[بىلىمدان] نامراتلىق ۋە بالىلار مېڭىسىنىڭ يېتىلىشى

bilgejan

نامراتلىق بالىلارنىڭ مېڭىسىنىڭ يېتىلىشى ۋە دەرس نەتىجىسىنى چېكىندۈرىدۇ

تۇرسۇنجان بىلگە تەرجىمىسى

ئاپتور: Diana Kwon
مەنبە: ئىلمىي ئامېرىكىلىقلار ژۇرنىلى

ئامېرىكا مېدىتسىنا ئىلمىي جەمئىيىتى ژۇرنىلىدا ئېلان قىلىنغان بىر تەتقىقات نەتىجىسىگە ئاساسلانغاندا، نامراتلىقتا ئۆسۈپ -يېتىلىش بالىلارنىڭ مېڭە يېتىلىشىنى توسقۇنلۇققا ئۇچرىتىپ، ئۇلارنىڭ مەكتەپتىكى دەرس نەتىجىسىنىڭ تۆۋەن بولۇشىنى كەلتۈرۈپ چىقىرىدۇ.

ئۇزاقتىن بىرى كىشىلەر نامراتلىق ۋە ئىجتىمائىي ئارقا كۆرۈنۈشنىڭ بالىلارنىڭ ئۆگىنىش نەتىجىسىنىڭ تۆۋەنلىشىگە مۇناسىۋەتلىكلىكىگە ئىكەلىكىنى بىلەتتى. يېقىنقى تەتقىقاتلار نامراتلىقنىڭ بالىلارنىڭ مېڭە سىرتقى يۈزى كىچىك بولۇش بىلەن باغلىنىشلىقىنى كۆرسىتىپ بەردى. نۆۋەتتىكى تەتقىقات يۇقىرى ۋە تۆۋەن كىرىملىك ئائىلىلىك بالىلارنىڭ نەتىجىسىدىكى پەرقنىڭ 20% گە يېقىن بولۇشى مېڭە يېتىلىشىدىكى ئوخشىماسلىقلار بىلەن مۇناسىۋەتلىك ئىكەنلىكىگە ئىسپاتلارنى تەمىنلىدى.  

ئامېرىكا ۋىسكونسىن ئۇنىۋېرستېتى - مەدىسوندا ئىشلەۋاتقان پىسخولوگ پوللاك ۋە ئۇنىڭ خىزمەتداشلىرى تۆت ياشتىن 22 ياشقىچە 389 ساغلام بالىلار ۋە ياشلارنى تەتقىقات ئوبىيكتى قىلىپ، دەرس نەتىجىسى بىلەن مېڭىدىكى بىر قانچە تاللانغان يەرلەرنىڭ يېتىلىشىنىڭ قانداق پەرقى بارلىقىنى سېلىشتۇرىدۇ. تەتقىقاتچىلار ماگېنىتلىق تەۋرىتىپ سۈرەتكە تارتقۇدا ئۇبىكىتلارنىڭ ئالدى، يان مېڭە بۆلمىسى ۋە مېڭە سەقەنقۇر بۆلىكى قاتارلىق قىسىملىرىدىكى كۈلرەك ماددىنى ئېنىقلاش ئۈچۈن سىكانىرلايدۇ. بۇ مېڭە بۆلەكلىرى دەسلەپكى مۇھىتىنىڭ تەسىرىگە ئۇچرايدىغان، شۇنداقلا دەرسلەردە ياخشى نەتىجىگە ئېرىش ئۈچۈن زۆرۈر بولغان ئەقلىي جەريانلارنى تىزگىنلەيدىغان مېڭە بۆلەكلىرىدۇر. بىر قىسىم تەتقىقات ئوبيىكىتلىرى 24 ئايدىن كېيىن قايتىپ كىلىپ تەكرار باھالاشنى قوبۇل قىلغان ۋە كېيىنكى 6 يىلغا يېقىن داۋاملىق تەكشۈرتۈپ تۇرغان.

تەتقىقاتچىلار ھۆكۈمەت بېكىتكەن نامراتلىق چېكىدىن تۆۋەن كىرىمدىكى ئائىلىلەردە ئۆسكەن بالىلارنىڭ مېڭە كۈلرەك ماددىسىنىڭ مېڭىسى نورمال يېتىلگەن بالىلارغا قارىغاندا 8-10% ئەتراپىدا كىچىكرەك ئىكەنلىكىنى بايقىغان. ئەمما ئۇلار نورمال كىرىملىك ئائىلىنىڭ بالىلىرى بىلەن باي ئائىلە بالىلىرىنىڭ ئارىسىدا پەرق بارلىقىنى بايقىمىغان. مۇنداقچە ئېيتقاندا، بايلىق نەتىجىنىڭ ياخشى بولىشىنى بەلگىلىمەيدۇ، بەلكى كىرىم مەلۇم چەكتىن تۆۋەنلەپ كەتكەندە مېڭە يېتىلىشىگە ناچار تەسىر كۆرسىتىدىغانلىدىن دېرەك بېرىدۇ.
«داۋاملاشقان بىر يۈزلىنىشنى كۆرمەسلىكىمىز ئىنسانلارنىڭ ماسلىشىشچانلىقىنىڭ يۇقىرى ئىكەنلىكىدىن دەپ قارايمەن. ئىنسان بالىسى ئېغىرچىلىقلارغا، ناچار مۇھىتقا ئوبدانلا ماسلىشىپ كېتەلەيدۇ، ئەمما زىيادە يۇقسۇللۇق ئۇلار ماسلىشالايدىغان بۇ دائىرىنىڭ سىرتىدا دەپ ئويلايمەن.» دەيدۇ، پوللاك.

پوللاك بالىلار ئۆسكەنسىرى ئۆيدىن مەكتەپتە ئۆتكۈزىدىغان ۋاقتى كۆپرەك بولغاچقا، مېڭىسىنىڭ يېتىلىشىدىكى پەرق بارغەنچە ئازلاپ مېڭىشىنى ئۈمىد قىلغان ئىدى، ئەمما ئەھۋال ئۇنداق بولۇپ چىقمىدى. مېڭە يېتىلىشىدىكى بۇ پەرق 22 ياشتىمۇ يەنىلا داۋاملىشىدۇ.

نامراتلىقنىڭلا تەسىرىنى بىلىش ئۈچۈن، تەتقىقاتچىلار مېڭە تەرەققىياتىغا تەسىر كۆرسىتىدىغانلىقى بىلىنگەن روھىي كېسەل ئائىلە تارىخى ياكى يۇقىرى خەۋىپلىك ھامىلدارلىق جەريانى دېگەندەك ئامىللارنىڭ تەسىرىگە ئۇچرىغان بالىلارنى تەتقىقات دائىرىسىدىن چىقىرىۋەتكەن. نەتىجە يەنىلا ئېنىق، يەنى باشقا ئامىللارنى چىقىرىۋەتكەندىمۇ، تۆۋەن ئىقتىسادى ۋە ئىجتىمائىي ئارقا كۆرۈنۈشتىكى ئائىلەردە يېتىلىشنىڭ بالىلارغا بولغان سەلبىي تەسىرى ناھايىتى ئېنىق. "بۇ بىر مۇھىم تەتقىقات" دەيدۇ - بۇ تەتقىقاتقا قاتناشمىغان ۋاشىڭگىتون ئۇنىۋېرسېتېتى -سائىنىت لۇيىس مېدىتسىنا ئىنىستىتۇتىدىكى روھىي كېسەللەر دوختۇرى جوئان لۇبىي. ئۇ بۇ تەتقىقاتنىڭ ھازىر بار تەتقىقات نەتىجىلىرىنى يەنىمۇ يۈكسەلتكەنلىكىنى ھەمدە نامراتلىق بىلەن ئۆگىنىش نەتىجىسى ئوتتۇرىسىدىكى ھەقىقىي باغلىنىشنى بارلىققا كەلتۈرگەنلىكىنى تىلغا ئالىدۇ.  «بۇ نەتىجىلەر بىزگە كەلگۈسىدىكى ئاممىۋى ساغلاملىق ئىشلىرىمىز ئۈچۈن يول كۆرسىتىپ بېرىدۇ.» دەيدۇ، ئۇ يەنە.

تۆۋەن كىرىملىك ئائىلەردە ئۆسكەن بالىلار يەنە ياخشى يېيەلمەسلىك، خەتەرلىك مەھەلىلەر ۋە روھىي بېسىم ئاستىدىكى ئاتا-ئانىلار قاتارلىق تۈرلۈك بېسىملارغىمۇ ئۇچرايدۇ. گەرچە بۇنداق بېسىملارنى يەڭگىللىتىشنىڭ ئېنىق ئۇسۇلىنى دېيەلمىسىمۇ، پوللاك ۋە ئۇنىڭ گۇرۇپپىسىدىكىلەر كۆپ خىل ئىجتىمائىي پىروگراممىلارنى يولغا قويۇشق ئارقىلىق بۇ ئەھۋالنى يېنىكلەتكىلى بولىدۇ، دەپ قارايدۇ.

مەنبە:
http://www.scientificamerican.co ... ademic-performance/


ئەسكەرتىش: بۇ ماقالە بىلىمدان ژۇرنىلىدا ئېلان قىلىنغان. مەزكۇر ماقالىنىڭ PDF نۇسخسىنى بىلىمدان مەخسۇس سەھىپىسىدىن (http://www.okyan.com/index.php?m ... x&a=lists&catid=322) چۈشۈرۋالالايسىز. بىلىمدان تور ژۇرنىلىمىزدا ئېلان قىلىنغان بارلىق ماقالىلەرنى رۇخسەتسىز تارقاتسىڭىز بولىدۇ. تارقاتقاندا بىلىمدان تور ژۇرنىلىدىن ئېلىندى دەپ ئەسكەرتىڭ ۋە ماقالە ئاپتورىنى چۈشۈرۈپ قويماڭ. رەھمەت.

bilgejan

تەبئىي پەن تەتقىقات نەتىجىلىرى كىشىلەرنىڭ سۇبىيكتىپ خاھىشىغا باغلىنىشلىق ئەمەس بولۇپ، ئەمەلىيەتتە نېمە بولسا شۇنى تېپىپ چىقىش تەبئىي پەن ئالىملىرىنىڭ ۋەزىپىسىدۇر. ئېسىمىزدە چىڭ تۇرۇشى كېرەك بولغىنى، بۇ خىل تەتقىقات نەتىجىلىرى كۆپلىگەن ئەۋرىشكىلەرنى تەجىرىبىدىن ئۆتكۈزۈش ئارقىلىق ئېلىپ بېرىلىپ ئۆلچەملىك سىتاتىستىكىلىق سىناقلاردىن ئۆتىدىغان بولغاچقا بىزنىڭ شەخسىي كۆزىتىشلىرىمىز ۋە ھېسسىي تۇيغۇلىرىمىزغا قارىغاندا توغرىلىق دەرىجىسى يۇقىرى ۋە ئىشەنچلىك بولىدۇ. شۇنىڭ بىلەن بىر ۋاقىتتا، بۇ خىل تەتقىقات نەتىجىلىرى گۇرۇپپىلار ئارا سېلشتۇرۇش ئارقىلىق بىر ئومۇمىي خۇلاسىگە ئېرىشىدىغان بولۇپ، چىققان خۇلاسە ھەر بىر ئىندىۋىدۇئالغا ئەمەس بەلكى شۇ گۇرۇپپىنىڭ ئوتتۇرىچىسىغا ۋەكىللىك قىلىدۇ. شۇنىڭ ئۈچۈن بۇ خۇلاسىگە نەق چۈشمەيدىغان ئەھۋاللارنىڭ كۆرۈلۈشنى نورمال ئەھۋال، لېكىن بۇ شۇ خۇلاسىنىڭ خاتالىقىنى چۈشەندۈرمەيدۇ.

بۇ ماقالىدە ئوتتۇرىغا قويۇلغان نامرات ئائىلەردە ئۆسكەن بالىلار نوقۇل ھالدا باي ئائىلىلەردە ئۆسكەن بالىلار بىلەن سېلىشتۇرۇلمىغان بولۇپ، ئەكسىچە نامرات ئەمەس ئائىلىلەردە ئۆسكەن بالىلار بىلەن سېلىشتۇرما قىلىنغان، يەنى بۇ يەردە نورمال يېمەك-ئىچمەك ۋە تۇرمۇش سۈپىتىگە كاپالەتلىك قىلالايدىغان نورمال كىرىملىك ئائىلىلەردە ئۆسكەن بالىلارمۇ بار بولۇپ، بەلكىم مۇتلەق كۆپ قىسىم ئائىلىلەر مۇشۇ كاتاگورىيىگە تەۋە بولۇشى مۇمكىن. ئامېرىكا جەمئىيتىدىمۇ بايلارنىڭ ئىگىلىگەن نىسبىتى يۇقىرى ئەمەس.

يەنە بىرى، دەرس نەتىجىسىنى سېلىشتۇرمايمۇ تۇرايلى، بالىلار مېڭىسىنىڭ يېتىلىشى سىز ئوتتۇرىغا قويغان سۇبىيكتىپ ئامىللارنىڭ تەسىرىگە ئۇچرىشى نىسبەتەن كىچىك بولۇپ، ئوزۇقلۇق ماددىلارنىڭ كەمچىللىكى ھامىلە ۋە بالىلار مېڭىسىنىڭ تەرەققىياتىغا توسقۇنلۇق قىلىدىغانلىقى ۋە ئەقىلىي قابىلىيىتىنى تۆۋەنلىتىدىغانلىقىغا ئائىت نۇرغۇن ئىشەنچلىك تەتقىقات نەتىجىلىرى ئوتتۇرىغا قويۇلغان. جۈملىدىن، پېقىرنىڭ مايمۇنلاردا ئىشلىگەن گېن ئانالىزى ئاساسىدىكى تەتقىقات نەتىجىلىرىمۇ يۇقىرىدىكى باياننى كۈچلۈك پاكىت بىلەن تەمىنلەيدۇ.

qvshkvn

bilgejan يوللىغان ۋاقتى  2015-12-21 13:13
تەبئىي پەن تەتقىقات نەتىجىلىرى كىشىلەرنىڭ سۇبىيكتىپ خ ...

بىلىمدان ئەپەندى ياخشىمى سىز، مەن ئۆزۈم بىلىشنى خالايدىغان بىر قانچە مەسىلىنى سىزدىن سوراپ باقاي دەپ ئويلىغانىدىم. بۇنىڭ بىرسى مەزكۇر ماقالىگە ئالاقىدار: ئەگەر نامراتلىق بالىلارنىڭ مېڭىسىنىڭ يېتىلشى ۋە دەرس نەتىجىسىنى چېكىندۈرىۋەتسە، ئۇنداقتا بۇ خىل نەتىجىگە سەۋەب بولغىنى نامراتلىق كەلتۈرۈپ چىقارغان ئوزۇقلۇق يېتىشمەسلىك، ناچار ئائىلە مۇھىتى، ئىقتىسادنىڭ بېسىمى ياكى باشقا مەسىلىلەرنىڭ تەسىرىمۇ ياكى نامراتلىقنىڭ ئۆزىلا بۇ خىل نەتىجىگە سەۋەب بولامدۇ؟ سەۋەب كۆرسىتىش قانداق يۈز بېرىدۇ؟
يەنە ئىككى مەسىلىنى مەن ئۇزۇندىن بېرى ئويلاپ كەلگەنىدىم: بىرسى، بىز ئۇيغۇرلاردا، بولۇپمۇ يېزا قىشلاقلاردا بوۋاق بالىلارنى كىچىك كۆرپىگە چىڭ ئوراپ (بۆلۈش دەپ ئاتىلىدۇ)    پۇت-قولىنى مىدىرلىغىلى قويماي باقىدىغان بىر ئادەت بار، بۇ خىل ئادەت بوۋاقلارنىڭ نورمال ئۆسۈپ يېتىلىشىگە تەسىر كۆرسىتەمدۇ-يوق، كۆرسەتسە قانداق تەسىرلەرنى كۆرسىتىدۇ؟ بۇ خىل تەسىر بۇ بوۋاقلار چوڭ بولغۇچە داۋاملىشامدۇ؟  يەنە بىرسى، بىزدە يەنە بوۋاق بالىلارنى بۆشۈكتە تەۋرىتىپ ئۇخلىتىدىغان ئادەتمۇ بار، بۇمۇ كۆپىنچە يېزىلاردا ئۇچرىشى مۇمكىن. ئۇنداقتا بوۋاق بالىنىڭ بۇ خىل تەۋرىنىشى ئۇنىڭ مېڭە يېتىلىشىگە تەسىر قىلامدۇ؟ مېنىڭ كۆز قارىشىمدا بۇ ئىككى ئىش بوۋاقلارنىڭ ساغلام ئۆسۈپ يېتىلىشىگە سەلبىي تەسىر كۆرسىتىدۇ، بىراق كۆز قاراش دېگەن بەرىبىر كۆز قاراش، ئىلمىي يەكۈننىڭ ئورنىغا دەسسەتكىلى بولمايدۇ. سىزنى مۇشۇنىڭغا بىر جاۋاب بەرسىكەن دېگەن ئۈمىدتە ئىدىم. رەھمەت.

SeWRim

مەن ياخشى چۇشۇنەلمىدىممۇ ؟

bilgejan

qvshkvn يوللىغان ۋاقتى  2015-12-21 15:36
بىلىمدان ئەپەندى ياخشىمى سىز، مەن ئۆزۈم بىلىشنى خالا ...

دۇنياغا داڭلىق ئامېرىكا پرىنسىتون ئۇنىۋېرستېتى تەتقىقاتچىلىرى نوپۇزلۇق ئىلمىي ژۇرنال «ئىلىم-پەن» دە ئېلان قىلغان تەتقىقات نەتىجىلىرىگە كۆرە نامراتلىق چوڭلارنىڭمۇ ئەقلىي قابىلىيىتىنى تۆۋەنلىتىدىكەن. بۇنداق بولۇشىنى ئالىملار ئاساسلىقى نامراتلىقنىڭ تەسىرىگە ئۇچرىغان كىشىلەردە نامراتلىققا مۇناسىۋەتلىك بولغان غەم-ئەندىشىلەر مېڭىنى ئىگىلەپ تۇرىدىغانلىقى ئۈچۈن باشقا ئەقلىي پائالىيەتلەرگە ئاجىرىتىلىدىغان دىققەت كەملەپ كېتىدىغانلىقى بىلەن مۇناسىۋەتلىك بولۇشى مۇمكىن ئىكەن. بۇ ئىلمىي ماقالىنى تۆۋەندىكى ئۇلىنىشتىن كۆرگىلى بولىدۇ:
http://www.sciencemag.org/content/341/6149/976

bilgejan

qvshkvn يوللىغان ۋاقتى  2015-12-21 15:36
بىلىمدان ئەپەندى ياخشىمى سىز، مەن ئۆزۈم بىلىشنى خالا ...

بالىنى بۆلەشكە كەلسەك، بۇ ھەقتە سىستىمىلىق ئىشلەنگەن ئىلمىي تەتقىقاتلاردىن تولۇق خەۋىرىم يوقكەن، بۇ ھەقتە داۋاملىق ئىزدىنىپ باقاي. تەجىرىبەمگە ئاساسلانغاندا، ئامېرىكا دوختۇرلىرىمۇ ئادەتتە يېڭى تۇغۇلغان بوۋاقنى كۆرپىسىدە مەھكەم يۆگەپ قويۇشنى تەۋسىيە قىلىدۇ ۋە ئۆز ۋاقتىدا سىستىرالار مەخسۇس قانداق يۆگىسە مۇۋاپىق بولىدىغانلىقىنى ماڭا ئۆگىتىپ قويغان ئىدى. بوۋاقلار بالياتقۇدا يېپىق بىر مۇھىتتا تۇرىدىغانلىقى ئۈچۈن ئۇلارنى چىڭ يۆگەپ قويغاندا بالياتقۇدىكى ھالەتنى ھېس قىلىشىغا قولايلىق بولۇشى ئۈچۈن ئىكەن. بۆشۈككە بۆلەشمۇ بەلكىم ئەجدادلىرىمىزنىڭ ئوخشاش مەۋقەسى بويىچە ھازىرغىچە داۋاملىشىپ كەلگەن بولۇشى مۇمكىن. شەخسەن مەن ئەگەر بۆشۈكۈم بولسا كېيىنكى بالامنى بۆشۈككە بۆلەشنى ئۈمىد قىلىمەن.

ئەسكەرتىپ قويىدىغىنىم، ماقالىنى ئوقۇغاندا ئەسكەرتىشلەرنى قوشۇپ ئوقۇۋەتسىڭىز تېخىمۇ ياخشى. شۇنداق بولغاندا بىلىمدان بىر ئادەمنىڭ ئەمەس، بەلكى ژۇرنالنىڭ ئىسمى ئىكەنلىكىنى بىلەلەيتتىڭىز. تۆۋەندىكى ئۇلىنىشتا بىلىمدان ۋە بىلىمدان ژۇرنىلىنى چىقىرىدىغان كارۋانبىز گۇرۇپپىسى ھەققىدە ئۇچۇرلار بېرىلگەن. مەن بىلگەجان يەنى بىلىمدان ژۇرنىلىدىكى مەزكۇر ماقالىنىڭ ئاپتورى بولىمەن. رەھمەت.

http://bbs.izdinix.com/thread-62481-1-1.html

http://bbs.izdinix.com/thread-62478-1-1.html

Hayajan001

ياخشىمۇسىز، بىلگەجان ئەپەندى.
مەن مۇشۇ تىمىغا مۇناسىۋەتلىك بولغاچقا، بىر قانچە سوئال سوراپ باقاي.
1.مىڭە يىتىلىشى بىلەن IQنىڭ بىۋاستە مۇناسىۋىتى بارمۇ؟ مىنىڭ بۇ يەردە كۆزدە تۇتىۋاتقىنىم پەقەت لوگىكىلىق مۇناسىۋەتلەر بىلەن گىئومىتىريىلىك شەكىللەردىن ئىلىنىدىغان IQ سىنىقى. شۇنداق سىناقنىڭ ئىشەنچىلىك دەرىجىسى يۇقرى دەپ قارايدىكەن.
2.ئەگەر بۇ ئىككىسى مۇناسىۋەتلىك بولسا، «نامرات» ئائىلىلەردە چوڭ بولغان بالىلارنىڭ IQ سى «نورمال» ئائىلىلەردە چوڭ بولغانلاردىن زادى قانچىلىك پەرىقلىنىدۇ؟
مەن ئالى مەكتەپتە ئوقۇۋاتقاندا شۇنداق سىناقلار ھەققىدە يىقىن ساۋاقداشلىرىم بىلەن پىكىرلىشىپ باققان، ھەم سىناقلارنىڭ نەتىجىسىدىن بىلىشىمچە، ھىچقايسىمىزنىڭ IQ رىمىز 115 تىن تۆۋەن ئەمەس بولۇپ، مەن بىلگەن ئەڭ تۆۋەن 115 نومۇر بىر جەنۇبلۇق ئۇيغۇر ئەمەلدارنىڭ ئوغلى. بىلىشىمچە، پىكىرلەشكەن خەنزۇ ساۋاقداشلىرىمنىڭ ھىچ قايسىسىنىڭ 120 دىن تۆۋەن ئەمەس، ساۋاقداشلىرى بىلەن ماڭا ئوخشاش سىناق ئىلىپ بارغان بىر خەنزۇ ئاغىنەمنىڭ ئىيتىشىچە، ئۇ ئوتتۇرا مەكتەپتە ئوقۇۋاتقاندا، ساۋاقداشلىرى ئارىسىدا شۇنداق سىناق ئىلىپ بارغاندا، نۇرغۇنلىرىنىڭ IQ نەتىجىسىمۇ ئوخشاشلا 120 ياكى 130 ئەتراپىدا چىقىپتىكەن.
بۇ مىسالنى ئىلىشمنىڭ سەۋەبى، بىز جوڭگولۇق ئوقۇغۇچىلار چوڭ بولغان ئوتتۇرىچە ئائىلە ئىقتىسادى ئەھۋالىمىز ئەلۋەتتە ئامرىكا ۋە ئەنگىلىيىلىكلەرنىڭكىدىن كۆپ تۆۋەن تۇرىدۇ، لىكىن شۇنداق تۇرۇپ نىمە ئۈچۈن مەن بىلىدىغان جوڭگولۇق ئوقۇغۇچىلارنىڭ ئوتتۇرىچە IQ سى 120دىن يۇقىرى، ئەكسىچە ئامرىكا ۋە ئەنگىلىيىلىك ئوقۇغۇچىلارنىڭ ئىلان قىلىنغان ئوتتۇرىچە IQ نەتىجىسى ئاران 109 ۋە 110 چىقىپتۇ.
3.بۇ يەردىكى مەسىلە بىز ئاسىيالىقىلار تۇغما ئەقىللىقمۇ؟ ئەگەر شۇنداق بولسا، ئاسىيالىق ئوقۇغۇچىلار تۇغۇلۇپ، چوڭ بولغۇچە ئەنگىلىيە-ئامرىكىلىق بالىلارنىڭ تۇرمۇش سەۋيىسىدە ياشىسا، ئۇلارىڭ ئوتتۇرچە IQسى تىخىمۇ يۇقرى بولۇش مۇمكىنمۇ؟
يەنە بىر ماتىريالدىن كۆرۈشۈمچە، جەنۇبى ئافرىقىدا ئىلىپ بىرىلغان سىناق دەل ئەكسىچە بولغان بولۇپ، جەنۇبى ئافرىقىدىكى بىر گۇرۇپپا ئالى مەكتەپ ئوقۇغۇچىلىرىدىن دەسلەپتە IQ سىنىقى ھەققىدە كۆپ تەربىيە بىرىلمەيلا ئىلىنغان سىتاتىدا ئۇلارنىڭ ئوتتۇرىچە IQسى ئاران 84 چىققان، كىيىن IQ سىنىقى ھەققىدە يىتەرلىك چۈشەندۈرۈش بىرىلگەن بىر گۇرۇپپىنى ئايرىپ سىتاتا قىلسا 96 چىققان،كىيىن قايتا سىناق ئىلىپ بىرىلغاندا بولسا 97 چىققان. بۇنىڭدىن كۆرۈۋىلىشقا بولۇدۇكى، ئۇ ئوقۇچۇچىلارنىڭ ئوتتۇرچە IQسى 100نىڭ تۆۋىنىدە.
ئەمدى، بۇ يەردە ئىككىنچى سوئال تۇغۇلىدۇ، يەنى، جەنۇبى ئافرىقىلىق بالىلارنىڭ ئائىلا ئىقتىسادى ئەھۋالى بىلەن جوڭگولۇق بالىلارنىڭ ئائىلە ئىقتىسادىدا چوڭ پەرىق يوق دەپ قارالغاندا، نىمە ئۈچۈن ئاسىيالىق ئوقۇغۇچىلارنىڭ ئوتتۇرىچە IQسى 120 دىن يۇقىرى، جەنۇبى ئافرىقىلىقلارنىڭ بولسا 100 دىن تۆۋەن بولىدۇ؟ بۇنىڭدىن ئەقلى ئىقتىدار ياكى مىڭە تۈزۈلۈشى (ئەگەر بۇ ئىككىسى بىر-بىرىگە زىچ مۇناسىۋەتلىك بولسا) ئىرىقلار ئارا چوڭ پەرىققە ئىگە، يەنى ئاسىيالىقلار تۇغما ئەقىللىق، ياۋروپالىقلار ئوتتۇرىدا، ئافرىقىلقلار تۆۋەن دىگەن يەكۈن كىلىپ چىقامدۇ؟

esil521

ئەگەر دەرىجىدىن تاشقىرى ئەقىللىق بولسىچۇ ؟