ئوباما ھىلارىنى قوللاشنى مۇراجىئەت قىلدى
سوخۇ تورى خەۋىرى
شۇ يەر ۋاقتى 2016- يىلى 13- سېنتەبىر كۈنى، فىلادىلفىيەدە ئامېرىكا زۇڭتۇڭى ئوباما نۇتۇق سۆزلەپ دېموكراتلار پارتىيىسى زۇڭتۇڭ نامزاتى ھىلارىنى قوللىدى. ھىلارى 11- سېنتەبىر كۈنى نىيۇيورىگدا پائالىيەتكە قاتناشقاندا سالامەتلىكىنىڭ تازا دېگەندەك نورمال بولمايۋاتقانلىقىنى بايقىغان. ھىلارىنىڭ ئامانلىق ساقلىغۇچى ۋە ياردەمچىسى يۆلەپ كېتىۋېتىپ، پىيادىلىكلەر يولىدا ئېھتاياتسىزلىقتىن يىقىلىپ چۈشكەن سىن كۆرۈنۈشى توردا كەڭ تارقالغان. سايلام رىقابىتى باش شىتابى 68 ياشلىق ھىلارىغا 9- سېنتەبىر كۈنى ئۆپكە راكى دەپ دىئاگنوز قويۇلغانلىقىنى ھەم ئانتىبىئوتىك دورا ئىستىمال قىلىشى كېرەكلىكىنى ئېتراپ قىلغان.
جوڭگو ئاخپارات تورىنىڭ 19- سېنتەبىر كۈنى خەۋەر قىلىشىچە، ئامېرىكىنىڭ قارا تەنلىق زۇڭتۇڭى ئوباما زۇڭتۇڭ سايلىمى يېقىنلىشى بىلەن ھېلارىغا بېلەت تاشلاپ ئۇنى قوللىغان.
ئوباما يەنە، ئەگەر ئافرىقا پۇشتىدىن بولغان ئامېرىكىلىقلار 8- نويابىر كۈنىدىكى بېلەت تاشلاشتا ھىلارىنى قوللىمىسا، ئۇنداقتا بۇنى ئۆزىگە قىلىنغان "ھاقارەت" دەپ قارايدىغانلىقىنى ئېيىتقان.
ئېيتىشلارغا قارىغاندا، ئامېرىكىدىكى قارا تەنلىكلەر زۇڭتۇڭ سايلىمىدا كۆپىنچە دېموكراتلار پارتىيىسىنىڭ زۇڭتۇڭ نامزاتىنى قوللايدىكەن.
ئوباما شۇ يەر ۋاقتى 17- سېنتەبىر كۈنى كەچتە ئۆتكۈزۈلگەن دۆلەتلىك نېگىر پارلامېنىت ئەزالىرى فوندى جەمئىيىتىنىڭ كەچلىك زىياپىتىدە ناھايىتى قايناق ھېسيات بىلەن ھەممىگە پايدىلىق نۇتۇق سۆزلىگەن. ئۇ قارا تەنلىك ئامېرىكىلىقلارغا مۇراجىئەت قىلىپ: "سىلەر مېنىڭ بىلەن ياخشى خوشلاشماقچى بولساڭلار، ھىلارىغا بېلەت تاشلاڭلار!" دېگەن. ئۇ يەنە، گەرچە ئۆزىنىڭ ئىسمى زۇڭتۇڭ سايلىمى تىزىملىكىدە بولمىسىمۇ، لېكىن قارا تەنلىكلەر ئىجدىمائىي رايونىغا نىسبەتەن ئىنتايىن مۇھىم بولغان مەسىلىلەرنىڭ، يەنى ئادىللىق، مائارىپ قاتارلىقلار يەنىلا زۇڭتۇڭ سايلىمىدا، دەپ كۆرسەتكەن. ئۇ يەنە جۇمھۇرىيەتلەر پارتىيىسىنىڭ ئاز سانلىق مىللەتلەر رايونى بېلەت تاشلىشىنى قىيىنلاشتۇرىۋەتكەنلىكىنى ئەيىپلەپ: بۇ بىر "دۆلەتنىڭ سەتچىلىكى" دېگەن.
ھىلارىمۇ شۇ كەچلىك زىياپەتتە ناھايىتى قىسقىلا سۆز قىلغان. گەرچە ئۇ سۆزىدە رەقىبى بولغان جۇمھۇرىيەتلەر پارتىيىسىنىڭ زۇڭتۇڭ نامزاتى تىرامىپنى تىلغا ئالمىغان بولسىمۇ، لېكىن بۇ قېتىملىق سايلامنىڭ ئامېرىكىغا نىسبەتەن ئاچقۇچلۇق بىر تاللاش ئىكەنلىكىنى ئېيىتقان.
ھىلارى، ئامېرىكا ھەقىقىي يولغا قويۇشقا بولىدىغان بىر پىلانغا مۇھتاج، "ئۇنتۇلۇپ" قالغان رايوندا جان تالىشىۋاتقان كىشىلەرگە "بىر تەرەپلىمە قاراپ، قورقماستىن" ئەكىسچە ياردەم قىلىشىمىز لازىم، دېدى.
بۇ يىلقى ئامېرىكىنىڭ قارا تەنلىكلەر زىياپىتىدىمۇ ھىلارىنىڭ تۇنجى قېتىملىق ئايال زۇڭتۇڭ نامزاتى بولغانلىقىنى تەبرىكلىدى.
|