NASA: ناسا بىر يېڭى سۈنئىي-ھەمرانى قويۇپ بېرىدۇ

bilimhumar

ناسا بىر يېڭى سۈنئىي-ھەمرانى قويۇپ بېرىدۇ

بىلىمخۇمار
2015-يىلى 1-ئاينىڭ 29-كۈنى

ناسا ئەتە، يەنى 2015-يىلى 30-يانۋار كۈنى، كالىفورنىيە ۋاقتى ئەتىگەن سائەت 6 دىن 20 مىنۇت ئۆتكەندە بىر سۈنئىي-ھەمرانى قويۇپ بېرىدۇ.  بۇ ۋاقىت ئۇيغۇر دىيارىدا جۈمە كۈنى ئۈرۈمچى ۋاقتى كەچ سائەت 8 دىن 20 مىنۇت ئۆتكەن ۋاقىتقا توغرا كېلىدۇ.  ئۇيغۇر دىيارىنىڭ ۋاقتى كالىفورنىيەنىڭ ۋاقتىدىن 14 سائەت بۇرۇن.

بۇ سۈنئىي-ھەمرانى ناسا مەركىزى ج پ ل (يەنى بىزنىڭ ئىدارە  JPL) ياسىغان بولۇپ، ئۇ ئامېرىكىنىڭ كالىفورنىيە شتاتىدىكى لوس ئانژېلىس شەھىرى بىلەن سان فرانشىسكو شەھىرىنىڭ ئوتتۇرىسىغا جايلاشقان ۋاندېنبېرگ (Vandenberg) ھاۋا ئارمىيىسى بازىسىدىن «دېلتا 4» ناملىق راكېتا بىلەن ئالەم بوشلۇقىغا چىقىرىلىدۇ.  ئالەم بوشلۇقىغا چىققاندىن كېيىن بۇ ئالەم ئۇچقۇرى يەر شارىنى 682 كىلومېتىر ئېگىزلىكتىكى ئوربىتتا ھەر 98.5 مىنۇتتا بىر قېتىم تولۇق ئايلىنىپ چىقىدۇ.

1-رەسىم: «سماپ» ناملىق سۈنئىي-ھەمرانىڭ ئالەم بوشلۇقىدىكى بىر كۆرۈنىشى (كومپيۇتېردا سىزىپ چىقىرىلغان رەسىم).  بۇ سۇنئىي-ھەمرانىڭ ئانتېنناسىنى لاھىيىلەپ ياساپ چىقىش ج پ ل ئۈچۈن ئىنتايىن قىيىنغا توختىغان بولۇپ، ئۇنى ئالەم بوشلۇقىغا چىقىرىشتا سۇنئىي-ھەمرانىڭ بىر ئۇزۇنلۇقى 122 سانتىمېتىر، كەڭلىكى بىلەن قېلىنلىقى 31 سانتىمېتىر كېلىدىغان ساندۇقىنىڭ ئىچىگە قاچىلاپ ئېلىپ چىققان.  


بۇ سۈنئىي-ھەمرانىڭ ئىنگلىزچە ئىسمى «Soil Moisture Active Passive satellite» بولۇپ قىسقارتىلىپ «سماپ» (SMAP) دەپ ئاتىلىدۇ.  سماپنىڭ ۋەزىپىسى يەر شارى يۈزىدىكى تۇپراقنىڭ نەملىك مىقتارىنى ھازىرغىچە مۇمكىن بولمىغان توغرۇلۇق دەرىجىسىدە ئۆلچەشتىن ئىبارەت.  مۇشۇ ئالەم ئۇچقۇرى بىلەن ئېرىشىلگەن ئۇچۇرلار ھاۋارايىدىن ئالدىن مەلۇمات بېرىش، كەلكۈنلەرنى كۆزۈتۈپ تۇرۇش، ھاۋا-كىلىماتىدىكى ئۆزگىرىشلەر ئۈستىدە ئىلمىي تەتقىقات ئېلىپ بېرىش، قۇرغاقچىلىقنى باشقۇرۇش، دۆلەت سىياسىتى چىقىرىدىغان ھۆكۈمەت ئەمەلدارلىرىنىڭ سۇ مەنبەسى ھەققىدە توغرا قارار ئېلىشىغا ياردەملىشىش قاتارلىق ساھەلەرگە ئىشلىتىلىدۇ.

بۇ سۈنئىي-ھەمرا يەر شارىنى ھەر 98.5 مىنۇتتا بىر قېتىم تولۇق ئايلىنىپ چىقىدىغان بولغاچقا، ئۇ ھەر 2-3 كۈندە يەر شارى يۈزىنى بىر قېتىم تولۇق ئۆلچەپ بولالايدۇ.  سماپنىڭ ئىشلەش مۇددىتى 3 يىل ئىكەن.

مەزكۇر قۇرۇلۇش (mission) ئۈچۈن ناسا جەمئى 916 مىليون دوللار سەرپ قىلىدىكەن.  

ناسا بۇ سۈنئىي-ھەمرانى ئەسلىدە بۈگۈن (يەنى 2015-يىلى 29-يانۋار كۈنى) قويۇپ بېرىشنى پىلانلىغان بولسىمۇ، بۈگۈن كالىفورنىيەنىڭ يۇقىرى ئاتموسفېرا قاتلىمىدا ئىنتايىن قاتتىق بوران چىقىپ كەتكەنلىكى ئۈچۈن، ناسا بۇ ئىشنى ئەتە ئەتىگەنگە كېچىكتۈردى.  نۇرغۇنلىغان ئالەم بوشلۇقى چەكلىمىلىرى تۈپەيلىدىن، ناسا بۇ سۈنئىي-ھەمرانى ئالەم بوشلۇقىغا ئېلىپ چىقىدىغان راكېتانى ئەتىگەن سائەت 6 دىن 20 مىنۇت ئۆتكەندىن كېيىنكى 3 مىنۇت ئىچىدە ماڭدۇرۇپ بولمىسا بولمايدىكەن.  مەن كۆرگەن ماتېرىياللاردا بۇ چەكلىمىلەرنىڭ نېمە ئىكەنلىكى بايان قىلىنماپتۇ.

2-رەسىم: بۇ رەسىمدىن بىز بىر ئادەمنىڭ بويى بىلەن سېلىشتۇرغاندا، مەزكۇر سۈنئىي-ھەمرانىڭ ئىگىزلىكى قانچىلىك ئىكەنلىكىنى كۆرىۋالالايمىز.


پايدىلىنىش ماتېرىيالى:


[1] Earth Orbiting Observatory Launch Rescheduled for Friday
http://www.nbclosangeles.com/news/local/NASA-JPL-Satellite-SMAP-Rocket-Launch-Soil-Moisture-Drought-Water-289621491.html


[2] NASA Calls Off Satellite Launch Minutes Before Liftoff Due to Winds
http://www.space.com/28405-nasa-delays-earth-satellite-launch.html

putin

ئىنسانىيەتنىڭ ئالەم بوشلىقى ئىزدىنىشى كۈچىيىپ ،رېتىمى تېزلىشىۋاتىدۇ .بۇ نىمە ئۈچۈندۇ ؟

ablimitt

  خەۋەرلېرىگە رەھمەت ئاكا، سىلى قۇيۇپ بېرىشكە قاتناشمامدىلا؟ توردا باركەنلا قارىسام. يەنە 50 مىنوتتىن كىيىن قۇيۇپ بېرىلگۈدەك، مۇۋەپپىقىيەتلىك بولغاي...
  ئىگىزلىكى 10 مىتىردىن، كەڭلىكى 6مىتىردىن ئاشىدىكەن. ھاۋارايىنى ياخشى بىلمەي تۇرۇپ چاۋشەنگە ياغىدىغان يامغۇرنى دىڭىزغا ياغدۇرۋەتكىلى بولمايدۇ ياكى چىقىم ئىشىپ كىتىشتىن ساقلانغىلى بولمايدۇ. بەك ئەقىللىق بۇ ئامىركا...

yesboos

ئاشۇنداق ئۇلۇغ موجىزىلەرگە تولغان پەن تىخنىكىغا گۇۋاچى ئۇيغۇرۇمنىڭ تىنى سالامەت بولسۇن. ئەسىرلەردىن كىينكى كۇنلەردە پەخىرلىنىش تۇيغۇسىغا چۆكەن بىر ئەۋلات كىشلەرنىڭ تەرپلىشگە مۇشەرەپ بولغۇسى.

Algol1991

putin يوللىغان ۋاقتى  2015-1-30 18:24
ئىنسانىيەتنىڭ ئالەم بوشلىقى ئىزدىنىشى كۈچىيىپ ،رېتىم ...

تېخىمۇ تېزلىشىشىگە تىلەكداشمەن

putin

Algol1991 يوللىغان ۋاقتى  2015-1-30 21:09
تېخىمۇ تېزلىشىشىگە تىلەكداشمەن

قوللايدىغان پىكىر

bilimhumar

ھازىر ئامېرىكىنىڭ كالىفورنىيە شتاتىدا 2015-يىلى 30-يانۋار (جۈمە) كۈنى كەچ سائەت 5 يېرىم بولدى.

ئۇيغۇر دىيارىدا ئۇرۇمچى ۋاقتى 31-چىسلا (شەنبە) ئەتىگەن سائەت 7 يېرىم بولدى.

بۈگۈن بىزنىڭ ئىدارە مۇنداق ئۇختۇرۇش قىلدى:  «سماپ» ناملىق سۇنئىي-ھەمرانى ئالەم بوشلۇقىغا ئېلىپ چىقىدىغان راكېتىنىڭ بىر كىچىك چاتىقى چىقىپ قالغانلىقى تۈپەيلىدىن، ئۇنى ئالەم بوشلۇقىغا چىقىرىش ئىشى كالىفورنىيە ۋاقتى شەنبە كۈنى ئەتىگەنگە كېچىكتۇرۇلدى.  

شۇڭلاشقا ئوقۇرمەنلەر ھازىرچە تېلېۋىزورلاردا بۇ ھەقتە خەۋەر كۆرەلمەسلىكى مۇمكىن بولۇپ، مۇشۇ ئۇچۇر ئارقىلىق ئاشۇ ئىشنى ئەسكەرتىپ قويۇشنى مۇۋاپىق كۆردۈم.

http://www.nbclosangeles.com/new ... ater-289621491.html

akim888

yesboos يوللىغان ۋاقتى  2015-1-30 18:46
ئاشۇنداق ئۇلۇغ موجىزىلەرگە تولغان پەن تىخنىكىغا گۇۋاچ ...

--كىشىنىڭ يۇرىگىدىكى سۇزنى تېپىپ دەيدىكەنسىز،لېكىن بۇ سوزىڭئىزدىن ئەركىن مۇئەللىم يوللۇغان ماتىرياللارنى كۇرۇۋاتقىنىڭئىزغا بىر-ئىككى يىل بولغانمۇ نىمە دىگەن تەسىراتقا كېلىدىكەن،{بەلكىم مەن خاتالاشقاندىمەن}،سىزنىڭ قارىشىڭىزغا ئوخشايدىغان يەنە بىر قاراش بىزدە شەكىللەنگىلى 4-5يىلدىن ئاشتى،لېكىن بۇنى   پۇتۇن دۇنيانى قائىل قىلغۇدەك  ئىنچىكە ماتىماتىكىلىق ئىسپات ،توغرا يەكۇن ئارقىلىق ئىپادىلەش ئارقىلىقلا قىلغىلى بولىدۇ،بىز بۇنى قىلىپ بولدۇق،يەنى ئەركىن مۇئەللىم بىلەن سىتىفون خاۋكىڭ قاتارلىق ئالىملارنىڭ نەزىريەلىرىنى ئومومىلاشتۇرۇپ،ئۇلارنىڭ {تار مەنىدىكى نىسپىلىك نەزىريەسى}بىلەن {كەڭ مەنىدىكى نىسپىلىك نەزىريەسى}نى پاكىت ئارقىلىق ئىنكار قىلغانلىغىنى تاپتۇق،بىلىشىڭئىز مۇمكىن،بىز ئويغۇردىن ئەركىن مۇئەللىمدەك بىلىمىنى ئۈز خەلقىدىن ئايىمايدىغان ئادەم پەقەت بىر،شۇ سەۋەپتىن بىزنىڭ نەزىريەنىڭ ،تەجىربىنىڭ ھەر بىر جۇملىسىدىن قۇسۇر تاپىدىغان ئادەم كوپ،چۇنكى شۇ قۇسۇرچىلارمۇ بىزنىڭ خاتالىشىپ قېلىپ،ئەركىن مۇئەللىمنىڭ ئوبىرازىغا زىيان يېتىپ قېلىشتىن ئەنسىرەيدىكەن،شۇ سەۋەپتىن بىز ماتىماتىكىلىق ئىسپاتلاشتىن كوپەرەك پايدىلاندۇق،شۇنداقلا بۇنى ماقالە ۋە تەجىربە شەكلىدە ئىشلەپ، بىر ماقالىنى نۇرغۇن خەلقئارالىق ژورندلغا ئەۋەتىپ بولدۇق{چۇنكى بىر بىرلەپ ئەۋەتسىڭئىز ماقالىنىڭ ئېلان قىلىنىشىغا 15يىل ۋاقىت كېتىشى مۇمكىن}،ئۇچ خەلقئارالىق ژورنال رەسمى ئېلان قىلىدىغانلىغىنى بىلدۇردى،لېكىن بۇ بىزنىڭ ئارزۇيىمىزدىكى ژورنال ئەمەسكەن،بىزنىڭ ھازىرقى ئىششىمىز  ئىشلارنى سىز دىگەندەك نەچچە ئەسىر سورەش ئەمەس،بەلكى بۇگۇن ئەتىنىڭ ئىچىدە  پۇتتۇرۇش،بۇنىڭدىن  پۇتۇن شىنجاڭ خەلقىنى خەۋەرلەندۇرۇش،
چۇنكى {ياقسام پىشامۇ ياكى كومسەم پىشامۇ}دىسەك،دۇنيا خەلقى بىزنى ساخلاپ تۇراتتىمۇ؟پۇتۇن دۇنيا بويىچە نىسپىلىك نەزىريەسىنى تەتقىق قىلىدىغان ئادەم پەقەت بىزلىمۇ؟