ئىككى ئەدىب بىلەن باغداشتا سۆزلىشىش

bagdax

ئەسسىلامۇ ئەلەيكۇم ،كۆپچىلىك :

     مىللەتنىڭ ئاقارتىش ئىشلىرى ئۈچۈن يۈرەك قېنىنى سەرپ قىلىۋاتقان ئوت يۈرەك ئەزىمەتلىرىمىزدىن يالقۇن روزى ۋە زۇلپىقار باراتنى چۆرىدىگەن ھالدا ئېلىپ بېرىلىۋاتقان مۇنازىرە داۋاملىشۋاتىدۇ. كەڭ تورداشلارنىڭ بۇ مۇنازىرىگە قاتنىشىش قىزغىنلىقى ھەقىقەتەن يوقىرى، بىزگە شۇ ھەقىقەت ئېنىقكى بىز ئوڭ قولىمىزنى دەپ سول قولىمىزدىن كېچەلمەيمىز ،ھەتتاكى بىر بارمىقىمىزدىنمۇ كېچەلمەيمىز .دىمەك مەيلى يالقۇن روزى ياكى زۇلپىقار بارات ئۆزباش بولسۇن بىز زور ئۈمىدلەر بىلەن تەلمۈرۋاتقان ھوسۇللۇق زىيالىيلىرىمىز.شۇنداقلا مۇنبەردىكى ھەربىر قېرىندىشىمىزمۇ بىز ئۈچۈن ئالەمچە ئۈمىدلەر مۇجەسسەملەنگەن ياشلىرىمىزدۇر .

   دۇنيا تەرەققىياتى كۆپ قىرلىق ،رەڭدارلىق ۋە ئوخشىمىغان پىكىر-مۇلاھىزىلەرنىڭ چېقىنلىرىدىن چىققان ئۇچقۇنلار بىلەن يېڭى-يېڭى مەنزىللەرنى ئىزدەپ كەلمەكتە.

ئۇيغۇر تارىخىمۇ ئەلۋەتتە بۇ خىل تەرەققىيات ئەندىزىسدىن مۇستەسنا ئەمەس.

بىزدە زىددىيەت يوق،بىزدە مەنپەئەت توقۇنىشى يوق.

بىزدە ئورتاق نىشان بار،بىزدە ئوخشىمىغان ئۇسۇلدىكى تىرىشچانلىقلار بار.

بۇ ئورتاق نىشان ھەممىمىزنىڭ ھەقىقىي مەنپەئەتىدۇر.

بۇنىڭ ئۈچۈن ئېلىپ بېرىلغان مۇنازىرە ۋە مەسلىھەت بىز ئۈچۈن تېپىلغۇسىز بايلىقتۇر. بىز بۇ مۇنازىرىلەرنىڭ ھەقىقەتەن بىزنىڭ بايلىقىمىز ئىكەنلىكىنى تونۇپ يېتىشىمىز ۋە بۇ مۇنازىرە كەيپىياتىنى قوغدىشىمىز كېرەك. شۇڭا تورداشلارنىڭ ئىككى مۆھتىرەم ئوتتۇرسىدىكى پىكىر ئالماشتۇرۇشنى ، قانداقتۇر شەخسىي مەنپەئەت توقۇنىشىغا ئايلاندۇرۇپ قويماسلىقىنى ئۈمىد قىلىمىز.

باغداش تورى بۇ خىل ئىجابىيلىققا ۋە ھاياتىي كۈچكە تولغان پىكىر تەلقىنلىرىدىن تېخىمۇ زور نەتىجىلەرنىڭ كېلىپ چىقىشىغا ئۈمىدۋار. بۇ ئىككى زىيالىيىمىزنىڭ مۇنازىرىسىدىن يېڭى-يېڭى بىلىملەرگە ئىنتىزار. بۇ ئىككەيلەن ئۈچۈن باغداش تورىنىڭ نەق مەيدان زىيارەت زالى ھازىرلاندى.

بۇ بىر مەيدان سۆھبەتنىڭ روياپقا چىقىش ياكى چىقماسلىقى ئىككى ئەدىپنىڭ دادىللىقىغا قالدى .

    ھۆرمەت بىلەن :باغداش تور بېكىتى

9bulaq

ما ئۇسۇل ماڭا قايماقتەك ياقتى ، دېمىسىمۇ مۇشۇنداق قىلدىغان يېرىگە كەلگەن.يالقۇنكام بىر يەردە ، زۇلپىقاركام بىر يەردە ، پەقەت مۇنازىرە مۇنازىرىدەك بولمىغان ، گەپ يۈزدە ئۇسۇل تۈزدە دەپ ، مۇنازىرە  يۈزتۇرانە بولغىنىغا يەتمەيدۇ . بۇرۇنلا مۇشۇنداق بۇلۇشى كېرەك ئىدى ئەسلى ، مېنىڭچە ھازىرمۇ كېچىكمەيدۇ ، مېنىڭچە بۇ ئىش ئەمەلگە ئاشمايدىغاندەكلاڭ ،بىرخىل تۇيغۇ بار مەندە ، ئەئەر ئۇ ئىككەيلەن دادىللىق بىلەن بۇ سۆھبەتنى قۇبۇل قىلمىسا ، ئۇ ئىككەيلەننىڭ كەينىدىن گەپ سۆز قۇرىمايدۇ ، ھېلىمۇ ئاز بۇلۇنمىدى،

turkan0997

ئىنتايىن ياخشى ئىش بۇلۇپتۇ ،
ئىككى ئۇستازنىڭ ئىلمى مۇنازىرە ئېلىپ بېرىشىغا تىلەكداشمەن .

sahraogle0999

ئىككى زىيالىمىزنىڭ باغداش مۇنبىرىدە ئىلمي دوستانە يوسۇندا سۆھبەت ئىلىپ بىرىشىغا تەقەزالىق بىلەن ئىنتىزاربىز .

ohuztigin

ئەسسالامۇئەلەيكۇم !ناھايىتى ياخشى بولۇپتۇ.
ئىلتىماس:توردا كىشىلىك ئىززەت–ھۆرمەتىگە دەخلى تەرز قىلىدىغان،پۈچەك ئىنكاس يازىدىغان،پەقەت ئىككى مۇنبەر تىللاسى ئۈچۈنلا سورۇننى  قالايمىقان قىلىدىغان....... ئەخلەتلەرنى ۋاقتىدا تازىلىشىڭلارنى،تور يازارمەنلەرىنى رىغبەتلەندۈرۈش،قوللاش، سەھىپە مەزمۇنىنى سەرخىل قىلىشقا كۈچ چىقىرىشىڭلارنى ئۈمۈد قىلىمەن،مەنمۇ يېرىم يىلدىن ئاشتى بىرەر ئەسەر يازمىدىم ،قوللاش ئورنىغا پىتنە–فاساد ،تەپرىقەچىلىك قىلغانلارغا سورۇننى تاشلاپ بەرگەنمەن،مۇنبەردىن رايىم كەتتى دېسەممۇ بولىدۇ،بىز باشقالارنىڭ تىل–دەشناملىرىنى ئاڭلاشقا ئەمەس رىغبەتلەندۈرۈش قوللىشىغا موھتاجمىز،ئەسەر يېزىش ۋە تەرجىمە قىلىش ۋەزىپەمىزمۇ يوق،پەقەت ئانا تىل مۇنبەرلەرىنى قوللاش ئۈچۈنلا يازىمىز،تەرجىمە قىلىپ يوللايمىز،بۇ ھەممە ئادەمنىڭ قولىدىن كەلمەيدۇ،يازالايدىغان يازارمەنلا يازالايدۇ ،قولىدىن ھېچ ئىش كەلمەيدىغان شەرفسىز غاجاقچىلار پەقەت 2 مۇنبەر تىللاسىنى دەپلا ئىنكاس يازىدۇ،ئىتتىفاقسىزلىق............. قىلىدۇ،خالاس!

putin

باغداش تورىنىڭ تىرىشچانلىقىغا رەھمەت .

padiqi2

بۇ بىر ياخشى ئىشكەنغۇ...

intilix

بۇ يەردە ئىككى ئەدىب بىلەن كىم سۆزلىشىدۇ؟ ئىككى ئەدىب ئۆزئارا مۇنازىرە قىلىشامدۇ ياكى ئەدىبلەر بىلەن سۆزلىشىش ئىلىپ بىرىلامدۇ؟
تىخى بۇ ئىككى ئەدىبنىڭ ( تىما مەزمۇنى بۇيىچە شۇنداق ئالايلى) بىرى مۇنازىرىنى قوبۇل قىلماستىن سورۇن ھازىرلاشتىكى مەقسەت يالقۇن روزىنى بۇ مۇنازىرىگە زورلاپ ئىلىپ كىرىشمۇ؟  ياكى بۇ ئارقىلىق باشقا مەقسەتكە يىتىشمۇ؟