پەۋقۇلئاددە مەخپى ۋەزىپە(لىن بياۋمۇرتلىرىنى تۇتۇش)

tograk

     __  لىن بياۋنىڭ مۇرتلىرىنى قولغا چۈشۈرۈش خاتىرىسى

           تۈن كېچىدىكى مەخپىي يارلىق : " مەركەزدىن بىر چوڭ ئايرۇپىلان قاچتى "

      1971 - يىلى 13 - سىنتەبر تۈن كېچىدە نەنجىڭ ھەربىي رايۇنىنىڭ 2 - نومۇرلۇق ئەربابى شاۋ يۇڭيىڭنى دژورنى كاتىپ تاتلىق ئۇيقۇدىن ئۈيغىتىۋەتتى .
       بىر نەچچە مىنۇتتىن كېيىن ، بىر جىپ ماشىنا زىجىڭشەن تېغىنىڭ شىمالى ئېتىگىدىكى فۇگۇيشەن 7 - نومۇرلۇق قۇرۇدىن يولغا چىقتى . ماشىنىدا نەنجىڭ ھەربىي رايۇنىنىڭ 1- مۇئاۋىن قۇماندانى قوشۇمچە سەنمۇجاڭى شاۋ يۇڭيىڭ ئولتۇراتتى . . .
       جىپ ماشىنا جۇڭشەنلىڭدىكى 8 - نومۇرلۇق قۇرۇغا يېتىپ كەلدى . شاۋ يۇڭيىڭ شوپۇرغا ماشىنىنىڭ چىرىغىنى ئۈچىرىۋېتىپ ئۇدۇل قۇرۇغا كىرىشنى بۇيرىدى .
       شۈي شيۇنىڭ دەرۋازىسى ئۇنىڭغا كېچە - كۈندۈز ئوچۇق تۇراتتى ، بۇ شۇي شيۇنىڭ ئالاھىدە بۇيرۇقى ئىدى .
       شاۋ يۇڭيىڭ پەلەمپەيدىن چىقىۋېتىپ ، شۇي شيۇنىڭ ياتاقخانا ئالدىدا تۇرغىنىنى بايقىدى .
       _ ھېلى مەركىزى كومىتېت ئىشخانىسىدىن تېلېفۇن كەلدى ، مەركەزدىن بىر چوڭ ئايرۇپىلان قېچىپتۇ ، قايسى يۆنىلىشكە قاراپ قاچقانلىقى ئېنىق ئەمەس ئىكەن . مەركەز بىزگە : قاتتىق كۆزىتىڭلار ،ئەگەر سىلەر بار يەرگە قونىدىغان بولسا قايتا ئۇچۇشقا رۇخسەت قىلماڭلار ؛ بارلىق ئايرۇپىلانىڭلار ئۇچمىسۇن ، پاراخوتلىرىڭلار يولغا چىقمىسۇن ، بىر ئايرۇپىلان ، بىر پاراخوتنىڭمۇ قېچىپ كېتىشىگە يول قويۇلمىسۇن ، دەپ بۇيرۇق قىلدى .
       بىر نەچچە مىنۇتتىن كېيىن ، شاۋ يۇڭيىڭ ھەربىي رايۇن ئۇرۇش قىلىش بۆلىمىگە كىردى .
       . . .      . . .
       ئەتىسى _ 14 - سىنتەبر ئەتتىگەن سائەت ئالتىلەردە ، شۇي شيۇ بىلەن شاۋ يۇڭيىڭ شۇي شيۇ بىناسىنىڭ 2 - قەۋت پەلەمپەي يېنىدىكى تاماق جوزىسىدا ناشتا قىلىۋاتقاندا تېلېفۇن جىرىڭلىدى . شاۋ يۇڭيىڭنىڭ كېيىن ئۇقۇشىچە ، مەخپىي تېلېفۇننى جۇ ئېنلەي زۇڭلى بەرگەنىكەن .
       بىر ئازدىن كېيىن ، شۇي شيۇ چىقىپ كەلدى .
       _ سىزگىلا دەيمەن ، باشقىلارغا دېيىشكە بولمايدۇ ، لىن بياۋ قېچىپتۇ !

            جىددى ھەرىكەت قىلىش : تىغ ئۇچىنى "3 دۆلەت ، 4 تەرەپ " كە قارىتىش

       "مۇئاۋىن باش قۇماندان قېچىپ كېتىۋېتىپ ئايرۇپىلان دۇمىلاپ چۈشۈپ ھالاك بولغاندىن كېيىنكى 3 - كۈنى شۇي شيۇنى ماۋزېدۇڭ ، جۇئېنلەيلەر جۇڭنەنخەيگە مەخپىي چاقىرتتى ، تۈن نىسپى سائەت 2 لەردە شۇي شيۇ نەنجىڭگە يەنە مەخپىي قايتىپ كەلدى . 10 نەچچە مىنۇت ئۆتكەندىن كېيىن ، ئۇرۇش قىلىش بۆلىمىدە ساقلاپ تۇرىۋاتقان شاۋ يۇڭيىڭ شۇي شيۇنىڭ ئۆيىگە چاقىرتىلدى .
       _ رەئىس بىزگە "3 دۆلەت ، 4 تەرەپ " نى تۇتۇڭلار دېدى . كىمنى بىللە ئېلىپ مېڭىشنى خالىسىڭىز شۇنى ئېلىپ مېڭىڭ ، دەرھال يولغا چىقىڭ ! ئاۋۋال شاڭخەيگە بېرىپ ۋاڭ ۋېيگونى تۇتۇڭ . ئاندىن خاڭجۇغا بېرىپ چېن لىيۈننى تۇتۇڭ .
       ئالدىراپ - تېنەپ ئادەم تاللاندى :  نەنجىڭ ھەربىي رايۇن قوغداش بۆلىمىنىڭ باشلىقى ، قوغداش كادىرى ، ئۆزىنىڭ كاتىپى ۋە كانىۋىيى بولۇپ جەمئىي بەش كىشى تاللاندى . نەچچە مىنۇتتىن كېيىن ، بىر جىپ ماشىنا ئۈن - تۈنسىز ھەربىي رايۇن قۇرۇسىدىن چىقىپ ، نەنجىڭ ۋوگزالىغا يېتپ باردى . . .
       " 3  دۆلەت ، 4 تەرەپ " دېگەن نام لىن بياۋ ئۆزىنىڭ " 571 قۇرۇلىشى خاتىرىسى " دە ئۆزىنىڭ جاھىل مۇرتلىرىغا ۋە ئۇ تىزگىنلەپ تۇرىۋاتقان جايلارغا قويغان نام ئىدى .
       " 3  دۆلەت " __  نەنجىڭ ، شاڭخەي ، خاڭجۇ .
       " 4 تەرەپ "  __  بېيجىڭدىكى ھاۋا ئارمىيە سىياسى بۆلۈمىنىڭ مۇئاۋىن مۇدىرى جياڭ تىڭجياۋ ؛ شاڭخەيدىكى  ھاۋا ئارمىيىسىنىڭ سىياسى كومسسارى ۋاڭ ۋېيگو ؛ خاڭجۇدىكى ھاۋا ئارمىيە 5 - جۈنىنىڭ سىياسى كومسسارى چېن لىيۈن ؛ نەنجىڭ ھەربىي رايۇنى ھاۋا ئارمىيە مۇئاۋىن قۇماندانى جۇ جيەنپىڭ .
       تۈن كېچە ، تۈتەك . شاۋ يۇڭيىڭ ۋاگۇن دېرىزە پەردىسىنى قايرىپ تاشقىرىغا قارىدى . ئۇنىڭ كۆڭلى غەش ئىدى . بۇنىڭدىن ئۈچ كۈن بۇرۇن لىن بياۋ چۆل - جېزىرىدە گۇمران بولغان بولسىمۇ ، لېكىن ئۇنىڭ قانىتى تا ھازىرغىچە كېسىپ تاشلانمىغان ئىدى . . .
       قەپەسگە چۈشكەن يىرتقۇچ ھايۋان ئۈلۈم ئالدىدا جان تالىشىدۇ . " باش قۇماندان "ىدىن ئايرىلغان " 3  دۆلەت ، 4 تەرەپ " ئالاقزادىلىكتە قالغان يىرتقۇچ  ھايۋانغا ئوخشاش ئۈلۈم ئالدىدا جان تالىشارمۇ ؟ جاننى ئالقانغا ئېلىپ قويۇپ ئېلىشارمۇ ؟
       ئۇنى كۈتۈپ تۇرغان تۈن كېچىدىكى شاڭخەي كۆرۈنۈشتە جىمجىت تۇرغىنى بىلەن ، ئەمەلىيەتتە يوشۇرۇن قىرغىنچىلىقنى پىلانلاۋاتقانمىدۇ ؟ ئۆزلىرى ئاران ئالتە كىشى ، لىن بياۋنىڭ جاھىل مۇرتلىرى تېزگىنلەپ تۇرىۋاتقان شاڭخەي گارنىزوندا بەش مىڭدىن ئارتۇق ئەسكىرى كۈچ بار ، ئۇنىڭ ئۈستىگە شاڭخەيدە ۋاڭ ۋېيگو تېزگىنلەپ تۇرىۋاتقان ھاۋا ئارمىيە 4 - جۈنىمۇ بار . . .  


       ( داۋامى بار )

tograk

شاڭخەيگە مەخپىي بېرىش :  ۋاڭ ۋېيگونى تۇتۇش

        تاڭ سەھەر . شاڭخەي گارنىزون شتابىنىڭ تېلېفۇنى جىرىڭلىدى .
        _ قۇماندانىڭلار تېلېفۇنغا كەلسۇن !
        قۇماندان ئاۋازنى ئاڭلاپ ، كۆزلىرىنى بىر نۇقتىغا تىككەنچە تۇرۇپلا قالدى . ئۇ جىددى قىياپەتتە زەڭ قويۇپ ئاڭلىدى .
       _ ياخشى ماشىنا ئەۋەتمەڭ ، كونا جىپ ئەۋەتسىڭىز بولىدۇ .
       گارنىزون قۇماندانى تۇرۇپكىنى قويۇپ قويۇپ ، دەرھال ماشىنىغا ئولتۇرۇپ شاڭخەي ۋوگزالىغا يۈرۈپ كەتتى .
        _ تېزلىكتە ئىككى شى يۆتكەپ كېلىپ ، شاڭخەينىڭ مۇھىم يوللىرىنى تېزگىنلەڭ ، ھاۋا ئارمىيە 4 - جۈنىنىڭ يول يۈرۈشىگە رۇخسەت قىلىنمىسۇن !
       يۈز كۆرۈشۈش بىلەنلا مۇئاۋىن قۇماندان شاۋ يۇڭيىڭ كەسكىن بۇيرۇق بەردى . شاڭخەي  گارنىزون قۇماندانى بۇيرۇققا بىنائەن يول ئالدى .
       ئاۋات شەھەر رايۇنىدىكى ماشىنىلار ئېقىنىدا ، سىرى چۈشۈپ كەتكەن ھېلىقى ھەربىي جىپ ماشىنا كالا ھارۋىسىدەك غىچىلداپ كېتىۋاتاتتى . ھېچكىممۇ ئۇنىڭغا كۆز قىرىنى سېلىپ قويمىدى .
       قارىماققا ، بۈگۈن چۈشتىن كېيىن ، جىڭجياڭ مېھمانخانىسى ئادەتتىكىدەك جىمجىت ئىدى . ۋاھالەنكى ، جىق سۇغا دولقۇن يوشۇرۇنغان بۇلىدۇ . جۇڭگونىڭ سىياسى ۋەزىيىتىدە يۈز بېرىۋاتقان چوڭ بىر ئىش مانا مۇشۇ بىنادا ھەل قىلىندى .
       شاڭخەي  گارنىزوننىڭ مۇئاۋىن  قۇماندانى باشلىغان بىر يىڭ ئەسكىرى كۈچ مۇشۇ بىناغا يوشۇرۇندى . . .
        10 - قەۋەتتىكى ياسىداق بىر كىچىك مېھمانخانىدا مەخپىي يىغىن ئېچىلىۋاتاتتى .  يىغىن جوزىسى ئەتىراپىدا نەنجىڭ ھەربىي رايۇننىڭ مۇئاۋىن قۇماندانى شاۋ يۇڭيىڭ ، شاڭخەي شەھەرلىك ئىنقىلابى كومىتېتنىڭ مۇئاۋىن مۇدىرى ۋاڭ خۇڭۋېن ، ماتيەنشۈي ۋە شاڭخەي  گارنىزوننىڭ قۇماندانى ۋە سىياسى كومىسسارى ئولتۇراتتى .
       _ رەئىس بىزنى ۋاڭ ۋېيگونى تۇتۇشقا بۇيرىدى . مېنىڭ پىكرىمچە ، يىلاننى ئوۋىسىدىن چىقىرىش كېرەك ... ئەڭ ياخشىسى ئەسكىرى كۈچ ئىشلەتمەي ، تېنچ يول بىلەن ھەل قىلىش كېرەك . كونكىرېت چارىسى : ۋاڭ خۇڭۋېن ۋاڭ ۋېيگوغا تېلېفۇن بەرسۇن . . . _ دېدى شاۋ يۇڭيىڭ خەرىتىنى جوزا ئۈستىگە قويۇپ .
       30 نەچچە ياشلىق ۋاڭ خۇڭۋېن دەرھال قەددىنى رۇسلاپ ، بېشىنى لىڭشىتىپ ماقۇل بولدى . ئەينى چاغدا ئۇ بىر « ئىنقىلابى كومىتېتنىڭ مۇئاۋىن مۇدىرى» ئىدى ، چوڭ ھەربىي رايۇننىڭ مۇئاۋىن قۇماندانى ئالدىدا بۇيرۇققا بويسۇنىدىغان كىچىك بىر ئەسكەر ئىدى ، خالاس .
      ھاۋا ئارمىيىسى 4 - جۈنىنىڭ سىياسى كومىسسارى ۋاڭ ۋېيگو پارقىراق پىكاپتا ئولتۇرۇپ جىڭجياڭ مېھمانخانىسىغا كېلىپ ، چاققانلىق بىلەن پەلەمپەيگە چىقتى ، ئۇنىڭ بىلەن كاتىپى ۋە تاپانچا ئاسقان توت نەپەر كانۋاي بىللە كەلگەنىدى .
       _ توختاڭلار ، _ خىتاب قىلدى ئىشىك تۈۋىدىكى ساقچى ۋاڭ ۋېيگونىڭ « ھەمراھ » لىرىغا ۋە ئۇلارنى يېنىدىكى دەم ئېلىش ئۈيىگە ئېلىپ كىردى .
       ۋاڭ ۋېيگو ئىشىكتىن ئاتلاپ يىغىن مەيدانىغا كىردى . ئوينىڭ ئوتتۇرىسىدا شاۋ يۇڭيىڭ ئولتۇراتتى . ۋاڭ ۋېيگو ھاڭ - تاڭ بولۇپ قېتىپلا قالدى . مۇئاۋىن قۇماندان شاۋ يۇڭيىڭنىڭ توساتتىن جىڭجياڭ مېھمانخانىسىنىڭ بۇ ئۈيىدە پەيدا بولغانلىقى ۋاڭ ۋېيگو ئۈچۈن ئەزرائىلنى كۆرگەندەك ئىش بولدى _ ھەممە ئىش ئايدىڭلاشتى ، توزاققا چۈشتۈم ، ئەمما كېچىكتىم !
       _ قولغا ئېلىندىڭ ! _ دەپ جاكارلىدى شاۋ يۇڭيىڭ سوغۇققىنە . گەپ ئارىلىقىدا ، نەنجىڭ ھەربىي رايۇنى قوغداش بۆلۈمىنىڭ باشلىقى بىلەن قوغداش بۆلۈمچىسىنىڭ باشلىقىنىڭ تاپانچىسى بىرلا ۋاقىتتا ئۇنىڭ كۆكسىگە قادالدى . قوغداش كادىرى كويزىنى « جاق » قىلىپ ئۇنىڭ قولىغا سالدى .
       ۋاڭ ۋېيگو چىرايى تاتارغان ھالدا يەر ئاستى ئۆيگە يالاپ ئېلىپ كىرىلدى . بىر ھەربىي جىپ ماشىنا سىرتتىكى يول ياقىسىدا توختۇتۇپ قويۇلغانىدى . ۋاڭ ۋېيگو يەر ئاستى ئۆيدىن يالاپ ئېلىپ چىقىرىلىشى بىلەن تەڭ ، ماشىنىنىڭ يېنىدا تۇرغان ئىككى كىشى تىزلىكتە ئۇنىڭ بىلىكىنى قايرىپ ماشىنا ئىچىگە ئېلىپ كىردى .
       ماشىنا ئۇچقاندەك تېزلىكتە تيەنما لەخمىسىگە قاراپ يۈرۈپ كەتتى .

              ئۇستىلىق بىلەن ئالداش :  چېن لىيۈننى تورغا چۈشۈرۈش

       _ باشلىق قۇماندان شۈي شيۇدىن تېلېفۇن .
       ۋاڭ ۋېيگونى ئەمدىلا « ئۇزىتىپ » تۇرۇشىغا ، تېلېفۇن جىرىڭلىدى . شاۋ يۇڭيىڭ تروپكىنى قولىغا ئالدى . مەخپىي تېلېفۇندىن شۈي شيۇنىڭ ئاۋازى ئاڭلاندى :
       _ سىز خاڭجۇغا بارماڭ ! بارسىڭىز ئۇلار سىزنى قاماپ قويىدۇ ! _ شۈي شيۇنىڭ ئاۋازىدىن كۆيۈنۈش ۋە ئەندىشە قىلىش ھېسياتى بىلىنىپ تۇراتتى .
       خاڭجۇدا تۇرۇشلۇق ھاۋا ئارمىيە 5 - جۈنى لىن بياۋنىڭ جاھىل مۇرتلىرى تېزگىنلەپ تۇرىۋاتقان بىر قۇرغان بولۇپ ، ماۋزېدۇڭنى « ھاۋادا ئۆلتۈرۈش ۋاقەسى » نى پىلانلىغانىدى . ماۋزېدۇڭنى پارتىۋېتىشقا ئۇرۇنغان يەردە ، نەنجىڭ ھەربىي رايۇنىنىڭ بىر مۇئاۋىن قۇماندانى ئۇلارنىڭ نەزىرىدە قانچىلىك ئىش بولسۇن ؟
       _ سىز بارماڭ ! _ دېدى شۈي شيۇ كەسكىن بۇيرۇق قىلىپ ، _ سىز ئامال قىلىپ چېن لىيۈننى شاڭخەيگە كەلتۈرۈڭ !
      شاۋ يۇڭيىڭ تېلېفۇننى قويۇپ ۋاڭ خۇڭۋېنغا مۇنداق دېدى :
      قانداق ؟ يەنىلا كونا ئۇسۇلنى قوللىنىپ ، چېن لىيۈننى تەكلىپ قىلىپ كەلتۈرەيلى .
      _ ئەمما ، _ دېدى ۋاڭ خۇڭۋېن بىر ئاز ئويلىنىۋېلىپ ، _ 2 _ شۇجىنىلا كېلىشكە تەكلىپ قىلساق ، قارشى تەرەپنىڭ گۇمانلىنىشىنى كەلتۈرۈپ چىقىرارمىكىن . . .
      _ ئۇنداقتا ، يولداش نەن پىڭنىمۇ تەكلىپ قىلايلى !
      نەن پىڭ 20 _ جۈننىڭ سىياسى كومېسسارى بولۇپ ، ئەينى چاغدا قوشۇمچە جېجياڭ ئۆلكىلىك پارتىكومنىڭ 2 - شۇجىسى ئىدى ، ئۇلارنىڭ ھەر ئىككىلىسى لىن بياۋنىڭ جاھىل مۇرتلىرى بولسىمۇ ، بۇ قېتىمقى ھەرىكەتنىڭ نىشانى چېن لىيۈن ئىدى .
      ۋاڭ خۇڭۋېن قولىغا تروپكىنى ئېلىپ ، « كونا » ئويۇننى ئوينىدى .
      _ يولداش نەن پىڭمۇ ؟ مەركەزنىڭ بىر يوليۇرۇقى بار چېن لىيۈن بىلەن ئىككىڭلار كەلسەڭلار . . .
      كەچ كىردى ، ئۆيدىكى چىراق نۇرى سارغۇچ چاقنىدى . خاڭجۇدىن ماشىنا بىلەن شاڭخەيگە كېلىش ئۈچۈن ئاز دېگەندە توت سائەت ۋاقىت كېتەتتى . شاۋ يۇڭيىڭ ھەقىقەتەن بەك ھېرىپ ، چارچاپ كەتكەنىدى ! ئۇنىڭ كارۋات يېنىغا بېرىپ باقمىغىنىغا بىر نەچچە كېچە بولدى _ ئەمما ئۇنىڭ ئۇخلىشىغا بولمايتتى . . .
      خاڭجۇدىن شاڭخەيگە قاتنايدىغان بىر پىكاپ چاقماق تېزلىكىدە ئۇچقاندەك كېلەتتى . بۇ پىكاپتىكى ھاۋا ئارمىيە 5 - جۈنىنىڭ سىياسى كومېسسارى چېن لىيۈن كۆزىنى يۇمۇپ ئۇيقىغا كەتتى .
      يەنە بىر پىكاپتا  20 _ جۈننىڭ سىياسى كومېسسارى نەن پىڭ ئەنسىز ھالدا ماشىنا چېرىقىنىڭ نۇرىغا قارىدى . . .
       چېن لىيۈننى كۈتۈپ تۇرغىنى يەنىلا شاۋيۇڭيىڭنىڭ « قولغا ئېلىندىڭ » دېگەن سوغۇققىنە سۆزى بولدى .
       چېن لىيۈن قولغا ئېلىنىپ ، تيەنما لەخمىسىگە ئېلىپ بېرىلدى .
       نەن پىڭ ھۇدۇققان ھالدا قارا تەرگە چۈمۈپ ، پارقىراپ تۇرغان كويزىنىڭ ھاۋا ئارمىيە 5 - جۈنىنىڭ سىياسى كومېسسارىنىڭ قولىغا سېلىنغانلىقىغا تەشۋىشلىك نەزىرى بىلەن قاراپ تۇرۇپلا قالدى .
      _ يولداش نەن پىڭ ، سىزنى چۆچۈتىۋەتتۇق ، _ دېدى شاۋيۇڭيىڭ كۈلۈمسىرىگەن ھالدا .
             ( داۋامى بار )

tograk

قۇماندانلىق شتابىدا  :  جۇجيەنپىڭ باش ئەگدۈرۈلدى

         ۋاڭ ۋېيگو ، چېن لىيۈنلەر نەنجىڭغا يالاپ ئېلىپ كېلىنگەن كۈننىڭ ئەتىسى چۈشتىن بۇرۇن نەنجىڭ ھەربىي رايۇنىنىڭ مۇئاۋىن قۇماندانى جۇ جيەنپىڭ شاۋ يۇڭيىڭنىڭ كاتىپىدىن كەلگەن تېلېفۇننى ئالدى .
        _ مۇئاۋىن قۇماندان شاۋ يۇڭيىڭ سىزنى كەلسۇن ، سۇرايدىغان ئىش بار ، دەيدۇ .
        جۇجيەنپىڭ ئىشخانىسىدىن ئايرىلىپ ، نەنجىڭ ھەربىي رايۇننىڭ قۇرۇسىغا يېتىپ كەلدى .
        _ ھوي ، لاۋجۇ ، ئولتۇرۇڭ ، ئولتۇرۇڭ .
        شاۋيۇڭيىڭنىڭ كەيپىياتى ناھايىتى ياخشى ئىدى .
        _ لاۋجۇ سىزدىن بىر ئىشنى سۇرايمەن . ئاڭلىشىمچە ، شاڭخەيدىكى جۈيلۇ كوچىسىدا بىر كىچىك يىغىن ئېچىلغانىكەن ، سىز قاتناشقانمۇ - يوق ؟
        جۇجيەنپىڭ بۇنى ئاڭلاش بىلەنلا كۆز ئالدى قاراڭغۇلىشىپ ، لاسسىدە بولۇپ قالدى .
        چاتاق چىقتى .
        ئاشۇ يىل 31 - مارتتا جۈيلۇ كوچىسىدىكى ھاۋا ئارمىيىسى 4 - جۈن مېھمانخانىسىنىڭ يەر ئاستىدىكى مەخپىي ئۆيىدە  لىن لىگو رىياسەتچىلىكىدە ، جياڭ تىڭجياۋ ، چېن لىيۈن ، جۇجيەنپىڭ ، ۋاڭ ۋېيگو ، يۈشىنيې قاتارلىقلار جەم بولۇپ ، « 571 قۇرۇلىشى» دىكى ئالاقىدار ماددىلارنى ئىجرا قىلىشنى مۇزاكىرە قىلغان ، شۇ قېتىمقى مەخپىي يىغىندا لىن لىگو : جۇڭگودىكى  " 3  دۆلەت ، 4 تەرەپ " نىڭ شاڭخەي جۈيلۇ كوچىسىدىكى مەخپىي ئۆيىدە دۇنياغا كەلگەنلىكىنى ، ئۇ جۇڭگو ئىنقىلابى تارىخىدىكى ئىككىنچى قېتىملىق « ھاكىمىيەتنى قۇراللىق تارتىۋېلىش » يېڭى ئەسىرىنى ئاچىدىغانلىقىنى جاكارلىغان ! . . .
       جۇجيەنپىڭ بۇ ئەسنادا يا ئاسمانغا چىقىش ، يا يەرگە كىرىپ كېتىشنىڭ ئامالى يوق ئىكەنلىكىنى بىلدى . . .
       جۇجيەنپىڭ نۇرسىز كۆزلىرىنى چەكچەيتىپ تۇرغان ئۈلۈك بېلىققا ئوخشاپ قالغانىدى .
       شاۋيۇڭيىڭ يەنىلا كۈلۈمسىرەپ تۇراتتى ، جۇجيەنپىڭنىڭ كۆزىدىن بولسا ياش تاراملاپ ئېقىۋاتاتتى .
       شاۋيۇڭيىڭ كۈلۈمسىرىگىنىچە تۇرىۋەردى ، جۇجيەنپىڭ گاھ ھۆركىرەپ ، گاھ ئاستا يىغلاپ ، ئاخىرى يىغىسىنى ماتەم موزىكىسىغا ئوخشاش تۈگەتتى .
       _ بۇ يەردىن چىقىپ ، ئۇبدان ئويلىنىڭ ، ئويلانغاندىن كېيىن ، قەغەزگە يېزىپ چىقىڭ ، _ دېدى شاۋيۇڭيىڭ سوغۇققانلىق بىلەن قەتئىي تۈردە .
       جۇجيەنپىڭ دەلدەڭشىگەن پېتى ئورنىدىن تۇرۇپ ، ئۆزىنى ئىدارە قىلالمىغان ھالدا پەلەمپەينىڭ يۆلەنچۈكىگە تايىنىپ بىنادىن چۈشتى . شۇ يەردە تۇرغان بىر نەچچە جەڭچى پارقىراپ تۇرغان كويزىنى ئۇنىڭ كۈچسىز قولىغا سالدى .
        ئەينى چاغدا يەنە بىر « تەرەپ » ھېسابلانغان جياڭ تىڭجياۋ بېيجىڭدا قولغا چۈشتى .
             تۈگىدى .
       ( « ئەدەبىي تەرجىمىلەر » دىن ئېلىندى)  « باغداش تورى» غا خاس .

almas123

نېمانداق كۆپ ئەلپىدا بۇ؟
بەك چارچاپ كەتتىم.

ark-zat618

ھازىرغىچە لىن بىياۋ گۇرۇھى دەپ جىق ئاڭلاپ كەتتۇق. لىكىن لىن بىياۋنىڭ نىمە قىلدىغان ئادەم ،ھەم نىمە قىلغانلىقنى تېخچە ئاڭلاپ باقمىدۇق. ئاڭلاشلارغا قارىغاندا لىن بىياۋ رەئىس ماۋزىدۇڭنىڭ يېقىن ئادىمى ئىكەن .ھەم قوماندان ئوخشايدۇ. قالغىنى تا ھازىرغىچە بىر سىر .

arslan428

لىن بىياۋ داڭقى چىققان قوماندان، كىيىن دۆلەتنىڭ مۇئاۋىن رەئىسى بولغان، ماۋزىدوڭنىڭ ئىزباسارى بولغانغۇ دەيمەن. قالغانلىرى كەمىنىگە تازا مەلۇم ئەمەس.

9903

بۇلانىڭ    ئادەم   تۇتۇش   ھىلىسى    بەك    خەتەرلىك  قۇمۇ

ھون

لىن بىياۋ كومپارتىيەنىڭ ئاتاغلىق ھەربى ئالىمى، ئىستىراتىگىيەچى، داڭلىق مارشال، ئەينى زاماندا خۇاڭفۇ ھەربىي مەكتەپنىڭ مۇئاۋىن مۇدىرى بولغان. گومىنداڭ بىلەن بولغان ئىچكى ئۇرۇشتا شەرقىي شىمال، شىمالىي جۇڭگو، بېيجىڭ-تىيەنجىن ئۇرۇشىدا ھەل قىلغۇچ خىزمەت كۆرسەتكەن، سابىق سوۋېتلەر ئىتتىپاقىغا تەربىيەلىنىشكە بارغاندا 2-دۇنيا ئۇرۇشىنىڭ ئالدىنقى سېپىدە جەڭگە قاتنىشىپ، فاشىسىت ستالىننىڭ ئوردىنىغا ئېرىشكەن. يېڭى جۇڭگو قۇرۇلغاندىن كېيىن پارتىيە ۋە دۆلەتنىڭ مۇئاۋىن رەئىسى ھەم ماۋ زېدۇڭنىڭ ئەڭ ئىشەنچلىك ئىز باسارى بولغان.