ئۆي يۆتكەشتىن ياردەم سورايمىز

1152705266

    ئەسسالامۇ ئەلەيكۇم باغداش ئەھلى ھەممىڭلارغا ئاللاھنىڭ سالامى بولسۇن
    ئەمدى مەقسەتكە كەلسەك بىز 2011- يىلى ھۆكىمىتىمىزنىڭ ياردەم بېرىشى بىلەن 50 كىۋادىرات مېتىرلىق  ئككى ئېغىز يېڭى  ئۆي سالغان ئىدۇق لېكىن كىم بىلسۇن بۇ يىل ئۇ ئۆيلىرىمىز يول قۇرلۇشىغا تاقىشىپ قالغاچقا چېقىشقا توغرا كېلىپ قالدى بىزنىڭ رەھبەرلىرىمىز ئۇ ئۆيلەرنى چېقىڭلار بىز يەنە بۇ يىلقى سانغا كىرگۈزۈپ يېڭىدىن ئۆي سېلىپ بېرەيلى دېگەنتى بىزلەرمۇ ماقۇل بولغانتۇق لېكىن ئۇ ئۆي تېخى سېلىنغىنىغا ھېچقانچە ۋاقىت بولمىغان ھەم ئۇنىڭ ئۈستىگە يول قۇرلۇشىغا پەقەت 4 مېتىرلا تاقاشتى شۇڭا ھۆكۈمىتىمىزغۇ يەنە سالماقچى بولغان ئۆيۈمىزگە ياردەم پۇلى بېرىدۇ لېكىن شۇنداقتىمۇ ئۆي سالماق دېگەن ئۇنداق ئاسان ئىش ئەمەسكەن بۇنى ئۆي سېلىپ باققانلار ئۇقۇدۇ
    شۇڭا بىز بۇ ئۆينى چاقماي 4 مېتىر يىراققا يۆتكەشنىڭ ئامالى چىقىپ قالارمۇ دېگەن ئۈمۈتتە بۇ تېمىنى يېزۋاتىمىز   بەلكىم بىزنىڭ بۇ خىيالىمىز مۇمكىن بولمايدىغان ئىش بولۇشىمۇ مۇمكىن لېكىن شۇنداقتمۇ بىر ئۇرۇنۇپ باققۇمىز كەلدى تورداشلىرىمىزنىڭ ئارىسىدا مۇشۇنداق پىششىق خىش قۇرۇلمۇلۇق ئۆيلەرنى يۆتكەپ باققان ياكى يۆتكىگىننى كۆرگەنلەر ياكى مەخسۇس چوڭ تىپتىكى كىراندا مۇشۇنداق ئۆي يۆتكەش ئىشنى قىلىدىغانلار بولسا بىزلەرنىڭمۇ ئۆيۈمىزنى يۆتكەپ بەرسە ياخشى رازى قىلاتتۇق  بۇ ئۆيلەرنىڭ قۇرۇلمىسى يەر يۈزىگە بىر قات چۈلىيەن قۇيۇقلۇق كەڭلىكى 38 سانتىمېتىر ئېگىزلىكى 20 سانتىمېتىر ئۇنڭ ئۈستىدە يەنە بىر قات پولات چىۋىقلىق چۈلىيەن بار كەڭلىكى 25 سانتىمېتىر ئېگىزلىكى 20 سانتىمېتىر ئۇنۇڭ ئۈستىگە تام قوپارغان  تمغا ئىشلىتىلگەن خىش تەخمىنەن 10000 تامنىڭ ئۈستىدە يەنە پولات چېۋىقلىق 20 سانتىمېتىر قېلىنلىقتا چۈلىيەن بار ئۇنىڭ ئۈستى ياغاچ  قۇرۇلمىلىق قىلىپ يېپىلغان ئەگەر مۇشۇ ئۆينى چاقماي يۆتكەپ بېرەلەيدىغانلار بولسا تولۇق رازى قىلاتتۇق بۇ قېتىم يول قۇرلۇشقا تاقاشقان ئۆي 6 ئائىلىلكنىڭ ئۆيى ھەممەيلەننىڭ ئۆي شەكلى ئوخشاش 50 كىۋادىرات مېتىرلىق ئۆي بۇ ئۆينى مەيلى كىراندا كۆتۈرۈپ يۆتكەيلى ۋە ياكى ئاستىغا رېلىس ئورنۇتۇپ سىيرۇلدۇرۇپ يۆتكەيلى پەقەت 4 مېتىر يىراقلىققا يۆتكىسەكلا بولاتتى كەڭ تورداشلارنىڭ يول كۆرسىتىشىنى ئۈمۈت قىلىمەن ئەگەر سىناپ بېقىشنى خالايدىغانلار مەن بىلەن ئالاقىلاشساڭلار ئادېرسىمىز مەكىت ناھىيە قىزىل ئاۋات يېزا   چ چ ئۈندىدار  1152705266

otikur

بۇ پىكىرىڭز پەقەتىلا قامىلاشىماپتۇ، يۆتىكىگەن ھالەتىمۇ  ئۇ ئۆيدە خاتىرجەم ئولتۇرغىلى بولىماسمىكى، ئەڭ ياخشسى چىقىپ قايىتا سلىڭلار، ھۆكۈمەت تۆلەم پۇلى بردىغان ئىش بولغاندىكىن،.

alnap115

يول قۇرۇلۇشىغا تاقاشسا كۆپ پۇل بېرىدۇغۇ ؟ ھەم ھۆكۈمەت تولۇقلىما بېرىدۇ . ئۆي سېلىش تەس ، لىكىن بۇنى يۆتكەيمىز دېسىڭىز ئۆتكۈر دېگەندەك خاتىرجەم ئولتۇرغىلى بولماسمىكىن .

بىر زامانلاردىغۇ خەۋەردە ئىچكىردە بىر شەھەردە 6 قەۋەتلىك بىر بىنانى 130 نەچچە مىتىر يۆتكىگەننى كۆرسەتكەن . لىكىن سىز يۆتكىمەي ، ھاۋا ئىسسىغاندا باشقا سېلىڭ .

35756623

ھەي~~~~~قېرىندىشىم سىزگە دىسەم، ئەڭ ياخشىسى تۇلۇقلىمىنى ئېلىپ قايتا سېلىڭ، يۆتكەشقۇ مۇمكىن بولمايدىغان ئىش ئەمەس، لېكىن ئۆينى قايتا سالغاندىنمۇ بەكرەك چىقىمدار بۇلۇپ كىتىشىڭىز مۇمكىن،
ھە راسىت بىزنىڭ خوتەندە 4 قەۋەتلىك بىر بىنانى 30نەچچە مىتىر يۆتكىگەن، نەچچە يىل بولدى بىر ئوبدان، ئۇنداق خاتىرجەم ئولتۇرغىلى بولمايدۇ دىگەن مىنىڭچە بىكار گەپ، لېكىن چىقىم بەك كۆپ كىتىشى مۇمكىن

babur-7

يۆتكەيمەن  دىسىڭىز  ئۆي سالغان پۇلىڭىزدىن  چىقىم  ئىشىپ كىتىدۇ  ،  نەچچە  قەۋەتلىك  بىناغا قانچىلىك  سىمىنۇت  ،  قانچىلىك  گاڭجىن تۈمۈر  ئىشلىتىدۇ  ،     بۇنىڭغا ئامال يوق  ،  

تارخان

بىنالارنىمۇ يۆتكىگىلى بولىدۇ،،، لېكىن ئۇ ئىككى ئېغىز ئۆيىڭىزنىڭ يۆتكەشكە كەتكەن چىقىمىغا نەچچە يۈرۈش ئۆي سالغىلى بولىدۇ...
بىكارغا چاقىمىز، كۆچ، دېمىگەندىن كېيىن ۋاقتىدا يەرنى بىكارشىتىپ بېرىڭ...
ئەخمىقانە خىيال قىلماي.

apandim111

بۇمۇ بىر يېڭىلىق،ئۇرۇنۇپ بېقىش كېرەك.چېقىش ئاسان ئىش نەچچە ئاي جاپالىق ئىشلەپ سالغان ئۆينى بىر -نەچچە سائەتتىلا بىر تەرەپ قىلغىلى بولىدۇ.بۇ ئۆيمۇ يۆتكەش تەلىپىگە ئاساسەن ئۇيغۇن كېلىدىكەن.مېنىڭچە ئالدى بىلەن كۆچۈرۈلىدىغان ئورۇننى مۇقۇم قىلىپ،ئۇلنى پۇختا چىڭداش كېرەك.ئاندىن تارتىش قۇرۇلمىسنى ئورۇنتۇپ،پولات ئارقان بىلەن ئۆينىڭ ئاساسىي گەۋدە قىسىمىلىرى تۇتاشقان ئورۇنلارنى تېپىپ چىقىپ،پولات ئارقاننى چېتىپ پۇختا باغلاش كېرەك.ئاستىغا  پىشاڭ سىلىپ،ئاستا،سىلىق ھالدا تارتقۇزۇش كېرەك.ھەممە ئىش تەرتىپى بىلەن پۇختا ئىلىپ بىرىلىشى كېرەك.بۇمۇ بىر كەسىپ،سىناپ بېقىپ مۇۋەپىقيەتلىك بولسا نۇرغۇن ئادەملىرىمىزگە ئىش چىققان بولاتتى.مېنىڭچە چوقۇم قىلغىلى بولىدۇ. مەن ئۆينىڭ ئۈستنى ئاچماي،بارلىق لىملارنى ئالماشتۇرغانلىقىنى كۆرگەن. بۇنى ئادەتتىكى تامچى،ياغاچچىلار قىلغان.

altunyaruk114

توغرا!مەنمۇ سىناپ بېقىش كېرەك دەپ قارايمەن. بۇنداق ئىشلار پەقەت بىر ئادەمگىلا دۇچ كەلمەيدۇ.ئەتىراپىمىزغا نەزەر سېلىپ باقساق بىر ئادەم بىر مۇنچە پىلانلاپ تەييارلىق قىلىپ .........بىر قەۋەتلىك ئۆي سالدى بىر قانچە يىلدىن كېيىن بۇ يەرنى شەھەر پىلانىغا كىرىپ قېلىپ چېقىلىپ6 قەۋەتلىك بىنا سالدى،كېيىنچە شەھەر مەركىزى رايونلىرىغا كىرىپ قالسا ئۇ بىنانى چېقىپ يەنە كۆپ قەۋەتلىك ئۆي سېلىۋاتىدۇ..........چېقىلغان رايونلارنىڭ خىش سىمۇنىت پارچىلىرىنى بولسا چەت رايونلاردا تۆكۈپ تىندۇرۇپ  تۇپراقنىڭ ھەم مۇھىتنىڭ ئېغىر دەرىجىدە بولغۇلىنىشىنى كەلتۈرۈپ چىقىرىۋاتىدۇ.  ھازىر شەھەرلىشىش كۈنسېرى تەرەققى قىلىپ چېقىپ كۆچۈرۈش ئىشلىرى ئوموميۈزلۈك ئەھۋال بولۇپ قالدى. بۇنىڭغا ھەقىقەتەن كۆپ مەبلەغ،كۆپ ۋاقىت كېتىدۇ.مەنچە بولغاندا مۇشۇ يۆتكەش ئىشى ئەمەلگە ئېشىپ قالسا نۇرغۇن پايدىلىق شارائىتلار يارىتىلغان بولار ئىدى. بۇرۇنقى قورۇلۇشلار يۆتكەشكە مۇۋاپىق كەلمىسە ھېچ  بولمىغاندا ھازىر يېڭى سېلىنىۋاتقان قۇرۇلۇشلارغا مۇشۇنداق يۆتكەش لاھىيەسىنىمۇ قوشۇلغان ھالەتتە سېلىنسا ياخشى بولاتتى دەپ قارايمەن .سالالىدۇق،چاقالىدۇق،ئۆزگەرتەلىدۇق، بۇلارنى قىلالىغان يەردە چوقۇم يۆتكەشكىمۇ مۇۋاپىق ئۇسۇل چارە تاپالايمىز دەپ قارايمەن.بۇ پەقەت مېنىڭ شەخسىي كۆز قارىشىم خالاس.قالغان ئىشلارنى شۇ كەسىپ ئەھلىلىرى ياخشى بىلىدۇ.   بولسا سىناپ بېقىش كېرەك!