14 كۈندە 35 سەنشىڭ ماركىسىدىكى تېلىفون پارتىلاپ كەتتى
FX168 تورى خەۋىرى
قاچان پارتىلايدىغانلىقى ئېنىق بولمىغان "بومبىنى" 24 سائەت يېنىدا ئېلىپ يۈرۈشتىنمۇ قورقۇنۇچلۇق ئىش بارمۇ؟
ئىككى ھەپتىدە 35 تېلىفوننىڭ پارتىلاش ۋەقەسى قانداقتۇر تېرورلۇق تەشكىلاتىنىڭ ھۇجۇمى ئەمەس، بەلكى يېڭىدىن بازارغا سېلىنغان Galaxy Note 7 ماركىسىدىكى سەنشىڭ تېلىفوننىڭ پارتىلىشىدۇر.
كورىيە سەنشىڭ شىركىتى يېڭىدىن بازارغا سالغان تېلىفون باتارىيىسىنىڭ پارتىلىشى سەۋەپلىك دۇنيانىڭ ھەرقايسى جايلىرىغا ئېكىسپورىت قىلىنغان 2 مىليون 500 مىڭ دانە تېلىفوننى قايتۇرىۋالىدىغانلىقىنى جاكارلىدى، بۇ ئىش سەنشىڭ گوروھى پېيىنىڭ چوڭ چۈشۈشىنى كەلتۈرۈپ چىقاردى، شۇنىڭ بىلەن يېقىنقى ئىككى كۈن ئىچىدە 22 مىليارد ئامېرىكا دوللىرى پارغا ئايلىنىپ كەتتى. Piper Jaffray مەبلەغ بانكىسىنىڭ ئانالىزچىسى Gene Munster مۇنداق كۆرسەتتى: سەنشىڭ گوروھى Note 7 تېلىفون ۋەقەسى يېڭىدىن بازارغا سېلىنغان ئالما يەتتە تېلىفونىغا نىسبەتەن ناھايىتى چوڭ بىر سوۋغات بولدى.
ئەمەلىيەتتە سەنشىڭنىڭ يېڭىدىن بازارغا سېلىنغان يەتتە تېلىفونى باتارىيىسىنىڭ دۇنيانىڭ ھەر قايسى جايلىرىدىكى پارتىلاش ۋەقەسى توغرىسىدىكى يېڭى خەۋەرلەر ئاللىقاچان ھەممە يەرلەرنى قاپلىدى. ھەتتا ئايروپىلاننىڭ بىخەتەرلىكى ئۈچۈن، ئالتە دۆلەتنىڭ ھەرقايسى جايلىرىدىكى ئايرودىروملىرىدا يولوچىلارنىڭ Galaxy Note7 تېلىفونىنى ئىشلىتىشىنى، باتارىيىسىنى زەرەتلىشىنى چەكلىدى.
ھۆكۈمەت ئاپپاراتلىرىدىن باشقا، كۆپ سانلىق ئاۋىئاتسىيە شىركەتلىرى مۇشۇ توغرىسىدىكى چەكلەش بۇيرۇقىنى ئېلان قىلدى، يەنى يولۇچىلارنىڭ ئايروپىلاندا سەنشىڭ Galaxy Note7 تېلىفوننى ئوچۇق ھالەتتە قويماسلىقى، توك قاچىلىماسلىقى، ھەم يۈك تاقنىڭ ئارىسىغا سېلىشى قاتتىق چەكلەندى. جوڭگونىڭ خەينەن ئاۋىئاتسىيە گوروھىمۇ مۇشۇنداق ئۇقتۇرۇشلارنى ئېلان قىلدى.
14- سېنتەبىر كۈنىدىكى خەۋەرلەردە دىيىلىشىچە، تېخىمۇ كۆپ پارتىلاش ۋەقەلىرىنىڭ يۈز بېرىشىنىڭ ئالدىنى ئېلىش ئۈچۈن، سەنشىڭ گوروھى يېڭى بىر يۇمشاق دېتالنى يولغا قويغان بولۇپ، بۇ يۇمشاق دېتال Galaxy Note 7 تېلىفونىنىڭ ئەڭ يۇقىرى توك قاچىلاش مىقدارىنى %60 تە كونتىرول قىلىدىكەن، بۇ سەنشىڭ Galaxy Note 7 تېلىفونىنى داۋاملىق ئىشلىتىۋاتقانلارنىڭ بىخەتەرلىكى ئۈچۈن بولۇپ، كورىيەدە 20- سېنتەبىر كۈنىدىن باشكاپ يېڭىلىنىدىكەن، سەنشىڭ گوروھى يەنە بىر قىسىم خىراجەتنى ئۆز ئۈستىگە ئالىدىكەن.
بۇ يىل ئىككىنچى پەسىلدە كورىيەنىڭ تىجارەت پايدىسى 8 تىرىليون 100 مىليارد ۋونغا يىتىپ (تەخمىنەن 6 مىليارد 900 مىليون ئامېرىكا دوللىرى) ئىككى يىلدىن بۇيانقى يېڭى يۇقىرى نۇقتىنى ياراتقان بولۇپ، بۇنىڭ ئىچىدە تېلىفون ساھەسىنىڭ كىرىمى بۇلتۇرقى ئوخشاش ۋاقىتتىكىدىن 2 تىرىليون 760 مىليارد ۋوندىن 4 تىرىليون 320 مىليارد ۋونغا ئۆرلىگەن، سېلىشتۇرما نىسبىتى %56.5 بولۇپ، ئومومىي پايدىنىڭ يېرىمىنى دېگۈدەك ئىگەللىگەن.
بۇ قېتىملىق تۇيۇقسىز يۈز بەرگەن ۋەقەلەر بەلكىم سەنشىڭ گوروھىنى ئۈزۈل- كىسىل مەغلۇپ قىلىشى مۇمكىن. شۇنداق بولۇپ قالسا دۇنيادىكى ئۈچ چوڭ تېلىفون ماركىسى قارتىنى قايتىدىن شىلاشقا دۇچ كېلەمدۇ نىمە؟
ئاۋۋال بىز تۆۋەندىكى ئىككى پارچە رەسىمنى سېلىشتۇرۇپ باقايلى:
ئىلگىرىكى ئۈچ پەسىلدىكى سېتىپ چىقىرىش مىقدارىدىن قارىغاندا، 2015- يىلىدىكى ئالما تېلىفونىنىڭ خىرىسىدىن باشقا، سەنشىڭ يەنىلا ئۈستۈنلۈكنى ئىگەللىگەن، بۇ تېلىفون دېڭىزىدا سەنشىڭنىڭ بۇنداق پۇت تىرەپ تۇرالىشىمۇ ئاسان ئەمەس. ئۇنداقتا بۇ قېتىملىق يۈز بەرگەن ۋەقەدىن كېيىن تېلىفون ساھەسى قايتىدىن قارىت شىلاشقا دۇچ كېلەمدۇ؟
بۇنىڭغا جاۋاپ بېرىشتىن بۇرۇن بىز سەنشىڭنىڭ ئالدىنقى مەھسۇلاتىنى ئانالىز قىلىپ باقايلى. سەنشىڭ گوروھىنىڭ ئالدىنقى مەھسۇلاتى مۇشۇ قېتىملىق پارتىلاش ۋەقەسىنى يۈز بەرگەن Note7 ، ئەگەر بۇ قېتىملىق ۋەقە يۈز بەرمىگەن بولسا بۇ تېلىفون تېلىفون ساھەسىدىكى بايراقدار تېلىفون بولغان بولاتتى. سەنشىڭ گوروھى ئىلىكتىرونلۇق ساھەدىلا ئەمەس، ماشىنا ساھەسى، سېتىش ساھەسى، باغچا، تەنھەركەت قاتارلىق ساھەلەردىمۇ ئىگىلىك تىكلىگەن، يەنە تېخى كورىيە دۆلەت ئىچىدىكى ئەنئەنىۋىي يىمەك- ئىچمەك، گىرىم بۇيۇملىرى، پاراخوت ياساش، خىمىيە سانائىتى ساھەسى، يەنە يېڭىدىن گۈللەنگەن مېھمانخانىلار، ئايروپىلان ئىجارىگە بېرىش، ئىشقىلىپ سىز ئويلىيالايدىغانلىكى ساھەنىڭ ھەمىسىدە دېگۈدەك چوڭقۇر ئىزلىرى بار.
ئۇنداقتا، بۇ قېتىملىق ۋەقەدىن كېيىن، سەنشىڭ گوروھى باشقا ساھەگە يۆتكىلىپ كېتەرمۇ؟
سانلىق مەلۇماتلارغا ئاساسلانغاندا، سەنشىڭ گوروھىنىڭ تېلىفون ساھەسىدىن قىلىدىغان كىرىمى IM تارمىقى (IT بىلەن كۆچمە خەۋەرلىشىش تارمىقى) كىرىمىنىڭ %97 تىنى ئىگەللىگەن. بۇ يىل ئىككىنچى پەسىلدە، سەنشىڭ گوروھىنىڭ ئۇنۋېرسال تىجارەت كىرىمى 8 تىرىليون 140 مىليارد ۋون، IM تارمىقىنىڭ تىجارەت كىرىمى 4 تىرىليون 320 مىليارد ۋون بولۇپ، ئالدىنقى ئورۇندا تۇرغان. شۇڭا سەنشىڭ گوروھىنىڭ تېلىفون ساھەسىدىن چاتاق چىقىشى پۈتكۈل سەنشىڭ گوروھىغا ئېغىر ئەجەللىك زەربە ئېلىپ كېلىدۇ. شۇڭا تېلىفون ساھەسى بەلكىم قايتا قارىت شىلاشقا دۇچ كېلىشى مۇمكىن.
بۇ قېتىملىق ۋەقەدە ئادەمنىڭ دىققىتىنى تارتىدىغىنى، تېلىفوننىڭ باتارىيىسىنى قايتۇرۇپ كېلىش تىزىملىكىدە جوڭگونىڭ ئىسمى كۆرۈلمىگەن. بۇ ئىشتا كورىيە تەرەپ جوڭگو قۇرۇقلۇقىدىكى Note7 تېلىفونىغا سەپلەنگەن باتارىيەنىڭ باشقا دۆلەتلەردىكىگە ئوخشىمايدىغان "ئالاھىدە باتارىيە" ئىكەنلىكىنى بىلدۈرگەن. نۆۋەتتە، كورىيە جوڭگونىڭ باتارىيە بازىرىنى 4 مىليون دانە باتارىيە بىلەن تەمىنلىگەن. قارىغاندا يۈزىگە شاپىلاق خېلىلا ئېغىر تەگكەن ئوخشايدۇ. جوڭگو دائىملا مۇشۇنداق "ئالاھىدە" مۇئامىلىگە ئۇچرايدۇ. مەسىلەن:
ماكدونالىت: ئامېرىكا بازىرىدا ئانتىبىئوتىك توخو گۆشىنى چەكلىدى، لېكىن جوڭگو بازىرىدا داۋاملىق تەمىنلىنىۋاتىدۇ، "ئوخشاش يىمەكلىك، ئوخشىمىغان ئۆلچەم" بۇ زادى قانداق ئىش؟ ئەجىبا ماكدونالىتنىڭمۇ ئوخشىمىغان بازارغا بولغان مۇھەببىتى ئوخشىمامدىغاندۇ؟ ماكدونالىت بۇنىڭغا چۈشەنچە بەرگەندە، جوڭگو سىياسىتىنىڭ ئوخشىمغايدىغانلىقى، پەقەت قانۇندا بەلگىلەنگەن ئۆلچەمدىن ئېشىپ كەتمىسىلا بولىدىغانلىقى، لېكىن ئامېرىكىدا بولسا بۇ يىلنىڭ ئاخىرىدىن باشلاپ، ئانتىبىئوتىك دورىلارنى قەتئىي چەكلىگەنلىكىنى ئېيىتقان. جوڭگو ئىستىمالچىلىرىمۇ بۇنىڭغا قارىتا ھېچنەرسە دىمىگەن، شۇڭا "ئوخشاش يىمەكلىك، ئوخشەمىغان ئۆلچەم" بارلىققا كەلگەن.
مۇشۇنىڭغا ئوخشاش بۇ قېتىملىق تېلىفون ۋەقەسىدىمۇ جوڭگونىڭ مۇناسىۋەتلىك بەلگىلىمىلىرى مۇكەممەل ئەمەس. نۆۋەتتە ‹ھوقوققا چېقىلىش جاۋاپكارلىق قانۇنى›، ‹ئىستىمالچىلار ھوقوقىنى قوغداش قانۇنى› قاتارلىق مۇشۇ ئىككى قانۇن ئارقىلىق بۇ قېتىملىق ۋەقەدىكى ئىشلەپچىقارغۇچىلارنى جازاغا تارتىشقا بولىدۇ، يەنە ‹مەھسۇلات سۈپىتى قانۇنى› مۇ بار. ئۇنىڭدىن باشقا جوڭگونىڭ نۆۋەتتىكى قانۇن بەلگىلىمىلىرىدە تېلىفون ئىشلەپچىقارغۇچىلىرىنىڭ مەجبۇرىيىتى ئېنىق بەلگىلەنمىگەن، ھەم مۇناسىۋەتلىك تارماقلارنىڭ ئىجرا كۈچى ۋە قانۇننى ئىجرا قىلىشىدىمۇ تازا دېگەندەك ئىشەنىچ يوق. مانا مۇشۇنداق ھەرخىل سەۋەپلەر تۈپەيلى جوڭگو ئىستىمالچىلىرىنىڭ ھوقوقى كاپالەتكە ئىگە بولالمىغان. ئۆزىمىزنىڭ دۆلەت نازارەت تارماقلىرىمۇ پۇقرالارنىڭ ھوقوقىنى قوغدىمىسا، قانداقمۇ باشقا دۆلەت ئىشلەپچىقارغۇچىلىرىنىڭ دۆلىتىمىز ئىستىمالچىلىرىنىڭ ھوقوقىنى قوغدىشىدىن ئېغىز ئاچقىلى بولسۇن؟
ئەقلىي ئىقتىدارلىق ياسىمىچىلىق كەسپى كۈنسېرى تەرەققىي قىلىۋاتقان بۈگۈنكى كۈندە، سۈپەت ئۆلچىمى ھەقىقەتەنمۇ بەك مۇھىم، ياسىمىچىلىق كەسپىدە چوقۇم سۈپەتنى بىرىنچى ئورۇنغا قويغاندىلا ئاندىن ئۇزاق مەزگىللىك تەرەققىياتقا ئېرىشكىلى بولىدۇ. سەنشىڭ گوروھىدەك بۇنداق چوڭ كارخانىلارنىڭ دۇنياغا كېلىشىنى ئۈمۈد قىلساق، يېڭى مەھسۇلاتلارنى تەتقىق قىلىش بىلەن بىللە چوقۇم سۈپەت ئۆلچىمىنى چىڭ تۇتۇشىمىز كېرەك.
|