|
ﻣﻪﻣﻪﺕ ﺋﺎﯞﺍﻕ ﮬﻪﻗﻘﯩﺪﻩ ﭘﺎﺭﺍﯓ (2) ﺋﺎﺑﺪﯗﺭﯦﮭﯩﻢ ﺋﺎﺑﻠﻪﺗﺨﺎﻥ
ﺑﻪﺯﯨﻠﻪﺭ ﺋﻪﻟﻰ ﺳﺎﭘﺎ ﺑﺎﻳﻨﻰ ﻣﯩﻠﻠﻰ ﻛﺎﺭﺧﺎﻧﯩﭽﻰ ﺩﻩﻳﺪﯨﻜﻪﻥ. ﺑﻪﺯﯨﻠﻪﺭ ﺋﯘﻧﻰ ﺑﯩﺮ ﭘﯘﺭﺳﻪﺗﭙﻪﺭﻩﺱ ﺩﻩﻳﺪﯨﻜﻪﻥ. ﺑﺎﺷﻘﯩﻼﺭ ﻧﯩﻤﯩﻼ ﺩﯨﻤﯩﺴﯘﻥ ﮬﯚﻛﯜﻣﻪﺗﻨﯩﯔ ﺩﻩﭘﺘﯩﺮﯨﺪﻩ "ﺋﻪﻟﻰ ﺳﺎﭘﺎ ﺑﺎﻱ - ﺋﯘﺭﯗﺵ ﻗﻪﮬﺮﯨﻤﺎﻧﻰ" ﺩﻩﭖ ﻳﯧﺰﯨﻠﻐﺎﻥ ﺋﯩﻜﻪﻥ.
ﻛﻮﻧﯩﻼﺭﻧﯩﯔ ﺩﯨﻴﯩﺸﯩﭽﻪ ﺋﻪﻟﻰ ﺳﺎﭘﺎ ﺑﺎﻱ ﻣﯩﻠﻠﻰ ﺋﺎﺯﺍﺗﻠﯩﻖ ﺋﯘﺭﯗﺷﻰ ﺩﻩﯞﺭﯨﺪﻩ ﺗﻮﺭﯗﺱ ﺗﺎﻏﻠﯩﺮﯨﻐﺎ ﭼﯩﻘﯩﭗ ﺋﺎﺯﺍﺗﻠﯩﻖ ﮬﻪﺭﻛﻪﺗﻠﯩﺮﻯ ﺑﯩﻠﻪﻥ ﺷﯘﻏﯘﻟﻼﻧﻐﺎﻥ ﺋﯩﻜﻪﻥ. ﺋﯩﺴﻤﻰ ﻛﻮﻧﺎ ﻗﻪﮬﺮﯨﻤﺎﻧﻼﺭﻧﯩﯔ ﺋﯩﺴﻤﯩﺪﻩﻙ ﮬﻪﻳﯟﻩﺗﻠﯩﻚ ﺑﯩﻠﯩﻨﻤﯩﮕﻪﻧﻤﯘ ﻛﯧﻴﯩﻦ ﺋﯚﺯﯨﻨﻰ "ﺗﺎﻳﭙﯘﻧﺒﺎﻱ" ﺩﻩﭖ ﺋﺎﺗﺎﭘﺘﯘ. ﻓﯩﺮﺍﻧﺴﯘﺯ ﺗﺎﺟﺎﯞﯗﺯﭼﯩﻠﯩﺮﻯ ﺷﻪﮬﻪﺭ-ﻳﯧﺰﯨﻼﺭﻧﻰ ﺑﯘﻻﭖ ﻳﯜﺭﮔﻪﻧﺪﻩ ﺑﯩﺰﻧﯩﯔ ﺑﯘ ﺗﺎﻳﭙﯘﻧﺒﺎﻱ ﻓﯩﺮﺍﻧﺴﯘﺯﻻﺭﻧﻰ ﺋﯩﺰﺩﻩﭖ ﺑﺎﺭﻣﺎﭘﺘﯘ. ﻓﯩﺮﺍﻧﺴﯘﺯﻻﺭﻣﯘ ﺑﯘ ﺗﺎﻳﭙﯘﻥ ﺑﺎﻳﻨﻰ ﺋﯩﺰﺩﻩﭖ ﺗﺎﻏﻼﺭﻏﺎ ﭼﯩﻘﻤﺎﭘﺘﯘ. ﭼﯜﻧﻜﻰ ﻓﯩﺮﺍﻧﺴﯘﺯﻻﺭ ﺋﯚﺯﯨﮕﻪ ﺯﯨﻴﺎﻥ ﻳﻪﺗﻜﯜﺯﻣﯩﮕﻪﻥ ﺋﺎﺩﻩﻣﻨﻰ ﺩﯛﺷﻤﻪﻥ ﮬﯩﺴﺎﭘﻠﯩﻤﺎﻳﺪﯨﻜﻪﻥ. ﻣﺎﻧﺎ ﺷﯘﻧﺪﺍﻕ ﻗﯩﻠﯩﭗ ﺋﻪﻟﻰ ﺳﺎﭘﺎ ﺑﺎﻱ (ﺗﺎﻳﭙﯘﻧﺒﺎﻱ) ﺗﯜﺭﻙ ﻣﯩﻠﻠﯩﺘﯩﻨﯩﯔ ﺋﺎﺯﺍﺗﻠﯩﻘﻰ ﺋﯜﭼﯜﻥ ﻗﯩﻠﻐﺎﻥ ﻛﯜﺭﻩﺷﻠﯩﺮﯨﻨﻰ ﺑﯩﺮﻣﯘ ﺩﯛﺷﻤﻪﻥ ﺑﯩﻠﻪﻥ ﺋﯘﭼﯩﺮﯨﺸﯩﭗ ﻗﺎﻟﻤﺎﻱ ﺑﯩﺨﻪﺗﻪﺭ ﺩﺍﯞﺍﻣﻼﺷﺘﯘﺭﯗﭘﺘﯘ. ﻣﻪﻣﻠﯩﻜﻪﺕ ﺋﺎﺯﺍﺕ ﺑﻮﻟﯘﭖ ﻳﯧﯖﻰ ﺗﯜﺭﻙ ﺟﯘﻣﮭﯘﺭﯨﻴﯩﺘﻰ ﻗﯘﺭﯗﻟﻐﺎﻧﺪﯨﻦ ﻛﯧﻴﯩﻦ ﺳﯧﺮﯨﻖ ﺑﺎﺵ(ﻣﯘﺳﺘﺎﭘﺎ ﻛﺎﻣﺎﻝ)ﻧﯩﯔ ﺋﺎﺩﻩﻣﻠﯩﺮﻯ ﺋﯘﻧﯩﯖﻤﯘ ﭼﻪﺗﺌﻪﻝ ﺗﺎﺟﺎﯞﯗﺯﭼﯩﻠﯩﺮﯨﻐﺎ ﻗﺎﺭﺷﻰ ﺟﻪﯕﭽﻰ ﺋﯩﻜﻪﻧﻠﯩﻜﯩﻨﻰ ﺋﺎﯕﻼﭘﺘﯘ ﮬﻪﻣﺪﻩ ﺗﯜﺭﻙ ﻣﯩﻠﻠﯩﺘﻰ ﻧﺎﻣﯩﺪﯨﻦ ﺗﻪﺷﻪﻛﻜﯜﺭ ﺑﯩﻠﺪﯛﺭﯛﭖ ﻣﯧﺪﺍﻝ ﺑﯩﻠﻪﻥ ﺗﻪﻏﺪﯨﺮﻟﻪﭘﺘﯘ.
ﺋﻪﻟﻰ ﺳﺎﭘﺎ ﺑﺎﻱ ﺷﻪﮬﻪﺭ ﺗﯘﺭﻣﯘﺷﯩﻐﺎ ﻛﯚﻧﻪﻟﻤﻪﻳﺪﯨﻜﻪﻥ. ﻳﯧﺰﺍ-ﺳﻪﮬﺮﺍ ﺗﯘﺭﻣﯘﺷﻰ ﻳﺎﻗﯩﺪﯨﻜﻪﻥ. ﺷﯘﯕﺎ ﯞﻩﺗﻪﻥ ﻗﻮﻏﺪﺍﺵ ﺋﯘﺭﯗﺷﯩﺪﯨﻦ ﻛﯧﻴﯩﻦ ﺋﺎﻧﺎﯞﺍﺭﺯﺍﻏﺎ ﻳﻮﺗﻜﯩﻠﯩﭗ ﺭﺍﻳﻮﻥ ﺑﺎﺷﻠﯩﻐﻰ ﺑﻮﭘﺘﯘ. ﺋﯘ ﻳﯧﯖﻰ ﻛﻪﻟﮕﻪﻧﺪﻩ ﺑﯩﺮ ﻏﯧﺮﯨﭽﻤﯘ ﻳﯧﺮﻯ ﻳﻮﻕ ﺋﯩﻜﻪﻥ. ﺋﯘ ﺗﯩﺮﯨﺸﯩﭙﺘﯘ. ﻗﺎﻧﺪﺍﻕ ﻗﯩﻠﯩﭗ ﺋﺎﺯﺍﺗﻠﯩﻖ ﻗﻪﮬﺮﯨﻤﺎﻧﻰ ﺑﻮﻟﻐﺎﻥ ﺑﻮﻟﺴﺎ ﻳﻪﻧﻪ ﺷﯘﻧﺪﺍﻕ ﻗﯩﻠﯩﭗ ﻳﻪﺭ ﺋﯩﮕﯩﺴﻰ ﺑﻮﭘﺘﯘ. ﻧﯘﺭﻏﯘﻥ ﻳﻪﺭﮔﻪ ﺋﯩﮕﻪ ﺑﻮﭘﺘﯘ. ﮬﻪﻣﻤﻪ ﺋﺎﺩﻩﻣﻨﯩﯔ ﺧﯘﻣﺎﺭﻯ ﺑﻮﻟﯩﺪﯗ. ﺗﺎﻣﺎﻛﺎ ﺧﯘﻣﺎﺭﻯ ﻛﻪﭘﺘﻪﺭ ﺧﯘﻣﺎﺭﻯ ﺋﺎﻳﺎﻝ ﺧﯘﻣﺎﺭﻯ ﺋﯩﺖ ﺧﯘﻣﺎﺭﻯ ﻛﯩﺘﺎﭖ ﺧﯘﻣﺎﺭﻯ ...ﺩﯨﮕﻪﻧﺪﻩﻙ. ﺋﻪﻟﻰ ﺳﺎﭘﺎ ﺑﺎﻱ ﺧﯘﻣﺎﺭﻻﺭﻧﯩﯔ ﺋﯩﭽﯩﺪﻩ ﻳﻪﺭ ﺧﯘﻣﺎﺭﯨﻨﻰ ﮬﯧﭽﻘﺎﻳﺴﯩﺴﻰ ﺑﯩﻠﻪﻥ ﺗﻪﯓ ﻗﯩﻠﻤﺎﻳﺪﯨﻜﻪﻥ. ﺋﺎﻧﺎﯞﺍﺭﺯﺍﺩﺍ ﮬﯧﭽﻜﯩﻤﻨﯩﯔ ﮬﻪﺗﺘﺎ ﺋﻮﻥ ﺋﻪﯞﻻﺕ ﻳﻪﺭ ﺗﯧﺮﯨﻐﺎﻥ ﺩﯨﺨﺎﻧﻨﯩﯖﻤﯘ ﺋﻪﻟﻰ ﺳﺎﭘﺎﻧﯩﯖﻜﯩﺪﻩﻙ ﻳﻪﺭ ﺧﯘﻣﺎﺭﻯ ﻳﻮﻕ ﺋﯩﻜﻪﻥ. ﺑﯩﭙﺎﻳﺎﻥ ﺗﯜﺭﻙ ﺯﯨﻤﯩﻨﻰ ﺋﺎﺭﯨﺴﯩﺪﺍ ﺋﺎﻧﺎﯞﺍﺭﺯﺍﻧﯩﯔ ﻳﯧﺮﻯ ﺋﻪﯓ ﻳﺎﺧﺸﯩﻜﻪﻥ. ﺋﻪﻟﻰ ﺳﺎﭘﺎ ﺑﺎﻱ ﺑﯘﻧﻰ ﺑﯩﻠﯩﺪﯨﻜﻪﻥ. ﺑﯘ ﺯﯨﻤﯩﻦ ﻛﯚﻳﮕﯜﺩﻩﻙ ﺳﯚﻳﮕﯜﺩﻩﻙ ﺯﯨﻤﯩﻨﻜﻪﻥ.
ﺋﻪﻟﻰ ﺳﺎﭘﺎ ﺑﺎﻱ ﺩﺍﯞﺍﻣﻠﯩﻖ "ﺋﺎﺩﻩﻡ ﻛﯜﺭﻩﺵ ﺋﯩﭽﯩﺪﻩ ﻳﺎﺷﯩﺸﻰ ﻛﯧﺮﻩﻙ " ﺩﻩﻳﺪﯨﻜﻪﻥ. ﺋﯘ "ﻛﯜﺭﻩﺷﻠﻪﺭﻧﯩﯔ ﺋﻪﯓ ﻳﺎﺧﺸﯩﺴﻰ ﻳﻪﺭ ﺋﯜﭼﯜﻥ ﻗﯩﻠﻐﺎﻥ ﻛﯜﺭﻩﺵ. ﺑﯘ ﻛﯜﺭﻩﺵ ﻣﯘﻗﻪﺩﺩﻩﺳﺘﯘﺭ " ﺩﻩﻳﺪﯨﻜﻪﻥ. ﯞﺍﻗﯩﺖ ﺋﯚﺗﻜﻪﻧﭽﻪ ﺋﯘﻧﯩﯔ ﻛﯜﺭﻩﺷﻠﯩﺮﻯ ﺑﺎﺭﺍ-ﺑﺎﺭﺍ ﺗﻪﺳﻠﻪﭖ ﻛﯧﺘﯩﭙﺘﯘ. ﺋﯩﻠﮕﯩﺮﻛﯩﺪﻩﻙ ﺑﻪﺵ ﻛﯩﻠﻮ ﺗﯘﺯﻏﺎ ﻳﺎﻛﻰ ﺑﯩﺮ ﺋﯚﭼﻜﯩﮕﻪ ﺑﯩﺮ ﺋﯩﺸﻪﻛﻜﻪ ﺑﯩﺮ ﭘﺎﺭﭼﻪ ﻳﻪﺭﻧﻰ ﺗﯧﮕﯩﺸﯩﯟﺍﻟﯩﺪﯨﻐﺎﻥ ﺩﻩﯞﺭﻟﻪﺭ ﻛﻪﻟﻤﻪﺳﻜﻪ ﻛﯧﺘﯩﭙﺘﯘ. ﺋﯘ ﭼﺎﻏﻼﺭﺩﺍ ﻳﯩﮕﯩﺮﻣﻪ ﻣﯩﯔ ﻛﻮﻳﻐﺎ ﺑﯩﺮ ﻳﯧﺰﯨﻨﻰ ﻳﯧﺰﯨﻨﯩﯔ ﻳﻪﺭﻟﯩﺮﯨﻨﻰ ﺳﯘﻟﯩﺮﯨﻨﻰ ﺳﯧﺘﯩﯟﺍﻟﻐﯩﻠﻰ ﺑﻮﻟﯩﺪﯨﻜﻪﻥ. ﭘﯜﺗﯜﻧﻠﻪﻱ ﺳﯧﺘﯩﯟﺍﻟﻐﯩﻠﻰ ﺑﻮﻟﯩﺪﯨﻜﻪﻥ. ﺋﻪﻣﻤﺎ ﮬﺎﺯﯨﺮﭼﯘ ﮬﺎﺯﯨﺮ ﺩﯨﺨﺎﻧﻼﺭﻧﯩﯔ ﻛﯚﺯﻯ ﺋﯧﭽﯩﻠﯩﭗ ﻗﺎﭘﺘﯘ. ﺋﻪﻟﻰ ﺳﺎﭘﺎﻧﯩﯔ ﻳﻪﺭ ﺋﯜﭼﯜﻥ ﻗﯩﻠﻐﺎﻥ ﻛﯜﺭﻩﺷﻠﯩﺮﻯ ﻳﻪﺭﻧﯩﯔ ﻗﯩﻤﻤﯩﺘﯩﻨﻰ ﺋﯘﻻﺭﻏﺎ ﺑﯩﻠﺪﯛﺭﯛﭖ ﻗﻮﻳﯘﭘﺘﯘ. ﺑﯩﺮﺍﻕ ﻛﯧﺮﻩﻙ ﻳﻮﻕ. ﻛﯜﺭﻩﺵ ﻛﻪﺳﻜﯩﻨﻠﻪﺷﺴﻪ ﺋﺎﻧﺪﯨﻦ ﺋﺎﺩﻩﻣﮕﻪ ﻟﻪﺯﺯﻩﺕ ﺑﯧﻐﯩﺸﻼﻳﺪﯨﻜﻪﻥ.
ﺋﻪﻟﻰ ﺳﺎﭘﺎ ﺑﺎﻳﻨﯩﯔ ﺧﺎﻧﯩﻤﯩﻤﯘ ﭼﯩﺪﺍﭘﺘﯘ. ﺋﯩﺴﺘﺎﻧﺒﻮﻝ ﺋﻪﻧﻘﻪﺭﻩﺩﯨﻜﻰ ﺯﺍﻣﺎﻧﯩﯟﻯ ﺗﯘﺭﻣﯘﺷﻘﺎ ﻳﺎﺭﺍﻟﻐﺎﻥ ﻣﻪﻟﯩﺨﻪ ﺧﯧﻨﯩﻤﻨﯩﯔ ﺋﺎﭘﭙﺎﻕ ﭘﺎﭼﺎﻗﻠﯩﺮﯨﻨﻰ ﭘﺎﺷﺎ-ﻛﯜﻣﯩﺘﯩﻠﻪﺭ ﭼﯧﻘﯩﭗ ﮬﯜﺭﺭﻩﻙ ﻗﯩﻠﯩﯟﯦﺘﯩﭙﺘﯘ. ﻳﻮﺗﯩﻠﯩﺮﯨﻐﯩﭽﻪ ﭼﯧﻘﯩﭗ ﻳﺎﺭﺍ ﻗﯩﻠﯩﯟﯦﺘﯩﭙﺘﯘ. ﮬﻪﻣﻤﻪ ﻳﯧﺮﯨﻨﻰ ﭼﯧﻘﯩﭗ ﺑﻮﭘﺘﯘ. ﺑﯩﺮﺍﻕ ﭼﯩﺪﺍﭘﺘﯘ. ﺑﺎﻱ ﺩﺍﺩﯨﺴﯩﻨﯩﯔ ﭼﻮﯓ ﺷﻪﮬﻪﺭﮔﻪ ﻛﯚﻧﮕﻪﻥ ﺋﺎﺭﺯﯗﻟﯘﻕ ﻗﯩﺰﻯ ﻛﯜﻧﺪﻩ ﺋﯜﺳﺘﻰ-ﺑﯧﺸﻰ ﭘﺎﺳﻜﯩﻨﺎ ﺩﯨﺨﺎﻧﻼﺭﻏﺎ ﭼﯩﺮﺍﻳﻠﯩﻖ ﻛﯚﺯﻟﯩﺮﻯ ﺑﯩﻠﻪﻥ ﻗﺎﺭﺍﺷﻘﺎ ﻣﻪﺟﺒﯘﺭ ﺑﻮﻟﯩﺪﯨﻜﻪﻥ. ﺋﯩﺴﯩﺖ ! ﺷﻪﮬﻪﺭﮔﻪ ﻳﺎﺭﺍﻟﻐﺎﻥ ﺷﯘ ﻛﯚﺯﻟﻪﺭ. ﺗﯧﺨﻰ ﺳﺎﯞﺍﺗﺴﯩﺰﻻﺭﻧﯩﯔ ﺳﺎﻻﻣﻠﯩﺮﯨﻐﺎ ﺳﺎﻻﻡ ﻗﺎﻳﺘﯘﺭﯨﺪﯨﻜﻪﻥ. ﺋﻮﻗﯘﻏﺎﻥ ﻳﯘﻗﯘﺭﻯ ﻣﻪﻟﯘﻣﺎﺗﻠﯩﻖ ﻣﻪﻟﯩﺨﻪ ﺧﯧﻨﯩﻤﻨﯩﯔ ﻛﯜﻧﯩﻤﯘ ﺑﯘ ! ﺋﻪﻣﻤﺎ ﺋﯘ ﭼﯩﺪﺍﭘﺘﯘ. ﺋﯧﺮﯨﻨﯩﯔ ﻣﯘﻗﻪﺩﺩﻩﺱ ﻛﯜﺭﻩﺷﻠﯩﺮﻯ ﺋﯜﭼﯜﻥ ﭼﯩﺪﺍﭘﺘﯘ.
ﺋﻪﻟﻰ ﺳﺎﭘﺎ ﺑﺎﻱ ﻛﯜﺭﻩﺷﻨﻰ ﺩﻩﺳﻠﻪﭖ ﯞﺍﻱ ﯞﺍﻱ ﻳﯧﺰﯨﺴﯩﺪﯨﻦ ﺑﺎﺷﻼﭘﺘﯘ. ﭼﯜﻧﻜﻰ ﯞﺍﻱ ﯞﺍﻱ ﻳﯧﺰﯨﺴﻰ ﺑﺎﺷﻘﺎ ﻳﯧﺰﯨﻼﺭﺩﯨﻦ ﭼﻮﯕﺮﺍﻗﻜﻪﻥ. ﭼﻮﯕﻨﻰ ﻳﯩﻘﺎﺗﺴﺎ ﻛﯩﭽﯩﻜﻰ ﺋﯚﺯﻯ ﻳﯩﻘﯩﻠﯩﺪﯨﻜﻪﻥ. ﺋﻪﻣﻤﺎ ﭼﻮﯕﯩﻨﻰ ﻳﯩﻘﯩﺘﻤﺎﻗﻤﯘ ﺋﺎﺳﺎﻥ ﺋﻪﻣﻪﺳﻜﻪﻥ. ﻳﯧﺰﯨﻨﯩﯔ ﺩﯨﺨﺎﻧﻠﯩﺮﻯ ﺋﻪﻟﻰ ﺳﺎﭘﺎﻧﯩﯔ ﻛﯚﺯﯨﮕﻪ ﻗﺎﺩﺍﻟﻐﺎﻥ ﻣﯩﻘﻜﻪﻥ. ﻛﯩﭽﯩﻜﻜﯩﻨﻪ ﻛﯩﺘﺎﻱ ﻣﯩﻘﻰ ﺋﻪﻣﻪﺱ ﻳﻮﻏﺎﻥ ﺋﻮﺭﯗﺱ ﻣﯩﻘﯩﻜﻪﻥ. ﺋﻪﺳﻠﻰ ﻳﯧﯖﻰ ﺋﯩﺶ ﺑﺎﺷﻠﯩﻐﺎﻧﺪﺍ ﺳﻪﻝ ﻳﺎﺧﺸﯩﻜﻪﻧﺪﯗﻕ. ﻛﯩﺘﺎﻱ ﻣﯩﻘﯩﻜﻪﻧﺪﯗﻕ. ﺋﻪﻣﻤﺎ ﮬﺎﺯﯨﺮ ﮬﻪﻣﻤﯩﺴﻰ ﺋﯚﺯﮔﯜﺭﯛﭘﺘﯘ. ﮬﺎﺯﯨﺮ ﺋﯘﻻﺭ ﻳﺎ ﺧﯘﺩﺍﺩﯨﻦ ﻗﻮﺭﻗﻤﺎﻳﺪﯨﻜﻪﻥ ﻳﺎﻛﻰ ﭼﻮﯕﻼﺭﻧﻰ ﮬﯚﺭﻣﻪﺗﻠﻪﺷﻨﻰ ﮬﯚﻛﯜﻣﻪﺗﺘﯩﻦ ﺗﺎﺭﺗﯩﻨﯩﺸﻨﻰ ﺑﯩﻠﻤﻪﻳﺪﯨﻜﻪﻥ. ﻳﺎ ﻗﺎﺭﺍﻗﭽﯩﺪﯨﻦ ﻗﺎﭼﻤﺎﻳﺪﯨﻜﻪﻥ. ﺋﯩﺸﻘﯩﻠﯩﭗ ﻳﺎﺧﺸﻰ ﻳﺎﻣﺎﻧﻨﻰ ﭘﻪﺭﻗﻠﻪﻧﺪﯛﺭﻣﻪﻳﺪﯨﻐﺎﻥ ﺑﻮﻟﯘﯞﺍﭘﺘﯘ. ﺋﻮﺭﯗﺱ ﻣﯩﻘﯩﺪﻩﻙ ﺗﯘﺭﯨﯟﺍﭘﺘﯘ. ﻳﯧﺰﯨﻠﯩﻘﻼﺭﻧﻰ ﺋﺎﻟﺪﺍﺷﻨﯩﯔ ﮬﻪﺭ ﺧﯩﻞ ﭼﺎﺭﯨﻠﯩﺮﻯ ﺗﯜﮔﻪﭘﺘﯘ ﭼﯩﺮﺍﻳﻠﯩﻖ ﮔﻪﭘﻨﯩﯔ ﺧﺎﻟﺘﯩﺴﯩﻼ ﻗﺎﭘﺘﯘ.
ﺋﻮﻳﻠﯩﺴﺎﯓ ﺗﯩﺮﯨﺸﺴﺎﯓ ﺋﺎﻣﺎﻝ ﺑﻮﻟﯩﺪﯨﻜﻪﻥ. ﺋﻪﻣﺪﻯ ﮬﯩﺠﯩﻴﯩﭗ ﺗﯘﺭﯗﺷﻨﻰ ﻗﺎﭘﺎﻗﻨﻰ ﺗﯜﺭﯛﺷﻜﻪ ﺋﯚﺯﮔﻪﺭﺗﯩﭙﺘﯘ. ﺗﯧﺮﻭﺭﭼﯩﻠﯩﻘﻨﯩﯔ ﺋﯘﺳﯘﻟﻠﯩﺮﯨﻨﻰ ﺗﯧﭙﯩﭙﺘﯘ. ﻗﻪﻟﻪﻳﭽﯩﺪﻩﻙ ﻗﺎﺭﺍﻗﭽﯩﻼﺭﻧﻰ ﺋﯩﺸﻘﺎ ﺳﯧﻠﯩﭙﺘﯘ. ﺩﯨﺨﺎﻧﻼﺭﻧﻰ ﺑﯘﻟﯩﺘﯩﭙﺘﯘ. ﺋﯘ ﻳﻪﺭ ﺑﯘ ﻳﻪﺭﺩﻩ ﻳﻮﺷﯘﺭﯗﻥ ﺋﺎﺩﻩﻡ ﺋﯚﻟﺘﯜﺭﯛﭘﺘﯘ. ﺋﯘﻧﯩﯔ ﺋﯜﻧﯩﻤﯩﻨﯩﻤﯘ ﻛﯚﺭﯛﭘﺘﯘ. ﻳﻪﺭﺩﯨﻦ ﺗﻮﻳﯘﭖ ﺋﻪﻟﻰ ﺳﺎﭘﺎ ﺑﺎﻳﻐﺎ ﺋﯧﻠﯩﺸﯩﻐﺎ ﺳﯧﺘﯩﭗ ﻛﻪﺗﻜﻪﻧﻠﻪﺭﻣﯘ ﺑﻮﻟﯘﭘﺘﯘ. ﻣﻪﻣﻪﺕ ﺋﺎﯞﺍﻕ ﻗﻪﻟﻪﻳﭽﯩﻨﻰ ﺋﯚﻟﺘﯜﺭﮔﻪﻧﺪﯨﻦ ﻛﯧﻴﯩﻦ ﺑﯘ ﭼﺎﺭﯨﻨﯩﯖﻤﯘ ﻗﯘﻳﺮﯨﻘﯩﻨﻰ ﻗﯘﻡ ﺑﯧﺴﯩﭙﺘﯘ. ﻳﯧﺰﯨﻠﯩﻘﻼﺭﻧﯩﯔ ﺋﺎﺧﯩﺮﻗﻰ ﺟﺎﮬﯩﻠﻠﯩﺮﻯ ﻳﯧﺰﯨﻐﺎ ﻳﯧﺰﯨﺪﯨﻜﻰ ﺑﯩﺮ ﭘﺎﺭﭼﻪ ﻳﯧﺮﯨﻐﺎ ﭼﺎﭘﻼﺷﻘﯩﻨﯩﭽﻪ ﺗﯘﺭﯨﯟﯦﺮﯨﭙﺘﯘ.
ﺋﻪﻟﻰ ﺳﺎﭘﺎ ﺑﺎﻱ ﺑﯩﻠﻪﻥ ﺧﻮﺗﯘﻧﻰ ﺋﯘﻻﺭﻏﺎ ﺋﯧﭽﯩﻨﯩﺪﯨﻜﻪﻥ. ﺋﯘﻟﯘﻍ ﺗﯜﺭﻙ ﺩﯙﻟﯩﺘﯩﻨﯩﯔ ﭘﺎﺭﻻﻕ ﺋﯩﺴﺘﯩﻘﺒﺎﻟﯩﻐﺎ ﺗﻮﺳﺎﻟﻐﯘ ﺑﻮﻟﯩﯟﺍﺗﻘﺎﻥ ﺑﯘ ﺩﯨﺨﺎﻧﻼﺭﻏﺎ ﺋﺎﭼﭽﯩﻘﻠﯩﻨﯩﺪﯨﻜﻪﻥ. ﺗﯜﺭﻙ ﻣﯩﻠﻠﯩﺘﯩﻨﯩﯔ ﻛﻪﻟﮕﯜﺳﻰ ﺋﯜﭼﯜﻥ ﺗﺎﺭﺗﯩﯟﺍﺗﻘﺎﻥ ﻗﯩﻴﯩﻨﭽﯩﻠﯩﻘﻠﯩﺮﯨﻐﺎ ﺋﺎﮪ ﺋﯘﺭﯨﺪﯨﻜﻪﻥ. ﺷﯘ ﯞﺍﻱ ﯞﺍﻱ ﻳﯧﺰﯨﺴﻰ ﻗﻮﻟﻐﺎ ﭼﯜﺷﻜﻪﻥ ﺑﻮﻟﺴﺎ ﮬﻪﻱ ﺋﯩﺴﯩﺖ ! ﺋﻪﻟﻰ ﺳﺎﭘﺎ ﭘﯜﺗﯜﻥ ﺋﺎﻧﺎﯞﺍﺭﺯﺍﻧﻰ ﭘﻮﭘﺎﻳﻜﯩﻨﯩﯔ ﻳﯩﭙﯩﻨﻰ ﺳﯚﻛﻜﻪﻧﺪﻩﻙ ﺳﯚﻛﯩﯟﯦﺘﻪﺭﻛﻪﻥ. ﺋﯘﻣﯘ ﺑﻮﻻﺭ. ﺑﯩﺮ ﻛﯜﻧﻰ ﺑﻮﻻﺭ. ﻧﺎﺋﯜﻣﯜﺕ ﺑﻮﻟﻤﯩﺴﯘﻥ......
ﺗﯩﺮﯨﺸﺴﺎﯕﻼ ﺗﺎﺷﺘﯩﻦ ﻳﺎﻍ ﭼﯩﻘﯩﺪﯗ ﺩﯨﮕﻪﻧﺪﻩﻙ ﺋﺎﺧﯩﺮﻯ ﺋﻪﻟﻰ ﺳﺎﭘﺎ ﺑﺎﻱ ﯞﺍﻱ ﯞﺍﻱ ﻳﯧﺰﯨﺴﯩﻨﻰ ﻗﻮﻟﻐﺎ ﻛﯩﺮﮔﯜﺯﯨﺪﯨﻐﺎﻥ ﺋﺎﻣﺎﻟﻐﺎ ﺋﯧﺮﯨﺸﯩﭙﺘﯘ. ﻧﺎﮬﯩﻴﯩﻠﯩﻚ ﻳﻪﺭ ﺑﺎﺷﻘﯘﺭﯗﺵ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻘﻰ ﺑﯩﺮ ﺋﺎﻣﺎﻝ ﺗﯧﭙﯩﭙﺘﯘ. ﺋﯩﻜﻜﯩﺴﻰ ﺑﯘ ﭼﺎﺭﯨﺪﯨﻦ ﮬﻪﻳﺮﺍﻥ ﻗﺎﭘﺘﯘ. ﺑﯘ ﭘﯩﻼﻥ ﺋﯜﭼﯜﻥ ﺑﯩﺮ ﭘﺎﺭﭼﻪ ﻳﻪﺭ ﻛﯧﺮﻩﻙ ﺑﻮﻟﯩﺪﯨﻜﻪﻥ. ﺑﯘ ﻳﻪﺭﻧﻰ ﻗﻮﻟﻐﺎ ﺋﺎﻟﻐﺎﻧﺪﯨﻼ ﭘﯩﻼﻧﻰ ﺋﻪﻣﻪﻟﮕﻪ ﺋﺎﺷﯩﺪﯨﻜﻪﻥ. ﺑﯘ ﻳﻪﺭ ﻳﻮﺑﺎﺯ ﺋﻮﻏﻠﻰ ﮬﻪﺳﻪﻥ ﺩﯨﮕﻪﻥ ﺩﯨﺨﺎﻧﻨﯩﯔ ﺋﯩﻜﻪﻥ. ﺑﯘ ﻳﻪﺭﻧﯩﯔ ﺧﯧﺘﯩﻨﻰ ﻗﻮﻟﻐﺎ ﺋﯧﻠﯩﭗ ﺋﺎﺯﺭﺍﻕ ﺋﯚﺯﮔﻪﺭﺗﯩﭗ ﻗﻮﻳﺴﯩﻼ ﻳﻪﺭﻧﻰ ﺋﻪﺗﺮﺍﭘﯩﻐﺎ ﻗﺎﻧﭽﯩﻠﯩﻚ ﻛﯧﯖﻪﻳﺘﯩﺶ ﻛﯧﺮﻩﻙ ﺑﻮﻟﺴﺎ ﺷﯘﻧﭽﯩﻠﯩﻚ ﻛﯧﯖﻪﻳﺘﻜﯩﻠﻰ ﺑﻮﻟﯩﺪﯨﻜﻪﻥ. ﺭﯦﺰﯨﻨﻜﯩﺪﻩﻙ ﺳﻮﺯﻏﯩﻠﻰ ﺑﻮﻟﯩﺪﯨﻜﻪﻥ. ﭘﯜﺗﯜﻥ ﯞﺍﻱ ﯞﺍﻱ ﻳﯧﺰﯨﺴﯩﻨﯩﯔ ﺑﯘ ﺩﺍﺋﯩﺮﯨﮕﻪ ﻗﺎﻧﺪﺍﻕ ﻛﯩﺮﯨﭗ ﻗﺎﻟﻐﺎﻧﻠﯩﻘﯩﻨﻰ ﮬﯩﭽﻜﯩﻢ ﺑﯩﻠﻪﻟﻤﻪﻱ ﻗﺎﻟﯩﺪﯨﻜﻪﻥ.
ﭘﯩﻼﻥ ﺑﻮﻻﺭ ﺷﯘﻧﭽﯩﻠﯩﻚ ﺑﻮﻻﺭ. ﺋﻪﻟﻰ ﺳﺎﭘﺎ ﺑﺎﻱ ﺑﯘ ﭘﯩﻼﻧﻨﻰ ﻛﯚﺭﺳﻪﺗﻜﻪﻧﻠﯩﻜﻰ ﺋﯜﭼﯜﻥ ﮬﯧﻠﯩﻘﻰ ﺑﺎﺷﻠﯩﻘﻘﺎ ﺷﯘ ﺳﻮﺭﯗﻧﺪﯨﻼ ﻣﯩﯔ ﻛﻮﻱ ﺳﯜﻳﯜﻧﭽﻪ ﺑﯧﺮﯨﭙﺘﯘ. ﻗﯘﭼﺎﻏﻼﭖ ﻗﻮﻳﯘﭘﺘﯘ. ﺋﺎﻳﺎﻝ ﺯﺍﺗﯩﻨﯩﻤﯘ ﺋﯘﻧﺪﺍﻕ ﻗﯘﭼﺎﻏﻼﭖ ﺑﺎﻗﻤﺎﭘﺘﯩﻜﻪﻥ. ﮬﺎﻳﺎﺟﺎﻧﻠﯩﻨﯩﭗ ﺋﯜﭺ ﻛﯜﻧﮕﯩﭽﻪ ﺋﯘﻳﻘﯩﺴﯩﻤﯘ ﻛﻪﻟﻤﻪﭘﺘﯘ.
ﺑﺎﻱ ﮬﯧﻠﯩﻘﻰ ﻳﻪﺭﻧﯩﯔ ﺋﯩﮕﯩﺴﻰ ﮬﻪﺳﻪﻧﻨﻰ ﭼﺎﻗﯩﺮﯨﭙﺘﯘ. ﺋﯘﻧﯩﯖﻐﺎ ﻳﯧﺮﯨﻨﻰ ﺋﯚﺯﯨﮕﻪ ﺑﯧﺮﯨﭗ ﺧﺎﻟﯩﻐﯩﻨﯩﻨﻰ ﺋﯧﻠﯩﺸﻨﻰ ﺋﯧﻴﺘﯩﭙﺘﯘ. ﻗﺎﻧﭽﯩﻠﯩﻚ ﭘﯘﻝ ﻳﺎﻛﻰ ﺑﺎﺷﻘﺎ ﻳﻪﺭﺩﯨﻦ ﻗﺎﻧﭽﯩﻠﯩﻚ ﻳﻪﺭ ﺳﻮﺭﯨﺴﺎ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﭙﺘﯘ. ﮬﻪﺳﻪﻥ ﺋﯜﻧﺪﯨﻤﻪﭘﺘﯘ. ﺋﯩﻠﮕﯩﺮﻯ 40 ﻛﻮﻳﻐﺎ ﺳﻮﺭﯨﻐﺎﻥ ﻳﻪﺭﻧﻰ ﺋﻪﻣﺪﻯ ﺗﯚﺕ ﻳﯜﺯ ﻛﻮﻳﻐﺎ ﺳﻮﺭﯨﺴﯩﻤﯘ ﺧﺎﻟﯩﻤﺎﭘﺘﯘ. ﻳﻮﺑﺎﺯ ﺋﻮﻏﻠﻰ ﻳﯧﺮﯨﻨﻰ ﺳﯧﺘﯩﺸﻨﻰ ﺧﺎﻟﯩﻤﺎﻳﺪﯨﻜﻪﻥ. ﺋﯘ ﺩﯨﮕﻪﻥ ﻳﯧﺰﯨﻠﯩﻖ ﺩﯨﺨﺎﻧﻜﻪﻥ. ﮬﻪﻣﻤﻪ ﻧﯩﻤﯩﻨﻰ ﺳﯧﺘﯩﯟﯦﺮﯨﺪﯨﻐﺎﻥ ﺷﻪﮬﻪﺭﻟﯩﻚ ﭼﺎﺭ ﺑﺎﺯﺍﺭﭼﻰ ﺋﻪﻣﻪﺳﻜﻪﻥ. ﮬﻪﺳﻪﻥ ﺧﺎﻟﯩﻤﯩﻐﺎﻥ ﺳﻮﺩﯨﻐﺎ ﻧﯩﻤﻪ ﺩﯨﻴﯩﺸﻨﻰ ﺑﯩﻠﻤﻪﭘﺘﯘ. ﻳﺎﺧﺸﻰ ﻛﯚﺭﯛﺩﯨﻐﺎﻥ ﻧﻪﺭﺳﯩﺴﯩﻨﻰ ﺳﺎﺗﻘﯘﺳﻰ ﻛﻪﻟﻤﻪﻳﺪﯨﻜﻪﻥ. ﺗﺎﺭ ﻳﻪﺭﮔﻪ ﻗﯩﺴﯩﻠﯩﭗ ﻗﺎﻟﻐﺎﻧﺪﻩﻙ ﺋﯩﺸﺸﯩﭗ ﺋﻮﻟﺘﯘﺭﯗﭘﺘﯘ. "ﺑﺎﻱ ﺋﺎﻛﺎ ﻻﺯﯨﻢ ﺑﻮﻟﺴﺎ ﻳﻪﺭ ﺳﯧﻨﯩﯖﻜﻰ ..." ﺩﻩﭖ ﻣﺎﺯﯨﺮﻩﺕ ﻗﯩﻠﯩﭙﺘﯘ. "ﺋﻪﻣﻤﺎ ﺷﯘ...." ﺩﻩﭖ ﭼﯩﺮﺍﻳﻠﯩﻘﭽﻪ ﺭﻩﺗﻤﯘ ﻗﯩﭙﺘﯘ. ﺋﻪﻟﻰ ﺳﺎﭘﺎ ﺑﺎﻳﻤﯘ ﺯﻭﺭﻻﯞﯦﺮﯨﭙﺘﯘ. "..ﺳﻮﺭﺍ...ﺧﺎﻟﯩﻐﯩﻨﯩﯖﻨﻰ....."ﺩﻩﭖ ﻗﯩﺴﺘﺎﯞﯦﺮﯨﭙﺘﯘ.
ﻳﻮﺑﺎﺯ ﺋﻮﻏﻠﻰ ﺋﺎﺧﯩﺮﻯ ﺑﯩﺮ ﺋﺎﻣﺎﻝ ﺗﯧﭙﯩﭙﺘﯘ. ﺑﺎﻳﻨﯩﯔ ﺑﻪﺭﻣﻪﻳﺪﯨﻐﯩﻨﯩﻨﻰ ﺳﻮﺭﺍﭘﺘﯘ.
- ﺑﻪﺭﮔﯜﯓ ﺑﻮﻟﺴﺎ ﺗﻮﺭﯗﻗﻨﻰ ﺑﻪﺭ. ﺑﺎﺷﻘﺎ ﻧﻪﺭﺳﻪ ﻛﯧﺮﻩﻙ ﺋﻪﻣﻪﺱ!
ﮬﻪﺳﻪﻥ ﮬﯧﭽﻨﯩﻤﻪ ﺳﻮﺭﯨﻤﺎﭘﺘﯘ. ﺋﻪﻣﻤﺎ ﺷﯘﻧﺪﺍﻕ ﺑﯩﺮ ﻧﯩﻤﯩﻨﻰ ﺳﻮﺭﺍﭘﺘﯘ. ﺳﻮﺭﺍﭖ ﺑﻮﻟﯘﭖ ﺑﺎﻳﻨﯩﯔ ﺟﺎﯞﺍﺑﯩﻐﺎ ﻗﺎﺭﯨﻤﺎﻱ ﭼﯩﻘﯩﭗ ﻛﯧﺘﯩﭙﺘﯘ.
ﺑﺎﻱ ﺧﯧﻠﯩﻐﯩﭽﻪ ﺋﯧﺴﯩﮕﻪ ﻛﯧﻠﻪﻟﻤﻪﭘﺘﯘ. ﺑﯩﺮ ﭼﺎﻏﺪﺍ ﺋﯧﺴﯩﮕﻪ ﻛﻪﭘﺘﯘ. ﺑﯘ ﭼﺎﻏﺪﺍ ﮬﻪﺳﻪﻥ ﻳﯧﻨﯩﺪﺍ ﻳﻮﻕ ﺋﯩﻜﻪﻥ. ﺋﯘﻧﯩﯔ ﻗﺎﭼﺎﻥ ﭼﯩﻘﯩﭗ ﻛﻪﺗﻜﻪﻧﻠﯩﻜﯩﻨﯩﻤﯘ ﺳﻪﺯﻣﯩﮕﻪﻥ ﺋﯩﻜﻪﻥ. ﮬﻪﺳﻪﻥ ﺳﻮﺭﯨﻐﺎﻥ ﺗﻮﺭﯗﻕ ﺋﺎﺗﻨﻰ ﺑﯩﺮ ﻳﯩﻞ ﺑﯘﺭﯗﻥ ﺋﻪﻟﻰ ﺳﺎﭘﺎ ﺑﺎﻳﻨﯩﯔ ﺩﻭﺳﺘﻰ ﺋﯘﺭﻓﺎﺩﯨﻦ ﺋﯘﻧﯩﯖﻐﺎ ﻣﺎﯕﺪﯗﺭﯗﭖ ﺑﯧﺮﯨﭙﺘﯩﻜﻪﻥ.ﺋﯩﻜﻜﻰ ﻳﺎﺷﻠﯩﻖ ﺗﺎﻳﭽﺎﻗﻨﯩﯔ ﺳﺎﻻﮬﯩﻴﻪﺕ ﻛﯩﻨﯩﺸﻜﯩﺴﻰ ﺑﺎﺭ ﺋﯩﻜﻪﻥ. ﻛﯩﻨﯩﺸﻜﯩﮕﻪ ﺗﺎﻳﭽﺎﻗﻨﯩﯔ ﺋﯩﺴﻞ ﻧﻪﺳﯩﻠﻠﯩﻚ ﺋﺎﺗﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ ﮬﯚﺟﺠﯩﺘﯩﻨﯩﻤﯘ ﭼﺎﭘﻼﭖ ﻗﻮﻳﻐﺎﻥ ﺋﯩﻜﻪﻥ. ﺗﺎﻳﭽﺎﻕ ﺋﺎﺕ ﺑﻮﻟﻐﺎﻧﺪﺍ ﺩﺍﯕﻘﻰ ﻣﻪﺷﮭﯘﺭ ﺑﻮﭘﺘﯘ. ﺋﺎﺗﻨﻰ ﻛﯚﺭﯛﺷﻜﻪ ﻛﻮﺯﺍﻧﺪﯨﻦ ﺋﺎﺩﺍﻧﺎﺩﯨﻦ ﺋﻪﻣﻪﻟﺪﺍﺭﻻﺭ ﺑﺎﻳﻼﺭ ﻛﯧﻠﯩﭗ ﺗﯘﺭﯨﺪﯨﻜﻪﻥ.
ﺋﻪﻟﻰ ﺳﺎﭘﺎ ﺑﺎﻱ ﺋﺎﺩﯨﻤﯩﺰﺍﺕ ﻳﺎﻛﻰ ﮬﺎﻳﯟﺍﻧﯩﺰﺍﺗﺘﯩﻦ ﺑﻮﻟﺴﯘﻥ ﮬﯩﭽﻘﺎﻳﺴﯩﺴﯩﻨﻰ ﺑﯘ ﺋﺎﺗﺘﻪﻙ ﻳﺎﺧﺸﻰ ﻛﯚﺭﻣﻪﭘﺘﯩﻜﻪﻥ. ﺋﺎﺗﻨﻰ ﺷﯘﻧﺪﺍﻕ ﻳﺎﺧﺸﻰ ﻛﯚﺭﯨﺪﯨﻜﻪﻥ. ﺋﺎﺗﻨﯩﯔ ﺋﯜﺳﺘﯩﮕﻪ ﭼﯩﻘﺴﺎ ﺋﯚﺯﯨﻨﻰ ﺑﺎﺷﻘﯩﭽﯩﻼ ﮬﯧﺲ ﻗﯩﻠﯩﺪﯨﻜﻪﻥ. ﺗﻮﻣﯘﺭﯨﺪﯨﻜﻰ ﺗﯜﺭﻙ ﻗﯧﻨﻰ ﻗﺎﻳﺘﯩﺪﯨﻦ ﺋﯘﺭﻏﯘﻳﺪﯨﻜﻪﻥ. ﻛﯚﺯﻟﯩﺮﻯ ﻗﯩﺴﯩﻠﯩﭗ ﺋﯧﻐﯩﺰﻟﯩﺮﻯ ﻣﻪﮬﻜﻪﻡ ﻳﯘﻣﯩﻠﯩﺪﯨﻜﻪﻥ. ﺑﺎﺭﻣﺎﻗﻠﯩﺮﻯ ﭼﯘﻟﯟﯗﺭﻧﻰ ﻗﺎﺗﺘﯩﻖ ﺳﯩﻘﯩﻤﺪﺍﻳﺪﯨﻜﻪﻥ. ﺋﻮﺗﺘﯘﺭﺍ ﻳﺎﺷﺘﯩﻦ ﺋﯚﺗﻜﻪﻥ ﺋﺎﺩﻩﻣﮕﻪ ﺑﯘﻧﺪﺍﻕ ﻗﯩﺮﺍﻧﻠﯩﻖ ﮬﻮﺯﯗﺭﻧﻰ ﻧﯩﻤﻪ ﺑﯧﺮﻩﻟﻪﻳﺪﯗ. ﮬﯧﭽﻨﯩﻤﻪ ﺑﯧﺮﻩﻟﻤﻪﻳﺪﯨﻜﻪﻥ. ﺷﯘ ﺗﻮﺭﯗﻗﻼ ﺑﯧﺮﻩﻟﻪﻳﺪﯨﻜﻪﻥ. ﮬﻪﺳﻪﻥ ﺗﻪﭘﺘﺎﺭﺗﻤﺎﻱ ﺑﺎﻳﻨﯩﯔ ﺋﻪﺷﯘ ﺗﻮﺭﯗﻕ ﺋﯧﺘﯩﻨﻰ ﺳﻮﺭﯨﻐﺎﻥ ﺋﯩﻜﻪﻥ. ﺑﺎﻳﻨﯩﯔ ﺟﯧﻨﯩﻨﻰ ﺳﻮﺭﯨﻐﺎﻥ ﺋﯩﻜﻪﻥ.
ﺑﺎﻱ ﺋﯧﺴﯩﮕﻪ ﻛﻪﭘﺘﯘ. ﺋﺎﭼﭽﯩﻘﺘﯩﻦ ﻛﯩﻴﯩﺸﯩﭗ ﻛﯧﺘﯩﭙﺘﯘ. ﮬﻪﺳﻪﻧﻨﯩﯔ ﭼﯩﻘﯩﭗ ﻛﻪﺗﻜﯩﻨﻰ ﻳﺎﺧﺸﻰ ﺑﻮﭘﺘﯘ. ﺑﻮﻟﻤﯩﺴﺎ ﮬﻪﺳﻪﻧﮕﯩﻤﯘ ﻳﺎﺧﺸﯩﻠﯩﻖ ﻳﻮﻗﻜﻪﻥ. ﺷﯘ ﭼﺎﻏﺪﺍ ﺑﻮﻟﻐﺎﻥ ﺑﻮﻟﺴﺎ ﺑﺎﻱ ﺋﯘﻧﻰ ﻧﯩﻤﯩﻼ ﻗﯩﻠﯩﯟﻩﺗﻜﻪﻥ ﺑﻮﻟﺴﯩﻤﯘ ﺩﻩﺭﺩﻯ ﭼﯩﻘﻤﺎﺳﻜﻪﻧﺪﯗﻕ. ﺗﻪﻟﯩﻴﻰ ﺑﺎﺭ ﺋﯩﻜﻪﻥ. ﺑﺎﻳﻐﯩﻤﯘ ﻳﺎﺧﺸﻰ ﺑﻮﭘﺘﯘ. ﺋﻮﻳﻠﯩﻨﯩﺸﻘﺎ ﭘﯘﺭﺳﻪﺕ ﭼﯩﻘﯩﭙﺘﯘ. ﺋﯩﺶ ﺑﯘﺯﯗﻟﻤﺎﻱ ﻗﺎﭘﺘﯘ. ﺋﻪﯓ ﻣﯘﮬﯩﻢ ﭘﯩﻼﻧﻰ ﺑﯘﺯﯗﻟﻤﺎﭘﺘﯘ. ﺋﻮﺗﺘﯘﺭﯨﺪﺍ ﻳﯜﺯﻟﯜﻙ ﺋﺎﺩﻩﻣﻠﻪﺭﻧﻰ ﻣﺎﯕﺪﯗﺭﯗﭘﺘﯘ. ﺑﺎﺷﻘﺎ ﺧﺎﻟﯩﻐﺎﻧﻨﻰ ﺳﻮﺭﺍ ﺩﻩﭘﺘﯘ. ﮬﻪﺳﻪﻥ ﺋﯘﻧﯩﻤﺎﭘﺘﯘ. "ﻳﺎ ﺗﻮﺭﯗﻕ ﻳﺎ ﮬﯧﭽﻨﯩﻤﻪ...." ﺑﯘ ﺟﺎﮬﯩﻞ ﺗﯜﺭﻛﻨﯩﯔ ﺟﺎﯞﺍﺑﻰ ﻣﯘﺷﯘﻛﻪﻥ. ﺋﺎﺧﯩﺮﻯ ﺑﺎﻳﻨﯩﯔ ﺗﻮﺭﯗﻗﻘﺎ ﺑﻮﻟﻐﺎﻥ ﮬﯩﺴﻴﺎﺗﯩﺪﯨﻦ ﻳﻪﺭﮔﻪ ﺑﻮﻟﻐﺎﻥ ﮬﯩﺴﻴﺎﺗﻰ ﺋﯜﺳﺘﯜﻥ ﻛﻪﭘﺘﯘ.
ﺑﺎﻱ ﺗﻮﺭﯗﻗﻨﻰ ﮬﻪﺳﻪﻧﮕﻪ ﺑﯧﺮﯨﭙﺘﯘ. ﻳﻪﺭﮔﻪ ﺋﯩﮕﻪ ﺑﻮﭘﺘﯘ. ﻳﻪﺭ ﺧﯧﺘﯩﻨﻰ ﺳﯩﻘﯩﻤﺪﺍﭖ ﺗﯘﺭﯗﭖ ﭼﯩﺸﻠﯩﺮﯨﻨﻰ ﻏﯘﭼﯘﺭﻟﯩﺘﯩﭙﺘﯘ. ﭼﯩﺶ ﺑﺎﺷﻘﯩﻼﺭﻧﯩﯔ ﺑﻮﻟﻐﺎﻥ ﺑﻮﻟﺴﺎ ﺗﯚﻛﯜﻟﯜﭖ ﻛﻪﺗﻜﯜﺩﻩﻙ ﻏﯘﭼﯘﺭﻟﯩﺘﺎﺭﻛﻪﻥ. ﺋﺎﻣﺎﻝ ﻳﻮﻕ ﺋﯚﺯﯨﻨﯩﯔ ﭼﯩﺸﻰ. ﺑﺎﻱ "ﺧﻪﭖ ﯞﺍﻱ ﯞﺍﻳﻠﯩﻘﻼﺭ ﺋﻪﻣﺪﻯ ﻗﺎﻥ ﻗﯘﺳﺘﯘﺭﯨﻤﻪﻥ." ﺩﻩﭖ ﭘﯩﭽﯩﺮﻻﭘﺘﯘ. ﮬﻪﺳﻪﻥ ﺗﻮﺭﯗﻗﻘﺎ ﺋﯧﺮﯨﺸﯩﭙﺘﯘ. ﺋﯧﻐﯩﺰﻯ ﺋﯧﭽﯩﻠﯩﭙﺘﯘ.
- ﻣﺎﻧﺎ ﺋﻪﻟﻰ ﺳﺎﭘﺎ ﺑﺎﻱ ﺟﯧﻨﯩﺪﯨﻦ ﺋﯧﺰﯨﺰ ﺋﯧﺘﯩﻨﻰ ﺑﯩﺮ ﭘﺎﺭﭼﻪ ﺷﻮﺭﻟﯘﻕ ﻳﻪﺭﮔﻪ ﺗﯧﮕﯩﺸﺘﻰ. ﺗﻮﺭﯗﻗﺘﻪﻙ ﺋﺎﺗﻨﻰ ﺷﻮﺭﻟﯘﻕ ﻳﻪﺭﮔﻪ ﺗﯧﮕﯩﺸﻜﻪﻥ ﺗﯜﺭﻙ ﺑﺎﻟﯩﺴﯩﻨﻰ ﻛﯚﺭﮔﻪﻧﻤﯘﺳﯩﻠﻪﺭ. ﺑﺎﻱ ﺋﯜﭼﯜﻥ ﺷﯘ ﺳﯧﺴﯩﻖ ﻳﻪﺭ ﻣﯘﮬﯩﻤﻜﻪﻥ...... ﻳﻪﻧﻪ ﺑﯩﺮ ﭘﺎﺭﭼﻪ ﻳﯧﺮﯨﻢ ﺑﺎﺭ. ﺋﯘﻧﻰ ﺑﺎﻳﻨﯩﯔ ﺧﻮﺗﯘﻧﯩﻐﺎ ﺗﯧﮕﯩﺸﯩﻤﻪﻥ. ﺗﻮﺭﯗﻗﻨﯩﯔ ﻛﻪﻳﻨﯩﮕﻪ ﺧﻮﺗﯘﻧﯩﻨﻰ ﻣﯩﻨﮕﻪﺷﺘﯜﺭﯛﭖ ﺋﺎﻧﺎﯞﺍﺭﺯﺍﻧﻰ ﺋﺎﻳﻼﻧﺪﯗﺭﯨﻤﻪﻥ......
ﮬﻪﺳﻪﻥ ﻗﯩﺰﯨﻞ ﺑﺎﺷﻼﺭﺩﯨﻦ ﺋﯩﻜﻪﻥ. ﻗﯩﺰﯨﻞ ﺑﺎﺷﻼﺭ ﻣﻪﺭﺩﺍﻧﻪ ﻣﯘﮬﻪﺑﺒﻪﺗﻠﯩﻚ ﻛﯧﻠﯩﺪﯨﻜﻪﻥ. ﻳﺎﻣﺎﻧﺪﯨﻦ ﻳﺎﻛﻰ ﻳﺎﺧﺸﯩﺪﯨﻦ ﻳﺎﻧﻤﺎﻳﺪﯨﻜﻪﻥ. ﺋﻪﻟﻰ ﺳﺎﭘﺎ ﺑﺎﻱ ﮬﻪﺳﻪﻧﮕﻪ ﮔﻪﭖ ﺋﯧﻴﺘﺘﯘﺭﯗﭖ "ﺋﯧﻐﯩﺰﯨﻨﻰ ﻳﯘﻣﺴﯘﻥ" ﺩﻩﭘﺘﯘ. ﻳﻮﺑﺎﺯ ﺋﻮﻏﻠﻰ ﺋﯧﻐﯩﺰﯨﻨﻰ ﻳﯘﻣﻤﺎﭘﺘﯘ. ﻳﯧﺮﯨﻨﯩﯔ ﺋﺎﭼﭽﯩﻘﻰ ﺋﯧﻐﯩﺰﯨﻨﻰ ﻳﯘﻣﺪﯗﺭﻣﺎﭘﺘﯘ. ﺋﻪﻟﻰ ﺳﺎﭘﺎ ﺑﺎﻳﻨﯩﯔ ﻳﻪﺭ ﺋﯜﭼﯜﻥ ﻗﯩﻠﻐﺎﻧﻠﯩﺮﯨﻨﻰ ﻣﻪﺳﺨﯩﺮﻩ ﻗﯩﻠﯩﭗ ﻳﯜﺭﯨﯟﯦﺮﯨﭙﺘﯘ.......
داۋامى بار
| 
يوللىغان ۋاقتى 2015-7-30 17:50:40
قېزىلما
ھەمبەھر
ساقلاش
قوللاش
قارشى
