USB چەكلەش دېتالىغا ئۇيغۇرچە قوشۇپتۇ

MSM

ئەسسالامۇ ئەلەيكۇم تورداشلار، يېقىندا بىر دېتالنى ئۇيغۇرچىلاشتۇرۇپ ئىگە تەرەپكە تىل بولىقىنى يوللاپ قويسام ئۇزۇن ئۆتمەيلا خەت قايتۇرۇپتىكەن. قارىسام دېتالغا ئىگە تەرەپتىن ئۇيغۇرچە قوشۇپتۇ. بۈگۈن شۇنى خەۋەر قىلاي دەپ.
دېتال ئىسمى: USB ئۈسكۈنىلىرىنىڭ ھوقۇقىنى چەكلەش دېتالى
Removable Access tool (Ratool)
چۈشەندۈرۈش: پروگراممىرلار ياكى كومپيۇتېر بىلەن تولا ھەپىلىشىدىغانلار ئۆزىنىڭ كومپيۇتېرىنى باشقىلارنىڭ خالىغانچە ئىشلىتىشىنى ئانچە ياقتۇرۇپ كەتمەيدىغۇ دەيمەن. بولۇپمۇ باشقىلارنىڭ ۋىروسلانغان USB ئۈسكۈنىلىرىنى كومپيۇتېرىڭىزغا چېتىپ ئىشلىتىشى سىزنى بىئارام قىلىدۇ. يا ياق دېگىلى بولمىغان. ئەمدى بۇ دېتال ئارقىلىق شۇنداق خىجىلچىلىقتىن قۇتۇلالايسىز.
تىلى: كۆپ تىللىق، ئۇيغۇر تىلىمۇ بار.
نەشرى: 1.3
ئىجرا مۇھىتى: winXP/Vista/win7/win8/win8.1 مەن win8 دا سىنىدىم.
ئىجرا ھالىتى: 32 ۋە 64 بىت، مەن 32 بىتتا سىنىدىم.
ئىقتىدارى: كومپيۇتېرنىڭ USB ئېغىزىنىڭ ھوقۇقىنى بەلگىلەش، چەكلەش ۋە ئىشلىتىدىغان چاغدا ئېچىپ ئىشلىتىش دېگەندەك.
ئىگە تەرەپ بېتى: http://www.sordum.org/8104/ratool-v1-3-removable-access-tool/
ئىشلىتىش ئۇسۇلى ۋە كەسمە يۈزى:
ئىشلىتىش ئۇسۇلى ۋە كەسمە يۈزى: يېشىل دېتال، پىرىستىن يېشىپلا ئىشلەتسىڭىز بولىدۇ. دېتالنى ئاچقاندا دەسلەپتە ئىنگلىزچە كۆرۈنىدۇ. تاللانمىلار تىزىملىكىدىن تىل تاللاشنى بېسىپ، ئاستىغىراق قارىساق ئۇيغۇر تىلى بار. شۇنى تاللاپ قويساق بولىدۇ.


ئۇيغۇرچە قىلىپ بولغاندىن كېيىن ھەر قايسى بەلگە ۋە تىزىملىككە مائۇس ئىستىرېلكىسىنى توغرىلاپ بىردەم تۇرساق چۈشەندۈرۈشى چىقىدۇ.

كۆرۈپ تۇرغان تىزىملىكتىن ماس مەشغۇلاتنى تاللاپ «ئۆزگەرتكەننى قوللىنىش» دېگەننى باسساق، USB ئېغىزىنىڭ بىز بەلگىلەپ بەرگەن ھوقۇق ئەسكەرتمىسى ۋە باشقا مەشغۇلات ئەسكەرتمىسى چىقىدۇ.

باشقا ھوقۇق بەلگىلەيدىغان مەشغۇلاتلارنى ئەسكەرتمىلەر بويىچە قىلساق بولىدۇ.
باشقا ئىقتىدار ۋە تەڭشەكلەرنى ئۆزىمىز خالىغانچە كۆرۈپ باقساق بولىدۇ.

پارول ئۆزگەرتىشكە كىرسەك سۈكۈتتىكى ھالەتتە پارول سېلىنمىغان بولىدۇ. بۇ يەردىمۇ ھەر بىر كاتەكچىگە مائوس ئىستىرىلكىسىنى ئاپارساق ئەسكەرتىش ۋە چۈشەنچىلەر چىقىدۇ.

بۇ پارول دېتالنى قوزغاتقاندا كىرگۈزىدىغان پارول، يەنى سىز USB ئېغىزىنىڭ ھوقۇقىنى بەلگىلەپ بولۇپ، باشقا بىرىنىڭ بۇ دېتالنى ئېچىپ USB ئېغىزىنىڭ ھوقۇقىنى ئۆزگەرتىۋېتىشىنى خالىمىسىڭىز، دېتالغا پارول بېكىتىپ قويسىڭىز قويسىڭىز بولىدۇ. باشقىلار پارولنى بىلمىسە دېتالنى ئاچالمايدۇ.


باشقا تاللانمىلارنى ئۆزۈڭلار كۆرۈپ باقساڭلار بولىدۇ.

بۇ يەردىن ھەر خىل USB ئۈسكۈنىلىرىنى ئايرىم چەكلەپ قويغىلى، بارلىق USB ئۈسكۈنىلىرىنىڭ زىيارەت قىلىشىنى رەت قىلغىلى ۋە ئاچقىلى بولىدۇ. يەنە USB ئۈسكۈنىلىرىنىڭ قاچىلىنىشى ۋە ئاپتوماتىك ئىجرا بولۇشىنى چەكلىگىلى بولىدۇ. يەنە چېتىلغان USB ئۈسكۈنىلىرىدىكى يوشۇرۇن ھۆججەتلەرنى كۆرسەتكىلى بولىدۇ.
ھوقۇق بەلگىلەشكە ئازراق چۈشەنچە بېرەي. سۈكۈتتىكى ھالەتتە ئوقۇش ۋە يېزىشقا بولىدۇ. بۇ ئادەتتىكى نورمال ئىشلىتىش ھالىتى شۇ. ئوقۇشقىلا بولىدۇ دېگەنلىك كومپيۇتېرغا چېتىلغان USB ئۈسكۈنىلىرى ئىچىدىكى ھۆججەتلەر نورمال ئىشلەتكىلى ۋە كومپيۇتېرغا كۆچۈرگىلى بولىدۇ. لېكىن كومپيۇتېردىن USB ئۈسكۈنىلىرىگە ھۆججەت كۆچۈرگىلى بولمايدۇ. يەنى ھوقۇقىڭىز يوق دەپ ئەسكەرتىش چىقىدۇ. نورمال ھالەتكە قايتۇرۇش ئۈچۈن دېتالنى قوزغىتىپ ئوقۇش ۋە يېزىشقا بولىدۇ دېگەن ھالەتكە ئەكەلسىڭىز بولىدۇ. USB ساقلىغۇچى ئۈسكۈنىلەرنى چەكلەش دېگەنلىك ھېچقانداق ھوقۇقى يوق دېگەنلىك، USB ئۈسكۈنىلىرىنى چاتسىڭىزمۇ جىمجىت تۇرىدۇ. چەكلەپ قويغىنىڭىزنى بىلمەيدىغان بىرى يا USB ئۈسكۈنەمدىن چاتاق چىقتى ياكى كومپيۇتېرنىڭ USB ئېغىزى چاتاقكەن دەپ ئويلايدۇ.
ياردەم تىزىملىكىنى چەكسەك مۇناسىۋەتلىك ياردەم، ئىگە تەرەپ بېتى ۋە دېتالنىڭ باشقا ئۇچۇرلىرىغا ئېرىشەلەيمىز.

قالغان جايلىرىنى ئۇيغۇرچە بولغاندىكىن كۆپ چۈشەندۈرمىسەممۇ بولار.
سىغىمى: 428 kb
قوشۇمچە: كومپيۇتېرىڭىزغا يۇنىكود خەت نۇسخىلىرى قاچىلانغان بولسۇن.
چۈشۈرۈش ئادرېسى:
ئىگە تەرەپتىن چۈشۈرۈشىڭىزنى تەۋسىيە قىلىمەن.
http://www.sordum.org/8104/ratool-v1-3-removable-access-tool/
مۇشۇ بەتكە كىرىپ ئاستىغىراق سۈرسىڭىز ئۈستىدىكى رەسىمدە كۆرسەتكەندەك download (چۈشۈرۈش) دەپ بىر كۇنۇپكا بار. شۇنى باسسىڭىز چۈشىدۇ.

ئىگە تەرەپتىن بىۋاستە چۈشۈرۈش ئادرېسى:
http://www.sordum.org/dns_jumper/downloads36.php
زاپاس ئادرېس:
سومكام: http://www.somkam.com/37f
باشقا تور دىسكا: http://vdisk.weibo.com/s/t7S2hBsZRQ8e4
قەيەردىن نورمال چۈشسە شۇ يەردىن چۈشۈرۈڭ.
ئەسكەرتىش: تېمىنى تەپسىلىي ئوقۇپ مەشغۇلات قىلىڭ. چالا ئوقۇپلا ياكى ئوقۇمايلا مەشغۇلات قىلىپ يولۇققان مەسىلىگە مەزكۇر تور بەت ۋە مەن ئېگە ئەمەس.
ئەسكەرتىش: مەزكۇر دېتال پەقەت شەخسنىڭ قىزىقىشىغا ئاساسەن ئۇيغۇرچىلاشتۇرۇلدى ۋە ھەقسىز تارقىتىلدى، مەنبەسىنى ئەسكەرتكەن ھالدا تارقاتسىڭىز بولىدۇ، لېكىن ھەقلىق تارقىتىدىغان، مۇنبەر تەڭگىسىگە ساتىدىغان، ئىنكاسقا ساتىدىغان ئىشنى قىلماڭ.

ahkiqa

ئۇيغۇرچە قۇشۇلغىنى ياخشى بوپتۇ.. لىكىن مەن ئىشلەتمەيدىغان دىتالكەن ....

Ataman2009

رەھمەت،ياخشى ئىشتىن بىرنى قىپسىز.

isimtugaptu

ئەجرىڭىز يەردە قالمىغاي،قانچىلىك ۋاقىتتا پۈتتۈرگىنىڭىزنى بىلمەيمەن لېكىن مەنچە بولغاندا خېلى زېھىن ۋە ۋاقىت سەرپ قىلىدىغان ئىشنى پۈتتۈرۈپ چىقىپسىز،تېخىمۇ ئىلگىرلىشىڭىڭىزگە تىلەكداشمەن،ئۇيغۇرچە بويىچە ئىشلىتىپ قالغان قېرىنداشلار بىلسە چوقۇم تەشەككۈر بىلدۈرىدۇ.

iltebir107

بەكلا ياخشى بوپتۇ.ئىشلتىدىغان قېرىنداشلار ئۈچۈن تېخىمۇ چۈشىنىشىلىك بوپتۇ.

Xaxku

بەزىلەرنىڭ قولىدىن تۈزۈك ئىش كەلمەي ، بىكارچىلىقتا يېزىقىمىزنى ئاندىغەي ماندىغەي دەپ ياراتماي يۈرۈەتتى ، مانا بىر ئوبدان پايدىلانغىلى بولىدىكەنغۇ .  ئاشۇ ياراتماي يۈرگەنلە يامان يىرى بىر ئىشنى قاملاشتۇرالمايدۇدە .

rage

رەخمەت ياخشى ئىشتىن بىرنى قىپسىز.

izqi1991

بىزنىڭ كۆمپىيوتۇرنىڭ ئالدى usb ئىغىزىنىڭ پەقەت بىرىلا ئىشلەياۇ ، ئىككىسىنى تەڭ چاتسام بىرسىنىلا تونۇيدۇ ، تەڭ ئىشلەتكىلى بولمايدۇ. بۇ نىمە سەۋەبتىن ؟ قانداق ئوڭشايمىز