ئەڭ كەسپىي بولغان تور سودا تەربىيىلەش سىنىپى ئېچىلدى!!!

nurmuhemmet

ئەڭ كەسپىي بولغان تور سودا تەربىيىلەش سىنىپى ئېچىلدى!!!

            ھەممىمىزگە مەلۇم  ، يېقىندىن بۇيان ئەتراپىمىزدىكى كىشىلەر ئېغىزىدىن  دائىم دىگۈدەك   «تور سودىسى» ،  «توردا مال سېتىش» ، «ئېلىكترۇن سودا» ...  دىگەندەك بىر يۈرۈش ئاتالغۇلارنى بارغانسىرى كۆپ ئاڭلايدىغان بوپ قالدۇق ۋە بىر تۈركۈم كىشىلىرىمىزمۇ بۇ ساھەگە ھەر خىل يۆنۈلۈشلەردىن خېلى ئىچكىرلەپ كىرىپمۇ بولدى . ئۇنداقتا بۈگۈنكى كۈندە شىددەت بىلەن ھەرقايسى سودا ۋە تىجارەت ساھەسىگە ئېغىر دەرىجىدە تەسىر كۆرسىتىۋاتقان جۈملىدىن رايۇنىمىز ئىقتىسادىغىمۇ بىۋاستە تەسىر كۆرسىتىۋاتقان  «ئېلكترۇن سودا» دىن ئىبارەت بۇ سودا قانداق ئېلىپ بېرىلىۋاتىدۇ؟
           «ئېلېكترۇن سودا»  يەنى تور سودىسىدىن ئىبارەت بۇ ئاتالغۇنى ئىزاھلاشتىن بۇرۇن بىز ئالدى بىلەن «ئەنئەنىۋى سودا» ئۇقۇمىنى ئەسلەپ ئۆتەيلى، «ئەنئەنىۋى سودا» شەكلى بويىچە بولغاندا مەلۇم بىر شىركەت ياكى ئورگان بىر مەھسۇلاتنى تۈركۈملەپ ئىشلەپچىقىرىپ ھەرخىل دۇكان ياكى سودا ساراي قاتارلىق ئورۇنلارغا يەتكۈزۈپ بېرىدىغان ۋە خېرىدارلارنىڭ ئۇ يەرلەرگە  بېرىپ سېتىۋىلىش ئارقىلىق سودا تاماملىنىدىغان ئۇسۇل بولۇپ بۇ خىل سودا ئۇسۇلىدا سېتىپ چىقىرىش ۋاقىت، ئورۇن ۋە مەبلەغنىڭ چەكلىمىسىگە كۆپ ئۇچرايدۇ  .  بولۇپمۇ سېتىش مىقدارىنى ۋە ئۈنۈمىنى ئاشۇرۇش ئۈچۈن زور تۈركۈمدە ئىقتىسادنى ئىلان  - تەشۋىقاتقا سەرپ قىلىدۇ  .


            ئەمدى «ئېلىكترون سودىسى»  غا كەلسەك  ، ئېنتىرنىت  ، تور ئالاقى ئىشلىرىنىڭ  شىددەت بىلەن كېڭىيىشى، قولايلىشىشىغا ئەگىشىپ بىر تۈركۈم  ئېنتىرنىت تور سۇپىلىرىدا مەھسۇلات ئىشلەپچىقارغۇچىلار ياكى مال ساتقۇچىلار رايۇن ۋە چىگرا چەكلىمىسىدىن  ھالقىپ تۇرۇپ ئۆزى بىۋاستە خېرىدارلار بىلەن ئالاقىلىشىپ مال ساتىدىغان يېڭىچە بىر سودا ئەندىزىسى شەكىللىنىشكە باشلىدى  . بۇ خىل سودا ئەندىزىدە ئىلگىركى ئىجارە ئورۇن، ئىلان تەشۋىقات  ، خىزمەتچى خادىملار مۇئاشى  ، شۇنىڭدەك يەنە نۇرغۇن ۋاقىت ۋە زېھنى كۈچلەرگە   ... سەرپ بولىدىغان تەننەرق ناھايىتى زور دەرىجىدە كېمىيدۇ  . نەتىجىدە  مەھسۇلاتلارنىڭ ئىشلەپچىقىرىلىپ بىۋاستە خېرىدارلارنىڭ قولىغا يىتىپ كەلگۈچە بولغان نۇرغۇن باسقۇچ قىسقىراپ كەتكەنلىكى سەۋەبىدىن ھەر بىر يەككە مەھسۇلاتنىڭ پارچە سېتىلىش باھاسى كۆرۈنەرلىك دەرىجىدە تۆۋەنلەيدۇ ھەمدە ئىستىمالچىلارنىڭ قوللىشىغا ئېرىشىدۇ .
         دەرھەقىقەت  ، ئېلىكترون سودىنىڭ كۈنسايىن شىددەت بىلەن كۈچىيىپ بېرىشى كونا ئەنئەنىۋى سودا بىلەن شۇغۇللانغۇچىلارغا ئېغىر تەھدىت ئېلىپ كەلدى،  چۈنكى بۇ خىل يېڭى سودا شەكلىدە خېرىدارلار ئۆزلىرىنىڭ قىممەتلىك ۋاقىتلىرىنى ئالاھىدە ئاجرىتىپ چوڭ سودا-سارايلارنى ئايلىنىپ يۈرىشىنىڭ ، يىراق يىزا-قىشلاقتىكىلەرنىڭ بولسا چوڭ شەھەرلەردىكى ئۆزى ياقتۇرغان ماللارنى ئالالماي قېلىشىدىن  ئەنسىرىشىنىڭ ھاجىتى يوق بولۇپ ، ساتقۇچى ھەم سېتىۋالغۇچىغا ھەر تەرەپتىن قولايلىقلارنى ئېلىپ كېلىدىغان بۇ خىل سودا ئەندىزىسى شۇ سەۋەپتىن ناھايىتى تىزلا تەرەققى تاپقان رايۇنلاردا ئوموملىشىپ مانا بۈگۈنگە كەلگەندە بىزنىڭ رايۇنلىرىمىزدىمۇ خېلى بىخ سۈرمەكتە.
          ئۇنداقتا بۇ خىل يېڭىچە سودا ئەندىزىسىگە نىسبەتەن سىزنىڭ تەييارلىقىڭىز قانداق  ؟! سىز ئۆزىمىزنىڭ ئۇزاق دەۋىر داۋاملىشىپ كېلىۋاتقان «ئەنئەنىۋى سودا» ئەندىزىمىزنى بۈگۈنكى يېڭىچە سودا ئەندىزىسىگە كۆچۈرۈشتە ئۆزىڭىزنىڭ قانچىلىك ئىقتىدارىڭىزنى ۋە قابىلىيتىڭىزنى جارى قىلدۇرالايسىز  ؟ ناۋادا سىز بىر سېتىپ چىقارغۇچى سودىگەر بولسىڭىز نۆۋەتتىكى كۈندىن كۈنگە  تۆۋەنلەپ كېتىۋاتقان تىجارىتىڭىزنى يۈكسەلدۈرۈشنىڭ يېڭى يوللىرىنى ئىزدەۋاتامسىز ؟ ناۋادا سىز بىر تېرىشچان ئالى مەكتەپ ئوقۇغۇچىسى بولسىڭىز ئۆز ئوقۇشىڭىزنى ئوقۇۋىتىپمۇ يېڭىچە ئىگىلىك تىكلەش يولىنى تېپىشنى ئويلاپ باقتىڭىزمۇ  ؟ ئېلېكترون سودىسى ئارقىلىق ئايلىق تاپاۋىتىڭىزنىڭ  20،000 يۈندىن ئېشىپ كېتىشىنى تەسەۋۋۇر قىلىپ  باقتىڭىزمۇ؟ ناۋادا سىز بىر ئاددى خىزمەتچى بولسىڭىز ھازىرقى خىزمەت ئورنىڭىزدىن ئايرىلىپ قېلىشتىن قىلچە ئەنسىرىمەي كۆڭۈلدىكىدەك تېرىكچىلىك يولىنى تاپالىشىڭىزغا ئىشەنچ باغلاپ باقتىڭىزمۇ؟  ...
           يۇقارقى ئارزۇلارغا يېتىش ئۈچۈن ھەرگىزمۇ  نەچچە يىل ۋاقىت ۋە زىھىن سەرپ قىلىپ مەخسۇس كومپىيۇتىر ۋە تور تېخنىكىلىرىنى ئۈگىنىشىڭىزنىڭ ھاجىتى يوق . ئەگەر سىزدە يېڭى بۇ ساھە ئارقىلىق  " چوقۇم ئۆز ئەھۋالىمنى ياخشىلايمەن  " دەيدىغان  كۈچلۈك ئىرادە بولسىلا ناھايىتى ئاز مەبلەغ ۋە قىسقا ۋاقىت ئىچىدە  بۇ ساھەدىكى  تەجىربىلىك مۇتەخەسىس ۋە كەسپىي ئۇستازلار سىزگە ئەڭ ياخشى يىتەكچى بولالايدۇ . بۇ ساھەدىكى مەخسۇس كەسپى ئورۇن  شىنجاڭ يىپەك يولى بۇلۇت تور پەن-تېخنىكا چەكلىك شىركىتى بۇ قېتىم بۇ تۈردىكى مەخسۇس مۇتەخەسسىسلەر گۇرۇپپىسى تەشكىللەپ ۋە ئىلغار ئوقۇتۇش ئەسلىھەلىرىنى  ھازىرلاپ تۇنجى قارار «يىپەك يولى تور سودىسى كەسپى تەربىيىلەش سىنىپى» نى تەسىس قىلدى  . بولۇپ ھازىر رەسمى ئوقۇغۇچى قوبۇل قىلىشنى باشلىدى!  ئىشەنچىمىز كامىل  ، بۇ قېتىمقى تەربىيلەش باسقۇچى سىزنىڭ مۇۋەپپەقىيەت قازىنىش يولىڭىزدىكى  يېڭى بىر پەللە بوپ قالغۇسى  !   
                     تەربىيىلەش پىلانىمىز ھەققىدىكى تەپسىلى ئۇچۇرلارنى تۆۋەندىكى رەسىمدىن كۆرسىڭىز بولىدۇ

   

   

karakhan07

ئۆتۈلىدىغان دەرسلەرنىڭ كونكىرىت مۇندەرجىسىنى بولسىمۇ چىقىرىپ قويماپسىلەرغۇ.

Ablikim417

تۆۋەندىكى توربەتتىن ، خەنزۇتىىنى بىلسىڭىزلا، ئېلىكتىرۇنلۇق سودىغا مۇناسىۋەتلىك ھەرقانداق دەرىسنى ھەقسىز ، توردا ئۆگىنەلەيسىز.

1. بۇ توربەت ئالى بابا نىڭ، تاۋباۋ تور ئۇنۋېرسىتى، دەرسىلەر ئاساسەن دېگىدەك ھەقسىز:

http://daxue.taobao.com/

2. بۇ شىئەن ئۇنۋېرسىتىنىڭ ،ئېلىكتىرۇنلۇق سودا توغرىسىدىكى دەرىسلىك.


西安交通大学公开课：电子商务发展之路

http://v.163.com/special/cuvocw/dianzishangwu.html

3. جۇڭشەن ئۇنۋېرسىتىنىڭ كارخانا باشقۇرۇش نەزىرىيىسى توغرىسىدىكى ھەقسىز دەرىسلىك.  ئېلىكتىرۇنلۇق دەرىسكە مۇناسىۋەتلىك قىسمىمۇ بار.

中山大学公开课：工商管理导论

http://open.163.com/special/cuvocw/gongshangguanli.html


4. تۆۋەدىكىسى بولسا، ۋاڭيى تورىدا ئۆتىلىدىغان، سېستىملىق بولغان ئېلىكتىرۇنلۇق سودىدا، تەربىيلەيدىغان دەرىس.  دەرىس پۇتۇنلەي توردا ئۆتىلىدۇ.
سىز نورمال خەنزۇ تىلى بىلسىڭىزلا ، بۇ دەرىسلەرنى ئۆگىنەلەيسىز.

باھاسى ئاران 420 يۇۋەن.

http://study.163.com/course/introduction.htm?courseId=787004

5. بۇ توربەتتىنى، سىز ئېلىكتىرۇنلۇق سودا، ئۇندىداردا سودا قىلىش، تۇر باشقۇرۇش، مالىيە باشقۇرۇش، ۋە شۇنداقلا تېخىمۇ كۆپ بولغان، سېستىمىلىق ئۆتۇلگەن دەرىسلەرنى، ھەربىر دەرىسنى نەچچە يۇز پۇل تۆلەپلا ئۆگىنەلەيسىز.

http://www.yingsheng.com/

Ablikim417

نىمىشقا مەن يازغان ھەقسىز ، بۇ خىلدىكى دەرىسلەرنى ئۆگىنەلەيسدىغان، تەۋسىيەلىك ئۇچۇرننى يۇيۋېتىسلە.؟

ئۇنداق قىلماڭلا،،  بۇلارنىڭ چىقارغان 3000  يۇۋەلىك باھا،، بۇخىل دىكى دەرىسلەرگە نىسپەتەن بەكلا قىممەت.   

ھازىر،، پۇتكۇل دۆلەت ئىچىدە، ،پەقەت بىز ئۇيغۇرلا، مۇشۇنداق، ئۆزىمىزنىڭ ئادىمىنى ئۆزىممىز ئالداپ پۇل تېپىۋاتىمىز ...  ئىگىلىك تىكلەش ،، كارخانىچى تەربىيلەش كۇرۇسلىرى،، بەكلا قىممەت.   ئەمدى بۇ كۇرۇسنىمۇ،، بۇنچىۋالا قىممەت قىلشىنىڭ نىمە ھاجىتى.

بانكىر

تور بىكەتلەردە جىڭدۇڭدىن مال سىتىۋىلىش توغرىلىقمۇ بىر بىلىم يوقكەن.

Ablikim417

بانكىر يوللىغان ۋاقتى  2015-4-1 12:43
تور بىكەتلەردە جىڭدۇڭدىن مال سىتىۋىلىش توغرىلىقمۇ بىر ...

تۆۋەندىكى بىرقانچە توربەتتە، مال سېتىۋېلىش توغرىلىق ئېنىق چۇشەدۇرۇلىش بار،:

怎样注册京东商城账号并购买商品？

http://jingyan.baidu.com/article/3aed632e7af38b701180914d.html

http://jingyan.baidu.com/article/456c463b6729310a583144fb.html

http://help.jd.com/o/help/question-61.html

barter

   توردا كۆرگەن بىلەن نەق مەيداندا سېستىمىلىق تەربىيەلەنگەن ئوخشىمايدۇ قېرىنداشلار، ئۈستىدىكى قېرىنداشلىرىمىزنىڭ ئىنكاسلىرى سەۋەبلىك بەزى تىزىملاتماقچى بولغان قېرىنداشلىرىمىزنىڭ سۇسلىشىپ قالماسلىقىنى ئۈمىت قىلىمەن. ئۆتۈلىدىغان بىلىملەر جەدۋىلىگە قارىسام نەزىرىيە ۋە ئەمەلىيەت جەھەتتىن تەڭ ئېلىپ بارىدىغاندەك قىلىدۇ، بۇ ناھايىتى تېپىلغۇسىز ياخشى پۇرسەت دەپ قارايمەن. تور سودىسى ئىشىنىمەنكى بۇنىڭدىن كىيىن سودا سەھەسىدە ئۆز كۈچىنى تېخىمۇ نامايەن قىلىدۇ. شۇڭا بۇ ساھەگە تېخىمۇ كۆپ قېرىندىشىمنىڭ ئىچكىرلەپ كىرىشىنى ئۈمىت قىلىمەن.
   ئاخىردا ئەسكەرتىدىغىنىم، تېما ئىگىسى بىلەن مىنىڭ ھېچقانداق ئالاقەم يۇق، مەن پەقەت ئۆزەمنىڭ كۆز قارىشىنى سۆزلىدىم

tomoki

Ablikim417 يوللىغان ۋاقتى  2015-4-1 10:04
تۆۋەندىكى توربەتتىن ، خەنزۇتىىنى بىلسىڭىزلا، ئېلىكتى ...

مىنىڭچە خەنزۇچە ئۇقىدىغانلار بۇنىڭغا تىزىملىتىپمۇ يۇرمەيدۇ،،ئۈگنەي دىسە نىمە تولا ماتىريال تولا...