مال باھاسى قانچىلىك مۇھىم

neghem-qul

مال باھاسى قانچىلىك مۇھىم

نەغەمقۇل تۆمۈر

ئىقتىسادشۇناسلىقتا بولسۇن ياكى ئاددىي تۇرمۇشىمىزدا بولسۇن، مال باھاسى ناھايىتى مۇھىم بىر ئۇقۇم.
مەمىتاخۇن، ئەمىتاخۇن ۋە سەمىتاخۇنلار ئايرىم ئايرىم 400 مىڭ يۈەن پۇل چىقىرىپ 3 يۈرۈش ئۆي سېتىۋالدى دەيلى، سېتىۋېلىپ بىر مەزگىلدىن كىيىن سېتىۋەتتى.
مەمىتاخۇن ئۆيىنى ساتقاندا مال باھاسى %25 چۈشكەن بولۇپ، مەمىتاخۇن ئۆيىنى 308مىڭغا ساتىدۇ. ئەسلى باھادىن %23 تۆۋەن.
ئەمىتاخۇن ئۆيىنى ساتقاندا مال باھاسى %25 ئۆسكەن بولۇپ، ئەمىتاخۇن ئۆيىنى 492 مىڭغا ساتىدۇ. ئەسلى باھادىن %23 يۇقىرى.
سەمىتاخۇن ئۆيىنى ساتقاندا بولسا مال باھاسى ئۆزگەرمىگەن بولۇپ، ئۇ 320 مىڭ يۈەنگە ساتىدۇ. ئەسلى باھادىن %20 تۆۋەن.
كۆپىنچە كىشىلەر ئەمىتاخۇن تازا پايدا ئالدى دەپ ئويلىدى، چۈنكى ئۇنىڭ باھاسى ھەممىدىن يۇقىرى. لىكىن ئەمەلىيەتتە مەمىتاخۇن ئەڭ چوڭ پايدا ئالغۇچى، چوڭ ۋەزىيەتتە مەمىتاخۇن پۇلىنىڭ سېتىۋېلىش كۈچى %20 كۈچەيدى، ئەگەر يەنە شۇ ئۆينى سېتىۋېلىشقا توغرا كەلسە مەمىتاخۇن قولىدىكى پۇلى بىلەنلا سېتىۋالالايدۇ، لىكىن قالغان ئىككەيلەن ئۇنداق ئەمەس.
بۇ مىسال شۇنى كۆرسىتىپ بېرەلەيدۇكى، ئوخشىمىغان دەۋردە، مەيلى قانداق ئىش قىلىشىمىزدىن قەتئىينەزەر مال باھاسى ۋە پۇلىمىزنىڭ سېتىۋېلىش كۈچىنى ئويلاپ تۇرۇشىمىز كېرەك.
بىرقانچە يىلنىڭ ئالدىدا خەنزۇلاردا ‹يۈگرەپ ليۇشياڭدىن ئۆتەلمىسەكمۇ CPI دىن ئۆتىشىمىز كېرەك› دىگەن سۆز مودا بولۇپ كەتكەنىدى. دىگەندەك ھەممە نەرسىنىڭ باھاسى ئۆسىۋاتىدۇ، چوڭى ئۆي-مۈلۈكتىن كىچىكى گۆش-تۇخۇمغىچە. مۇئاشىمىز ئاز تولا ئۆسكەندەك قىلسىمۇ لېكىن سېتىۋېلىش كۈچىمىز ئاجىزلاپ كىتىۋاتىدۇ. بۇخىل شارائىتتا ئاز-تولا سەرمايە يۈرگۈزۈپ، پۇل مۇئامىلە كەسپلىرىگە مەبلەغ سېلىش دەۋرنىڭ ئېھتىياجىغا ئايلىنىپ قالدى. پۇلىمىزنىڭ قىممىتىنى ساقلاپ، پاخاللىقنىڭ قۇربانىغا ئايلىنىپ قالماسلىق ئۈچۈن ئامال كۆپ، گەپ ئۆزىمىزنىڭ ھەر تۈرلۈك ئەمەلىي ئەھۋالىمىزغا ئاساسەن ئوخشىمىغان مەبلەغ تۈرلىرىنى تاللاشتا.

burhanhoja

تولمۇ ئەتراپلىق پىكىر قىلىپسىز .بىراق ھازىر مۇقىم مۈلۈكلەرنىڭ قىممىتى چۈشۈشكە باشلىدى.ئەڭ مۇھىمى پاختا باھاسى زور ھەجىمدە چۈشۈپ  بازاردا كاساتچىلىق كۈرۈلۈشكە باشلىدى.قايسى تۈرگە مەبلەغ سېلىش مۇھىم بىر مەسلىگە ئايلىنىپ قالدى. قېرىنداشلارنىڭ ئوبوروتى ئاستا بولغان تۈرلەرگە مەبلەغ سېلىشتا ئىھتىيات بىلەن ئىش كۈرۈشىنى تەۋسيە قىلىمەن.

kitabhumar

رەھمەت سىزگە…تىخىمۇ كۆپرەك توختىلىپ بەرسىڭىز …

iltebir107

بەكلا ياخشى تەھلىل قىلىپسىز.مال باھاسى ھەممە ئادەم كۆڭۈل بۆلىدىغان ئىش بۇلۇپ قالدى.

manmanqi

پايچىكىگە  مەبلەغ  سالسىڭىزمۇ  بۇلىدۇ.مەن  ئالدىنقى  يىلى  بىر  يۇرۇش ئوينى           ساتقان   ئازراق  پۇل  لازىم  بۇلۇپ  قالغانتى، ئاشقان  پۇلغا   بىر  دوستۇم  تۇنۇشتۇرغان  پايچىكىنى  ئالغانتىم  ، دوستۇم  سات  دىمىسىمۇ  سەل  بالدۇر  سېتىپ    ساپتىمەن  ،شۇنىڭدىمۇ   ئۇچ  يۇزمىڭ  پۇلۇم  بىر  يىلغا  يەتمىگەن  ۋاقىتتا  بىر           قاتلىنىپ  ئېشىپتۇ ،  دوستۇمغىمۇ  كوپ  رەھمەت  دىدىم.

aqturk

پۇل پاخاللىقىنىڭ قۇربانىغا ئايلىنىپ كەتمەسلىك ئۈچۈن نىمىگە مەبلەغ سالساق بولار دەپ مەنمۇ دائىم ئويلايمەن ، ئامال كۆپ دەپ نىمىنى كۆزدە تۇتتىڭىز ؟

akax002

manmanqi يوللىغان ۋاقتى  2015-1-6 16:26
پايچىكىگە  مەبلەغ  سالسىڭىزمۇ  بۇلىدۇ.مەن  ئالدىنقى  يى ...

تەلىيڭىز ئوڭدىن كەپتۇ ، بولمىسا قانداق چۇشكىنڭىزنى بىلمەي قالىتىڭىز.

atlanjan

ئەسسالاممۇئەلەيكۇم قېرىنداشلار..

مەن ئۆزۈمگە چۈشۈنىكسىز تۇيۇلغان بىر مەسىلىنى ئوتتۇرغا تاشلاي باشقىلار مىنى مازاق قىلمىساڭلار،،بىلىدىغانلار لايىقىدا جاۋاپ بەرسەڭلار..

ئوبورت،پايچەك سېتىۋېلىش،سېتىش دىگەنلەرنى چۈشەنمەيمەن،قانداق كارخانىلاردا پايچەك بولىدۇ،كىمگە ساتىدۇ؟قانداق ساتىدۇ،سېتىش ئۇسسۇلى قانداق؟نىمىشقا ساتىدۇ؟ماڭا مۇشۇ ھەقتە بىر چۈشەنچە بەرگەن بولساڭلار..

بىرەر كارخانا ياكى شىركەت قۇرۇش ئۈچۈن يۇقارقىلارنى بىلىش زۆرۈرمۇ ئەمەسمۇ؟
مەن مۇشۇنداق ئىختىسات بىلىملىرىنى ئۆگۈنۈشنى تۇلۇمۇ خالايمەن،مۇشۇ بىلىمنى قانداق كەسىپتە ئۆگىنەلەيمىز،ياكى قايسى كىتاپنى ئوقۇش ئارقىلىق مۇشۇ بىلىملەرنى چۈشەنگىلى بولىدۇ؟