- تىزىملاتقان
- 2012-6-24
- ئاخىرقى قېتىم
- 2016-5-21
- ھوقۇقى
- 1
- جۇغلانما
- 15732
- نادىر
- 64
- يازما
- 186
ئۆسۈش
14.33%
|
90-يىللار
**********
زاكاس كىلىپ قالدى مۇنداق،
«مۇئەللىم، يىزىپ باقسىڭىزا،
90-يىللار قانداق؟»
بۇ زاكاسنى بۇيرۇغىنى،
90-يىللاردا تۇغۇلغان قىز.
مەن 70--يىللاردا تۇغۇلغان.
ئەمما، 90-يىللاردا
ئاساۋ ئات كەبى چاپقان.
ئۇ چاغدا ئادەملەر تاشلاپ بولۇشقان،
ھەممە ئوخشاش كىيىدىغان خىزمەت كىيىمىنى.
لاتا خەي، سېرىق چۇخەي ئورنىغا،
قۇرۇم ئاياق ھايۋان تېرىسىدىن تىكىلگەن ئالماشقان.
سۆيگۈنىڭ بېغىغا قەدەم ئالغانلارنىڭ،
بەزىلىرى ساپلىققا ئىسىلسىمۇ،
بەزىلىرى ھەرىگە ئايلىنىپ، چىقىۋىلىپلا قىچىشقان.
قارىماققا ئادەملەرنىڭ تۇرمۇشى رەڭگا-رەڭ،
ئەمما سىڭىپ كىرگەن ئەبجەشلىكمۇ خىلى بار.
ئەن-ئەنئەنىنىڭ ئىچىدە چوڭ بولغان مىنىڭ،
كۆڭلۈمگە چۈشكەن ھەم ئازاپلار.
ئۇ يىللاردا تۇغۇلغان بالىلارغا قاراپ،
دىگەنمەن بىشىمنى چايقاپ:
بۇلار نىمە كۈنگە قالار؟
ھەر بىر دەۋرنىڭ قويغان سوئالى ئوخشىمايدۇ،
بۇنى بىلىدۇ بىشىدىن ئۆتكۈزگەن چوڭلار...
مەن تىپچەكلىدىم ئاشۇ يىللاردا،
ئەل-يۇرتقا بولغان مېھىر بىلەن،
ياشلىق ئارزۇلىرىمنىڭ چۇقانلىرى ئارىسىدا
.تولۇق ياشاپ بولالماي ئاشۇ يىللارنى،
ئۇچۇپ كىتىپ قالدىم ئامىرىكىغا.
ھازىر كەينىمگە ئۆرۈلۈپ قارىسام،
بازار چوڭ قىپتۇ نۇرغۇن ئادەملەرنى.
دوستلۇق، ۋاپا، ئىشەنچكىمۇ باھا قويۇلغاندەك،
ئەسلى ئىدى ئۇ نەرسىلەر بىباھا...
مىنىڭ كىتىپ قىلىشىم بىلەن،
ئۆزۈمنىڭ ھايات قىسسەلىرىم ئۆزگەردى.
بىراق ماڭا ئەينى يىللاردا سىڭگەن ئەن-ئەنئە،
مىنىڭ يۈرىگىمدە ھەر زامان ۋىلىقلىدى...
*******************************
80-يىللار...
********
ياسىن بولغۇم بار ئىدى،
رەنانى تاپقۇم بار ئىدى.
«رەنانىڭ تويى» دىكى،
مۇھىتتا ياشىغۇم بار ئىدى.
ئەي، 80-يىللارنىڭ بېشى.
ئۇ چاغدا ئادەملەر ساپ ئىدى،
كىشىلەر ئىچىدىن چىن كۈلەتتى.
«بەخت ناخشىسى» دىكى،
«رەنانىڭ تويى» دىكى،
گۈزەل قىزنىڭ ئوبرازى،
ئويغىنىۋاتقان ھىسلىرىمنى چىكەتتى.
خىيالىمغا ھەر دائىم:
ئەگەر چوڭ بوپ قالسام،
رەنادەك قىزنى ئالمىسام،
دىگەن بىر ئوي كىلەتتى.
پەزىلەت،كىشىلەرنىڭ كۆڭلىدىن،
ئاتۇشنىڭ ئەنجۈرىدەك كۈلەتتى.
غۇرۇر، سۆيگۈ ھەم ئىپتىخار،
تومۇزدىكى يېغىندەك تۆكۈلەتتى.
كىشىلەر لەۋزىدە تۇراتتى،
نامرات بوپ قالغانلىغىنى،
ھىچ بىر يامانلىققا سەۋەپ قىلمايتى.
مەن ئۈرۈمچىگە چىققاندا،
قىزلار كۆزۈمگە گۈل كۆرۈنگەنتى.
گۈل دەپ كۆڭلۈم ئەمرۇللانىڭكىدەك تەنتەك ئەمەستى،
لىكىن ئۇ ئىنتىلىشكە تولغان،
مۇھەببەتكە، ھاياتقا،
پارلاق كىلەچىكىمىز بولىدۇ دىگەن،
ھەممە نەرسە كۆزۈمگە گۈزەل كۆرىنىدىغان،
ئىشەنچكە ھەم خوشالىققا تولغان چاغ ئىدى....
*************************************************************
تەبىئەت قەسىدىسى...
**************
چۇرقۇراپ چىقماس چۈشلەر ئورمانلىقتىن،
كۈلكىلەر غازاڭ كەبى تۆكۈلمەس ھەم.
كىيىكلەر ئىزىپ-تىزىپ قالماس كىلىپ،
ئۇلارنىڭ ھىسلىرىمۇ ئۆزگە، بەردەم.
يوللارغا نەزەر تاشلاپ خىيال بىلەن،
رەڭگا-رەڭ تەبئەتكە مەس بولىمەن.
ئورمانلار ئارىسىدىن چىقار نىمە؟
مۇشۇنداق سوئال قويۇپ تەلپۈنىمەن.
مەن ئۆزۈم كىرىپ چىققان ئورمانلىق بۇ،
يىڭىچە ھىس بىرىدۇ كۆڭۈللەرگە.
خوشاللىق بىرگە بولسا دوستلار بىلەن،
نە ھاجەت بويۇن قىسىش، مۆھۈرلەرگە؟
بۇ ھىسلار، شۇنداق ھىسلار ئىسىڭدىمۇ،
مۇز تاغنىڭ باغرىدىكى يىشىل يايلاق؟
تومۇزدا مۇز كۆۋرۈكتىن دەسلەپ ئۆتۈش،
ساپلىقنىڭ يۈرىگىدە بولۇش، تايچاق؟
نە ئىنسان ئازاپلىرى دەم تارتالماس،
سېھېرلىك زىمىن ساڭا كۈچ بىرىدۇ.
شۇڭقارنىڭ كۆكتە پەرۋاز قېقىشلىرى،
مۇقەددەس تۇيغۇلارنى ئويغىتىدۇ....
ئوكسىگىن بىرىپ كەلدىڭ ھاياتىمغا،
مەيلى مەن ياشاپ قالاي قايسى يەردە.
تەبىئەت، باغرىڭدا بار بارچە نىمەت،
ئىزدەيمەن ئۆز رىسقىمنى ھەر پەيتتە!!!
*************************************************************
سەن..
**********
سەن، يىشىلمىگەن بىر تەڭلىمە،
سەن، قالدۇراتتىڭ تاتلىق ئەسلىمە.
باھار, تەبىئەتكە سۆيگۈنىڭ ئۇچقۇنىنى چاچراتقاندا،
ياز، ئۇنىڭ ئوتىنى كۈچەيتىپ لاۋۇلداتقاندا،
سەن چىقىپ كىلىشىڭ كىرەك ئىدى رەڭلىك ئورمان ئىچىدىن،
مەن سىنى چىقىش ئىغىزىدىكى ئورۇندۇقتا ساقلاپ ئولتۇرغاندا...
ساقلا، ساقلا، ساقلىساممۇ چىقىپ قالارسەنمۇ،
قىش كەلگەندە قارلار يېغىپ مەن قار بوۋايغا ئايلانغاندا...
سەن، مەن ئىيتالمىغان لېرىك ناخشا ،
سەن، مەن يەتمەك بولغان بۈيۈك مەنزىل.
سەن قەلبىمدىكى چوڭقۇر بوشلۇق،
سەن، ئىنئام ماڭا بەرگەن تەقدىر.
|
|