- تىزىملاتقان
- 2011-1-21
- ئاخىرقى قېتىم
- 2016-4-7
- ھوقۇقى
- 1
- جۇغلانما
- 74553
- نادىر
- 7
- يازما
- 3332
ئۆسۈش
   0%
|
بۇ يازمىنى ئاخىرىدا tohotur تەھرىرلىگەن. ۋاقتى 2016-3-8 22:45
1.بۇنىدىن بىرەر ئاي ئىلگىرى قومۇلدىكى دۆلەت كارخانىلىرىنىڭ ئانا تىلىمىزنى كەمسىتكەنلىكى ھەقىدە جۇملىدىن ئېلىكتىرۇنلۇق ئىكران ۋىۋىسكىلاردا ئۇيغۇرچە خەت يوق ئىكەنلىكىدىن شىكايەت قىلغان ئىدىم ، ./thread-43878-1-1.html
... شەھرى قومۇلىمىزدا سودا سانائەت بانكىسى ،خەلق بانكىسى ، يېزا ئىگىلىك بانكىسى ، پوچتا بانكىسى قاتارلىق دۆلەت ئىگىلىكىدىكى كارخانلاردا ئومۇمىيۇزلۇك ئىلىكتىرونلۇق ئىكران ۋىۋىسكىدا ئۇيغۇر چە خەت يوق . ئۇنداقتا بۇ قىلمىشقا نەزەر سەپ باقايلى.
دۆلەت كارخانىلىرىنىڭ ئىلىكتىرونلۇق ئىكران ۋىۋىسكىسغا ئۇيغۇرچە خەت ئۇچۇر كىرگۇزمەسلىكى ئاپتۇنۇمىيە تىل يېزىق قانۇنىمىزغا ئۇيغۇن ئەمەس. كۆرۇپ تۇرۇپتىمىزكى بۇ خىل ئىكران ۋىۋىسكىلار كىچە كۇندۇز ئېچىپ قويۇلۇپ ئاشۇ بانكىلارنىڭ پۇل مۇئامىلە مۇھىم ئۇچۇرلىرىنى تارقىتىىدۇ ، بۇنىڭ ئۇيغۇرچىسى يوق بولدى دىگەن گەپ ئۇيغۇرلارنى بۇ مۇھىم ئۇچۇرلارغا ئېرىششىتىن مەھرۇم قېلىپ ھازىرقى ئۇچۇر دەۋرىدە پۇل مۇئامىلە جەھەتتىن ئارقىدا قېلىشقا يىتەكلەپ قالىدۇ ، بۇ ئەمدى مىللەتلەر باراۋەرلىكىگە ئۇيغۇن بولمىغان قىلمىش .
ئەڭ مۇھىمى بۇ خىل قارىماققىلا كۆزگە تاشلىنىدىغان ئىكران ۋىۋىسكىلاردىكى ئۇيغۇرچە يېزىق بولماسلىق جەميەتكە بىر خىل ئادىل باراۋەر بولمىغان ئۇچۇر تارقىتىپ خەلق ئاممىسنىڭ ساغلام تېنىچ ئېىتپاق باراۋەر يۇرت ماكان قۇرۇش تۇيغۇسىنى ئېغىر زەخىملەيدۇ .
2. بۇگۇن شۇنداق قاراپ باقسام شەھرى قومۇلمىزنىڭ ئۆزىمىزنىڭ بانكىسى يەنى قومۇل شەھەر سودا بانكىسىنىڭ ئىكران ۋىۋىسكىسدا ئاخىرى ئۇيغۇرچە ھەرىپ كۆرۇندى . تۇلپار سودا سارىىي يېنىدىكى قومۇل شەھەر سودا بانكىسىدا ،ئۈزۇپ چىقىش سودا ساريىنىڭ بىرنىچى قەۋىتىدىكى قومۇل شەھەر سودا بانكىسىدا،ۋە شەھەرلىك ھۆكۆمەت بىناسىنىڭ ئۇستىدىكى پارتىيە مەكتەپنىڭ ئۇدۇلىغا جايلاشقان قومۇل شەھەر سودا بانكىسدا مانا بۇ ئۇچ بانكىنىڭ پىشانىسىدىكى ئېكران ۋىۋىسكىدا ئۇيغۇرچە ھەرىپ كۆرۇندى . مەن راستىنلا بىر ئىلگىرلەشنى يەنى ئانا تىلىمىزدىكى ھەرىپلەرنى كۆرۇشكە مۇيەسسەر بولدۇم . ئاۋۋىلەن قومۇل شەھەرلىك پارتىكوم ۋە ھۆكۆمەتنىڭ ئاپتۇنۇمىيە قانۇنىنى ئىزچىللاشتۇرغانلىقىغا چىن دىلىمدىن تەشەككۇرۇمنى بىلدۇرۇمەن ، ئەلۋەتتە قومۇل شەھەر سودا بانكىسىدىكى بۇ ئىلگىرلەش ئادەمنى تولىمۇ خوشال قىلىدۇ ، ئەمما ...................
3. ئۇيغۇر يېزىقىمىز نەچچە مىڭ يىلدىن بۇيان قېلىپلىشىپ ھەر قانداق بىر مىللەتنىڭ ھەر قانداق بىر كىتاپىنى تەرجىمە قىلغۇدەك دەرىجىدە ئىلغار ۋە مۇكەممەل بىر تىل يېزىقتۇر .ئۇچ پادىشاھلىق ھەقىدە قىسسە ، قىزىل راۋاقتىكى چۇش ۋە باشقا خىلمۇ خىل مىللەتلەرنىڭ دۇنياۋى شۆھرەتكە ئىگە ئەسەرلىرى بىزنىڭ تىلىمىزدا ئۆزىنىڭ بىر ۋارايانتىنى ھاسىل قىلىشتىن ئاجىز كەلمىدى .
4. ئەپسۇس قومۇل شەھەر سودا بانكىسىىنىڭ پىشانىسىدىكى ئىكران ۋىۋىسكىدا ھەر ھالدا ئۇيغۇرچە ھەرىپ كۆرۇنگەن بولسىمۇ ئەمما بىرنەنچىدىن خەت شەكلى خاتا بولۇپ ئۇقۇش مۇمكىن بولىمىغان ، ئىككىنەنچىدىن ئۇيغۇر تىل يېزىقىنى ئىكرانغا چىقارغاندا تېخنىكىلىق خاتالىق سادىر قىلىنغان . يەنى ئۇيغۇرچە ئوڭدىن باشلىنىدۇ ، خەنسوچە بولسا سولدىن باشلىنىپ ئوقۇلىىدۇ ، ئەمما ئىكران ۋىۋىسكىغا خەت چىقارغاندا خەنسوچە خەت ئادەتتە سولدىن باشلانسىمۇ ئەمما ئىكران ۋىۋىسكىدا چوقۇم ئوڭدىن باشلاپ چىقىپ كىلىىشى كېرەك ، ئۇيغۇرچە خەت بولسا ئادەتتە كىتاپ يۇزىدە ئوڭدىن باشلانسىمۇ بىراق ئىكران ۋىۋىسكىدا ئۇيغۇرچە يېزىق چوقۇم سولدىن باشلاپ چىقىسا ئاندىن توغرا بولغان بولىدۇ ، بۇخۇددى ئەينەككە قارىغاندەك بىر ئىش ئەينەككە قارىساق ئوڭ مۇرىمىز ئەينەكتە سول تەرەپتە ، سول مۇرىمىز ئەينەكتە ئوڭ تەرەپتە ئەكىس ئەتكەندەك بىر ئىش . مەن قومۇل شەھەر سودا بانكىسىنىڭ ئاپتۇنۇمىيە قانۇنلىىرىغا رىئايە قىلىشتا باشقا دۆلەت ئىگىلىكىدىكى كارخانىلارغا ئۈلگە بولغانلىقىنى تولۇق مۇئەييەنلەشتۇرسەممۇ ئەمما ئەلۋەىتتە ئۇيغۇر تىلىنىڭ ئىكران ۋىۋىسكىغا ئۆز قانۇنىيىتى ۋە توغرا خەت شەكلىدە چىقىرىشىنى چىن دىلىمدىن ئۈمۇت قىلىمەن ، بۇ دىگەن تىل يېزىققا قىلىنغان ئەقەللى ھۆرمەت ھىساپلانسا ، قومۇلغا ۋەكىللىك قىلىدىغان بىر چوڭ ئىدارە ئورگاننىڭ پىشانىسىدە چۇشۇنۇكسىز ئۇيغۇرچە ھەرىپ بەلگىلەرنىڭ توختىماي چىقىپ تۇرۇشىى ئەلۋەتتە بىر شەھەرنىڭ ئىناۋەت مەسەلىسى ، چۇنكى قومۇل شەھرى زىيالى نىسبىتىنىڭ كۆپلىكى بىلەن مەشھوردۇر ،موشۇنداق بىر مەدەىنيەتلىك شەھەر قۇرۇش توغۇرسىدا توختىماي ئىزدىنىۋاتقان شەھرىمىزدە ئوڭلاپ ئىكرانغا ئۇيغۇر چە خەتنىڭمۇ نورمال بىر شەكىلدە چىقىپ ئاممىغا توغرا ئۇچۇر يەتكۇزەلمىگەنلىكى ھەقىقەتتە يۇز قىزارغىدەك بىر ئىشتۇر ، شەھرى قومۇلىمىزدا ئىكران ۋىۋىسكىغا توغرا ھالەتتە خەت چىقىرالايدىغان نەچچە مىڭ بىلىم ئادىمىنى قىينالمايلا تاپالايمىز ، ئەمما بۇ شەھەر سودا بانكىمىزدا چۇشۇنۇكىسز ئۇيغۇرچە ھەرىپ تىزمىسى تۇرىۋاتقىلى بىر قانچە كۇنلەر بوپ قالدى ، ۋە ياكى يوقۇرى قاتلام ئەمەلدارلار راستىنلا ئۇيغۇر تىلىنىڭ قانۇنيەتلىرىنى ئۇنتۇپ كەتتىمۇ ، بۇ خاتا بوپ قاپتۇ دىگۇدەك بىرەر ئەمەلدارنىڭ چىقماسلىقى ئادەمنىڭ ئىچىنى تېخىمۇ پۇشۇرىدۇ ئەلۋەتتە .
5.ئاخىرىدا قومۇل شەھەر سودا بانكىسىنىڭ ئىكران ۋىۋىسكىغا تىز سۇرئەتتە ئۇيغۇرچە ھەرىپ چىقىرىشقا ئاۋاز قوشقانلىقىغا رەھمەت ھەشقاللا ئېيتىش بىلەن بىرگە دەرھال بۇ تېخنىكىلىق خاتالىقنى تۇزۇتۇپ ياخشى چىرايلىق توغرا ئۇيغۇرچە خەت شەكلىنى ئىكران ۋىۋىسكىغا چىقىرىشىنى ، ۋە يەنە ئۇيغۇرچە خەتنىڭ ئوڭدىن خەنسوچە خەتنىڭ سولدىن باشلىنىدىغانلىقىدەك گىرامماتىكىلىق ئالاھىدىلىككە ئاساسەن ، ئەينەككە قاراش شەكلىدە ئەلۋەتتە ئىكران يۇزىدە ئۇيغۇرچە خەتنى سولدىن ، خەنسوچە خەتنى ئوڭدىن باشلاپ چىقىرىشنى ۋە شۇ ئارقىلىق شەھرى قومۇلىمىزدا ئۇچۇرنىڭ يەتكۇزۇلۇشىدىكى ئادىللىقنى توللۇق ئىشقا ئاشۇرۇپ تېنىچ ئىتپاق ئۇچۇر بايلىقىدىن ئاپتۇنۇمىيە قانۇنى بويىچە ئادىل پايدىلىنالايدىغان دىمىكراتىك مەدىنيەتلىك قومۇل قىلىپ قۇرۇپ چىقىشىنى چىن دىلىمدىن ئۇمۇت قىلىمەن .
6.قومۇل شەھەر بانكىسىدىكى ئىكران ۋىۋىسكىغا ئۇيغۇرچە خەت چىقىرىش قانداقتۇ بىر شەكىل بولوپ قالماسلىقى بەلكى ئەڭ توغرا ئەڭ تىز ئەڭ ياخشى سودا ئۇچۇرلىرى ئەلۋەتتە يەرلىك ئاپتۇنومىيە بويىچە باراەۋەر تارقىلىشى ، باشقىلار كۆرۇپ چۇشۇنىشى ئەڭ مۇھىم ، ھازىر قاراپ باقسام ئىشقىلىپ بىر ئۇيغۇرچە ھەرىپلەر تىزمىسى باكەن ئەمما نىمە يېزىلغانلىقنى چۇشەنگىلى بولمىدى ، دىمەك ئۇسۇلدىكى خاتالىق ئاخىرى مەقسەتنىڭ ئىشقا ئېىشىشىغا يول قويمىدى .بىز بۇ ئۇسۇلدىكى خاتالىقنىڭ تىزدىن تېخنىكىلىق ھەل قىلىنىشىنى ئۇمۇت قىلىمىز .
|
|
يوللىغان ۋاقتى 2016-3-8 22:30:18
