نېفىت باھاسىنىڭ قاڭقىش دەرىجىسى كىشىنى ھەيران قالدۇرىدۇ، ۋال كوچىسى رۇسىيە رۇبلىسىغا كۈچەپ ئۆسۈش سودىسى قىلىۋاتىدۇ
داڭلىق مالىيە-ئىقتىساد تور بېكىتى Business Insiderتۈنۈگۈنكى ماقالىسىدە كۆرسىتىشىچە، ۋال كوچىسى رۇسىيە رۇبلىسىغا كۈچەپ ئۆسۈش سودىسى قىلىۋاتىدۇ. رۇسىيە رۇبلىسىنىڭ ئۆتۈپ كەتكەن بىرنەچچە ئاي ئىچىدىكى ئىپادىسى ئالاھىدە ياخشى، نېفىت باھاسى قاڭقىغاندىن بۇيانقى ئىپادىسى ئالاھىدە ياخشى پۇللارنىڭ بىرى ھېسابلىنىدۇ.
1- ئاينىڭ ئوتتۇرىدىن بۇيان، بۇللارد نېفىتىنىڭ باھاسى تەخمىنەن %75 ئۆرلىدى، ئوخشاش مەزگىلدە RUBUSDمۇ %20 ئۆرلىدى. Deutscheبانكىسى تاشقى پېرېۋوت گۇرۇپپىسىنىڭ قارىشىچە، رۇسىيە رۇبلىسىنىڭ يەنىمۇ ئۆرلەش بوشلۇقى بار. گېرمانىيە بانكىسى ئانالىزچىسى Gautam Kalaniئەڭ يېڭى بىر پارچە تەتقىقات دوكلاتىدا كۆرسىتىشىچە:"نېفىت باھاسىنىڭ مۇقىملىقى تېخىمۇ كۆپ كاپىتالنىڭ ئېقىپ كىرىشىنى جەلپ قىلىدۇ، ھەم دىققەت نۇقتىسى ياخشىلىنىۋاتقان ماكرو ئاساسىي يۈزگە يۆتكىلىدۇ، شۇڭا بىز رۇبلىنىڭ باشقا ئاساسىي پۇل گۇرۇپپىلىرىغا ئۆسۈش سودىسى قىلىش تەكلىپىنى بېرىمىز(ۋەزىن تەقسىماتى ئامېرىكا دوللىرىغا %55 ياۋروغا %44)" گېرمانىيە بانكىسى ئانالىزچىلار گۇرۇپپىسى يەنە: "ئىقتىساد ئۆسۈشى ۋە ھەرىكەت كۆرسەتمىسى ياخشىلىنىۋاتىدۇ، دائىملىق ھېسابات پايدا باسقۇچىدا، تاشقى پېرېۋوت زاپىسى يېتەرلىك كۆپ، پۇل پاخاللىقى ئاستىلاۋاتىدۇ، رۇسىيە مەركىزىي بانكىسى يەنىلا بۈركۈت مەزھىپىگە قارشى." "يېقىندىن بۇيان رۇسىيە رۇبلىسىنىڭ سودا يۆنىلىشى بۇللارد نېفىتى بىلەن زىچ باغلىنىشلىق. ھەر قېتىم نېفىت باھاسى ئۆرلىگەندە، رۇبلىدىمۇ ئۆسۈش كۆرۈلۈۋاتىدۇ، ئەكسىچە بولغاندىمۇ شۇنداق." دەپ كۆرسەتتى.
لېكىن Kalaniمۇنداق قارايدۇ: گەرچە نېفىت داۋاملىق ئۆسەلمىسىمۇ، لېكىن رۇبلىنىڭ يەنىمۇ ئۆسۈش بوشلۇقى بار. Kalaniدوكلاتىدا مۇنۇلارنى بىلدۈردى:
يېڭىدىن گۈللەنگەن بازاردىكى پۇللارنىڭ ئىچىدە، رۇبلى بىلەن نېفىت باھاسىنىڭ باغلىنىشى ئەڭ يۇقىرى، شۇڭا ئەگەر نېفىت يەنىمۇ ئۆرلىسە، رۇبلىنىڭ پايدىسىمۇ ئۆرلەيدۇ. نېفىت باھاسى كۆرۈنەرلىك ئۆرلىمىسىمۇ پەقەت نۆۋەتتىكى دائىرىدە مۇقىم ساقلانسىلا، نېفىت باھاسىغا تەسىر قىلىدىغان مۆلچەرلەر تۆۋەنلىشى مۇمكىن. بۇ چاغدا رۇبلى داۋاملىق كاپىتال ئېقىپ كىرىشىنى جەلپ قىلىدۇ، شۇنىڭ بىلەن بىللە دىققەت نۇقتا ماكرو ئاساسىي يۈزگە يۆتكىلىدۇ. ئۇنىڭدىن باشقا، 3- ئايدىن بۇيان، نېفىت باھاسى ئۆرلىشى سەۋەبلىك بىياۋپۇر 500 كۆرسەتكۈچى چۈشۈپ كەتتى، رۇبلىنىڭ ئىپادىسى يېڭىدىن گۈللەنگەن بازاردىكى پۇللاردىن ئېشىپ كەتتى؛ شۇنىڭ بىلە بىللە بۇ خىل ئەھۋالنى داۋاملىشىدۇ دەپ قارايمىز، چۈنكى نېفىت باھاسى ئاللىبۇرۇن بىياۋپۇر 500 كۆرسەتكۈچى دائىرىسىدىن ئېشىپ كەتتى (شۇنىڭدەك رۇبلىمۇ ئومۇميۈزلۈك يېڭىدىن گۈللەنگەن پۇللارنىڭ سودا يۆنىلىشىدىن ئېشىپ كەتتى).
دىققەت قىلىشقا تېگىشلىكى، Deutscheبانكىسى بىردىنبىر رۇبلىنىڭ ئۆسۈش سودىسىنى قىلىۋاتقان ئورگان ئەمەس. PointState Capitaنىڭ باش ئىجرائىيە ئەمەلدارى Zach Schreiberمەبلەغ سالغۇچىلار يىغىنى Sohn Investment Conferenceدا رۇبلىنىڭ ئۆسۈش سودىسىنى قىلىۋاتقانلىقىنى جاكارلىدى. Schreiberئىككى يىل ئىلگىرى يەنە نېفىتنىڭ چۈشۈش سودىسىنى قىلىپ 1 مىليارد پايدا تاپقان. ئۇنىڭدىن باشقا، Boolbergمۇخبىرى Elena Popinaنىڭ كۆرسىتىشىچە، يەرشارىدىكى ھەرقايسى فونىت دىرېكتورلىرى ئىزچىل رۈبلى مۈلكىنى سېتىۋېلىۋاتىدۇ. FX168 تورى خەۋىرى، بايكۈچ تەرجىمىسى
|