پار بىلەن تەمىنلەش ، ئىتىۋېتىش توغرىسىدا مەسلىھەت بەرسەڭلەر

faeza

قەدىرلىك قېرىنداشلار ، قانداق ئەھۋالىڭلار ؟ مەن سىلەردىن بىر مەسىلە توغرىسىدا مەسلىھەت سورىماقچى ئىدىم .
   مەن يېڭى ئۆي ئالغىلى 3 يىل بولدى . ئالغان ئۈيۈم 1- قەۋەتتە ، يەر ئاستىدىن ئىسىيدىغان پار ئورۇنلاشتۇرۇلغان . ئۈستىمىزدىكى 2- قەۋەتنى ئالغان خوشنامنىڭ خىزمىتى يېزىدا بولغاچمىكىن ، بۇ ئۈيىدە دەم ئېلىش ۋاقىتلىرىدىلا ئانچە مۇنچە كىلىپ تۇرىدۇ . ئارىلىقتا شەھەرگە كىرىپ تۇرۇۋاتقان تۇغقانلىرىمىكىن ، شۇلار تۇرىدۇ . بەزى كۈنلىرى ئادەم بار ، بەزى كۈنلىرى ئادەم يوق ھالەتتە تۇرىدۇ . ئۆينى ئالغان 1- يىلى پارنى شىركەت ئارقىلىق توختىتىۋەتكەن ئىكەن .باشقا رايۇنلاردا قانداقكىن ،بىزنىڭ ناھىيىمىزدە 1- يىلى سېتىلغان ئۆي ئىگىسى ئۆي ساتقان شىركەت ئارقىلىق پار بىلەن تەمىنلەشنى ئاچتۇرىدۇ .شۇنىڭدىن باشلاپ 3 يىل بولدى . پارنى ئاچماي ، 3- قەۋەت ھەم 1- قەۋەتنىڭ پارىنىڭ ئىسسىقى ئارقىلىق تۇرۇۋاتىدۇ . مەن پار بىلەن تەمىنلەش شىركىتىدىكىلەرگە ئەھۋال ئىنكاس قىلسام ، ئۇلار 1- يىلى شىركەت ئارقىلىق ئىتىۋەتكەنكەن . بىز پەقەت ھەريىلقى ئىتىش ھەققى 300 نەچچە يۈەننى تاپشۇرغۇزىمىز . ئۇلارنى پارنى ئېچىڭلار دىيىش ھوقوقىمىز يوق . ئەگەر 1- يىلى ئاچتۇرغان بولسا ، كىيىن توختىتىمىز دىسە ،بىز 1- ۋە 3- قەۋەتتىكىلەرنىڭ قوشۇلغانلىق ئىمزاسىنى كۆرۈپ ئاندىن پارنى ئىتىۋاتىمىز ، دىدى . پار شىركىتىدىكىلەرنىڭ دىيىشىچە ، نىمىشقا پارنى ئاچتۇرمايسىز دەپ سورىسا ، بىز مۇقىم تۇرمايۋاتساق دەپ تۇرۇۋاپتۇ .شۇنىڭ بىلەن مەن قانداق قىلىشنى بىلەلمىدىم ، خوشنا بولغاچقا قانداق ئېغىز ئېچىشنى ئۇقمايۋاتىمەن . ئۆي ساتقان شىركەتتىكىلەرگە دىسەم ، ئۇلار ئەتكۈزۈۋەتكەن ، بىز ئاچتۇرۇشقا مەجبورىلىيالمايمىز دەيدۇ . ئاھالىلار كومىتىتىدىكى تۇنۇشلارغا دىسەم ، ئۇلارمۇ ئېنىق جاۋاپ بىرەلمىدى .
    2- قەۋەتتىكى پارنى ئاچمىسىمۇ ئۆي بەك سوغاق ئەمەس ، شۇنداقتىمۇ ئۆتكەن يىلى قىشتا ئاپام ئاغرىپ قېلىپ ئۆيدە تۇرغۇزغىلى ئەكەلسەم ، سوغاقكەن دەپ ئۇزاق تۇرالمىدى . شۇڭلاشقا بەك جىددىيلىشىپ كىتىۋاتىمەن . زادى قانداق قىلسام بۇلار ، قەدىرلىك دوستلارنىڭ بىر ياخشىراق مەسلىھەت بېرىشىنى ، تەجرىبە ساۋاقلىرىنى سۆزلەپ بېرىشىنى چىن دىلىمدىن ئۈمىد قىلىمەن . قانداق قىلسام ياخشىراق ھەل قىلغىلى بۇلىدۇ ؟

مەنبە :ئۆزەمنىڭ ئويلىغانلىرى

uyghurboys

   پارنى ئىشلتىش ياكى ئىشلەتمەسلىك شۇ ئۆي ئىگىسىنىڭ ئىگىدارلىقىدىكى شەخسى ھوقۇقى ، شەخىس ۋە ئورۇنلارنىڭ پارنى تاقىۋەتكەن كىشىگە ئېچىشنى مەجبۇرلاش ھۇقۇقى بولمايدۇ .

elkelem

تازا كۈلكىلىك گەپتە-بۇ. خۇدانىڭ بەرگىنىگە شەيتان قىزغىنىپتۇ دېگەندەك. سىزنىڭ بىرىنچى قەۋەتتىكى پارىڭىزنىڭ ئىسسىقى بىلەن 2 - قەۋەت ئۆي قانچىلىك ئىسسىپ كېتەر. سىزمۇ خۇددى ئەپەندىمنىڭ لەتىپىسىدەكلا گەپ سوراپسىز. :
بىر كۈنى ئەپەندىم بىر ئاشخاننىنىڭ ئالدىدا ئولتۇرۇپ نېىنىنى يەپ بولۇپ قوپۇپ ماڭاي دەپ تۇرسا ئاشخانا خوجايىنى ئۇنى توسۇپ :
تاماقنىڭ پۇلىنى بەر دەپتۇ.
ئەپەندىم:
مەن سىزنىڭ تامىقىڭىزنى يىمىگەن تۇرسام .دەپتىكەن:
ھىلىقى خوجايىن:
سەن مېنىڭ ئاشخانامدىن چىققان مېزىلىك پۇراقلاردا نېنىڭنى مەززە قىلىپ يىدىڭ. شۇڭا پۇل تۆلەيسەن دېگۈدەك.
شۇنىڭ بىلەن ئەپەندىم يانچۇقىدىن پۇل قاپچۇقىنى چىقىرىپ، خوجايىننىڭ قۇلىقى تۈۋىگە ئەكىلىپ بىر ھازا جىرىڭلاتقاندىن كىيىن دەپتۇ:
ھەققىڭىزنى ئالدىڭىزمۇ؟
خوجايىن
-ياق.
شۇنىڭ بىلەن ئەپەندىم دەپتۇ:
__سىزمۇ مېنىڭ پۇللىرىمنىڭ شاراقشىغان ئاۋازىنى ئاڭلىدىڭىز. شۇنىڭ بىلەن تەڭلەشتۇق دەپ جاۋاپ بىرىپتۇ.
مۇندەقچە ئويلىساق، ئەگەر سىز ئولتۇرغان ئۆينىڭ ئۈستىدىكى ئۆينى بىرەرسى سېتىۋالماي بوش تۇرۇپ قالغان ئۆي بولسا ئۇنداقتا سىز كىمگە بەس سالاتتىڭىز. ئىككىنچى قەۋەتكە ئۆيۈمنىڭ ئىسسىقى چىقىپ كېتىدۇ دەپ ئۆيىڭىزگە پار كىرگۈزمەي ئولتۇرامتىڭىز. ئەگەر ئىككىنچى قەۋەتكە ئىسسىقىم چىقىپ كەتتى دەپ بىئارام بولسىڭىز  تورۇسقا ئىسىق ئۆتكۈزمەيدىغان قېلىنراق ماتىريال چاپلىۋىتىڭ.

yusup818

  بۇ قېرىندىشىمىز چوقۇم قىززىقچىلىق قىلىۋاتىدۇ،،،يۇمۇرنى مۇشۇنداق ئۇسۇلدا يازسىمۇ بولىدىكەنغۇ مانا،،،

irpan0998

ياۋ پانا    سىزبىلەن خوشنا بولغان ئادەمنىڭ جېنىغا ۋاي....... ھېلىمۇ ياخشى 6-قەۋەتتىن ئېپ قالماپسىز...

uyghurboys

  بەك توڭلاپ كەتسىڭىز ئىككىنچى قەۋەتتىكى خۇشىنىڭىزنىڭ پار پۇلىنىمۇ تۆلىۋەتمەمسىز ؟

uganguqi

قىززىق گەپ بولىدىدە ئاچامدۇ ئاچمامدۇ ئۇ ئۆزىنىڭ ئىشى
بىرىنچى قەۋەت دىگەن شۇنداق سوغۇقراق بولىدۇ،ئۇنىڭغا ئامال يوق
سىزنىڭ قوشنىڭىزغا ئېچىشنى تەلەپ قىلىشىڭىز يولسىزلىق ھىساپلىنىدۇ،ھىلىمۇ قوشنىڭىزنىڭ مۇجەزى ياخشىكەن