ئابدۇۋەلى ئايۇپ: كەچۈرۈڭلار

enjumen

ئەسسالامۇ ئەلەيكۇم ھۆرمەتلىك ئوقۇرمەنلىرىم:
    مەن ئەرەبىستان ۋە مىسىر ھەققىدىكى يازمىلىرىم سەۋەبلىك دىنىمىزدىن گۇمان قىلىدىغان ئۆلىمالىرىمىزدىن شۈبھىلىنىدىغان ئېقىمنىڭ توردا باش كۆتۈرۈپ قالغىنىنى ھېس قىلدىم، پۇشمان قىلدىم ۋە ئىنتايىن قايغۇردۇم. يازمىلىرىم ئويلىنىشقا، ئويغىنىشقا ۋە تىرىشىشقا سەۋەب بولسا ئىكەن دەيتتىم. ئەمما ئەمەلىيەت بۇنىڭ تەتۈرسىنى ئىسپاتلىماقتا...
    مەن بىر ئاددى ئىنسان بولۇش سۈپىتىم بىلەن پەرزەنتلىرىمىزنىڭ بىر ئادەتتىكىچە بولسىمۇ كەسپنىڭ ئەھلى بولۇپ ھالال ياشىسا دىنىمىزغا، ۋەتىنىمىزگە ۋە ئاتا - ئانىسىغا يۈك بولۇپ قالمايدىغان بىر ئىنسان بولسا دەپ قارايمەن. شۇڭا ھۈنەردىن ياكى ئەمەلى قوللىنىدىغان بىرەر بىلىمدىن مۇستەسنا ھەرقانداق شەكىلدىكى ئوقۇشنى قوللىمايمەن. ئەمەلىيەتتىن، ئىنساننىڭ كونكىرت ئېھتىياجىدىن ئايرىلغان ھەرقانداق شەكىلدىكى مائارىپ بىلەن شۇغۇللانمايمەن ۋە شۇنداق تەشەببۇستىكىلەرنىمۇ قوللىمايمەن.
    مەن پەرزنتلىرىمىزنىڭ تېنچ، بىخەتەر باراۋەر بىر مۇھىتتا ئوقۇشىنى ۋە ياشىشىنى ئارزۇ قىلىمەن. مىسىر، ئەرەبىستان، يەمەن، پاكىستان قاتارلىق دۆلەتلەرگە بارمىغان بولساممۇ بارغانلار بىلەن تۈركىيەدە بىللە ياشاۋاتىمەن. شۇڭا بۇ دۆلەتلەردە بالىلىرىمىزنىڭ تۇرۇپ بولالماي يەنە تۈركيەگە قايتىپ كېلىپ ئاۋارە بولغىنىدىن بىراقلا تۈركىيەگە كېلىشىنى ئارزۇ قىلىپ "مىسىردىمۇ ياكى تۈركىيەدىمۇ؟" دېگەن يازمىنى يازغان. دېگەنلىرىمدەك بۇ پەتىۋا ئەمەس ياكى ئۆلىمالارنىڭ ئىجماسى نەتىجىسىدە ئوتتورىغا چىققان شەرئى ھۆكۈم ئەمەس پەقەت مېنىڭ بىر سەمىمىي تەۋسىيەم.
   دىن بارىدا ئۆلىمالارنىڭ گىپىنى ئاڭلىغۇم بار لېكىن مەن باشقىلاردىن ئاڭلىغان، كىتابلاردىن ئوقۇغان گېزىتلەردىن كۆرگەن ۋە تېلېۋۇزۇرلادىن خەۋەر تاپقان رېئاللىقا ئاساسەن مىسىردا ئوقۇشنى ئەمەس تۈركىيەدە ئوقۇشنى تەۋسىيە قىلىپ قاپتىمەن. ئۆلىمالار كەچۈرگەي ئۇلارنىڭ ئوقىتىشى داۋام قىلغاي ئوقۇغۇچىلىرى ئۈزۈلمىگەي شارائىتلىرى كۈنسايىن ياخشىلىنىپ كەتكەي. ئەركىن ئاكامنىڭ چۈشەنگىنىگە رەھمەت ئەمما مەن دىندا ئوقۇغان بالىلارنى كۆپىيىپ كەتتى دېمىدىم. پەقەت ھۈنەرسىز دىندارلىقنىڭ تاماغا يېقىن بولۇپ قېلىشىدىن ئەنسىردىم خالاس.

kokboraa

ئەسسالامۇ ئەلەيكۇم ئەپەندىم ، ھەممىمىز سىزنىڭ مىللەت ئۈچۈن ،ئۈممەت ئۈچۈن كۆيىۋاتقان يۈركىڭىزنى چۈشىنىپ تۇرۇپتىمىز ،

ھەممىمىزنىڭ خاتالىقلىرىنى ئاللاھ ئەپۇ قىلسۇن .

Achyol

كەچۈرۈم سوراشنىڭ ھاجىتى يوق دەپ قارايمەن. سىزگە بىرىلگەن رەدىيە تېمىلىرى ئىچىدە بىلىمخۇمار ئاكىمىزدىن باشقىلىرىنىڭ ئەخلەت...

putin

   ئابدۇۋەلى ئايۇپ ئەپەندى ،ئەقىللىق ئەجدادلىرىمىز پاراسىتىنىڭ مەسئۇلى بولغان مۇنۇ سۆزنى ئۇنۇتماڭ  :
ئەيىب سۆزلىگۈچىدە ئەمەس ،ئاڭلىغۇچىدا ...
   مىنىڭچە سىزنىڭ كەچۈرۈم سورىغۇدەك خاتالىقىڭىز يوق .بۇ يەردىكى مەسىلە دەل كىشىللىرىمىزدىكى تار مەنىدىكى ئۇلۇغ ئىتىقادىزىملىق قارىشىنىڭ ئىغىر بولىشى ۋە ئۇيغۇرلار ئارىسىدىكى تۈركپەرەسلىك بىلەن مۇرەككەپ دۇنياۋى سىياسىي ۋەزىيەت ۋە كىشىللىرىمىزدىكى نادانلىق .
    سىزدەك كىشىللىرىمىزنىڭ ئۇيغۇر جەمىئىيتىنى مۇشۇنداق غىدىقلايدىغان ئەسەرلىرىنىڭ كۆپ چىقىپ ،كىشىلەرنى تەپەككۈر قىلىشقا ،مۇنالىزىە قىلىشقا تۈرتكە بولىشى ھەرگىزمۇ يامان ئىش ئەمەس .
    كىيىنمۇ بۇ ئىشنىڭ تەسىرىگە ئۇچرىماي ،قەلەم تۇتقان قولىرىڭىزغا مېللەتنىڭ غورى ،ۋىجدانى ،كەلگۈسى ھەمراھ بولسىلا سىزنىڭ ئەسەرلىرىڭىزنى ياقتۇرۇپ ئوقۇيدىغان كىشىلەر ھەرگىزمۇ ئازلاپ كەتمەيدۇ .
    سىزگە ھۆرمەت بىلدۈرۈپ ،باغداش مۇنبىرىدىكى پۇتېن .

Musafir1

چوڭلار  مىڭ ئاڭلىغاندىن بىر كۆرگەن ياخشى دەپتىكەن مىسىرغا بىر كەپ كەتمەملا

mahdi99u

Achyol يوللىغان ۋاقتى  2016-2-24 16:24
كەچۈرۈم سوراشنىڭ ھاجىتى يوق دەپ قارايمەن. سىزگە بىرىلگ ...

بىلخۇمار ئاكىمىز  ئابدۇۋەلى ئايۇپ گۈلەننى ئاقلاپ ئەمەس ،ئوقۇرمەنلەرنىڭ خاتا چۈشنىۋىلىپ  قىلىشتىن  ئاگاھلاندۇرۇپ ،گۈلەن ئەپەندىنىڭ دىققەت قىلىشىنى كۆرسىتىپ ،ئالىملارنىڭ ئوتتۇرسىدىكى مۇناسىۋەتنى  ساپاسىز كىشىلەرنىڭ ئاداۋەتكە ئايلاندۇرۇپ قويۇشتىن قوغداش ئۈچۈن يازغان .مەيلى زىيالى بولسۇن  ،ئۆلـما بولسۇن بىر بىرىنى ئىنتايىن ھۆرمەتلىگەن ئاساستا مۇنازىرە  قىلۋاتقان .بىر توپ  ساپاسىز كىشىلەر تىل ئۇرشىغا ئايلاندۇرۇپ قويدى بۇ مۇنازىرىنى .
تۇلپارلار ياتسا بىرخىل جىمجىت،
ئىشەك چۈشتى بەيگىگە قىززىق،
يولۋاسلار  تۇرسا ئىسىل سۈكۈتتە
ئىتلارنىڭ قاۋاپ كىتىشى قىززىق

Master4848

ھەممىمىز ئىنسان بولۇش سۈپىتىمىز بىلەن خاتالىقلاردىن خالى ئەمەسمىز .
رەسۇلۇللاھ ھەدىستە مۇندەق دەيدۇ : « ھەر بىر ئادەم بالىسى خاتالىشىدۇ ، خاتالاشقۇچىلارنىڭ ياخشىسى ئۆز خاتالىقىنى تونۇپ تۈزەتكەنلەردۇر  ».
سىزنىڭ بۇ باياناتىڭىز ئۈچۈن ئاللاھ سىزدىن رازى بولسۇن .
ھەممىمىز بىر دىن بىر مىللەت كىشلىرى ، ھەممىمىز ئۆزدىنىمىز ، مىللىتىمىز ئۈچۈن خىزمەت قىلىشنى ئويلايمىز ، لىكىن كۆرۈپ تۇرىۋاتقىنىمىزدەك سىزنى ئىتىتىرىپ ئالدىغا چىقىرىپ  قويۇپ ، تاماشا كۆرىۋاتقان ۋە توپىلاڭدىن توقاچ ئوغۇرلاۋاتلانلارمۇ ۋە دىنغا ئوپ ئوچۇق دۈشمەنلىك قىلىۋاتقانلارمۇ يوق ئەمەس ، سىزنىڭ شۇلارنىڭ رەزىل نىيەتلىرىگە ئۈمۈد بولۇپ بەرمەستىن ،  خىياللىرىنى بەربات قىلغانلىقىڭىز ئۈچۈن سىزدىن ناھايىتى سۆيۈندۈم .
ئاللاھ سىزدىن رازى بولسۇن  !

ali508

كۇك كۈچۈكىنىڭ بۇيەردە ئۇستخان تاماسىدا يۇرگەنلىگىدىن ئەجەبلەندىم.