مۆتىۋەر كىيىملىرى شىركىتىگە تەكلىپ

8DIYANAT8

   دوسلار،مۇشۇ ۋاقتىڭلار خەيىرلىك بولسۇن،ئاۋال ھەممىڭلارنىڭ تېنىگە سالامەتلىك،ئائىلەڭلەرگە بەخىت،تۇرمۇشۇڭلارغا بەخىت ئامەت يار بولۇشىنى چىن دىلىمدىن ئۈمۈت قىلىمەن.مۆتىۋەر كىيىملىرى شىكىتىنىڭ بۇنىڭدىن كېيىنكى يىجارىتىنىڭ تېخىمۇ ياخشى بولىشىنى چىن دىلىمدىن ئۈمۈت قىلىمەن.سۆزۈمنى قەيەردىن باشلىشىمنى نېمە  دەپ باشلىشىمنى تازا بىلەلمىدىم،ئەيىپ كۆرمىگەيسىلەر:
   7.ئاينىڭ 17.كۈنى(ئەتە روزا ھېيىت دېگەن كۈنى)مەن ۋە ئايالىم ئىككىمىز ئىشتىن چۈشكەندىن كېيىن ھېيىت تەييارلىقى قىلغلى بازارغا چىقتۇق.بازار ئارىلاۋېتىپ ئۆزەمگە بىر ئاياغ سېتىۋېلىش مەقسىتىدە مۆتىۋەر شىركىتىنىڭ مەكىت ناھىيىسىدىكى تارماق دۇكىنىغا كىردۇق،دۇكانغا كىرىپ يېڭى كەلتۈرگەن ماللارنى كۆردۇق ۋە يارىغان ئاياغدىن بىرنى(سىرتلان ماركىلىق) تاللاپ سېتىۋېلىش مەقسىتىدە دۇكان ئېگىسىدىن ماڭا كېلىدىغان رەزمىسىنىڭ باريوقلۇقىنى بولسا بىر جۈپ ئېلىپ بېرىشىنى ئېيتتۇق،كىم  بىلسۇن دەيسىز بۇ كىشى(ئىسمىنى تىلغا ئالغىم يوق)ھۆل تامغا ئېشەك تەپكەندەكلا ئالسىڭىز ئېلىپ چىقىپ بېرەي،بولمىسا .....دەپ بىرمۇنچىكا قايناپ كەتتى،ئەر -ئايال ئىككىمىز تۇرۇپلا قالدۇق،ئادەملەر ناھايىتى كۆپ،بەزىلىرىنىڭ كۆزى بىزدە،مەن باشقا ئىپادە بىلدۈرمەي ئاياغنىڭ باھاسىنى سورىدىم،دۇكاندار ئاياغنىڭ باھاسىنىڭ 480يۈەن ئىكەنلىكىنى ئېيتتى،مەن دەرھال 500يۈەننى ئۈستەل ئۈستىگە قويۇپ قويدۇم،بوپتۇ ئالدىرىراشچىلىقتا چېچىلىپ قالغان ئوخشايدۇ دەپ.ئاياغنى ئېلىپ چىقتى،بىز ئاياغنى ئېلىپ ئۆيگە قايتتۇق.ھېيتمۇ ئۆتتى،ئارىلىقتىن 17 كۈن ئۆتكەندە ئاياغ يان تەرەپتىن سۆكۈلۈپ ئاجراپ كەتكىلى تۇردى،ئەھۋالنى ئېيتقىلى دۇكانغا كىرسەم ئەھۋال يەنىلا ئوخشاش،پوزىتسىيە ئىنتايىن قوپال.ۋەزىيەتنىڭ تەرەققىياتىغا ئەگىشىپ بىزنىڭ مىللىي كىيىم كېچەكلىرىمىز كەڭ خەلق ئاممىسىنىڭ ياقتۇرىشىغا ئېرىشتى،بۇنىڭغا كۆز يۇممايمىز ئەلۋەتتە،لېكىن يۇقارقى ئەھۋال مېنى بىرخىل غەيرىي قىلىپ قويدى،شۇڭا مەزكۇر شىركەت بىلەن بىۋاستە ئالاقىلىشالمىغاچقا ئۆز تەكلىپ پىكىرمنى باغداش تورى ئارقىلىق يەتكۈزۈشنى توغرا تاپتىم


1.ۋاكالەتچىلەرنى تاللىغاندادىققەت قىلساڭلار،چۈنكى  ئۇلار ھەرقايسى يۇرتلاردا سىلەرگە ۋاكالىتەن تىجارەت قىلىدۇ،بۇ سىلەرنىڭ كېيىنكى تەرەققىياتىڭلارغا بىۋاستە تەسىر كۆرسىتىدۇ.
2.ماللىرىڭلارنىڭ سۈپىتىگە شۇنداقلا ۋاكالەتچى ساتقان ماللارنىڭ سۈپىتىگە ئەھمىيەت بەرسەڭلار،چۈنكى خېرىدار مەيلى قايسى خىل مال سېتىۋالمىسۇن مۆتىۋەر مەخسۇس دۇكىنىدىن سېتىۋالغان ماللار.
3.سېتىشتىن كېيىنكى مۇلازىمەتكە ئەھمىيەت بەرسەڭلار،بۇنداق بولغاندا سىلەرنىڭ جەمىيەتتىكى ئىناۋىتىڭلار تېخىمۇ ئاشىدۇ، جىق  گەپ قىلىپ قويدۇم،تەكلىۋىمنىڭ توغرا ياكى خاتالىقىنى تازا بىلەلمىدىم،بولسا شىركەتتىكىلەر بىلەن ئالاقىلاشقىدەك بىر پۇرسەت  بولسا،
ئامان بولسۇن!

aloglituran

موتىۋەرشىركىتى ئۇچۇن ئىنتايىن مۇيۇم بولغان ئۇچ نوختىدىن ئويلۇشۇپ  ناھايتى ياخشى تەكلىپ بىرىپسىز . مانا بۇ ئىستىمالچىنىڭ ئىشلەپ چىقارغۇچى كارخانىنى قوللىغىنى پىكىرىڭىزئورۇنلۇق قوللايمەن .

BUYUK1989

دىمىسىمۇ بىزنىڭ ھەرساھادىكى بەزى تىجارەتچىلىرىمىزنىڭ ھالى بەك يوغان.خۇددى دۇككىنىدىكى مال باشقا يەردىن قەتئى تىپىلمايدىغاندەك. خىرىدار مىلىنى دۇئاغا ئالىدىغاندەك. دۇكان دىگەن خىرىدار كىرىپ تۇرسا بىر كان ئۇ. ئاتىكاچىلىق قىلىپ خىرىدارقاچۇرسا،ياكى بىلمەي كىرىپ قالغان خىرىدارغىمۇ چىرايلىق چۈشەندۈرۈپ مىلىنى ساتالمىسا ئۇزاققا بارماي كانمۇ تاقىلىشى مۇمكىن،ئاندىن دۇكان ئىجارىسى،دۇكان بىزەش،دىگەنلەر گەدەنگە چۈشۈپ، كىيىمنىڭ ماركىسىنى سۆكىۋىتىپ،كەچلىك بازادا «ئالەخىرىدار!تاللىۋىلىشىڭ +++كوي»غاچۈشىدىغان گەپ. ئاتا بوۋىلىرىمىز «بولمىساڭ ئىللىق چىراي ئاچمىغىن دۇكان ساراي»دەپ بىكار ئىتمىغان.مەيلى سىز دۇبەينىڭ ئالتۇن زىبۇ-زىننەتلىرىنى سىتىڭ ياكى گۇگۇت، سوپۇن،پايپاق سىتىڭ ،خىرىدارسىز راۋاج تاپالمايسىز.بولۇپمۇ دىيارىمىز دۇنيا زاۋاتىغا يىقىن بولغاچقا بازارلاردا ھىچقانداق مال كەم ئەمەس.بەلكى ئۆزىمىزنىڭ بەزى تىجارەتچىلىرىمىز نىڭ مال سىتىش تەجىربىسى يۇقارقىدىك.    ئالمىسا «بىززادى مۇشۇنداق خەق»دەۋاتقان ئالايدەپ كىرسە قاپاقتىن مۇز ياغدۇرىۋاتقان.  مۇشۇ بىرقىسىم مۇئامىلىسى قوپال ساتارمەنلەر،كۆپلىگەن تىجارەتچىلىرىمىزنىڭ ئوبرازىغا نوقسان يەتكۈزىۋاتىدۇ.

aqturk

ياخشى تەكلىپكەن ، مۆتىۋەرنىڭ ئىنكاسىغا قارايلى .

yaruk

ئەسسالامۇ  ئەلەيكۇم   دۇسلا   سېرتلان  مۇتېۋەرنڭ  ماركسې  ئەمەس   ئۇمۇ  ئايرېم  ماركا      تلماڭلا   يەنە  بلگنم  ئۇچۇن  دەپ  قۇيدۇم   مەنمۇ  بر  تجارەتچې

astanam

yaruk يوللىغان ۋاقتى  2015-9-2 10:29
ئەسسالامۇ  ئەلەيكۇم   دۇسلا   سېرتلان  مۇتېۋەرنڭ  ماركسې ...

تېما ئىگىسىمۇ ئۇ ماركىنى مۆتىۋەر شىركىتىنىڭ دىمەپتۇ، مۆتىۋەر مەخسۇس سېتىش دوكىنىدىن ئالغانلىقىنى دەپتۇ، باشقىلار ‹‹نەدىن ئالغانتىڭ دەپ سورىسا›› ‹‹مۆتىۋەر››دىن دىمەي ئامال يوق، بۇنداق بولغاندا ماركىنىڭ ئىناۋىتىگە تەسىر يېتىشى ئېنىق.

niyaz1

شۇنچە قوپاللىق قىلىۋاتسا يەنە 500 كوينى ئۈستەل ئۈستىگە قويسا، سېتىشتىن كېيىنكى مۇلازىمەت قانداق بولماقچىتى.

niyaz1

مىللىي كارخانىلار خەلقنىڭ مىللىي ھېسسىياتىغا ئەمەس، مەھسۇلاتلىرىنىڭ سۈپىتىگە تايىنىپ پۇل تاپقىنى ياخشى.