قولاي تىزىملىك
كۆرۈش: 8307|ئىنكاس: 24

ئابدۇرېھىم ئۆتكۈر- مېنىڭ چۈشۈم

[ئۇلانما كۆچۈرۈش]

9

تېما

0

دوست

2305

جۇغلانما

ئاكتىپ ئەزا

ئۆسۈش   10.17%

ئەزا ئۇچۇرى
تىزىم نۇمۇرى:  3368
يازما سانى: 76
نادىر تېمىسى: 3
مۇنبەر پۇلى: 254
تۆھپە : 594
توردىكى ۋاقتى: 180
سائەت
ئاخىرقى: 2015-4-12
يوللىغان ۋاقتى 2011-10-5 21:19:24 |ھەممە قەۋەتنى كۆرۈش
ئابدۇرېھىم ئۆتكۈر---  مېنىڭ چۈشۈم

           

 

توۋا خۇدايىم! مەن يەنە ئابدۇرېھىم ئۆتكۈرنى چۈشەپتىمەن. ئابدۇرېھىم ئۆتكۈر باشقىلارنىڭ نازارەتچىلىكىدە  تىك ئۇچار بىلەن قارلىق تاغلارنىڭ ئەڭ يۈكسەك يېرىگە قونۇپ، بۇ تاغلارنى تاماششا قىلىپتىمىش. چۈشۈمدىكى ئابدۇرېھىم ئۆتكۈر مەن ئىدىم. ئۇ تاغلار شۇنچىلىك ھەيران قالارلىق ئىكەنمىشكى،  چۈشۈمدىكى  ھەيۋەتنى، كۆركەملىكنى، ئاجايىپلىقىنى ئىپادىلەپ بېرەلمەيمەن. ئابدۇرېھىم ئۆتكۈر شۇنچىلىك ھاياجان بىلەن تۇراتتىكى، شۇ يەردىلا شۇ چوققىلارغا ئاتاپ شېئىر توقۇپتۇمىش. بۇ شېئىرلار ئۆتكۈر ئەپەندىنىڭ يۈرىكىدىن ۋولقان كەبى ئېتىلىپ چىققانمىش.  بۇ  شېئىرلارنى چۈشۈمدە شۇنچىلىك دانىمۇ دانە، ئېنىق  ئاڭلىغان ئىدىم. قانداق قىلىپ ئوڭۇمدا ئۇنتۇپ قالدىم بىلمەيمەن.

بۇ تاغلار ئابدۇرېھىم ئۆتكۈرنىڭ يۈرىكىگە شۇنچىلىك يالقۇنلاپ كۆيۈۋاتقان ئوتنى تۇتاشتۇرۇپتىكەنكى، ئۆتكۈر ئەپەندى مۇزدەك تاغ سۈيىنى ئىچىشنى ئىستەپ، سۇ ئىزدەپ كېتىپتۇمىش.  بىر يەردىن قارنىڭ ئېرىگەن  مۇزدەك سۇلىرىنى تېپىپ، ئۇچۇم ئۇچۇملاپ ئىچكەندىن كېيىن،  ئۇھ،  يۈرىكىم ! ئوت سەل بېسىقتى، كۆڭلۈم راھەتلىنىپ قالدى دەپتۇمىش. چۈشۈمدە ئابدۇرېھىم ئۆتكۈر شۇنڭىدىن باشلاپ، يۈرەك كېسىلىگە مۇپتىلا بولۇپتىمىش.

توۋا خۇدايىم، مەن ھوشۇمدىن كەتكىلى تاسلا قاپتىمىشمەن بۇ تاغلارنى كۆرۈپ. چۈشۈمدىكى ھېسىياتىمنى تىل بىلەن ئىپادىلەپ يازالمىدىم، ئەمما كۆڭلۈم بىلەن ئېنىق ھېس قىلالايمەن.

بەك ھەيران قالدىم، ئىلگىرىدىن ئوقۇپ كەلگەن ئۆتكۈر ئەپەندىمنىڭ شېئىرلىرىنى چۈشۈمدە تۇيۇقسىز چۈشىنىپ قالدىم. " مەن ئاق بايراق ئەمەس"، بۇغدا ئانام" غا ئوخشاش شېئىرلىرى  ئويقۇدىن ئويغىنپلا كاللامدا شۇنچىلىك روشەن ئايان بولدىكى، بۇنداق چۈشنى كۆرگەنلىكىمدىن پۈتۈن ئەتجانىمدا بىر تالمۇ ماغدۇر قالمىدى، ئوڭۇمدىمۇ ھوشۇمدىن كېتەي دېدىم.

مەن ئابدۇرېھىم ئۆتكۈرنى بۇنىڭلىق بىلەن ئىككىنچى قېتىم چۈشىشىم. ھەر قېتىمدا ئابدۇرېھىم ئۆتكۈر ماڭا شۇنچىلىك ئىلھام بەخىش ئەتتىكى، ئوڭۇمدىكى ئىلھامنىڭ داۋامىنى چۈشۈمدىن ئالغان ئىدىم. بىرىنچى قېتىم " ئىز" روماننى قانداق يازغانلىقى چۈشۈمدە زاھىر بولغانىدى. ئەمدى بۇ قېتىم قارلىق تاغلارنى، بەھەيۋەت قارىغايلارنى كۆرگەنلىكى ۋە ئۇلارغا  ئاتاپ شېئىر توقۇغانلىقى ئايان بولغانىدى.

مەن  شۇنچىلىك ئېنىق ھېس قىلدىم: ئابدۇرېھىم ئۆتكۈر ئەنە شۇچاغدىكى ھاياجان بىلەن يۈرەك كېسىلىگە گىرىپتار بولۇپ قاپتىمىش. بۇ تاغلارنىڭ ئوتى نەقەدەر كۈچلۈك ھە؟!

چۈشۈمدە بۇ تاغلارنى كۆرۈپ، شۇنچىلىك ئازادە، كەڭرى ۋە بۈيۈك ھېس قىلدىمكى، ۋۇجۇدۇمدىكى بۇ ھەيۋەتلىكلىكنىڭ قانداق پەيدا بولغانلىقىغا ئەقلىم لال بولدى.  مەن كۆزۈم ئوچۇق تۇرغان بۇ دۇنيادا بۇنداق ھەيۋەت تۇيغۇنى ھېس قىلىپ باقماپتىكەنمەن. 

ئادەمنىڭ يۈرىكى بۇنداق پايانسىزلىقتىن ئېتىلىپ كېتىدىغان ئوخشايدۇ. دېمىسىمۇ چەكلىك، ئالمىدەك بىر يۈرەك قانداقمۇ بۇنچە چەكسىزلىكىنى ئىچىگە پاتۇرۇپ بولىسۇن؟!

 توۋا خۇدايىم، ئادەم نېمىشقا چۈشى ئارقىلىىق بۇنداق ئىشنى ھېس قىلىپ قالىدىغاندۇ؟!

مەن چۈشكە ئائىت بىر قانچە كىتابنى ئوقۇپ كۆرگەنىدىم، بۇ چۈشۈمنى ئۇ كىتابلاردىكى چۈشەندۈرۈشلەر ئارقىلىق چۈشەندۈرۈپ بېرەلمەيمەن. قانداق قىلاي؟

 مەن ئابدۇرېھىم ئۆتكۈرنىڭ ئەسەرلىرىدىن چۈشۈمنىڭ زاھىرىنى ئىزدىدىم.  بۇ قېتىمقى ھەيرانلىقىم چۈشۈمدىكى ھەيرانلىقىمدىن ھەرگىز كەم ئەمەستى. ( مەن بۇ چۈشنى كۆرگەن كۈنى تامامەن شۇ چۈشۈم ئىچىدە ياشىدىم، دىققىتىممۇ چېچىلىپ كەتمىدى، شۇڭا  تۇيغۇلىرىممۇ  بىر قەدەر ئېنىق بولدى.)  مەن كۆرگەن ئاشۇ تاغ، كۆپكۆك ئاسمان،  ئابدۇرېھىم ئۆتكۈرنىڭ ھاياجىنى، چۈشۈمدىكى كۆرۈنۈشلەر ئابدۇرېھىم ئۆتكۈرنىڭ ئەسەرلىرىدە بار ئىدى.   ئادەم زىيادە ھاياجانلانسا، پۇت- قولىدا جان قالمايدىغان بولسا كېرەك. مەن بۇ چۈشنىڭ، ئەسەرلەرنىڭ كۈچىگە بەرداشلىق بېرەلمىدىم. ئوڭۇمدا يەنە بىر قېتىم ھوشۇمدىن كەتكۈدەك بولدۇم.

مانا قاراڭلار: ئابدۇرېھىم ئۆتكۈرنىڭ ئاشۇ ھەيۋەت قارلىىق چوققىلارغا قاراپ تۇرغىنىغا!

1. " قاپقارا، بۈدۈر چاچلىرى قۇلاقلىرىنى يېپىپ تۇرغان قاڭشارلىق بىر يىگىت( چۈشۈمدە ئابدۇرېھىم ئۆتكۈر ئوتتۇراياش قىياپىتىدە كۆرۈنگەنىدى) كۆپكۈك شېشىدەك تىنىق تەڭرى كۆلى بويىدا ھەيۋەتلىك بۇغدا چوققىسىغا قاراپ، خۇددى يالقۇنلۇق ناتىقلاردەك غۇلاچلىرىنى كېرىپ بىر نېمىلەرنى دەۋاتاتتى، ھاياجانلىنىپ كەتكەنلىكىدىن بولسا كېرەك، ئۇنىڭ گەپلىرى سەل پەرىشان، ئاۋازىمۇ ئېگىز پەسرەك  چىقاتتى.

                              - " بۇغدادىن سادا" دىن

چۈشۈمدە ئېنىق ئاڭلىغان، لېكىن ئوڭۇمدا ئەسلىيەلمىگەن سۆزلەرنىڭ بىرقىسىمى شۇ بولسا كېرەك:

2. " – ئەسىر- ئەسىرلەردىن بېرى رەسساملارغا ماۋزۇ، شېئىرلارغا ئىلھام بولۇپ كەلگەن، ئەي گۈزەل بۇغدا! – دېدى ئۇ ئاۋازىنى سەل كۆتۈرۈپ،- سېنى ھەر كۆرسەم قەلبىمنى ئاجايىپ نازۇك ھېسلار چۇلغىۋالىدۇ، ئىسسىق قېنىم تومۇرلىرىمغا پاتمايۋاتقاندەك پۈتۈن ۋۇجۇدۇمدا باشقىچە بىر ھالەت پەيدا بولىدۇ..."

                                                                                                                          - " بۇغدادىن سادا" دىن

چۈشۈمدىكى ئاسمان شۇنچىكى كۆك ئىدىكى،...

3. .... كۆكلۈكۈڭ- كەڭلىك، بۈيۈكلۈك. چەكسىز ساماغا باقسام، گۈمبەزسىمان ئاسمانمۇ كۆك؛ يىراقتىن كۆرۈنگەن مەغرۇر تەڭرىتاغمۇ كۆك...

                                                                                                            -  " قاشتېشىغا مەدھىيە"دىن

چۈشۈمدە  ئۆتكۈر ئەپەندىنىڭ كۆڭلىدە بىر تۈگۈنچى باردەكلا تۇيۇلدى. ئابدۇرېھىم ئۆتكۈر شۇنچىلىك ھاياجان بىلەن سۆزلىگەن ئىكەنكى، بۇ سۆزلىرىدىن  بىر غەزەبنى ئاڭقىرالىدىم:

4. ...

 بىر قاراپلا بىلدىم، چېھرىڭدە چوڭقۇر بىر قايغۇنىڭ، ئاچچىق بىر ئەلەمنىڭ ئىزى بار. خۇددى يىلاندەك تولغىنىشلىرىڭمۇ مەنىسىز ئەمەس... تاپتايىنلىق ئوبدان بىلىمەنكى، ئۇ بىر جان ئاچچىقىدۇر...

.... ھامان سېنىڭ ئۈستۈڭنى بىر قارا ھىجران تۇمانى باسقان، سەن شۇنىڭ ئۈچۈن  دەردلىنىسەن، شۇنىڭ ئۈچۈن مۇڭلىنىسەن، شۇنىڭ ئۈچۈن ئاچچىقلىنىسەن، غەزەبلىنىسەن، ئاچچىقتىن تاشتىن- تاشقا ئۇرۇلۇپ ئاپئاق كۆپۈكلەر چاچرىتىسەن، قان ئاچچىقىڭدىن دېڭىزدەك دولقۇنلىنىپ، شىردەك ھۇۋلايسەن،

 ھەققىڭ بار!

 ھەر نېمە قىلماققا ھەققىڭ بار!

يەنە دەردلەن، يەنە مۇڭلان، يەنە ئاچچىقلان!

                                                                    -   " باشئەگىم"دىن

 

چۈشۈمدىكى تاغنىڭ بۈيۈكلۈكىگە ۋە ئاجايىپلىقىغا مېنىڭ بۇ ئاجىزانە قەلىمىم سۆز تاپالمىدى، يەنىلا ئۆتكۈر ئەپەندىنىڭكىگە قارايلى. چۈشۈمدىكىنىڭ ئەينىسى.

5.  ئەنە ئۇ دېڭىز بويىدا ئاسمان بىلەن قۇچاقلاشقان تىڭ تاغ. ئۇنىڭ قىلىچ كەبى ئۆتكۈر تاشلىرى دولقۇنلۇق دېڭىزغا غەلىتە بىر تۈستە باقار، ئۇنىڭدىن بىر نەپەس كۆزىنى ئالماس، ھامان قاراپ تۇرۇر، ھامان ئىتىلۇر. ئەنە شۇ تاغنىڭ يان باغرىدا ئاللىقانداق خىيالغا چۈمگەن بىر شائىر تۇرار. ئۇ سۆز باشلاپ، گويا دېڭىزغا ئەرز ئېيتار، ئۇنىڭ ئاغزىدىن كۆپۈكلەر قاينار....

 

                                                                                          - " دېڭىزدىن سادا" دىن

 چۈشۈمدىكى قارىغايلار  تاغلاردەك  ئۇنچە ئېنىق زاھىر بولمىدى، ئەمما چۈشۈمدىكى خىيالىمدىن  نېرى كەتمىدى.

6. ئاھ يېشىل قارىغايلار--- بۇغدا قارىغىيى،

    ئىلھامىم سەن بىلەن قاقىدۇ قانات.

  بىلمەيمەن قايسى كۈن سېنىڭ ئوتۇڭنى،

   ئىچىمگە سالدىكىن ئۇ تەڭرى- بايات.

         

 تىك تۇرۇپ ياشىغاچ، قامىتىڭ تۈپتۈز،

تۈزلۈكۈڭ ھەممىدىن ئۇزلۇقىڭ سېنىڭ.

ھۆسنۈڭ قانچە، خىسلىتىڭ شۇنچە،

 گۈزەللىك تاجىدۇر تۈزلۈكۈڭ سېنىڭ.

     

                                      - " يېشىل قارىغايلار"دىن

بەلكىم بۇ كۇپلېتىمۇ چۈشۈمنى تېخىمۇ ئېنىق دەپ بېرىشكە مەنپەئەت قىلۇر:

 

7. كۆكتە سەيلان ئاق بۇلۇتلار توپلىشىپ،

 تاغۇ دەشتكە مەرۋايىتلار چاچقۇدەك.

ئۇيقۇغا قانغان زېمىن قۇچاق يېيىپ،

 ئەلگە ئىقبال خەزىنىسىنى ئاچقۇدەك.

                                                                                   -" مەرھابا"دىن

چۈشۈمدە، ئابدۇرېھىم ئۆتكۈرنى ئىككى- ئۈچ ئادەم نازارەت قىلغۇدەك، بەلكىم ئۇلار ئەپەندىمنى ئاخىرقى قېتىم يۇرتىنى كۆرۋېلىشقا ئەكەلدىمىكىن. دانمۇ دانە ئاڭلىغان شېئىرلار شۇلاردۇر بەلكىم:

 

8. كۆر، بۈگۈن ئەۋلادلىرىڭ تاغلار ئېشىپ، يوللار كېزىپ،

ئاق سۈتۈڭدەك پاك تۇتۇپ ۋىجدانىنى، تۈنلەر يېرىپ.

تاكى ئەجداد شام- چىراغىنى يېقىپ ھەم ئىز بېسىپ،

ھەر قەدەم تارىخ بېتىگە يېڭى بىر مەزمۇن يېزىپ،

........

                                                                                          

- " سالام يۇرتۇم"دىن

شۇ كۈنى كۆزۈمنى ئېچىپ كاللامغا كەلگەن تۈنچى ئىنكاس شۇ بولدى: مەن شائىرنىڭ " مەن ئاق بايراق ئەمەس" دېگەن شېئىرىنى پۈتۈن ۋۇجۇدۇم بىلەن چۈشىنىپ ئالغانلىقىمنى ھېس قىلدىم. ھەيرانلىق دۇنياسىغا غەرق بولدۇم مەن.

9.  كۈمۈش كەبى يالتىراق،

 مەرۋايىتتەك پارقىراق

 بىر چوققا بار ئاسمانغا مەغرۇر تاقاشقان،

ئۇنىڭ ئېتى خانتەڭرى، تەڭرىتاغقا جايلاشقان.

 ئېرىمەيدۇ قىش- يېزى،

ئاق شايىدەك قار- مۇزى.

 كۆكرىكىگە تاقاقلىق تەبىئەتنىڭ ئەكسى-

تاشنى يېرىپ چىققان ئۇ مۆجىزە قارلەيلىسى.

شۇڭلاشقىمۇ بۇ چوققا

بەزى بولۇپ ھۆرلىقا،

كۆرۈنىدۇ كۆزلەرگە ئاڭ ئېچىلغان گۈل كەبى،

 ياكى باھار كۈنلىرى ئاققۇ قونغان كۆل كەبى.

... ...

                                                                          -" مەن ئاق بايراق ئەمەس"دىن

ئۆتكۈر ئەپەندىنىڭ تاغلار سالغان ئوتنى يۈرىكىگە تۇتاشتۇرۋالغاندىن كېيىنىكى تەشنالىقى كۆزۈمنى يۇمساملا شۇنچىلىك ئېنىق كېلىدۇ كۆز ئالدىمغا. مەن ئۆمرۈمدە بۇنداق تەشنالىقنى ھېس قىلىپ باقماپتىكەنمەن.

 

 ئەپەندىنىڭ قەلبىگە تۇتاشقان ئوتلار ئۈچۈن:

10. .. ...

 تېشىپ باغرىمنى قان قىلدى جۇدالىق ئوتلىرى  كۆپتىن،

   يېتەر بۇ زۇلمۇ بىداتلىق، يەنە ئوق ئاتما ئارتۇقچە.

 تونۇردەك يانمىسا قەلبىم، بولۇرمۇ ئاھلىرىم يالقۇن،

 يەنە كۆيدۈرگىلى، ئەي چەرخ، ئوت ياقما ئارتۇقچە.

 

                       -" يېتەر، ئەي چەرخ" دىن

     ئەپەندىنىڭ ۋۇجۇدى ئۈچۈن:

11. ئوت بىلەم كۆيمەكنى ئۆز قانمىغا قىلدىم ئىختىيار،

 ئىختىيار قىلماس ئىدىم، ھوشۇمنى ئالدى نىگار.

                                                                                     - " قەلبىم باھار"دىن

 ئەپەندىنىڭ تەشنالىقى ئۈچۈن:

12. بىر نەپەس يۈز يىل بىلىندى ئىنتىزارلىق دەستىدىن،

   تەشنەئى قەلبىم ئۈچۈن نەشئۇ نەماسى يوقمىدۇر!؟

                                                                                -" تاڭ زىياسى يوقمىدۇر"دىن

ئەپەندىنىڭ پەقەتلا قانمىغان تەشنالىقى ئۈچۈن"

13.  قېنى ساقى، ئۇزات گۈلگۈن پىيالە،

 ئىچەيكىم بىر پىيالە خۇددى لالە.

ئۇنىڭ ھەر تامچىسى بولسۇن دىل ئارام،

ۋاپادار دوست كەبى- دىلغا ئارام.

 

ئىچەيمەن قەترە قويماي تەشنالىقتىن،

ۋاپايۇ مېھىر، دوستقا ئاشىنالىقتىن.

 باسالماس ئۆزگىسى چاڭقاقلىقىمنى،

 بىلەمسەن مەيگە دىل مۇشتاقلىقىمنى.

 

                                    _ " قەشقەر كېچىسى" دىن

 

 توۋا خۇدايىم، مەن چۈشۈمدە كۆرگەن مەنزىرىلەرنىڭ جىقىنى ئەپەندىنىڭ شېئىرلىرىدا كۆردۈم. يالغۇز ئەپەندىنىڭ مۇزدەك تاغ سۈيىنى ئۇچۇملاپ گۈپ-گۈپ ئىچىپ، ئۇھ يۈرىكىم ئەمدى قاندى دېگىنىگە ئائىت تەسىراتنى تاپالمىدىم.  چۈشۈمدىكى ئابدۇرېھىم ئۆتكۈر يۈرىكى تاغ سۈيىنى ئىچىپ قانغاندىن باشلاپ، يۈرەك كېسىلى بولۇپ قالغانىدى. ئەمەلىيەتتىمۇ شائىرىنىڭ يۈرەك كېسىلى بولغانمۇ بولمىغانمۇ ئۇنى بىلمەيمەن.  چۈشۈمدە يەنە ئۆتكۈر ئەپەندى تۈرمىدىن ئېلىپ كېلىنگەندەك زاھىر بولغانىدى. ئەمەلىيەتتە بۇنداق بولغانمۇ بولمغانمۇ بۇنىمۇ بىلمەيمەن.

 ئىشقىلىپ، مەن بۇ چۈشنى كۆرگەندىن باشلاپ، ئۆزۈمنىڭ باشقا بىر دۇنياغا كىرىپ قالغانلىقىمنى ھېس قىلىشقا باشلىدىم.  قومۇلغا بارغاندىكى چاغلىرىم، ئۇ يەردە مەن كۆرگەن، ھېس قىلغان ھەر بىرنەرسە، قومۇلدىن قايتىپ كەلگەندىن كېيىن كۆرگەن بۇ يەرنىڭ ھەممە نېمىسىگە ئائىت ماتېرىياللار، كىتابلار،ئادەملەر مېنى بىر باشقا دۇنياغا باشلىغاندەك قىلاتتى. 

ئۆتكۈر ئەپەندىگە چۈشلىرىم بىلەن تېخىمۇ بىۋاستە يېقىنلاشتىم.

ئۆتكۈر ئەپەندىنى چۈشۈمدە ھېلىقى نازارەت قىلغۇچىلار ئەپەندىنىڭ ئۇنىمىغىنغا ئۇنىماي ئېلىپ كەتكەنىدى.

ھەم يۈكىدىن پۈكلەنگەن،دەھىر ئوقىدىن تېشىلگەن،

مېنىڭ نېمىجان تېنىمگە سەنچە لوقمان تېپىلماس.

    ئۆلگەننى تىرىلدۈرگەن بولسا مەسىھ ئۇ زامان،

ئەمدى جانغا سېنىڭدەك ئارامى جان تېپىلماس.

 

بۇلار بەلكىم ئەپەندىنىڭ ئىچىدىن ئېتىلىپ چىققان ئارمان، ئىشەنچ، قىيماسلىق سۆزلىرىدۇر. 

چۈشۈمنى چۈشقۇ بۇ دەپ ئۇنتۇپ كەتكۈم كەلمىدى، ئەكسچە چۈشۈم بەرگەن تۇيغۇ- تەسىراتلارنى ھەقدادىغا يەتكۈزۈپ قەدىرلىگۈم كەلدى. چۈنكى مەن ئابدۇرېھىم ئۆتكۈرنى چۈشىگەنىدىم.

 
ئۆز كېلەچىكىڭىزنىڭ قۇرغۇچىسى بولۇڭ!

4

تېما

0

دوست

1 تۈمەن

جۇغلانما

پاكلىق ئەلچىسى

ئۆسۈش   20.36%

ئەزا ئۇچۇرى
تىزىم نۇمۇرى:  383
يازما سانى: 853
نادىر تېمىسى: 0
مۇنبەر پۇلى: 4095
تۆھپە : 2771
توردىكى ۋاقتى: 904
سائەت
ئاخىرقى: 2015-2-4

تۆھپىكار ئەزا

يوللىغان ۋاقتى 2011-10-5 22:00:56 |ھەممە قەۋەتنى كۆرۈش
بۇ قىممەتلىك ئەسەردىن بەكمۇ سۆيۇندۇم ، بىزنىڭ روھىي تۈۋرىكىمىز بولغان ئۇلۇق ئالىم ئابدىرىھىم ئۆتكۈر  بوۋىمىز  بىزدىن ئايرىلغىلى 16يىل بولغان بۈگۈنكى  كۇندە ( ھەر ۋاقىت ) بىز ئەۋلاتلارنىڭ بۇ ئۇلۇق ئەجداتىمىزغا چەكسىز ھۆرمەت بىلدۈرۈش ، ئەسلەش ، ئۈنىڭ روھىدىن  قايتا  ئىلھام ئېلىش ، ئىزىنى ئىزدەش ، ئىزىنى بېسىش ... مەسئولىيەت ، مەجبورىيىتىمىز بار ...

رەھمەت سىزگە ، قەلىپ تۆرىدىن ئورۇن ئالغىدەك بۇ ئەسەرلىرىڭىز  ئۈلۇق ئالىمىمىزنى سېغىنىۋاتقان  يۈرەكلىرىمىزگە  مەلھەم بولدى ، سىزگە يېڭىچە ئىلھام ، ئۈتۇقلار تىلەيمەن ...
پوزىتسىيە __ ھەممىنى بەلگىلەيدۇ .
يۇنىل ئوپال سىلىقلاش مېيى

http://risaletmerdan.blogbus.

60

تېما

12

دوست

2 تۈمەن

جۇغلانما

تەكلىپلىك ئەزا

ئۆسۈش   100%

ئەزا ئۇچۇرى
تىزىم نۇمۇرى:  81
يازما سانى: 1169
نادىر تېمىسى: 11
مۇنبەر پۇلى: 6208
تۆھپە : 4211
توردىكى ۋاقتى: 4324
سائەت
ئاخىرقى: 2015-3-30
يوللىغان ۋاقتى 2011-10-5 22:17:49 |ھەممە قەۋەتنى كۆرۈش
ياخشى چۈش كۆرۈپسىز، چۈشىڭىز چۈش بولغاي، ئىگىز تاغ دىگەن دۆلەتنىڭ سۈرىدۇر. ئالىملارغا يېقىن ئادەم بولغۇدەكسىز.....(پالچى بوپ كىتەيمۇ ئەمدى، ئەھمىيەتلىك تېما يازالمىغاندىكىن... )

بىلگەنلەر بىلەن

25

تېما

5

دوست

7842

جۇغلانما

تەكلىپلىك ئەزا

ئۆسۈش   100%

ئەزا ئۇچۇرى
تىزىم نۇمۇرى:  3266
يازما سانى: 315
نادىر تېمىسى: 2
مۇنبەر پۇلى: 1893
تۆھپە : 1116
توردىكى ۋاقتى: 698
سائەت
ئاخىرقى: 2014-2-1
يوللىغان ۋاقتى 2011-10-5 22:27:33 |ھەممە قەۋەتنى كۆرۈش
مۇنبەردە ئۆتكۈر ئەپەندىنى خاتىرىلىگۈدەك بىرەر ئىشمۇ قىلماپتىكەنمىز بۈگۈن. بۇ يازمىڭىز ھەممىگە تېگىل بولغۇدەك ياخشى بوپتۇ.
سىزنى ئارتۇقچە ماختىغۇم يوق. سىز ھەم ئۇنىڭغا خۇشتار قىزمۇ ئەمەس. شۇنداق دېگۈم كەلدى: گۈزەل قەلب ئىگىلىرىنىڭ چۈشلىرىمۇ شۇنداق گۈزەل بولامدىغاندۇ؟!
ئىلھاملىرىڭىز ئۆكسۈپ قالمىغاي!
تۆۋەندە ئۆتكۈر ئەپەندى ئەسەرلىرىدىن بىر قىسىم تاللانمىلارنى قالدۇراي. بۇمۇ ھېسابتا مېنىڭ ئۇنى خاتىرىلىگىنىم بولۇپ قالسۇن! لازىملىقلار خاتىرىلىۋالغاي!

ئابدۇرېھىم ئۆتكۈر ئەسەرلىرىدىن ھېكمەتلەر

ئۆستۈردى قوينىدا مېنى شۇ تۇپراق،
ئۆلسەممۇ ماڭا ئۇ بولغۇسى يۇمشاق،
شۇ ۋەتەن ئىشقىدىن ئۇلۇغ نېمە بار؟
سىغمايدۇ كۆڭۈلگە باشقا ئىشتىياق.

غېرىب دەردىنى غۇربەتتە ئادادىن سورا،
ۋىسال قەدرىنى ئاشىق گادادىن سورا،
ۋەتەنسىز ھاياتتا ،نە،مەنا ،نە،تەم،
بۇنى ئۆز ئېلىدىن جۇدادىن سورا!

مەجنۇنتال قەددىنى ئىگىپ مۇلايىم.
سۇ بەرگەن ئۆستەڭگە قىلىدۇ تازىم.
سۈت بېرىپ ئۆستۈرگەن ئانا ئالدىدا ،
بۇرچىمىز قانچىلىك ئويلايلى دائىم.

ئانا سۈتى ئاقارتقاي دىلىڭنى سېنىڭ ،
مەرىپەت يورۇتقاي يولۇڭنى سېنىڭ .
ۋەتەنگە مۇھەببەت ،كۈچ –ئۈمىد بېرىپ،
پەلەككە يەتكۈزگەي قولۇڭنى سېنىڭ.
تاھىرغا ئۆزىنىڭ زۆھراسى ياخشى ،
مەجنۇنغا ھۆردىنمۇ لەيلاسى ياخشى.
مېنىڭ بۇ سۆيگۈگە چاڭقاق دىلىمگە،
ۋەتەن گۈلزارىنىڭ رەناسى ياخشى.


بىراۋلار ئەلگە قىلدى جانىنى قۇربان،
بىراۋلار تەر بىلەن گۈللەتتى بوستان.
ئالار قۇش تۈلكىنى ئۈنسىز -تاۋۇشسىز،
قاقاقلار بىر تۇخۇم تۇغقانغا مېكيان.

شۆھرەت كەمىرىگە ئۇزاتقىچە قول،
ئوتۇنچى بوۋاينىڭ ئارغامچىسى بول.
تاجىدارلار تاجىنىڭ كۆزى بولغىچە،
كۆكلەم يامغۇرىنىڭ بىر تامچىسى بول.

بۇلبۇل ئېيتۇر:گۈلزارىمدىن ئايرىما،
لاچىن ئېيتۇر :قاناتىمدىن قايرىما،
مەن ئېيتۇرمەن: بېلىق سۇسىز نە قىلسۇن،
مېنى خەلقىم قۇچاقىدىن ئايرىما.

شېئىر ئاخىرقى ھېسابتا يەنىلا كىشىلەرنى تەربىيەلىگۈچى بەدىئىي  ۋاستە.

پىكىر يالىڭاچ ئېيتىلماي ،بەدىئىي ماھارەت بىلەن ،پوئېتىك ئۇسۇل بىلەن ئېيتىلسا ،كىتابخانغا قاتتىق تەسىر قىلالايدۇ.

ئۆمۈر مەنزىلى ئاق قەغەزگە ئوخشار ،
ھەر باسقان قەدەمدە بىر ئىزىڭ قالار .
خاھ ماختان،خاھ ئۆكۈن ،ئۆزۈڭنىڭ ئىشى،
ئەڭ ئادىل ھۆكۈمنى ئەل ئاڭا يازار.

بىرەر نادان ساڭا ئۆگەتسە دانىش،
كۈلۈپ قويغىن ئاڭا سەن قىلما كايىش.
ئېشەكنىڭ بىر مەھەل ھاڭراپ تاشلىشى،
ئاتوم دەۋرىدىمۇ ،تۇرمۇشتا بار ئىش.

ئالتۇن ھەل يالاتساڭ، كېسەكتۇر كېسەك،
گەر ھالۋا بەرسەڭمۇ ،تېزەكلەر ئېشەك.
كۆرۈمسىز شۇ پىلە قۇرتىغا باق،
يەپ ئاددىي يوپۇرماق ،بېرىدۇ يىپەك.

ئەجەب بىر گۆش ئىكەن بۇ يۈرەك دېگەن،
ھەر تەندە ئۇ ھەرخىل ھېس قىلار ئىكەن.
ئەگەر ئۇ ئىچمىسە ۋىجدان شارابىن،
ئىلغۇدا ئېسىقلىق سېسىق گۆش ئىكەن.

گۈللا بولسا گۈل ئەمەس ،گۈلدەك پۇراقى بولمىسا،
گەپلا بولسا گەپ ئەمەس ،مەزمۇن تۇراقى بولمىسا.
ئىككى پۇتلاپ ماڭىمىش ئېيىقمۇ بەزەن تىك بولۇپ،
ئەرلا بولسا ئەر ئەمەس ،ئادەم سىياقى بولمىسا.
ئادىمىنى ئادىمى ئەتكەن ئۇنىڭ ھۆسنى ئەمەس،
ھۆسنى بىر سۈرەت ئېرۇر دىلنىڭ چىراغى بولمىسا.
بېر مىسال:پانۇسنى كۆر،شام چىراغسىز يورۇماس،
نۇر چاچامدۇ شام چىراغ،پىلىك ۋە ياغى بولمىسا؟!

جاھان باقىي ئەمەس ،لوقمان چېغىدا تاپمىدى دەرمان،
مىسالدۇر رۇمى ئىسكەندەر ۋە ھەتتا ئەركە چىڭگىزخان.
كېلىپ-كەتمەك بىلەن مەشغۇل جاھانغا بىھېساب كارۋان.
ئۆتەر دۇنيا،كېچەر دۇنيا،پەقەت خەلقلا سۈرەر دەۋران،
ئۆمۈر مەنزىلىدىن تاپتىم نىھايەت شۇ ھەقىقەتنى .

ھەر كىشى بولالىسا ئەينەك كەبى،
دېگۈلۈك شۇنداق كىشىنى چىن ئادەم.

تۇتمىسا ھەركىم بىلىپ ئەينەكنى دوست،
بولسىمۇ مىڭ دوستى ،دوستۇم كەم دېگەي.

شېئىر مارجان ئەمەس، يىپقا تىزىپ قويسا تۇرېۋېرىدىغان ياكى ئەزان ئەمەس ،قۇلاقنى تۇتۇپ ئېيتسا بولىۋېرىدىغان.

ئۆتنە يېرىم قىلماق تۇرمۇشتا بار ئىش،
بىلىمنى ئۆتنىگە ئالماقلىق خار ئىش  .
بىراۋنىڭ تونىدا تەرلەيمەن دېمەك ،
ۋىجدانلىق كىشىگە بىر ئۆمۈر خار ئىش.

دۇئا قىلسا ھەر ۋاخ مۆمىن مۇسۇلمان ،
تىلەيدۇ دوزاختىن بولماقنى ئامان.
ۋە لېكىن دوزاخنىڭ ئۆزى ئېيتارمىش،
‹‹مەن ئۆزەم قورقارمەن ناداندىن يامان››

بىلىم يۇرتى ھېچكىشىنى يەكلىمەس.

بىلىكتىن مەھرۇم كىشى گاس ھەم كوردۇر.

بۇ جان شۇ چاغلىق تەندە مىڭ بېقسىپ ئامانەت تۇرغۇچە ،كۈرەشچان كەڭرى مەيداندا جاراڭلاپ ۋايىغا يەتسۇن.
دۈشمىنىم كۆپەيدى دەپ ھەرگىز كۆڭۈلنى غۇبار قىلما ،
مېنىڭ ھېچ دۈشمىنىم يوق دەپمۇ ھەرگىز ئىپتىخار قىلما.

ئەقىلسىز تەلۋە دوستلاردىن زېرەك دۈشمەن ياخشى .
ياشلىقىم گۈل ئەمەسكەن  توزىسا يەنە ئاچىلغىلى ياكى كۈزدە تۇرنىدەك كەتسە، باھاردا  يانغىلى.
ئەگەر  ماڭا ئابىھاياتتىن بىر قەدەھ نېسىب بولسا ،ئۇنى ياشلىق سۇمبۇلى سۇلغاندا ئىچمەك نە كېرەك.
ساڭا دىلدار كېرەك بولسا ،كۆيۈكنى دىلغا جاھ ئەيلە .
ۋاپادار يار كېرەك بولسا ،ۋاپا لەۋزىنى ۋىجدان بىل.

كىشى ھەر نەرسىنى بىلمەككە ماھىر ،
بىلىپ بولماققا لېكىن ئۇ ئەمەس قادىر ،
ئارستوتىلدەك ھېكىممۇ ئېيتقان ئىدىكى،
بىلگەنسىرى بىلدىم بىلمەسلىكنى ئاخىر.

تىكەننىڭ زەھىرىدىن قورققان چىمەن ئىچرە كىرەلمەس.

ئاشىق ئەقىدە ساقلىسا ،جاپا ھەرگىز مەڭگۈلۈك ئەمەس.

تۇتى دوراش بىلەن ھېچقاچان بۇلبۇل بولالماس.

ساڭا ئەشئار كېرەك بولسا ،ئېلىڭنىڭ ئىشقىنى كۈيلە.
كىمىكى ئىشقىنى ۋەتەنگە مەڭگۈلۈك بىشەرت باغلىسا نى مۈشكۈل ئىمتىھانلارمۇ شۇنچە ئاسان بولۇر.

تەڭ ئىدۇق ئىككىمىز تەڭرى ئالدىدا،
ۋە لېكىن تەڭ ئەمەس دەۋر ئالدىدا.
كۆرەڭلەپ كەتمىگىن ئامەتلىرىڭدىن ،
تەڭ بولۇرمىز بىر كۈنى قەبرە ئالدىدا.


تىرىكتاپ قاغا-قوزغۇنغا جاھانسازلىق ھاۋا ياخشى ،
سەھەر گۈلشەنىدە بۇلبۇلغا ياقا يىرتىپ ناۋا ياخشى.
كىرەكمەس يالتىراق شۆھرەت بىلەن مەستانە غافىللار .
ۋەتەننىڭ دەردىگە دەرمان جاپاكەش ئاشىنا ياخشى.
تېگىشمەس جەندىنى ئاشىق ياقاسى زەر تاۋار تونغا،
كى دىلبەر ۋەسلىدە سەرسان قەلەندەرگە كۇلا ياخشى.
قەسەم بىللا ،تەمەيىم يوق با ھەيۋەت قەسرى زىننەتتىن ،
پىشانەم تەرىدىن پۈتكەن بى مىننەت بورىيا ياخشى.
مېنىڭ تاجسىز ساياق باشىم ئۆزۈمگە  تاجى دۆلەتتۇر،
ئەركسىز پادىشاھلىقتىن جاھان كەشتى گاداي ياخشى.
نە ھاجەت جەننەتۇل مەئۋا ،ۋەتەننىڭ قوينى بىر جەننەت ،
بېلىق دەريادا ئەركىندۇر ،لاچىنغا كەڭ ساما ياخشى.
مالالەت يەتسىمۇ بەزەن ،دىلىمغا ئۆز دىيارىمدا ،
بوسۇقتىن دالجىماس ئىتتەك ماڭا ئەھدۇ ۋاپا ياخشى.
گۈزەل قەلب گۈزەللىككە ھامىلىدار...

2

تېما

0

دوست

1332

جۇغلانما

تىرىشچان ئەزا

ئۆسۈش   33.2%

ئەزا ئۇچۇرى
تىزىم نۇمۇرى:  2522
يازما سانى: 53
نادىر تېمىسى: 1
مۇنبەر پۇلى: 325
تۆھپە : 187
توردىكى ۋاقتى: 108
سائەت
ئاخىرقى: 2012-9-15
يوللىغان ۋاقتى 2011-10-6 00:30:37 |ھەممە قەۋەتنى كۆرۈش
ئۇلۇغ ئالىم ئابدۇرېھىم ئۆتكۈرنى ئەسلىتىدىغان بۇ گۈزەل مىسرالارغا تۇيۇنغان چۈشلىرىڭىز ئادەمگە يېڭىچە ئىنتىلىش،ئۈمىد ئاتا قىلىدى.ئۇلۇغ ئاللاھ مەرھۇم ئالىلىمىزنىڭ ياتقان جايىنى جەننەتتتە قىلغاي!!!!
كىتابخانا-ئۆزىڭىزنى ئىزدەپ بارىدىغان جاي!

ئانا تىلىم _ جان

13

تېما

8

دوست

1 تۈمەن

جۇغلانما

پاكلىق ئەلچىسى

ئۆسۈش   23.97%

ئەزا ئۇچۇرى
تىزىم نۇمۇرى:  59
يازما سانى: 856
نادىر تېمىسى: 1
مۇنبەر پۇلى: 4044
تۆھپە : 3270
توردىكى ۋاقتى: 2435
سائەت
ئاخىرقى: 2015-3-30
يوللىغان ۋاقتى 2011-10-6 02:37:18 |ھەممە قەۋەتنى كۆرۈش
ياخشى  چۈشتىن  بىرنى  كۆرۈپسىز  ،   بەلكىم  ئۆتكۈر   باھاردا  ئېرىگەن  مۇزدەك   قار  سۈيىنى  ئوچۇملاپ گۈپ -گۈپ  ئىچەلمەي  ئارماندا  كەتكەندۇ  .........


    سەبىر  تورداش   بۇ  ئۆتكۈر  ئەپەندىم  يازغان  شېرمۇ  ؟

    تەڭ ئىدۇق ئىككىمىز تەڭرى ئالدىدا،
    ۋە لېكىن تەڭ ئەمەس دەۋر ئالدىدا.
    كۆرەڭلەپ كەتمىگىن ئامەتلىرىڭدىن ،
    تەڭ بولۇرمىز بىر كۈنى قەبرە ئالدىدا.

بىلگەنلەر بىلەن

25

تېما

5

دوست

7842

جۇغلانما

تەكلىپلىك ئەزا

ئۆسۈش   100%

ئەزا ئۇچۇرى
تىزىم نۇمۇرى:  3266
يازما سانى: 315
نادىر تېمىسى: 2
مۇنبەر پۇلى: 1893
تۆھپە : 1116
توردىكى ۋاقتى: 698
سائەت
ئاخىرقى: 2014-2-1
يوللىغان ۋاقتى 2011-10-6 11:38:41 |ھەممە قەۋەتنى كۆرۈش
بۇ مەزمۇن 5قەۋەتتىكى oguzhanدە2011-10-06 02:37يوللىغان يازمىسىغا نەقىل :
    ياخشى  چۈشتىن  بىرنى  كۆرۈپسىز  ،   بەلكىم  ئۆتكۈر   باھاردا  ئېرىگەن  مۇزدەك   قار  سۈيىنى  ئوچۇملاپ گۈپ -گۈپ  ئىچەلمەي  ئارماندا  كەتكەندۇ  .........


    سەبىر  تورداش   بۇ  ئۆتكۈر  ئەپەندىم  يازغان  شېرمۇ  ؟

.......  


بۇنى مەن "سەرخىل ئەسەرلەردىن جەۋھەرلەر" دېگەن كىتابتىن ئالغان. ئۇنىڭدا ئۆتكۈر ئەپەندىنىڭ دېيىلگەن ئىكەن.
گۈزەل قەلب گۈزەللىككە ھامىلىدار...

yahxilik kilalmisangmu yamanl

1

تېما

9

دوست

1 تۈمەن

جۇغلانما

پاكلىق ئەلچىسى

ئۆسۈش   3.53%

ئەزا ئۇچۇرى
تىزىم نۇمۇرى:  2771
يازما سانى: 594
نادىر تېمىسى: 0
مۇنبەر پۇلى: 2108
تۆھپە : 2073
توردىكى ۋاقتى: 823
سائەت
ئاخىرقى: 2015-4-7
يوللىغان ۋاقتى 2011-10-6 12:00:12 |ھەممە قەۋەتنى كۆرۈش
ئۇلۇغلىرىمىزنى ياد ئېتىش ،ئۇلارنى ھۆرمەتلەش، ئۆزىنى ئىزدىگەنلىك بىلەن باراۋەر . ئۇلۇغلىرىمىزنىڭ ياتقان يېرى جەننەت بولغاي !
كىرگەندىن كېيىن ئىنكاس يازالايسىز كىرىش | دەرھال تىزىملىتىش

Powered by Discuz! X2.5(NurQut Team)

( 新ICP备06003611号-1 )