مائارىپىمىز توغرىسىدا ئويلىغانلىرىم (2)

targhaq

مائارىپىمىز توغرىسىدا ئويلىغانلىرىم (2)

بۇ تېمىنىڭ بىرىنچى قىسىمىدا مائارىپىمىزدىكى تاييارغا ھەييار بولىدىغان نوقتىلىق سىنىپ، نوقتىلىق مەكتەپ ھىلىسىنى بىلەن رەھبىرى ئۇرۇندىكى بىر قىسىم كىشىلەرنىڭ ئۆزىگە سىياسى دەسمايە توپلاش ئۈچۈن مەكتەپنى قالايمىقان قىلۋاتقانلىقى توغرىسىدا توختالغان ئىدىم. ئۇقۇپ باقمىغانلار تۆۋەندىكى ئۇلىنىشنى چىكىپ ئوقۇپ باقسا بولىدۇ.
./thread-52875-1-1.html

تۆۋەندە بۇ تېمىنىڭ داۋامى توغرىلىق ئۆزەمنىڭ ھىس قىلغانلىرىنى داۋاملىق تورداشلارغا سۇنىمەن.

ئۈچىنچى،  ئوقۇغۇچىلارنىڭ ئەخلاقى ساپاسى زىيادە تۆۋەنلەپ كەتكەن.
مىنىڭ بۇنداق دىيىشىمدە مۇنداق ئىككى سەۋەپ بار. بىرىنچىسى، بىز ئۇقۇۋاتقان چاغلىرىمىزدا كۆپ قىسىم ئۇقۇغۇچىلار مۇئەللىمنى ھۆرمەت قىلاتتۇق ۋە ئەيمىنەتتۇق. . بىراق قاراپ باقساق ھازىر دەل ئەكسىچە ئەھۋال يۈز بەرمەكتە. يەنى مۇئەللىمنى ھۆرمەت قىلىدىغان ، مۇئەللىمدىن ئەيمىنىدىغان ئوقۇغۇچىلار ئاز سانلىققا، مۇئەللىمنى چوڭ بىلمەيدىغانلىقىنى ئاشكارا ياكى يېرىم ئاشكارا ھالدا قورقماي تۇرۇپ دەيدىغانلار ياكى دىمىسىمۇ كۆڭلىدىكىنى سۆز ھەرىكەت بىلەن ئىپادىلەيدىغانلار كۆپ سانلىقنى ئىگەللىگەن. ئوقۇتقۇچى بىلەن تەڭ تۇرالايدىغان يۈرەكلىك بالىلارنىڭ سانى ھازىر ساماندەك. ھەتتا قىسمەن ئۇقۇغۇچىلاردا ئوقۇتقۇچىنى مەلۇم ئاتالمىش يوللۇق سەۋەپ بىلەن قاتتىق ھاقارەت قىلىدىغان، ئۇلارنى بولۇپمۇ ئايال ئوقۇتقۇچىلارغا مۇش پەشۋا بىلەن ئەدەپلەيدىغان ، ئۇلارنى قورقۇتالايدىغان يىگىت بېشى سۈپەت ئوقۇغۇچىلارمۇ چىقىۋاتىدۇ.
مىنىڭ ئوقۇغۇچىلارنىڭ ئەخلاق ساپاسى تۆۋەنلەپ كەتتى دىيىشىمدىكى يەنە بىر سەۋەپ ئىچكىرىدىكى بەزى مەكتەپلەردىكى ئوقۇغۇچىلارنىڭ ئوقۇغۇچى بىلەن ئوقۇتقۇچى مۇناىسىۋىتى، ئوقۇغۇچى بىلەن ئوقۇغۇچى مۇناسىۋىتى ، سالام سائەت، ئۇگۈنۈش قىزغىنلىقى... قاتارلىق نۇرغۇن ئەھۋالللىرى بىلەن سېلىشتۇرغاندا بىزدىكى ساپا بىلەن ئۇلاردىكى ساپانى راستىنلا ئادەم بىلەن مايمۇننىڭ پەرقىدەك دەپ تەسۋىرلەپ ئانچە بەك ئېشىپ كەتمىسە كېرەك.
ئەجەبا شۇ ئوقۇغۇچىلار بىلىم بەرگەن ئۇقۇتقۇچىنى ھۆرمەت قىلمىسا، ئۇلاردىن ئەيمەنمىسە ئۇلار قانداقمۇ بىلىمنى، بىلىملىكنى ھۆرمەت قىلسۇن؟ قانداقمۇ ئەخلاققا، ھەققانىيەتكە، باشقشىلارنىڭ غۇرۇغىغا، مەنپەئەتىگە چىقىلىشتىن ئەيمىنىدىغان ھەققانى كىشى بولالىسۇن؟ ئۇلار ئارىسىدىكى  بەزى گەپ سۆزلەرنىڭ ئەخلاقسىز ۋە قوپاللىقى، ئۇرۇش جىدەل، مەنمەنلىك، نىشانسىزلىق، ھورۇنلۇق، قېلىنلىق ئالدىدا بەزى ئوقۇتقۇچىلار ھەقىقەتەن گاڭگىراپ قېلىۋاتىدۇ ۋە ئوقۇتقۇچىلىقتىنلا ئەمەس بۇ مىللەتنىڭ ئىستىقبالىدىن ئۈمۈدسىزلىنىۋاتىدۇ. چۈنكى ئوقۇتقۇچىنى ، مائارىپنى ھۆرمەت قىلىشنى، قەدىرلەشنى، مىننەتدارلىق بىلدۇرۈشنى  ئۈگۈتەلمىگەن مىللەتنىڭ بالىلىرىدا نىمە كەلگۈسى بولسۇن؟ بۇنداق مىللەتنىڭ يەنە قانداق كەلگۈسى بولسۇن؟...
بەلكىم بۇ بىز ئوقۇغان زامان بىلەن ھازىرقى زاماننىڭ ئوخشىماسلىقى سەۋەبىدىن كىلىپ چىققان ئەھۋاللاردۇر. بىراق نەزەرىمىزنى يىراقلارغا ئاغدۇرۇپ باشقىلار بىلەن سېلىشتۇرساقلار بىزدىكى مائارىپقا تۇتقان پوزىتسىيە، ئاتا-ئانىلاردىكى ساپانىڭ ئاساسەن يوق ھىساۋىدا ئىكەنلىكىنى بايقايمىز. شۇنداقلا بۇنداق قاخشاشلار بىلەن بۇ خىل ئەھۋالنى ئۆزگەرتكىلى بولمايدىغانلىغىنى ئۈمۈدسىزلىق ئىچىدە بايقايمىز. مانا بۇ كۆپ قىسىم ئۇقۇتقۇچىلارنىڭ بەزى ئىشلارنى كۆرسىمۇ كۆرمەسكە، بىلسىمۇ بىلمەسكە سېلىپ يۈرشىنىڭ سەۋەبى بولىشىمۇ مۈمكىن.
مىنىڭ بۇ قارىشىمنى ئىنكار قىلىدىغانلارنىڭ چىقىشى مۈتلەق. بىراق مىنىڭ بۇ يەردە تىلغا ئالغان ئەھۋاللارنىڭ كۆپ قىسىم ئۇقۇغۇچىلاردا بار ئالاھىدىلىك ئىكەنلىكىنى  ئۇنتۇپ قالماسلىقىنى ، بىر قىسىم ياخشى ئۇقۇغۇچىلارنىڭ يەنىلا بار ئىكەنلىكىنى ئۇنتۇپ قالماسلىقىنىمۇ قۇشۇمچە ئەسكەرتىشنى لايىق تاپتىم.


داۋامى كىيىنكى قىسىمدا يوللىنىدۇ.

cooloff

بۇنداق قاقشاشلار ھېلىھەم 10 نەچچە يىل داۋاملىشىۋاتىدۇ....بۇنداق قۇرۇق ئويلاۋەرمەي. ئۆزىمىز بولسىمۇ تىرىشىلى....ھاجىم !

kuy2015

بەزى ئوقۇغۇچىلار ھەقىقەتەن ئوقۇتقۇچىلارنى ھۆرمەتلىمەيدۇ ، بۇ ئۇلارنىڭ ئائىلە تەربىيىسى بىلەن مۇناسىۋەتلىك بولۇشى مۇمكىن . ئەمما يەنە بەزى ئوقۇتقۇچىلار ئۆزىنىڭ ھۆزمەتلىنىشكە تىگىشلىك ئادەملىكىگە ئىشەنمەيدىغاندەك ھەرىكەتلەر بىلەن شۇغۇللىنىدۇ . يېڭى ئوقۇغۇچىلار كونا تەپەككۇرى بويىچە مۇئامىلە قىلىدۇ . بۇلارمۇ دەل ئائىلە تەربىيىسى كەم ئوقۇتقۇچىلاردۇر ، ئۇيغۇرلار ئىلمىيلىككە ئىگە ئائىلە تەربىيىسىگە مۇھتاج ، 5ياشتىن 7ياشقىچە بولغان دەۋىر بالىلارغا ئەخلاق تەربىيەسى بىرىدىغان مۇھىم ۋاقىت لىكىن بۇ ۋاقىت ئوقۇتقۇچىلارنىڭ ئەمەس ، ئىجتىمائىي مۇھىت ۋە ئائىلىنىڭ تەسىرىگە ئەڭ چوڭ ئۇچرايدىغان ۋاقىت .

walijanjappar

ياخشى

albax

ھەممەيلەن ئۇستاز ئاتىدىن ئارتۇق دەپ قارىغاندىلا نۇرغۇن ئىش ئوڭشىلىدۇ .

armaning

بەزى ئوقۇغۇچىلار ھەقىقەتەن ئوقۇتقۇچىلارنى ھۆرمەتلىمەيدۇ ، بۇ ئۇلارنىڭ ئائىلە تەربىيىسى بىلەن مۇناسىۋەتلىك بولۇشى مۇمكىن . ئەمما يەنە بەزى ئوقۇتقۇچىلار ئۆزىنىڭ ھۆزمەتلىنىشكە تىگىشلىك ئادەملىكىگە ئىشەنمەيدىغاندەك ھەرىكەتلەر بىلەن شۇغۇللىنىدۇ . يېڭى ئوقۇغۇچىلارغا كونا تەپەككۇرى بويىچە مۇئامىلە قىلىدۇ . بۇلارمۇ دەل ئائىلە تەربىيىسى كەم ئوقۇتقۇچىلاردۇر ، ئۇيغۇرلار ئىلمىيلىككە ئىگە ئائىلە تەربىيىسىگە مۇھتاج ، 5ياشتىن 7ياشقىچە بولغان دەۋىر بالىلارغا ئەخلاق تەربىيەسى بىرىدىغان مۇھىم ۋاقىت لىكىن بۇ ۋاقىت ئوقۇتقۇچىلارنىڭ ئەمەس ، ئىجتىمائىي مۇھىت ۋە ئائىلىنىڭ تەسىرىگە ئەڭ چوڭ ئۇچرايدىغان ۋاقىت . ئاقىلانە ئائىلە چوقۇم كۆپ سانلىقنى ئىگەللىشى كىرەك!!!

manmanqi

دوت ئاتا-ئانا بۇلىدۇ ،دوت پەرزەنت بولمايدۇ.بەزى ئاتا-ئانىلا بالا تېپىشنى بىلگەن بىلەن بالىلىرغا ئەدەپ -ئەخلاقنى ئوگەتمەيدۇ،قورسىقىنى تويغۇزۇپ  مەكتەپكىلا ئىتتىرىپ قۇيدۇ،،،،،،،،،،،شۇنىڭغا ئوخشاش  دوت ئوقۇغچى بولمايدۇ، جان بېقىشنى مەخسەت قىلغان ئاز ساندىكى دوت ئوقۇتقۇچىلارمۇ يوق ئەمەس،پەقەت مائاشىنى ئالسا ئاي توششسا ،يىل توشسا تومۇر تاۋىقىم چېقىلمىسا دەيدىغان،بۇنداق ئوقۇتقۇچى قانچىلىك بالا تەربىيلىمەكچى،،،،،،كىچىگىمدىن ئوقۇغان مەكتەپتە ئوقۇغچىسغا يامان نىيەتتە بۇلۇپ ھەيدەلگەن ئوقۇتقۇچىمۇ بار،ھازىرغىچە مەكتەپ مۇدىرىنىڭ ھىمايىسدە لالما ئىتتەك يۇزىنى داپتەك قىلىپ مەن ئوقۇتقۇچى دەپ يۇردىغان ئىشەكمۇ بار،

bulak67

ئەخلاق جەھەتتىن بىر قىسىم ئوقۇغۇچىلارنىڭ بۇزۇلۇپ كىتىۋاتقانلىغى راست،بىراق ئوقۇتقۇچى بولغۇچىمۇ بۇ تەرەپتىكى مەسلىنىڭ بىر قىسمىنى ئۈستىگە ئېلىشى كىرەك.