بۇ نىمىلەر قاچان تەرتىپكە سېلىنىدۇ ؟!

ordakent

    مەن ھەر كۈنى دىگۈدەك ئۈرۈمچى ۋاقتى 17:20 ئەتراپىدا ئىشتىن چۈشۈپ ئۆيگە يىتىپ بارغۇچە بولغان ئارىلىقتا قاراڭغۇ چۈشۈپ كىتىدۇ . چۈنكى ئىش ئورنۇم بىلەن ئۆينىڭ ئارىلىقى 60 كىلومىتىرغا يېقىن كېلىدۇ . ماڭا بۇ ئارىلىق بەك ئۇزۇن بىلىنىدۇ . چۈنكى مىنىڭ قارشى تەرىپىمدە « ئالەمدە كەم تېپىلىدىغان »  ماشىنىسىنى ھەيدەپ كەلگۈچىلەرنىڭ  %99 ى ماشىنىنىڭ چوڭ - كىچىك چىرىقىنى توغرا ئىشلەتمەي ، چوڭ چىراقنى بىر ياندۇرغانچە مەن ھەر قانچە پاس بەرسەممۇ ئۇ نىمىلەرنىڭ خىيالىغا كىرىپ چىقماي ئۆتۈپ كىتىشىدۇ .
   ماشىنا ھەيدىگەنلەر بىلىدۇ . يۇقۇرىقىدەك ئەھۋالدا يول ئېنىق كۆرۈنمەيدۇ ، ئاسانلا قاتناش ھادىسىسى كىلىپ چىقىپ مۆلچەرلىگۈسىز ئاقىۋەتنى پەيدا قىلىدۇ . مەن بىر خەۋەردىن كۆرۈشۈمچە كېچىسى يۈز بەرگەن قاتناش ھادىسىسىنىڭ % 80 ى شوپۇرلارنىڭ چىراقنى توغرا ئىشلەتمەسلىكىدىن كىلىپ چىقىدىكەن . شۇڭا ئويلاپ قالدىم ، شۇ ساپاسىز مۇناپىقلارنىڭ خەلقنىڭ جېنى بىلەن ئوينىشىدىغانغا نىمە ھەددى ؟ ئەمدى بۇ يوللاردا باشقا پىيادە ياكى ماتورسىز قاتناش ۋاستىلىرى ھەيدىگۈچىلەرنىڭ يۈرۈش ھوقوقى يوقمۇ ؟ ياكى بۇ يول شۇ ساپاسىز سولتەكلەرنىڭ دادىسى ياساپ بەرگەن يولمۇ ؟ ۋە ياكى شۇ چىراقنى توغرا ئىشلىتىش شۇنچە تەس ئىشمۇ ؟...
   بىزدە « يۇمشاقنى يېيىشنى خالىمىغان قاتتىقنى غاجايدۇ » دىگەن گەپ بار . ئەجىبا بۇ نىمىلەر قاتناش ساقچىلىرى كۆرگەنلا يەردە تۇتۇپ ، جەرىمانىنى ئايىماي ئېلىپ ، نۇمۇرىنى ئىچ ئاغرىتماي تارتقاندا ئاندىن ئۆزگەرمەكچىمۇ ؟
ئەمەلىيەتتىمۇ قاتناش ساقچىلىرىنىڭ بەزى مۇناپىق شوپۇرلارنى ئەدەپلەپ تۇرغىنى كۆپ ياخشى . ئەگەر ئۇلار بولمىغاندا ئۇ نىمىلەر 6 نومۇرنىڭ تارتىلىشىدىنمۇ قورقماي قىزىل چىراقلارنىمۇ بۆسۈپ ئۆتىۋېرىدۇ ئەمەسمۇ ؟... ئەمەلىيەتتە بۇنداق مىساللار ساماندەك .
  شۇڭا دەيمەن ، مۇشۇنداق چىراقنى قالايمىقان ئىشلەتكەن دۆيۈزلەر قاچان باشقۇرۇلىدۇ ؟ بۇنداق مەسىلىلەرگە قاتناش تارماقلىرىنىڭ مۇۋاپىق ، ئۈنۈملۈك بىر چارىسى يوقمۇ ؟ ئەجىبا بۇ قىلمىش مەخسۇس ئادەم ۋە ۋاقىت ئاجىرىتىپ تەرتىپكە سېلىشقا ئەرزىمەيدىغان ئىشمۇ ؟!!
    ئاخرىدا دەيدىغىنىم ، ئەي ئاپتومۇبىل ھەيدىگۈچى قېرىنداشلار ! ئاڭلىق ، ساپالىق ، سوغۇققانلىق بىلەن ئاپتوموبىل ھەيدەڭلار ، قاتناش قائىدىسىگە ئاڭلىق بوي سۇنۇڭلار ! چۈنكى سىلەرنىڭ ئائىلەڭلەردىكى ئاتا - ئاناڭلار ، خوتۇن- بالىلىرىڭلار ، ياكى ئەرلىرىڭلار ، ۋە ياكى قېرىنداشلىرىڭلار سىلەرنىڭ تېنچ - ئامان ئۆيگە قايتىپ كېلىشىڭلارنى تۆت كۆزى بىلەن كۈتۈپ ئولتۇرىدۇ ئەمەسمۇ !...

ordakok

ھەممىمىز ئۆزىمىزدىن باشلايلى !!  ئۆزىمىزدىن باشلاپ ئۆزگەرتەيلى !

daniyar128

مىنىڭ دىمەكچى بولغىنىمنى دەپسىز،مىنىڭچە ئۇلارغا بۇنداق دەپ ئاغزىڭىزنى ئۇپراتماڭ،ئۇلار ماشىنىنى گىدىيىپ ھەيدىۋالغىنى بىلەن قايسىسى چوڭ چىراق،قايسىسى كىچىك چىراق ئۇنى چۇشەنمەيدۇ،چۈنكى پىراۋىنى ئوقۇماي ئالغانلارنىڭ كۆپىنچىسى بۇنى بىلمەيدۇ.....

manmanqi

ئەتراپىڭىزدا  كوڭۇلسىز   ئىشلار  دائىم  يۇز  بىرىپ  تۇرىدۇ،قايسى  بىرسىگە  خاپا         بۇلۇپ  ئوزىڭىزنى  ئۇپرىتىسىز،  ئۇلارنىڭمۇ  ئەدىپىنى  يەيدىغان  كۇنلەر  كەپ  قالار.      كوڭلىڭزىنى  يېرىم  قىلماڭ، بەزىدە  ئامال يوق،،،،،،،،بۇ  قانۇندىكى مەسلەھەم  بىزدىكى  ساپا   مەسلىسى  خالاس.

سانغۇن-1

توغرا ، بۇ سولتەكلەرنى تەرتىپكە سالسا بولاتتى،،،،،،،،،،،

taranqi

كۆپىنچە ياش بالىلار ئاجايىپ تەلۋىلىك بىلەن ھەيدەيدۇ،دېمىسىمۇ...

otkax

مەن دەيمەن: دۇنيادا ئەڭ نامرات قەۋم ئەڭ پوچى كىلىدۇ.

tamkin0998

مەنمۇ شۇنداق ئويلايمەن،سىزنىڭ سەۋەنلىكىڭىزدىن باشقلار ھادىسىگە ئۇچىرايدۇ.
سىز چوڭ چىراقنى ياندۇرۇپ ،خاتىرجەم ئۆتۈپ كەتكىنىڭىز بىلەن سىزبىلەن ھىچقانداق مۇناسىۋىتى بولمىغانلارنىڭ قاتناش ۋەقەسىگە يولۇقۇشغا سەۋەپچى بولۇپ قالىسىز، سىز بىلەن قانۇنى جاۋاپكارلىق مۇناسىۋىتى شەكىللەنمەسلىكى مومكىن لىكىن سىزمۇ رول تۇتۇپ ماشىنا ھەيدەۋاتقان شوپۇر بولغاچقا ماڭا مەڭگۈ كەلمەيدۇ دەپ كىسىپ ئىيتالامسىز؟
ئاتا بوۋىلىرىمىز توغىرا ئىيتقان:‹‹كالىنىڭ بىشىغا كەلگەن كۈن،موزاينىڭ بىشىغاكىلىدۇ››.
ھەممىز مەدەنىي يول يۈرۈپ ئۆزىمىزنىڭ ۋە باشقىلارنىڭ سالامەتلىكىگە كۆڭۈل بۆلىشىمىز لازىم.