بۇ يازمىنى ئاخىرىدا muhakima تەھرىرلىگەن. ۋاقتى 2015-12-29 11:29
113-نومۇرلۇق ئىلمېنىت-ياپۇنىيۇممۇ؟ (بارلىق قېرىنداشلارنىڭ 2016-يىلىنى قىزغىن تەبرىكلەيمەن، ھەر ۋاقىت، ھەر يەردە، ھەرقانداق ياخشى ئىشلىرىنىڭ خەيرلىك بولۇشىنى سەمىمىي تىلەيمەن .) ئىلمېنىت-ئوخشاش يادرو زەرەت سانىغا ئىگە ئاتوملارنىڭ ئورتاق ئاتىلىشى بولۇپ 92-نومۇرلۇق ئىلمېنىت-ئوراندىن كىيىنكى ئىلمېنىتلار كۈچلۈك يىمىرىلىش(رادىياكتىپلىق) خۇسۇسىيىتىگە ئىگە بولغاچقا ، تەبىئەت دۇنياسىدا ئاساسەن تەبىئىي مەۋجۇت بولمايدۇ، شۇڭا ئوراندىن كىيىنكى ئىلمېنىتلار(تىرانىس ئورانلار) يادرو رېئاكسىيەسى ئارقىلىق بىرىكتۈرۇلىدۇ،نۆۋەتتە تەبىئەتتە ئېنىقلانغان ۋە سۈنئىي ئۇسۇلدا بىرىكتۈرۈلگەن ئىلمېنىتلارنىڭ سانى118 بولۇپ ، بۇلارنىڭ بىرقىسمى دەلىللىنىش باسقۇچىدا تۇرۇۋاتىدۇ . تىرانىس ئورانلارنى بىرىكتۈرۈش، ئېنىقلاش، بېكىتىش تەتقىقاتى-نۆۋەتتە خەلقئارادا رىقابەت ئىنتايىن كەسكىن بولۇۋاتقان تەتقىقات ساھەسىنىڭ بىرى بولۇپ، خەلقئارادىكى ئادەتكە ئاساسلانغاندا ، يېڭى ئىلمېنىت بايقالسا، شۇ ئىلمېنىتنى بايقىغۇچى ئورگان ئىلمېنىتقا نام قۇيۇش ھوقۇقىغا ئىگەبولىدۇ ۋە خەلقئارالىق تەكشۈرۈشتىن ئۆتكەندىن كىيىن ئېتىراپ قىلىنىدۇ . ئامېرىكا، رۇسىيە(سابىق سوۋېت ئىتتىپاقى) ،گېرمانىيە،ياپونىيە قاتارلىق دۆلەتلەر غايەت زور مەبلەغ ۋە زېھىن سەرپ قىلىپ ، بۇ تۇردىكى تەتقىقاتلارنى قانات يايدۇرغان ۋە يايدۇرۇۋاتقان بولۇپ، يېقىندا ئامېرىكا، رۇسىيە تەتقىقات كوللېكتىپى117-ۋە118-نومۇرلۇق ئىلمېنىتلارنى بايقىغانلىقىنى ئېلان قىلغان .
113-نومۇرلۇق ئىلمېنىت-ياپۇنىيۇممۇ؟
113-نومۇرلۇق ئىلمېنىت تەتقىقاتى جەھەتتە ياپونىيە فىزىكا-خىمىيە تەتقىقات ئورنى(国立研究開発法人理化学研究所(りかがくけんきゅうしょ、RIKEN、Institute of Physical and Chemical Research) 2004-يىلى 9-ئايدا30-نومۇرلۇق ئىلمېنىت-سىنك ئاتومىنى 83-نومۇرلۇق ئىلمېنىت-بىسمۇت ئاتومىغا زەررىچەتېزلەتكۈچتە سۇقۇپ، يادرو يىغىلىش رېئاكسىيەسى ھاسىل قىلىپ، 113-نومۇرلۇق ئىلمېنىتقا ئېرىشكەنلىكىنى ئېلان قىلغان، 2012-يىلىغىچە ئۇلار 3 دانە 113-نومۇرلۇق ئىلمېنىتقا ئېرىشكەن. ئۇنىڭدىن سەل ئىلگىرى ئامېرىكا رۇسىيە بىرلەشمەتەتقىقات كوللېكتىپى 20-نومۇرلۇق ئىلمېنىت كالتسىي ئاتومىنى 95-نومۇرلۇق ئىلمېنىت-ئامىرىكىيۇم ئاتومىغا يۇقىرى سۈرئەت بىلەن سۇقۇپ، يادرو يىغىلىش رېئاكسىيەسى ئارقىلىق 115-نومۇرلۇق ئىلمېنىتنى ھاسىل قىلىپ، ئۇنىڭ يىمىرىلىشى ئارقىلىق 113-نومۇرلۇق ئىلمېنىتقا ئېرىشكەنلىكىنى ئېلان قىلغان، ئۇلارنىڭ ئېرىشكەن ۋاقتى ياپونىيەدىن بۇرۇن ۋە ئاتوم سانىمۇ كوپ بولغاچقابىر مەھەل ئۈستۈنلۈكتە تۇرغان بولسىمۇ ، بىراق رېئاكسىيە جەريانىدىكى ئېنىقسىزلىقلارنىسبەتەن كوپ بولغان. ئۇچ يىل بۇرۇن ياپونىيە فىزىكا خىمىيە تەتقىقات ئورنى 3-قېتىم 113-نومۇرلۇق ئىلمېنىتنى بىرىكتۈرۈش رېئاكسىيەسى قىلىش جەريانىدا، ئۇدا ئالتە قېتىملىق ئېنىق بولغان يادرو يىمىرىلىش رېئاكسىيەسى ئىسپاتىغا ئېرىشىپ، ئامېرىكا رۇسىيە بىرلەشمە تەتقىقات كوللېكتىپىدىن كوپ ئەۋزەللىككە ئېرىشكەن. 113-نومۇرلۇق ئىلمېنىتنى بايقاش جەھەتتە ھەتتا ئامېرىكا، رۇسىيە، گېرمانىيەقاتارلىق ئۇچ دۆلەت بىرلىشىپ سان ۋە ۋاقىت جەھەتتە ئۈستۈنلۈككە ئىگە بولغان بولسىمۇ،يالغۇز ياپونىيەگە سۈپەت ۋە قايىل قىلارلىق ئىسپات جەھەتتە تەڭ كېلەلمىگەن. يېڭى ئىلمېنىتلارنى تەكشۈرۈپ بېكىتىش خىزمىتىگە خەلقئارا ساپ ۋە قوللىنىشچان خىمىيە ئىتتىپاقى(IUPAC) ۋەخەلقئارا ساپ ۋە قوللىنىشچان فىزىكا ئىتتىپاقى(IUPAP) مەسئۇل بولۇپ، بۇ ئىككى تەشكىلات تەسىس قىلغان بىرلەشمە گۇرۇپپا ياپونىيە فىزىكا-خىمىيە تەتقىقات ئورنىنىڭ نەتىجىسى ئېتىراپ قىلىنغان تەكشۈرۈش دوكلاتىنى خەلقئارا ساپ ۋە قوللىنىشچان خىمىيە ئىتتىپاقى(IUPAC) غا تاپشۇرۇپ بولغان بولۇپ، يەنە خەلقئارا ساپ ۋە قوللىنىشچان فىزىكا ئىتتىپاقى(IUPAP) نىڭ ئېتىراپ قىلىشىغا ئېرىشسە، ئىلمېنىتلار دەۋر جەدۋىلىگە 113-نومۇرلۇق ئىلمېنىت رەسمىي قوشۇلىدۇ. 113-نومۇرلۇق ئىلمىنىتنىڭ نۆۋەتتىكى رەت تەرتىپ ۋاقىتلىق نامى ununtriiumئۇنۇنتىرىيۇم . 113-نومۇرلۇق ئىلمېنىتقا ياپونىيە فىزىكا-خىمىيە تەتقىقات ئورنى قويغان ئەڭ قايىل قىلارلىق نام نامزاتى ياپۇنىيۇم(Japonium) بولۇپ،يۇقىرىقى ئىككى خەلقئارالىق تەشكىلات نۆۋەتتە ئالاقىدار ئىشلارنى تەتقىق قىلىۋاتىدۇ،نەتىجىسى 2016-يىلى 1-ئايدا چىقىشى مۇمكىن . ياپۇنىيۇم-ئاسىيالىقلار نامى بىلەن ئاتىلىدىغان تۇنجى ئىلمېنىت بۇلامدۇ ؟ بۇ سوئالغا 2016-يىلى جاۋاب بەرسۇن.
|