سۈنزىنىڭ ھەربىي ئىشلار دەستۇرى ۋە ھازىرقى زامان كارخانا باشقۇرۇش

elqut

سۈنزىنىڭ ھەربىي ئىشلار دەستۇرى ۋە ھازىرقى زامان كارخانا باشقۇرۇش ساھەسىگە تەدبىقلىنىشى ھەققىدە ئويلىغانلىرىم

تاھىرجان مەزىن

بىرىنجى باب پىلان

ھەرقانداق ئىشنى قىلىشتىن ئاۋۋال ئەتىراپلىق كۆزىتىپ، ئانالىز قىلىپ، ئالدىن پىلان تۈزۈپ قىلىنغان ئىش ئەلىۋەتتە ھېچقانداق تەييارلىقسىز قىلىنغان ئىشتىن نەتىجىلىك بولىدىغانلىقى ھەممىمىزگە ئايان. كارخانىمۇ ئوخشاش، ھەر قانداق بىر يېڭى تۈرنى باشلاشتىن بۇرۇن  ئەتىراپلىق تەكشۈرۈش ئانالىز قىلىش ئارقىلىق تۈرگە باھالاش ئېلىپ بېرىش مۇھىم ئەلىۋەتتە.

سۈنزىنىڭ ھەربىي ئىشلار دەستۇرىنىڭ 1- بابىدا بەش خىل مۇھىم نۇقتا يەتتە خىل ئەھۋالنى تەكشۈرۈپ ئانالىز قىلىش ئارقىلىق پىلان تۈزۈش ۋە تۈزۈلگەن پىلانغا باھا بىرىش كۆرسىتىلگەن. مەن بۇ بەش مۇھىم نۇقتا بىلەن يەتتە خىل ئەھۋالنى كارخانا باشقۇرۇش ساھەسىگە تۆۋەندىكىدەك تەدبىقلىدىم.
1. ئىدىيەدە بىرلىككە كېلىش:

رەھبەر بىلەن تۈرنى ئىجرا قىلىشقا قاتناشقۇچى بارىلىق ئەزالار نىيەت- مەقسىدى ۋە نىشانىنى بىر نۇقتىغا توغرىلاش. جاپا-مۇشەققەت، ھوزۇر ھالاۋەتتە بىرگە بولۇشقا بەل باغلاش،  بىر-بىرىگە ئالا كۆڭۈللۈك قىلماسلىق.
2.  تەبئىي شارائىت：

پەسىل، كىلىمات قاتارلىق تەبئىي شارائىتلارنىڭ مەھسۇلات ياكى مۇلازىمەتكە كۆرسىتىدىغان ئاكتىپ ۋە پاسسىپ تەسىرى.
3. ئىجتىمائىي شارائىت：

قانۇن-سىياسەت، بازار، نىشانلىق خېرىدارنىڭ پىسىخىكىسى، ۋە باشقا ئىجتىمائىي شارائىتلارنىڭ تەسىرى.
4. رەھبەر（باشقۇرغۇچى）：

رەھبەرنىڭ ساپاسى، ئەقىل پاراسىتى، شىجائىتى، قول ئاستىدىكىلەرنىڭ مايىللىقى ۋە قايىللىقىنى قولغا كەلتۈرۈشى، قول ئاستىدىكىلەرگە كۆيۈنۈشى، ئادىل باراۋەر مۇئامىلە قىلىشى، قائىدە-تۈزۈم ئالدىدىكى باراۋەرلىكى.
5. قائىدە-تۈزۈم ۋە تەشكىلى قۇرۇلما：

مۇكاپات ۋە جازا، خادىملارنىڭ ئىش ئورنى مەسئۇلىيىتى ۋە ھوقۇقى، ماددى ۋە مەنىۋى بايلىقلارنىڭ تەقسىملىنىشى ئادىل ۋە باراۋەر بولۇش.
يەتتە خىل ئەھۋال
1.  قانداق قىلىپ ئىجرا گورۇپپسىدىكى خادىملارنى ئىدىيەدە بىرنۇقتىغا مەركەزلەشتۈرۈش؟
2.  ئىجتىمائىي ۋە تەبئىي شارائىتلارنىڭ تەسىرى قانداق؟
3.  قايسسى رەھبەرنىڭ ئىجرا گورۇپپىسىدىكى رەھبەرلىك ئىقتىدارى ياخشى؟
4.  قايسسى خىل قائىدە-تۈزۈمنىڭ ئىجرا كۈچى كۈچلۈك؟
5.  قايسسى خىل ئۇسۇل ئارقلىق ھەرخىل بايلىقلاردىن تېخمۇ كەڭ تېخمۇ ئۈنۈملۈك پايدىلىنىش؟
6. ئىجرا گورۇپپىسىدىكى قايسسى خادىملارنىڭ ساپاسى ياخشى، جەڭگىۋارلىقى كۈچلۈك؟
7.  قايسسى خىل مۇكاپاتلاش ۋە جازالاش تۈزۈمى ئادىل ۋە باراۋەر؟
يۇقارقى بەش نۇقتا ۋە يەتتە خىل ئەھۋالنى ئومۇملاشتۇرۇپ تەكشۈرۈش ۋە ئانالىز قىلىشتىن ئۆتكۈزگەندىن كىيىن ئۆزىمىزدە بار بولغان ئارتۇقچىلىقلاردىن ئۈنۈملۈك پايدىلىنىش بىلەن بىر ۋاقىتتا، ئۆزىمىزدە يوق تەرەپلەرنى تولۇقلاپ تۈزۈلگەن پىلاننىڭ ئىشەنچىلىكلىك دەرىجىسى شۇنچە ياخشى بولىدۇ.
«ئۇرۇشنىڭ توققۇزى رەڭ، بىرسى جەڭ». ئۇرۇشتا كۆپ ئەسكەر، ئىلغار قورال-ياراغ، مول ماددىي ئەشياغا تايىنىپلا نۇسرەتكە ئىگە بولۇش ناتايىن. مىنىڭچە كارخانا باشقۇرۇشمۇ  ئوخشاش، ئىلغار زاۋۇت- ئۈسكۈنە، زور كاپىتال ۋە ئاتالمىش ئىقتىساس ئىگىللىرى بىلەن كارخانىنى يۈكسەلدۈرۈش مۇمكىنمۇ؟
مىنىڭچە مۇھىمى ئۆزىمىزگە ماس كىلىدىغان تاكتىكا، سەترەك ئېيتقاندا ھېيلە-مىكىر.
بىرىنجى باب تامام
تەرجىمە قىلىپ ئۆزلەشتۈرگۈچى: تاھىرجان مەزى

رەتلىگۈچى: غۇلجا شەھەر مىللىي كارخانىچى سودىگەرلەر ئۇيۇشمىسىدىن تاشپولات بىلال ئەلقۇت

ھەر ھەپتىدە ئىككى باپتىن تولۇقلاپ ئوقۇرمەنلەرگە سۇنىلىدۇ. كىيىنكى مەزمۇنلار ئىنكاس شەكلىدە يوللىنىدۇ.

putin

   ئىنتايىن ياخشى يازما ئېلان قىلىپسىز .
‹سۈنزى ھەربىي ئىشلار دەستۈرى ›ئىنگىلىزچە ‹The Art of War› ئاتىلىدۇ .14قىسە ،72ئىستىراتىيىگىيە كۆرسەتمىسىدىن تەركىب تاپقان .

  بۇنىڭدا 谋攻篇قىسەسى بىلەن 虚实篇قىسەسى يەنە九变篇قىسەسى ھازىرقى زامان ئۇرۇشلىرى ۋە ئىستىراتىيىگىيىلىك ئورۇنلاشتۇرۇشتىمۇ قوللىنىلماقتا .بولۇپمۇ دۆلىتىمىز ئىچكى ئىشلار ۋە بىرقىسىم مېللەتلەر يىتەكچىلىك قۇرۇلمىسى ئۈچۈن ئىشلەتمەكتە .

ئاشقىن

  «سۈنزىنىڭ ھەربىي ئىشلار دەستۇرى»ئۇنچە ئۇلۇغلاپ كەتكۈچىلىگى يوق تەلىمات،چۈنكى ئۇ ئىنسان تەبىئىتىنى ئالدايدىغان ھىلە- مىكىر بىلەن تولغان،شۇنداق بولغانلىق سەۋەبىدىن بۇ دەستۇرنى ئۆگەنگەن ئوتتۇرا ئىقلىم سانغۇنلىرى ئەسكەرلىرىنىڭ جەڭگىۋارلىقىنى ئاشۇرالماي، سەددىچىن سېپىلىدىن چىقىشقا جۈرئەت قىلالماي،ئۆز ئىچىدە بىر بىرىنى قەستلەش بىلەن ئۆتكەن.شىمالدىكى يايلاق مىللەتلىرى گەرچە سۈنزىنىڭ تەلىماتلىرىنى ئۆگەنگىدەك مەدەنىيىتى بولمىسىمۇ،لېكىن باتۇرلۇقنى،مەرتلىكنى ۋە ئادالەتنى ئۆزلىرىنىڭ قوغلىشىش نىشانى قىلىپ،ئۆز تەبىئىتىدىكى ئارتۇقچىلىقلارنى ئەڭ يۈكسەك دەرىجىدە جارى قىلدۇرۇپ،ئوتتۇرا تۈزلەڭلىكتىكى سۈنزى تەلىماتلىرى بىلەن قوراللانغان مىليون كىشىلىك قوشۇنلارنى بويسۇندۇرغان.ئەگەر،چىڭگىزخان سۈنزى تەلىماتىنى ئۆگەنگەن بولسا،موڭغولىيە يايلاقلىرىنىڭ سىرتىغا چىقالمىغان بولاتتى،چۈنكى سۈنزى تەلىماتى ئۇنىڭ «ھالىغا باقماي جاھاندىكى كۈچلۈك دۈشمەنلەرگە ھۇجۇم قىلىشىنى» چەكلىگەن بولاتتى.مەشھۇر «ئۈچ پادىشاھلىق»تا،مەيلى ساۋساۋ بولسۇن ياكى ئۇنىڭ رەقىبى جۇگې لىياڭ بولسۇن،ئۇلارنىڭ قولىدىكى قوشۇن ۋە تەمىنات چىڭگىزخاننىڭكىدىن نەچچە ھەسسە ،ھەتتا نەچچە ئون ھەسسە ئۈستۈن،قورال- جابدۇقلىرىمۇ ھەم خىل.لېكىن جۇڭگو تارىخىدىكى بۇ ئىككى بۈيۈك ھەربىي تالانت ئىگىسى ئۆزىگىمۇ،ئۆزگىگىمۇ ھىلە-نەيرەڭ ئىشلىتىپ،تۇتامغا چىققۇدەك نەتىجە قازىنالمىدى. جۇگې لىياڭنىڭ تاكتېكا ئىشلىتىپ لىۇ بېينىڭ قېشىغا كېلىشكە "يالغاندىن"ئۇنىمىغانلىقلىرىچۇ تېخى.
   سۈنزىنىڭ تەلىماتى ھىلە-مىكىرگە چوقۇنىدۇ،قول ئاستىدىكىلەر بولسۇن،رەقىبى بولسۇن ھەتتا ئۆزىنىڭ خوجايىنى بولسۇن، ھەممىسىگە ھىلە-نەيرەڭ ئىشلىتىشنى تەشەببۇس قىلىدۇ،گەپنىڭ تېگىگە گەپ يوشۇرۇپ سكزلەيدۇ،ئۆزئارا قەست قىلىشىدۇ.كىنولىرىنى كۆرسە ئادەم بۇ ھېلە-مىكىرلەرنىڭ دەستىدىن چارچاپ كېتىدۇ.ئەكسىچە،شىمالدىكى جەڭگىۋار مىللەتلەر بولسا ئۆزئارا ئوچۇق ئاشكارا كېلىدۇ،گەپنى تۈز قىلىدۇ،ئارىسىدىكى قەھرىمانلارنى قەدىرلەيدۇ،ھىلە مىكىرلىرىنى بولسا ساقلاپ قويۇپ دۈشمەنلىرىگىلا ئىشلىتىدۇ،ئۇنىڭ ئۈستىگە بۇ ھىلە-مىكىرلەر ھەرقانداق شارائىت ئاستىدا نامەرتلىكنى ئاساس قىلمايدۇ........
   شۇڭا مېنىڭ تەشەببۇسىم،دۇنيادا ھەربىي تەلىمات تولا،كارخانا باشقۇرۇش دەستۇرلىرى تېىخىمۇ شۇنداق.شۇڭا بىز سۇنزىنىڭ تەلىماتلىرىنى ئۆگىنىمىز دەپ زېھنىمىزنى ئىسراپ قىلماي،قاراتمىلىقى ئېنىق،قوللىنىشچانلىقى يۇقۇرى بولغان ھازىرقى زامان غەرب تەلىماتلىرىنى كۆپرەك ئۆگىنەيلى.بۇنىڭدا،بىرى ئۆگىنىش ئاسان بولىدۇ،ئىككىنچىدىن كارغا يارايدۇ.
  لېكىن، قول ئاستىدىكىلەرنى كۆپ ئىشلىتىپ ئاز ھەق بېرىشنى،خېرىدارلىرى ۋە چۆپقەتلىرىنى قويۇشنى ئويلايدىغان ,يالغان ھېساپ ياساپ باجدىن قاچىدىغان بۇرنىنىڭ ئۇچىنىلا كۆرىدىغان ساختىپەزلەر سۈنزىنىڭ دەستۇرلىرىنى تازا ئۆگەنسە بولىدۇ.

elqut

ئاشقىن يوللىغان ۋاقتى  2016-2-14 11:32
«سۈنزىنىڭ ھەربىي ئىشلار دەستۇرى»ئۇنچە ئۇلۇغلاپ كەتك ...

ھەر ئىلىمنى بىر ئۆگىنىپ قويغۇلۇق، شاكىلىنى چىقىرىپ تاشلاپ مېغىزىنى قوبول ئەتسە بولىدۇ. ھىچ بولمىغاندا رەقىبنىڭ ھىلە مىكرىنى تەھلىل قىلىشقا يارايدۇ. غەرىپنىڭ بولسىلا بىزگە ماس كېلىشى ناتايىن، شەرق ۋە غەرپ مەدەنىيىتىنى ئورتاق تەتقىق قىلىپ ئۆزىمىزگە خاس ئەندىزىلەرنى بەرپا قىلىشىمىز لازىم.
چەتكە قېقىش ۋە زىيادە چوقۇنۇشنىڭ ھەممىسى ئاشقۇنلۇق بولىدۇ.
ھەر ئىشتا ئوتتۇرا يول تۇتقان دانالىقتۇر. بىرسىمىز سۈنزىنى سۆزلىسەك ، بىرسىمىز ناپالىيون، گىتلېرنى سۆزلىسەك. يەنە بىرىمىز مايۇننى سۆزلىسەك،  يەنە بىرىمىز بىلگايتىس، روك فېللىرنى سۆزلىسەك بۇلارنىڭ ئورتاقلىقى ۋە پەرقىنى بىلىپ ئۇلارغا قانداق مۇئامىلە قىلىشنى ئۆگەنسەك، ئاندىن ئۆزىمىزنىڭ ئەمەلىيىتىگە ماس كېلىدىغان بىلىم قۇرۇلمىسىنى بەرپا قىلىپ يېزىپ قالدۇرساق نىمە دىگەن ياخشى؟
«مەن كۆتۈمنى ياراتمىدىم باسۇرۇپ ئولتۇرۇپ، كۆتۈم مېنى ياراتمىدى ئوسۇرۇپ ئولتۇرۇپ» دىگەندەك پاسسىپ پوزىتسىيەدە بولساق كۈنلىرىمىز يەنىلا غەپلەت ۋە غەيۋەتتە ئۆتىۋىرىدۇ.  

murat47

بۇنداق ئەركەكلىك يوق، ھىيلە مىكىر ، يالغانچىلىق، ساختىپەزلىك پەقەت جۇڭگولۇقلاردىلا بارمىدۇ، دەپ قالىمەن.  باشقا دۆلەتلەرنىڭ، بۇلۇپمۇ  ياۋرۇپانىڭ قەدىمكى ئۇرۇشىنى كۆرسەڭلەر ئۇنداق ھىيلە مىكىر ئىشلەتمەيدۇ، بۇ كاللىسىنىڭ ئىشلىمىگەنلىكى ئەمەس،  ھەقىقى جاسارەت، ئەركەكلىك، ۋە مەردانىلىقنى قەدىرلىگەنلىكى.
بىر تارىخى ۋەقەنى ئۇقۇغانتىم،  ئۇنىڭدا  ئەنگىلىيەنىڭ بىر قېرى پادىشاھى ۋاپات بۇلىدۇ،  ئۇنىڭ چوڭ ئوغلى دۆلەت سىرتىغا جەڭگە كەتكەن، قائىدە بۇيىچە چوڭ ئوغلى تەخىتكە ئولتۇرىشى كېرەك، ئەمما ئاكىسىنى ياقتۇرمايدىغان ئىنىسى پۇرسەتپەرەسلىك قلىپ ئۆزىنى شاھ ئېلان قىلىپ سىياسى ئۆزگىرىش بىلەن ھاكىميەتنى ئېلىۋالىدۇ. ئۇنىڭ ئاكىسى خەۋەرنى ئاڭلاپ غەزەپلىنىپ ئۇكىسىغا ئۇرۇش ئېلان قىلىدۇ، ئەمما شەھەر قوۋۇقى ئالدىغا كەلگەندە قاتتىق قىش بۇلۇپ، ئۇزۇق تۈلۈك تۈگەپ، ھەربىيلەر ئاچلىقتىن ئۆلۈشكە باشلىغان، ئاكىسى جەڭ قىلىشقا كۆزى يەتمەي، ئىنىسغا خەت يېزىپ پۇل ۋە ئاشلىق ياردەمگە سورايدۇ، خەتتە ئۆزىنىڭ ئىنىسى بىلەن ئۇرۇشقىلى كەلگەنلىكى، ئەمما قىيىن ئەھۋالدا قالغانلىقىنى دەيدۇ. ئىنىسى ھەقىقەتەن نۇرغۇن پۇل ۋە ئاشلىق چىقىرىپ ياردەم بېرىدۇ.   نەتىجىدە ھاكىميەتنى بىلىكتە ئىدارە قىلشقا پۈتۈشىدۇ

alpamixaziz

ئاشقىننىڭ ئىنكاس قىلغان تەپەككۇرىدا  ئۆزگىچىلىك،يېڭىلىق بار ئىكەن.ئاشقىننىڭ تەپەككۇرى مېنىڭچە «جوڭگو  كىلاسسىك تەپەككۇرى،پاراسىتى» گە
قىلىنغان باھا - ئوبزور بولۇپتۇ.

  مېنىڭچە ئاشقىن شۇ تەپەككۇرىنى يەنىمۇ ئىنچىكە ھالدا چوڭقۇرلاشتۇرۇپ، سەددىچىن نىڭ   ئىچىدىكى تەپەككۇر تارىخى بىلەن سەددىچىننىڭ تېشىدىكى تەپەككۇر تارىخىنى
دىڭلىڭلاردىن تاكى چىڭ زامانىغىچە  يەنى مىلادىدىن ئاۋالقى 21-ئەسىر شىيا سۇلالىسى زامانىدىن تاكى 17-18-ئەسىرگىچە  4000 مىڭ يىللىق تارىخنى سېلىشتۇرۇپ يېزىپ چىقسا ناھايىتى نادىر بىر تېما بولغۇدەك.
   قىسقىسى «سۇنزىنىڭ ھەربىي ئىشلار دەستۇرى» بىلەن جۇ گېلىاڭنىڭ ھەربىي ئىشلار پاراسىتىدىمۇ بىر تەرەپمىلىكنىڭ ئېغىر دەرىجىدە ساقلانغانلىقى كەسكىن ئوتتۇرغا قويۇلغان.

    شۇ  سەۋەپتىن  يۇقۇرىقى تېمىنىڭ ئىلمىي قىممىتىگە قارىغاندا ئاشقىننىڭ ئىنكاس تەپەككۇرىنىڭ   يېڭىلىق جەھەتتىكى قىممىتى يۇقۇرى بولغان.

ئاشقىن

elqut يوللىغان ۋاقتى  2016-2-14 16:01
ھەر ئىلىمنى بىر ئۆگىنىپ قويغۇلۇق، شاكىلىنى چىقىرىپ ت ...

    غەرىبنىڭ ئۇ نېمىسى ماس كەلمەيدۇ،بۇ نېمىسى ماس كەلمەيدۇ دېگەن سەپسەتىلەرنىڭ ئارقىسىغا ئاشكارىلاشقا جۈرئەت قىلالمايدىغان غەرەز يوشۇرۇنغان.ئىلىم بولغان ئىكەن ئۇ كىشىنىڭ ئىرادىسىگە باغلىق بولمايدۇ، ئۇ غەربلىكلەرگە ماس كەلگەن ئىكەن چوقۇم شەرقلىقلەرگىمۇ ماس كېلىدۇ،بۇ ئىلىملەرنى غەربلىكلەر ئالدىدا بايقىغانلا يېرى بار،مونوپول قىلىۋالغان يېرى يوق.شۇڭا ئىلىمنىمۇ ماس كېلىدىغان ئىلىم،ماس كەلمەيدىغان ئىلىم دەپ ئايرىشقا بولمايدۇ.لېكىن سۈنزىنىڭ تەلىماتلىرىنىڭ تولىسى ئىلىم كاتوگورىيىسىگە كىرمەيدۇ،بەلكى كىشىلەر سۈنئىي شەكىلدە توقۇپ چىققان ھىلە-مىكىر خالاس.
    دۇنيادا بىلىم ھەددى ھېساپسىز كۆپ،ھېچكىم ئۇنىڭ نەچچە مىڭدەن بىرىنىمۇ ئۆگىنىپ بولالمايدۇ.شۇڭا،ئۆگەندىم دەپ ئۇدۇل كەلگەن بىلىمنى ئۆگەنىۋېرىپ زېھنىمىزنى زايا قىلساق قەتئىي بولمايدۇ،چوقۇم مىڭنىڭ ئىچىدىن تاللاپ تۇرۇپ بىرنى ئۆگىنىشىمىز كېرەك.ئۇ بىرى چوقۇم كېرەككە كېلىدىغان،يەنى بىزنىڭ ھەركىتىمىزگە يېتەكچى،تەپەككۇرىمىزغا قانات بولىدىغان بولۇشى كېرەك!

zayumka

سۇنزىنىڭ ھەربى ئىشلار دەستۇرىدىكى بەزى بىر تاكتىكا يەنى ھىلى مىكىرلەرنى ئۇگۇنۇپ قويۇشنىڭ نىمە زىيىنى بار .‹‹جەڭنىڭ توققۇزى رەڭ ،بىرسى جەڭ دىگەن ››دىگەن ھىكمەتنى  ئۇنتۇپ قالماڭ .