چەرچەندە ئاناتىل كۈنى

hezine

چەرچەن ناھىيەسىدە 2-نۆۋەتلىك «يىلتىز-ئاناتىل ئوقۇتۇش تۆھپە

مۇكاپاتى» تارقىتىلدى

    بۈگۈن(2015يىلى 2-ئاينىڭ 21-كۈنى) دۇنيا ئانا تىل كۈنى. بۇ ئالاھىدە كۈن مۇناسىۋىتى بىلەن دىيارىمىز چەرچەن ناھىيەسىدە 2-نۆۋەتلىك "يىلتىز-ئانا تىل ئوقۇتۇش تۆھپە مۇكاپاتى" ئۆز قەرەلىدە ئۆتكۈزۈلدى. پائالىيەتكە چەرچەن ناھىيەسىدىكى بىر قىسىم زىيالىيلار، يازغۇچىلارۋە ئانا تىل ئوقۇتقۇچىلىرىدىن بولۇپ 200دىن ئارتۇق ئادەم قاتناشتى. پائالىيەتكە ناھىيەلىك مائارىپ-پەن-تېخنىكا ئىدارىسىنىڭ پارتىكوم شۇجىسى قادىر مەمتىلى رىياسەتچىلىك قىلدى. پائالىيەت ئۆسمۈرلەرنىڭ  «ئېلىپبە ناخشىسى» ئوقۇش بىلەن باشلاندى.
    بۇندىن دەل بىر يىل بۇرۇن، يەنى ئۆتكەن يىلقى ئانا تىل كۈنىدە مەرىپەتپەرۋەر ساخاۋەتچى تۇرسۇن ئەبەي ئەپەندىنىڭ مەبلەغ چىقىرىشى بىلەن چەرچەن ناھىيەسىدە تۇنجى نۆۋەتلىك «يىلتىز-ئاناتىل ئوقۇتۇش تۆھپە مۇكاپاتى» تارقىتىلغان ئىدى. تۇنجى نۆۋەتلىك مۇكاپات ناھىيە تەۋەسىدىكى باشلانغۇچ مەكتەپلەرنىڭ 1-يىللىقىدىن 6-يىللىقىغىچە بولغان ئانا تىل ئوقۇتقۇچىلىرىنىڭ يىللىقلار بويىچە نەتىجىسى گەۋدىلىك بولغان ئالتە نەپەر ئوقۇتقۇچىغا تارقىتىلغان. مۇكاپات سوممىسى ھەربىر مۇكاپات ساھىبىغا 1000سومدىن بولغان. بۈگۈنكى 2-نۆۋەتلىك پائالىيەتتە مۇكاپات دائىرىسى كېڭەيتىلىپ، ناھىيە ئىچىدىكى باشلانغۇچ مەكتەپنىڭ 1-يىللىقىدىن تولۇقسىز ئوتتۇرىنىڭ 3-يىللىقىغىچە ئاناتىل ئوقۇتۇش نەتىجىسى گەۋدىلىك بولغان توققۇز نەپەر ئوقۇتقۇچىغا 1000سومدىن مۇكاپات تارقىتىلدى.
   ئارقىدىن ناھىيەلىك ھۆكۈمەت تەرجىمانلار ئىشخانىسىدىكى تەرجىمانلار ۋە "ئۈمىد نۇرى ساخاۋەتچىلىك جەمئىيىتى"گە ۋاكالىتەن يېتىلگەن تەرجىمان پولات رەجەپ ئەپەندى ۋە ئايۇپ مۇئەللىملەر مۇكاپاتلانغان ئاناتىل ئوقۇتقۇچىلىرىغا ئۈچ قىسىملىق "ھازىرقى زامان ئۇيغۇر تىلى" ناملىق كىتابتىن بىر يۈرۈشتىن تەقدىم قىلدى.
    تۇرسۇن ئەبەي ئەپەندىنىڭ تەشەببۇسى ۋە مەبلەغ چىقىرىشى شۇنداقلا جەمئىيەتتىكى تونۇلغان مەرىپەتپەرۋەر تىجارەتچىلەرنىڭ قىزغىن قوللاپ، ئىزچىل مەبلەغ بىلەن تەمىنلىشى ئارقىسىدا 2014-يىلى 5-ئايدىن باشلاپ، ئىلگىرى-كىيىن بولۇپ، ناھىيەلىك باشلانغۇچ ۋە تولۇقسىز ئوتتۇرا مەكتەپلەرگە سىنىپلارنى ئاساس قىلىپ، "تارىم غۇنچىلىرى"، "پەرۋاز" ۋە "شىنجاڭ ياشلىرى" ژۇرنىلى يىل ئاخىرىغىچە 3350پارچە تارقىتىلغان. 2015-يىلى بۇ پائالىيەت داۋاملاشتۇرۇلۇپ، يۇقىرىقى ئىككى مەكتەپكە ئۈچ خىل ژۇرنالدىن ھەر ئايلىقى 399ساندىن بىر يىللىق مۇشتەرى بولۇندى.
بۇنىڭدىن سىرت ناھىيەلىك مائارىپ-پەن-تېخنىكا ئىدارىسى رەھبەرلىكىنىڭ كۈچلۈك قوللاپ، ئورۇنلاشتۇرۇشى ۋە ھەرقايسى مەكتەپ مۇدىرلىرىنىڭ ئەمەلىي تىرىشچانلىقى بىلەن 2014-يىلىنىڭ كىيىنكى يېرىم يىلىدىن باشلاپ، ناھىيە تەۋەسىدىكى يېزا-باشلانغۇچ مەكتەپلەرنىڭ 3-يىللىقتىن يۇقىرى سىنىپلارغا(3-يىللىقنىمۇ ئۆزئىچىگە ئالىدۇ) مەلۇم نىسبەتتە "تارىم غۇنچىلىرى"، "پەرۋاز" ۋە "شىنجاڭ ئۆسمۈرلىرى گېزىتى" قاتارلىق گېزىت ژۇرناللارغا مەكتەپلەرنىڭ ئۆزى مەسئۇل بولۇپ مۇشتەرى بولۇشمۇ ئىشقا ئاشۇرۇلدى.

1.چەرچەن ناھىيەلىك مائارىپ- پەن-تېخنكا ئىدارىسىنىڭ پارتىكوم شۈجىسى قادىر مەمتىلى يىغىنغا رىياسەتچىلىك قىلماقتا

2.تونۇلغان يازغۇچى تۇرسۇن مەخمۇت

3.تۇرسۇن ئەبەي ئەپەندى

يىغىندىن خاتىرىلەر

suchi

تولىمۇ ئەھمىيەتلىك پائالىيەت بوپتۇ،ناھىيەنىڭ يېقىندىن  قوللىشى تېخىمۇ تۈرتكىلىك رول ئوينىغۇسى.

mijityimit

     سىزلەر ئەڭ سۆيۈملۈك كىشىلىرىمىز ! سىزلەردىن بەك خۇش بولدۇم! ئىچ -ئىچىمدىن سۆيۈندىم . !

dilheste

mijityimit يوللىغان ۋاقتى  2015-2-21 20:48
سىزلەر ئەڭ سۆيۈملۈك كىشىلىرىمىز ! سىزلەردىن بەك خۇش  ...

[[img][/img]s:10]

dilheste

  

stokbugra

dilheste يوللىغان ۋاقتى  2015-2-21 20:58

ئەي ماتور تىل،ئەي توغان تىل......سىزلەرگە كۆپ رەىمەت

yolimiz

دۇنيا ئانا تىل كۈنىنى قۇتلۇقلايمىز.

ئانا تىل بىلگەن كىشىنىڭ ئىززەتىن قىلغۇم كېلۇر،

ئانا تىلنى ئاغزىدىن ئالتۇن بېرىپ ئالغۇم كېلـۇر.

بۇ ئانا تىل بــولســا گــەر ئامېرىكايۇ، ئافرىقىــدا،

سەرف ئېتىپ مىڭلارچە تىللا، ئاندا مەن بارغۇم كېلـۇر.

ئەي، ئانا تىل بىزگە سەن ئۆتكەن ئۇلۇغلاردىن نىشان،

سـەن بىلـەن روھـىي زېمىنــدا ئىپتىخــارلانغـۇم كېلــۇر.

dawrim2

سۆزلىسەم گەپ تۇلا ،شۇنداقتىمۇ  ئازراق سۆزلەي .  بىز مۇنبەرلەردە ئانا تىلىمىزنى قوغدايلى  دەپ كانىيىمىز يىرتىلغۇچە تولاپ يۈرگىلى خېلى زامانلار بولدى، لىكىن  بىز ئانا تىلىمىزنى پەقەت ئاغزىمىزنىڭ  ئۇچىدىلا قوغداپ كەلدۇق ،ئەمەليەتتە بولسا  ئانا تىلىمىزنى ئۈزۈمىز دەپسەندە قىلىپ كەلدۇق دەپ ئويلايمە.   مەسىلەن  .مىكرو سوفت شىركىتى بىزنى پۈتۈن بىر مىللەت قاتارىدا كۈرۈپ  ۋىندوۋسقا ئانا تىلىمىزنى قۇشۇپ بەرگىلى خېلى ئۇزۇن بوپقالدى لىكىن بۇنى ئىشلىتىدىغانلار بەكلا ئاز ، مەن تۇنۇش _بۈلۈشلەرنىڭ ئۈيىگە كىرسەم  ھەممىسىنىڭ ئۈيىدە كومپىيوتىر با  لىكىن ئۇيغۇرچە تىل بۇلىقى ئىشلەتمەيدىكەن ،نىمىشقا ئۇيغۇر تىلىغا توغۇرلاپ ئىشلەتمەيسىلە دەپ سۇرىسام  ھەممىسىنىڭ جاۋابى بىردەك ، ئۇيغۇرچە بولمىسىمۇ ئىشلىتەلەيدىكەنمىز دەيدۇ ، كۈلكىلىك يېرى ھەممىسى  مىللەت ئانا -تىل دىگەن گەپلەرنى ئاغزىدىن چۈشۈرمەيدۇ  بۇ تۇنۇشلۇرۇم   .  يەنە بىر مىسال ، ھازىر ئۇيغۇر رايۇنىمىزدىكى بانكىلارنىڭ  ئاپتۇماتىك پۇل ئېلىش ماشىنىسىدا  بىز تاللاپ ئىشلىتەلەيدىغان ئۇيغۇر يېزىقى با   بولسىمىمۇ  بۇنى ئشلىتىدىغانلارنىڭ كۈپۈنچىسى خەنزۇچە بىلمەيدىغانلاركەن،  خەنزۇچە بىلىدىغانلاردىن  ئىشىلتىدىغانلار بەكلا ئاز . ئۇنۇڭدىن باشقا ھۈكىمەت  ئۇرۇنلىرىدا  رەسمىيەت بىجىرمەكچى بولساق  ئىمزا قۇيىدىغان چاغدا ، بىزگە رەسمىيەت بىجىرىپ بەرگەن خادىم ئىسمىڭنى ئۇيغۇرچە يازساڭ بۇلۇدۇ دەپ تۇرسا  خەنزۇچە يازىدىغانلار بەكلا كۆپكەن  .  ئازراقلا خەنزۇچە بىلىدىغانلارغا بىزنىڭ تىل يېزىقىمىزنىڭ كىرىكى قالمىدىمۇ   
يەنە بەزىبىر قارىم -ھاجىملىرىمىز باركەن  ئەرەبچىنى بىر ئېغىز چۈشەنمەيدىغان    لىكىن  قۇرئاننىڭ ئەرەبچىسىنى  دوسخانغا ئۇراپ ئىگىز يەرگە قۇيىدىكەن  قۇرئاننىڭ ئۇيغۇرچىسىنى كۈمۈرخانىغا تاشلىۋىتىدىكەن .   مۇشۇنداق قوغدامدۇق ئانا تىلىمىزنى  .