قولاي تىزىملىك
كۆرۈش: 1033|ئىنكاس: 6
بېسىپ چىقىرىش ئالدىنقى تېما كېيىنكى تېما

ھاشىمكامنىڭ پاراڭلىرى

[ئۇلانما كۆچۈرۈش]

0

تېما

0

دوست

71

جۇغلانما

يىڭى ئەزا

ئۆسۈش   23.67%

ئەزا ئۇچۇرى
تىزىم نۇمۇرى:  5061
يازما سانى: 2
نادىر تېمىسى: 0
مۇنبەر پۇلى: 9
تۆھپە : 16
توردىكى ۋاقتى: 11
سائەت
ئاخىرقى: 2015-2-17
مەلۇم قەۋەتكە يۆتكىلىش
ساھىبخان
يوللىغان ۋاقتى 2015-2-2 16:24:30 |ئايرىم كۆرۈش |تەتۈر تىزىش
ھاشىمكامنىڭ پاراڭلىرى
تۇرسۇنبەگ ياسىن


   ئۇدۇلدىكى قوشنىمىزنىڭ ئىسمى ھاشىم ، تونۇش-بىلىشلەر ،ھەم مۇشۇ ئەتراپتا ئولتۇرىدىغانلار  بۇ ئادەمنى ھاشىمھاجى دەپ چاقىرىشىدۇ. ئانچە-مۇنچە ئۆزى بىلەن تەڭ كىشىلەرنىڭ ئۇنى ھاشىم دەپ چاقارغىنىنىمۇ ئاڭلاپ قالىمەن. دادامدىن <بۇ ئادەمنىڭ ئىسمى ھاشىم ئىكەن ، بەزىلەر ھاشىمھاجى دەيدىكەن ، بەزىلەر ھاشىم دەيدىكەن ، زادى قايسى راس> دەپ سورىسام < ھاشىمھاجىكا دەپ چاقىرساڭ خوش بولىدۇ > دەپ جاۋاپ بەرگەن ئىدى ، شۇڭا مەنمۇ ئۆزى بار يەردە <ھاشىمھاجىكا >دەپ چاقىرىپ  ، بىرەرسى ئىسمىنى سوراپ قالسا<ھاشىماخۇن < دەپ بىرىپ يۈرىۋېرەتتىم . بىر كۈنى بىرەيلەن قورۇدا چىقىپ كىتىۋاتسام ئالدىمنى توسۇپ<ماۋۇ ئۈچىنجى قەۋەتتە تۇرىدىغان ئىگىز ئادەمنىڭ ئىسمى نىمە ئىدى ئۇكام ، بىر ئىش بىلەن ئىزدەپ كىلىۋىدىم< دەپ سوراپ قالدى ،‹ھە ، ھاشىماخۇن › دەپ تۇرىشىمغا ھاشىمھاجىكام قورۇنىڭ ئىشكىدىنلا ئۆزى چىقىپ قالدى ، چاندۇرمايلا< ئاكا تىچلىقمۇ ، باركەنسىز ھە > دىسەم ، يىراقتىلا چاقماقتەك كۈلۈپ تۇرۇپ < ھاجى بولغىنى كەتتىمىكىن دىگەنمىتىڭ ئۇكام ؟> دەپلا كىلىپ كۆرۈشتى . راس ھاجى بولغانمۇ يا نىمىسى نىمە بولغان ئۇنى مەنمۇ بىلمىدىم ، گەپنىڭ ئۆزىگە كەلسەك ھاشىمكام( ھاشىمھاجىكام  ) قىززىق ئادەم ، ئۇ يىلدىن بۇ يىلغا زادى نىمە ئىش قىلىۋاتقىنىنى مەنمۇ بىلمەيمەن ، لىكىن نىمە ئىش قىلىۋاتقىنىمىزنى ئۆزى بەش قولدەك بىلىپ تۇراتتى. مەن ئۆزەمچە ھاشىمكام مۇشۇ بىزنىڭ قورۇدىكىلەرنىڭ ھەممىسىنىڭ نىمە ئىش قىلىۋاتقىنىنى ، قانداق ئادەملىكىنى بەش قولدەك بىلىدۇ دەپ ئويلاپ يۈرسەم يەنىلا دادام ماڭا ئۆزەمنىڭ سەل ئاددى ئويلىۋالغىنىمنى ھىس قىلدۇردى ، دادامنىڭ دەپ بىرىشىچە ھاشىمكامنىڭ بۇ مەھەللىدىكىلا ئەمەس ، دۆلەت ئىچى ھەتتا خەلىقئارا ئىشلاردىنمۇ خەۋرى بارمىش. مەن < ئۇ ئادەم يا كىتاب ئوقىمىسا ، كۈندە چىقىۋاتقىنىنى ، كىرىۋاتقىنىنى كۆرىمەن. يا بۇ يەردىن باشقا يەرگىمۇ بارمايدۇ ، نەدە تۇرۇپ ئۇنداق جىق نەرسىنى بىلىدۇ ئۇ ئادەم> دىسەم ، دادام پىيالىدىكى چېيىنى كۈلۈمسىرەپ تۇرۇپ ئىچىۋىتىپ<ھەممە ئادەم كىتاب ئوقۇسا ، پالانى كىتابتىن ئالغان تەسىراتىم دەپ ئۈندىدارغا چىقىرىپ قويمايدۇ ، ياكى ما ئاستى قەۋەتتىكى ھېلىقى بىلەرمەن ساقال تاغىقى ئاداشتەك كۈندە كىتابتىن بىرنى قولتۇقلىۋېلىپ  قورۇنىڭ ئالدىدىكى ئادەم جىق يەرگە بېرىپ كىم گەپ قىلسا شۇنىڭ ئاغزىغا چىكىتتەك قاراپ ئولتۇرمايدۇ قارا> دىۋىدى شۇنىڭدىن كىيىن ئۈندىدارغا ئوقىغان كىتاپ توغۇرلۇق ھېچنىمە چىقارمايدىغان بولدۇم  .  
   ھاشىمكام چاقچاقچى ئادەم بولغىنى بىلەن بىرەر ئادەمنىڭ چاقچىقىنى كۆتۈرەلمەي قېيداپ قالغىنىنى بىلمەيمەن ، گەپنى يامان ئەمەس ، تېتىملىق قىلاتتى . مەن بۇ ئادەمنى بىلىملىك دەي دىسەم يۈرۈشى مۇشۇ ئىدى ، بىلىمسىز دەي دىسەم خېلى-خېلى ئادەملەرمۇ بۇ كىشىدىن دەپ تارتاتتى ، بىر مەزگىل<زادى مۇشۇ ئادەم بىلىملىكمۇ -بىلىمسىزمۇ ؟> دىگەن بىرەسمى مەسلە ئۈستىدە ياندىن ئىزدىنىش قىلىپمۇ باققانتىم ئۆزەمچە ، ئىزدىنىشلىرىمنىڭ نەتىجىسىدە بۇ سوئالىم< ھاشىمكامنى قويۇپ تۇراي ، ھاشىمكامنى زادى ئۇنداقمۇ-بۇنداقمۇ دىگۈدەك مەندە دەسمىي بارمۇ ؟> دىگەن سوئالغا ئۆزگىرىپ كەتتى . بۇنداق ئويلىشىمغا يەنە شۇ دادام سەۋەپ بولغانمىكىن دەيمەن ، دادام ئۆزىنىڭ زىيالىيلىقىنى ئىتىراپ قىلغىنى ئۇنىمايدىغان بىر كىشى ، باشقىلار ئۆزىنى<زىيالىي > دەپ قالسا ئازراق قاپىغى تۈرۈلۈپ قالىدۇ ،  <ھاشىم تەتقىقاتى> بىلەن يۈرگەن بىر كۈنۈم دادام بىلەن سىرىتقا چىقىپ كىتىۋاتسام ھاشىمكام ئىسېل كاستۇملارنى كىيىپ ، قېتىپ چىقىپ كىتىۋېتىپتۇ ، چىرايلىق كۆرۈشۈپ سالاملاشتۇق ، كىتىپ قالدى ، <ماۋۇ ئادەم ياشىرىپ شۇنداق روھلۇق بولۇپ كىتىپتىغۇ بۈگۈن>دىسەم دادام <ئۆزىگە دىگەن بولساڭ خوش بولاپ كىتىتى ھاشىمھاجىكاڭ> دىدى . < ھە > دەپ قويدۇم . يەنە بىر كۈنى يەنە دادام بىلەن پەلەمپەيدىن چىقىپ كىتىۋاتساق يەنە شۇ ھاشىمكام ئۈستى-بېشى توپا ، قولىدا گۈرجەك ، يەنە باشقا نەرسىلەر پالاقشىپ چۈشۈپ كىتىۋاتىدۇ ، سالاملاشتۇق ، چۈشۈپ كەتتى< ماۋۇ ئادەم نىمە توپا چىراي بۈگۈن> دىسەم ، دادام <ھىلىمۇ ياخشى ئۆزى بار يەردە دىمىدىڭ ، تىرىكىپ كىتەتتى ، ھەركىمنىڭ ئۆزىنىڭ تۇرمۇشى بار > دەپ قويدى ، كىرىپ كەتتۇق .
    ئالدىنقى كۈنى ماشنىنى قورۇغا توختۇتۇپ ئەمدى بېشىمنى چىقىرىشىمغا ھاشىمكام يەنە ئۇچراپ قالدى ، ئەمدى بىر پاراڭلىشىپ تۇرىۋىدۇق قورۇنىڭ يەنە بىر چېتىدىكى ئىككى خوتۇن جىدەللىشىپ ،ۋارقىرىشىپ كەتتىبىرسى -بىرسىنى ساراڭ دىسە ساراڭ دىيشىپ ئىككىلىسى خۇددى ئىشىكلىرىدە ئالالمىغان دەردى باردەك جالاقشىتىپ يېپىشىپ كىرىپ كىتىشتى< توۋا ، نىمانداق قىلىدىغاندۇ ماۋۇ خوتۇنلار بىر-بىرلىرىنى چىشلىشىپ> دىسەم ھاشىمكام كۈلۈپ تۇرۇپ <ئوڭشلىپ كىتىدۇ ئۇكام ، خەقلەر كازافىي بىلەن سادامنى خەق ئۈچۈن چىشلىشىپ مانا ئۆزلىرى دات تولىشىپ يۈرۈشمەمدۇ. ئىككى توك-توك خوتۇن چىشلەشسە ھېچ گەپ ئەمەس ، ئەتە يەنە سۈيقاش سۇنۇشىدۇ بۇلار> دىدى . <ئاكا قىززىق گەپ قىلىسىز جۇمۇ> دىسەم ،<ما ئۇكامنىڭ گىپىنى ، ئىسىڭدە بولسۇن ، قوشناڭدىن رەنجىمە جۇمۇ ھەرگىز . > دىدى .
-ياق قوشنىلاردىنغۇ رەنجىمەيمەن .
-ئەمسە مەيلى  .
-ھاشىمكا ئالدىراشمۇ يا ؟
- بىرەر دۆڭ بارمىتى تۈرتىۋىتىدىغان ؟
-ھاھا ، سىزگە دۆڭ تۈرتكۈزگىنى بولمايدۇ .
-ھە ئەمسە مەيلى ، ھاشار چاپقاندىن پاراڭ سوققان ياخشى، سەن بالىمىغۇ بەلەن گۇي .
-ھاشىمكا ، ئانچە-مۇنچە ھازىرقى ئىشلارغىمۇ دىققەت قىلىپ تۇرامسىز ؟
-قانداق ئىشلارغا ؟
- ئەمدى دەيمەنغۇ ، ھەرخىل پاراڭ ،مەسلىلەر دىگەندەك .
- كىلە ما يەردە ئولتۇرىمىز .
يەنە بىر قوشنىمىز ئاپتاپ سۇنغىنى قويۇپ قويغان ئورۇندۇققا كىلىپ ئولتۇردۇق .
-مۇنداق گەپ قارا ئۇكام ، ھە بالام دىسەممۇ بولىدىغۇ ھە سىنى ، سەنمۇ خېلى ئەقىللىق بالا بولدۇڭ ، خېلى ئىش چۈشىنىسەن.
-رەھمەت .
-مۇنداق گەپ قارا ، ئادەم بولغاندىكىن ئەتراپتىكى ئىشلارغىلا ئەمەس ، مۇشۇ دۇنيادا نىمە ئىش ، نىمە گەپ ، بۇنى بىلىپ تۇرۇش كىرەك .
-دۇرۇس ، دۇرۇس .
- ئىككى مەلىم بەك دىيىشىپ كەتتىغۇئۆتكەندە ؟
-قايسى ئىككى مەلىمنى دەيسىز ؟
-ھېلىقى بىرسى ماۋۇ تىلىۋىزوردا چىقىدىغان، مۇنىرە غوپۇرنىڭ پىروگىراممىسىدىكى ئورۇق بالا ، يەنە بىرسى بىر ئايال دەيدۇ ،مەن كۆرمەپتىكەنمەن .
- ھە ھە ، بىلدىم ، شۇنداقراق بىر ئىشبولغان . سىزمۇ بىلىدىكەنسىز ھە ، مەن تېخى ...
- ھە مىنى بىلمەيدۇ دەپ ئويلىغانمىتىڭ ،بەك بىلەرمەن چاغلىما ھە ئۆزەڭنى .
ھاشىمكام چاق –چاق ئارىلاش سۆزلەۋاتاتتى .
-ياق ئاكا ، سىزنىڭ ئالدىڭىزدابىلەرمەنمىلىك قىلىشقا ھەددىم ئەمەس .
- مىنىڭ ئالدىمدا ئەمەس ، ھېچكىمنىڭ ئالدىدا بىلەرمەنلىك قىلساڭ بولمايدۇ ، گىپىم قاتتىق كەتمىدىغۇ ھە ؟
-ياق –ياق ، قاتتىق ئەمەس .
-ئەمسە ياخشى ، سەن بىلەرمەنلىك قىلساڭ ،سەندىن بىلەرمەن بىرسى چىقىدۇ ، سەن نوچىلىق قىلساڭ سەندىن نوچى بىرسى چىقىدۇ .شۇندقمۇ يا ؟
- توغرا دىدىڭىز .
- نىمىشقا دىسەڭ ، مەن ئۆمرۈمدە جىق نوچىنى كۆرگەن ، جىق چېلىشقىمۇ چۈشكەن ، كۆردۈڭمۇ ماۋۇ تارتۇقنى ؟
ھاشىمكام يۈزىنىڭ سول تەرىپىدىكى تارتۇقنى كۆرسەتتى .
-ۋوي مەن بۇنى قورۇقمىكىن دەپ يۈرۈپتىمەن جۇمۇ نەچچە ۋاقتىن ، ئەسلى تارتۇق دەڭا بۇ .
- ئەللىككە كىرىپ بولغۇچە قورۇپ باسمايدۇ ھەي ئۇكام بىزنى . شۇ نوچىلىقنىڭ تارتۇقى شۇ .
-ياشلىقىڭىزدا يەپ بېقىپتىكەنسىز دە قارام مۇشتىن بىر-ئىككىنى ، ھې ھې .
- مۇش ئەمەس  .
-ھە ھە ؟
   -ياش ۋاقتىمدا ماۋۇ ئايىمخاچاڭغا  كۆيۈپ، ئالىمەن دەپ يۈرگەن چاقتىمدا مەندىن تالىشىپ يۈرىدىغان بىر توخۇنىڭ پوقى بار ئىدى ، بىر كۈنى بازاردىن يېنىپ ئادەم يوق يولدا كىتىۋاتسام تۆتى چىقىپ ئالدىمنى توسىۋالدى ، ھاي دىسەم ئۇنىماي كۆڭلەكنىڭ ياقىسىغىلائېسلىدۇ .مۇشۇ ئۆمرۈمدىچۇ ئۇكام ، ئىككى ئادەمنى كۆرسەم خۇيۇم تۇتىدۇ .
-قايسى ئىككى ئادەمنى ؟
  -بىرسى مۇشتۇمۇم يوغان دەپ ئۆزىگە ئىشىنىپ مەيدىسىنى كىرىپ يۈرگەن ئادەمنى كۆرسەم قولىنى چانىۋەتكۈم كىلىدۇ ، يەنە بىرسى مەن بەك بىلەرمەن دەپ ئۆزىنى داڭلايدىغانلارنىڭ ئاغزىغا تۈكۈرۈپ قويغۇم كىلىدۇ .
-ھاھا .
   ھاشىمكامنىڭ گەپلىرىدىن كۈلۈپ كەتتىم . بۇئادەم ئىگىز –بەستىلىك بولغاچقا كۈلۈپ تۇرغاندا خۇش چاقچاقتەك كۆرۈنگىنى بىلەن قاپىقىنى تۈرۈپ قالسا شۇنداق سۈرلۈك كۆرىنەتتى .
نىمىشقا دىسەڭ قارا، سىنىڭ مۇشتۇمۇڭ يوغان بولسا ، مۇشتى سەندىن يوغاندىن بىرسى چىقىدۇ ، نوچىلىق قىلساڭ يەيسەن شۇ .
-ئاندىن ماۋۇ تارتۇقتەك تارتۇقتىن بىرسى قالىدۇ ، ھە ؟
مەن قەستەن ھاشىمكامنى گەپكە سالدىم .
-سەن ماۋۇ تارتۇققا چاق-چاق قىلما ،مابىتىم بار تارتۇق بۇ  ، سەل تۇرۇپ دەپ بىرىمە .
-ماقۇل .
-ئاندىن ئاۋۇ بىلەرمەنلەرگە كەلسەڭ قارا ،قەدىمدىن سورىساڭ ئىسكەندەر زۇلقەرنەيىن ، يېقىندىن سورىساڭ سادام ھۆسەيىندەك نوچىلارمۇ ئۆتكەن ، نىمە بولدى ؟ مەيلى قانداق بولسۇن ھەممىسى يەنە ئاللاھنىڭ دەرگاھىغا كەتتى .
-شۇ ، شۇ .
- ھە ، نوچىلىق ، كىبىرچۇ قارا ، ياخشى نەرسە ئەمەس ، مەن بەك بىلىمەن دىگەنلەرگە خەق پىسسىڭڭىدە كۈلۈپ قويىدۇ كاسىسىچە .
-مىڭ پارچە كىتاپ ئوقىغان ئادەمدەك گەپ قىلىسىز جۇمۇ ئاكا.
-مىڭ پارچىدىن جىق چىقارمىكى .
- شۇنداق جىق كىتاپ ئوقىغانمىتىڭىز ؟ ئەجەپ مەن بىلمەيدىكەنمەن ، بىرىپ تۇرىڭە بەش -ئوننى .
-سىلەرچۇ  ئۇكام ، قولىغا كىتابنى ئېلىپ خەقكە كۆرىدىغان يەردە تۇرۇپ كۆزەينىكى قاتۇرۇپ تاقىۋېلىپ يۈرۈيدىغانلارنى ، ياكى كىتابتىن بىرنى سىقىمداپ تۇرۇپ ئىكرانغا چىقىدىغانلارنى  كىتاپ ئوقۇپتىكەن دەپ يۈرۈيسىلە .
-ئۇنداقمۇ ئەمەس .
- ما تىلىۋىزوردا بىرىدىغان بىرپىروگىراممىدا چىقىدىغان ، دائىم كاستۇم كىيىۋالىدىغان بىر بالا بارغۇ ، ئىسمى نىمە ئارزۇمۇ ، نىمىتى ئىسمى ؟
-كىمنى دەيسىز ئاكا ؟
- ھە ، ھە ، كۆڭۈلدىكى سۆزنىڭ .
-ھە ، ئۆمىد غېنى ئاكىنى دەمسىز ؟
- شۇ شۇ .
- ياخشى ئاكىمىز ئۇ ، ئىدىيسى ئوچۇق ،ياخشى پىكىر قىلىدۇ .
- شۇنداقراق يىرىمۇ بار ، ئا بالا كىتابنى بەك جىق ئوقۇيدىغان ئوخشايدۇ ھە .
- مىنىڭ بىلىشىمچە شۇنداققۇ دەيمەن .
-لىكىنچۇ قارا ، ئا پىروگىراممىدا ئوبدان سۆزلەيتى ئا بالا ، ئالدىنقى كۈنى بىر نىمىنى چىقىرىپتىغۇ ، بىزنىڭ ئەكبەر ئۆيدە كۆرەپ ئولتۇرىتى ئىڭىكىنى يۆلەپ .
- ھە ، ئۆمىد پاراڭلىرى دەپ بىر تورپىروگىراممىسى قىلدى ئۇ ئاكىمىز ، ئەڭ يېڭى تىمىلاردا پاراڭ ، مۇنازىرە قىلىۋاتقان ئوخشايدۇ .
-ئۇ قىلغىنى ئوبدان بوپتۇ ، بىزنى بەك قارا قوساققۇ چىقىرىۋىتىپتىمۇ نىمە ھە ؟
-ئۇنداق ئەمەستۇ ؟
- مەن ئۆزەمنى بەك بىلىملىك دەپمۇ كەتمەيمەن ، لىكىن بەك دۆت دەپمۇ قاراپ كەتمەيمەن ، سەن داشۆدە ئوقىغان ، مەنداشۆدە ئوقىمىغان بىلەن بەلكىم ساڭا دەرىس بىرەلەيدىغان يەرلىرىم بار ، شۇنداقمۇيا ؟
- چوقۇم ، چوقۇم ئاكا .
-كىتابنى ئوقۇدۇم دەپ ئەتىدىن –كەچكىچە دۈم يېتىپ ئوقىغىنى بولمايدۇ ،مۇشۇجەمىيەتنىڭ ئۆزى بىر كىتاپ ، شۇنداقمۇ يا ؟
-ھەقىقەتەن شۇنداق .
- سەن ئاۋۇ قەغەز كىتابنى مىڭ ئوقىيالىغىنىڭ بىلەن ماۋۇ جەمىيەت كىتابىنى ، ئادەم بولۇش كىتابىنى ئوقۇشنى بىلمىسەڭ ئوقۇغان قەغەزلىرىڭ نۆل مەن ساڭا دەپ قوياي .
-ھاشىمكام بارغانچە ئەستايىدىل  سۆزلەۋاتقاندەك قىلاتتى .
-كىتابنى ئوقىيالمىسىچۇ ، ھېلىقى رەھمەتلىك بالىنىڭ ئىسمى نىمىتى ؟
-قايسى بالىنى دەيسىز ئاكا ؟
- ئاسيانىڭ چىمپىيونى بولغانچۇ ؟ مۇشلاشچى .
- ھە ، ئابدۇراھمان ئابلىكىم .
-رەھمەتلىكنىڭ گىپى چىقىپ قالدى ، ياتقان يىرى جەننەتتە بولسۇن ، ئامىن .
-ئامىن .
- كىتابىنى ئوقۇشنى بىلمىسە ، قانداق كىتابنى ئوقۇشنى بىلمىسە ، شۇ بالا تۈگەپ كەتسە كەينىدىن قەھرىمانمىزنى كىم ئۆلتۈردى ؟ دەپ تۇترۇقسىز بىرنەرسە يازغانلاردەك بولىدۇ قارا .
-ئۇلارمۇ شۇ بەلكىم ئۆزىنىڭ ئويلىغىنىنى يازغاندۇ .
-نىمىنى ئويلايدۇ ؟ كىتاب ئوقىغان ئادەم شۇنداق ئويلامدا ؟ قۇرۇپ كەتسۇن ئانداق نىمىلەرنىڭ ئوقىغان كىتابى .
ھاشىمكام تىزىغا شاپىلاقلاپ سۆزلەشكە باشلىدى.
   -ئاللاھ ئۆلتۈردى ئاللاھ ! بىلىۋاتامسەن ما گىپىمنى ؟ كىتاپ ئوقۇيمەن مانچىلىك ، ۋاي مەن پالانى كىتابنى ئوقىغان دەيدىغان نىمىلەرنىڭ كاللىسى شۇنچىلىكمىكەن ؟ كىتابنى جىق ئوقىۋەتسە ياراتقۇچىنىڭ ھەرخىل سەۋەپ بىلەن ئۆزى بەرگەن جاننى ئۆزى ئالىدىغاننى بىلمەمدۇ شۇلا ؟ ئا مىنىڭ قاراقورساق خوتنۇم جېنىدا قارا ، ئۆلەپ كىتىپتۇ دىگەن گەپنى ئاڭلاپ قولىنى كۆتۈرۈپ دۇئاھ قىلىپ جەننەت تىلىدى خۇدادىن ، كىتاپ ئوقىغانلار بىر جاننى كىمنىڭ ئۆلتۈرگەننىڭ ، قايسى جەمىيەتنىڭ ئۆلتۈرگىنىنىڭ سورىقىنى قىلىدىغان كىمكەن ئۆزى ؟ئۇنداق كىتاپ ئوقىغان پاخ-پاخ زىيالىيلاردىن قارا ، يەنە مۇشۇ مىنىڭ ساۋاتسىزخوتنۇم ياخشى جۇمۇ .  كىتاپ ئوقىمىغان بىلەن ئادەم بولۇشنى بىلىدۇ  ، ئۈچ بالىنى داشۆدە ئوقۇتتى ئىشقىلىپ . قانداق ئادەم بولۇشنى بىلمىسەڭ مىڭ كىتابنى ئوقىۋەتسەڭمۇ بىكار ئۇ . ئىسىڭدە تۇرسۇن ، ما بىزنىڭ ئۇيغۇر جەمىيتنى بىز تۆرىلىشتىن بۇرۇن قانداق ئۇنى مەن بىلمىدىم ، مۇشۇ ھازىر ئۇيغۇردەك ئۆزىنىڭ ئېسىل ئادەملىرىنى ھۆرمەتلەيدىغاندەك يەنە بىرنى تاپلاميسەن مەن ساڭا دەپ قوياي ، چەتئەل -پتئەل ، كۇلى ئىچكىرلىرىڭنىمۇ كۆردۇق ، چولپان ، داڭدارلىرىنى رەسۋا قىلىپ تاس قالىدۇ شۇلار ، ما شىنجاڭدىن چىقىپ باقمىغان ، مەلىسىنىڭ نېرىسىدا كىم بار شۇنى بىلمەيدىغان نىمىلەرنىڭ ما خەلقنى چىشلەپ تاتقانلىرىنى ۋاي مەن قانداق قىلاي .
-ھەدىمىز راس ياخشى ئايال ، ئۆزىمۇ شۇنداق ئوڭلۇق .
- ھە دەيمەن ، شۇڭا شۇ ساۋاتسىز خوتۇننى ئالىمەن دەپ ھېلىقى تۆت نوچىنى دۇمبالاپ ، چىدىماس گۇيلا كەينىمدىن كىلىپ ئۇرىۋىتىپ قالغان تارتۇق ماۋۇ شۇ .
ھاشىمكام ھېلىقى تارتۇقىنى يەنە بىركۆرسىتىپ قويدى .
-سىزمۇ قاراپ تۇرمىغان بولغۇيتىڭىز ھەكالتەك بىلەن سالسا ؟
  - ماڭ قارا ، ھازىر ما باللا  تاياققائەمەس ، گەپكە چىدىماي بىر-بىرسىنى توردا تىللايدىغان بولىۋالدى دەيدۇ . ئوغالبالا دىگەن بارغۇ ۋىجدانىمىز ، غورۇرىمىزغا تاقىلىدىغان ئىش بولسا ھىلىغۇ كالتەككەن ، تىغقىمۇ تىك بارالىساق بولىدۇ . لىكىن ئا توردا تىللىشىش ۋىجدانى بارلىقىنى بىلدۈرمەيدۇ مەن ساڭا دەپ قوياي . ئابدۇخالىق ئۇيغۇر ، لۇتپۇللا مۇتەللىپ دىگەنلەر بەلكىم مۇشۇ ھازىر ئۆزىنى بەك ئىلىملىك چاغلايدىغان ،< ئۇيغۇرلار كىتاپ ئوقىمايدۇ يەي ، مەن چەتنىڭ كىتابلىرىنى ئوقۇيمەن يەي ، مەن كىتابخانىغا كىرسەم ئۇيغۇرلار كىتاپ ئوقىمايدىكەنەي >دەپ نالە-پەريات قىلىۋاتقانلاردىن كىتابنى ئاز ئوقىغان بولىشى مۇمكىنغۇ ھە .
- شۇ جۇمۇ ، 20-30 يېشىدىلا كەتكەنلەرئەمەسمۇ .
  - نەق شۇ ، ئاۋۇلار ئاران 20-30 يېشىغىچە كىتاپ ئوقىغان ،ئۇ چاغدا كىتاپ ئاز تېخى ، لىكىن مانا ھازىرغىچە نامى ئۆچمەۋاتىدىغۇ ؟ نىمىشقا ؟ ئا ۋىجدان بار باللار ئاۋۇ ، ما ھازىرقىلاردەك كۆپۈك ۋىجدان ئەمەس ، رەسمى ئەركەك ۋىجدان بار باللا جىما ئاۋۇ . شۇڭا قورقماي تىغنىڭ ئالدىغا بارالايدۇ . ئاۋۇلار مانا ھازىرقى مەمەدانلاردەك ئاتالمىش كىتابىنى جىق ئوقىمىسىمۇ نەپ بىرىدىغان ، پايدىلىق يىرىنى ئوقىغان ، ئاندىن كەمتەرلىك بىلەن شۇ بىلىمىنى خەلقىگە بەرگەن ، ئەڭ ئاخرىدا يامان  يىرى كەلگەندەك جاننىمۇ بەرگەن .
- راس دەيسىز ، شۇ شىھىتلەرنىڭ روھى يۈتمىسۇن بىزدىن .
- روھى يۈتمىسۇن دەپ كەتكەنلىرىڭىنى ، ۋىجدان دىگەن بارغۇ قارا  ، مەن دەپ بىرەيمۇ ،يىزىدىكى قارا قورساق ، يەر تېريىدىغان ، قولى قاداق ، كەتمەن ، ئارا تۇتىدىغان دىھقاندا بار جۇمۇ ھازىر ؟
مەن ھاشىمكامنىڭ گىپىنى تازا چۈشىنەلمەي ئۇنىڭ كۆزىگە قارىدىم .
   -نىمىشقا دىسەڭ ، قېنى بېرىپ ئېتىزىنىڭ يېنىدىن ئۆتكەچ بىرەر دېھقاننىڭ قىزىغا قاش ئېتىپ باقە قېنى ، كۆرەپلا قالسا كەتمەن بىلەن ھوشۇقىڭنى چېقىۋىتىپ نىمە كۈن كۆرسە ئاندىن كۆرىدۇ ئاۋۇلار .  گەپنى چوڭ قىلىدىغان ئاتالمىش بىلمدارلارچۇ ؟ يۇمشاپ ئاشۇمىجەزى بوشاپ ، خوتنىنى بىرەرسى تانسىغا تارتىپ قۇچاقلاپ يۈرسىمۇ ‹جەمىيەتنىڭ تەرەققىياتى›دەپ ئۆزىنىڭ بىلى بوشلۇقىغا جەمىيەتنىڭ تەرەققىياتىنى سەۋەب قىلىپ قويىدۇ ،جەمىيەت تەرەققى قىلدى دىگەن گەپ خوتۇنۇڭنىڭ بىلىنى كىم تۇتسا بولىدۇ دىگەن گەپ ئەمەستۇ ئۇ ؟ سەنغۇ توي قىلمىدىڭ ، قارا تېخى مانىڭ يالغان نۇمۇس قىلىپ يەرگە قاراپ ئولتۇرۋېلىپ كەتكىنىنى  .
-ھاھا ، قىززىقچى ئادەم جۇمۇ سىز .
- مەن مۇشۇ كىتابنى جىق ئوقىغانلار بىلەن جىق ئارلاشقان ، بىر ئاغىنىمىز بولىدىغان ئەتىدىن كەچكىچە چەتنىڭ كىتابىنى ئىزدەپ تىلەپ ئوقۇيدىغان ، كەينىدىن تىتەم –پەتى بولاپ قالدى ئا بالا .
-قانداق تىتەم-پەتى بولاپ قالدى ؟
   - مۇنداق گەپ قارا تۇرسۇنبەگ ئۇكام ، سەن چەتنىڭكىنى ئوقىساڭ بولىدۇ ، لىكىن كاللاڭدا ئېنىق سان بولۇپ ئاندىن ئوقۇ ،نىمىشقا؟كىتاپ دىگەن ئىدىيە ئاۋۇ ، كىتابنى يازغان ئادەمنىڭ ئىدىيسى بىلەن يېزىلىدىغان نەرسە ئۇ ، ئامرىكىلىق ئۆزىنىڭ ئامرىكا ئىدىيسىنى سىڭدۈرۈپ يازىدۇ ،خىرىستىئانمۇ ئۆزىنىڭ ئىدىيسىنى سىڭدۈرۈپ يازىدۇ ، شۇڭا مەن مانچە چەتنىڭ كىتابىنى ئوقىغان دەپ پو ئاتقىنىڭ بىكا ئۇ ، شۇنى قانداق ئوقۇشنى ، قانداق يىرىدىن پايدىلىنىشنى بىلمىسەڭ .  بولمىسا سەنمۇ بوشاپ كىتىسەن بولاق مانتىنىڭ خېمىرىدەك .
-بۇ دىگىنىڭىزنىمۇ ئاساسى بار .
  -ئابدۇرېھىم ، ئابدۇشۈكۈر دەيدىغان تەڭ دىمەتلىكلىرىمىز بار ئىدى ، رەھمەتلىكلەرمۇ جاھاننىڭ خوۋلۇقىنى كۆرۈپ بولالماي كەتتى ،ياتقان يىرى جەننەت بولسۇن ، ئۇلارمۇ بەلەن يازىتى ، بىزنىڭ ئادەملەر يازمايدۇ ئەمەس ، يازاي دىسە تازا يازىدۇ . ساڭا يەنە شۇنى دەپ قوياي ، ھەرگىز خەلقىڭدىن رەنجىيدىغان ئىشنى قىلماجۇمۇ . ما خەلىق دىگەن بەك چوڭ ، بەك ئۇلۇغ نىمە ماۋۇ ، مانىڭغا چاق – چاق قىلىدىغان ، بۇنى ئانداق-مانداق دىسەڭ كۇپۇرلۇق ئۆتىدۇ ، خەلقىڭ ھېچقانداق ئەمەس ، بىر قانداق دىسەڭ شۇ سەن ئۆزۈڭ شۇ ، سەن شۇ خەلىقنىڭ ئىچىدىكى بىر بۇردا سەن شۇ ، سەن قانداق بولساڭ بۇ جاھان ،بۇ خەلقىڭ ساڭا شۇنداق كۆرنىدۇ .
- جىڭ گەپ قىلدىڭىز .
-ھە ئاندىن يادىمدا بار چاغدا دەپ قوياي يەنە ، ئۆمۈدلۈك ياشاڭلا ، ياش بولغاندىكىن ، ئاتمايدىغان تاڭ يوق ، ھەممە نىمىدىن قاقشىماڭلا ئۇكام ، نىمىدىن قاقشىساڭ شۇ بىر نىمە كۆزەڭگە ئاسماندىكى كۈندەك كۆرۈنۈپ كىتىدۇ . كىتابنى ئوقۇ ، ئوقۇغۇنىڭنى پەش قىلما ، ياخشى ئادەم بول ، لىكىنمەن ياخشى ئادەم دەپ جار سالما ، راس ياخشى بولساڭ ئۇنى خەق بىلىدۇ ئۆزى .
-ماقۇل ئاكا .
  -ئاندىنچۇ ، سەن مۇشۇ خەلقنى ، مۇشۇ يەرنى سۆي ، ئەركىشى بىرسى ئۆزىنىڭ ئائىلىسىنى سۆيمەك كىرەك ،ئائىلىسىنى سۆيمىگەن ئەركەك بىجىرىم ئەركەك ئەمەس ، يەنە بىرسى ئاتا-ئانىسىنى سۆيمەك كىرەك ، سىنىمۇ باللىرىڭ ھۆرمەتلەيدىغان بولىدۇ .  يەنە بىرسى مۇشۇ ياشاۋاتقان تۇپرىقىنى ، مۇشۇ يەردىكى خەلقىنى سۆيمەك كىرەك ، بۇنى قىلالمىساڭ سىنى رەسمى ئەركىشى دىگىنى بولمايدۇ ، كىملىك گۇۋاھناماڭغا ئەر كىشى دەپ يېزىۋالغىنىڭ بىكا ئۇ .
- سىز بىلەن ئانچە-مۇنچە پاراڭلىشىپ تۇرىلى ئاكا .
- قىلىدىغان ئىشىم يوق بىكارچى بولغاندىكىن ھە مەن ؟
-ھاھا .
ئەمدى تېخى يەنە بىر گەپكە ئاغزىمنى ئۈمچەللەپ تۇرسام ھاشىمكامنىڭ نەۋرىسى چىقىپ<مومام تاماق پىشتى دەيدۇ  ، چوڭ دادا > دەپ قالدى ، ھاشىمكامنىڭ نەۋرىسىنى قۇچاقلاپ كۆتۈرۈپ سۆيۈپ كەتتى.
-تاتلىقلىقىڭنى سەن جىننىڭ .
ھاشىمكام ماڭا قارىدى .
-قوپمامسەن ئۇكام ، ما سوغاقتا گەپكە سېلىپ سەنمۇ ئادەمنى ، چاپلاپئولتۇرىۋىرىپتۇ ، بىللە تاماق يەيمىز ئەمدى توڭغان يەرگە بارىدۇ .
-ھاھا ، نىمە تاماق ئەتكەندۇ .
ھاشىمكام نەۋرىسىدىن سورىدى .
-نىمە تاماق ئىتىپتۇ چوڭ ئاناڭ ؟
- چۆچۈرە .
ھاشىمكام ماڭا قارىدى .
-يەمسەن يا ؟
- ئازراق ئىشىم بار ئىدى ، بوپتۇلا ، چۆچۈرىنى ئىچىپ بولۇپ ئاندىن  قىلاي .
-ماڭە ئەمسە .
ھاشىمكام بىلەن ئىشىكتىن ئالدى – كەينى كىرگەچ  سورىدۇم .
-ئاكا ، ما باياتىن دىگەنلىرىڭىزنىڭ بەزىلىرىنى رەتلەپ يېزىپ چىقىرىپقويايمۇ ؟
-نىمىنى ؟
- ئا بايىقى پاراڭلارنىچۇ ؟
- يا ئاللا ئۇكام ، پاراڭنىمۇ يازىسىلە دىگىنە ئەمدى ، مەن مۇنداق بىر دىيشىدىغان پاراڭنىمۇ ئالدىغا ئاپارات قويىۋېلىپ قىلىدىغان بولاپ كىتىپتۇ ما خەق دەپ ئولتۇرسام ، بىزنىڭ قورۇدىن پاراڭنى رەتلەپ يازىدىغان سەن چىقىپسەندە ، ھاھا .
- ھاھا ، ياق ئاكا ، ئەمدى شۇ باياتىندىن ئىككىمىز پاراڭلاشتۇق ، شۇڭا باشقىلارمۇئاڭلاپ باقسا دەيمەنغۇ .
- سىلە ياش باللارنىڭ قىلىدىغان ئىشىڭلار يوق ھە ، بىكارچىلىقتىنغۇ ھەممەئىش چىقىدۇ زادى .
- ھاھا ، ياق بىكارمۇ ئەمەس ئاكا .
- نىمە قىلساڭ قىلە  ، مىنى  دىدى دىمە ئىشقىلىپ ، ئەمدى ئەتە قوپۇپ ئىككى توك–توك گەپنى سىلىمۇئەمدى تورغا چىقىپ دەيدىغان بولۇپ كەتتىڭلىمۇ ھاجىم دەيدۇ ما بۇرادەر باللا  .
- ھاھا ، سىزنىڭ ئاغىنىلىرىڭىز دەيدۇ ئۇنى چوقۇم .
- دىسە ھەق .
-ئەمسە ئىسمىڭىزنى ئۆزگەرتىۋىتەي .
- ۋاي نىمە قىلساڭ قىلە ، ئايىغىڭنى سالماي كىرىۋەر بولدى ، بۇ بىر خاننىڭ ئوردىسى بولمىغاندىكىن .
ھاشىمكام ئىشىكنىڭ بوسۇغىسىدىن كىرگەچ يەنە چاق-چاقتا سوققىلى تۇردى

-كىتابنى جىق ئوقىۋەتكەن ئادەم دىگەننىزە ، مانا مۇشۇنداق بوسۇغىنىڭ تېشىغا كەشىنى سېلىپ قويسىلا ئۆزىنى مەن پاكىز ، ئىلمىي دەيدىغان بولۇپ قالىدۇ .
-ھاھا ، بولدى مەن ئادەم بولاي ئاكا .
- ئاۋال چۆچۈرىدە بىر مىھمان بولە . ھوي قېنى سىلە .
شۇ پاراڭلار بىلەن چۆچۈرىنى ئىشتىھا بىلەن يىيىشكە باشلاپ كەتتۇق .

2

تېما

6

دوست

1 تۈمەن

جۇغلانما

پاكلىق ئەلچىسى

ئۆسۈش   8.69%

ئەزا ئۇچۇرى
تىزىم نۇمۇرى:  12274
يازما سانى: 1051
نادىر تېمىسى: 0
مۇنبەر پۇلى: 1585
تۆھپە : 3003
توردىكى ۋاقتى: 799
سائەت
ئاخىرقى: 2015-2-19
دېۋان
يوللىغان ۋاقتى 2015-2-3 13:10:34 |ئايرىم كۆرۈش


ياخشى ھىكايە
يۇنىل ئوپال سىلىقلاش مېيى

0

تېما

0

دوست

378

جۇغلانما

ئادەتتىكى ئەزا

ئۆسۈش   39%

ئەزا ئۇچۇرى
تىزىم نۇمۇرى:  33616
يازما سانى: 18
نادىر تېمىسى: 0
مۇنبەر پۇلى: 0
تۆھپە : 120
توردىكى ۋاقتى: 29
سائەت
ئاخىرقى: 2015-2-19
ئورۇندۇق
يوللىغان ۋاقتى 2015-2-3 14:02:23 |ئايرىم كۆرۈش
تېما يازغۇچىنىڭ پىكرىگە ئاپىرىن ، ھاشىمھاجىكام ئوبدان گەپ قىپتۇ ...

0

تېما

1

دوست

2115

جۇغلانما

ئاكتىپ ئەزا

ئۆسۈش   3.83%

ئەزا ئۇچۇرى
تىزىم نۇمۇرى:  21527
يازما سانى: 93
نادىر تېمىسى: 0
مۇنبەر پۇلى: 0
تۆھپە : 674
توردىكى ۋاقتى: 159
سائەت
ئاخىرقى: 2015-2-19
يەر
يوللىغان ۋاقتى 2015-2-3 14:54:56 |ئايرىم كۆرۈش
ئالامەت ھىكايىكەن،بۇ ھاشىماجىكام خىزىرنىڭ ئەۋلادىمۇ قانداق؟ بىرقانچە كۇندىن بېرى بۇ تور دۇنياسىدىكى ھەممە تالاش-تارتىشلارغا يەكۇن چىقىرىپ بېرىپتۇ،ئەمەسمۇ؟ئەگەر پۇرسەت بولسا  ھاشىماجىكامنىڭ پاراڭلىرىنى يەنە داۋاملىق ئاڭلاشقا نەشنامىز!

خاتالىقنى بىلىپ

4

تېما

1

دوست

3326

جۇغلانما

ئاكتىپ ئەزا

ئۆسۈش   44.2%

ئەزا ئۇچۇرى
تىزىم نۇمۇرى:  13216
يازما سانى: 202
نادىر تېمىسى: 0
مۇنبەر پۇلى: 433
تۆھپە : 727
توردىكى ۋاقتى: 125
سائەت
ئاخىرقى: 2015-2-19
5#
يوللىغان ۋاقتى 2015-2-3 22:05:33 |ئايرىم كۆرۈش
    ھەي.... بۇ ھاشىمكام قالتىس گەپ قىلىدىغان ئادەمكەن جۇمۇ !

0

تېما

0

دوست

146

جۇغلانما

يىڭى ئەزا

ئۆسۈش   48.67%

ئەزا ئۇچۇرى
تىزىم نۇمۇرى:  34118
يازما سانى: 5
نادىر تېمىسى: 0
مۇنبەر پۇلى: 5
تۆھپە : 32
توردىكى ۋاقتى: 8
سائەت
ئاخىرقى: 2015-2-18
6#
يوللىغان ۋاقتى 2015-2-6 18:22:33 |ئايرىم كۆرۈش
ياخشى  يېزىلىپتۇ،تىلى ئاددىى ھەم شۇنداق چۈشنىشلىك…

8

تېما

0

دوست

4383

جۇغلانما

ئاكتىپ ئەزا

ئۆسۈش   79.43%

ئەزا ئۇچۇرى
تىزىم نۇمۇرى:  8179
يازما سانى: 187
نادىر تېمىسى: 0
مۇنبەر پۇلى: 794
تۆھپە : 799
توردىكى ۋاقتى: 346
سائەت
ئاخىرقى: 2015-2-19
7#
يوللىغان ۋاقتى 2015-2-6 18:36:04 |ئايرىم كۆرۈش
ياخشى بايان بوپتۇ ، چوڭلارنىڭ گىپى ئورۇنلۇق ، نىمە قىلىدۇ دەيمەن ، بىر ئوبدان جەمىيەتنى بۇراپ ، بىزگە نىمە كىرەك دەپ ئويلىماي ، خەلىقنى تىخىمۇ چۈشكۈنلەشتۈردىغان تىمىلارنى ھارماي تالماي يىزىپ چىقىدىكەن . خەلىقنىڭ ۋەكىلىدەك ، ھىلىمۇ خەلىقىمىز ۋەكىل سايلىمىدى ، نەپسانىيەتچىلىك تۈگىمەيدىكەن بىز دىن ۋەكىلمۇ چىقمايدۇ ،
كىرگەندىن كېيىن ئىنكاس يازالايسىز كىرىش | دەرھال تىزىملىتىش

Powered by Discuz! X2.5(NurQut Team)

( 新ICP备06003611号-1 )