سۆيۈملۈك ئوغرى

Bumeryem

سۆيۈملۈك ئوغرى

بۇمەريەم

ئىشتىن چۈشۈپ تۆنۈگۈن دېيىشىپ قويغىنىمىز بويىچە زۇليار بىلەن تاماق يەيدىغان ئاشخانىغا قاراپ ئۇنىڭ بىلەن تېلېفوندا سۆزلەشكەچ كېتىۋاتاتتىم. قۇلىقىمنى بۈركۈتتەك قاماللىغان بىرقولنىڭ زەربىسىدىن يىقىلىپ چۈشتۈم. قۇيۇندەك ئۆتۈپ كەتكەن موتوسېكلىتلىق ئوغرى تېلېفونۇمنى ئېلىپ قاچتى. كەينىدىن توۋلاپ تۇرۇپلا قالدىم. كىملەردۇر كېلىپ يۆلەپ قويدى. نەگە بېرىپ نېمە ئىش قىلىشىنى بىلمىگەن ئادەمدەك تۇرغان يېرىمدا تۇرۇپلاقالدىم. ئوغرىنىڭ تىرنىقى قۇلىقىمنىڭ تىرىسىنى شۈلۈپ چىققان بولۇپ، تىرناقنىڭ ئۇچىچىلىك يارىدىن چىققان قىپقىزىل قان بىردەمدىلا بىر ياپراق قەغەزنى بوياپ بولدى. بۇنداق ئىش بېشىمغا تۇنجى كېلىپ باققاچ قىمىكىن، ھەيرانلىق ۋە قورقۇنۇشتىن يىغلاشنىمۇ ئۇنتۇپ قالغاندىم. موتوسېكلىتنىڭ قارىسى يۈتكەندىلا يول بويىدا بىرنەچچە قۇرۇق تاكسىنىڭ تۇرغانلىقىنى كۆردۈم. ئوغرى ئۇ قەدەر تۇيۇقسىز ھۇجۇم قىلدىكى، تاكسىدا ئۇنى قوغلاپ تۇتۇۋېلىشمۇ خىيالىمغا كەلمىگەن ئىدى. ئىچىمنى بىرنەرسىنى يوقاتقاندەك ئەمەس خۇددى چۈشتەك بىر تۇيغۇ قاپلىۋالدى. بۇ ئىش خۇددى بۇرۇنبىر يەردە يۈز بەرگەندەك.

- ئەمدى ئۇتېلېفونىڭىزدىن ئۈمىدىڭىزنى ئۈزۈڭ ئۇكام، تاپقىلى بولمايدۇ.- دېدى، بوتكىچى ئادەم.
- بۇ خەق بەكنائىنساپلىشىپ كەتتى، جاھان ئوغرىنىڭ بولۇپ كەتتى. كۈپكۈندۈزدە خەقنىڭ مېلىغا چاڭسېلىشتىن قورقمايدۇ. تېخى تۆنۈگۈنلا...


-....
يەنە كىملەرنىڭ نېمەدېيىشكىنى ئېسىمدە يوق. تېزلىكتە ئۇ يەردىن ئايرىلدىم. ساقچىخانىدىكى دوستۇمنى تېپىپ، ئەھۋالنى ساقچىخانىغا مەلۇم قىلىۋەتكەندىن كېيىن، زۇليار بىلەن كەچلىك تاماقنى بىللە يېمەكچى بولغىنىمىز يادىمغا يېتىپ دەرھال ئاشخانىغا باردىم. مېنىڭ كېلىۋاتقىنىمنى كۆرۈپلا ئۇنىڭ تۈرۈلۈپ كەتكەن قاپىقى تېخىمۇ تۈرۈلۈپ ھازىرلا جېدەل چىقىرىدىغاندەك كۆرۈنەتتى. ئۈستەلگە بېرىپ ئولتۇرا- ئولتۇرمايلا سۆزلەپ چۈشۈپ كەتتى.

- نەگە باردىڭ؟ نېمەئادەم ئەخمەق قىلىسەن؟
- يولدا كېتىۋاتسام...
- ھە، يولدا كېتىۋاتساڭ ۋاتكوت دوستۇڭدىن بىرسى ئۇچراپ قالدى. شۇنىڭ بىلەن تېلېفونۇڭنى يۈزۈمگە بېسىۋېتىپلا ئىتىۋېلىپ، خوگوخانىداخەق بىلەن غەيۋەت قىلىشىپ يۇندا يالىدىڭ شۇنداقما؟ تېخى ئادەم كۆزگە ئىلمىغاندەك،ئەمدى ماڭا تېلېفون ئۇرماڭ، دەپ ئۇچۇر يازىسىنا؟.- ئۇ گېپىمنىڭ ئاخىرىنى دېيىشكەپۇرسەت بەرمەيلا تېخىمۇ قوپال ئاۋازدا سۆزلەپ كەتتى.

- مۇشۇ قىلغانلىرىڭغاچوقۇم پۇشايمان قىلىسەن.- دېدىم تۆۋەن ئاۋازدا.
- ھېي، سەن قايسى ھالىڭغا ماڭا تەھدىت سېلىۋاتىسەن؟ ئۈلۈشكۈنكى ئىشتا گۇناھ مەندە بولمىسىمۇ، بوپتۇ كۆڭلى ئاغرىدى كۆڭلىنى ئېچىپ قوياي دەي چىرايلىق تاماققا چاقىرسام، ناسىلداپ ئەمدى كەلدىڭ. ئەنەكېلەر، مانا كېلەر دەپ ئاچ قورساق ئولتۇرغىلى ئىككى سائەت بولدى مەن مىيەدە. مەندىن باشقائوغۇل بالا بولسا بۇ چاغدا چىدىماي قوڭاڭغا تېپىدۇۋا سېنىڭ...

- ئەمىسە نېمىگە قاراپ تۇرىسەن، يولۇڭغا ماڭ. مەن سېنىڭ ئالدىڭنى توسۇۋالمىدىم.

- ئىششىڭنى قىلە!.- ئۇئورنىدىن تۇرغىنىچە مېنى تاشلاپ كېتىپ قالدى.

«خۇدايىم توۋا، بۈگۈنزادى قانداق بىر كۈن؟ تېلېفونۇمنى ھېلىمۇ ئوغرى ئاپتۇ، بولمىسا مەن ھەممىلا كىشى ماختاپ شالۋىقى ئېقىپ قالىدىغان زۇليارنىڭ ھېچكىم كۆرۈپ باقمىغان بۇ يۈزىنى قانداقمۇ كۆرەلىگەن بولاتتىم» دېدىم ئىچىمدە. كۈتكۈچىلەر يوشۇرۇنچە ماڭاقارىۋېلىشاتتى. ئېغىر بىرنى تىنىۋەتكەندىن كېيىن ئاشخانىدىن چىقىپ كەتتىم.

- نېمە بولدۇڭ قىزىموي،چىرايىڭ تاتىرىپلا كېتىپتىغۇ؟ يەنە كەچ قويۇپ بەردىما؟بەك ئىشقا سېلىپ كېتىۋاتىدىغۇ سېنى مۇشۇگېزىتخانىدىكىلەر، ماڭە بولە قورسىقىڭنى تويغۇز...

جىمجىت ئولتۇرۇپ تامىقىمنى يېدىم. كاللام قۇپقۇرۇق ئىدى. تولۇق ئوتتۇرىدىن تاكى ئالىي مەكتەپنى پۈتتۈرگىچە ئىشقىمدا كۆيۈپ كۈل بولغان زۇليارنىڭ بىر نەچچە ئايدىن بېرى مەن بىلەن توختىماي سوقۇشۇشىغا زادى نېمىلەرنىڭ سەۋەپ بولۇۋاتقانلىقىنى ئويلاشقا تىرىشقان بولساممۇ خىياللىرىم چېچىلىپ كاللامغا ھېچنەرسە كىرمەيتتى.

- ئاپا، مەن بەكلا ھېرىپ كەتتىم. بۈگۈن بەك ئىشلەپ كەتتۇق، ئەتە بەك سەھەر تۇرمىسام بولمايدۇ مەن ئارام ئېلىۋالاي.- دېدىم ئاپامغا.
-  ۋاي جېنىم قىزىم، ئادەمنىڭ ئىچىنى ئاغرىتىپ ھارغىنىڭ يۈزۈڭگە چىقىپ كېتىپتۇ. ماڭغىن يېتىۋال.

    كارۋىتىمدائۇھسىنغىنىمچە تامغا يۆلىنىپ ئولتۇردۇم. ئۈستىلىمدە ئىككى كۈن بۇرۇن ئىشخانامغا كەلگەن نامسىز گۈل تۇراتتى. زۇليار كېلىپ قالسا كۆرۈپ قالمىسۇن دەپ ئۆيگەئەكىلىۋالغانىدىم. نېمىشقىكىن بۇ گۈلنى تاشلىۋەتكۈم كەلمىدى. تونۇمايدىغان بىرىنىڭ ئۆچىنى بىر چىرايلىق گۈلدىن ئالغۇم كەلمىدى. گۈلگە قاراپ ئىختىيارىسىز يىغلىۋەتتىم. تېلېفونۇمنىڭ ئوغرىلىنىشى، زۇليارنىڭ قوپاللىقى ۋەئىچىمدىكى باشقا بارلىق بۇرۇختۇملۇقلار بىردىنلا كۆزۈمدىن ئوقتەك چىقىۋاتقان ياشقائايلاندى. بىرەرى بىلەن مۇڭداشقىلى تېلېفونۇممۇ يوق ئىدى. قول كومپىيۇتېرىمنى ئېلىپ ئوغرىغا خەت يېزىپ باقاي دەپ يەنە بىر ئۈندىدارىمنى ئاچتىم.

- مەن تېلېفوننىڭ ئىگىسى. كەيپىياتىم بەكلا ناچار، كۆڭلۈم بەكلا يېرىم، تېلېفوننى سېنىڭ ئېلىپ قاچقىنىڭغا ئەمەس، باشقا دەرتلىرىم بار. مېنىڭ سېنى ساقچىغا مەلۇم قىلغىنىمنى پەقەت بىلىپ قالساڭلا بولدى. ئامالسىز شۇنداق قىلدىم. چۈنكى تېلېفونۇمدىكى بەزى رەسىملەر ۋە تېلېفون نومۇرلىرى مەن ئۈچۈن ھەقىقەتەن مۇھىم. ئەگەر ئۇلار بولمىسايېڭى تېلېفون ئالغىنىمنىڭ پايدىسى يوق. ئەگەر سەنمۇ بىر ۋىجدان ئىگىسى بولساڭ،مۇشۇ يەردىن ئەۋەتىپ بەرگىن.

   پەقەت تەلىيىمنى سىناپلايازغان ئىدىم، ئەمما ئوغرى جاۋاپ بەردى. تېخى شۇنچىلىك ئەدەپلىك سۆزلەيتتى. ئۇ قەدەر تەمكىن ئىدىكى، ماڭا خۇددى كىنولاردا چىقىدىغان تېخى بايىلا ئادەم بۇلاپ قاچقىنىنى ئۇنتۇپ قالغان كېسەل كىشىدەكلا تۇيۇلدى.  

- ئۈندىدارىڭىزدىكى كېرەكسىز ئوغۇللارنى يۇيۇۋەتتىم. ئۇ گۇيلار ئەمدى سىزنى ئاۋارە قىلالمايدۇ.چەمبىرىكىڭىزدىكى رەسىملىرىڭىزنىمۇ يۇيۇۋەتتىم،  گۈزەل يۈزىڭىزنى خەقلەركۆرەلمەيدۇ. مانا بۇ رەسىملەر.
ئۇ ئارقا- ئارقىدىن رەسىملىرىمنى يوللاشقا باشلىدى.دوستلىرىمنىڭ ، تۇققانلىرىمنىڭ تويىدا، تۇغۇلغان كۈنىدە، ئىشخانامدا، ئۆيدە چۈشكەن بارلىق رەسىملەر، ھەتتا ئېلكىتاپلىرىم كەينى- كەينىدىن ئەۋەتىلىشكە باشلىدى.ھاپلا- شاپلا ھەممىنى ساقلاش كارتىسىغا چۈشۈرۈۋالدىم.

- تېلېفون نومۇرلىرىچۇ؟
- ھازىرچە ئاياللارنىڭ ئىسمى بار نومۇرلارنىلا ئەۋەتىمەن. ئەر كىشىلەرنىڭكىنى كېيىنچە. ھى ھى
يوقاپ كەتسە نومۇرنىڭ ھېچقايسىسىنى ئالالماي قالماي دەپ، ئاچچىقىمنى تەستە بېسىپ جىممىدە تۇرۇۋالدىم.

ئۇ نومۇرلارنى بىردىن يوللىغىلى تۇردى. بىرەر سائەتتەك دۈم يېتىپ ئولتۇرۇپ دەپتىرىمگە نومۇر كۆچۈرۈشكەچۈشۈپ كەتتىم. نومۇرنى كۆچۈرۈپ بولۇپ مۈگدەك تۇتۇپ كېتىپ قول كومپىيۇتېرىنى ئاۋازسىز قىلىۋېتىپلا ئۇخلاپ قاپتىمەن.

داۋامى بار

SeWRim

ياخشى يىزىپسىز

nurhayat1

مۇنداقمۇ زامانىۋى ئوغرىلارمۇ بار دەڭ ! بەك ياخشى يىزىپسز داۋامىنى تىزرەك يوللاڭ !

obulqasim

زۇليار،ئوغاۋالنىڭ ئىسمىما-ئۇ!ئاڭلاپ باقماپتىكەنمەن

oylan2315

داۋامىنى ئۇقىساڭلە ھەيران قالىسىلە ئاۋۇ ئوغىرنى مەن تۇنۇيمە

Bumeryem

ئەتىسى سەھەردە بالدۇرلا ئىشقا كەتتىم. كەچتە كەلسەم ئۈندىدارىمغا ئۇچۇر يىغىلىپ كېتىپتۇ. بىرىنجى بولۇپ ئوغرىنىڭ ئۇچۇرلىرىنى ئوقۇدۇم.
- مەن يەنە بەزى مۇھىم ئادەملىرىڭىزنىڭ نومۇرىنى، نۇرغۇن رەسىملىرىڭىزنى سىزگە ئۆزۈم بەرمەكچى. ئەگەر لازىم بولسا ئەتە كەچ سائەت 6:00 دە XXX ئاشخانىدىكى X نومۇرلۇق ئۈستەلدە مېنى ساقلاڭ. كېچىكمەك جۇمۇ تومبۇلاق.
دەرھال ساقچى دوستۇم بىلەن ئالاقىلاشتىم.
- ئاداش ساقچى كىيىمىڭنى كىيىپ تازا، تاپانچاڭنى ئوقىنى چىقىرىۋېتىپ كەلسەڭ، بۇ بىر نېمىنى تۇتايلىچۇ بىللە. كىم بىلىدۇ يەنە نەچچە ئادەمنىڭ تېلېفونىنى ئوغرىلاپ بولدى بۇ نومۇسسىزلار.
- ھا ھاااايت...چاقچاق قىلما ئاداش. نەدە ئۇنداق ئىش بار؟  ئۇنداق قىلىدىغان بولساق ئوغرى ئۇياندا قېلىپ ئىككىمىزنى ئاستا بىر يەرگە ئاپىرىپ قويامدىكىن. كاللىسىدىن چاتاق چىققان ئوغرى بولمىسىلا سەن بىلەن ئۇنداق ئادەم كۆپ يەردە ئۇچراشمايدۇ. سېنى ئەخمەق قىلىپ يېزىپ قويۇپتۇ بارمىغىن. بەك ئوماق جۇمۇ ئاداش سەن.
-  ئۇنداق دېگىنىڭ بىلەن بۇ ئوغرى ئوغرىدەكمۇ ئەمەس، بىر خىل ساپالىق كۆرۈندى ماڭا. يالغان گەپ قىلمامدىكىن؟
- بولسا چەمبىرەككە ئوغرى ئىزدەش ئېلانى چىقىرايلى ئاداش، تېپىلىپ قالسا قىزىل بولاق ئەۋەتىپ دېگەندەك. بەزىدە ئاقكۆڭۈلمىكىن دەي دېسەممۇ گومۇشتەكلا تۇيۇلىسەن جۇمۇ ئاداش ئادەمنىڭ خىيالىدا يوق گەپنى قىلىپ. ساپالىق بولسا ئوغرى بولامدا؟ ساپا دېگەننى سەن بىلەن بىزدە تاپقىلى بولمىسا ئوغرىدا نەدە تۇرۇپتۇ؟
- ھاھاھااھ
- كۈلە ھە تازا كۈل خوش بولۇپ، تېلېفونۇمنى ئوغرىغا بەرگەنتىم شۇڭا بەك خۇش بولۇپ كېتىۋاتىمەن دەپ.
- زاڭلىق قىلىۋەرمىگىنە.
- بولدى خوش ئاداش ئۈندىداردىن يازە.
- ماقا ئەمىسە خوش.
تېلېفوننى قويۇۋېتىپ يەنە جىمىپ قالدىم. ئەمما ئىچىمدىن كېلىۋاتقان بىر ئاۋاز مېنى ئوغرى دېگەن ئاشخانىغا بىر بېرىپ بېقىشقا ئۈندەيتتى. دەرھال كىيىنىپ ئاشخانىغا باردىم. ئوغرى دېگەن نومۇرلۇق ئۈستەل بوش ئىدى. بېرىپ ئولتۇرۇشۇم ھامان يېنىمغا بىرسى كەلدى.
-  توۋا، نومۇس قىلماي كەپسىز ھە؟ قانداق يۈزى قېلىن ئوغرى سىز؟ قېنى تېلېفونۇم؟- دېدىم قاپىقىمنى تۈرۈپ.
- كىم ئوغرىكە؟ مېڭىسىنىڭ پېيى تارتىشىپ قالغان قىز بالىمۇ نېمە ماۋۇ؟ ۋىتامىن يېتىشمەي قالغان بولسا تاماقتىن كېيىن ياخشى بولۇپ كېتىسىز. نېمە يەيدىغاندەك تۇرىسىز؟
ئولتۇرۇشۇم ھامان دوڭۇلداپ كەلسە ئوغرىمىكىن دەپ قاپتىمەن. يېنىمدا تۇرغىنى دەپتىرىنى قولتۇقلىۋالغان كۈتكۈچى بالىكەن. بەكلا خىجىل بولدۇم. كەچۈرۈم سورىۋەتكەندىن كېيىن، تامىقىمنى يەپ ئورنۇمدىن تۇراي دېيىشىم ھامان، بىر كۈتكۈچى قىز بالا ماڭا بىر خالتىنى بەردى.
- بۇ نېمە؟
-  يىگىتىڭىز بەردى؟
- زۇليارما؟
- زۇليارمۇ مەن بىلمەيمەن. بايا سىزنىڭ كەينىڭىزدىكى ئۈستەلدە ئولتۇرۇپ لەغمەن يېدىغۇ.
- ھە؟
كەينىمگە قارىسام باشقا ئۈچ كىشى تاماق يەپ ئولتۇرۇپتۇ. خالتىنى ئېلىپ دەرھال پوكەيگە بارسام، تامىقىمنىڭ پۇلىنىمۇ خالتىنى بەرگەن كىشىنىڭ تۆلىۋەتكىنىنى ئېيتتى. خالتىنى ئېچىپ قارىسام تېلېفونۇمنىڭ قېپى بىلەن بىر نۇر دېسكا تۇرىدۇ. دېسكىنىڭ تېشىغا «TEL&RESİM» دەپ يېزىپ قويۇپتۇ. دەرھال يۈگۈرگەندەك مېڭىپ ئاشخانىنىڭ ئالدىغا چىقىپ ئىككى ياققا قارىدىم. ھەممە يەرنى ئۆز ھەلەكچىلىكى بىلەن بولۇۋاتقان كىشىلەر قاپلىغان بولۇپ، ھېچ ئوغرىغا ئوخشايدىغان بىرى كۆرۈنمەيتتى. بىردەم بوينۇمنى سوزۇپ ئۇياق- بۇياققا قاراپ مېڭىپ قويغاندىن كېيىن، ئۆيگە قايتىپ كەلدىم. ياتاق ئۆيۈمگە كىرىپلا ئاچچىقىمدا تېلېفونۇمنىڭ قېپىنى پىڭڭىدە چۆرۈۋەتتىم. رەسىملەر بىلەن نومۇرلارنى ئېلىۋالغاندىن كېيىن، ساقچى دوستۇم شادىيەگە تېلېفون قىلدىم.
- توۋا دېگىنە. ۋىييەي! بىلگەن بولسام راست بارمامدىم. قىزىقچىمۇ بۇ ئوغرى شۇم؟- دېدى شادىيە بولغان ئەھۋالنى ئاڭلاپ.
- ئۇنى بىر دېمە. جېنىم چىقتىغۇ. ئاداش ھېلىقىدەك ئىز قوغلاپ تېلېفوننىڭ ئايدىسىدىن تاپالايدىغان تېخنىكاڭلار يوقما ساقچىلارنىڭ.
- ۋاي با ئاداش. مەن ئېفبىئاينىڭ ئېيژىنتى تۇرسام. سەن دېگەن جون كەررى. بىزنىڭ باشقا قىلىدىغان ئىشىمىز يوق، پۈتۈن خادىملارنى سەپەرۋەر قىلىپ سېنىڭ تېلېفونۇڭنى ئىز قوغلاپ تەكشۈرۈپ ساپساق قولۇڭغا تاپشۇرىمىز.
- ۋايجااااان. يەنە تېلېفون ئالامدىم ئەمدى، يېڭى ئالغانتىم تېخى. ھەجەپ جىلە بولدۇم.
- توۋا، مەن سەندەك سوغۇققان بولالىسام ھە. ھازىرغىچە تامغا بىرەرنى مۇشتلاپ، توۋلاپ يىغلىماي، تۇمشۇقۇڭنى ئۇچلاپ «ھەجەپ جىيە بويدۇم» دەپ تۇرغىنىڭغا ئەقلىم سىڭايان جۇمۇ بودىكىم.
- ۋاي ۋاي ۋاي.... دەۋەرمىگىنە. ھازىر خېلى ئورۇقلىدىم. ھېلىقى تۈركىيەدىن كىرگەن بىر چاي باركەنغۇ28 كۈن تىتوكس دەيدىغان شۇنىڭدىن ئىچكەنتىم بىر ئايدىلا شاپپىدە بولۇپ كەتتىم.
- سەنغۇ تۈركىيەدىن چاي ئەمەس مۈشۈكنىڭ سۈيدۈكى كەلسىمۇ تېپىپ باقامسەنكىن دەيمەن.
- بەك تېتىقسىزكەن.
- ئەمىسە پاك مايا قوشۇۋەتكىن. ۋەەەت. ماقا بودىكىم ئەتە كۆرۈشىلى خوش. ھۇۇمممما
- ماقۇي. خوش.
شادىيە بىلەن سۆزلىشىپ بولۇپ قارىسام ئوغرى ئۈندىدارغا يەنە خەت يېزىپتۇ.
- نېمانداق ئوماق سىز. كۈتكۈچىنىڭ گەپلىرىنى ئاڭلاپ كۈلۈپ يېتىۋاپتىمەن. تېخى ئاشخانىدىن چىقىپ ئېغىزىڭىزنى دومسايتىپ ئۇياق- بۇياققا قاراشلىرىڭىزنىڭ ئوماقلىقىچۇ.
- ھە غۇجام، بەك ئوماق. مۇشۇ تاپتا ئوماقلىقىمدىن سىزنى تۇتۇۋالسام ئۇرۇپ تامغا چاپلىۋەتكۈدەك ئاچچىقىم بار. ئادەم ئەخمەق قىلماي ئىتىڭە بولدى ئۈندىدارىمنى. ئۈندىدارىمنى ئىتىۋېتىپ ئايدىرىمنى يۇيۇۋېتىپ تېلېفوننى نېمە قىلسىڭىز قىلىڭ. ساتامسىز، ئوينامسىز. باش- كۆزۈمنىڭ سەدىقىسى.
- رەھمەت تومبۇلاق.
- يۇمە ئېغىزىڭنى تومبۇلاق ئەمەس مەن.
- ئەمىسە ماۋۇ رەسىمدىكى كىمۇ؟- ئوغرى ئىككى- ئۈچ ئاي بۇرۇن چۈشكەن بىر رەسىمىمنى ئەۋەتىپ بەردى.
- رەسىملىرىمنىڭ ھەممىنى يۇيۇۋەت بولمىسا، ئوغرى بولغىنىڭغا پۇشايمان قىلدۇرىۋېتىمەن.  
- ۋوججو ھەجەپ قورقتۇميا .  
- ۋاي بولدى قىلە سەن بىلەن گەپ سېتىشىدىغانغا چولام يوق. ۋۇ ئوغرى.
- ئارانما؟  
- ماتاڭدەك سوزۇلۇپ تۇرۇشىنى مانىڭ. گەپ ئۆتمەس. سېنىڭ ئورنۇڭدا مەن بولسام تۈكرۈكۈمگە سەكرەپ ئۆلۈۋالاتتىم.
- ئىشتان بېغىمغا ئېسىلىپ ئۆلۈۋالسام بولمامدا؟
- قانداق قىلساڭ قىل.
-  
داۋامى بار

Yillarsiri

يازمىڭىز ئۈچۈن قويۇلغان ماۋزۇنىڭ ، قاراتمىلىقى كۈچلۈك ئىكەن . ھەم ئۆزگىچە ئىكەن . كۆرۈپلا كۈلۈمسېرەپتىمەن دېسە . بۇنىڭدىن باشقا ، يازمىڭىزدىكى بۇ  « ئوغرى » نى مەن پەرەز قىلدىم . پەرىزىمچە ، بۇ « ئوغرى » سىزنىڭ ئىشخانىڭىزغا گۈل ئەۋەتكەن ، ئۇ نامسىز گۈلنىڭ ئىگىسى بولۇپ قالـمىسۇن يەنە ؟!
قېززىقىش ئېچىدە ئوقۇپتىمەن . ھېلىھەم يازمىڭىزنىڭ داۋامىنى ، تەقەززالىق بىلەن كۈتىمەن . ئەسىرىڭىز ئۈچۈن رەھمەت سىزگە !

nurhayat1

نىمانداق زامانىۋى ئوغرى ئۇ ؟