قولاي تىزىملىك
كۆرۈش: 2160|ئىنكاس: 24

[سۈبھى]: ئۇرۇش تىنچلىقتىن تېخىمۇ كۆپ

[ئۇلانما كۆچۈرۈش]

63

تېما

8

دوست

3636

جۇغلانما

تەكلىپلىك ئەزا

ئۆسۈش   100%

ئەزا ئۇچۇرى
تىزىم نۇمۇرى:  35358
يازما سانى: 68
نادىر تېمىسى: 7
مۇنبەر پۇلى: 161
تۆھپە : 1264
توردىكى ۋاقتى: 75
سائەت
ئاخىرقى: 2016-3-6

مۆھتىرەم ئەزا نادىر يازما چولپىنى

يوللىغان ۋاقتى 2016-3-3 12:26:20 |ھەممە قەۋەتنى كۆرۈش


ئۇرۇش تىنچلىقتىن تېخىمۇ كۆپ


جون ئاندرېۋس


سۈبھى باغداش تەرجىمىسى



جورجى سانتايانانىڭ «پەقەت ئۆلۈكلەرلا ئاندىن ئۇرۇشنىڭ ئاخىرلاشقانلىقىنى كۆرەلەيدۇ» دېگەن ھېكمەتلىك سۆزى بۈگۈنگە ئالاھىدە ماس كېلىدۇ، سۇرىيە ۋە ئىراقتىن يەمەن ۋە لىۋىيەگىچە بولغان ئەرەب دۇنياسى زوراۋانلىقنىڭ داشقازىنى بولۇپ قالدى؛ ئافغانىستان تالىبان بىلەن بولغان ئۇرۇشقا پېتىپ قالدى؛ كۆپلىگەن ئوتتۇرا ئافرىقا دۆلىتىمۇ كان بايلىقى تالىشىشتەك قانلىق رىقابەت (دائىم ئىرق/دىن بىلەن مۇناسىۋەتلىك)نىڭ قارغىشىغا يەتكۈچە ئۇچرىماقتا. ھەتتا ياۋروپادىكى تىنچلىقمۇ تەھدىتكە ئۇچرىدى، شەرقىي ئۇكرائىنانىڭ بۆلۈنۈش توقۇنۇشى ئىسپات بولالايدۇ، ئەڭ يېقىنقى ئۇرۇش توختىتىش كېلىشىمى تۈزۈلگەندە 6 مىڭدىن ئارتۇق ئادەم ھاياتىدىن ئايرىلىپ بولدى.
قوراللىق توقۇنۇش ئارقىلىق دۇنيا مەسىلىلىرىنى ھەل قىلىش ئۇسۇلىنى قانداق چۈشەندۈرىمىز؟ يېقىندا، دۇنيانىڭ يۈزلىنىشى ئۇرۇش ئەمەس تىنچلىق ئىدى. 1989-يىلى، كوممۇنىزمنىڭ يىمىرىلىشى سەۋەبلىك فرانسىس فۇكۇياما «تارىخنىڭ ئاخىرلىشىشى»نى جاكارلىدى، ئىككى يىلدىن كېيىن پرېزىدېنت چوڭ بۇش دۇنيادىكى چوڭ دۆلەتلەر ئۆزئارا ھەمكارلشىدىغان «يېڭى دۇنيا تەرتىپى»نى تەبرىكلىدى.
ئەينى چاغدا ئۇلارنىڭ ھەممىسىنىڭ توغرا ئىدى. ئىككىنچى دۇنيا ئۇرۇشى ئاز دېگەندە 55 مىليون ھاياتلىقنى ئېلىپ كەتتى، ئىنسانىيەت تارىخىدىكى كوللېكتىپ زوراۋانلىقنىڭ ئەڭ يۇقىرى پەللىسىنى ياراتتى. ئەمما 1950-يىلدىن 1989-يىلغىچە (كورىيە ئۇرۇشىدىن ۋېيتنام ئۇرۇشىغىچە يەنە سوغۇق ئۇرۇش ئاخىرلاشقۇچە) ھەر يىللىق زوراۋانلىق توقۇنۇشىدا ئۆلگەن ئوتتۇرىچە ئادەم سانى 180 مىڭ ئىدى. 20-ئەسىرنىڭ 90-يىللىرىدا بۇ سان ھەر يىلى 100 مىڭغا تۆۋەنلىدى. 21-ئەسىرنىڭ بىرىنچى ئون يىلىدا بۇ سانى داۋاملىق تۆۋەنلەپ ھەر يىلى تەخمىنەن 55 مىڭ ئادەم زوراۋانلىق توقۇنۇشدا ئۆلدى، ئىلگىرىكى 100 يىلدىكى ھەرقانداق بىر 10 يىلدىكىدىن ئاز، «ئوتتۇرىچە قوراللىق توقۇنۇش» ھەر يىلى پەقەت 1000 دىن سەل كۆپرەك بولغانغا باراۋەر.
ئازابلىق بولغىنى، مەن يېڭى كىتابىم «توقۇنۇش ئىچىدىكى دۇنيا»دا كۆرسىتىپ ئۆتكىنىمدەك، بۇ يۈزلىنىش ھازىر تۆۋەنلەشتىن ئۆرلەشكە قاراپ يۈزلەنمەكتە. شۇنچە كۆ ئافرىقا ئۇرۇشلىرى (دېموكراتىك كونگودىن سومالى توقۇنۇشىغىچە) نەچچە ئون يىل ئىلگىرىلا باشلانغان ئىدى، شۇڭا چوقۇم باشقا جاي: نىگېرىيەنىڭ شىمالىدىن ئافغانىستان ۋە تېخىمۇ كەڭ دائىرىلىك مۇسۇلمانلار دۇنياسىغىچە بولغان جايدىن جاۋاب ئىزدەش كېرەك.
2011-يىلى سۇرىيە ئىچكى ئۇرۇشى پارتلىغاندىن بۇيان ئۆلگەن ئادەم سانى 250 مىڭدىن ئېشىپ كەتتى، يېرىم سۇرىيەلىك مۇساپىر بولۇپ كەتتى، زور مىقداردىكى مۇساپىرلارنىڭ ئەتراپتىكى دۆلەت ۋە ياۋروپا ئىتتىپاقىغا يوپۇلۇرۇپ كىرىشىنى كەلتۈرۈپ چىقاردى. ئەمەلىيەتتە، پەقەتلا سۇرىيە توقۇنۇشى توقۇنۇش گرافىكىنى ئۆزگەرتىشكە يېتەرلىك، ئەگەر ئىراق، يەمەن ۋە لىۋىيەدە ئۆلگەن ئادەم سانىنى قوشساق، ئۆرلەش يۈزلىنىشى تېخىمۇ يۇقىرى بولىدۇ.
بەش يىل ئىلگىرى ئەرەب باھارى ئۈچۈن تەنتەنە قىلىشقان كىشىلەر ھازىر چوقۇم ئېتىراپ قىلىشى كېرەككى، ئىنقىلابنىڭ شان-شەرىپى ئاللىقاچان سۇسلاشتى. پەقەت تۇنىس خېلى دېموكراتىك، لېكىن لىۋىيە، يەمەن ۋە سۇرىيەلەر سومالىنىڭ قاتارىغا قوشۇلۇپ، مەغلۇپ بولغان دۆلەت بولۇپ قالدى، ئەرەب دۇنياسىدىكى نوپۇسى ئەڭ كۆ دۆلەت مىسىر ھاكىم مۇتلەق تۈزۈمگە قايتىپ، مۇستەبىتلىك دەۋرىگە كىردى.
مەسىلە يۈزلىنىشنىڭ قاچان قايتىدىن ئۆرلەشتىن تۆۋەنلەشكە قاراپ مېڭىش ماڭالماسلىقىغا باغلىق. ناھايىتى زور دەرىجىدە ب د ت قاتارلىق كۆپ تەرەپلىك ئورگانلار مەۋجۇت بولغانلىقتىن، ھەرقايسى دۆلەتلەر باشقا دۆلەتكە ناھايىتى ئاز ئۇرۇش قوزغايدۇ (2008-يىلدىكى رۇسىيە بىلەن گرۇزىيەنىڭ قىسقا ئۇرۇشى بۇنىڭ سىرتىدا، دەل بۇ قانۇنىيەتنى ئىسپاتلاپ بېرىدۇ). ئوخشاشلا، ياۋروپا ئىتتىپاقى مەۋجۇت بولغانلىقى ئۈچۈن، فرانسىيە-گېرمانىيە ئۇرۇشىنىڭ يەنە پارتلاش مۇمكىنچىلىكى يوق دېيەرلىك. 2012-يىلى ياۋروپا ئىتتىپاقى «ئالتە يىلدىن بۇيان ياۋروپانىڭ تىنچلىق مۇرەسسەسى، دېموكراتىيە ھەمدە ئىنسانىي ھوقۇق جەھەتتە تۆھپە قوشقانلىقى ئۈچۈن» نوبېل تىنچلىق مۇكاپاتىغا ئېرىشتى.
ئەكسىچە، ئۇرۇش دۆلەت ۋە غەيرىي دۆلەت ئارىسىدا بولماقتا، مەسىلەن نىگېرىيە ۋە بوكو ھەرەم تەشكىلاتى ئارىسىدا ياكى ھىندىستان ۋە ناكسالىت توپىلاڭچى ئارمىيەسى ئارىسىدا. ياكى ئىچكى ئۇرۇشى-مەسىلەن جەنۇبىي سۇدان ياكى لىۋىيە. ياكى سوغۇق ئۇرۇشقا ئوخشايدىغان ۋاكالەتچىلىك ئۇرۇشى-مەسىلەن ئىراننىڭ سۇرىيەدە لىۋان ئاللاھ پارتىيەسى كۈچلىرىنى ئورۇنلاشتۇرۇپ بەشار ئەسەدنى قوغدىشى، قاتارلىقلار.
مەيلى توقۇنۇشنىڭ ھەرخىل (دائىم ئۆز ئارا قاتلىنىدۇ) سەۋەبى قانداق بولۇشىدىن قەتئىينەزەر، (مەسىلەن ئىدېئولوگىيە، دىن، ئىرق، بايلىق تالىشىش)، ئەمما بىزنىڭ نېمىشقا زوراۋانلىققا مۇراجىئەت قىلىشىمىز مەسىلىسىدە، ئەڭ ئاددىي جاۋاب يەنىلا ئىككى ئەسىر ئىلگىرىكى پرۇسىيە گېنرالى كلاستىۋىسىتزنىڭ:«ئۇرۇش دۈشمىنىمىزنى بىزنىڭ ئارزۇيۇمىزغا ھۆرمەت قىلىشقا مەجبۇرلايدىغان قورال كۈچى قىلمىشى» دېگەن سۆزىنى كۆرسىتىمىز.
ئەمما نوقۇل قورال كۈچىگە تايىنىپ «ئىسلام دۆلىتى»نى بويسۇنۇشقا مەجبۇرلىغىلى، ئىسلام دۇنياسىدىكى غازات ئاشقۇنلۇقىنى يوقاتقىلى بولامدۇ؟ بۇنىڭغا گۇمانىمىزنى بىلدۈرۈشتە ئىككى ئاساس بار. بىرى ھەربىي كۈچى قۇدرەتلىك بولغان سىرتقى كۈچلەر-مەيلى ئامېرىكا ھەمدە ئۇنىڭ ش ئا ئە ت دىكى ئىتتىپاقداشلىرى بولسۇن ياكى پۇتىننىڭ رۇسىيەسى (ئالدىنقى ئەسىرنىڭ 80-يىللىرىدىكى سوۋېت ئىتتىپاقى) «يەر يۈزى قىسىمى ئەۋەتىش»نى خالىمايدۇ.
ئىككىنچى ئاساس بولسا ئىسلام دىنى دۇنيادىكى 1 مىليارد 300 مىليون مۇسۇلمانغا ئاساسىي چاقىرىق كۈچى بار. ئەرەب دۇنيادىكى مىللىي دۆلەتلەر مۇستەملىكىنىڭ مەھسۇلاتى، خەلىپە ئىمپېرىيەسىنىڭ ۋارىسلىرى (ئۈمەييەھ، ئابباس، فاتىمە، ئوسمان قاتارلىقلار) خەلىپە دۆلەتلىرى مەدەنىيەتنى مېسسوپوتامىيەدىن ئاتلانتىك ئوكيانغا تارقاتقان. 2014-يىلى باغدادى يېڭى خەلىپە دۆلىتى قۇرۇلغانلىقىنى جاكارلىغاندا ھەمدە ئۆزى سۇلتان بولغانلىقىنى جاكارلىغاندا، پۈتكۈل مۇسۇلمانلارنىڭ يۈرەك تارىنى چەكتى. بۇنىڭدىن سىرت، باغدادىنىڭ ئەسلىيەتچى «ئىسلام دۆلىتى» تەشكىلاتىنىڭ ۋەھشىيلىكى نۇرغۇن كىشىلەرگە نىسبەتەن ئېيتقاندا سەئۇدى ئەرەبىستاننىڭ قىلمىشى بىلەن ناھايىتى چوڭ پەرق يوق، سەئۇدى ئەرەبىستان نەچچە ئون يىل سەرپ قىلىپ پۈتۈن دۇنيادىكى مەسچىت ۋە ئىسلام دىنى مەكتەپلىرىدە ئۆزىنىڭ ۋاھابىي ئەسلىيەتچىلىكىنى تارقاتتى.
مۇنداقچە ئېيتقاندا، تىنچلىقنى مۇسۇلمانلار دۇنياسىغا قايتۇرۇپ كەلمەكچى بولساق چوقۇم سىگنالنى ئالماشتۇرىشىمىز كېرەك. بۇنىڭغا ناھايىتى ئۇزۇن ۋاقىت كېتىدۇ. سۈننىي مەزھىپىدىكى سەئۇدى ئەرەبىستان ئالدى بىلەن ئۆزىنىڭ خەلىپە ئىمپېرىيەسىنى مۆتىدىللەشتۈرۈپ، شىئە مەزھىپىدىكى مۇسۇلمانلار بولۇپمۇ شىئەلەر كۆپ سانلىقنى ئىگىلەيدىغان ئىراننى قوبۇل قىلىشى كېرەك. بۇنىڭ بىلەن بىرگە، «ئىسلام دۆلىتى» تەشكىلاتىنىڭ ئادەم كۈچى، مالىيە كۈچى، زېمىن ۋە ھەربىي مۇتەخەسسىسلىرى (كۆپ قىسىمى ئىراق ئارمىيەسىنىڭ سابىق ئەمەلدارلىرى) بار.
سەئۇدى ئەرەبىستان ئەڭ ئاخىرىدا ئۆزىنىڭ ئىراننىڭ ياردىمىدە «ئىسلام دۆلىتى» تەشكىلاتىغا زەربە بېرىشكە موھتاجلىقىنى تونۇپ يېتىشى كېرەك. ئەڭ ئاخىرى «ئىسلام دۆلىتى» ئەڭ ئاخىرى تەشكىلاتى ئاممىنىڭ مۇزىكا ئاڭلاش ۋە قىلغۇسى كەلگەن ئىشنى قىلىش ھوقۇقىنى تەلەپ قىلىش سەۋەبلىك ئىچكى قىسىمىدىن يىمىرىلىدۇ. ئازابلىق بولغىنى، بۇنىڭدىكى ئاچقۇچلۇق سۆز «ئەڭ ئاخىرى». سەئۇدى ئەرەبىستاننىڭ تەبىئىتى ئىراننى يارىشىش ئەمەس بەلكى ئۆزى بىلەن تىركىشىدىغان تەھدىت دەپ قارىشىدۇر. بۇ ئەرەبلەر بىلەن پارسلار ئارىسىدىكى نەچچە ئەسىرلىك دۈشمەنلىشىشتىن كەلگەن. «ئىسلام دۆلىتى»گە نىسبەتەن شىمالىي كورىيە ۋەھشىي ھاكىمىيەتنىڭمۇ ئۇزۇنغىچە مەۋجۇت بولۇپ تۇرالايدىغانلىقىنى ئىسپاتلاپ بەردى. بۇنىڭ بىلەن بىرگە، توقۇنۇشتا ئۆلگەن ئادەم سانىنىڭ ئېشىش يۈزلىنىشىنى ساقلىشى پۈتۈن دۇنيادىكى دىپلوماتلار، تىنچلىق پائالىيەتچىلىرى ھەمدە ئىنسانپەرۋەرلىك ۋە مەدەنىيەتكە ھاقارەتتۇر.


تۈر-كارخانا بىرلەشمىسى تور بېتىدىن تەرجىمە قىلىندى.  

سالون ۋە باشقا مۇنبەرلەرگە ئەسكەرتىش: بۇ مېنىڭ باغداش مۇنبىرى ئۈچۈن قىلغان تەرجىمەم، پەقەت ۋە پەقەت باغداشتىلا ئېلان قىلىشنى ۋە باغداشقىلا خاس بولىشىنى خالايمەن.


uyghuray

0

تېما

0

دوست

811

جۇغلانما

دائىملىق ئەزا

ئۆسۈش   62.2%

ئەزا ئۇچۇرى
تىزىم نۇمۇرى:  43647
يازما سانى: 79
نادىر تېمىسى: 0
مۇنبەر پۇلى: 0
تۆھپە : 244
توردىكى ۋاقتى: 53
سائەت
ئاخىرقى: 2016-3-15
يوللىغان ۋاقتى 2016-3-3 12:59:41 |ھەممە قەۋەتنى كۆرۈش
بۇ يازمىنى ئاخىرىدا   Qisas تەھرىرلىگەن. ۋاقتى  2016-3-3 16:00  

ئادەم ئەلەيھىسسالامنىڭ ھابىل ۋە قابىل ئىسىملىك ئىككى ئوغلى دۈشمەنلىشىپ بىرى يەنە بىرىنى ئۆلتۈرگەن.سۈرىيە ۋە ئىراقتىكىلەرنىڭ ھەممىسى  ئۆز مەنپەئەتى ۋە قىممەت قارىشىنىڭ ئۈستۈنلىكى ئۈچۈن ئۇرۇش قىلىدىغان قاتىللاردۇر.


سۈرىيە مەسلىسىدىكى جەنۋە يىغىندىكى قاراردا سۈرىيەنى دىندىن خالىي باشقۇرۇش ئەڭ مۇھىم پىرىنسىپ قىلىپ بېكىتىلگەن.يەنى ئامىرىكا ،غەرىب ۋە روسىيەنىڭ كۈچلۈك تەشەببۇسى ۋە بېسىمى بىلەن قارار ماقۇللانغان.

ئىسلام دۆلىتىمۇ ئۆزىنىڭ مەنپەئەتى ۋە قىممەت قارىشىنى ئۈستۈنلۈككە ئىگە قىلماقچى.مېنىڭچە سۈرىيەدىكى ئورۇش يەنە 10 يىلدىمۇ ئاخىرلاشمايدۇ .ئورۇش قىلىدىغانلار ئۆلسە يەنە ئورنىغا باشقىلار ئورۇش قىلىدۇ.

2

تېما

41

دوست

1 تۈمەن

جۇغلانما

پاكلىق ئەلچىسى

ئۆسۈش   3.91%

ئەزا ئۇچۇرى
تىزىم نۇمۇرى:  33927
يازما سانى: 1194
نادىر تېمىسى: 0
مۇنبەر پۇلى: 9
تۆھپە : 3440
توردىكى ۋاقتى: 1001
سائەت
ئاخىرقى: 2016-3-15
يوللىغان ۋاقتى 2016-3-3 13:11:40 |ھەممە قەۋەتنى كۆرۈش
   ئىككىنجى دۇنيا ئۇرۇشى ئىنسانلارنىڭ ئۇرۇشقا بولغان پوزىتسىيەسى ھەم ھەرقايسى دۆلەتنىڭ ئۇرۇشقا بولغان ئىنىقلىمىسىنى ئۆزگەرتتى .نۇرغۇنلىغان دۆلەتلەر ئۇرۇشتىن ساقلىنىشنى ئالدىن تاللاش قىلغان ئىستىراتىيىگىلىك كونتىرول قىلىش يولىنى تاللىدى .
    ئەنئەنىۋى ئۇرۇش خۇمار دۆلەتلەرنىڭ يىڭى دۇنيا تەرتىپىدىكى ئورنى يەنىلا يۇقىرى بولسىمۇ ،بۇلار ئىجدىما تۇرمۇش قاراشلىرى ۋە ئوزۇقلۇق زەنجىرىدىكى ئورنىنى يەنىلا يۇقىرى بولغاچقا ،بۇلارنىڭ ئۇرۇش ئسىتىكى تۇرغۇنلۇق ئورنىنى ساقلاپ كەلمەكتە .غەرب ۋە غەرب ئىدىيەسى بىلەن قۇراللانغان دۆلەتلەر دىن ۋە سىياسەتنى ئايرىپ ،بۆلۈپ باشقۇرۇش ئۇسۇلى ئارقىلىق ھەرقايسى ئىچكى كۈچلەرنىڭ دۆلەتنىڭ ئۇزاق مەزگىللىك دۆلەت پىلانىغا ئۆزگەرتىش قىلىشنى چەكلەپ كەلدى .
   ئەمدى ئىسلام دۇنياسىدىكى ئۇرۇشلار ۋە ئۇرۇشقا مۇناسىۋەتلىك زۇلۇم ،زىيان ،ئۆلۈم يىتىم يەنىلا دۇنيادىكى ئەڭ چوڭ ئۇرۇش ئوق مەركىزى بولۇپ كەلمەكتە .
بۇنداق بولىشىدىكى سەۋەبلەر ئاساسەن :دۆلەت ئىچىدىكى دىنىي كۈچ ۋە ھاكىمىيەت كۈچى ئارىسىدىكى زىدىيەت رايونلىشىشقا ،مەزھەپلەرگە چىتىلىپ تۈگۈنسىز چىگىشلىق بەرسىگە ئايلىنىپ قالدى .ئىسلام دىنىي كۈچلىرى شۇ دۆلەت ھاكىمىيەت تالىشىش ياكى كونتىرول قىلىش ئىستىكىدىن قالمايدىكەن بىر دۆلەتنىڭ شالتىقى بارلىق ئىسلامىي قىممەت قاراش ئاساسىي جەمىئەت قارىشى بولغان دۆلەت ۋە مېللەتلەرگە تىنىچلىق بولمايدۇ .
    ئىسلامىيەتتىكى قالايمىقانچىلىق ئىرىقۋازلىققا ،مەزھەپۋازلىققا ،قەبىلەۋازلىققا ،قۇللۇق تۈزۈمنىڭ ساقلىنىش تەقدىرىگە مۇناسىۋەتلىك بولغاچقا ھەقىقى تىنىچلىق سۆيىدىغان مۇسۇلمان مۇشۇ 4تۈرلۈك ئىشقا رەھىمسىزلىك قارشى تۇرغاندىلا ئاندىن ئىسلامىيەتنىڭ چىقىش يولى بولىدۇ.

0

تېما

0

دوست

811

جۇغلانما

دائىملىق ئەزا

ئۆسۈش   62.2%

ئەزا ئۇچۇرى
تىزىم نۇمۇرى:  43647
يازما سانى: 79
نادىر تېمىسى: 0
مۇنبەر پۇلى: 0
تۆھپە : 244
توردىكى ۋاقتى: 53
سائەت
ئاخىرقى: 2016-3-15
يوللىغان ۋاقتى 2016-3-3 13:36:19 |ھەممە قەۋەتنى كۆرۈش
ئوسمان تۈرك ئېمپىرىيسى ئۆرۈلگەندىن كىيىن ئەنگىلىيە ۋە فرانسىيە ئەرەب دۆلەتلىرىنى ئىشغال قىلىۋالغان.بىراق غازاتچىلارنىڭ توختاۋسىز ھوجۇملىرى تۈپەيلى ياۋرۇپا لىقلار چېكىنىشنى قارار قىلغان ۋە ئۆزلىرى تەيىنلىگەن يەرلىك ئەمەلدارلارنى ھاكىميەت بېشىدا قالدۇرۇپ چېكىنىپ چىققان.ئەرەب دۆلەتلىرى مۇستەقىل بولغان بولسىمۇ ياۋروپالىقلار تەربىيسىنى ئالغان دىنغا قارشى ياكى دىننى چۈشەنمەيدىغان ياۋروپاپەرەسلەر ھاكىميەت بېشىدا بولغاچقا ئىسلام ئەسلىيەتچىلىرى ئوتتۇرىسىدىكى ھەرخىل سۈركىلىش داۋام قىلماقتا.
uyghuray

0

تېما

1

دوست

1252

جۇغلانما

تىرىشچان ئەزا

ئۆسۈش   25.2%

ئەزا ئۇچۇرى
تىزىم نۇمۇرى:  55140
يازما سانى: 130
نادىر تېمىسى: 0
مۇنبەر پۇلى: 0
تۆھپە : 374
توردىكى ۋاقتى: 45
سائەت
ئاخىرقى: 2016-3-15
يوللىغان ۋاقتى 2016-3-3 13:58:27 |ھەممە قەۋەتنى كۆرۈش
putin يوللىغان ۋاقتى  2016-3-3 13:11
ئىككىنجى دۇنيا ئۇرۇشى ئىنسانلارنىڭ ئۇرۇشقا بولغان پ ...

يەنىچۇ

0

تېما

1

دوست

1252

جۇغلانما

تىرىشچان ئەزا

ئۆسۈش   25.2%

ئەزا ئۇچۇرى
تىزىم نۇمۇرى:  55140
يازما سانى: 130
نادىر تېمىسى: 0
مۇنبەر پۇلى: 0
تۆھپە : 374
توردىكى ۋاقتى: 45
سائەت
ئاخىرقى: 2016-3-15
يوللىغان ۋاقتى 2016-3-3 14:04:09 |ھەممە قەۋەتنى كۆرۈش
ئامىرىكا ئافغانىستان ۋە ئىراققا بىسىپ كىرىشتىن ئىلگىرى ئۇ ئىككى دۆلەت تىنىچ ئىدى .ئامىرىكا بىسىپ كىرگەندىن كىيىن ئەنە شۇ تاجاۋۇزچىلىققا قارشى تۇرۇش يۇلىدا ئەنە شۇنداق قانلار تۆكۈلۈپ تىنىچسىزلىق پەيدا بولدى.يەنە بىر تەرەپتە رۇسىيە كاۋكاز ۋە ئۇتتۇرا ئاسىيادا تۈرلۈك ئاسمىلاتسىيە سىياسىتىنى يۇلغا قۇيدى .ئەنە شۇ خۇرلۇققا قارشى تۇرۇش ئۈچۈن بۇ يەردىكى مۇسۇلمانلارمۇ تىرۇرچى دىگەن قالپاقنى كىيىشكە مەجبۇر بۇلدى.سۇراپ باقاي ئەركىنلىك ئۈچۈن كۈرەش قىلغان ئادەم تىرۇرچى بۇلىدىكەن .باشقىلارنىڭ زىمىنىغا بىسپ كىرىپ زۇراۋانلىق قىلغان ئادەمنى نىمە دەيمىز

0

تېما

0

دوست

811

جۇغلانما

دائىملىق ئەزا

ئۆسۈش   62.2%

ئەزا ئۇچۇرى
تىزىم نۇمۇرى:  43647
يازما سانى: 79
نادىر تېمىسى: 0
مۇنبەر پۇلى: 0
تۆھپە : 244
توردىكى ۋاقتى: 53
سائەت
ئاخىرقى: 2016-3-15
يوللىغان ۋاقتى 2016-3-3 14:10:24 |ھەممە قەۋەتنى كۆرۈش
نەچچە يۈز گىرام ياكى نەچچە يۈز كېلو بومبا پارتىلاتقان تېرورچى بۇلىدۇ.بوۋاق بالىلار،ئۆسمۈرلەر،ئاياللار ۋە قېرىلارنىڭ ئۈستىگە توننىلاپ يامغۇركەبى بومبا ياغدۇرۇپ ھەممىلا يەرنى خانىۋەيران قىلغانلار ئىلغار ئىدىيە تارقاتقۇچىلار،گۈللەندۈرگۈچىلەر بۇلىدۇ.

2

تېما

41

دوست

1 تۈمەن

جۇغلانما

پاكلىق ئەلچىسى

ئۆسۈش   3.91%

ئەزا ئۇچۇرى
تىزىم نۇمۇرى:  33927
يازما سانى: 1194
نادىر تېمىسى: 0
مۇنبەر پۇلى: 9
تۆھپە : 3440
توردىكى ۋاقتى: 1001
سائەت
ئاخىرقى: 2016-3-15
يوللىغان ۋاقتى 2016-3-3 14:25:35 |ھەممە قەۋەتنى كۆرۈش
trumpin يوللىغان ۋاقتى  2016-3-3 14:04
ئامىرىكا ئافغانىستان ۋە ئىراققا بىسىپ كىرىشتىن ئىلگىر ...

    تېرورىزىم بىلەن ئەركىنلىك ئۈچۈن كۆرەش قىلغاننىڭ پەرقى بار .
تېرورىزىم دىگەن ئاددى پۇقرالار ۋە ۋ\دۆلەتلە نىسبەتەن بۇزغۇنچىلىق ،ھايات -ماماتلىق خەۋىپ كەلتۈرسە بۇنى ھازىرچە تېرورىزىم دەپ قارىماقتا .
    يەنە ئەگەر مەلۈم كىشى ياكى تەشكىلات ئادىل بولمىغان مۇئامىلە ياكى زۇلۇمغا قارىشى تۇرۇش ئۈچۈن ،ھاكىمىيەتچى پارتىيە ياكى دۆلەتكە بولغان قارشىلىقىنى ئادەتتە ئەركىنلىك كۆرەشلىرى دەيمىز .بۇنىڭدا ئاساسەن ھۆكۈمەت دىكتاتۇرا كۈچلىرى بىلەن قارشى كۈچلەر ئارىسىدىكى توقۇنۇش .يەنى قارشى كۈچلەر ئادەتتە دىكتاتۇرا كۈچلىرى بولغان ساقچى ،ھەربىي ،ھۆكۈمەت ئورونلىرىغا قارىتا قىلىنغان ھۇجۇملار ئادەتتە ئەھۋالدا تېرورىزىم دەپ ئىنىقلانمايدۇ .
كىرگەندىن كېيىن ئىنكاس يازالايسىز كىرىش | دەرھال تىزىملىتىش

Powered by Discuz! X2.5(NurQut Team)

( 新ICP备06003611号-1 )