جەريانىدا بىزنىڭ تەپەككۇرىمىز،پىكىر قىلىش ئۇسۇلىمىز ئاز بولسىمۇ شۇ تەرەپكە مايىل بولغان بولۇشى مومكىن،بىر مەسىلىگە نىسبەتەن ھەرخىل پىكىر-كۆز قاراشلارنىڭ بولۇشى ئادەمنىڭ نەزەر-دائىرىسىنى كېڭەيتىپ ،ھۇزۇر ئاتا قىلىدىكەن.بۇ جەرياندىمۇ بىر-بىرىمىزگە گەپ بەرمەي دېگەندەك ،تىلىمىزنىڭ گۈزەللىكىدىن كۈلكە-چاقچاقلار بىلەن داۋاملاشتۇردۇق.(ئارىدىن ۋاقىت ئۆتكەچكە مەزمۇنىنى سەل ئۇنتۇپ قاپتىمەن،سۆھبەت خاتىرىسى مەندە ئەمەس ئىدى).
   مەۋسۈم ئاخىرى بولۇپ قالغاچقا بىز ئاخىرقى قېتىمقى سۆھبىتىمىزنى كىتاب ئوقۇشنى چۆرىدەپ ،ئەركىن پىكىرلەشتۇق.ئىشقىلىپ كىتاب دېگەن گەپ چىقسىلا بولدى دەپ قويۇپ كۈلۈشۈپ كېتەتتۇق.بۇ قېتىم يېڭى كىرگەن ساۋاقداشلىرىمىز بولغاچقا بىز تەتىلدىن باشلاپ ئۆزىمىزگە كىتاب ئوقۇشنى ۋەزىپە قىلىپ،بىر كىتاب تۈگىگەندە ،شۇ كىتاب ھەققىدە مۇنازىرە قىلماقچى بولدۇق،ھەم تۇنجى قەدەمنى تارىخى روماندىن باشلىماقچى بولدۇق.يەنە <تەتىلدە ئۆيگە قايتقاندا ،كىچىك ئۇكىلىرىمىزغا ساۋادىنى چىقىرىشقا قانچىلىك كۈچىمىز يەتسە شۇنچىلىك ياردەم قىلىش>،<تەسىر قىلغان سۆز-جۈملىلەرنى خاتىرە قالدۇرۇپ مېڭىش،كىتاب ئوقۇش خاتىرىسى يېزىش>،<ھەر ئايدا بىر كىتاب سېتىۋېلىشقا تىرىشىش>،<قائىدە-يۇسۇنلىرىمىز،ئارىمىزدىكى ھۆرمەت سۇسلىشىپ كەتمىسۇن>،<ۋاقىت باشقۇرش>...قاتارلىقلار  ناھايىتى تەسىرلىك، ئەمەلي مىساللار بىلەن ئوتتۇرىغا قويۇلدى...
   شۇنداق ، تۇيغۇداش ئىدۇق،بىز پىكىرداش بولدۇق،قەلبداش بولدۇق.مېنىڭچە كىتابنىڭ ناچىرى يوق،مەسىلە سىزنىڭ قانداق تاللاپ ئوقۇشىڭىزدا.ئاخىرىدا دەيدىغىنىم :<كىتابخانە-روھقا خىتابخانە>،ھەممىمىزگە مەنپەئەتلىك ئىلىم يار بولسۇن...(ۋاقىت مۇناسىۋىتى بىلەن نۇرغۇن مەزمونلار تولۇق ئەكىس ئەتمەي قالدى،كېيىنكى تېمىلاردا ئورتاقلىشارمىز،ئۇنۋىرىستىت ئوقۇغۇچىىلىرىدىن كىتاب ئوقۇش يىلىمىزغا ،چوڭلىرىمىزغا ئەمەلىيىتىمىز ئارقىلىق كىچىككىنە كۆڭۈل ئىزھارىمىز بولسۇن ئۈچۈن سىلەر بىلەن ئورتاقلىشىشنى لايىق كۆردۈم)...

ArpatKurban

دىگىنىڭىزدەك بىر مول ھوسۇللۇق يىل بولىشىنى ئۈمۈت قىلىمەن . ھەممىمىز كۈچەيلى...

bulaksuyi

ھەقىقەتەن ياخشى پىكىر -تەكلىپ بۇپتۇ
ئەخلاق ھازىر بىلىم بىلەن پارالىل مىڭىشى كىرەك

bagdaxazasi

ئۈرۈمچىدە ھەربىي دوختۇرخانىدىن نەچچىسى بار ، ئادېرسىنى يوللاپ قويساڭلار . ئاۋارە قىلدىم

likimjan

مانا مۇشۇنداق ئەمەلىي ھەرىكەت مۇھىم

marip

likimjan يوللىغان ۋاقتى  2015-1-6 01:10
مانا مۇشۇنداق ئەمەلىي ھەرىكەت مۇھىم

ئەسسىلامۇ ئەلەيكۇم ئىنىم كەمىنە ئارتۇچ مۇئەللىمدىن سىزگە يارقىن سالام.مىللىتىمىز سىزدەك ئوت يۈرەك ياشلارغا مۇھتاج،داۋاملىق تىرشىڭ.تۈۋەندىكى 2015-يىلى كىياب يىلىنىڭ پىلانىنى سىزگە ئەۋەتتىم ،پايدىلىنارسىز :
كىتاب يىلىنىڭ پىلان ،لاھىيەسى(15تۈرلۈك)
1.بۇ يىلدا نىمە بولىشىدىن قەتئىنەزەر ساۋادىڭىز بولسىلا ئاز بولغاندا 15پارچە كىتاب ئوقۇڭ(ئىشنى ئۆزىمىزدىن باشلايلى،كىتاب تىزىملىكى ئاسىتىدا بار)
2.مەدەنىيەت كەسىپى بىلەن شۇغۇللىنىدىغانلار كىتاب ئۇقۇش يىلى ئۈچۈن ئەمەلىي ئىشلارنى قىلىسا يەنى رادىئو ئىستانىسى،تىلىۋىزىيە ئىستانىسىلىرى مەخسۇس كىتاب ھەققىدە پىروگىرامما ئىشلەش، بىرەر كىتابخانىنىڭ ساھىبخانلىقىدا چوڭ تىپتىكى كىتاب مەشىرىپى ئۆتكۈزۈش ، تاراتقۇلار كىتاب ھەققىدە جامائەت پاراۋانلىق ئىلانلىرىنى ئىشلىشى،ئاخبارات نەشىرىيات ئورۇنلىرى تەشۋىقاتنى كۈچەيتىپ ھازىرغىچە خەلقىمىز ئىھتىياجلىق كىتابلانى نەشىر قىلىش،تەقەززا بولىۋاتقان كىتابلارنى قايتا نەشىر قىلىشىقا كۈچ چىقارسا.(چۈنكى تىخى ياشلىرىمىز بىلمەيدىغان نۇرغۇن كىتابلار بار)كىتاب ھەققىدە داڭلىق ئىتوتچىللىرىمىز ئىتوت ئويناش،كىتاب ھەققىدە ئىيتىلغان بىرمۇ ناخشا يوق،ئىجاد قىلىنىسا.(شىنجاڭ خەلق رادىئو ئىستانسىسى قاتناش سەنئەت رادىئوسىنىڭ كىتاب ھەققىدە ئىلىپ بىرىۋاتقان ئەمەلىي خىزمىتىنى خەلقىمىز ھەرگىز ئۇنتۇپ قالمايدۇ)ئۇنىڭدىن باشقا نۇپۇزلۇق تور تاراتقۇللىرى ، چ چ توپ ،ئۈندىدار توپ ،ئۈندىدار سالون،مىكرو بىلوگ قاتارلىقلار زور كۈچ بىلەن تەشۋىق قىلىپ كىتاب ھەققىدە سەھىپە ئىچىشى،نادىر كىتابلارنى تۇنۇشتۇرشى ،تورداشلار ئارسىدا كىتاب ئوقۇش پائالىيتى،بۇ ھەقتە زىھىن سىناش،تىپىشماق تېپىش قاتارلىق ئۇسۇلارنى قوللىنىش ئارقىلىق مەزكۇر تورنى زىيارەت قىلغۇچىلارنى جەلىپ قىلىسا.
3.ئىرادىسى كۈچلۈك،ئىزدىنشچان،پائالىيەتچان ياشلىرىمىزنىڭ باشلامچىلىقىدا ناھىيە-شەھەرلەرنى بىرلىك قىلىپ تۇرۇپ ئايدا بىر نۆۋەت كىتاب چىيى،ئىلىم چىيى،كىتاب مەشىرىپى قاتارلىق شەكىللەردە كىتاب ئەجۈمەنى ئۆتكۈزلىدۇ،ئۆز جايىدا مۇشۇنداق پائالىيەتلەرنى ئۆتكۈزۈشكە ئىشەنچىسى بار ئۆمىدلىك ياشلارنىڭ بىز بىلەن ئالاقىلىشىشنى ئىستەيمىز.(ھازىر بىر قانچە جايدا بۇ خىل چاي ئۆتكۈزىلىۋاتىدۇ)
4.كىتابخانىلار ھەرخىل بايرام ۋە خاتىرە كۈنلەردە ئىتبار باھادا كىتاب سىتىش پائالىيەتلىرىنى يولغا قويۇپ بۇ ئۇلۇغ ئىشقا ماسلىشى كىرەك.يەنە كىتابخانىدا يەڭگىل ئاۋازدا كىتاب ھەققىدىكى ھېكىمەت دۇردانىلەر،يىڭى كىتابلار ھەققىدىكى تونۇشتۇرۇشلارنى ئاڭلىتىپ ئوقۇرمەنلەرنى جەلىپ قىلىش(بۇنى مەن بىلەن ئالاقىلاشساڭلار ئىشلەپ بىرەي)،قىرائەتخانىلار كىتاب ئوقۇش كۈنى قاتارلىقلاردىن پايدىلىنىپ تۈۋەنلەرگە چۈشۈپ نادىر پائالىيەتلەرنى ئويۇشتۇرشى، يەرلىك ھۆكۈمەتلەر زور كۈچ بىلەن قوللىسا،ئاشخانىلاردىمۇ يىنىڭ مۇزىكىلارغا كىرشتۈرۈپ كىتاب ھەققىدە مەزمۇنلارنى قۇيۇپ قويۇش(ياقتۇرىدىغان خۇجايىنلار مەن ئالاقىلاشساڭلار بولىدۇ).سودا- ساراي، دۇككان، چوڭ- كىچىك تىپتىكى كارخانىلار سېتىش پائالىيەتلىرىنى ئىلگىرى سۈرۈش ئۈچۈن ئېلىپ بارغان پائالىيەتلىرىدە مال سېتىۋالغانلارغا كىتاب سوۋغا قىلىش پائالىيتىنى يولغا قويسا...
5. توي تۆكۈن،خاتىرە بايرام،تەبىرىكلەش كۈنلىرىدىكى پائالىيىمىزدە كىتاب كەم بولسا بولماسلىق، كىتاب سوۋغا قىلىش تەشەببۇسىنى ئالغا سۈرۈش، مۇشۇنىدەك مۇھىم خاتىرە كۈن،تۇغۇلغان كۈن قاتارلىقلاردا كىتاب سوۋغا قىلىشنى كىشلەرنىڭ تۇرمۇشىغا سىڭدۈرۈش،بۇنى ھەربىرىمىز ئاۋۋال ئۆزىمىزدىن باشلىشىمىز كىرەك[2] ئەرلىرىمىز ئاياللىرىمىغا نەسىھەت قىلايلى ،تويلاردا ئارتۇقچە ھەشەم–دەرم قىلمىسۇن،ئۇنىڭ ئورنىغا ئۆز-ئارا كىتاب سوۋغا قىلسۇن. ئاياللىرىمىزغا ئايدا بىرەر پارچە ئەدەب-ئەخلاققا ئائىت كىتابلارنى ئىلىپ بىرەيلى.ئەرلەر ماشىنىمزغا،ئاياللار سومكىمىزغا بىرەر پارچىدىن كىتاب سىلىپ قويايلى،باشقىلارنى ساقىلغاندا دەرھال يادىڭىزغا كىلىدۇ،ئوقۇپ كىتىسىز.
6.ھاراق،تاماكا تاشلىيالمىغان كىشلىرىمىزگە ۋە يىڭدىن باشلىغان ياشلىرىمىزغا تۈرۈك شەكىلدىكى تەشۋىقاتنى كۈچەيتىپ بۇ يەردىكى غەيرى خۇمارنى ئىجابى خۇمارغا يۆتكەپ(تەس بولسىمۇ)،ئۇلارنى كىتاب ساھەسىگە باشلاپ كىرەيلى!
7.چوڭلار ياش ۋە ئۆسمۈرلەرگە كۆپرەك ئۈلگە بولۇپ ياشىنىپ قالغىنىغا تەن بەرمەي كۆپرەك كىتاب كۆرشى،كىتاب ئوقىمىسىمۇ كىتابخانىلارنى يوقلاپ تۇرشى كىرەك.نەۋرىلەرگە كىتابلاردىن چۆچەك ئوقۇپ بىرىشى،ياكى ياخشى كىتابلارنى ئوقۇپ تۇرۇشقا ئىلھاملاندۇرۇشى كىرەك.
8.ئاتا-ئانىلار پەرزەنتلەرنىڭ بارلىقى،پەرزەنتلەرمۇ ھەم شۇنداق،ئۈلگە ئەڭ ياخشى ئۇستازدۇر،تەربىيەنىڭ جېنى ئۈلگە،شۇڭلاچقا ئاتا-ئانىلار ئائىلىدە چوقۇم كۆپرەك ئۈلگە بولۇپ كىتاب كۆرىشى،ئۆيگە كۆپرەك كىتاب ئەكىلىپ تۇرشى،بالىلارغا ئوقۇشىنى ئۈگىتىشى،ئايدا ئانچە-مۇنچە كىتاب خىراجىتى بىرىپ تۇرشى كىرەك.بالىلارنىڭ بىكار چاغلىرىدا كىتابخانىلارغا بېرىشقا يىتەكلىشى،ياكى ئۆزى يىتلەپ ئېلىپ بىرىشى لازىم.
9.ئەنئەنىۋي بايراملىرىمىزدىكى يىغىلىش، ئولتۇرۇشلاردا كىتاب يىلى ھەققىدە مۇھاكىمە ئىلىپ بىرلىشى،شۇ مۇناسىۋتلىك ئۆتكۈزلگەن مەشرەپلەردە كىتاب ئىئانە قىلىش،كىتاب سوغا قىلىش،كىتاب ھەققىدە زىھىن سىناشلار ئىلىپ بىرىلىشى كىرەك.
10.ھامىلدار ئاياللار ھەركۈنى بىر سائەت ئەتىراپىدا ئۈنلۈك ئاۋازدا كىتاب ئوقۇپ بىرىشى كىرەك،بۇنداق قىلغاندا ئۆزىنىڭ سالامەتلىكى ئۈچۇنلا ئەمەس يەنە ھامىلىنىڭ يىتىلىشىگە ،بالىلارنىڭ كىتابخۇمار تۇغۇلىشىغا(ئەقىلىق بولىشغا) پايدىسى كۆپ.
11.ھازىر رايۇنىمىزنىڭ ھەرقانداق جايىدا ماشىنا كۈتۈش ئورۇنلىرى بار،بۇ يەرلەرگە ئۆزىمىزنىڭ ئائىلىسدە ئارتۇق بولغان كىتاب-ژورناللارنى ئەپچىقىپ قۇيۇپ قۇيايلى.سىز ئوقۇپ بولغاندىن باشقىلارمۇ پايدىلانسۇن(ئەمما ئالماشتۇرۇپ ئىلىپ كەتمەڭ)پويىز،ئايرۇپىلان،ئامىمىۋي ئابتۇبۇسلاردا يول يۈرگەندە ئالدىنقى تاللىشىڭىز كىتاب بولسۇن(گەرچە كۆزىڭىزگە زىيانلىق بولسىمۇ)ياكى نادىر ئەسەرلەرنىڭ ئاۋازلىق نۇسقىسىنى قاچىلىۋىلىپ ئاڭلاپ مىڭىڭ.
12.ھازىر ھۆكۈمىتىمىزنىڭ مەدەنىيەت ئىشلىرى ئۈچۈن سالغان سېلىنىمسى ئىنتايىن كۆرنەرلىك بولىۋاتىدۇ.بۇنىڭدىن ئىنتايىن مەمنۇنىمىز،يىزا دىھقانلار قىرائەتخانىلىرى ئارقا-ئارقىدىن قۇرلدى، ئەمما بۇ يۇ يەرلەرنى باشقۇرۇش تازا دىگەندەك بولمايۋاتىدۇ،قىرائەتخانىنى ئاچىدىغان مۇقىم ئادەم بولمايدىغان، كىتابلارنى خالىغانچە بىرىۋىتىدىغان ۋە ئىلىپ كىتىدىغان ئەھۋاللار مەۋجۇت. بۇنى چىڭ تۇتۇش بىلەن بىرگە يېزىلارغا چۈشكەن كادىرلارمۇ دىھقانلارغا كۆپرەك تىخنىكا ئۈگىتىدىغان كىتابلارنى تەۋسىيە قىلغايلى ،ئالغاچ بارايلى.
13.رايۇنىمىزدىكى ئوقۇتقۇچىلار قوشۇنى ئەڭ چوڭ قۇشۇن.شۇڭا ئوقۇتقۇچىلار ئوقۇغۇچىلارغا كۆپرەك كىتاب ئوقۇش ھەققىدە تەربىيە قىلايلى،ئۆزىمىز ئۈلگە بولايلى،بولسا ئۆزىمىزدە بار كىتابلارنى بالىلارغا بىرىپ تۇرايلى.چۈنكى كىتاب مەدەنىيتىمىزنى ئوقۇتقۇچىلار باش بولۇپ قوغداپ كىينكىلەرگە يەتكۈزمىسە ئىش تاڭ ئاتمايدۇ.ئوقۇتقۇچىلار بايرىمىدا ئۆز-ئارا كىتاب سوۋغا قىلايلى.
14.رەھبەرلىرىمىزمۇ قول ئاستىمىزدىكلەرگە كۆپرەك كىتاب ئوقۇش ھەققىدە نەسىھەت قىلايلى،ئۆزىمىز باشلاپ بىرەيلى، نادىر كىتابلار ۋە ياخشى ژورناللارغا يىزىلدۇرۇپ ئۇلارغا ئىلھام بىرەيلى.
15.كەمىنە 2015-يىلدىكى ئىككى قېتىملىق تەتىلىمىدە قەشقەر ۋىلايىتىدىكى ناھىيە-بازار،يىزا-قىشلاقلارغا بىرىپ يىتىم بالىلار كىتاب فوندىمىزغا يىغىلغان كىتابلارنى شۇ جايلاردىكى يىتىم بالىلارغا،كىتاب ئوقۇش قىزغىنلىقى ئوتتەك ياشلارغا خالىسانە سوۋغا قىلىش پائالىيتى ئېلىپ بارىمەن.(بۇ جەھەتتە قېرىنداشلىرىمىنىڭ كۆپرەك قوللىشغا مۇھتاجمەن) (يۇقاردىكى قىسمەن پىكىرلىرىمىز ئۈندىدردىكى ئىسىمى نەسۇرۇللا ئىسىملىك قىرىندىشمىزنىڭ ماڭا يازغان خېتدىن ئىلىندى)
قەدىرلىك قېرىنىدشلىرىم،لاھىيە گەرچە بۇيرۇق تەلەپپۇزىدا ئوتتۇرغا قۇيۇلغان بولىسىمۇ نىشان بار بولدى،ئەمما بۇنىڭ ھەممىنى مەن ئۆزۈم قىلىپ كىتەلىشىم ناتايىن،ئەمما مىللەت ئۈچۈن ئىزدىنىۋاتقان قىرىنداشلىرىمىنىڭ لاھىيەمگە ئاۋاز قوشۇپ ئىجىرا قىلىشقا ئاتلىنىدىغانلىقى كۆزۈمگە كۆرۈنۈپ تۇرىدۇ.كىتاب ئۈچۈن كارخانىچىلار پۇل چىقىرشى،كىتابپۇرۇشلار كىتاب چىقىرىشى،يازغۇچىلار ئەقىلى ئەمگىكىنى چىقىرشى،ئاپتۇرلار كىتاب ھەققىدە لىكسيە سۆزلەپ تۇرشى،ئىمام-ئاخۇنۇملار خەلىقنى كىتاب ئوقۇشقا،باللىرىنى مەكتەپتە ئوقۇتۇشقا ۋەزىخانلىق قىلىشى، ئىلانچىلار ئىلان ئىشلىشى،ئىتوتىچىلار ئىتوت ئويناپ بىرىشى،ناخشىچىلار ناخشا ئىيتىشى(ھازىغىچە كىتاب ھەققىدە ناخشا يوق)،چوڭ ئىلىم سورۇنلىرى كىچىك ئىلىم سورۇنلىرىنى يىتەكلىشى،مەكتەپلەردە كىتاب ھەققىدە شىئىر دىكلىماتسيە قىلىش،تەسىرات سۆزلەش،كىتاب ئوقۇش مۇسابىقىلىرى قانات يېيىشى، تەرجىمانلار ئارا نادىر كىتابلارنى تەرجىمە قىلىش پائالىيىتى تەشكىللىنىشى قاتارلىق تۈرلۈك ئەمەلىي خىزمەتلەرگە مۇھتاج بولىمىز.ئەمما بۇ خەلىقىمىزنىڭ نۆۋەتتىكى مۇھتاجى بولغاچ ھەر ساھە كىشللىرىمىزنىڭ ئورتاق كۈچ چىقىرشىغا ئىشەنچىمىز كامىل !

manmanqi

نېپىسە سىڭلىم  بەك  ياخشى  تىمىدىن  بىرنى  يوللاپسىز،قەلىمىڭىز  توختاپ  قالمىسۇن،  مۇشۇنداق  تىمىلىرىڭىزنى  ئەۋەتىپ  تۇرۇڭ ،بىزمۇ  كۇرەيلى ھەم ئوگۇنەيلى.

bowak

مانا مەن بۈگۈن ‹تاۋارىم ›تورىدىن 3دانە كىتاپ سېتىۋالدىم!
ئەمەلى ھەركەتكە ئۆتەيلى!
بۇ كىتاپخانىدىنhttp://oztugh.tawarim.com/