قولاي تىزىملىك
كۆرۈش: 2649|ئىنكاس: 14

ئانا تىلنى قوغداش كۈنى شەرىپىگە بىر سوۋغا(سەبىر)

[ئۇلانما كۆچۈرۈش]

بىلگەنلەر بىلەن

25

تېما

5

دوست

7847

جۇغلانما

تەكلىپلىك ئەزا

ئۆسۈش   100%

ئەزا ئۇچۇرى
تىزىم نۇمۇرى:  3266
يازما سانى: 320
نادىر تېمىسى: 2
مۇنبەر پۇلى: 1893
تۆھپە : 1116
توردىكى ۋاقتى: 698
سائەت
ئاخىرقى: 2014-2-1
يوللىغان ۋاقتى 2012-2-21 18:22:10 |ھەممە قەۋەتنى كۆرۈش
abida

باغداش مۇنبىرىدىكى ئەزىزلەر، سالام سىلەرگە! ھەممىڭلارنىڭ «21-فېۋرال دۇنيا ئانا تىلنى قوغداش»كۈنۈڭلارغا مۇبارەك بولغاي! مەن بۇ نەسىرنى 2009-يىلى مەكتىپىمىزدە ئۆتكۈزۈلگەن«خەلقئارا ئانا تىل كۈنىنى خاتىرىلەش نوتۇق سۆزلەش پائالىيىتى» ئۈچۈن تەييارلاپ ئوقۇغان ئىدىم. بۈگۈنكى بۇ قۇتلۇق كۈندە بۇ يازمامنى سىلەر بىلەن ئورتاقلىشىش قارارىغا كەلدىم. بەھىرلەنگەيسىلەر!






ئانا تىل

نەسىر

«ئانا» نىمە دېگەن گۈزەل ئىبارە-ھە بۇ ؟! بۇ سۆز ھەر قېتىم تىلغا ئېلىنغىنىدا،ئادەم ئاتا ئەۋلادى بولمىش بىزنىڭ ھاياجاندىن پۈتكۈل ۋۇجۇدىمىز تىترەيدۇ. بۇسۆزنىڭ پاساھىتىگە تەڭداش يەنە بىر گۈزەل ئىبارە ئۇچراتقىنىم ھەم ئىسىمدە يوق.چۈنكى ،ئانا باغرى پەرزەنت ئۈچۈن مەڭگۈ ئادرېسى ئۆزگەرمەيدىغان جەننەت.  شۇ سەۋەب،  پۈتكۈل جاھان مىقياسىدىكى، ئىنسانغا ئەڭ يېقىشلىق، سۆيۈملۈك، ئىزگۈ شەيئىلەر «ئانا» سۆزى بىلەن سۈپەتلىنىپ كەلگەن. مىسالى بولغان «ئانا ۋەتەن » ، «ئانا يۇرت»، «ئانا دەريا»، «ئانا تۇپراق» ...«ئانا تىل». ۋاي-ۋۇي، ساناپ كەلسەك بوۋامنىڭ يېشىمۇ يىتىشمەس  بۇلارنى ساناشقا دەيمەن...

بۇلارنىڭ قايسى بىرى ئىنسان ئۈچۈن قەدىرلىك ئەمەس؟!  بۇلار ئىچىدە ئانا تىل، سىنىڭ ئادەملىكىڭنىڭ مۇھىم بەلگىلىرىدىن بىرى. ئانا تىل سىنىڭ قېنىڭ ۋە جېنىڭغا ئوخشاش. تەپەككۇرۇڭ ئانا تىلىڭ بىلەن يۇغۇرۇلغان.  ئۇ قەدىرلىك تىل. چۈنكى، ئۇئانىمىزنىڭ تىلى ،ئانىمىز ئۆگەتكەن  تىل.  ئانىمىز دۇنيادىكى بارچە ئانىلاردەك سۆيۈملۈك،ھۆرمەتلىك بولغىنىدەك،  ئانا تىلىمىزمۇ ھەم سۆيۈملۈك ۋە قىممەتلىكتۇر!

ئانا تىلىمىز، سەن ،ئۇ ،ۋە مەن مۇشۇ زىمىنغا تۆرەلگەندىن تارتىپ تاكى ياراتقۇچىنىڭ دەرگاھىغا سەپەر قىلغۇچە بولغان ئارىلىقتا بىزگەھەمراھتۇر .

يورۇق دۇنياغا كۆز ئېچىپ ئىڭەلەپ يىغلىغىنىمىزدا، تۇنجى بولۇپ ئاڭلىغىنىمىز ئانىمىزنىڭ بەزلىشى ئىدى،  ئانا تىلىمىز ــ ئۇيغۇر تىلىدا.  سىز ئاشۇ يېقىملىق ناخشا ـــ ئەللەي ناخشىسىنى ئاڭلىماستىنمۇ ئۇخلامتىڭىز ؟!

ئۆسمۈرلىكىمىزدە دۇنيادىكى ئاجايىب -غارايىب شەيئىلەرنى، «يۈزمىڭلىغان نىمەئۈچۈن» لەرنى سوراپ يۈرۈپ ئانىمىزدىن بىلگەن ئىدۇق،  يەنە شۇ ئاناتىلىمىز ــ  ئۇيغۇر تىلىمىزدا.

تۇنجى بولۇپ جاھاندىكى شەيئىلەرنىڭ نامىنى بىلگەن ئىدۇق،  ئانا تىلىمىز ــ  ئۇيغۇر تىلىمىزدا ، تۇنجى بولۇپ ئۆگەنگەن ئىدۇق سۆز قىلىشنى، ئانا تىلىمىز-  ئۇيغۇر تىلىمىزدا. ئۆزىمىزگە كىرەكلىكنى بىلدۈرۈشنى ئۆگەنگەن ، ئىدۇق ئانا-تىلىمىز  ئۇيغۇر تىلىمىزدا.

تۇنجى بولۇپ بىلگەن ئىدۇق، ئاغرىق- زارىمىزنى ئىپادىلەشنى. ئانا تىلىمىزـــ ئۇيغۇر تىلىدا.  بىزنىڭ ھاياتلىق ئىمكانىيەتلىرىدىن بەھىرلىنىشىمىز باشلانغان ئىدى،  ئەنە شۇ  ئانا تىلىمىز – ئۇيغۇر تىلىدا.

يەتتە ياشقا كىردۇق.  مانا ئەمدىلىكتە بىزنىڭ بىلىمگە تەشنا قەلبىمىزنى ئانىمىزنىڭ جاۋابلىرىمۇ قاندۇرالمىدى. ئۇ بىزنى قولىمىزدىن يىتەكلەپ مەكتەپكە، يېڭى بىلىملەرنىڭ كانى ـــ مەكتەپكە ئېلىپ باردى -دە،  بىزنى يەنە بىر ئانىمىزبولغان ــــ مۇئەللىم، مۇئەللىمەلىرىمىزگە تاپشۇرۇپ بەردى.

«ئا » دەپ ئۈنلۈك ئوقۇيتتى مۇئەللىم. بىزئىختىيارسىز ئۇنىڭغا ئەگەشتۇق ۋە مۇئەللىمنىڭ ئوقۇغىنىنى تەكرارلىدۇق. ئارقىدىنلامۇئەللىم بىزدىن سورىدى « بالىلىرىم بىز ئۆگەنگەن (ئا)  تاۋۇشى ئاقىل ، ئانار ، ئاق...دېگەندەك سۆزلەردە كېلىدۇ. ئەمدى سىلەر دەپ بېقىڭلار ،(ئا) تاۋۇشى يەنە قايسى سۆزدە ئۇچرايدۇ؟ » مۇئەللىم دەل بىزنىڭ «ئانا» دېگەن سۆزنى ئېيتىشىمىزنى كۈتكەن ئىدى . مۇئەللىمنىڭ سوئالىنى ئاڭلىغان بىز دەرھاللا، تاپتۇق ،تاپتۇق ، سىز دېگەن «ئا» تاۋۇشى «ئانا»سۆزىدە ئۇچرايدۇ مۇئەللىم دېيىشىپ چۈچۈك تىلىمىز بىلەن چۇرقىراشقان،  مۇئەللىم بولسا كۆزلىرىگە ھاياجان ياشلىرىنى ئېلىپ،  ئۆزى تەربىيەلىگەن بۇ ياش نوتىلارنىڭ ئەقلىدىن سۆيۈنگەن ئىدى. بىز تۇنجى بولۇپ ئەقىلگە ئېرىشكەن ئىدۇق ئانا تىلىمىز ــ ئۇيغۇر تىلىدا .  ھەي ئاشۇ چاغلار ...

بىز ، ئاتا-ئانىمىز ۋە ئاشۇلاردەك كۆيۈمچان ئۇستازلىرىمىزنىڭ مېھىر بىلەن تەربىيەلىشى ئارقىسىدا ئاستا-ئاستا چوڭ بولدۇق.  ياشلىقنىڭ سېھىرلىك قۇچىقىدا ئەللەيلىنىشكە باشلىدۇق . تۇنجى بولۇپ گۈزەللىكنى سەزدۇق،ئاناتىلىمىزــ ئۇيغۇر تىلىمىزدا. تۇنجى بولۇپ سۆيۈشنى ،سۆيۈلۈشنى يەنى سۆيگۈنى تۇيدۇق،ئانا تىلىمىز – ئۇيغۇر تىلىدا  .

تۇنجى سۆيگۈ مەكتۇبىنىمۇ پۈتكەن ئىدۇق ئەنەئاشۇ  ئانا تىلىمىز ـــ ئۇيغۇر تىلىدا .

قۇرۇپ چىقتۇق پۈتكۈل روھىمىزنى ئەنە ئاشۇ ئانا تىلىمىز- ئۇيغۇر تىلىمىزدا . بۇ تىلسىز كۆرىدىغىنىمىز پۈتكۈل دۇنيانىڭ گۇمرانلىقىدىن ئۆزگىسى ئەمەس ...

ياشلىق گۈللىرىنى پۇراپ قانمىغان سىز ھەم مەن ۋە بەلكىم بولارمىز بىر كۈنى ئاتا –ئانىمىزدەك ئاتا-ھەم ئانا. بىزمۇ ئۆگىتەرمىز بالىلىرىمىزغا جاھان قانۇنىيەتلىرىنى، ئانا تىلىمىز –ئۇيغۇرتىلىدا.

ھاياتلىق ـــ ئۇ تەكرارلىنىدۇ . بۇ جاھاندا ۋاپا كەم، بىزمۇكىتەرمىز بوۋا ، مومىلار ماڭغان يولنى بويلاپ باقىي ئالەمگە،  يېشىمىز ئۇلغايغان بىر كۈنى.  ئەنە شۇ كۈن ھازا ئېچىپ يىغلايدۇ يېقىن يورۇقلار، بىزگە قىيالماي،  ئانا تىلىمىز ــ ئۇيغۇر تىلىمىزدا .

ياخشى بولسىڭىز تەرىپىڭىزبولار، كەتسىڭىزمۇ ۋە ياكىغەيۋىتىڭىزنى قىلار ئۆزگىلەر ئارقىڭىزدىن.  يەنە شۇ  ئانا تىلىمىزــ ئۇيغۇر تىلىمىزدا...

«ۋەتەن سۆيگۈسى ئىماندىن كېلىدۇ» دەپتىكەن بىرلىرى، مەن دەيمەنكى

«ئانا تىل سۆيگۈسى ۋەتەن سۆيگۈسىدىن ھېچ بىر كەم ئەمەس ، ئانا تىلىم مەن ئۈچۈن روھىي ۋەتەن. شۇ شاراپەتتىن ئىشەنچلىك ئېيتىمەنكى ‹ ئانا تىل سۆيگۈسى ھەم ئىمان جۈملىسىدىندۇر ›».

« ئۆزگە ئەلدە شاھى تون ئىچرەقورۇنغان تەنلىرىم ،

ئۆز ئېلىمدە يايرىغاي كەيسەم كۇلاھۇ جەندىمەن . »

دەپ يازغان ئىكەن سۆيۈملۈكشائىرىمىز تىيپچان ئاكىمىز  ۋەتەن شەنىگە غەزەل يېزىپ . كەمىنە مانا مۇنداق يازدى .

« ئۆزگە تىلدا تۇتۇلۇپ بىچارەبولغان بۇ تىلىم

ئۆز تىلىمدا سايرىغاي بۇلبۇل كەبى خەندان ئۇرۇپ »

ئېھ ، ئانا تىلىم!  مەن سەندىن ئەركىنلىك ئىشتتىم. مەن سىنىڭ پەرۋانەڭمەن. سەن مىنىڭ روھىمدا ، جىسمىمدا، قان-قېنىمدا مەۋجۇتسەن.  شۇ سەۋەب،  دېڭىز كەبى كىتىۋاتقان ئادەملەر ئارىسىدا ، قايسى بىر قېرىندىشىمنىڭ سەن بىلەنقىلغان بىر ئىككى كەلىمە سۆزىنى ئاڭلىساملا شۇ ھامان دىققىتىم سەن تەرەپكە ئاغىدۇ .  سىنىڭ سېھرىڭ ،سىنىڭ مېھرىڭ مىنى ئۆزىگە ماگىنىتتەك تارتىدۇ. شۇ دەمدە جېنىم ئابىھايات  ئىچكەن كەبى ياشىرىدۇ.

«مۇساپىر بولمىغۇچە مۇسۇلمان بولماس» دەپتىكەن بوۋىلار. گۆدەكلىكىمدە ، شەۋقىي بوۋامنىڭ ساڭا ئاتاپ يازغان ئۆلمەس قەسىدىلىرىنى چۈشەنمىگەنىكەنمەن. مانا ئەمدى ، مانا ئەمدى مەنمۇ  ئىلىم ئېلىش سەپىرىدە مۇساپىرچىلىقنىڭ تەمىنى تېتىغاندىن كېيىن ئاشۇ ھۆرمەتلىك بوۋىمىزنىڭ نىمە ئۈچۈن سېنى كۈيلەپ شۇنچە تىرەن پىكىرلىك ئۈنچىلەرنى تىزغانلىقىنىڭ تېگىگە يەتكەندەك بولدۇم ...

توغرا، ئانا تىل،  ئۇ ئىززەت -ھۆرمەتكە لايىق تىل.  ئامرىكىدا ۋە يائا فرىقىدا بولسىمۇ شۇ تىل ساھىبلىرىدىن ئالتۇنغا تېگىشىشكە ھەقلىق تىلدۇر .

ئۇشبۇ تىلىمىزدا يازغان ئىدى ئەللامە ئەدىبلەر كۆپ زامان ، ئۇشبۇ تىلىمىزدا قالغان ئىدى خاس ھاجىپ مەھمۇد بوۋام . قىلغان ئىدى تىل ھەققىدە مۇھاكىمە نەۋائىي ھەم، كەتكەن ئىدى ئۆتكۈر ئەپەندى بۇ زىمىندا «ئۆمۈرمەنزىللىرى» دىن «ئىز» قالدۇرۇپ. يازغان ئىدى زوردۇن ئاكا يۇرت قەسىدىسى «ئانا يۇرت» نى ھەم ، ئۇيغۇر ئوغلى ئابدۇخالىق توۋلىغان ئىدى « ئويغان» دەپ، قىلغان ئىكەن مۇتەللىپمۇ «يىللارغا خىتاب».  ئەنەشۇلارنىڭ شۆھرىتى قالدى جاھان مەغرىبى مەشرىق تامان .

يۇقارقىلارنىڭ ھەممىسى پۈتۈلگەنئىدى، ئانا تىلىمىز ـــ ئۇيغۇر تىلىمىزدا .

ئۇلۇغ بوۋىمىز ئەلىشىر نەۋائىي ئۇيغۇرنىڭ بىر مۇنەۋۋەر پەرزەنتى بولۇش سۈپىتى بىلەن، ئۆز تىلىنىڭ قىممىتىنى تونۇش، ئۇنى چىن يۈرىكىدىن سۆيۈش جەھەتتىلا ئەمەس ۋە ئۇ قىممەتلىك ۋە سۆيۈملۈك تىلنى قوغداش،  تەرەققىي قىلدۇرۇشنى ئەمەلىي كاپالەتكە ئىگە قىلىشتىكى ئۈلگىلىك زات ئىدى . ئۇ ئۆزىنىڭ مىننەتسىزئەمگىكى بىلەن ئۇيغۇر تىلىنىڭ شۆھرىتىنى ئەينى زامانىسىدا تېگىشلىك ئورۇنغا ئىگەقىلدى. ئاندىن ئۇنىڭ تەرەققىياتىنى ۋە ئۇنىڭ ئەبەدىلئەبەد قوغدىلىشىنى بولسا بىزئەۋلادلارغا ئامانەت قىلدى. بىزگە ئوخشاش مۇسۇلمان كىشىلەرگە ئامانەتكە خىيانەت قىلىش ئېغىرگۇناھتۇر. شۇ سەۋەب خىيانەتكار ئەۋلادلاردىن بولۇپ قالمىساقكەن دەيمەن.

تىلىمىز ئىپادىلەش كۈچىگە باي ،  زور تىپتىكى جاھانشۇمۇل ئەسەرلەر بارلىققا كەلگەن مەدەنىي تىل. ئاناتىلدىن ياتلىشىش، ئانا تىلدىن يىراقلىشش ئۆزىمىزدىن ،مەدەنىيىتىمىزدىن،  ئەجدادىمىزدىن يىراقلىشىش بولۇپ ھېساپلىنىدۇ. ئانا تىلىمىزدىن ئاينىش مىللىتىمىزگەقىلىنغان ئەڭ چوڭ ئاسىيلىقتۇر .

ئۆزۈمنىڭ ئۇيغۇر پەرزەنتى بولۇپ يارالغىنىمدىن ، ئالىي بىلىم يۇرتىدا ئاناتىلىم ھەققىدە ئىلىم تەھسىل قىلغۇچى بولالىغىنىمدىن تولىمۇ پەخىرلىنىمەن . بۇپەخىرلىنىش ھېسىياتىم بىلەن ئاخىرقىتىنىقىمغىچە ياشىيالىسام بۇ ھاياتتا نە ئارمان دەيسىز ؟!




2009-يىلى 3-ئاينىڭ 15-كۈنى (بېيجىڭ)



يازمام 2009-يىلى يېزىلغان. بىر قىسىم خاتالىقلاردىن خالىي ئەمەس، ئەلۋەتتە. شۇنداقتىمۇ سىلەرگەسۇنغۇم كەلدى. مۇنبىرىمىزدە بولسىمۇ بۇ كۈننى سەل داغدۇغا قىلايلى دېدىم. توغرا چۈشەنگەيسىلەر!








گۈزەل قەلب گۈزەللىككە ھامىلىدار...

6

تېما

0

دوست

661

جۇغلانما

دائىملىق ئەزا

ئۆسۈش   32.2%

ئەزا ئۇچۇرى
تىزىم نۇمۇرى:  5673
يازما سانى: 15
نادىر تېمىسى: 0
مۇنبەر پۇلى: 147
تۆھپە : 105
توردىكى ۋاقتى: 23
سائەت
ئاخىرقى: 2013-9-16
يوللىغان ۋاقتى 2012-2-21 18:25:16 |ھەممە قەۋەتنى كۆرۈش
ھەممىمىز ئانا تىلىمىزنى قوغدايلى ! رەھمەت .
قەلب
قۇتلان تېلفۇنلىرى

دىنىم ئىسلام مىللىتىم ئۇيغۇر

7

تېما

11

دوست

1 تۈمەن

جۇغلانما

ئىشەنچىلىك ئەزا

ئۆسۈش   100%

ئەزا ئۇچۇرى
تىزىم نۇمۇرى:  3877
يازما سانى: 472
نادىر تېمىسى: 0
مۇنبەر پۇلى: 3740
تۆھپە : 2654
توردىكى ۋاقتى: 486
سائەت
ئاخىرقى: 2014-4-2

قىزغىن ئەزا ئىنكاس چولپىنى

يوللىغان ۋاقتى 2012-2-21 18:33:24 |ھەممە قەۋەتنى كۆرۈش
رەخمەت  قېرىندىشىم.....    ھەممىمىز ئانا تىلىمىزنى قوغدايلى ..تەڭ كۈچ چىقىرايلى.... 41320663.jpg
                        
ھازىرغىچە 1 ئادەم باھالىدىشۆھرەت يىغىش سەۋەبى
sebir + 5 مۇنبەرپۇلى:+5(sebir) ئەجرىڭىزگە ر ..

ھەممە باھا نومۇرى : شۆھرەت + 5   باھا خاتىرىسى

بىلگەنلەر بىلەن

25

تېما

5

دوست

7847

جۇغلانما

تەكلىپلىك ئەزا

ئۆسۈش   100%

ئەزا ئۇچۇرى
تىزىم نۇمۇرى:  3266
يازما سانى: 320
نادىر تېمىسى: 2
مۇنبەر پۇلى: 1893
تۆھپە : 1116
توردىكى ۋاقتى: 698
سائەت
ئاخىرقى: 2014-2-1
يوللىغان ۋاقتى 2012-2-21 18:59:50 |ھەممە قەۋەتنى كۆرۈش
ئانا تىل بىلگەن كىشىنىڭ ئىززىتىن قىلغۇم كېلۇر ،
ئانا تىلنى ئاغزىدىن ئالتۇن بېرىپ ئالغۇم كېلۇر ،
بۇ ئانا تىل بولسا گەر ئامرىكا يۇ ئافرىقىدا
سەرپ ئېتىپ مىڭلارچە تىللا ئاندا مەن بارغۇم كېلۇر .
ئىھ ، ئانا تىل بىزگە سەن ئۆتكەن ئۇلۇغلاردىن مىراس ،
سەن بىلەن روھىي زىمىندا ئىپتىخار ئەتكۈم كېلۇر .


                                                                                قۇتلۇق شەۋقىي
قايسى تىلدا زوق ئالسا ھەركىم
مىنىڭ ئانا تىلىمغا جېنىم مىڭ پىدا ،
ئانا تىلم  گەر يوقالسا ئەتە
بولايمەن بۈگۈنلا جېنىمدىن جۇدا .

تىلغا ئەل ھەغدا، ئۇنىڭ ۋايى قەلەمكەش تىلچىدىن ،
ئۆچمىسۇن بۇ تىل ئېلى ،تۇرپانۇ قەشقەر ئىچىدىن

ئەي زامانىم ياشلىرى ئەجرىڭدە پەرۋىش تاپسا تىل ،
شىر نەۋائىيدەك چۈشۈپ بەيگىگە ،يەڭسە چاپسا تىل

كىم خۇشال بولمايدۇ روھلار خۇش بۈگۈن ھەم ئەتە شاد
ئانا تىل بايلىق! ئۇنى قوغدا، بۇ يولدا تۆھپە قات.

بىر سېنى دەپلا ئۆتەرمەن ئۆزگە يايرىم يوق مىنىڭ ،
چۈنكى دىل رىشتىم چىگىلگەن دىلبىرىمسەن ئانا تىل .

خىسلىتىڭ يازغانغا پۈتمەس ،سەن ھاياتسەن مەن ھايات
سېنى قوغدايمەن ئەبەدكە ، جان جېنىمسەن ئانا تىل .

خىسلىتىڭ يازغانغا پۈتمەس ،سەن ھاياتسەن مەن ھايات
سېنى قوغدايمەن ئەبەدكە ، جان جېنىمسەن ئانا تىل.

                                                                       مەنبەسى: ھەرقايسى مۇنبەرلەر
24170658[1].jpg
گۈزەل قەلب گۈزەللىككە ھامىلىدار...

دىنىم ئىسلام مىللىتىم ئۇيغۇر

7

تېما

11

دوست

1 تۈمەن

جۇغلانما

ئىشەنچىلىك ئەزا

ئۆسۈش   100%

ئەزا ئۇچۇرى
تىزىم نۇمۇرى:  3877
يازما سانى: 472
نادىر تېمىسى: 0
مۇنبەر پۇلى: 3740
تۆھپە : 2654
توردىكى ۋاقتى: 486
سائەت
ئاخىرقى: 2014-4-2

قىزغىن ئەزا ئىنكاس چولپىنى

يوللىغان ۋاقتى 2012-2-21 19:32:34 |ھەممە قەۋەتنى كۆرۈش
ئانا تىلىم بايرىمىڭغا مۇبارەك بۇلسۇن uyghurtili.jpg
ھازىرغىچە 1 ئادەم باھالىدىشۆھرەت يىغىش سەۋەبى
sebir + 5 مۇنبەرپۇلى:+5(sebir) ئەجرىڭىزگە ر ..

ھەممە باھا نومۇرى : شۆھرەت + 5   باھا خاتىرىسى

0

تېما

0

دوست

25

جۇغلانما

يىڭى ئەزا

ئۆسۈش   8.33%

ئەزا ئۇچۇرى
تىزىم نۇمۇرى:  5982
يازما سانى: 5
نادىر تېمىسى: 0
مۇنبەر پۇلى: 25
تۆھپە : 15
توردىكى ۋاقتى: 2
سائەت
ئاخىرقى: 2012-3-12
يوللىغان ۋاقتى 2012-2-21 22:01:07 |ھەممە قەۋەتنى كۆرۈش
تېما ئىگىسىگە تەشەككۈر                 

145

تېما

3

دوست

1 تۈمەن

جۇغلانما

پاكلىق ئەلچىسى

ئۆسۈش   6.35%

ئەزا ئۇچۇرى
تىزىم نۇمۇرى:  5789
يازما سانى: 295
نادىر تېمىسى: 1
مۇنبەر پۇلى: 2670
تۆھپە : 2151
توردىكى ۋاقتى: 2243
سائەت
ئاخىرقى: 2014-4-2
يوللىغان ۋاقتى 2012-2-21 22:25:25 |ھەممە قەۋەتنى كۆرۈش
كىشى كۆركى يۇزدۇر .بۇ يۇز كۆركى كۆز،
ئەقىل كۆركى تىلدۇر.بۇ تىل كۆركى سۆز.

145

تېما

3

دوست

1 تۈمەن

جۇغلانما

پاكلىق ئەلچىسى

ئۆسۈش   6.35%

ئەزا ئۇچۇرى
تىزىم نۇمۇرى:  5789
يازما سانى: 295
نادىر تېمىسى: 1
مۇنبەر پۇلى: 2670
تۆھپە : 2151
توردىكى ۋاقتى: 2243
سائەت
ئاخىرقى: 2014-4-2
يوللىغان ۋاقتى 2012-2-21 23:31:34 |ھەممە قەۋەتنى كۆرۈش
ئۇيغۇر تىلى ئۇيغۇرلارنىڭ ئانا تىلى ! ئۇيغۇر تىلى – ئۇيغۇرنىڭ جېنى!
ھەر بىر ئۇيغۇر پۇشتى ئۇيغۇر تىلىنىڭ شان – شەرىپىنى قوغداش، ساپلىقى ۋە گۈزەللىكىنى ساقلاش، پاساھىتى ۋە بالاغىتىنى جەۋلان قىلىش ئۈچۈن ئالدى بىلەن ئۆز ئانا تىلى ‹‹ ئۇيغۇر تىلى ›› نى قەدىرلىشى ، ئۇنى قېتىرقىنىپ ئۆگىنىشى، ئىجتىمائىي ئالاقىلەردە ئۇنى سۆيۈنۈش ئىلكىدە ئىشلىتىشى كېرەك. ئىنسان پەقەت ۋە پەقەت ئانا تىل تەپەككۇرى ئارقىلىقلا ئۆزىنىڭ يۈكسەك پەللىسىنى يارىتالىشى مۇمكىن. ئېينىشتىيىنمۇ ئەگەر ئانا تىلى – نىمىس تىلى ئارقىلىق تەپەككۇر قىلمىغان بولسا ئىلىم – پەننىڭ چوققىسىغا مۇۋاپپەقىيەتلىك ئۆرلىيەلمىگەن بولاتتى. بىز يەنە شۇنى ئۈمىد قىلىمىزكى، ھەر بىر ئۇيغۇر پەرزەنتى مىللەتنىڭ ئەقىل – پاراسىتىنى نامايىش قىلىش، مىللەتنىڭ گۈزەل كېلەچىكىنى يارىتىش ئۈچۈن چوقۇم خەنزۇ ، ئېنگىلىز تىللىرىغا ئوخشاش باشقا بىر قانچە تىلنى ئىگىلىشى لازىم. بىر تىلنى ئارتۇق بىلگەنلىك ، ھېكمەت قەسىرلىرىدىن بىرىنىڭ ئاچقۇچنى ئارتۇق ئىگىلىگەنلىك؛ بىر تىلنى ئارتۇق بىلگەنلىك دۇنيانى چۈشىنىشنىڭ يېڭى بىر خىل ئۇسۇلىغا ئېرىشكەنلىك؛ بىر تىلنى ئارتۇق بىلگەنلىك جاھاندارچىلىقنىڭ يەنە بىر يولىنى تاپقانلىقتۇر. ئانا تىلنى باشقا تىللار بىلەن قارمۇ – قارشى قويۇپ قويماسلىق ، تىل ئۆگىنىشنى بىر تۈرلۈك زۆرۈر مەنىۋىي ساپا سۈپىتىدە تونۇش كېرەك.
يېقىنقى يىللاردىن بېرى، ھۆكۈمىتىمىز ئاز سانلىق مىللەتلەر تىل-يېزىقىنى قوغداش جەھەتتە زور خىزمەتلەرنى ئىشلىدى. مەسىلەن، ئاز سانلىق مىللەتلەر تىل-يېزىقىدىكى پەن كەسىپلەرنى ئېچىش، ئاز سانلىق مىللەتلەر تىل – يېزىقىدىكى نەشىرىياتچىلىقنى زور كۈچ بىلەن قوللاش قاتارلىق. ئاز سانلىق مىللەتلەر تىل-يېزىقىنى قوغداش ئارقىلىق ئاز سانلىق مىللەتلەرنىڭ مەدەنىيىتىنى تېگىشلىك ھۆرمەت ۋە تەرەققىيات ئىمكانىغا ئىگە قىلدى.
ئەمما ، مانا شۇنداق چوڭ ياخشى ۋەزىيەتتە ئانا تىل تەربىيىسى بىر چەتتە بويۇن قىسىپ قالسا ، بوغۇنلار باشقا تىللاردا قۇشقاچتەك سايراپ، ئۆز ئانا تىلىدا << ئانا ، دادا >> دېيەلمەيدىغان ھالغا چۈشۈپ قالسا ، بۇ تولىمۇ ئەپسۇسلىنارلىق ئەھۋال بولمامدۇ؟!… تۈركىي مىللەتلەرنىڭ پەخىرلىك يازغۇچىسى چېڭغىز ئايتىماتوف: «كۆپ تىللىق بولۇش شەراپەت، ئانا تىلنى بىلمەسلىك جىنايەت» دەپ تولىمۇ توغرا ئېيتقان. شۇڭا، بىز شۇنى تەكلىپ قىلىمىزىكى، ئاتا – ئانىلار ئۆزىنىڭ مەسئۇلىيىتى – بۇرچىنى تولۇق تونۇپ، مەكتەپلەردىكى ئانا تىل تەربىيىسى سالمىقى تۆۋەنلىگەن شارائىت ئاستىدا ئائىلىدىكى ئانا تىل تەربىيىسى سالمىقىنى ئاشۇرۇشى ، ئەدىناسى پەرزەنتلىرىنى ئانا تىلىدىن مەھرۇم قويماسلىقلىرى كېرەك.

سەمىمىزدە بولسۇنكى، ئانا تىل ـــــ ئانىمىزنىڭ تىلى! سڭقۇسەلى تۇتۇڭ، مەھمۇد كاشغەرى ، يۈسۈپ خاس ھاجىب، ئەلشىر ناۋايى …. نىڭ تىلى! مۇقاملىرىمىزنىڭ كۈي- چەشمىلىرىگە، مىڭ ئۆيلىرىمىزنىڭ نەقىش-بېزەكلىرىگە، ھەتتا قان-قېنىمىزغا، تومۇر-تومۇرلىرىمىزغا سىڭگەن تىل، ھەمىمىز «ئانا» دەپ تۇنجى ئېغىزلانغان تىل.
خۇلاسە، مىللەتنىڭ كەلگۈسىنى ئويلايمىز، پەرزەنتىمىزنى توغرا تەپەككۇرغا، ساغلام روھى ھالەتكە ئىگە قىلىمىز دەيدىكەنمىز، ئانا تىلمىز – ئۇيغۇر تىلىنى سۆيەيلى، پەرزەنتلىرىمىزگە ئانا تىلنى ئۆگىتەيلى!!!

مەنبە: يۈكسەل بلوگى ، يازما : << دۇنيا ئۇيغۇر تىلى كۈنى >> شەنىگە
ھازىرغىچە 1 ئادەم باھالىدىشۆھرەت يىغىش سەۋەبى
sebir + 5 مۇنبەرپۇلى:+5(sebir) ئەجرىڭىزگە ر ..

ھەممە باھا نومۇرى : شۆھرەت + 5   باھا خاتىرىسى

كىرگەندىن كېيىن ئىنكاس يازالايسىز كىرىش | دەرھال تىزىملىتىش

Powered by Discuz! X2.5(NurQut Team)

( 新ICP备06003611号-1 )