خام نېفىت باھاسى ئەڭ تۆۋەن نۇقتىغا چۈشتىمۇ
ۋول كوچىسى گېزىتى تورىنىڭ 17-مارت خەۋىرى (ئوكيان تەرجىمىسى): نيۇيورك تاۋار سودا بېرژىسىنىڭ خام نېفىت قەرەللىك مال باھاسى 17-مارت ئەتىگگندە ئالتە يىلدىن بۇيانقى ئەڭ تۆۋەن نۇقتىغا چۈشتى، بۇ يېڭى بىر نۆۋەتلىك چۈشۈش ۋەزىيىتىنىڭ كۆرۈلىشىمۇ؟ ئەمەلىيەتتە بىز 20-مارت جۈمە كۈنى ئاندىن جەزىملەشتۈرەلەيمىز.
تۆت ئاي ئىلگىرى، كۆپ يىللىق باھا جەدۋىلىنى تەكشۈرگەندە نيۇيورك سودا بېرژىسى خام نېفىت قەرەللىك مال باھاسىنىڭ يوشۇرۇن تۆۋەن نۇقتىسىنى بايقىغىنىمىزدا، ئۆتكەن 20 يىلدا خام نېفىت باھاسىنىڭ چۈشۈشىشى تۆۋەن نۇقتىغا يەتكەندە، كېيىنكى نەچچە باھاسىنىڭ يەنە شۇنداق سەۋىيەگە چۈشكەنلىكىگە دىققەت قىلدۇق.
ئالدىنقى ھەپتىدىن ئىلگىرى، جۈمە كۈنىدىكى ئەڭ تۆۋەن بازار يېپىلىش باھاسى 1-ئاينىڭ 22-كۈنى ھەر باكى 45.59 ئامېرىكا دوللىرى بولدى. كېيىنكى ئۈچ ھەپتىدە نېفىت باھاسى جەمئىي %16 ئۆرلىدى، ئاندىن ئاستا-ئاستا تۆۋەنلەپ ئالدىنقى ھەپتىگىچە چۈشتى، ئالدىنقى ھەپتە نيۇيورك سودا بېرژىسىدا تۆتىنچى ئايلىق خام نېفىت قەرەللىك مېلى %9.6 چۈشۈپ، ھەر باكى 44.84 ئامېرىكا دوللىرى بولدى.
بۈگۈن نېفىت باھاسىنىڭ يەنىمۇ ئىلگىرىلەپ چۈشۈشىگە ئەگىشىپ، قارىماققا 1998-يىلىدىكى ئەڭ تۆۋەن نۇقتىدىن تەركىب تاپقان تىرەك سەۋىيەسىگە چۈشىدىغاندەك قىلىدۇ. بىراق بۇرۇنقى بازار باھاسى تۆۋەن نۇقتىغا چۈشكەندىكى ئەھۋالى ئەسلەپ باقايلى.
2008-يىلىنىڭ ئاخىرىدا، غەربىي تېكساس ئوتتۇرا سۈپەتلىك نېفىت باھاسى روژدېتسىۋا بايرىمى بولىدىغان ھەپتىدە 37.71 ئامېرىكا دوللىرى بىلەن ئاخىرلاشتى، روژدېتسىۋا ھارپىسىدا 35.35 ئامېرىكا دوللىرى بىلەن يېپىلدى. ئۇ چاغدىكى ئەڭ تۆۋەن جۈمەلىك بازار يېپىلىش باھاسى ئىككى ئايغا يېقىن ۋاقىتتىن كېيىن كۆرۈلگەن بولۇپ، 37.51 ئامېرىكا دوللىرى بولدى.
2001-يىلى 11-ئايدا نېفىت باھاسى بىر ھەپتە ئىچىدە ئىككى سودا كۈنىدە %19 چۈشۈپ كېتىپ، 17.45 ئامېرىكا دوللىرى بولدى، بىراق شۇ ھەپتە 18.37 ئامېرىكا دوللىرى بىلەن بازار يېپىلدى. ئىككى ئايدىن كېيىنكى بىر جۈمەدە، نېفىت باھاسى 18.66 ئامېرىكا دوللىرى بىلەن بازار يېپىلدى.
شۇڭا مەيلى كەلگۈسى نەچچە سودا كۈنىدە نېفىت باھاسى بازار ۋاقتىدا ياكى بازار يېپىلغاندا قانچە تۆۋەنگە چۈشۈپ كەتسۇن، ئامېرىكا شەرقىي قىسىم ۋاقتى 20-مارت چۈشتىن كېيىن سائەت 2:300 دىكى باھا سەۋىيەسى ئاندىن ئەڭ مۇھىم ئەھمىيەتكە ئىگە، بۇ ۋاقىت نيۇيورك سودا بېرژىسىدا سودا ئاخىرلىشىدىغان ۋاقىت. پەقەت ۋاقتى كەلگەندە نېفىت باھاسى 45 ئامېرىكا دوللىرىدىن چۈشۈپ كەتمىسە، ئۇنداقتا يېقىنقى مەزگىلدىكى نېفىت باھاسىنىڭ ئۆزگىرىشىنى يىل بېشىدىكى تۆۋەن نۇقتىغا قارىتا بىر خىل تۆۋەن ھالەت ھاسىل قىلىش دەپ قاراشقا بولىدۇ، كېيىن نېفىت باھاسى بۇ سەۋىيەدىن مۇقىم قەدەمدە يۇقىرىلايدۇ.
ئەمما ئەگەر ۋاقتى كەلگەندە نېفىت باھاسى 43 ئامېرىكا دوللىرى ئەتراپىدىكى نۆۋەتتىكى سەۋىيەدە ياكى تېخىمۇ تۆۋەن بولسا، ئۇنداقتا نېفىت باھاسى پۇل-مۇئامىلە كىرىزىسىنىڭ ئەڭ زۇلمەتلىك دەۋرىنىڭ تەمىنى تېتىپ بېقىشى مۇمكىن.
-كېۋىن كىڭسبۇري
|