شىنجاڭ ئۇنىۋېرىستېتى فىلولوگىيە ئىنسىتىتۇتى «ئاسپىرانتلار مۇنبىرى» ئۆتكۈزۈلدى!
شىنجاڭ ئۇنۋېرىستېتى فىلولوگىيە ئىنىستىتۇتى قۇرۇلغاندىن بۇيان تۈركۈملىگەن ياراملىق كىشىلەرنى تەربىيلەپ يۇرتىمىزنىڭ تەرەققىياتى ۋە ئىدىئولوگيەسىگە چوڭقۇر تەسىر كۆرسىتىپ كەلگەن بولۇپ،ئىنىستىتۇتتىكى بۇ خىل گۈللىنىشنى مەكتەپتە دائىم ئۆتكۈزۈلۈپ تۇرىدىغان مۇنازىرەپائالىيەتلىرى، لېكسىيە ۋە تۈرلۈك كۇرژۇكلاردىن شۇنداقلا مۇشۇ پائالىيەتلەرنى تەشكىللەشكە كۈچ چىقىرىپ كېلىۋاتقان پىداكار باغۋەنلەرنىڭ ئەجىرىدىن ئايرىپ قارىغىلى بولمايدۇ. يېقىندا مەكتىپىمىزنىڭ فىلولوگىيە ئىنىستىتۇتىدايەنە، ئاسپىرانىتلار ئارىسىدىكى ئۆز-ئارائالاقە ۋە ھەمكارلىقنى كۈچەيتىش، ئۇچۇر ئالماشتۇرۇشنى مەقسەت قىلغان «ئاسپىرانتلارمۇنبىرى»دىن ئىبارەت بىر ئەھمىيەتلىك پائالىيەت پىروفېسسور، دوكتور ئاسپىرانتلار يېتەكچىسى ئوسمان ئىسمايىل تارىم مۇئەللىمنىڭ تەشەببۇسى، ئىنىستىتۇت رەھبەرلىرىدىن ئابدۇشۈكۈر موللەك قاتارلىقلارنىڭ قوللىشى ئارقىسىدا ۋۇجۇتقا چىقتى. «ئاسپىرانىتلار مۇنبىرى» دىن ئىبارەت بۇ ئۆزگىچەئىلىم سورۇنى مەكتىپىمىزنىڭ فىلولوگيە ئىنىستىتۇتىدىكى ئاز سانلىق مىللەت ئاسپىرانىتلىرىنى ئاساس قىلغان ھالدا ئايدا بىر سان ئۆتكۈزلدىغان بولۇپ، 20گەيېقىن ئاسپىرانىت يېتەكچىسى ئۆزلىرىنىڭ تەتقىقاتىدىكى ئەڭ يېڭى نەتىجلىىرىنى ئاسپىرانىتلارغا تۇنۇشتۇرۇپ، ئۆز تەتقىقاتنىڭ ئوقۇغۇچىلار ئارىسىدىكى چۈشىنىشنى يۇقىرى كۆتىرىش بىلەن بىرگە، ئوقۇغۇچىلارنىڭ بۇ جەھەتتە يەنىمۇ چوڭقۇر تۇنۇشقائىگە بولىشىغا تۈرتكە بولىدۇ. ئۇندىن باشقا يەنە، ئايدا بىر سان مەخسۇس ئاسپىرانىتلار كىتاب ئوقۇشپائالىيتى ئۆتكۈزۈلدىغان بولۇپ، بۇنىڭدا ئوقۇغۇچىلارنىڭ ئۆگىنىش ۋە كىشلىك ھاياتىغانىسبەتەن مەلۇم ئەھمىيەتكەت، نەزەرىيۋى چوڭقۇرلۇققا ئىگە كىتابلار ئوقۇپ كېلىشكەئۇرۇنلاشتۇرۇلىدۇ ۋە ئوقۇغۇچىلاردىن ئۈچتىن تۆتكىچە نامزات تاللىنىپ ئۆز تەسىراتنى سۆزلەپ بېرىشكە تەكلىپ قىلىنىدۇ. تەسىرات سۆزلىنىپ ئوقۇغۇچىلارنىڭ ئۇ ھەقتىكى سوئاللىرىغا جاۋاب بېرىلىپ بولغاندىن كېيىن، تىل-ئەدەبىيات، فولىكلور ۋە تارىخىمىزغائائىت سوئاللار ئوتتورىغا قويۇلىدۇ ۋە كىتابخانىلار تەرىپىدىن تەمىنلەنگەن تۈرلۈك كىتابلار بىلەن مۇكاپاتلىنىدۇ. «ئاسپىرانىتلار مۇنبىرى» باشلانغاندىن بۇيان، ئىككىقېتىملىق ئوقۇتقۇچىلارنىڭ ئىلمىي دوكىلاتى ۋە بىر قېتىملىق كىتاب ئوقۇش پائالىيىتى بولۇپ جەمئىي ئۈچ سان ئۆتكۈزۈلدى.
شىنجاڭ ئونىۋېرسىتېتى فىلولوگىيە ئىنىستىتۇتىنىڭ ئوقۇت ...
«ئاسپىرانىتلارمۇنبىرى» نىڭ 1-سانىدا: ئامېرىكا ھاۋاي ئونىۋېرسىتېتى جەمئىيەتشۇناسلىق پەنلىرى دوكتورى، شىنجاڭ ئۇنىۋېرسىتېتىنىڭ «تەڭرىتاغ ئىلىمدارى» زۇلپىقار بارات ئۆزباش «ئۆگىنىش ئۇسۇلى ۋە تەتقىقات سەنئىتى» تېمىسىدا دوكىلات بەردى. دوكتۇرزۇلپىقار بارات ئۆزباشنىڭ دوكىلاتى سىستېمىلىق ئۆگىنىش قىلىشنىڭ زۆرۈرلىكى،ئۆزلۈكىدىن ئۆگىنىش ۋە ئىزدىنىشنىڭ مۇھىم بىرقانچە تۈرى، شۇنداقلا نۆۋەتتىكى ئىجتىمائىي پەنلەردىكى تەتقىقات مىتۇدلىرىنى تونۇشتۇرۇش، تەتقىقاتتا ئەھمىيەتبېرىشكە تېگىشلىك تەرەپلەردىن تەشكىل تاپقان بولۇپ، ئومۇمەن، مول بولغان ئۆگىنىش،تەتقىقات ئۇسۇللىرىنى ئۆز ئېچىگە ئالدى. دوكتۇر زۇلپىقار بارات ئۆزباش ئىجتىمائىي پەن تەتقىقاتلىرىدىكى دەلىل كەلتۈرۈش، ئىسپاتلاش، ماتىرىيال مەنبەسى تولۇق ۋە سىستېمىلىق بولۇش قاتارلىق تەرەپلەردەقاراشلىرىنى ئوتتۇرىغا قويۇپ مۇنبەرگە قاتناشقۇچىلارنىڭ بۇ تەرەپلەردە يەنىمۇئىلگىرىلىگەن ھالدا ئۇچۇر ۋە بىلىمگە ئىگە بولىشىنى ئىلگىرى سۈردى. دوكىلاتئاخىرىدا قاتناشقۇچىلار تەتقىقات جەھەتتە ئىلگىرى ئۆزلىرى ئۇچىرىغان ، دوكىلاتنى ئاڭلىغاندىن كېيىن پەيدا بولغان مەسىلىلەر ۋە تەجىرىبە، ساۋاقلارئۈستىدە مۇلاھىزە ئېلىپ باردى. مۇنبەرگە قاتناشقان ئىنىستىتۇت رەھبەرلىرى،ئوقۇتقۇچى، ئوقۇغۇچىلار مۇنبەرنىڭ ئەھمىيىتىنى مۇئەييەنلەشتۈردى، شۇنداقلا«ئاسپىرانىتلار مۇنبىرى»نىڭ بۇنىڭدىن كېيىنكى تەرەققىياتىغا يېقىندىن كۆڭۈلبۈلىدىغانلىقى بىلدۈردى.
«ئاسپىرانىتلارمۇنبىرى»نىڭ 2-سانىدا: فىلولوگىيە ئىنىستىتۇتىنىڭ پىشقەدەم ئوقۇتقۇچىسى، پروفېسسور، ماگىستىر ئاسپىرانىتلار يېتەكچىسى غەيرەتجان ئوسمان ئۇتغۇرمۇئەللىم «كىلاسسىك ئەدەبىيات تەتقىقاتىدىكى بىر قانچە مەسىلە ھەققىدە» دېگەن تېمىدا ئەتىراپلىق ئىلمىي دوكىلات بەردى. غەيرەتجان مۇئەللىم دوكىلاتقا تەييارلىغان مول مەزمۇندىكى ماتېرىياللار ئاساسىدا ئۇيغۇر كىلاسىسىك ئەدەبىياتىغا ئائىت چىققان تۈرلۈك كىتاب-ماتېرىياللارنى پىرويىكسىيە ئاپپاراتى ئارقىلىق لىكسىيەگەكەلگەنلەرگە بىرمۇ بىر تۇنۇشتۇرۇپ ئۆتتى ۋە ئۇ ھەقتىكى ئۆزگىچە قاراشلىرىنى سۆزلەپ ئۆتتى. ئىلمىي دوكىلات بىر يېرىم سائەت ئەتىراپىداداۋاملاشقان بولۇپ، دوكلاتتىن كېيىن غەيرەتجان مۇئەللىم ئوقۇغۇچىلار ۋە بىر قىسىم دوكىلاتقا قاتناشقىلى كەلگەن ئوقۇتقۇچىلار تەرىپىدىن چۈشكەن سوئاللارغا ئەتىراپلىق جاۋاب بېرىپ، قاتناشقۇچىلارنىڭ كەيپىياتىنى يۇقىرى پەللىگە كۆتۈردى.
«ئاسپىرانىتلارمۇنبىرى» نىڭ 3-سانىدا: مۇنبەرنىڭ 3-سانىدا ،فىلولوگيە ئىنىستىتۇتىنىڭ ئەينى چاغدىكى باغۋىنى، ئالىم ئابدۇشۈكۈر مۇھەممەتئىمن ۋاپاتىنىڭ 20 يىللىقىنى خاتىرلەش، ئۇنىڭ سەمەرىلىك ئەمگەكلىرىنى قايتىدىن ئەسلەپ چىقىش يۈزىسىدىن ئۇنىڭ«يىپەك يولىدىكى توققۇز ھېكىمەت» ناملىق كىتابىنى ئوقۇش ۋە تەسىرات سۆزلەش ئورۇنلاشتۇرۇلدى.بۇ پائالىيەتتە ئاسپىرانىتلاردىن مېھرىبان نىياز چوغلۇق ،ئاينۇر روزى ۋەئابدۇنىياز ئىمىن قاتارلىقلار ئايرىم-ئايرىم ھالدا كىتاب ھەققىدىكى تەسىراتلىرى ۋەئابدۇشۈكۈر مۇھەممەتئىمىننىڭ تۈرلۈك كۆز-قاراشلىرىنىڭ بۈگۈنكى رېئال ئەھمىيتى ھەققىدە سۆزلەپ ئۇ ھەقتە چۈشكەن بىر قىسىم سوئاللارغا جاۋاب بېرىپ ئۆتتى. ئارقىدىن تىل-ئەدەبىيات، تارىخ، فولىكلورغا بويىچەسوئاللار سورىلىپ، ئىختىيارى جاۋاب بەرگۈچىلەرگە ئۈرۈمچى «ئىزچىلار كىتابخانىسى»تەرىپىدىن تەمىنلەنگەن كىتابلار سوۋغا قىلىندى.
«ئاسپىرانىتلارمۇنبىرى» بۇ يېڭى مەۋسۈمدىن باشلاپ يەنە داۋاملىق ئۆتكۈزۈلىدىغان بولۇپ،ئىنىستىتۇتتىكى بارلىق ئوقۇتقۇچىلار ۋە ئاسپىرانىتلار ئارىسىدا كۆۋرۈكلۈك رولىنى تېخىمۇ ياخشى جارى قىلدۇرىدۇ. ئۇنىڭدىن باشقا ئاسپىرانىتلار ئۆزلىرىنىڭ تەتقىقات نەتىجىلىرى ئۆزئارا تونۇشتۇرۇش ئارقىلىق بىر قەدەم ئىلگىرلىگەن ھالدا يۇقىرىقى كەپيىاتتا ئىلىم ئېلىش ، مۇلاھىزە قىلىش ھالىتىنى شەكىللەندۈرىدۇ. يۇقىرقى مەزمۇنلار «ئاسپىرانىتلار مۇنبىرى»نىڭ ھازىرغىچە بولغان سانلىرىنىڭ قىسقىچەتونۇشتۇرۇشلىرى بولۇپ ھېسابلىنىدۇ. |