ئابدۇرېھىم ھېيت ۋە تۈرك قارداش: ئۇچراشقاندا

honzade

مەن بۇ يوللانمام ئارقىلىق ئىككى سەنئەتكارنى سېلىشتۇرۇش مەقسىتىم بولمىسىمۇ، بىراق ھەر ئىككىسى ئورۇنلىغان مەزكۇر ناخشىنىڭ نۇسخىلىرىنى بىر قانچە قېتىمدىن ئاڭلاپ چىقتىم. ھەمدە خۇلاسەم شۇ بولدىكى، بىز ئابدۇرېھىم ھېيت ئاكىنى تۈزۈك تونۇماي كەپتىمىز...
ئەتراپىمىزغا قارىساق بىزدە ناخشىچىلار ساماندەك، ئەمما يىپەك يولى ساداسى باشلانغاندىن بېرى ئەشۇ ساماندەك ناخشىچىلار ئارىسىدىن ھەقىقى سەنئەتكارلارنى پەرقلەندۈرۈش، ناخشا دىگەنگە قانداق باھا بېرىش جەھەتلەردە تاماشىبىنلارنىڭمۇ سەۋىيىسى ھەقىقەتەن نەچچە بالداق يۇقىرى كۆتۈرۈلدى دەپ ئويلايمەن. ئەلۋەتتە بىر مىللەتتە پەقەت ناخشا-مۇزىكىلا بىر يوغان تېما بوپ كېتىشنىڭ ئۆزى ھەم دىگەندەك توغرا چىقىش يولى ئەمەس، ئەمما ناخشا، سەنئەتسىز بىر مىللەت پۈتۈنلۈكىگە نۇقسان كېلەر. بۇ يەردىكى ناخشىچى ۋە سەنئەتكارلار ئۆزى ئېيتقان ناخشا، ئورۇنلاۋاتقان سەنئىتىنى پۇل، مەنپەئەت، يۈز- ئابرويدىنمۇ قىزغىن سۆيەلىگەندىلا ئاندىن مىللەتنىڭ بىر پۈتۈنلۈكىنى تەشكىل قىلغۇچى ئامىل بولالايدۇ دەپ قارايمەن. بولمىسا ئۇ بىر تۈرلۈك ئىسراپچىلىقتىن باشقا نەرسە ئەمەس...

ئابدۇرېھىم ھېيت ئاكا پەقەت دۇتار بىلەنلا بۇ ناخشىنى شۇقەدەر ۋايىغا يەتكۈزۈپتۇ. سەنئەتكارنىڭ ھاياتىغا بەرىكەت، ئىشلىرىغا ئۇتۇق ۋە تېنىگە سالامەتلىك تىلەيمەن!
شۇنداقلا كۆڭلۈمگە كەلگەن بىر ئارزۇيۇمنى كۆپچىلىككە دەپ ئۆتسەم، ئابدۇرېھىم ھېيت ئاكىمۇ يىپەك يولى ساداسى ۋە ياكى شۇ تىپتىكى پروگراممىلار ئارقىلىق ۋۇجۇدىدىكى بۇ سەنئەتنى، خەلق، يۇرت سۆيەرلىككە يۇغۇرۇلغان سەنئەت ئىجادىيەتلىرىنى شاگىرت يولى ئارقىلىق كېيىنكىلەرگە قالدۇرسىكەن دىگەن ئۈمىدتىمەن.

تۆۋەندە مەزكۇر ناخشىنىڭ ئىككى سەنئەتكار تەرىپىدىن ئورۇنلانغان نۇسخىلىرىدىن بەھر ئالغايسىلەر:

ئۇچراشقاندا
تۇرك سەنئەتكارى


ئۇچراشقاندا
ئابدۇرېھىم ھېيت

پىكىرلىرىمدە ئېغىش كۆرۈلگەن بولسا ئۆزۈر، ئاتلاپ ئۆتۈپ كەتكەيسىلەر

atakan

ياخشى تېما بوپتۇ .

ablimit007

مەن بىلىدىغان ناخشىچىلارنىڭ ئىچىدە ئابدۇرېھىم ھېيتنىڭ ئوغرىلىق دىپلومى يوق. قالغان ناخشىچىلارنىڭ كۆپ قىسمى نومۇسسىز ئوغرى ناخشىچىلاردۇر.

kitabhumar

يوققۇ ناخشا ئ‍ادىرسى ؟

a.kaxkiriy

ئابدۇرىھىم ھىيىت ئاكىنى تونۇماي كەپتۇق دەپ كەتكىلى بولمايدۇ. 90- يىللارنىڭ بېشىدىلا تۇنجى ئۈن ئالغۇ لىنتىسى چىققاندىلا ئۇيغۇرلانىڭ كۆپ قىسمى تونۇپ بولغان. پەقەت سىز كىچىك بولۇشىڭىز مۈمكىن، شۇڭا كىيىنرەك تونۇغان بولۇشىڭىز مۈمكىن.

huxruy

تۈرك ناخشىچىمۇ بەك ئېسىل ئېيتقان بۇ ناخشىنى ۋۇجۇدلارنى تىترىتىپ ، مەن نەچچە ئاڭلىغان ئىدىم بۇ ناخشىنى ئۈندىداردا .

راست ، سىز دېگەندەك ئابدۇرەھىم ھېيت ئۇستاز ئەسلى ‹‹ يىپەك يولى ساداسى ›› دەك چوڭ تىپتىكى سەنئەت پروگراممىلىرىدا ئۇستاز بولۇپ ئولتۇرۇشقا ، ئۆزىگە ئوخشاش ئىخلاسمەن ، تۆھپىكار سەنئەتكارلارنى تەربىيىلەشكە تامامەن كامىل ئۇستاز سەنئەتكار ئىدى .
خەلقىمىز ئۈچۈن  گۈزەل كۈيلەرنى  تەقدىم ئەتكەن تۆھپىكار سەنئەتكارىمىزغا تېخىمۇ زور ئۇتۇقلار تىلەيمىز .

yaqup

ئابدۇرىھىم ھېيىت ئاكىمىزنىڭ ئۆزىمۇ ھەم ناخشىللىرىمۇ ھەقىقەتەن سۆيۈشىمىزگە ئەرزىيدۇ-زادى....ئىمكان بارلار ناخشا ئۇلانمىللىرىنى يوللاپ قويسا بولاتتى...http://www.last.fm/zh/يەردىنمۇ ئىزلىسە بولىدىكەن...http://music.izda.com/?a=search&q=ئابدۇرېھىم+ھېيت

ErkeOghul

ناۋادا  ئابدۇرىھىم ھىيىت  يىپەك يولى ساداسىغا چىقىپ قالسا ، ئىۋۇ ئۇستازلار دىن  بەكرەك قاتتىق تەلەپ قويۇپ ، ياخشى ناخشىچىلارنىڭ چىقىشا تۈرتكە بولىدۇ مىنىڭچە.( شەخسىي كۆز قاراش).

ئابدۇرىھىم ھىيىت ناخشىلىرى مەن داۋام ئاڭلايدىغان ناخشىلار ، مەن  مۇشتاپتا  ئۇنىڭ   ناخشىلىرىنى  ئاڭلاپ ئولتۇرۇپتىمەن .


ناخشا  _____    ئاتىلار :
             : بارچە شائىر ئاناملا دېدى،
             ئاتىلارى يوقمىكىن ئەستە.
             ئۇلار شۇنداق ئاتىلار ئىدى،
             يولۋاسنىمۇ قويغان ھەۋەستە...



ئانا تىل :   
      ئانا تىل بىلگەن كىشىنىڭ ئىززىتىنى قىلغۇم كېلۇر،
      ئانا تىلنى ئاغزىدىن ئالتۇن بىرىپ ئالغۇم كېلۇر...