ئەلگە نەپ يەتكۈزۈش خىزمىتىدىن ياردەم سورايمەن

Tarim177

ئەسسالامۇ ئەلەيكۇم قېرىنداشلار،ھەممىڭلارنىڭ سالامەت بۇلۇشىنى تىلەيمەن...
    مەن جەنۇبىي شىنجاڭدىكى مەلۇم بىر ناھىيىلىك مائارىپ ئىدارىسىنىڭ ئىشلەمچىسى ،يېقىندا،ناھىيىلىك تەشكىلات بۆلۈمىنىڭ ئۇرۇنلاشتۇرۇشىغا ئاساسەن،ناھىيە بازىرىدىن ئوتتۇزنەچچە كىلومىتېر يىراقلىقتىكى بىر كەنتكە بىر يىللىق خىزمەتكە چۈشىدىغان بولدۇم.
    مەقسەتكەكەلسەم ،مەن كەنتكە چۈشكەندىن كىيىن، گەرچە قۇلۇمدىن چوڭ ئىش كەلمىسىمۇ ،ئازىراق بولسىمۇ دېھقانلارغا ئەمەلىي ئىش قىلىپ بىرىشنى كۆڭلىمگە پۈكتۈم.ھازىرچە ئويلىغانلىرىم بولسا،دېھقانلارنى بۇلۇپمۇ ياشلارنى كىتاپ ئوقۇشقا يېتەكلەش؛ھەركۈنى كەچتە مۇۋاپىق ۋاقىت ئاجىرتىپ دېھقالارغا كىتاپ ئوقۇپ بەرسەم؛كەنتكە كۈتۈپخانا قۇرۇپ،دېھقانلارنى ھەرۋاقىت كىتاپ كۆرەلەيدىغان شارائىتكە ئىگە قىلسام؛
    ئويلىغانلىرىم كۆپ،بارغاندىن كىيىن يەنە قانداق ئىش قىلىشىم كېرەكلىگىنى بىلەلمىدىم،.بەلكىم،ئويلىغانلىرىمنىڭ ھەممىسىنى روياپقا چىقىرالىشىم ناتايىن،شوڭا مەن ئەشۇ جاپاكەش دېھقانلىرىمغا ئۆزۈم قىلالىغىدەك ھەقىقى ئىش قىلىپ بىرىش مەقسىتى دەسىلەردەك قېرىنداشلىرىمغا مۇراجەت قىلدىم، ماڭا قىممەتلىك پىكىر-تەكلىپ بىرىشىڭلارنى چىن كۆڭلىمدىن ئۈمۈت قىلىمەن.

guzalyurtum

قىلماقچى بولغىنىڭىزنى شۇ كەنتنىڭ چۈشكەندىن كېيىن كەنتنىڭ ئەمىلې ئەھۋالىغا قاراپ  بەلگىلىسىڭىز بولىدۇ.

ھازىر ئاساسىي جەھەتتىن ھەممە كەنتتە كۈتۈپخانا بار. لىكىن دىھقانلارنىڭ  ئارىيەت ئېلىپ كىتاپ ئوقۇغىدەك  ۋاقتى بارمۇ -يوق بىر نېمە دىمەك تەس.

guzalyurtum

.................

judaliq

ناھايىتى ئۇلۇغ ئىشقا تۇتۇش قىپسىز،بولسا ئادرسنى قالدۇرۇپ قويۇڭ،مەن ئوقۇپ بولغان كىتابلىرىمنى ئەۋەتىپ بىرەي،دېھقان دوسلىرىمغا،دادا_ئانىلىرىمغا ئوقۇپ بېرىڭ.

judaliq

ئۇنىڭدىنمۇ ئارتۇقراق ئىش قىلىپ بېرەي دىسىڭىز،قۇرلۇش ئەترىتى قۇرۇپ ئەمىن ئۆي قۇرلۇشىنى شۇلارئۆزلىرى قىلسۇن،ئىشتىن چۈشكەندە كىتاب ئوقۇپ بېرىڭ بېرە سائەت.

Tarim177

دىگىنىڭىز توغرا قېرىندىشىم، سىز دىگەندەك دېھقانلار ئەمگەكتىن يېنىپ ،كىتاپ ئوقۇشى ناتايىن، شۇنداقتىمۇ مەن ئۇرۇنۇپ باقماقچى ،دېھقانلارنى قىزىقتۇرالايدىغان بېرە ئامال تېپىپ قالسام ئەجەپ ئەمەس...

putin

        سىزگە باشقىچىراق پىكىر بىرىشنى ئويلاپ قالدىم .
سىزنىڭ دىمەكچى بولغان ياشلارنىڭ كىتاب ئوقۇشى - بىز زادى كىتاب ئوقۇشقا قانچىلىك مۇھتاج ؟سىز بۇ ھەقتە تەپەككۈر قىلىپ باقتىڭىزمۇ ؟يەنە زادى قانداق كىتابلارنى ئوقۇش ؟كىملەر كىتاب ئوقۇش ھەققىدەق تەھلىل قىلىپ باقتىڭىزمۇ  ؟
    مىنىڭچە جەنۇپتىكى قىرىنداشلىرىمىزنىڭ ئۈگىنىدىغان ،يەرلىك ھۆكۈمەت تەرىپىدىن تەبىيلىنىدىغان ئىشلىرى مىنىڭچە يىتەرسىز ئەمەس  .سىزنىڭ دىھقانلارغا كىتاب ئوقۇشتىن بەھىرلىنىش ئارزۇسى ئۈچۈن مۇشۇ تېمىنى يىزىپسىز ،سىزدەك ئەمەلىي خىزمەت كىلىش كاللىسى بار ئۇيغۇر كادىرلىرى  ئىنتايىن ئاز .بىراق ،بىز ياخشى ئىدىيە  ياكى ياخشى ئىش دەپلا يىتەكلەش ياكى چاقىرىق قىلساق بولمايدۇ .دىھقانلار نىمىگە كۆڭۈل بۆلىدۇ بۇنى بىلەمسىز ؟دىھقانلار ئىتىزىغا كۆڭۈل بۆلىدۇ .ئىتىزدىن چىققان نەرسىگە كۆڭۈل بۆلىدۇ .بۇ ھەقتىكى تىخىنىكىلىك بىلىملەرنى سىز كىتابتىن ئوقۇپ بىرەسىز، چۈشەندۈرەلەمسىز ؟بۇ يەنىلا يۈزەكى يىتەكلەشمۇ قانداق ؟
    بۇ يىل كىتاب ئوقۇش يىلى بولۇپ  ئۇيغۇرلار ئىجدىمائى تۇرمۇشىغا يۈز يىلدىن بۇيانقى ئەڭ چوڭ تەسىر كۆرسەتكەن ئىجدىئائى ئىش دىسەك بولىدۇ .ئۇيغۇر يىڭى مائارىپى غەلبىە بىلەن ئۇيغۇرلارنى زامانىۋى جەمىئەتكە كىرگۈزدى .كىتاب ئوقۇش يىلى بىزنى مەدەنىي جەمىئەتكە تىخىمۇ يىقىنلاشتۇردى .بىز مۇشۇنداق ئىجدىمائى چاقىرىقلار ئارقىلىق مېللىتىمىزنى ئىتىپاقلاشتۇرۇپ ،ساپاسىنى ئۆستۈرەلەيمىز .ئەمدى ،مەسىلە كىتاب ئوقۇسىلا ساپا ۋە مەدىنىيەت ساھىپى بولالامدۇ ؟
سىز مائارىپ باغۋىنى بولغانلىقىڭىز ئۈچۈن ،سۆزلىرىمنى ئۇدۇل دەۋەردىم .ياسالمىلىق قىلمىدىم .مىنىڭچە سىزمۇ مىنىڭ دىمەكچى بولغانلىرىمنى بىلىپ بولدىڭىز .
سىزنىڭ ئامال بار دىھقانلار بىلىم ۋە نەپ يەتكۈزىدىغان ،ياشلارنىڭ ئوقۇشقا ،ئىقتىساد تىپىشقا ،سىرتقا چىقىپ ،ئىقتىساد ۋە تونۇش ھاسىل قىلىشقا دەۋەت قىلدىغان ،تۈرتكە بولىدىغان ئەمەلىي ۋە تېز ئۈنۈمى كۆرىدىغان ئىشلار ھەققىدە كۆپ ئويلۇنۇپ ،مۇشۇ بىر يىل ئىچىدە ۋىجدانىڭىز يەرگە قارىمايدىغان ،خەلقىم ،مېللىتىم دەپ دىيەلەيدىغان خىزمەت قىلىپ ،بىر يىلنى كىتاب ئوقۇش يىلىدەك ئۆتكۈزۈڭ .سىزنىڭ بۇ كىتاب ئوقۇش ھەققىدىكى قارىشىڭىزغا بۇنداق سوغۇق مۇئامىلە قىلىشىم ،يەنىلا ئۇيغۇر ياشلىرى جەنۇپ ياشلىرىنىڭ <كىچىك ياشلىرى >،<تەڭرىتاغ مۇنبىرى >دىن كىيىنكى تەشۋىقات خاراكتىرى كۈچلۈك ئىجدىمائى كىتابلارغا باغلىنىپ ،يۇرتتىن چىقارغۇزمايدىغان بىر تۈرنىڭ كۆپىيىسىنى ئانچە ئۈمىد قىلمىغانلىقىم ئۈچۈن .

ablimitt

  ئەمىلى قوللىنىلىدىغان دېھقانلارغا پايدىلىق كىتاپلار بولسا ئىزدىنىپ باقارسىز، دېھقانلار ئالەم كىمىسى خەۋەرلېرىدىن ھاياجانلىنىشقا ئەمەس تەڭڭە تاپقىلى بۇلىدىغان بىلىملەرگە بەكرەك مۇھتاج...