لى كېچياڭ ئۆتكۈر سوئاللارغا ماھىرلىق بىلەن جاۋاب بەردى

baykuq

لى كېچياڭ ئۆتكۈر سوئاللارغا ماھىرلىق بىلەن جاۋاب بەردى

FX168 خەۋىرى، بايكۈچ تەرجىمىسى

16-مارت (چارشەنبە) جۇڭگو گوۋۇيۈەن زۇڭلىسى لى كېچياڭ "ئىككى يىغىن" نىڭ يېپىلىش مۇراسىمىدىن كېيىنكى ئاخبارات ئېلان قىلىش يىغىنىدا جۇڭگو چەتئەل مۇخبىرلىرىنىڭ سوئاللىرىغا جاۋاب بەردى، بەزى ئۆتكۈر مەسىلىلەرگە ئائىت سوئاللارمۇ سورالدى.

بۇ قېتىملىق زۇڭلىنىڭ مۇخبىرلارنى كۈتۈۋېلىش يىغىنىدا لى كېچياڭ جۇڭگو ئىقتىسادىي ۋەزىيىتىگە قارىتا ئۈمىدۋار كۆز قاراشتا بولدى، شۇنداقلا ئىقتىسادىي ئېشىش دۇچ كېلىۋاتقان خىرىس ۋە قىيىنچىلىقلارغىمۇ بىۋاستە يۈزلەندى. زۇڭلى "خەلقنى خاتىرجەم قىلىش باياناتى" ئېلان قىلىپ، ياشانغاندا كۈتۈنەلەيدىغان بولۇشنىڭ ھەرگىزمۇ قۇرۇق گەپ ئەمەسلىكىنى، "ئىشلەپچىقىرىش" تا ئىشتىن قالدۇرۇش ئېقىمى كۆرۈلۈشتىن ساقلىنىش كېرەكلىكىنى بىلدۈردى.

جۇڭگو چەتئەل مۇخبىرلىرىنىڭ ئۆتكۈر سوئاللىرىغا زۇڭلىنىڭ ماھىرلىق بىلەن بەرگەن جاۋابلىرىنى تۆۋەندىكىدەك يىغىنچاقلاشقا بولىدۇ:  

جۇڭگو ئىقتىسادىدا ئۈمىد قىيىنچىلىقتىن چوڭ، يېڭىچە ماكرولۇق تەڭشەش كونترول قىلىش ۋاستىسى بار

جۇڭگو ئىقتىسادىدا قىيىنچىلىق ۋە ئۈمىد ئورتاق مەۋجۇت، دەڭسەپ كۆرسەك، ئۈمىد قىيىنچىلىقتىن چوڭ. جۇڭگو سانائەتلىشىش، شەھەرلىشىشنىڭ ئىلگىرىلەش باسقۇچىدا تۇرۇۋاتىدۇ، ئىشلەپچىقىرىش ساھەسىنىڭ تەرەققىيات بوشلۇقى بار، يېڭى شەكىلدىكى شەھەرلىشىش بولسا ئەڭ چوڭ ئىچكى ئېھتىياج، بولۇپمۇ ئوتتۇرا غەربى رايونلاردا نۇرغۇن ئۈنۈملۈك مەبلەغ ئېھتىياجى بار.

جۇڭگو بىراقلا تېز سۈرئەتتە تەرەققىي قىلىش يولىنى ئەمەس بەلكى جاپالىق، ئۇزۇن مۇددەتلىك سىجىل تەرەققىيات يولىنى تاللىۋالدى، ئۇ بولسىمۇ قۇرۇلمىلىق ئىسلاھاتنى ئىلگىرى سۈرۈش. جۇڭگو ئىقتىسادى تەرەققىي قىلىش باسقۇچىدا تۇرىۋاتىدۇ، كىچىك ككلەمدىكى قىسقا مۇددەتلىك داۋالغۇشلار بولۇپ تۇرىدۇ، ئەمما ئەگەر ئىقتىسانىڭ يۈرۈشۈشى مۇۋاپىق دائىرىدىن تۆۋەنلەپ كەتكەندە يېڭىچە ماكرولۇق تەڭشەش كونترول قىلىش ۋاستىسى ئارقىلىق جۇڭگو ئىقتىسادىنىڭ يۈرۈشۈشىنى تۇراقلاشتۇرغىلى بولىدۇ.

ئۆسۈم كېمەيتىش "مىقدارلاشتۇرۇپ قويۇۋېتىش" ئەمەس، پۇل مۇئامىلىنىڭ باش ۋەزىپىسى ئەمەلىي ئىقتىسادنى قوللاش

جۇڭگونىڭ ئۆسۈم كېمەيتىشى ۋە نىشانلىق ئۆسۈم كېمەيتىشى قاتارلىقلارنىڭ ھەممىسى "مىقدارلاشتۇرۇپ قويۇۋېتىش" ئەمەس، پۇل مۇئامىلىنىڭ باش ۋەزىپىسى ئەمەلىي ئىقتىسادنىڭ تەرەققىياتىنى قوللاش. پۇل مۇئامىلە ئورگانلىرىنىڭ ئەھۋالى ياخشى بولمىسىمۇ، جۇڭگونىڭ پۇل مۇئامىلە خەتىرىگە تاقابىل تۇرۇش ئىقتىدارى ۋە بازارلاشقان ۋاستىلار ئارقىلىق كارخانا قەرز نىسبىتىنى تۆۋەنلىتىش ئىقتىدارى بار. يەنىلا كۆپ قاتلاملىق كاپىتال بازىرىنى تەرەققىي قىلدۇرۇشتا چىڭ تۇرىدۇ، شۇنداقلا بازارلاشقان <قەرزنى پايغا ئايلاندۇرۇش> شەكلى ئارقىلىق كارخانىلارنىڭ مەبلەغ ھەسسىلىكى نىسبىتىنى تەدرىجىي تۆۋەنلىتىدۇ. پۇل مۇئامىلە نازارەت قىلىپ باشقۇرۇش تۈزۈمىنى مۇكەممەللەشتۈرۈش ۋە ئىسلاھ قىلىش بىر جەريان، نۆۋەتتە ھەرقايسى تارماقلار ۋە جايلار يەنىلا بىكىتىلگەن فۇنكىسىيىسى بويىچە ۋەزىپە ئىجرا قىلىدۇ.

ياشانغاندا كۈتۈنەلەيدىغان بولۇش ھەرگىزمۇ قۇرۇق گەپ ئەمەس

ھەقىقەتەن ئايرىم جايلاردا ياشانغاندا كۈتۈنۈش سۇغۇرتىسى تارقىتىشتا قىيىنچىلىق كۆرۈلدى، ئەمما بۇ قىسمەن ئەھۋال، ۋاقىتلىق قىيىنچىلىق، پەقەت يەرلىك ھۆكۈمەت مەسئۇلىيىتىنى ياخشى ئادا قىلسىلا مەركىزى ھۆكۈمەتمۇ يەرلىك ھۆكۈمەتنىڭ ياشانغاندا كۈتۈنۈش سۇغۇرتىسىنى تولۇق تارقىتىشىغا ياردەمدە بولىدۇ. جۇڭگو ھۆكۈمىتى جۇڭگو پۇقرالىرىغا ياشانغاندا كۈتۈنۈش سۇغۇرتىسىنى تولۇق تارقىتىشقا كاپالەتلىك قىلىش جەھەتتە، ئۇزۇن مەزگىلدىن قارىغاندا مەسىلە يوق، ياشانغاندا كۈتۈنەلەيدىغان بولۇش ھەرگىزمۇ قۇرۇق گەپ بولۇپ قالمايدۇ.

ئىجتىمائىي پاراۋانلىق فوندى يېتەرلىك، دۆلەت بەلگىلىگەن بىرلىككە كەلگەن رامكا ئىچىدە يەرلىككە تېخىمۇ كۆپ ئاپتونومىيە ھوقۇقى بېرىلىپ، يەرلىكنىڭ ئەمەلىي ئەھۋالىغا ئاساسەن باسقۇچلۇق، مۇۋاپىق ھالدا "بەش خىل سۇغۇرتا بىر فوند" نىڭ تاپشۇرۇش سومما نىسبىتىنى مۇۋاپىق تۆۋەنلىتىشىگە يول قويۇلىدۇ. ئومۇملاشتۇرغاندا كارخانىنىڭ بىر قىسىم يۈكى يەڭگىللىتىلىدۇ، ئىشچى خىزمەتچىلەر كۆپرەك ئىش ھەققىگە ئېرىشتۈرۈلىدۇ.

ئىشلەپچىقىرىش ئىقتىدارىنى ئاشۇرۇشتا كۆپ ساندىكى ئىشچى خىزمەتچىلەرنى ئىشتىن بوشىتىۋەتسە بولمايدۇ

جۇڭگو پولات تۆمۈر، كۆمۈر سانائىتى ئىشلەپچىقىرىدۇ، چوڭ كۆلەمدە ئىشتىن قالدۇرۇش ئېقىمى كۆرۈلۈشتىن ساقلىنىپ، ئىشلەپچىقىرىش ئىقتىدارىنى يۇقىرى كۆتىرىشتە كۆپ ساندىكى ئىشچى خىزمەتچىلەرنى ئىشتىن بوشىتىۋەتمەستىن، ئۇلارنىڭ خىزمەت ئىقتىدارىنى ئاشۇرۇش كېرەك.

بىر قىسىم ۋاقتىنچە ھەل قىلغىلى بولمايدىغان مەسىلىلەرنى مەركەز مالىيىسى ۋە يەرلىك مالىيىسى بىرلىكتە ھەل قىلالايدۇ. مەركەز كەسپ ئالماشتۇرۇش مەخسۇس تۈر مەبلىغى ئۈچۈن 100 مىليارد يۈەن مەبلەغ ئاجراتتى، ئېھتىياج تۇغۇلغاندا يەنە كۆپەيتىشكە بولىدۇ.

جۇڭگونىڭ دانلىق زىرائەت مەھسۇلات باھاسى خەلقئارا بازارنىڭىدىن روشەن دەرىجىدە يۇقىرى، ئاساسلىقى ئەمگەك ئۈنۈمدارلىقىنىڭ نىسبەتەن تۆۋەنلىكىدىن بولغان، كېيىنكى قەدەمدە يېڭى شەكىلدىكى شەھەرلىشىش ۋە يېزا ئىگىلىكىنى زامانىۋىلاشتۇرۇشنىڭ ماس قەدەمدە تەرەققىي قىلىشىنى ئىلگىرى سۈرۈپ، تېخىمۇ كۆپ دېھقانلارنى شەھەرگە كىرگۈزۈپ، شارائىتى يار بەرگەنلىرىنى شەھەردە قالدۇرساق دېھقانلارنىڭ كىرىمى تېخىمۇ ئاشىدۇ. جۇڭگو ھۆكۈمىتىنىڭ يېزا ئىگىلىكىنى قوللاش دەرىجىسى ئۆزگەرمەيدۇ، جۇڭگو باشتىن ئاخىر "يېزا ئىگىلىكى ، يېزا ، دېھقانلار"  مەسىلىسىگە يۇقىرى دەرىجىدە ئەھمىيەت بېرىدۇ، شۇنداقلا ئىشچىلارنىڭ قانۇنلۇق ھوقۇق مەنپەئەتىنى قانداق كاپالەتلەندۈرۈش مەسىلىسىگىمۇ يۇقىرى دەرىجىدە ئەھمىيەت بېرىدۇ.

"قوش يارىتىش" ئىقتىسادىي تۆۋەنلەش بېسىمىغا تاقابىل تۇرۇشقا پايدىلىق

"يېڭى ئىقتىساد" نى تەرەققىي قىلدۇرۇش يېڭى ھەرىكەتلەندۈرگۈچ كۈچ يېتىلدۈرۈپ جۇڭگو ئىقتىسادىنىڭ شەكىل ئۆزگەرتىشىنى ئىلگىرى سۈرىدۇ، "يېڭى ئىقتىساد" نى تەرەققىي قىلدۇرغاندا كىچىك كارخانىلارنى چوڭايتقىلى، چوڭ كارخانىلارنى تېخىمۇ چوڭايتقىلى بولىدۇ، مىليونلىغان كىشى قاتناشقان "پۇقرالار ئىگىلىك يارىتىش، ھەممە يېڭىلىق يارىتىش" تىن ئىبارەت "قوش يارىتىش" ئىقتىسادىي تۆۋەنلەش بېسىمىغا تاقابىل تۇرۇپ، ئىقتىسادنىڭ شەكىل ئۆزگەرتىشىنى ئەمەلگە ئاشۇرۇشقا پايدىلىق.

ھۆكۈمەتنىڭ ئاشكارا بولۇش سالمىقىنى زورايتىش

مەمۇرىيەتنىڭ ئاشكارا بولۇشىنى ئىلگىرى سۈرۈش ئۈچۈن يەنە بىرقانچە جەھەتلەردە تىرىشچانلىق كۆرسىتىش كېرەك. بولۇپمۇ جامائەت مەنپەئىتىگە چېتىلىدىغان تەدبىر ، مالىيە خام چوت كىرىم - چىقىم ئەھۋالى قاتارلىقلاردا ئاشكارا بولۇش سالمىقىنى زورايتىش كېرەك، خەلق ئاممىسى بىر قاراپلا ئېنىق كۆرەلەيدىغان بولۇشى كېرەك . ھۆكۈمەتنىڭ ھوقۇق تىزىملىكى، ھوقۇق يۈرگۈزۈلۈش ئەھۋالى قاتارلىقلارنى تورغا چىقىرىش كېرەك، شۇنداق قىلغاندا ئەركىن بوشلۇقنى كونترول قىلىپ كىچىكلەتكىلى بولىدۇ.

بۇ يىل  شېنجېن - شياڭگاڭ قاتنىشىنىڭ ئېچىلىشىنى قولغا كەلتۈرۈش

مەركىزىي ھۆكۈمەتنىڭ شياڭگاڭغا قارىتىلغان سىياسەت ئۆزگەرگىنى يوق ھەم ئۆزگەرمەيدۇ، شۇنىڭغا ئىشىنىمىزكى ، ئالاھىدە مەمۇرىي رايون ھۆكۈمىتى مەسىلىلەرنى بىر تەرەپ قىلىش ئىقتىدارىغا ئىگە . شياڭگاڭنىڭ ئۇزاق مۇددەتلىك ئاۋاتلىقى ۋە مۇقىملىقىغا پايدىلىق بولسىلا، ئالاھىدە رايون ھۆكۈمىتى ئوتتۇرىغا قويغان ئىشنى مەركىزى ھۆكۈمەت پۈتۈن كۈچى بىلەن قوللايدۇ . ھازىر  ئىچكى ئۆلكىلەر بىلەن شياڭگاڭ دائىرىلىرى بۇ ھەقتە يېقىندىن كېڭىشىپ ، بۇ يىل شېنجېن–شياڭگاڭ قاتنىشىنى رانلاشتۇرۇشنى قولغا كەلتۈرىدۇ.

تەيۋەنگە قارىتىلغان مۇناسىۋەت جەھەتتە ، پەقەت ئاساسىي پىرىنسىپقا ئەمەل قىلسىلا  جۇڭگوغا تەۋە دەپ قارىلىدۇ، ئىككى قىرغاق ھەممە مەسىلىنى ياخشى ھەل قىلالايدۇ. جۇڭگو تەيۋەنلىك سودىگەرلەرگە قارىتا ئېتىبار سىياسەت ۋەدىسى ئۆزگەرمەيدۇ ، ئىككى قىرغاق تىنچ تەرەققىياتىنى ساقلاشنى ئالدىنقى شەرت قىلغان ئاساستا يەنە داۋاملىق ئىككى قىرغاقنىڭ ئىقتىساد - سودا ھەمكارلىقىنى ئىلگىرى سۈرىدىغان تەدبىرلەر ئوتتۇرىغا قويۇلىدۇ.

ئامېرىكىنىڭ جۇڭگوغا قارىتا مەبلەغ سېلىش ئۆلچىمىنى تەدرىجىي قويۇۋېتىش

بۇلتۇر جۇڭگو ئامېرىكىنىڭ ئەڭ چوڭ سودا ھەمراھى بولدى، جۇڭگو - ئامېرىكىنىڭ ئورتاق مەنپەئەتى ئىختىلاپلاردىن خېلىلا كۆپ، جۇڭگو - ئامېرىكا مۇناسىۋىتىنىڭ تەرەققىياتىنىڭ ئومۇمىي ۋەزىيىتى ئۆزگەرمەيدۇ . جۇڭگو ئامېرىكىنىڭ جۇڭگوغا مەبلەغ سېلىش ئىجازەت شەرتىنى قويۇۋىتىدۇ ياكى تەدرىجىي قويۇۋىتىدۇ، لېكىن ئىككى تەرەپ ئېچىۋېتىش جەھەتتە باراۋەر بولۇشى كېرەك.

جۇڭگو بىلەن رۇسىيە ئىككى تەرەپ مۇناسىۋىتى ياخشىلىنىۋاتىدۇ، خەلقئارا ۋەزىيەتنىڭ ئۆزگىرىشى سەۋەبىدىن تەسىرگە ئۇچرىمايدۇ . جۇڭگو رۇسىيە مۇناسىۋىتى يەنىمۇ داۋاملىق ئالغا قاراپ تەرەققىي قىلىدۇ ، شۇنىڭ بىلەن بىر ۋاقىتتا  ئۈچىنچى تەرەپنىڭ بېسىمىغا ئۇچرىمايدۇ، ئۈچىنچى تەرەپكە بېسىم قىلمايدۇ. جۇڭگو - روسىيە كېلەر نېفىت - گاز بىر گەۋدىلەشتۈرۈش جەھەتلەردىكى ھەمكارلىقنى قانات يايدۇرۇپ ، ئىككى تەرەپنىڭ سودا يوللىرىنى كېڭەيتىدۇ ، سودىدا كۆپ مەنبەلىشىشنى ئىشقا ئاشۇرىدۇ.

ھازىر جۇڭگو - ياپونىيە مۇناسىۋىتىنىڭ ۋەزىيىتى ياخشىلانغان بولسىمۇ ، لېكىن تېخى مۇستەھكەم ئەمەس ، يەنىلا بىر قەدەر ئاجىز . يەنە ئىككى تەرەپ تارىخىي مەسىلىلەردە پىرىنسىپال ئورتاق قاراشلارنى ئاساس قىلىپ ، سۆز ھەرىكەتتە بىردەك بولۇش كېرەك . جۇڭگو ، ياپونىيە ، كورىيە ئەقىل پاراسىتى ئارقىلىق ئەقلىي ئىقتىدارلىق ياسىمىچىلىق كەسپىنى ئىلگىرى سۈرۈپ، پەن-تېخنىكا ھەمكارلىقىنى تەرەققى قىلدۇرۇپ ، كىشىلەر ئېھتىياجلىق  يۇقىرى سۈپەتلىك مەھسۇلاتلارنى يارىتىشى كېرەك.

جۇڭگو باشتىن - ئاخىر بىر مۇقىم بولغان مۇھىت ۋە دوستانە خوشنىدارچىلىق مۇناسىۋىتىنى تەشەببۇس قىلىپ، ماجىرا، ئىختىلاپنى دىپلوماتىيە ۋاستىسى ئارقىلىق ھەل قىلىشتا چىڭ تۇرۇپ كەلدى، جۇڭگو دۆلەتنىڭ ئىگىلىك ھوقۇقى ۋە زېمىن پۈتۈنلۈكىنى قوغداشتا قىلچە بىپەرۋالىق قىلمايدۇ.

مەنبە: بايكۈچ تورى(www.baykuq.com)

sawda571

تەرجىمە قىلىپ يوللۇغۇچىغا رەھمەت .
بۇ تىمىدا ھېچنىمە يوقكەنغۇ ؟ مۇخبىرلار قانداق ئۆتكۈر سۇئالنى ؟ قايسى سۇئالنى سورىدى ؟ لىكېچاڭ نىمە دەپ ، قانداق جاۋاپ بەردى ؟ مۇشۇنى بىلسەك بۇلاتتى .

azat007

sawda571 يوللىغان ۋاقتى  2016-3-17 18:07
تەرجىمە قىلىپ يوللۇغۇچىغا رەھمەت .
بۇ يىمىدا ھېچنىمە ي ...

گەپنىڭ پوس كاللىسىنى دەۋەتىپ سىز

Weliyop

بۇ قىتىمقى يىغىن راستىنلا خەلىقنىڭ غىمىنى يەپ ئەلگە نەپ يەتكۈزدىغان ياخشى سىياسەتلەر ئوتۇرغا قۇيۇلغان يىغىن بولدى.

ablimitt

sawda571 يوللىغان ۋاقتى  2016-3-17 18:07
تەرجىمە قىلىپ يوللۇغۇچىغا رەھمەت .
بۇ يىمىدا ھېچنىمە ي ...

ئىقتىساد تۇغرىلىق سۇئاللارنى كۆزدە تۇتقان ئۇخشايدۇ...

duttarqi

زۇڭلى لى كېچياڭ جۇڭگو ۋە چەت ئەل مۇخبىرلىرىنىڭ سوئالىغا جاۋاب بەردى


شىنخۇا ئاگېنتلىقى، بېيجىڭ، 16 – مارت تېلېگراممىسى. 12 – نۆۋەتلىك مەملىكەتلىك خەلق قۇرۇلتىيىنىڭ 4 – يىغىنى 16 – مارت چۈشتىن بۇرۇن خەلق سارىيىدا مۇخبىرلارنى كۈتۈۋېلىش يىغىنى ئۆتكۈزدى، گوۋۇيۈەن زۇڭلىسى لى كېچياڭ يىغىن باياناتچىسى فۇ يىڭنىڭ تەكلىپىگە بىنائەن جۇڭگو ۋە چەت ئەل مۇخبىرلىرى بىلەن كۆرۈشتى ھەم ئۇلارنىڭ سوئاللىرىغا جاۋاب بەردى.
   ئاچقۇچلۇق سۆز: پۇل مۇئامىلە بازىرى
    پۇل مۇئامىلە بازىرىغا نىسبەتەن بازارلاشتۇرۇش، قانۇن ئىدارە قىلىش ئىسلاھاتىنى ئىلگىرى سۈرۈش كېرەك
   رېيتېر ئاگېنتلىقى مۇخبىرى: يېقىندىن بۇيان جۇڭگونىڭ پاي چېكى بازىرى ۋە پېرېۋوت بازىرىنىڭ داۋالغۇشى خەلقئارادىكى مەبلەغ سالغۇچىلارنىڭ يۈكسەك دىققىتىنى قوزغىدى. زۇڭلى، سىزنىڭچە جۇڭگونىڭ پۇل مۇئامىلە بازىرى ھازىر ئاساسلىقى قانداق مەسىلە ۋە قانداق خىرىسلارغا دۇچ كېلىۋاتىدۇ؟ جۇڭگو ھۆكۈمىتىنىڭ پۇل مۇئامىلە بازىرىنىڭ كەلگۈسى تەرەققىياتى ۋە نازارەت قىلىپ باشقۇرۇشنى كۈچەيتىشتە قانداق پىلانلىرى بار؟ پاي چېكى بازىرى، پېرېۋوت بازىرى ۋە ئاكسىيە بازىرىدا نۇقتىلىق قانداق ئىسلاھات تەدبىرلىرى قوللىنىدۇ؟ يېقىنقى مەزگىلدىكى بازارنىڭ داۋالغۇشى ئىسلاھات مۇساپىسىگە تەسىر كۆرسىتەمدۇ – يوق؟ شېنجېن ئاكسىيە بىرژىسى ۋە شياڭگاڭ بىرلەشمە بىرژىسىنىڭ پاي بازىرى ئالاقە مېخانىزمى بۇ يىل ئىچىدە ئورنىتىلامدۇ؟
   لى كېچياڭ: سىزنى بىرىنچى سوئالنى سوراشقا تەكلىپ قىلساقلا، سىز پاي چېكى بازىرى، پېرېۋوت بازىرى قاتارلىق پۇل مۇئامىلە بازىرى مەسىلىسىنى بىرىنچى مەسىلە قىلىپ تىلغا ئالدىڭىز، بىراق بۇنىمۇ چۈشىنىشكە بولىدۇ. چۈنكى نۇرغۇن پۇل مۇئامىلە مەسىلىلىرىنىڭ ئىپادىسى دائىم ئىقتىسادىي مەسىلىلەردىن بۇرۇن يۈز بېرىدۇ. لېكىن پۇل مۇئامىلىنىڭ مۇھىم ۋەزىپىسى يەنىلا ئەمەلىي ئىقتىسادنىڭ تەرەققىياتىنى قوللاش بولىدۇ، ئەمەلىي ئىقتىسادنىڭ تەرەققىي قىلماسلىقى پۇل مۇئامىلىنىڭ ئەڭ زور خەتىرى ھېسابلىنىدۇ. بۇلتۇر بىز ئۆسۈم نىسبىتىنى تۆۋەنلىتىش، ئامانەت پۇل تەييارلىق فوندى نىسبىتىنى تۆۋەنلىتىش، ئامانەت پۇل تەييارلىق فوندى نىسبىتىنى نىشانلىق تۆۋەنلىتىش قاتارلىق تەدبىرلەرنى قوللاندۇق، بۇ مىقدارلاشتۇرۇش – بوشاشتۇرۇش ئەمەس، بىز پۇل بىلەن تەمىنلەش مىقدارىنىڭ بوش – چىڭلىق دەرىجىسىنى ئىگىلەشكە باشتىن – ئاخىر ئەھمىيەت بېرىشىمىزدە ئاساسلىقى يەنىلا ئەمەلىي ئىقتىسادنىڭ مەبلەغ يۈرۈشتۈرۈش تەننەرخىنى تۆۋەنلىتىشنى مەقسەت قىلدۇق. شۇڭا، پۇل مۇئامىلە ئاپپاراتلىرى يەنىلا ئەمەلىي ئىقتىسادنى، بولۇپمۇ كىچىك، مىكرو كارخانىلارنىڭ ساغلام تەرەققىياتىنى قوللاش ئۈچۈن كۈچ چىقىرىشى، ھەرگىزمۇ ئەمەلىيەتتىن چەتنەپ، مەۋھۇملۇققا يۈزلەنمەسلىكى كېرەك.
   ئەلۋەتتە پۇل مۇئامىلىنىڭمۇ ئۆزىگە خاس قانۇنىيىتى بار بولۇپ، خەتەرنىڭ ئالدىنى ئېلىش كېرەك. مەن پۇل مۇئامىلە ئاپپاراتىنىڭ ئۆزىگە تېخىمۇ ئەھمىيەت بېرىمەن، بۇلتۇر بەزى كەسىپلەردە ئىشلەپچىقىرىش ئىقتىدارى ئوشۇقچىلىقى كۆرۈلدى، كارخانىلارنىڭ تىجارىتى قىيىنلىشىپ كەتتى، پۇل مۇئامىلە ئاپپاراتلىرىنىڭ ناچار قەرز نىسبىتى ئېشىپ كەتتى. لېكىن بىزنىڭ خەتەرگە تاقابىل تۇرۇش ئىقتىدارىمىز بار، چۈنكى سودا بانكىسىنىڭ كاپىتالىنىڭ يېتەرلىك بولۇش نىسبىتى %13 تىن ئېشىپ، خەلقئارا ئۆلچەمدىن يۇقىرى بولدى، تەييارلىق فوندنىڭ قاپلاش نىسبىتى %180 تىن ئېشىپ، بىز بېكىتكەن %150 لىك ئۆلچەمدىن ئېشىپ كەتتى، ئۇنىڭ ئۈستىگە بىز يەنە بازارلاشتۇرۇش ۋاسىتىسىدىن پايدىلىنىپ كارخانىلارنىڭ قەرز نىسبىتىنى ئازايتساق بولىدۇ. كارخانىلارنىڭ قەرز نىسبىتىنىڭ يۇقىرى بولۇشى كونا مەسىلە بولۇپ قالدى، چۈنكى جۇڭگو ۋاسىتىلىك مەبلەغ يۈرۈشتۈرۈشنى ئاساس قىلىدۇ، لېكىن ئاھالىلىرىمىزنىڭ پۇل ئامانەت نىسبىتىمۇ بىر قەدەر يۇقىرى. مۇشۇنداق بولغان تەقدىردىمۇ، بازار قانداق داۋالغۇشىدىن قەتئىينەزەر، بىز يەنىلا كۆپ قاتلاملىق كاپىتال بازىرىنى قەتئىي تەرەققىي قىلدۇرىمىز، ئۇنىڭ ئۈستىگە قەرزىنى بازارلاشتۇرۇش ئارقىلىق پايغا ئايلاندۇرۇش ئۇسۇلى بىلەنمۇ كارخانىلارنىڭ پىشاڭ نىسبىتىنى تەدرىجىي تۆۋەنلىتىشكە بولىدۇ.
   بۇلتۇر كۆپ خىل ئامىللار سەۋەبىدىن، جۇڭگونىڭ پاي چېكى بازىرىدا ئادەتتىن تاشقىرى داۋالغۇش بولدى. ئالاقىدار تەرەپلەر ئۇنىۋېرسال خاراكتېردىكى بازارنى مۇقىملاشتۇرۇش تەدبىرلىرىنى قوللاندى، ئەمەلىيەتتە بۇ سىستېما خاراكتېرىدىكى پۇل مۇئامىلە كىرىزىسىنىڭ يۈز بېرىشىنىڭ ئالدىنى ئېلىش بولۇپ، بىز بۇنى قىلالىدۇق. كېيىنكى قەدەمدە قانداق قىلىش كېرەك؟ يېڭىدىن ۋەزىپىگە تەيىنلەنگەن جۇڭگو ئاكسىيەنى نازارەت قىلىپ باشقۇرۇش كومىتېتىنىڭ رەئىسى كونكرېت مەسىلىلەرنى بايان قىلدى، ۋاقىت مۇناسىۋىتى بىلەن بۇ توغرىسىدا توختالمايمەن. پاي چېكى بازىرى، زايوم بازىرى، پېرېۋوت بازىرىدىن ئىبارەت بۇ پۇل مۇئامىلە بازىرى ماھىيەتتە ھەممىسى بازار بولۇپ، يەنىلا بازارلاشتۇرۇش، قانۇن ئىدارە قىلىش ئىسلاھاتىنى ئىلگىرى سۈرۈش كېرەك. ئەلۋەتتە، ھۆكۈمەتنىڭ نازارەت قىلىپ باشقۇرۇش مەسئۇلىيىتى بار، ھازىرقى ئەھۋالدىن قارىغاندا، ۋەزىيەتنىڭ ئۆزگىرىشىگە ئەگىشىپ، پۇل مۇئامىلىنى نازارەت قىلىپ باشقۇرۇش سىستېمىمىزنى ئىسلاھ قىلىشقا ۋە مۇكەممەللەشتۈرۈشىمىزگە توغرا كېلىدۇ. ئومۇميۈزلۈك قاپلاشنى ئىشقا ئاشۇرۇش كېرەك، چۈنكى ھازىر پۇل مۇئامىلىدە يېڭىلىق يارىتىلغان مەھسۇلاتلار ناھايىتى كۆپ، نازارەت قىلىپ باشقۇرۇشنى بوش قالدۇرۇشقا بولمايدۇ، ماسلاشتۇرۇشنى كۈچەيتىش كېرەك، چۈنكى پۇل مۇئامىلە بازىرىدىكى مەھسۇلاتلار ئارىسىدىكى باغلىنىش نىسبىتى بىرقەدەر يۇقىرى، ماسلاشتۇرۇشتا نوپۇزى بولۇش كېرەك. يەنە ھوقۇق بىلەن مەسئۇلىيەتنىڭ بىردەكلىكىنى ساقلاش كېرەك. مەركەزدىكى ئالاقىدار تارماقلار ۋە يەرلىك قاتلاملار بويىچە مەسئۇل بولۇشى، مەسىلە بايقالغان ھامان ۋاقتىدا بىر تەرەپ قىلىپ، بىخ ھالىتىدىكى مەسىلىلەرنىڭ يامراپ كېتىشىنىڭ ئالدىنى ئېلىشى، شۇنداقلا ئەخلاق خەتىرىگە جىددىي قاراش كېرەك. يىغىنچاقلاپ ئېيتقاندا، يەنىلا كۆزىمىزنى يوغان ئېچىپ، نازارەت قىلىپ باشقۇرۇشنى كۈچەيتىشتە كۆزىمىز ئۆتكۈر بولۇشى كېرەك.
   بۇ پۇرسەتتىن پايدىلىنىپ يەنە بىر نۇقتىنى تەكىتلەيمەن، پۇل مۇئامىلىنى نازارەت قىلىپ باشقۇرۇش تۈزۈمىنى ئىسلاھ قىلىش ۋە مۇكەممەللەشتۈرۈشكە بىر جەريان كېتىدۇ. ھازىر ئالاقىدار تارماقلار ۋە يەرلىك يەنىلا بېكىتىلگەن خىزمەت فۇنكسىيەسىگە ئاساسەن مەسئۇلىيىتىنى ئادا قىلىشى، ئۆز ئىشىغا مەسئۇل بولۇشى كېرەك، مەسئۇلىيىتىنى بوشاشتۇرۇپ قويۇشقا قەتئىي بولمايدۇ، ئۇنىڭ ئۈستىگە يەنە تەجرىبە ۋە ساۋاقلارنى يەكۈنلىشى كېرەك، بۇمۇ پۇل مۇئامىلە ئىستېمالچىلىرى ۋە مەبلەغ سالغۇچىلارنىڭ قانۇنلۇق ھوقۇق – مەنپەئىتىنى ياخشى قوغدىغانلىق. ئەگەر ئۇنداق قىلمايدىكەن جاۋابكارلىقى سۈرۈشتۈرۈلىدۇ.
   شېنجېن ئاكسىيە بىرژىسى ۋە شياڭگاڭ بىرلەشمە بىرژىسىنىڭ پاي بازىرى ئالاقە مېخانىزمىغا كەلسەك، بىز شاڭخەي – شياڭگاڭ ئالاقە مېخانىزمىنى ئورنىتىپ، بىرقەدەر مول تەجرىبىلەرنى توپلىدۇق، ئۇنىڭ ئۈستىگە ئەمەلىيەت شۇنى ئىسپاتلىدىكى، بۇنىڭ ئىككى جايغىلا پايدىلىق تەرەپلىرى بار. ھازىر ئىچكىرى قۇرۇقلۇق بىلەن شياڭگاڭ قويۇق ئالاقىلىشىپ، بۇ يىل شېنجېن ئاكسىيە بىرژىسى ۋە شياڭگاڭ بىرلەشمە بىرژىسىنىڭ پاي بازىرى ئالاقە مېخانىزمىنى ئورنىتىشنى قولغا كەلتۈرۈشكە تىرىشىۋاتىدۇ.
   ئاچقۇچلۇق سۆز: ئىقتىسادنىڭ ئىستىقبالى
   ئىسلاھات – ئېچىۋېتىشتە چىڭ تۇرۇش كېرەك، جۇڭگونىڭ ئىقتىسادىدا ‹‹ئىقتىسادنى قوپاللىق بىلەن ئىزغا چۈشۈرۈش›› ئەھۋالى كۆرۈلمەيدۇ
   شىنخۇا ئاگېنتلىقى مۇخبىرى: يېڭى يىل كىرگەندىن بۇيان دۇنيا ئىقتىسادىنىڭ پۇل مۇئامىلە ۋەزىيىتى مۇقىم بولمىدى، جۇڭگومۇ خېلى زور تۆۋەنلەش بېسىمىغا دۇچ كەلدى، بەزىلەر جۇڭگو ئىقتىسادىنىڭ داۋاملىق چېكىنىپ، ھەتتا %6.5 لىك سىزىقتىنمۇ تۆۋەنلەپ كېتىدۇ. بۇ جۇڭگونىڭ ئومۇميۈزلۈك تەرەققىي قىلىش ۋە ھاللىق جەمئىيەت قۇرۇپ چىقىشىغا تەسىر يەتكۈزۈپلا قالماستىن، يەنە دۇنيا ئىقتىسادىغا يۈك بولۇپ قالىدۇ، دەپ ئەندىشە قىلىۋاتىدۇ، سىز بۇنىڭغا قانداق قارايسىز؟
   لى كېچياڭ: سىز بەكمۇ چوڭ سوئال سورىدىڭىز. بىراق يەنە شۇنداق دېيىشكە بولىدۇكى، جۇڭگو ئىقتىسادىدا بېكىتىلگەن ئاساسلىق ئىقتىسادىي نىشاننى ئورۇندىيالمايدىغان ئىش بولمايدۇ، ئۇنداق بولۇشىمۇ مۇمكىن ئەمەس.
   دەرۋەقە، ھازىر دۇنيا ئىقتىسادىنىڭ ئەسلىگە كېلىشى ئاجىز، جۇڭگو ئىقتىسادى يەنە دۇنيا ئىقتىسادى بىلەن چوڭقۇر بىرلىشىپ كەتكەن بولۇپ، تەسىرگە ۋە زەربىگە ئۇچرايدۇ. جۇڭگو ئىقتىسادىدىمۇ تىپ ئۆزگەرتىلىۋاتقاچقا، ئۇزاقتىن بۇيان يىغىلغان بەزى زىددىيەتلەر گەۋدىلىك بولۇۋاتىدۇ. شۇڭا تۆۋەنلەش بېسىمى ھەقىقەتەن زورىيىۋاتىدۇ. بۇنىڭ كۆرۈنەرلىك ئالاھىدىلىك شۇكى، رايون ۋە كەسىپلەرنىڭ ۋەزىيىتىدە بۆلۈنۈش بولدى. ئېسىمدە قېلىشىچە، يېقىندا چەت ئەل تاراتقۇسىنىڭ خەۋىرىدە جۇڭگونىڭ مەلۇم ئېغىر خىمىيە سانائىتى كارخانىسى ئىقتىسادىي ۋەزىيەتنى ياخشى ئەمەستەك ھېس قىلغانلىقى سۆزلىنىپتۇ، لېكىن پەن – تېخنىكا شەھەرچىسىگە بېرىپ باقىدىغان بولساق، ئۇ جاينىڭ ئىنتايىن جانلانغانلىقىنى كۆرۈپ، ئىقتىسادنىڭ يەنىلا ئىككى خانىلىق سان بويىچە ئاشىدىغانلىقىنى ھېس قىلغىلى بولىدۇ، بۇ بىزنىڭ تۆۋەنگە چۈشۈپ تەكشۈرۈپ تەتقىق قىلغان چاغدىكى بەزى تەسىراتلىرىمىز بىلەن ئوخشاش بولۇپ، جۇڭگو ئىقتىسادىدا قىيىنچىلىق ۋە ئۈمىدنىڭ تەڭ مەۋجۇت ئىكەنلىكىنى چۈشەندۈرۈپ بېرىدۇ، ئاساسىي ۋە ئومۇمىي يۆنىلىشتىن قارىغاندا ئۈمىد قىيىنچىلىقتىن زور.
   جۇڭگو ئىقتىسادىنىڭ ئۇزاققىچە ياخشى بولۇشىغا ئىشەنچىمىز كامىل، ئىشەنچىمىزنىڭ كامىل بولۇشى ھەرگىزمۇ ئاساسسىز ئەمەس، چۈنكى بىز ئىسلاھات – ئېچىۋېتىشتە چىڭ تۇرىدىغانلا بولساق، جۇڭگو ئىقتىسادىدا ‹‹ئىقتىسادنى قوپاللىق بىلەن ئىزغا چۈشۈرۈش›› ئەھۋالىنىڭ كۆرۈلمەيدىغانلىقىغا قەتئىي ئىشىنىمىز. جۇڭگو بازىرى يەنە غايەت زور يوشۇرۇن كۈچكە ئىگە، شۇنداق دېيىشكە بولىدۇكى، خەلقنىڭ ئىجادىيەت كۈچى چەكسىزدۇر، لېكىن بىزنىڭ ھۆكۈمەت تارماقلىرىمىز يەنە باشقۇرۇشقا تېگىشلىك بولمىغان، ئىشلەپچىقىرىش كۈچلىرىنىڭ تەرەققىياتىنى چۈشەپ قويىدىغان ئىشلارنى قىلىۋاتىدۇ. شۇنداقلا ئادىل رىقابەت مۇھىتىغا كاپالەتلىك قىلىدىغان نازارەت قىلىپ باشقۇرۇش تولۇق ئەمەلىيلەشكىنى يوق. شۇڭا ئىسلاھاتنى ئىلگىرى سۈرۈش ئارقىلىق بازارنىڭ تېخىمۇ زور ھاياتىي كۈچىنى، ئاممىنىڭ تېخىمۇ زور ئىجادچانلىقىنى ئۇرغۇتۇپ، مىليونلىغان ئاممىنىڭ تىرىشچانلىقى ۋە ئەقىل – پاراسىتىنى تېخىمۇ ياخشى جارى قىلدۇرىدىغانلا بولساق، جۇڭگو ئىقتىسادىنىڭ تۆۋەنلەش بېسىمىغا تاقابىل تۇرالايمىز. ھازىر بىز ئىلگىرى سۈرۈۋاتقان مەمۇرىيەتنى ئىخچاملاش، باجنى كېمەيتىشتەك تەمىنلەشتىكى قۇرۇلمىلىق ئىسلاھات تەدبىرلىرىنىڭ ھەممىسى بازارنىڭ ھاياتىي كۈچىنى تېخىمۇ جانلاندۇرىدۇ.
   شۇنىڭ بىلەن بىللە، جۇڭگونىڭ يېڭىچە ئىشلەپچىقىرىش ئىقتىدارى شەكىللىنىۋاتىدۇ، ئۇنىڭ ئۈستىگە مۆلچەرىمىزدىن ئېشىپ كەتتى. بۇ بىر قانچە يىلدا جۇڭگو ئىقتىسادىنىڭ ئېشىش سۈرئىتى ئاستىلىغان بولسىمۇ، لېكىن يەنىلا تولۇقراق بولغان ئىشقا ئورۇنلاشتۇرۇشنى ئىشقا ئاشۇردۇق، بۇلتۇر شەھەر – بازارلاردا 13 مىليوندىن ئارتۇق كىشى يېڭىدىن ئىشقا ئورۇنلاشتى. بۇ يىل 1 –، 2 – ئايدا مۇلازىمەت كەسپىنى يەنە %8.1 كۆپەيتتۇق، بۇنىڭ ئىچىدە تەتقىقات – ئېچىش قاتارلىق يۇقىرى تېخنىكىلىق ساھەلەر بار بولۇپ، بۇمۇ ئەنئەنىۋى ئىشلەپچىقىرىش ئىقتىدارىنى ئۆزگەرتىشكە تۈرتكە بولدى. ئەنئەنىۋى ئىشلەپچىقىرىش ئىقتىدارىمىز يەنە زور يوشۇرۇن كۈچكە ئىگە، چۈنكى ھازىر سانائەتلەشتۈرۈش، شەھەر – بازارلاشتۇرۇشنى ئىلگىرى سۈرۈش باسقۇچىدا تۇرۇۋاتىمىز، كەسىپلەرنىڭ دەرىجىسىنى ئۆستۈرۈش بوشلۇقى بار. يېڭىچە شەھەر – بازارلاشتۇرۇش بىزدىكى ئەڭ چوڭ ئىچكى ئېھتىياج، بولۇپمۇ ئوتتۇرا – غەربىي رايونلاردا مەبلەغ سېلىشتىكى ئۈنۈملۈك ئېھتىياجى ناھايىتى كۈچلۈك. يېڭى ئىشلەپچىقىرىش ئىقتىدارىنى يېتىشتۈرۈشنى ئەنئەنىۋى ئىشلەپچىقىرىشنى ئىقتىدارىنى ئۆزگەرتىش ۋە ئۇنىڭ دەرىجىسىنى ئۆستۈرۈش بىلەن بىرلەشتۈرۈپ، جۇڭگو ئىقتىسادىدىكى ‹‹قوش موتور››نى شەكىللەندۈرسەكلا، قىيىن ئۆتكەلنى بۆسۈپ ئۆتۈپ، ئۈمىد بىلەن ئىلگىرىلىيەلەيمىز.
   ئەلۋەتتە، دۇنيا ئىقتىسادىنىڭ يۈزلىنىش ۋەزىيىتى تېخى مۇقىم ئەمەس، ئېنىقسىز ئامىللارمۇ كۆپىيىۋاتقان بولسىمۇ، بىزنىڭ سىياسەت جەھەتتىكى تەييىارلىقىمىز بار. بۇلتۇر دۇنيا ئىقتىسادىنىڭ ئېشىش سۈرئىتى ئالتە يىلدىن بۇيان ئەڭ تۆۋەن بولغان بولسىمۇ، بىز يەنىلا %7 ئەتراپىدا ئاشۇرۇش نىشانىنى ئەمەلگە ئاشۇردۇق، بۇنىڭدا ‹‹باستۇرۇپ سۇغىرىش›› شەكلىدىكى كۈچلۈك تۈرتكە بولۇش ئۇسۇلىنى قوللانماستىن، قۇرۇلمىلىق ئىسلاھاتنى يولغا قويۇشتەك تەس، لېكىن ئىمكانىيەتلىك سىجىل تەرەققىيات يولىنى تاللىدۇق. جۇڭگونىڭ ئىقتىساد تەرەققىياتىدا كىچىك كۆلەملىك، قىسقا مەزگىللىك داۋالغۇش بولىدۇ، ئەگەر ئىقتىسادىي ھەرىكەت مۇۋاپىق ئارىلىقتا ئايلانسا ماكرولۇق تەڭشەشتە يېڭىلىق يارىتىش ۋاسىتىسىگە ئىگە بولىمىز، جۇڭگو ئىقتىسادىنىڭ ئايلىنىشىنى مۇقىملاشتۇرغىلى بولىدۇ.
   بىز باشتىن كەچۈرگەن بېسىملارنىڭ سىنىقىنى قىممەتلىك تەجرىبە دېيىشكە بولىدۇ. شۇنىڭغا ئىشىنىمەنكى، يولداش شى جىنپىڭ باش شۇجىلىقىدىكى پارتىيە مەركىزىي كومىتېتىنىڭ كۈچلۈك رەھبەرلىكىدە، يېڭى تەرەققىيات ئىدىيەسىنى ئىزچىللاشتۇرۇپ، پۈتۈن مەملىكەتتىكى خەلق بىر ياقىدىن باش، بىر يەڭدىن قول چىقارساقلا، 13 – بەش يىللىق يىرىك پىلاننىڭ تۇنجى يىلىدا ئىشنى تامامەن ياخشى باشلىيالايمىز، بۇ دۇنياغا ئىللىقلىق ئېلىپ كېلىدۇ.
   ئاچقۇچلۇق سۆز: جۇڭگو – ئامېرىكا مۇناسىۋىتى
   جۇڭگو بىلەن ئامېرىكىنىڭ ئورتاق مەنپەئەتى ئۈزلۈكسىز كۆپىيىۋاتىدۇ، بۇلار ئىختىلاپتىن كۆپتۇر
   ئامېرىكا مەملىكەتلىك رادىيو شىركىتىنىڭ مۇخبىرى: زۇڭلى ئەپەندىم، سىز بەرگەن ھۆكۈمەت خىزمىتىدىن دوكلاتتا جۇڭگو ئىقتىسادىنى مۇقىم ئاشۇرۇشقا ئائىت بىر قاتار تەدبىرلەر ئوتتۇرىغا قويۇلۇپتۇ، بۇلار دۇنيا ئىقتىسادىنىڭ تەرەققىياتىغىمۇ پايدىلىق. لېكىن شۇنىڭ بىلەن تەڭ يەنە بىر ئېنىقسىز ئامىلمۇ مەۋجۇت، يەنى جۇڭگو – ئامېرىكىدىن ئىبارەت دۇنيادىكى ئەڭ چوڭ بۇ ئىككى ئىقتىسادىي گەۋدە ئارىسىدا، بەزى مەسىلىلەردە باشتىن – ئاخىر قىسمەن ئىختىلاپلار ساقلىنىۋاتىدۇ. سىزنىڭچە جۇڭگو – ئامېرىكا مۇناسىۋىتىنى ياخشىلاشتا قانداق تەدبىرنى قوللىنىش كېرەك؟ جۇڭگو بازار ئىجازىتى، مەبلەغ سېلىش چەكلىمىسى، ئامېرىكا كارخانىلىرىغا ئادىل مۇئامىلە قىلىش، ئامېرىكىنىڭ دۆلەت ئىچىدىكى ئىشقا ئورۇنلىشىشتىكى ئىش ئورنىنى ئىگىلىۋالماسلىققا قولايلىق بولىدىغان ئادىل سودىنى قانات يايدۇرۇش، شۇنداقلا ئامېرىكا زۇڭتۇڭ سايلىمىدىكى بىر قىسىم نامزاتلار ئوتتۇرىغا قويغان يېقىندىن دىققەت قىلىۋاتقان ئالاقىدار مەسىلىلەرنى ئۆز ئىچىگە ئالغان بىر قاتار مەسىلىلەرگە قانداق ئىنكاس قايتۇرىدۇ؟
   لى كېچياڭ: جۇڭگو بىلەن ئامېرىكا ئارىسىدا كەڭ ئورتاق مەنپەئەت بار، ئەلۋەتتە، ئىختىلاپمۇ مەۋجۇت، بەزىلىرى ھەتتا بىر قەدەر كەسكىن، بۇ يەردە گەپ يوشۇرۇشنىڭ ھاجىتى يوق. بىر مەزگىل نۇرغۇن كىشى جۇڭگو – ئامېرىكا ئوتتۇرىسىدىكى ئىختىلاپنى بەس – بەس بىلەن مۇنازىرە قىلىشتى، لېكىن كۆپىنچە چاغلاردا جۇڭگو – ئامېرىكا ئوتتۇرىسىدا بۇلتۇر يۈز بەرگەن بىر مۇھىم ئىشقا، يەنى جۇڭگونىڭ ئامېرىكىنىڭ ئەڭ چوڭ سودا شېرىكىگە ئايلىنىپ، سودا سوممىسىنىڭ 560 مىليارد ئامېرىكا دوللىرىغا يېقىنلاشقانلىقىغا دىققەت قىلمىدى. بۇ جۇڭگو – ئامېرىكا ئورتاق مەنپەئىتىنىڭ ئۈزلۈكسىز كېڭىيىۋاتقانلىقى، ئۇنىڭ ئۈستىگە بۇنىڭ ئىختىلاپنىمۇ بېسىپ چۈشىدىغانلىقىدىن دېرەك بېرىدۇ.
   جۇڭگو – ئامېرىكا مۇناسىۋىتىنى قانداق قىلغاندا ساغلام تەرەققىي قىلدۇرغىلى بولىدۇ؟، مېنىڭچە يەنىلا بىر – بىرىگە باراۋەر مۇئامىلە قىلىش، ئۆز ئارا مەنپەئەت يەتكۈزۈپ تەڭ پايدا ئېلىش پىرىنسىپىغا ئەمەل قىلىش كېرەك. جۇڭگو – ئامېرىكا ئىككى تەرەپ جۇڭگو – ئامېرىكا مەبلەغ سېلىش كېلىشىمى سۆھبىتىنى پائال ئىلگىرى سۈرىدىغانلىقىنى بىلدۈردى، ئىككى تەرەپنىڭ ئېچىۋېتىشى باب باراۋەر بولۇشى كېرەك. ئامېرىكىنىڭ بىز بىلەن بىللە ‹‹جۇڭگو – ئامېرىكا مەبلەغ سېلىش كېلىشىمى›› سۆھبىتى ئۆتكۈزۈش داۋامىدا باراۋەر بولۇش، تەڭ پايدا ئېلىش پىرىنسىپى بويىچە ئىلگىرى سۈرۈشىنى ئۈمىد قىلىمىز. ئارىمىزدىكى ئورتاق مەنپەئەتنىڭ ئۈزلۈكسىز كېڭىيىدىغانلىقىغا ئىشىنىمەن. ئىختىلاپقا كەلسەك، ئارىمىزدا نەچچە يۈز سۆزلىشىش، ئالاقىشىش مېخانىزمى بار، سەمىمىيەتنى چىقىش قىلساقلا، ئىختىلاپنى تىزگىنلىيەلەيمىز، جۇڭگو – ئامېرىكا ئورتاق مەنپەئىتىنىڭ ئۈزلۈكسىز كېڭىيىدىغانلىقىغا ئىشىنىمەن. جۇڭگو – ئامېرىكا ھەمكارلىقى ئۈزلۈكسىز كېڭىيىش داۋامىدا، ئىختىلاپمۇ كۆپىيىدۇ، لېكىن ئىگىلەيدىغان نىسبىتى تۆۋەنلەيدۇ. جۇڭگو بىلەن ئامېرىكىنىڭ ھەمكارلىقنى چوڭقۇرلاشتۇرۇشى جۇڭگو ۋە ئامېرىكىغا پايدىلىق بولۇپلا قالماي، دۇنياغىمۇ پايدىلىق.
   جۇڭگو بىلەن ئامېرىكىنىڭ ئىقتىساد، سودا مۇناسىۋىتىنىڭ تەرەققىياتى قوش پايدا ئېلىش، بۇ نۇقتا ئامېرىكىلىق سودىگەرلەرنىڭ كۆڭلىگە ئايان. ھازىر ئامېرىكىدا سايلام ئۆتكۈزۈلۈۋاتىدۇ، بەك قىزىۋاتىدۇ، نۇرغۇن كىشى بۇنىڭغا قىزىقىۋاتىدۇ، لېكىن ئامەت قۇشى كىمگە قونسا، ئاخىرىدا شۇ زۇڭتۇڭ بولىدۇ، جۇڭگو – ئامېرىكا مۇناسىۋىتىنىڭ ئالغا قاراپ تەرەققىي قىلىدىغان ۋەزىيىتىدە ئۆزگىرىش بولمايدىغانلىقىغا ئىشىنىمەن. جۇڭگو بىلەن ئامېرىكىنىڭ دىپلوماتىك مۇناسىۋەت ئورناتقانلىقىغا نەچچە ئون يىل بولدى، نۇرغۇن بوران – چاپقۇنلارنى باشتىن كەچۈردى، لېكىن جۇڭگو – ئامېرىكا مۇناسىۋىتىنىڭ ئالغا قاراپ تەرەققىي قىلىشى مۇقەررەر يۈزلىنىشتۇر.
   ئاچقۇچلۇق سۆز: كۈتۈنۈش پۇلى
   ياشاندا كۈتۈنەلەيدىغان بولۇش قۇرۇپ گەپ ئەمەس
   جۇڭگو ئاخبارات ئاگېنتلىقى مۇخبىرى: مەن جۇڭگو ئاخبارات ئاگېنتلىقى ۋە جۇڭگو ئاخبارات تورىنىڭ مۇخبىرى. ئىگىلىشىمچە، ھازىر قىسمەن جايلارنىڭ كۈتۈنۈش پۇلىنى تارقىتىشىدا قىيىنچىلىق كۆرۈلۈپتۇ، قىسمەن ناھىيە، شەھەرلەر قەرز ئېلىپ كۈتۈنۈش پۇلىنى تارقىتىپتۇ. زۇڭلى سىزچە مەركىزىي ھۆكۈمەتنىڭ كۆرۈپ تۇرۇپ كارى بولمامدۇ ياكى ئۇلارغا ياردەم قىلامدۇ؟
   لى كېچياڭ: سىز سورىغان بۇ سوئال ناھايىتى ئۆتكۈر بولۇپ، قىسمەن جايلاردا ھەقىقەتەن كۈتۈنۈش پۇلىنى تارقىتىش قىيىن بولۇش مەسىلىسى كۆرۈلدى، بىراق بۇ شۇ جاينىڭ قىيىنچىلىقى، ۋاقىتلىق قىيىنچىلىق. ئېلىمىز ھازىر كۈتۈنۈش پۇلىنى ئۆلكە دەرىجىلىك ھۆكۈمەت بىر تۇتاش پىلانلاشنى يولغا قويدى، ئۆلكە دەرىجىلىك ھۆكۈمەت مەسئۇل بولدى، شۇنداقلا كۆپ تەرەپتىن مەبلەغ توپلاش ئارقىلىق كۈتۈنۈش پۇلىنى تارقىتىشقا كاپالەتلىك قىلدى. ھەقىقەتەن گەۋدىلىك قىيىنچىلىقى بولسا، يەرلىك ھۆكۈمەت كۈچ چىقارغان بولسا، مەركىزىي ھۆكۈمەت ياردەم بېرىدۇ. يېقىنقى ئۈچ يىلدا مەركەز مالىيەسىدىن تىرىليون يۈەن مەبلەغ ئاجرىتىلدى، بىراق يەرلىك ھۆكۈمەت مەسئۇلىيىتى ۋە مەجبۇرىيىتىنى جەزمەن ئادا قىلىشى شەرت، يەنە كېلىپ مەركىزىي ھۆكۈمەت يەرلىكنىڭ كۈتۈنۈش پۇلىنى ۋاقتىدا، تولۇق تارقىتىشىغا ھەيدەكچىلىك قىلىدۇ.
   كۆپچىلىك ھامان بىر كۈنى پېنسىيەگە چىقىپ كۈتۈنۈش پۇلىغا موھتاج بولىدۇ، ئەلنى خاتىرجەم قىلىش ئۈچۈن شۇنى ئېلان قىلىمەنكى، ئومۇمىيەت ۋە كەلگۈسىنى كۆزدە تۇتقاندا، جۇڭگو ھۆكۈمىتىنىڭ پۇقرالارنىڭ كۈتۈنۈش پۇلىنى تارقىتىشقا كاپالەتلىك قىلىشىدا گەپ يوق. بۇلتۇرقى كۈتۈنۈش سۇغۇرتىسى كىرىم – چىقىمىدىن يەنە 340 مىليارد يۈەندىن ئارتۇق بار، ئومۇمىي قالدۇقى 3 تىرىليون 400 مىليارد يۈەندىن ئاشىدۇ، يەنە مەملىكەت بويىچە 1 تىرىليون 600 مىليارد يۈەندىن ئارتۇق ئىشلەتمىگەن ئىجتىمائىي كاپالەت فوندى زاپىسى بار، شۇنىڭ بىلەن بىللە، يەنە دۆلەت مۈلكىدىن ئاجرىتىش ئارقىلىق كۈتۈنۈش فوندى تولۇقلىنىدۇ. شۇڭا شۇنى مۇئەييەنلەشتۈرۈشكە بولىدۇكى، ياشانغاندا كۈتۈنەلەيدىغان بولۇش ھەرگىزمۇ قۇرۇق گەپ ئەمەس.

ئاچقۇچلۇق سۆز: ئىشچى – خىزمەتچىلەرنى يۆتكەش
   بىلوبېرگ ئاخبارات ئاگېنتلىقى مۇخبىرى: بۇلتۇرقى مۇخبىرلارنى كۈتۈۋېلىش يىغىنىدا سىز جۇڭگو ھۆكۈمىتىنىڭ قەتئىي نىيەتكە كېلىپ، باتۇرلۇق بىلەن داۋاملىق ئىسلاھات ئېلىپ بارىدىغانلىقىنى ئېيتقان ئىدىڭىز. بۇ يىللىق ھۆكۈمەت خىزمىتىدىن دوكلاتتا، سىز جۇڭگو ئىقتىسادى ئاز دېگەندىمۇ %6.5 لىك ئېشىش سۈرئىتىنى ساقلاشقا موھتاج دېدىڭىز. ئوخشاشمىغان ھۆكۈمەت تارماقلىرىنىڭ ئەمەلدارلىرىمۇ: زىيادە ئىشلەپچىقىرىش ئوشۇقچىلىقىنى بىر تەرەپ قىلىش جەريانىدا ئىش ئورنىدىن قېلىش دولقۇنى كۆتۈرۈلمەيدۇ، دېدى. سىزدىن سورايدىغىنىم، جۇڭگو ئىقتىسادىنىڭ بەلگىلىك ئېشىش سۈرئىتىنى ساقلاش مەسىلىسىنى ۋە مۇقىمسىزلىق پەيدا قىلىش ئېھتىمالى بولغان ئىش ئورنىدىن قېلىش مەسىلىسىنى قانداق قىلغاندا ياخشى ھەل قىلالايدۇ، سىز ئېيتقان جۇڭگونىڭ ئىقتىسادىي تەرەققىياتىدىكى ئىنتايىن مۇھىم ئىسلاھات قارالمىلىرىنى ئىلگىرى سۈرۈشكە تەسىر يەتكۈزمەسلىكىگە قانداق قىلغاندا كاپالەتلىك قىلغىلى بولىدۇ؟
   لى كېچياڭ: سىز سوئالنى ناھايىتى ئەستايىدىل سورىدىڭىز، مەن بۇنىڭدىن بېسىم ھېس قىلدىم. شۇنى مۇئەييەنلەشتۈرىمەنكى، جۇڭگو ئىسلاھاتنى قەتئىي تەۋرەنمەي ئىلگىرى سۈرىدۇ، ئىسلاھات ۋە تەرەققىيات زىددىيەتلىك ئەمەس، بىز دەل قۇرۇلما خاراكتېرلىك ئىسلاھات ئارقىلىق بازارنى جانلاندۇرۇپ، ئىقتىسادىي تەرەققىياتقا تۈرتكە بولىمىز. بىراق بۇ جەرياندا، شۇنى كۆرىۋالالايمىزكى، قىسمەن ئېغىرراق ئىشلەپچىقىرىش ئوشۇقچىلىقى ھەقىقەتەن پەيدا بولدى، ئاساسلىقى ئېغىر خىمىيە سانائىتىدە بارلىققا كەلدى. ھازىر بىز پولات – تۆمۈر، كۆمۈردىن ئىبارەت بۇ ئىككى كەسىپنى تاللاپ، ئىشلەپچىقىرىش ئىقتىدارى ئوشۇقچىلىقىنى بىر تەرەپ قىلىشتا بۆسۈش ھاسىل قىلىش بىلەن بىللە، زور كۆلەملىك ئىش ئورنىدىن قېلىش دولقۇنىنىڭ كۆتۈرۈلىشىدىن ساقلىنىشقا تىرىشىۋاتىمىز.
   ئۆتكەن ئىككى يىلدا، بىز پولات – تۆمۈر كەسپىدە، مىليونلىغان ئىشچى – خىزمەتچىگە چېتىلىدىغان 100 مىليون توننىدىن ئارتۇق ئىشلەپچىقىرىش ئىقتىدارىنى شاللىدۇق. ئىشچى – خىزمەتچىلەرنىڭ قانۇنىي ھوقۇق – مەنپەئىتىنى قوغداشقا يۈكسەك ئەھمىيەت بەرگەچكە، كۆپلىگەن ئىشچى – خىزمەتچىلەرنىڭ ئىش ئورنىدىن يۆتكىلىشىگە كاپالەتلىك قىلىپ، ئۇلارنى مۇۋاپىق ئورۇنلاشتۇردۇق. تەجرىبە توپلىدۇق دېسەكمۇ بولىدۇ. كېيىنكى باسقۇچتا، ئىشلەپچىقىرىش ئىقتىدارى ئوشۇقچىلىقىنى كېمەيتىشنى ئىلگىرى سۈرۈشتە، ئېھتىياجدىن ئېشىپ كەتكەن ئىشلەپچىقىرىش ئىقتىدارىنى كېمەيتىشىمىز كېرەك، بىراق زور كۆپلىگەن ئىشچى – خىزمەتچىلەرنى خىزمىتىدىن ئايرىشقا بولمايدۇ، بەلكى ئۇلارنى يېڭى خىزمەتكە ئورۇنلىشىش ئىمكانىيىتىگە ئىگە قىلىشىمىز كېرەك. ۋاقتىنچە ئورۇندىيالمىغانلىرىنى مەركەز مالىيەسى ۋە يەرلىك مالىيەسى مۇۋاپىق ئورۇنلاشتۇرالايدۇ. مەركەز 100 مىليارد يۈەنلىك ئاساسلىقى ئىش ئورنىنى يۆتكەپ ئورۇنلاشتۇرۇشقا ئىشلىتىلىدىغان مەخسۇس مۇكاپاتلاش ۋە ياردەم بېرىش مەبلىغى تەسىس قىلدۇق، زۆرۈر بولسا يەنە كۆپەيتىشكە بولىدۇ. ئەلۋەتتە، يەرلىك ھۆكۈمەت بۇنىڭدا مۇناسىپ يانداش تەدبىر قوللىنىشى كېرەك، بىز قوش نەتىجە يارىتىشىمىز كېرەك، ئىشلەپچىقىرىش ئىقتىدارى ئوشۇقچىلىقىنى كېمەيتىش، تەرەققىياتنى ئىلگىرى سۈرۈش، مۇقىم ئىشقا ئورۇنلاشتۇرۇشنى ئىلگىرى سۈرۈش جەريانىدا بىر تەڭپۇڭلۇققا يېتىپ، ئەڭ ئاخىرىدا ئىشلەپچىقىرىش ئىقتىدارى ئوشۇقچىلىقىنى كېمەيتىش جەريانىدا ئېغىر خىمىيە سانائىتى كەسپىنىڭ سىجىل، ساغلام تەرەققىياتىنى ئىشقا ئاشۇرىشىمىز كېرەك.
   ئاچقۇچلۇق سۆز: مەمۇرىيەتنى ئىخچاملاپ، ھوقۇقنى تۆۋەنگە بېرىش
   ھۆكۈمەتنىڭ ھوقۇقىنى ئىخچاملاپ، كارخانا، ئاممىنىڭ ئىش قىلىش قىزغىنلىقىنى قوزغاش كېرەك
   ‹‹خەلق گېزىتى›› مۇخبىرى: زۇڭلى، مەن ‹‹خەلق گېزىتى››، خەلق تورى، خەلق گېزىتى تېرمىنالىنىڭ مۇخبىرى. شۇنىڭغا دىققەت قىلىۋاتىمەنكى، مەمۇرىيەتنى ئىخچاملاپ، ھوقۇقنى تۆۋەنگە بېرىش ئىسلاھاتى يولغا قويۇلغىلى نەچچە يىل بولدى، بىراق قىسمەن كارخانىلار ۋە ئاممىنىڭ ئىنكاسىدىن قارىغاندا، ھازىر ناھايىتى نۇرغۇن ئىشنى بېجىرىش يەنىلا ناھايىتى قىيىن ئىكەن، بولۇپمۇ قىسمەن ئىشلارنى بېجىرىش جەريانىدا بېجىرىدىغان جاينى تاپالماسلىق ئەھۋالى مەۋجۇت ئىكەن. زۇڭلى، بۇ خىل ھادىسە ۋە مەسىلىلەردە كېيىنكى باسقۇچتا سىز قانداق قىلىسىز؟
   لى كېچياڭ: ‹‹بىر چالمىدا ئۈچ پاختەكنى سوقۇش››قا نائىل بولغىنىمدىن ئىنتايىن خۇشالمەن، بىراق بۇ سوقۇش ئەمەس، بەلكى جاۋاب بېرىش، خالاس. مەمۇرىيەتنى ئىخچاملاپ ھوقۇقنى تۆۋەنگە بېرىش ھۆكۈمەت فۇنكسىيەسىنى ئۆزگەرتىشنىڭ ئاچقۇچى. ئۈچ يىل بۇرۇن مۇشۇ جايدا، مەن: بۇ نۆۋەتلىك ھۆكۈمەت تەكشۈرۈپ تەستىقلاش ئىشلىرىنىڭ ئۈچتىن بىر قىسمىنى ئازايتىدۇ، دېگەن ئىدىم، ھازىر بۇ نىشانغا مۇددەتتىن بۇرۇن يەتتۇق. ئۈچىنچى تەرەپنىڭ باھالىشىغا ئاساسلانغاندا، كۆپ قىسىم كارخانىلار ۋە ئامما بۇنىڭدىن خېلى رازى بولدى، بىراق يەنە نۇرغۇن مەسىلىلەر مەۋجۇت، تېخىمۇ يۈكسەك ئۈمىد – ئارزۇ بىزنى كۈتىۋاتىدۇ.
   ھازىر تەكشۈرۈپ تەستىقلاش ئىشلىرى يەنىلا كۆپرەك، ساقلاپ قېلىنغان ئىشلارنىڭ كۆپىنچىسىنىڭ ئۆلچىمى بىردەك ئەمەس. نەچچە كۈن بۇرۇن، مەن بىر ۋەكىللەر ئۆمىكىنىڭ قاراپ چىقىشىغا قاتناشقاندا، بىر ۋەكىل داۋالاش ۋە كۈتۈنۈش بىرلەشتۈرۈلگەن كۈتۈنۈش ئاپپارات قۇرماقچى بولغاندا، ئامما بۇنى ناھايىتى ئالقىشلىغانلىقى، بىراق بۇ كۈتۈنۈش ئاپپاراتلىرىنىڭ ئىجازىتى، داۋالاش سۇغۇرتىسى بەلگىلەنگەن نۇقتىلىرى، ھەق ئېلىشنى تەستىقلاش قاتارلىقلارغا چېتىلىدىغان بولغاچقا، كۆپ تارماقلارغا بېرىشقا توغرا كەلگەنلىكىنى، سۆزلەپ بەردى. بۇ يەردىكى مەسىلە بۇ تارماقلارنىڭ ئۆلچىمى بىردەك بولمىغاچقا، بۇ ئىشنى بېجىرەلمەي، سىز ئېيتقاندەك بېجىرىدىغان جاينى تاپالمىغان. بۇ، كەسىپ تەرەققىياتىنى چەكلىگەن، شۇنداقلا ئاممىنىڭ ئىستېمال ئېھتىياجىنى چەكلىگەن.
   شۇڭا مەمۇرىيەتنى ئىخچاملاپ، ھوقۇقنى تۆۋەنگە بېرىشتە، ئىزچىللىقنى ساقلاپ، مەسىلىگە دۇچ كەلگەن ۋە توسقۇنلۇققا ئۇچرىغاندا ئامال قىلىپ ھەل قىلىش كېرەك. بۇ، تارماقلارنىڭ مەنپەئىتىنى ئازايتىدىغان ئىش. بىز ھۆكۈمەتنىڭ ھوقۇقىنى ئازايتىش ئارقىلىق كارخانىلار ۋە ئاممىغا ئىش بېجىرىش ئازادىلىكىنى يارىتىپ بېرىشىمىز كېرەك.
   بۇ يىل، قەتئىي نىيەتكە كېلىپ يەنە بىر تۈركۈم تەكشۈرۈپ تەستىقلاش تۈرلىرىنى قىسقارتىپ، بىۋاسىتە بازارغا قويۇۋېتىمىز، تەستىقلىتىش زۆرۈر بولسىمۇ، رەسمىيەتنى ئاددىيلاشتۇرىمىز. بولۇپمۇ ئۆلچەمنىڭ بىردەكلىكىنى ئىلگىرى سۈرىمىز. يېقىنقى ئىككى يىلدا، سودا تۈزۈمى ئىسلاھاتىنى ئىلگىرى سۈرۈپ، كىنىشكا – گۇۋاھنامىنى بىرلەشتۈرۈشتىن بىر گۇۋاھنامىگە بىر كود بولۇشنى يولغا قويغىچە بولغان جەريان ئۆلچەمنى بىرلىككە كەلتۈرۈش جەريانى بولدى. نەتىجىدە، ئاممىنىڭ ئىگىلىك تىكلەش قىزغىنلىقىنى زور دەرىجىدە قوزغىدى، ھازىرغىچە، كۈنىگە 30 مىڭ بازار سۇبيېكتى بارلىققا كېلىۋاتىدۇ. بۇ ساھە قىلالىغاننى نېمە ئۈچۈن باشقا ساھەلەر قىلالمايدۇ؟ شۇڭا بۇ جەھەتتە قاتتىق ۋەزىپە چۈشۈرۈپ، ۋاقىت جەدۋىلىنى بېكىتىش كېرەك. بۇنىڭدىن باشقا، يەنە نۇرغۇن كىنىشكا – گۇۋاھنامىلەرنىڭ زۆرۈرىيىتى يوق، بۇ يىلمۇ بۇنىڭ يېرىمى قىسقارتىلىدۇ. ئاممىنىڭ ئىگىلىك تىكلەش قىزغىنلىقىغا تەسىر كۆرسىتىۋاتقان، ھەتتا ئاممىنىڭ جانىجان مەنپەئىتىگە زىيان يەتكۈزۈۋاتقان نامۇۋاپىق ھۆججەتلەرنى قەتئىي تەرتىپكە سېلىپ، ئەمەلدىن قالدۇرۇشقا تېگىشلىكلىرىنى ئەمەلدىن قالدۇرۇش كېرەك.
   ئەلۋەتتە، ھوقۇقنى تۆۋەنگە بېرىش مەيلىگە قويۇۋېتىش دېگەنلىك ئەمەس. ئادىل رىقابەت مۇھىتى يارىتىشنى نازارەت قىلىپ باشقۇرۇش تەدبىرلىرىنى ئەمەلىيلەشتۈرۈشتە، يەنە ئۆز بېشىمچىلىق قىلىش، خالىغانچە تەكشۈرۈشتىن ساقلىنىش كېرەك. ھوقۇقنى مۇشۇنداق تۆۋەنگە بەرگەندە ئاندىن تېخىمۇ ئۈنۈملۈك بولىدۇ، ئىشلەپچىقىرىش كۈچلىرىنى ئاندىن تەرەققىي قىلدۇرالايمىز، ئاممىنى نەپكە ئېرىشتۈرەلەيمىز. بىز يەنە مۇلازىمەتنى ياخشىلاشنى ئىلگىرى سۈرۈشىمىز كېرەك، مەسىلەن: ھۆكۈمەت ئىشلىرىنى ئاشكارىلاش ۋە ئالاقە تورى ئارقىلىق، ئاممىنى ئازراق يول ماڭدۇرىمىز، ئۇلارنى ئىشىنى بېجىرىش ئىمكانىيىتىگە ئىگە قىلالايمىز.
   ئاچقۇچلۇق سۆز: ئەتراپ خەۋپسىزلىكى
   جۇڭگو بىلەن ئامېرىكا ئاسىيا – تىنچ ئوكيان رايونىدا ھەمكارلىشىش ئارقىلىق، ئىختىلاپلارنى ياخشى كونترول قىلىشى كېرەك
   ئې ف ئې ئاگېنتلىقى مۇخبىرى: ئۆتكەن ئىككى ئايغا يېقىن ۋاقىتتا، چاۋشيەن بىر قاتار ھەرىكەت قوللانغاچقا، ئامېرىكا كورىيەگە ھەربىي قىسىملىرىنى ئورۇنلاشتۇرۇشنى كۈچەيتتى. شۇنىڭ بىلەن بىللە، نەنخەي دېڭىزى رايونىدىكى ھەربىي ۋەزىيەت كەسكىنلەشتى. بۇنىڭدىن باشقا، ئاۋسترالىيەمۇ ئامېرىكا بىلەن ئىستراتېگىيەلىك بومباردىمانچى ئايروپىلاننى كىرگۈزۈشنى كېڭەشتى. يەنە جۇڭگونى ئۆز ئىچىگە ئالمىغان 12 دۆلەت TPP نى ئىمزالىدى. سىزنىڭچە زۇڭتۇڭ ئوبامانىڭ ‹‹ئاسىيا – تىنچ ئوكيانغا قايتىش›› ئىستراتېگىيەسى جۇڭگوغا ئاۋارىچىلىق تېپىپ بېرەمدۇ؟ سىزنىڭچە، ئاسىيا – تىنچ ئوكيان رايونىدا يەنە باشقا مۇقىمسىزلىق ئامىلى بارمۇ؟
   لى كېچياڭ: سىز بىر قاتار مەسىلىنى ئوتتۇرىغا قويدىڭىز، بىرمۇ – بىر جاۋاب بېرىشىمگە ۋاقىت يەتمەيدۇ. يىغىنچاقلاپ ئېيتقاندا، سىز جۇڭگوغا قوشنا دۆلەتلەر مەسىلىسى توغرىسىدا سوئال سورىدىڭىز. جۇڭگو مۇقىم ئەتراپ مۇھىتى ۋە دوستانە قوشنىدارچىلىق مۇناسىۋىتىنى باشتىن – ئاخىر تەكىتلەپ كەلدى. رايون مۇقىملىقىنى قوغداش، دوستانە قوشنىدارچىلىقنى ئىشقا ئاشۇرۇشتا، مۇھىمى رايون ۋە دۆلەتلەرنىڭ ئورتاق تىرىشچانلىقىغا تايىنىش كېرەك. قوشنىلار ئارا تالاش – تارتىشىدىن ساقلىنىش قىيىن، بىراق ئۆزئارا سەمىمىي بولۇپ، دىپلوماتىيە، تىنچلىق ۋاسىتىسى ئارقىلىق ھەل قىلىشتا چىڭ تۇرغاندىلا، رايونلارنىڭ مۇقىملىقىنى قوغدىغىلى بولىدۇ. رايون سىرتىدىكى دۆلەتلەرگە قارىتا، مەسىلەن: ئامېرىكا ئاسىيا – تىنچ ئوكياندىن ئەزەلدىن ئايرىلىپ باقمىدى، بىز ئاسىيا – تىنچ ئوكيان رايونىدا ھەمكارلاشساق، ئىختىلاپلارنى كونترول قىلىشقا تىرىشچانلىق كۆرسەتسەك بولىدۇ.
   جۇڭگو زامانىۋىلاشتۇرۇش قۇرۇلۇشىنى ئىلگىرى سۈرۈۋاتىدۇ، تەرەققىيات بىرىنچى مۇھىم ۋەزىپە. بىز مۇقىم ئەتراپ مۇھىتىغا ھەم تىنچ خەلقئارا مۇھىتقا موھتاج. جۇڭگونىڭ تەرەققىي قىلىپ قۇدرەت تېپىشى دۇنيانىڭ تىنچلىقىنى قوغداشتىكى قۇدرەتلىك كۈچ بولۇپ، ئەتراپتىكىلەرگىمۇ پايدىلىق. جۇڭگو تىنچ تەرەققىي قىلىش يولىدا قەتئىي بوشاشماي ماڭىدۇ ھەم دۆلەتنىڭ ئىگىلىك ھوقۇقى ۋە زېمىن پۈتۈنلۈكىنى قوغداشتا قەتئىي چىڭ تۇرىدۇ، بۇ ئىككىسى بىر – بىرىگە زىت ئەمەس. بىزنىڭ ئۈمىدىمىز، مەيلى رايون ئىچىدىكى دۆلەتلەر ياكى رايون سىرتىدىكى دۆلەتلەر بولسۇن رايون مۇقىملىقىغا پايدىلىق ئىشلارنى كۆپ قىلىشى، ئەكسىچە ئىش قىلماسلىقى كېرەك، بولمىسا ھېچكىمگە پايدىسى يوق.
   ئاچقۇچلۇق سۆز: مەدەنىيەت يادىكارلىقلىرىنى قوغداش
   بازار ئىگىلىكى ھەم قانۇن ئىدارە قىلىدىغان ئىگىلىك، ھەم ئەخلاق ئىگىلىكى
   جۇڭگو خەلقئارا رادىيو ئىستانسىسى مۇخبىرى: مەن جۇڭگو خەلقئارا رادىيو ئىستانسىسى ۋە خەلقئارا لىنىيە تورىنىڭ مۇخبىرى. شۇنىڭغا دىققەت قىلىپ قالدىم، ئىككى يىغىندىن بۇرۇن ئېچىلغان گوۋۇيۈەننىڭ ئاخىرقى قېتىملىق دائىمىي يىغىنىدا مەدەنىيەت يادىكارلىقلىرىنى قوغداش خىزمىتىنى ئورۇنلاشتۇرۇش توغرىسىدا بىر قارالما بار ئىدى. زۇڭلى سىزنىڭچە جۇڭگو شۇنچە چوڭ، ھەل قىلىدىغان مەسىلە شۇنچە كۆپ، ھۆكۈمەتنىڭ خىزمىتى شۇنچە ئالدىراش تۇرسا، بۇ مەسىلىنى ھەل قىلىش شۇنچە تەخىرسىزمۇ؟
   لى كېچياڭ: سىزنىڭ گوۋۇيۈەننىڭ دائىمىي يىغىنىدىكى قارالمىغا كۆڭۈل بۆلگىنىڭىزگە رەھمەت. جاۋابىم شۇكى، بىزنىڭ مەدەنىيەت يادىكارلىقلىرىنى قوغدىغانلىقىمىز ئەمەلىيەتتە مەدەنىيەت ئىشلىرىنىڭ تەرەققىياتىنى ئىلگىرى سۈرگەنلىكىمىز، ئەخلاق كۈچىنى يېتىلدۈرگەنلىكىمىز، ئېسىل ئەنئەنىۋى مەدەنىيىتىمىزگە ۋارىسلىق قىلغىنىمىز ۋە بۇ ئارقىلىق ئىقتىسادىي، ئىجتىمائىي ئىشلارنىڭ ماس تەرەققىي قىلىشىنى ئىلگىرى سۈرگەنلىكىمىزدۇر. ھازىر ئىقتىساد ساھەسىدە خېلى كۆپ قالدۇق مەسىلىلەر ساقلانماقتا، كۆز بويامچىلىق قىلىش – ئالداش، ساختا، ناچار مەھسۇلات ئىشلەپچىقىرىش، ئىناۋەت تۆۋەن بولۇش، مانا بۇلارنىڭ ھەممىسىگە مەدەنىيەت جەھەتتىن سەۋەب تېپىش، ھەل قىلىش كېرەك. بازار ئىگىلىكى قانۇن ئىدارە قىلىدىغان ئىگىلىك بولۇپ قالماي، يەنە ئەخلاق ئىگىلىكىدۇر. مەدەنىيەتنى راۋاجلاندۇرۇش ئارقىلىق ئەخلاق كۈچىنى يېتىلدۈرگىلى بولىدۇ. بىز زامانىۋىلاشتۇرۇشنى ئىلگىرى سۈرۈشتە ھەم مول مەنىۋى بايلىق يارىتىشىمىز، ھەم مەدەنىيەت ئارقىلىق خەلقنى مول مەنىۋى مەھسۇلات بىلەن تەمىنلىشىمىز، مەدەنىيەت ۋە ئەخلاقنىڭ كۈچى بىلەن دۇنيانىڭ ھۆرمىتىگە ئېرىشىشىمىز كېرەك.
   ئاچقۇچلۇق سۆز: شياڭگاڭنىڭ ئىستىقبالى
   شياڭگاڭ ئۇزاققىچە گۈللىنىدۇ، مۇقىم بولىدۇ، بۇنىڭدا ئۆزىنىڭ تىرىشچانلىقىغا تايىنىش كېرەك
   ‹‹سۇمرۇغ›› سۈنئىي ھەمراھ تېلېۋىزىيە ئىستانسىسىنىڭ مۇخبىرى: مەن ‹‹سۇمرۇغ›› سۈنئىي ھەمراھ تېلېۋىزىيە ئىستانسىسى، ‹‹سۇمرۇغ›› تورىنىڭ مۇخبىرى. يېقىنقى بىر – ئىككى يىلدا بىز شياڭگاڭدىن ئىچكى قۇرۇقلۇققا بارغان چېغىمىزدا بىزدىن ‹‹شياڭگاڭغا نېمە بولدى؟›› دېگەن سوئالنى سورىغۇچىلار ئەڭ كۆپ بولدى. بۇ يىل چاغاننىڭ 1 – كۈنى شياڭگاڭدىكى ۋاڭجياۋدا مالىمانچىلىق كۆتۈرۈلدى، بۇ شياڭگاڭ جەمئىيىتىدە ساقلانغان قىسمەن مەسىلىلەرنى ئەكس ئەتتۈردى. شۇنىڭ بىلەن بىللە، شياڭگاڭ ئىقتىسادىنىڭ ئېشىش سۈرئىتى ئاستىلىدى. ھازىر شياڭگاڭ جەمئىيىتىدە كىشىلەر شياڭگاڭنىڭ كەلگۈسى چىقىش يولى نەدە؟ دېگەن مەسىلىنى كۆپرەك مۇھاكىمە قىلىشىدۇ. زۇڭلى سىزنىڭچە شياڭگاڭنىڭ چىقىش يولى زادى نەدە؟ مەركىزىي ھۆكۈمەت يېڭى تەدبىر قوللىنىپ شياڭگاڭنىڭ تەرەققىياتىغا مەدەت بېرەمدۇ قانداق؟
   لى كېچياڭ: ئەگەر سىزدىن يەنە بىرسى شياڭگاڭغا نىمە بولدى؟، دەپ سورىسا، سىزنىڭ شياڭگاڭ جەزمەن ئۇزاققىچە گۈللىنىدۇ ۋە مۇقىم بولىدۇ، دەپ جاۋاب بېرىشىڭىزنى تەۋسىيە قىلىمەن. مەركىزىي ھۆكۈمەت ‹‹بىر دۆلەتتە ئىككى تۈزۈم بولۇش››، ‹‹شياڭگاڭنى شياڭگاڭلىقلار ئىدارە قىلىش››، يۈكسەك ئاپتونومىيە فاڭجېنىنى ئۆزگەرتكىنى يوق. ئۇنىڭ ئۈستىگە بىز شۇنىڭغا ئىشنىمىزكى، شياڭگاڭ ئالاھىدە مەمۇرىي رايونى ھۆكۈمىتىنىڭ، شياڭگاڭ ئاھالىسىنىڭ شياڭگاڭ دۇچ كەلگەن ھەر خىل مۇرەككەپ مەسىلە ۋە ۋەزىيەتنى بىر تەرەپ قىلغۇدەك ئەقىل – پاراسىتى بار.
   تەرەققىيات مەسىلىسى ئۈستىدە توختالساق، شياڭگاڭمۇ، دۆلەتمۇ تەرەققىياتقا موھتاج. ئەلۋەتتە شياڭگاڭ تەرەققىياتىنى ئۆز تىرىشچانلىقى ئارقىلىق ئىشقا ئاشۇرىدۇ. بۇلتۇر شياڭگاڭ تەرەققىي قىلغان ئىقتىسادىي گەۋدە بولۇش سۈپىتى بىلەن ئىقتىسادىي %2.4 ئاشتى، بۇنى تۆۋەن دېگىلى بولمايدۇ. شياڭگاڭ ئەۋزەللىكىنى تېخىمۇ كۆپرەك جارى قىلدۇرۇشى ھەم دۆلەتنىڭ تەرەققىيات پۇرسىتىنى چىڭ تۇتۇشى كېرەك. شياڭگاڭنىڭ ئۇزاققىچە گۈللىنىشى ۋە مۇقىم بولۇشىغا، شياڭگاڭ خەلقىنىڭ بەخت كۆرسەتكۈچىنى ئاشۇرۇشقا پايدىلىق بولىدىكەن، شياڭگاڭ ئالاھىدە مەمۇرىي رايونى ھۆكۈمىتى ئوتتۇرىغا قويغان ئىشنى مەركىزىي ھۆكۈمەت پۈتۈن كۈچى بىلەن قوللايدۇ، مەن شياڭگاڭنىڭ تەرەققىيات ئىستىقبالىغا ئۈمىد بىلەن قارايمەن.
   ئاچقۇچلۇق سۆز: يېڭى ئىقتىساد
   ‹‹يېڭى ئىقتىساد›› نى راۋاجلاندۇرۇش ئارقىلىق يېڭى ئىشلەپچىقىرىش ئىقتىدارىنى يېتىلدۈرۈپ، ئىقتىسادنى تېپىنى ئۆزگەرتىشنى تېزلىتىش كېرەك
   ‹‹مالىيە – ئىقتىساد›› ژۇرنىلىنىڭ مۇخبىرى: بىز بۇ يىللىق ھۆكۈمەت خىزمىتىدىن دوكلاتىدا ‹‹يېڭى ئىگىلىك›› دېگەن ئۇقۇمنىڭ ئوتتۇرىغا قويۇلغانلىقىغا دىققەت قىلدۇق. بۇ ھازىر يېڭىدىن باش كۆتۈرگەن ئېلېكتىرونلۇق سودا بىلەن كىچىك، مىكرو كارخانىلارنى كۆرسىتەمدۇ؟ بۇنىڭ سىز ئىلگىرى تەشەببۇس قىلغان ‹‹ئاۋام ئىگىلىك تىكلەش، ھەممە يېڭىلىق يارىتىش›› بىلەن قانداق مۇناسىۋىتى بار؟ بۇنىڭ نۆۋەتتىكى ئىقتىسادنىڭ چېكىنىش بېسىمىنى يېنىكلىتىشتە قانداق رولى بار؟
   لى كېچياڭ: بىزنىڭ ‹‹يېڭى ئىقتىساد››نى تەرەققىي قىلدۇرىمىز دېگىنىمىز يېڭى ئىشلەپچىقىرىش كۈچىنى يېتىشتۈرۈپ، جۇڭگو ئىقتىسادىنىڭ تىپنى ئۆزگەرتىش، دەرىجىسىنى ئۆستۈرۈشنى ئىلگىرى سۈرۈشنى كۆرسىتىدۇ. ‹‹يېڭى ئىقتىساد››نىڭ قاپلاش دائىرىسى ناھايىتى كەڭ، مەزمۇنى مول بولۇپ، 1 – ، 2 – ، 3 – كەسىپكە چېتىلىدۇ، بۇ ئالاقە تورى، ئەشيا ئوبوروت بىرلەشمە تورى، بۇلۇت ھېسابلاش ۋە ئېلېكتىرونلۇق سودا قاتارلىق يېڭىدىن باش كۆتۈرگەن مۇلازىمەت تۈرىدىكى كەسىپلەر ۋە يېڭى ساھەلەرنى ھەم سانائەت كەسپىدىكى ئەقلىي ئىقتىدارلىق ياسىمىچىلىق، كەڭ كۆلەمدە زاكازلىق ئىشلەپچىقىرىش قاتارلىقلارنى ئۆز ئىچىگە ئالغاندىن سىرت، 1 – كەسىپ ئىچىدىكى مۇۋاپىق كۆلەملىك ئىگىلىكنى ئىلگىرى سۈرۈشكە پايدىلىق ئائىلىۋى دېھقانچىلىق مەيدانلىرى، پاي ھەمكارلىق كوپىراتىپى، يېزىلاردىكى 1 – ، 2 – ، 3 – كەسىپلەرنى يۇغۇرۇلما تەرەققىي قىلدۇرۇشقا چېتىلىدۇ، ‹‹يېڭى ئىقتىساد››نى راۋاجلاندۇرۇشتا كىچىك، مىكرو كارخانىلار كۈچ قوشقاندىن سىرت، چوڭ كارخانىلار تېخىمۇ زور كۈچ قوشالايدۇ. ھازىر كۆپ ساندىكى چوڭ كارخانىلار تەرەققىيات ماكانى يارىتىش ئۈستىدە ئىزدىنىۋاتىدۇ، بۇنداق مىساللار ناھايىتى كۆپ.
   ئەنئەنىۋى ئىشلەپچىقىرىش ئىقتىدارىنىڭ تەرەققىي قىلىپ مەلۇم باسقۇچقا بېرىپ ئاندىن ئاجىزلىشى قانۇنىيەت، نۇرغۇن دۆلەت بۇ يولنى بېسىپ ئۆتكەن، بولۇپمۇ تەرەققىي قىلغان دۆلەتلەردە بۇنداق مىساللار ناھايىتى كۆپ. بۇنداق ئەھۋالدا يېڭى ئىشلەپچىقىرىش ئىقتىدارى قەد كۆتۈرۈپ، كەسىپ ئىنقىلابى ۋەزىيىتىگە ماسلىشىشى كېرەك. يېڭى ئىشلەپچىقىرىش ئىقتىدارىنى ئەنئەنىۋى ئىشلەپچىقىرىش ئىقتىدارىنى ئۆزگەرتىش ۋە دەرىجىسىنى ئۆستۈرۈشكە بىرلەشتۈرسەك، يەنە ئارىلاشما ئىشلەپچىقىرىش ئىقدارى شەكىللىنىشى مۇمكىن. يېڭى ئىشلەپچىقىرىش ئىقدارىنى راۋاجلاندۇرۇشنىڭ ئەنئەنىۋى ئىشلەپچىقىرىش ئىقتىدارىنى ئۆزگەرتىش ۋە دەرىجىسىنى ئۆستۈرۈشتە ئەھمىيىتى ناھايىتى زور. بۇ بىزنىڭ نۆۋەتتە ئىشلەپچىقىرىش ئىقتىدارى ئوشۇقچىلىقىنى بىر تەرەپ قىلىشنى ئىلگىرى سۈرۈشىمىزنىڭ ئېغىر خىمىيە سانائىتى كارخانىسىغا تەسىر كۆرسىتىشىگە ئوخشايدۇ. مۇشۇنىڭغا ئوخشايدىغان نۇرغۇن كارخانىلاردا ئىشلەتكەن ئادەم كۆپ بولۇپ، ئارتۇق ئەمگەك كۈچىنى يۆتكەپ ئىشقا ئورۇنلاشتۇرۇش كېرەك، يېڭى ئىشلەپچىقىرىش ئىقتىدارى تەرەققىي قىلسا، تېخىمۇ كۆپ ئىش ئورنى بىلەن تەمىنلەيدۇ، بۇ بىزنىڭ ئىشلەپچىقىرىش ئىقتىدارى ئوشۇقچىلىقىنى بىر تەرەپ قىلىشنى ئىلگىرى سۈرۈشىمىزگە كۆپ پايدىلىق. بىز ئاۋام ئىگىلىك تىكلەش، ھەممە يېڭىلىق يارىتىشنى تەشەببۇس قىلدۇق، ئەمەلىيەتتە چوڭ، ئوتتۇرا، كىچىك كارخانىلار، پەن تەتقىقات ئاپپاراتلىرى ئۈچۈن سەھنە ھازىرلاپ، ئاۋام ئىگىلىك تىكلەش، ئاۋام ھۆددىگە ئېلىش، ئاۋامغا ياردەم بېرىش، ئاۋامدىن توپلاش قاتارلىقلار ئۈچۈن ھاياتلىق ماكانى ھازىرلىدۇق.
   شۇنداق دېيىشكە بولىدۇكى، 100 مىليونغا يېقىن ئاممىنىڭ ئىجادىيەت كۈچىنى جارى قىلدۇرۇپ، ئاكتىپلىقىنى قوزغايدىكەنمىز قۇدرەتلىك كۈچ، يېڭىلمەس ئىرادە شەكىللەندۈرۈپ، ئىقتىسادنىڭ چېكىنىش بېسىمىغا بەرداشلىق بېرىپ، ئىقتىسادنىڭ تىپنى ئۆزگەرتىپ دەرىجىسىنى ئۆستۈرۈشىنى ئىلگىرى سۈرەلەيمىز. بىر دۆلەتنىڭ گۈللىنىشى ۋە ئىلگىرلىشى 100 مىليونلىغان ئاممىنىڭ قاتنىشىشى ئارقىلىق ۋۇجۇدقا چىقىدۇ، بۇنىڭ بىلەن ئادەمنىڭ ئومۇميۈزلۈك تەرەققىي قىلىشىنى ئىشقا ئاشۇرغىلى بولىدۇ.
   ئاچقۇچلۇق سۆز: جۇڭگو – رۇسىيە مۇناسىۋىتى
   جۇڭگو – رۇسىيە مۇناسىۋىتى 3 – تەرەپنىڭ بېسىمىغا ئۇچۇرمايدۇ، 3 – تەرەپكە قارىتىلمايدۇ
   بۈگۈنكى رۇسىيە خەلقئارا ئاگېنتلىقىنىڭ مۇخبىرى: رۇسىيە بىلەن جۇڭگونىڭ ئىقتىسادىي ھەمكارلىق سەۋىيىسى سىياسىي مۇناسىۋىتىگە يېتىشەلمىدى، ئىككى تەرەپ بۇ ۋەزىيەتنى ياخشىلاشقا، سودا ئالاقىسىنى تىرىشىپ ئىلگىرى سۈرۈپلا قالماي، يەنە مەبلەغ سېلىش، ھەمكارلىقنى زور كۈچ بىلەن ئىلگىرى سۈرۈشكە ۋەدە بەرگەن بولسىمۇ، ئەمما بىز جۇڭگودىكى مەبلەغ سالغۇچىلارنىڭ رۇسىيىگە تۈركۈملەپ كىرگىنىنى كۆرمىدۇق، بۇ نېمە ئۈچۈن؟ بۇ، غەرب دۆلەتلىرىنىڭ رۇسىيىنى جازالىغانلىقى ياكى رۇسىيىنىڭ ئىقتىسادىي ئەھۋالى بىلەن مۇناسىۋەتلىكمۇ؟ جۇڭگو كارخانىلىرى رۇسىيە بىلەن ھەمكارلىشىشتا ئامېرىكا قاتارلىق دۆلەتلەرنىڭ بېسىمىغا ئۇچرىدىمۇ؟ بۇنىڭدىن باشقا بەزى مۇتەخەسسىسلەر جۇڭگونىڭ رۇسىيىگە مەبلەغ سالغۇسى يوق، رۇسىيەنىڭ ئەرزان ئېنېرگىيىسىگىلا قىزىقىدۇ، دەپ قاراۋاتىدۇ، سىز بۇنىڭغا قانداق قارايسىز؟
   لى كېچياڭ: جۇڭگو بىلەن رۇسىيە ئەڭ چوڭ قوشنا دۆلەت، شۇنداقلا ئومۇميۈزلۈك ئىستراتېگىيەلىك ھەمكارلىق، ھەمراھلىق مۇناسىۋىتى ئورنىتىلغان بولۇپ، جۇڭگو بىلەن رۇسىيىنىڭ مۇناسىۋىتىنى ھەر تەرەپلىمىلىك مۇناسىۋەت دېيىشكە بولىدۇ. رەئىس شى جىنپىڭ بىلەن زۇڭتۇڭ پۇتىن دائىم كۆرۈشىدۇ، بىزنىڭ سىياسىي مۇناسىۋىتىمىز ياخشى بولۇپلا قالماي، ئىقتىسادىي ھەمكارلىق جەھەتتىمۇ ياخشىلىنىش بولۇۋاتىدۇ، نۇرغۇن ساھەدە كۆپ تۈردە ھەمكارلىق ئورنىتىلدى. جۇڭگو ئۆزئارا ھۆرمەت قىلىش، ئۆزئارا مەنپەئەت يەتكۈزۈش، ئورتاق پايدا ئېلىش پىرىنسىپىگە ئەمەل قىلىپ، رۇسىيە بىلەن بولغان مۇناسىۋىتىنى تەرەققىي قىلدۇرۇشقا باشتىن ئاخىر ئەمەل قىلىپ كېلىۋاتىدۇ. جۇڭگو مۇستەقىل، ئۆزىگە خوجا بولغان تىنچ دىپلوماتىيە سىياسىتىنى يۈرگۈزۈپ كەلدى. جۇڭگو – رۇسىيە مۇناسىۋىتى خەلقئارا ۋەزىيەتنىڭ ئۆزگىرىشىگە ئەگىشىپ تەسىرگە، ئۈچىنچى تەرەپنىڭ بېسىمىگىمۇ ئۇچرىمايدۇ. ئەلۋەتتە جۇڭگونىڭ دىپلوماتىيە سىياسىتىدە ئىتتىپاق تۈزمەسلىك سىياسىتى يۈرگۈزۈلىدۇ، بىزنىڭ ئوتتۇرىمىزدىكى ھەمكارلىقمۇ ئۈچىنچى تەرەپكە قارىتىلمايدۇ. بىز جۇڭگو – رۇسىيە مۇناسىۋىتىنى ئالغا قاراپ تەرەققىي قىلدۇرىمىز.
   مەن ئىقتىسادىي جەھەتتىكى ھەمكارلىقمۇ ياخشىلىنىۋاتىدۇ، دېيشىمدە، مۇنداق بىر مىسالنى كۆرسىتەي: بۇلتۇر رۇسىيىدىن ئىمپورت قىلغان نېفىتىمىز يەنە 8 مىليون توننىدىن كۆپرەك كۆپەيدى. لېكىن دۇنيادا كۆپ مىقدارلىق تاۋارلارنىڭ باھاسى چۈشۈپ كەتتى، بىزنىڭ پۈتكۈل ئىمپورت، ئېكسپورتىمىزنىڭ سوممىسى، رۇسىيىدىن باشقا ھەممە يەردە چۈشۈپ كەتتى. گەرچە مىقدارى كېمەيمىگەن بولسىمۇ، سودا سوممىسى چۈشۈپ كەتتى، بۇ بىز ئىككى تەرەپنىڭ مەسئۇلىيىتى ئەمەس. بۇلتۇر يىل ئاخىرىدا دۆلىتىڭلارنىڭ زۇڭلىسى مېدۋېدېۋ ئەپەندى بىلەن چوڭقۇر مۇھاكىمە قىلدۇق. مەسىلەن: بىز نېفىت، تەبىئىي گازنىڭ يۇقىرى، تۆۋەن ئېقىمىنى بىر گەۋدىلەشتۈرۈش جەھەتتە ھەمكارلاشساق بولىدۇ، مۇشۇنداق قىلغاندا جۇڭگونىڭ رۇسىيىگە مەبلەغ سېلىشىنى ئىلگىرى سۈرگىلى بولىدۇ. بىز يەنە سودا يوللىرىنى كېڭەيتىپ، كۆپ مەنبەلىك سودىنى ئىشقا ئاشۇرساق بولىدۇ. كېلەر يىلى مۇخبىرلارنى كۈتۈۋېلىش يىغىنىغا يەنە قاتناشقىنىڭىزدا، جۇڭگو بىلەن رۇسىيىنىڭ سودا، مەبلەغ سېلىش ۋەزىيىتىدە ياخشى بۇرۇلۇش بولغانلىقى توغرىسىدا سىزگە جاۋاب بېرىشنى خالايمەن.
   مەن رۇسىيىلىك دوستلارغا يەنە بىر گەپنى دەپ قوياي، بۇ خىل ياخشىلىنىش دۇنيا خاراكتېرلىك سودىنىڭ ياخشىلىنىشقا قاراپ يۈزلىنىۋاتقانلىقىنى چۈشەندۈرىدۇ، بىز دۇنيا سودىسىغا ئىللىقلىق ئاتا قىلىشىمىز كېرەك.
   ئاچقۇچلۇق سۆز: باشقا جايدا داۋالىنىش
   ئىككى يىلدا ئۆلكە ھالقىپ باشقا جايدا داۋالىنىشتا بىۋاسىتە راسچوت قىلىش ئىشقا ئاشۇرۇلىدۇ
   ‹‹جۇڭگو گېزىتى›› نىڭ مۇخبىرى: بۇ يىلقى ‹‹ئىككى يىغىن›› باشلىنىشتىن ئىلگىرى، بىز ‹‹بۈگۈنكى مۇھىم خەۋەر›› ئابۇنىچىلىرى بىلەن بىرلىكتە، ‹‹زۇڭلىغا سوئالىم بار›› دېگەن تېمىدا توردا ئاۋاز بېرىپ تەكشۈرۈش ئېلىپ باردۇق. ھازىرغا قەدەر نۇرغۇن تورداش ئاۋاز بېرىشكە قاتنىشىپ، ئون چوڭ سوئالنى تاللاپ چىقتى، بۇ سۇئاللارنىڭ ھەممىسى خەلق تۇرمۇشى بىلەن زىچ مۇناسىۋەتلىك. ھازىرقى ئەھۋالدىن قارىغاندا، داۋالاش سۇغۇرتىسى تورىنى مەملىكەت بويىچە تورلاشتۇرۇشنى تېزدىن ئىلگىرى سۈرۈش بىرىنچى ئورۇندا تۇردى. 10 مىليوندىن كۆپرەك تورداش بۇ سوئالغا ئاۋاز بەرگەن بولۇپ، ئۇلار بەلكىم ھازىر بىۋاسىتە تارقىتىشنى كۆرۈپ، جاۋابىڭىزنى كۈتۈۋاتقان بولۇشى مۇمكىن. بۇ مەسىلىنى ھەل قىلىشقا ۋاقىت جەدۋىلى تۈزدىڭىزمۇ؟
   لى كېچياڭ: ئالدى بىلەن سىلەرنىڭ توردا ئاۋاز بېرىش شەكلىنى قوللىنىپ، خەلق تۇرمۇشىدىكى قىيىن نۇقتىلارنى ئىگىلەپ، ھۆكۈمەتتىن سوئال سورىغىنىڭلارغا رەھمەت، بۇمۇ ھۆكۈمەتكە ياردەملىشىپ خىزمەتلەرنى ئىلگىرى سۈرگەنلىك. سىز ھازىر دېگەن ئىشنى دائىم ئاڭلايمەن. ياشانغان بەزى كىشىلەر پېنسىيىگە چىققاندىن كېيىن، پەرزەنتلىرى بىلەن بىللە باشقا جايدا تۇرمۇش كۆچۈرىدۇ، يەنە نەۋرىلىرىنى بېقىشىپ بېرىدۇ، لېكىن ئاغرىپ قېلىپ دوختۇرخانىدا داۋالانسا، ئەسلىدىكى خىزمەت قىلغان جايغا بېرىپ ئاتچوت قىلدۇرىدۇ. بۇ ئىشلار كۆرۈنۈشكە كونكرېت ئىشلاردەك قىلسىمۇ، لېكىن بۇ ئىش بېشىغا كەلگەنلەر ياكى ئائىلىلەر ئۈچۈن ناھايىتى چوڭ ئىش بولۇشى مۇمكىن.
   ھۆكۈمەت قەتئىي نىيەتكە كېلىپ ئاساسىي داۋالىنىش سۇغۇرتىسىنى مەملىكەت بويىچە تورلاشتۇرۇشنى ئىلگىرى سۈرۈش ئارقىلىق، بۇ يىل ئۆلكە تەۋەسىدە داۋالانسا داۋالانغان جايدا بىۋاسىتە ئاتچوت قىلدۇرۇشنى ئاساسىي جەھەتتىن ھەل قىلىش ئاساسىدا، ئىككى يىل سەرپ قىلىپ، ياشانغانلارنىڭ ئۆلكە ئاتلاپ داۋالىنىش چىقىمىنى بىۋاسىتە ئاتچوت قىلىدىغان قىلماقچى. ئاتچوت قىلىشقا تېگىشلىكلىرىنى باشقا جايدا ئاتچوت قىلدۇرۇش مەسىلىسىدىن ئامما ئەنسىرىمەيدىغان بولىدۇ. ئەلۋەتتە، بۇ ئىشلار ئۈچۈن يەنە مۇناسىۋەتلىك تارماقلار زور كۈچ چىقىرىشقا توغرا كېلىدۇ. بىزنىڭ ھاكىمىيەت يۈرگۈزۈش مەقسىتىمىز نېمە؟ بۇنىڭ باشلىنىش نۇقتىسى ۋە ئاخىرلىشىش نۇقتىسى خەلق تۇرمۇشىنى ياخشىلاش بولۇپ، ئاممىنىڭ خەلق تۇرمۇشى توغرىسىدىكى ساداسى ۋە تەلىپى، بىزنى تەرەققىي قىلىشقا مەجبۇرلايدۇ، ئىسلاھاتىمىزنى ئىلگىرى سۈرىدۇ ۋە سىنايدۇ، رەھمەت.


ئاچقۇچلۇق سۆز: ئىككى قىرغاق مۇناسىۋىتى
   تەيۋەن كارخانىلىرىنى خاتىرجەم قىلىش كېرەك، چۈنكى ئۇلار بىزنىڭ قېرىنداشلىرىمىز
   ‹‹جۇڭتيەن›› تېلېۋىزىيە ئىستانسىسى مۇخبىرى: تەيۋەندە بۇ يىل ھاكىمىيەت بېشىدىكى پارتىيە ئالماشتى، جامائەت پىكىرلىرى: ھاكىمىيەت بېشىدىكى پارتىيە ئالماشقاندىن كېيىن ئىككى قىرغاق مۇناسىۋىتىنىڭ كەلگۈسى ئۈچۈن بەزى ئېنىقسىزلىقلارنى ئېلىپ كېلىشى مۇمكىن، دەپ قارىماقتا. ئىككى قىرغاقنىڭ بۇنىڭدىن كېيىنكى مۇناسىۋىتىنىڭ ئىستىقبالى توغرىسىدىكى قارىشىڭىزنى سۆزلەپ بەرگەن بولسىڭىز؟ چوڭ قۇرۇقلۇق ئىككى قىرغاقنىڭ ئىقتىسادىي ھەمكارلىقىنى ئىلگىرى سۈرىدىغان، خەلق تۇرمۇشىغا پايدىلىق يېڭى تەدبىرلەرنى داۋاملىق يولغا قويامدۇ؟
   لى كېچياڭ: ئىككى قىرغاق مۇناسىۋىتىنىڭ تىنچ تەرەققىي قىلىشى ئىككى قىرغاقتىكى ئاممىغا ھەقىقەتەن بەخت ئېلىپ كەلدى، ئىككى قىرغاقنىڭ ئىقتىساد ۋە ئىجتىمائىي مۇناسىۋىتىمۇ ئۈزلۈكسىز قويۇقلىشىۋاتىدۇ، يەنە كېلىپ ياخشى سۈپەتلىك ھەمتۈرتكە بولۇشقا توغرا كېلىدۇ. ھېلىمۇ ئېسىمدە، بۇلتۇر فۇجيەن ئۆلكىسىگە بېرىپ خىزمەتلەرنى تەكشۈرگىنىمدە، تەيۋەنلىك سودىگەرلەر بىلەن سۆھبەت يىغىنى ئۆتكۈزگەنىدىم، نۇرغۇن تەيۋەنلىك سودىگەر چوڭ قۇرۇقلۇق يولغا قويغان ئىقتىسادىي تەدبىرلەرگە ناھايىتى سەزگۈر ئىكەن، نۇرغۇن كىشى تەيۋەننىڭ مەبلەغ سېلىش كارخانىلىرىغا قارىتىلغان ئېتىبار بېرىش سىياسىتى ئۆزگىرىپ كېتەرمۇ دەپ ئەنسىرەيدىكەن. مەن بۇلارنى ئاڭلىغاندىن كېيىن، يېنىپ كېلىپلا ھۆججەت تارقىتىپ، تەيۋەننىڭ مەبلەغ سېلىش كارخانىلىرىغا قارىتىلغان ئېتىبار بېرىش سىياسىتىنى ئۆزگەرتىشكە بولمايدىغانلىقىنى ئېنىق بېكىتىپ، ئۇلارنى خاتىرجەم قىلدىم. بىز نېمە ئۈچۈن مۇشۇنداق قىلىمىز؟ چۈنكى بىز قېرىنداش.
   بىز يەنە ئىككى قىرغاقنىڭ سودا ھەمكارلىقىغا پايدىلىق بولغان تەدبىرلەرنى داۋاملىق يولغا قويىمىز. ئەلۋەتتە بۇنىڭدا ئىككى قىرغاق مۇناسىۋىتىنىڭ تىنچ تەرەققىياتىنى ساقلاش، ‹‹92 – يىل ئورتاق قارىشى››نى ئۇل تاش قىلىش ئالدىنقى شەرت قىلىنىدۇ. پەقەت بۇ سىياسىي ئاساسقا ئەمەل قىلىپ، كۆپچىلىك ئىككى قىرغاقنىڭ بىر جۇڭگوغا تەۋە ئىكەنلىكىنى ئېتىراپ قىلسىلا، ھەر قانداق مەسىلە ئۈستىدە سۆھبەتلەشسەك بولىدۇ. مەن ئىككى قىرغاق مۇناسىۋىتىنىڭ تىنچ تەرەققىي قىلىش ئىستىقبالىدىن ئۈمىدۋارمەن، ئوتتۇرىمىزدىكى قانداشلىقنى ئايرىۋېتىشكە بولمايدۇ. ئىشىنىمەنكى، ئىككى قىرغاق مۇناسىۋىتىنىڭ تەرەققىي قىلىشى ئىككى قىرغاقتىكى ئاممىغا بەخت ئېلىپ كېلىدۇ، خەلق تۇرمۇشىنى ياخشىلايدۇ.
   ئاچقۇچلۇق سۆز: مەمۇرىيەتنى ئاشكارىلاش
   مەمۇرىيەتنى ئاشكارىلاش ئىككى ئۆلچەملىك كودتەك ئېنىق، ئاشكارە بولۇشى كېرەك
   مەركىزىي خەلق رادىيو ئىستانسىسىنىڭ مۇخبىرى: مەن مەركىزىي خەلق رادىيو ئىستانسىسى، مەركىزىي رادىيو ئىستانسىسى تورىنىڭ مۇخبىرى. سىز ھازىر مەمۇرىيەتنى ئىخچاملاپ، ھوقۇقنى تۆۋەنگە بېرىش ھەققىدە توختالغاندا، ھۆكۈمەت ئىشلىرىنى ئاشكارىلاشنى تىلغا ئالدىڭىز، كۆپچىلىكنىڭ ھۆكۈمەت ئىشلىرىنى ئاشكارىلاشقا بولغان ئارزۇسى بارغانسېرى كۈچىيىۋاتىدۇ، ھەر يىلى قانۇن بويىچە ئاشكارىلاشنى ئىلتىماس قىلىدىغان ئۇچۇر مىقدارى تەدرىجىي كۆپىيىۋاتىدۇ. لېكىن بەزى جايلار ۋە تارماقلار بۇ ئىشقا كۈچىمەي، ئۇچۇر ئېلان قىلىشتا ئارقىدا قېلىۋاتىدۇ، كۆپچىلىك بۇ ئىشقا ئالدىراۋاتىدۇ، بەزىنىڭ پىكرى تۇغۇلدى. زۇڭلى، سىز بۇنىڭغا قانداق قارايسىز؟
   لى كېچياڭ: ھۆكۈمەت ئىشلىرىنى ئاشكارىلاش ۋە مەمۇرىيەتنى ئىخچاملاپ، ھوقۇقنى تۆۋەنگە بېرىش ھۆكۈمەت فۇنكسىيەسىنى ئۆزگەرتىشنى ئىلگىرى سۈرۈشتىكى مۇھىم ھالقا، مەركەزمۇ تەلەپنى ئېنىق بېكىتىپ، ھۆكۈمەت ئىشلىرىنى ئاشكارىلاشنى ئىلگىرى سۈرمەكچى، بىز يەنە بىر قانچە جەھەتتىن تىرىشىشىمىز كېرەك.
   بىرىنچىدىن، ئاشكارىلاشقا تېگىشلىكلەرنى تولۇق ئاشكارىلاش كېرەك. ئاشكارىلاش ئادەت، ئاشكارىلىماسلىق مۇستەسنا بولىدۇ. بولۇپمۇ جامائەت مەنپەئىتىگە مۇناسىۋەتلىك تەدبىرلەر، مالىيە خامچوت كىرىم – چىقىم ئەھۋالى قاتارلىقلاردا ئاشكارىلاش سالمىقىنى ئاشۇرۇپ، ئاممىنىڭ ئىككى ئۆلچەملىك كودتىن پايدىلانغانلىقىدەك ئېنىق بولۇشى، بىر قاراپلا ھەممىنى بىلىۋېلىشىغا شارائىت يارىتىپ بېرىش كېرەك.
   ئىككىنچىدىن، تورغا چىقارغىلى بولىدىغانلارنى ئىمكانقەدەر تورغا چىقىرىش كېرەك. ھۆكۈمەتنىڭ ھوقۇق دائىرىسى، ھوقۇقنىڭ ئىشلىتىلىش ئەھۋالىنىمۇ تورغا چىقىرىپ، ئىسپات قالدۇرۇش كېرەك. مۇشۇنداق قىلغاندا ئۆز مەيلىچە كېسىم قىلىش بوشلۇقىنى ئازايتقىلى بولىدۇ. كىشىلەردە ‹‹ئەلنىڭ كۆزى ئەللىك›› دېگەن گەپ بار ئەمەسمۇ؟ ھازىر بۇلۇت ھېسابلاش دەۋرى، بىز ھوقۇقنىڭ ئىشلىتىلىشىنى خەلق نازارەت قىلىش شارائىتىنى يارىتىمىز، ھوقۇق يۈرگۈزۈشتە شەخسىي مەنپەئەتنى كۆزلىمەسلىك كېرەك.
    ئۈچىنچىدىن، جەمئىيەتتىكىلەر كۆڭۈل بۆلۈۋاتقان مەسىلىلەرگە ۋاقتىدا جاۋاب بېرىش كېرەك. بىز خەلققە پايدىلىق، مەنپەئەت يەتكۈزۈلىدىغان بەزى سىياسەتلەرنى چىقارغىنىمىزدا، خەلق ئۇنى چۈشەنمىسە، گۇمانلانسا، ئۇلارغا چۈشەندۈرۈش بېرىش كېرەك. بەزى مۇۋاپىق تەكلىپلەر بولسا، تۈزىتىشكە تېگىشلىك يەرلەرنى تۈزىتىش كېرەك. سىياسەتلەرنىڭ مەزمۇنى ئاشكارا بولۇشى، ئۇنىڭ ئۈستىگە ئەلرايىغا قارىتا جاۋاب بېرىش كېرەك. بۇ يىل ‹‹ئىككى يىغىن›› ئېچىلىشتىن بۇرۇن، مەن گوۋۇيۈەن تارماقلىرىدىكى مىنىستىرلارنىڭ تەشەببۇسكارلىق بىلەن سۆز قىلىپ، مۇخبىرلارنىڭ سوئاللىرىغا جاۋاب بېرىشىنى تەلەپ قىلدىم. ‹‹مىنىستىرلار يولى›› تەسىس قىلىنغانلىقىنى كۆرگەنسىلەر؟ مەن مىنىستىرلارغا: مۇخبىرلار سوئال سورىسىلا قول قوشتۇرۇپ كېتىپ قالماڭلار، ئۇلارنىڭ سوئاللىرىغا بىۋاسىتە جاۋاب بېرىڭلار، دېدىم. ئاڭلىشىمچە بۇ يىل مىنىستىرلارنىڭ ئىپادىسى مۇخبىرلارنىڭ ئالقىشىغا ئېرىشىپتۇ، شۇنداقمۇ؟
   ھۆكۈمەت ئىشلىرىنى ئاشكارىلاش ماھىيەتتە ھۆكۈمەتنىڭ ھوقۇقىنى نازارەتكە قويغانلىق، بۇنداق قىلىش ھۆكۈمەتنىڭ ئۈنۈمنى ئۆستۈرۈشىگە پايدىلىق، ئۇنىڭ ئۈستىگە ھوقۇقنى قالايمىقان ئىشلىتىشتىن تۈزۈم جەھەتتىن ساقلانغىلى بولىدۇ. بىز جەمئىيەتتىكى ھەرقايسى ساھەلەرنىڭ، شۇنداقلا تاراتقۇ ساھەدىكى دوستلارنىڭ نازارەت قىلىشىنى قارشى ئالىمىز. رەھمەت.
   ئاچقۇچلۇق سۆز: جۇڭگو – ياپونىيە – كورېيە ھەمكارلىقى
   جۇڭگو – ياپونىيە – كورېيەنىڭ ئىقتىسادىنىڭ ئۆزئارا تولۇقلاشچانلىقى كۈچلۈك
   ياپونىيە ئىقتىساد خەۋەرلىرى ئاگېنتلىقىنىڭ مۇخبىرى: بۇلتۇر جۇڭگو – ياپونىيە – كورېيە رەھبەرلىرى يىغىنى كورېيەنىڭ پايتەختى سېئولدا ئۆتكۈزۈلدى. بۇ يىل ياپونىيە ئۆتكۈزگۈچى تەرەپ بولىدۇ، جۇڭگو – ياپونىيە – كورېيە ئوتتۇرىسىدا، چاۋشيەن يادرو مەسىلىسى ۋە جۇڭگو – ياپونىيە – كورېيەنىڭ ئەركىن سودا كېلىشىمى قاتارلىق جەھەتلەردە ھەمكارلىق بوشلۇقى ئىنتايىن كۆپ. جۇڭگو بۇ يىلقى جۇڭگو – ياپونىيە – كورېيە رەھبەرلىرى يىغىنىغا نېمە ئۈمىد كۈتىدۇ؟ بۇ يىغىندا سىز زۇڭلىلىق سۈپىتىڭىز بىلەن تۇنجى قېتىم ياپونىيەدە زىيارەتتە بولىسىز. نۇرغۇن مۇتەخەسسىس جۇڭگو ئىقتىسادىنىڭ تىپىنى ئۆزگەرتىش، دەرىجىسىنى ئۆستۈرۈشتە ياپونىيە كارخانىلىرى ئىنتايىن زور رول ئوينالايدۇ، دەپ قارايدۇ. سىز جۇڭگو – ياپونىيە ئىقتىساد مۇناسىۋىتىدىكى ئۆزئارا تولۇقلاشچانلىققا قانداق قارايسىز؟
   لى كېچياڭ: بۇلتۇر مەن كورېيەگە بېرىپ جۇڭگو – ياپونىيە – كورېيە رەھبەرلىرى يىغىنىغا قاتناشتىم، بۇ ئەسلىي بىر يىلدا بىر قېتىم بولىدىغان سۆھبەت مېخانىزمى ئىدى، ئەمدى ئۈچ يىل ئۆتكەندىن كېيىن قايتا ئېچىلماقچى بولدى، بۇنداق بولۇشى ھەقىقەتەن ئاسانغا توختىمىدى. يىغىننىڭ ئوڭۇشلۇق ئېچىلىش – ئېچىلماسلىقى ئۈچ تەرەپكە باغلىق. بولۇپمۇ ھازىر جۇڭگو – ياپونىيە مۇناسىۋىتىدە گەرچە ياخشىلىنىش ۋەزىيىتى بولسىمۇ، لېكىن يەنە مۇستەھكەم بولمىدى، يەنە سەل نازۇك تۇرىدۇ. ئىككى تەرەپتە تارىخىي مەسىلىلەرگە پىرىنسىپ جەھەتتىن ئورتاق تونۇشتا بولۇشىمىز، ئۇنىڭ ئۈستىگە سۆز – ھەرىكەتتە بىردەك بولۇشىمىز كېرەك. مەن يەنە كونا يولدا مېڭىشنى كۆرۈشنى خالىمايمەن.
   جۇڭگو – ياپونىيە – كورېيە مۇناسىۋىتى توغرىسىدا توختالغاندا، مەن كۆڭۈلگە خېلى ياقىدىغان مۇنداق بىر مەسىلىنى ئويلاپ قالدىم. يېقىندا كورېيە ماھىرىalphaGO ماشىنا ئادەم بىلەن قورشاۋ شاھمات مۇسابىقىسى ئۆتكۈزگەندە، ئۈچ دۆلەتتىكى ئىنتايىن كۆپ ئامما ئۇلارنىڭ مۇسابىقىسىگە خېلى دىققەت قىلغان، بۇ، ئۈچ دۆلەتنىڭ مەدەنىيىتىدە ئوخشاشلىقلار بارلىقىنى چۈشەندۈرۈپ بېرىدۇ. مەن مۇسابىقىدىكى ئۇتۇش – ئۇتتۇرۇش توغرىسىدا كۆپ باھا بەرمەيمەن، چۈنكى مەيلى نەتىجىسى قانداق بولسۇن، ماشىنا ئادەمنى بەرىبىر ئىنسانلار ياسىغان. جۇڭگو – ياپونىيە – كورېيە ياكى جۇڭگو بىلەن ياپونىيە خەلقىدە ئەقلىي ئىقتىدارلىق مەھسۇلاتلارنى ئىشلەپچىقىرىشنى ئىلگىرى سۈرۈش، پەن – تېخنىكا ھەمكارلىقىنى راۋاجلاندۇرۇش، كىشىلەرگە ئېھتىياجلىق بولغان يۇقىرى سۈپەتلىك مەھسۇلاتلارنى ئىشلەپچىقىرىش ئەقىل – پاراسىتى بولۇش كېرەك. ئۈنىڭ ئۈستىگە جۇڭگو – ياپونىيە – كورېيە ئىقتىسادى دۇنيا ئىقتىسادىنىڭ بەشتىن بىر قىسىمىنى، ئاسىيا ئىقتىسادنىڭ %70 نى ئىگىلەيدۇ، بىزنىڭ ئوتتۇرىمىزدىكى ئۆزئارا تولۇقلاشچانلىق ئىنتايىن كۈچلۈك، قول تۇتۇشۇپ تېخىمۇ كەڭ دۇنيا بازىرىنى ئاچقىلى بولىدۇ. رەھمەت.
   ئاچقۇچلۇق سۆز: بەش خىل سۇغۇرتا، بىر فوند
   ‹‹بەش خىل سۇغۇرتا، بىر فوند››نى تاپشۇرۇش نىسبىتى باسقۇچلۇق، مۇۋاپىق تۆۋەنلىتىلىدۇ
   مەركىزىي تېلېۋىزىيە ئىستانسىسىنىڭ مۇخبىرى: مەن مەركىزىي تېلېۋىزىيە ئىستانسىسى، مەركىزىي تېلېۋىزىيە ئىستانسىسى تورى، مەركىزىي تېلېۋىزىيە ئىستانسىسى ئابۇنىچىلار تېرمىنالىنىڭ مۇخبىرى. ھازىر جەمئىيەتتە ‹‹بەش خىل سۇغۇرتا، بىر فوند››نى تاپشۇرۇش نىسبىتىنى تۆۋەنلىتىش توغرىسىدىكى سادا خېلى مەركەزلىك بولۇۋاتىدۇ. مەسىلەن: بىر خىزمەتچىنىڭ مائاش جەدۋىلىدىكى بىر ئايلىق مائاشى 8000 يۈەن بولسا، ئۇنىڭ قولىغا تېگىدىغىنى 5000 يۈەنگە يەتمەيدۇ، قالغان 3000 يۈەن ‹‹بەش خىل سۇغۇرتا، بىر فوند››نى تاپشۇرۇشقا كېتىدىكەن. بۇنىڭدىن سىرت، ‹‹بەش خىل سۇغۇرتا، بىر فوند››كارخانىلارغا نىسبەتەنمۇ ئېغىر يۈك بولۇۋاتىدۇ، ئۇلار بېسىمنىڭ ئىنتايىن ئېغىر بولۇۋاتقانلىقىنى ھېس قىلىۋاتىدۇ، كارخانىلار بىلەن ئىشچىلار ئازراق تاپشۇرۇشنى ئۈمىد قىلىدۇ. لېكىن ئۇلار ئاز تاپشۇرسا، ئەسلى جىددىي بولۇۋاتقان ئىجتىمائىي سۇغۇرتا فوندىدا كىرىم – چىقىم تەڭپۇڭ بولماسلىق تېخىمۇ جىددىي بولۇپ كېتىدۇ. زۇڭلى، سىز جەمئىيەتتىن بولغان بۇ پىكىرلەرگە قانداق جاۋاب بېرىسىز؟ بۇنداق ئىككى تەرەپتىن قىيىن بولغان مەسىلە ھۆكۈمەتنىڭ بۇ يىلقى قارالمىلىرىغا كىرگۈزۈلدىمۇ – يوق؟ سىز بۇ مەسىلىنى قانداق كونكرېت ھەل قىلماقچى؟
   لى كېچياڭ: مەن ‹‹ئىككى يىغىن››غا قاتنىشىۋاتقان مەزگىلدە، بەزى ۋەكىللەر ۋە ئەزالارمۇ ‹‹بەش خىل سۇغۇرتا، بىر فوند››نى تاپشۇرۇش نىسبىتىنى مۇۋاپىق تەڭشەشنى ئويلىنىشنى ئوتتۇرىغا قويدى. پارتىيە مەركىزىي كومىتېتى، گوۋۇيۈەن بۇ مەسىلىگە يۈكسەك ئەھمىيەت بېرىدۇ. گوۋۇيۈەن بۇلتۇر ئىشتا يارىلىنىش، ئىشسىزلىق ۋە تۇغۇت سۇغۇرتىسىنى تاپشۇرۇش نىسبىتىنى ئەمەلىيەتتە تۆۋەنلەتتى.
   ‹‹بەش خىل سۇغۇرتا، بىر فوند›› دا ئومۇمىي جەھەتتىن يەنە مۇۋاپىق تەڭشەش بوشلۇقى بار، ئەلۋەتتە، جايلارنىڭ ئەھۋالى ئوخشاش ئەمەس. مەن باياتىن ئىجتىمائىي كاپالەت فوندى تولۇق دېدىم، دۆلەتنىڭ بىر تۇتاش بەلگىلىگەن رامكىسىدا، يەرلىككە تېخىمۇ كۆپ ئىگىدارلىق ھوقۇقى بېرىشكە بولىدۇ. ئۇلارنىڭ يەرلىكنىڭ ئەمەلىي ئەھۋالىغا ئاساسەن، ‹‹بەش خىل سۇغۇرتا، بىر فوند››نى تاپشۇرۇش نىسبىتىنى باسقۇچلۇق، مۇۋاپىق تۆۋەنلىتىشىگە بولىدۇ، بۇ ئىشنى قىلغىلى بولىدۇ. ئومۇملاشتۇرۇپ ئېيتقاندا، كارخانىلارنىڭ يۈكىنى كۆپرەك يەڭگىللىتىپ، ئىشچىلارنىڭ كۆپرەك نەق پۇل ئېلىشىغا شارائىت يارىتىپ بېرىش كېرەك .
   ئاچقۇچلۇق سۆز: يېزا ئىگىلىكى، يېزا ۋە دېھقانلار مەسىلىسى
   دۆلەت يېزا ئىگىلىكى، دېھقانلارنى يۆلەش سالمىقىنى تۆۋەنلەتمەيدۇ
   ‹‹دېھقانلار گېزىتى›› نىڭ مۇخبىرى: بۇلتۇر 9 – ئايدا كۆممىقوناق پىشاي دېگەندە، مەركەز كۆممىقوناقنى ۋاقىتلىق ساقلاش توغرىسىدا يېڭى باھا چىقاردى، باھاسى%20دىن كۆپ دېگۈدەك تۆۋەنلىتىلدى. يېزا ئىگىلىكىنىڭ قۇرۇلمىلىق تەڭشىلىشىمۇ ھازىرقى تەمىنلەش ئىسلاھاتىنىڭ ئومۇمىي يۆنىلىشى، شۇنداقلا مۇقەررەر تەلىپى بولسىمۇ، لېكىن دېھقانلار ھەقىقەتەن ئېغىر زىيان تارتتى. زۇڭلى، سىز بۇ ئىشقا قانداق قارايسىز؟ بۇ يىل ئاشلىق ئىشلەپچىقىرىشقا ياردەم پۇل بېرىش، يېزا ئىگىلىك مەھسۇلاتلىرىنىڭ باھاسىدا تېخىمۇ ياخشى سىياسەتلەر بولامدۇ – يوق؟
   لى كېچياڭ: سىز بىز ھەممىمىز ئىنتايىن كۆڭۈل بۆلۈۋاتقان ۋە ئەھمىيەت بېرىۋاتقان چوڭ مەسىلىنى سورىدىڭىز، لېكىن ۋاقىت مۇناسىۋىتى بىلەن قىسقا جاۋاب بېرەي. ھازىر ئاساسلىق دانلىق زىرائەتلەرنى، مەسىلەن: كۆممىقوناق، بۇغداي، گۈرۈچنىڭ دۆلەت ئىچىدىكى باھاسىنى خەلقئارا بازىرىغا سېلىشتۇرغاندا، ھەر توننىسىدىن 600 نەچچە يۈەن ئېشىپ كېتىدۇ. بۇ ئاساسلىقى ئىشلەپچىقىرىش ئۈنۈمدارلىقىمىزنىڭ خېلى تۆۋەنلىكىدىن بولغان. كېيىنكى قەدەمدە بىز يەنە يېڭىچە شەھەر – بازارلاشتۇرۇش ۋە يېزا ئىگىلىكىنى زامانىۋىلاشتۇرۇشنى ماس تەرەققىي قىلدۇرۇشنى ئىلگىرى سۈرۈپ، تېخىمۇ كۆپ دېھقاننى شەھەرلەرگە كىرگۈزىمىز، شارائىتى بارلار شەھەرلەردە تۇرۇپ قالىدۇ، مۇشۇنداق قىلغاندا دېھقانلارنىڭ كىرىمىنى كۆپ خىل يوللار ئارقىلىق ئاشۇرغىلى بولىدۇ. شۇنىڭ بىلەن بىللە، كۆپ خىل شەكىلدىكى مۇۋاپىق كۆلەملىك ئىگىلىكنى ئىلگىرى سۈرۈپ، دېھقانلارنىڭ ئىشلەپچىقىرىش ئۈنۈمدارلىقىنى ئۆستۈرگىلى، يېزا ئىگىلىك مەھسۇلاتلىرىنىڭ رىقابەت كۈچىنى تېخىمۇ ئاشۇرغىلى بولىدۇ. يېزا ئىگىلىكى ئىزچىل ئاجىز كەسىپ بولۇۋاتىدۇ، ئەلۋەتتە، دۆلەتنىڭ يېزا ئىگىلىكىنى يۆلەش سالمىقىدا ئازىيىش بولمايدۇ، دېھقانلارغا ياردەم بېرىش سالمىقىدىمۇ ئازىيىش بولمايدۇ. جۇڭگو مەسىلىسىنىڭ ئاخىرى ھەل بولۇشى يەنىلا دېھقانلار مەسىلىسىنى تۈپتىن ھەل قىلىپ، ئۇلارنى باياشات، زامانىۋى تۇرمۇشقا ئېرىشتۈرۈشتىن ئىبارەت.
   بىز يېزا ئىگىلىكى، يېزا ۋە دېھقانلار مەسىلىسىگە باشتىن – ئاخىر يۈكسەك ئەھمىيەت بېرىمىز، ئىشچىلارنىڭ قانۇنلۇق ھوقۇق – مەنپەئىتىنى قوغداش قاتارلىق مەسىلىلەرگىمۇ يۈكسەك ئەھمىيەت بېرىمىز. 