ھەدىيەمۇ ياكى قەرزمۇ؟

enjvr

ھەدىيەمۇ ياكى قەرزمۇ؟

   ئانامىنىڭ ساندۇقىدا ساقىلىنۋاتقان بىر قەغەز بار. ئۇنىڭىدا ئاكامنىڭ توي مەرىكىسىدە مىھمانلاادىن كىمنىڭ قانچىلىك پۇل -پۈچەك ئېلىىپ كەلگەنلىكى خاتىرلەنگەن . ئانام بىرەر تويغا بارماقچى بولسا،ئاۋۋال ئۇنىڭىغا قاراپ ، "ھە پالانى تويدا 50 كوي ئېلىىپ كەپتىكەن. مەن 100 كوي قىلىپ قۇياي." دىگەن خۇلاسىگە كىلىدۇ. بۈگۈنكى كۈندە ئانام تويغا بارىسىمۇ، تۇغۇت يوقلىسىمۇ،ئۈلەمگە بارسىمۇ،كىسەل يوقلىسىمۇ ..پۇل قىلىدۇ. بۇرۇنلاردا .ىككى ناننى يۆگەپ بېرىپ، تىنچىلىق، ئامانلىق سۇرايدىغان ئىشلارنىڭ ھەممىسىدە كۆڭۈلنى پۇل بىلەن ئىپادىلەيدىغان بۇلۇپ كەتتۇق. بۇرۇنقى ھەدىيەلەر بۈگۈن شەكلى ئۆزگەرگەن «قەرز»گە ئۆزگەردى. ئەمەلىيەتتە بۇ خىل ئەھۋال جەمئىيىتىمىزدە بەكلا ئومۇمىلىشىپ كەتتى. راستىنى دىگەندە، بۇ خىل ئەھۋال كىشىنىڭ كۆڭۈلىنى يېرىم قىلىدۇ. ئەمما ئەڭ مۇھىم بولىغىنى بۇ بىزنىڭ دىنىمىزدا چەكلەنگەن . چەكلىك بىلىمىم بىلەن چەكىسىز بىلىم مەنىبىي بولغان قۇرئانغا قارىغىنمىدا، مېنىڭ ئۇچىراتىقىنىم ئىككىنجى قېتىملىق ۋەھېىينىڭ مەزمۇنى بولغان "كۆپ ئېلىش نىيىتىدە بەرمە، (ينى بىر كىشىگە سوۋغا بەرسەڭ، ئۇنىڭىدىن كۆپرەك ئېلىشنى تەمە قىلىما.) 74- سۈرە مۇددەسسىر 6-ئايەت. دىمەك، بىز كىشىلىك مۇناسىۋەتنى پۇل بىلەن ئەمەس. بەلكى خالىس نىيەت بىلەن ئالاقە قىلىشقا ئۆزگەرتىشىمىز كېرەك.
    ئەھلى ئىسىلام ئىگىلىرى بولغان ئۇيغۇرلارنىڭ مۇناسىۋەت ئۆلچىمى-ئاللاھ رىزاسنى ئىزلەپ مېھىر بېرىش بۇلۇشى كېرەك.پەيغەمبىرىمىز دىدىكى:" مۆئىمنىلەر خۇددى بىر تەنگە ئۇخشايدۇ، ئۇنىڭ قايسى بىر ئەزاسى ئاغىرسا، باشقا ئەزالارمۇ تەڭ ئازاپلىنىدۇ." دىگەندەك بۇلۇشىمىز كېرەك. بىرىمىزگە خۇشاللىق كەلسە تەڭ شاتلانساق، مۇسىبەت كەلسە تەڭ قايغۇرىساق. ئۆزئارا سەۋرنى، شۈكۈرنى تەۋىسىيە قىلساق بۇلاتتى. بىرىسىگە ھەدىيە بەرسەك مەقىسەت پەقەت ئارىمىزدىكى مۇھەببەتنى چوڭقۇرلاشتۇرۇش بۇلسا ھە!كىسەل يوقىلساق ئەجىرنى ئۈمۈت قىلساق. بىر- بىرىمىزنى ئاللاھ ئۈچۈن ياخىشى كۆرىسەك....بىز باشقىلاردىن كىيىم بىلەن قىياپەت بىلەن ئەمەس بەلكى قەلىب بىلەن پەرقلەنسەك نېمەدىگەن ياخىشى ئىدى ھە!

sheydai

جەمىيەتتىكى ئورنىڭىز بەزىدە ئەشۇنداق سورۇنلاردا قويغان دەرھەملىرىڭىز بىلەن بەلگىلىنىدىغان بولۇپ كەتتى. زىيالىيلىرىمىزدىمۇ شۇ ئەھۋال، موللىلىرىمىزدىمۇ شۇ ئەھۋال.
ئىشقىلىپ ھەممىمىز بىرخىل سۈنئىي شەكىلۋازلىقنىڭ قۇلىغا ئايلانغان. مۇشۇنداق پىكىرلە مەسچىتلەردە تەكىتلىنىۋاتىدۇ، ئەمما ئۆدەككۇ سۇ يۇقمىغاندەكلا ھېچكىمگە يۇققىنى يۇقمىدى. ئىلىم سورۇنلىرىدا تەكىتلىنىۋاتىدۇ، ئەمما باشقىلار سىزنى قاتارغا ئەشۇ ھەدىيەلىرىڭىزگە قاراپ قوشۇۋاتىدۇ. بۇنىڭدىن جەمىيىتىمىزنىڭ، روھىيىتىمىزنىڭ قانچىلىك دەرىجىدە بۇزۇق ئىكەنلىگىنى كۆرۈپ يىتەلەيسىز. ئانىڭىز سىزنىڭ ۋە باشقا قېرىداشلىرىڭىز يۈز - ئابرويى ئۈچۈن ۋەسلىنى ئاپىرىشقا رازى. چۈنكى ھازىر ئانىلار شۇ قىسمەتلەرگە مەھكۈم.

        ۋىجدان بازارىدا نومۇس كاساتمىش،
        نومۇس كېرەكلەر پۇلغا ياساتمىش.
        تەبىرىچە ۋىجدانسىزنىڭ يېڭى بازارمىش،
        بۇ بازاردىن بىخەۋەرنىڭ ئورنى مازارمىش.

        
        

heniya

مەنمۇ شۇنداق ئويلايمەن ، بولۇپمۇ مەن باشقىلارغا كۆڭۈل سوۋغىسى قىلغان ۋاقتىمدا ، باشقىلار بۇنى ئۆزىگە قەرز ھىساپلىۋالمىسىكەن دەپ ئويلايمەن . ئۇنداق ئاشۇرۇپ قايتۇرۇش ياكى تەڭ نىسبەتتە قايتۇرۇش ئادەمنىڭ كۆڭلىنى غەش قىلىپ قويىدىكەن .

sheydai

heniya يوللىغان ۋاقتى  2015-3-19 19:59
مەنمۇ شۇنداق ئويلايمەن ، بولۇپمۇ مەن باشقىلارغا كۆڭۈل ...

ھازىرغىچە 136ئىنسان سىياق زىيارەتچىلەر مۇشۇ تېمىنى كۆرۈپتۇ، ئەمما ئىنكاس ئىككى. مانا بۇ جەمىيىتىمىزنىڭ ھەقىقىي كارتىنىسى. ئارتۇق گەپ ئىشەككە يۈك.

badal

ھەق گەپ ئاز بولسىمۇ قىممىتى چەكسىزدۇر، بۇ تېمىنىڭ ئېگىسى بولغان قېرىندىشىمىزغا كۆپتىن كۆپ رەخمەتلەر بولسۇن.
ئىنسانلار بىر كېمىدىكى يولۇچىغا ئوخشايدۇ، بىراۋنىڭ كېمىنى تېشىۋاتقانلىقىنى كۆرۈپمۇ ئۇنى ھېچكىم توسمىسا، ئاشۇ نادان سەۋەپلىك كېمىدىكى بارچە يولۇچى ھالاكەتكە يۈزلىنىدۇ.
قۇرۇق تالاش-تارتىش، ئۆزئارا تېپىشىشلەردىن كۆرە مۇشۇنداق ئاز-ساز تېمىلارنى يوللاپ تۇرۇش بىر قەدەر توغرا بولسا كېرەك

sultan777

جەمىيىتىمىزدە بۇنداق ئىشلار راسلا مەۋجۇت. بىز ئەرلەر بۇنداق ئىشلارغا دىققەت قىلمىغان بىلەن ئاياللار بەك دىققەت  قىلىدىكەن.
ھەدىيە دىسە تىخى، قەرىز دىسە تىخى . بۇنىڭغا نىمە دىگۈلۈك.

بانكىر

بەزى تويغا بارسام ئاياللارنى باشلايدىغان ئۆينىڭ بىشىدا بىرەر-ئىككى ئايال دەپتەر بىلەن قەلەمنى ئىلىپ، پۇل قويغان ئاياللارنى تىزىملاۋاتقانلىقىنى كۆرگەنتىم.

ئىشقىلىپ ھازىر بەزى ئاياللارغا گەپ توغرا كەلمەيدۇ.


ھازىر كۆپىنچە يىزىلاردا توي، نەزىر، خەتنە توي قاتارلىقلارنى خالىس قىلىش كۆپەيدى.
( لىكىن پولونىڭ گۆشى ئىككى تىكىلا      )
بۇ خالىس تويمۇ خىلى بوپ قويىدىكەن. ئىسراپچىلىقتىن خالى.

bandigah

ھەممە ئىشىنى پۇل بىلەن ئۆلچەش...مانا بۇبىزنىڭ قىممەت قارىشىمىز، ھارىقى جەمئيىتىمىزنىڭ قىممەت قارىشى، ئادەملەرنىڭ قىممەت قارىشى تەبئىيلا ئۈزى ياشاۋاتقان توپنىڭ ياكى جەمئىيەتنىڭ قىممەت قارىشى تەرىپىدىن بەلگىلىنىدۇ، ھەممە ئىشنى پۇل بىلەن ئۆلچىشىمىز ئەلۋەتتە بىزنىڭ پۇلنى ھەممىدىن مۇھىم بىلىدىغانلىقىمزنى بىلدۇرىدۇ.