- تىزىملاتقان
- 2013-11-28
- ئاخىرقى قېتىم
- 2016-4-22
- ھوقۇقى
- 1
- جۇغلانما
- 574
- نادىر
- 1
- يازما
- 6
ئۆسۈش
14.8%
|
مېنىڭ قىزىم
قۇمتۇر
قىزىم تېخى تۈنۈگۈنلا لىچىنكىدەك يۇمران ئىدى، ئەمدىلىكتە كىپىنىەكتەك قانات چىقىىرپ يېنىمىزدىن ئۇچۇپ كەتتى.قىزىمنىڭ قەلبىدىكى ئارمانلىرى ئۇنى ئىستىقبالىغا تۇتاشقان بىر مەنزىلگە قارار تاپقۇزغان ئىدى. ئۇ پورەكلىگەن قىزىلگۈلدەك چىرايلىق، كۆل سۈيىدەك مۇلايىم، يۇمران مايسىلاردەك ئەۋرىشىم چوڭ بولدى. ئۇ بۇلاق سۇلىرىدەك قايناپ تاشمايتى، ناھايتى كەم سۆز، جىمغۇر ئىدى، ئەمما كۆزلىرىدىن كىيىكتەك شاش، چىچەنلىكىنى كۆرىۋالغىلى بولاتتى. راس، ئۇ كىچىكىدىنلا ناھايتى چېچەن ئىدى. ئۇ تېخى يېشىغا توشماي تۇرۇپلا بوۋاقلىقى بىلەن خوشلۇپ، بالىلار قاتارىغا قېتىلغاندا ياراتقان ئىگىمىزدىن قىزىمىزنىڭ بەختىنى ۋە ئۆمىرىنى تىلىگەنىدۇق. كېيىن چۈچۈك تىللىرى بىلەن ئىستەكلىرىنى ئىپادىلەشكە باشلىغاندا پۈتۈن ۋۇجۇدۇمىز قاردەك ئىرىدى. ئائىلىمىزدىكى بەخىتنىڭ جىلۋىلىرىدىن مەمنۇنىيەت ھېس قىلدۇق.
قىزىم شەھەرنىڭ سۆرەن- شاۋقۇنلۇق، قىستاڭ ھاياتىدا قىستىلىپ يۈرۈپ چوڭ بولدى. تەپەككۈرى چەكلەنگەن، ئىززەت-ئېكراملىرى سۇلغان مائارىپتا بالىلىقى ئۆتتى. ئۇ ھاياتىمىزدىكى بارلىق ئۆزگۈرۈشلەرگە شاھىد بولدى. سەرسان بولغان مۇساپىلىرىمىزگە جۆر بولدى، يىقىلغان يېرىمىزدىن دەس تۇرغانھالىتىمىزنى ئۆز كۆزى بىلەن كۆردى. قىزىم بىزنىڭ ھېكايىمىزدا يېزىلىپ چىقتى. ئۇ چىدام، غەيرەت ۋە شىجائەتنى كىتاپتىن ئەمەس ھاياتتىن ئۆگەندى. ئۇنىڭ ۋۇجۇدى كىچىكتۇۇرپلا تەجرىبىلەرگە غەزىنە بولدى. مەن قىزىمدىن پەخىرلەنگەن ھەربىر مىنۇتلاردا ئۆزۈمنىڭ ياشاۋاتقانلىقىمنى ھەققىي ھېسقىلىمەن.
ئۇنىڭ پۇرۇقى دىمىقىمىزدىن، كۈلگۈن چىرايى كۆزۈمىزدىن كەتمەيدۇ. بىز ھەر كۈنى غىزاغا داخىل بولغان شۇ مىنۇتلاردا يېنىمىزدا بوش قالغان ئورۇنغا قاراپ ئىچىمىزگە پاتمايقېلىۋاتقان سېغىنىشىمىزدا تۇنجىقىمىز. بۇرۇن ئۇنىڭ خانىسىگە قۇيۇپ قويغان كىيىم-كېچەكلىرى، كىتاپ- دەپتەرلىرىنى يىغىشتۇرۇپ ۋاقتىمىزنى مالال قىلاتۇق، ئەمدىلىكتە ئۇنىڭ قېلىپ قالغان ئاشۇ نەرسىلىرىنى خانىسىگە خۇددى ئۇنىڭدەك تاشلاپ قۇيۇپ سېغىنىشىمىزنى باسىمىز.
قىزىم قەلبىىزنى چۈشۈنىدىغان، دەردىمىزگە ۋە شادلىقىمىزغا ئورتاقلىشالايدىغان ۋاپادار،مېھرىبان چوڭ بولدى. بىز ئۇنىڭ ئىنىسىگە بولغان كۈيۈمچانلىقىدىن چەكسىز تەسىرلىنىمىز. ئۇ ئۆزۈنى ئىنىسى بىلەن بىر تەن، بىر جاندەك ھېس قىلىدۇ. ئۇ ئىنىسگە بالىلىقتىكى ۋە ياشلىققا قەدەم قويغان چاغلىرىدىكى ھېس-تۇيغۇلىرىنى بايان قىلىپ، سىردىشالايدۇ.
ئەمدىلىكتە قىزىم بىزدىن ئايرىلىپ، مۇستەقىل ھايات يولىغا قەدەم قويدى، ئاللا ئىگەم قىزىمنىڭ بەختىنى بەرسۇن، باسقان ھەربىر قەدىمى سائادەتلىك بولسۇن. دۇئاغا كۆتەرگەن قوللىرىم سېغىنىش ۋە چەكسىز مەمنۇنىيەتكە تولغان بىر ئاتىنىڭ كۆز ياشلىرى بىلەن نەملەندى. قىزىم مۇستەقىل باسقان ھەربىر قەدىمىڭىزگە مۇبارەك بولسۇن، چۈنكى بىز مۇستەقىللىقتىن تولۇمۇ يىراق ياشىغان ئىنسانلارمىز.
2016-03-14-كۈنى
|
|