ئازنا كۇنىدىكى جەۋھەر پاراڭلار

alnur

مۇشۇنداق جەۋھەرلەرنى داۋاملىق يوللاپ تۇرغايسىز، دىلىمىز جەۋھەرلىرىڭىزنىڭ تامچىلىرىدىن ھوزۇرلىنىپ نۇرلىنىپ تۇرسۇن!

menggutash

ئەسسالامۇ ئەلەيكۇم، خۇتبىدىكى مەزمۇنلارنى يوللىغىنىڭىزدىن بەكمۇ سۆيۈندۈم. ئاۋۇ ئاخىرىدىكى ئۆلگەندىن كېيىن مىيىتكە ساۋابى يېتىپ تۇرىدىغان ئىشلار قاتارىدا سەدىقە دېگەن مەزمۇننى يوللاپسىز. مېنىڭ بىلىشىمچە، بۇ سەدىقە جارىيەنى كۆرسىتىدۇغۇ دەيمەن. مەسىلەن، قۇدۇق كولاش.... قاتارلىق ئاۋام پايدىلىنىغان نەرسىنى قالدۇرۇش.

kanway

14.غەيۋەت قىلىش ئادەم گۆشى يىگەن بىلەن باراۋەر،چېقىمچىلىق قىلىش قېرىندىشىنىڭ گۆشىنى يىگەن بىلەن ئوخشاش.
ئاللانىڭ ئەلچىسىنىڭ ھەمرالىرىدىن بىرى «رابىيەنىڭ بويى پاكار» دىۋىدى.
ئاللانىڭ ئەلچىسى ئۇ كىشىگە:سەن چىشىڭنى كولىۋەتكىن دىدى.
ئۇ كىشى :مەن گۆش يىمىگەن تۇرسام دىۋىدى.
ئاللانىڭ ئەلچىسى:بايا رابىيەنىڭ بويى پاكار دىدىڭغۇ(غەيۋەت قىلدىڭغۇ دىمەكچى).

بىرى ئاللانىڭ ئەلچىسىدىن سورىدى:مەن دىگەن ئىش قېرىندىشىمدا راستىنلا بار بولسىمۇ بۇ ئىشنى دىگىنىم غەيۋەت بولامدۇ؟
ئاللانىڭ ئەلچىسى:ناۋادا سەن دىگەن ئىش قېرىندىشىڭدا بار بولسا ،بۇ ئىشنى دىيىش غەيۋەتكە كىرىدۇ، يوق ئىشنى دىگەن بولساڭ ئۇ قېرىندىشىڭغا تۆھمەت قىلغان بولىسەن.
15.جەننەتنىڭ باغلىرى دىگەن نىمە؟
ئىلمى سورۇنلار(بىلىم ئۈگىتىدىغان،مۇلاھىزە قىلىش ئارقىلىق توغرىلىقنى ئىزدەيدىغان سورۇنلار)،مەسىلەن ئاللانىڭ ئۆيى(مىچىت) ۋە بىلىملىك كىشىلەرنىڭ يىتەكچىلىكىدىكى بىلىم ئالماشتۇرۇش مەقسەت قىلغان سورۇنلار.

16.بىرلىككە كېلەلمىگەن مەسىلىلەرنى قانداق ھەل قىلىش كېرەك؟
بىرلىككە كېلەلمىگەن مەسىلىلەرنى ئاللانىڭ قانۇنى(قۇر'ئان كېرىم)غا ۋە ئاللانىڭ ئەلچىسى مۇھەممەتنىڭ كۆرسەتمىلىرىگە(ھەدىس) مۇراجەت قىلىش ئارقىلىق ھەل قىلىش كېرەك

    بىزدىكى دەل-تالاشنىڭ تۇگىمەسلىكى دەل بىزنىڭ ئاللانىڭ قانۇنىنى ۋە ئاللانىڭ ئەلچىسىنىڭ كۆرسەتمىلىرىگە ھۇرمەت قىلماسلىقتىن بولۇۋاتىدۇ،ناۋادا بىز دەل-تالاش قىلىشقان مەسىلىلەرنى كىتاۋى ئاساسىمىزغا ئاساسەن چۈشەنسەك،بىر تەرەپ قىلساق بىزدىكى دەل-تالاشنىڭ يىلتىزى قۇرۇغان بولاتتى.
  مىڭ ئەپسۇس! نۇرغۇن مۇسۇلمانلار تا ھازىرغىچە ئاللانىڭ قانۇنى بولغان قۇر'ئان كېرىمنىڭ ئۇيغۇرغىسىنى تولۇق ئوقۇپ چىقمىدى،ھەدىسلەرنى تولۇق كۆرمىدى، شۇڭا بىزدىكى دەل-تالاش بىلگەنلەر بىلەن بىلمىگەنلەر ئوتتۇرىسىدا يەنى ئۆلۇكلەر بىلەن تىرىكلەر ئوتتۇرىسىدىكى مەسىلىگە ئايلاندى.  دىمەكچى ئۆلۇكلەر قاتارىدا بولماي دىسىڭىز تېزدىن ئاللانىڭ قانۇنى بولغان قۇرئان كېرىمنى ۋە ھەدىسلەرنى تولۇق كۆرۇڭ(ھەدىس دىگەندە ئاساسلىق سەھۇل بۇخارا ۋە ياىشىلار باغچىسىدۇر ،بۇ ئىككى كىتاپتىڭ مەزمۇنىمۇ ئاساسەن ئوخشاپ كېتىدۇ).

kanway

17.سەپنىڭ تۇزلىكى دىلنىڭ بىرلىكىدۇر
سەپلىرىڭلارنى  خۇددى ئوقيانىڭ ئوقىدەك تۇز قىلىڭلار،نامازدا مۇررەڭلەرنى مۇررىلەرگە پۇتىڭلارنى پۇتۇڭلارغا تەككۈزۈپ تۇرۇڭلار.سەپنىڭ تۈز بولۇشى دىللارنىڭ بىردەكلىكىدۇر،سەپتە ئاراڭلار بوش قالسا  ئاللا سىلەرگە تەپرىقىچىلىك(بۇ سۆزنىڭ مەنىسىنى پىتنە بولسا كېرەك) سېلىپ قويىدۇ.
ئالدىنقى سەپنى تولدۇرۇپ بولۇپ كەينىدىكى سەپتە تۇرۇڭلار،كىمكى ئالدىنقى سەپتىكى بوش ئورۇندا تۇرماي كەينىدىكى سەپتە تۇرسا ،ئۇ كىشى ئاللانىڭ رەھمىتىدىن قاچقان بولىدۇ.......
18.مۇسۇلمان بىلەن كاپىرنىڭ پەرقى
مۇسۇلمان بىلەن كاپىرنىڭ پەرقى نامازدۇر.سەۋەپلىك ياكى ھورۇنلۇق تۇپەيلى ناماز ئۆتۇيەلمىگەن كىشى  بۇنىڭ سىرتىدا يەنى كاپىر سانالمايدۇ.
19.ئاللانىڭ ئۆيىنى(مىچىت) ئاۋاتلاشتۇرغان كىشى بەختكە ئېرىشىدۇ.
ئاللانىڭ ئۆيىنى(مىچىت) ئاۋاتلاشتۇرغان كىشى (يەنى تازىلىغان ،رىمۇت قىلغان ،پۇل-مال بەرگەن......) نىڭ ئائىلىسى بۇ دۇنيادا ۋە ئۇ دۇنيادا بەختكە ئېرىشىدۇ.
ئاللانىڭ ئەلچىسىنىڭ زامانىدا مىچىتنى تازىلايدىغان بىر نېگىر ئايال ۋاپات بولىدۇ،بۇ كىشىنى ساھابىلەر نامىزىنى چۇشۇرۇپ ئۇزۇتۇپ قويۇدۇ،بىر نەچچە كۇندىن كېيىن ئاللانىڭ ئەلچىسى بۇ ئايالنىڭ ۋاپات بولغانلىقىنى ئاڭلايدۇ ھەمدە خاپىلايدۇ،شۇنداقلا ساھابىلىرىنى ئەگەشتۇرۇپ ھېلىقى ئايالنىڭ قەبرىسىنىڭ يېنىدا بۇ ئايالنىڭ مىيىت نامىزىنى چۇشىرىدۇ(كېلىش مەنبە ئۇرۇمچى خاڭچىڭ مىچىتىنىڭ ئىمامى سۆزلىگەن)

kawimmol

موشۇنداق ئۇلۇغ ھېكمەتنى ئاڭلىماقچى بولساڭلار ، ھەر جۇمە كۇنى ناماز ئوقولۇشتىن بىرەر سائەت مەسچىتكە كىرىپ ئىمامنىڭ خۇتبىلىرىنى كۆپرەك ئاڭلاڭلار،قىز- ئاياللار موشۇ يەردە كۆرۇپ تۇرارسىلەر ...

kanway

20.ئاۋال كىمگە ياخشىلىق قىلىش كېرەك؟
ئاللانىڭ ئەلچىسى مۇھەممەت بۇ سۇئالنى سورۇغۇچىغا «ئاناڭ»غا دەپ جاۋاپ بەرگەن.
--ئاندىن كېيىنچۇ؟
--«ئاناڭغا».
--ئاندىن كېيىنچۇ؟
--«ئاناڭغا».
--ئاندىن كېيىنچۇ؟
--«ئاتانغا»
21.شېۋىقادىر كېچىسى تېلەكنىڭ ئىجاۋەت بولۇشىنىڭ مۇھىم بىر شەرتى نىمە؟
شېۋىقادىر كېچىسى مۇسۇلمانلارنىڭ تېلىكى ئىجاۋەت بولۇدۇ دەپ بىلىمىز،بۇ تىلەكنىڭ ئىجاۋەت بولۇشىنىڭ ئالدىنقى مۇھىم شەرتى:قېرىنداشچىلىقىمىز ئۇزۇلۇپ قالمىغان بولۇشى كېرەك.

22.يالغانچىلار جەننەت يۈزى كۆرمەيدۇ
ئاللانىڭ ئەلچىسى مۇنداق دىگەن«يالغان سۆزلىگەن كىشى جەننەت يۈزى كۆرەلمەيدۇ»
يالغانچىلىق-چېقىمچىلىق،ساتقىنلىق قاتارلىق بارلىق نارچار ئىللەتلەرنى كەلتۇرۇپ چىقىرىدۇ.

بىرى ئاللانىڭ ئەلچىسىدىن سورىدى:مۇسۇلماننى ئوغرىلىق قىلىشى مۇمكىنمۇ؟
--مۇمكىن
--زىنا قىلىشى مۇمكىنمۇ؟
--مۇمكىن.
--يالغان سۆز قىلىشى مۇمكىنمۇ؟
--مۇمكىن ئەمەس.

23.ئىككى ئېغىزنى ھارامدىن ساقلىغان كىشى جەننىتى بولىدۇ
ئاللانىڭ ئەلچىسى مۇنداق دىگەن:مەن كاپالەت بېرىمەنكى«ئېغىزىنى ۋە ئەۋرىتىنى ھارامدىن ساقلىغان كىشى جەننىتى بولىدۇ»

24.ھەسەت قىلىش خۇددى ئوت ئوتۇننى كويدۇرۇپ تۇگەتكەندەك ياخشى ئەمەللىرىڭلارنى خورۇتۇدۇ.

25.ئىككى دۇنيالىق قېرىنداشنىڭ ھۆكمى
قېرىنداشلار ئىككى تۇرلۇكتۇر،بىرى قانداشلىق يۇزىسىدىن شەكىللەنگەن قېرىنداشلىق بۇ بۇ دۇنيادىكىلا قېرىنداشلىقتۇر.
يەنە بىرى بولسا ئاللاغا بولغان ئورتاق ئىشەنچ يۈزىسىدىن شەكىللەنگەن دىننى قېرىنداشلىق، بۇ ئىككى ئالەملىك قېرىنداشلىقتۇر.

kanway

26.باشقىلارغا پايدىلىق،ئۇلارنى خوشال قىلىدىغان گەپ بولسا قىل ،بولمىسا جىم تۇرغىنىڭ ياخشىڭ
27.مۇسۇلمانلارنىڭ غايىسى:نامىزىم،قۇربانلىقىم،ھاياتىم ۋە ماماتىم ئاللا ئۇچۇن دىيىشتىن ئىبارەت.
28.نەس-دوزاقنىڭ ئوتىغا ئوخشايدۇكى،ناۋادا ئىشەنچ(ئەرەپچە ئىمان دەيدۇ) ئۇنى كونتۇرۇل قىلىپ تۇرمىسا  ئىنسان ئۆزىنى دوزاقتا كۆرگەن بولاتتى.
29.ئاللانىڭ ئەلچىسى مۇنداق دىگەن:شۇنداق بىر زامانلار كېلىدۇكى:مىچىتلەر ناھايىتى چىرايلىق بېزىلىدۇ،لېكىن بۇ مىچىتلەردە بەركەت بولمايدۇ،ئىسلامنىڭ ئىسمىلا قالىدۇ،قۇر'ئاننىڭ سۇرىتىلا قالىدۇ،ناچار ئۆلىمالار مەيدانغا كېلىدۇ(يەنى ھەقنى سۆزلىمەيدىغان،سۆزلىسىمۇ ئەمەل قىلمايدىغان ئۆلىمالار مەيدانغا كېلىدۇ)،پىتنە ئۆلىمالاردىن باشلاپ تارقىلىپ ئۆلىمالارغا قايتىدۇ.

abdul-ahad

رەھمەت، كېيىنمۇ داۋاملىق كۆرۈپ تۇراي دەپ يوللىغان جەۋھەرلىڭىزنى ساقلىۋالدىم...